|
كلام الطير فى الباقير
|
معظم السودانيين يعرف هذا المثل وتداوله ، وكل من تداوله يعرف المعنى المقصود به عندما يذكره وهو بمعنى ( كلام غير مفهوم أو كلام لا يستفاد منه ) ولكن القليل جدا هو من يعرف سبب ذكر هذا المثل واغلب الظن هم أهل الباقير شرق والعيلفون و ما جاورهما من مناطق شرق النيل وقد تعرفت في أواخر الثمنينات على الأخ / بابكر السر مضوى وبمجرد ما عرفت انه من العيلفون وله علاقة بالباقير سألته عن سبب هذا المثل وقد ذكره لي ولكن مع مرور السنين نسيته ولكن على ما اذكر له علاقة بالزراعة والأشياء التي توضع في الحواشات لحمايتها من الطيور .
عموما البعرف يورينا سبب هذا المثل ؟؟؟؟؟؟؟؟؟؟
ونبدأ حلقتنا اليوم من برنامجكم ( الشروق مرت من هنا )
أحمد العمار
|
|
|
|
|
|
|
|
Re: كلام الطير فى الباقير (Re: احمد العمار)
|
المقصود بـ ( مرفعين الفقراء ) هنا ذلك الشيخ الذى يطلق عليه اسم مسجد شهير بام درمان حى العباسية ( جامع مرفعين الفقراء)
فمن اين جاءت هذه التسمية ؟؟
هناك اسئلة كثيرة عن مواقع واحياء واشياء اخرى .
أحمد العمار
| |
|
|
|
|
|
|
Re: كلام الطير فى الباقير (Re: khaleel)
|
Quote: الطاوية حبالها دي شنو |
بيقولوا للزول ( تجيك الطاوية حبالها) يعنى الشغلة فيها ضرر .
طوالى ذكرتنى ( ميدان عقرب ) ليه سمو ميدان عقرب ؟؟
مع مودتى يا خليل
أحمد العمار
| |
|
|
|
|
|
|
Re: كلام الطير فى الباقير (Re: احمد العمار)
|
انا كنت متابع من بدري و حتي الان ما لقيت تفاسير لكثير من المقولات و الامثال التي احتوت علي اسماء لاشخاص و اماكن
مثال : - يحلك الحلة بلة
بلة ده منو و انحلي من شنو جلدة مثلا ؟
| |
|
|
|
|
|
|
Re: كلام الطير فى الباقير (Re: adam alamar)
|
Quote: مثال : - يحلك الحلة بلة |
الاخ / أدم فى ناس باكملوها ( يحلك الحلا بلة من قيد والمزلة )
يعنى هو اتحلا من القيد والمزلة لكن هو منو ؟؟؟ ننتظر الاجابات
اشكرك على المرور
أحمد العمار
| |
|
|
|
|
|
|
Re: كلام الطير فى الباقير (Re: احمد العمار)
|
الحبيب احمد العمار محبتى معلوماتى ضعيفة للاسف عن التسمية لكن البعرفوا انه مرفعين الفقرا دا عنده جامع فى حى العباسة ومن قمنا لقيناهو لكن احولك للخال عصمت العالم فرغلى لانه من نفس المنطقة وبعرف اكتر منى عشان ما اقوم اكتب ليك كلام (0ساكت ) او زول تانى اسمه علاء الدين منصور (تمبس ) دا برضو زول مرجع فى الحلة الاسمها العباسية
قصرت معاك ودامى
| |
|
|
|
|
|
|
Re: كلام الطير فى الباقير (Re: سلمى الشيخ سلامة)
|
اختى الحبيبة / سلمى تحياتى اشكرك على الحضور ( يعنى الاستدعاء جابك) والله ما قصرتى وجودك براهو كفاية ، يلا ننتظر الجماعة ديل
بالمناسبة :انا زوجتى من العباسية ما عندها خلفية عن الموضوع .
مرة حكت لى ان فى احدى النساء جات من خارج ام درمان لناس فى العباسية اها وصفو ليها البيت بجامع مرفعين الفقرا لمن وصلت العباسية نست الاسم اها بقت تسأل الناس عن ( جامع تمساح الفقرا ) ناس الحى طوالى عرفوا قصدها مرفعين الفقرا ، ومن اليوم داك اصبحت نكتة
اشكر مرورك
أحمد العمار
| |
|
|
|
|
|
|
|