|
للحلاوي ودكين وعثفور الجنة وتمبس..
|
شوفو الشعر هنا ولا بلاش وشعر مفيد كمان شعر عجيب أياذا القلب لا تحزن فذاك الحب Infection فلن تجدي عقاقير ولن تشفيك Injection فكم من عاقل فطن مضى بالحب Direction ستنكره وتنساه ولن يبقى له Mention فلا تنظم له شعراً ولا تكتب له Section ولا يحزنك من باعك فقد أخطأت Selection ولا تبدي له أسفاً ولا تبدي له action فإن الحب منزلةٌ لبعض الناس exception فبعض الناس إن هجروا فلا حزنٌ ولا tension وبعض الناس إن هجروا يظل ويبقى connection فوصل الروح له فعل وما أحلاه reaction بدعوات بقلب دجى لها أثر و affection فان لم يبق لي شيئ فلا حب و لا Passion فلا أسف على دنيا لك وعليك conversion
ما تحته خط لدكين
بمناسبة مرور عام على المدونة ودخول اكثر من 6000 زائر http://bayan07.maktoobblog.com/
|
|
|
|
|
|
|
|
Re: للحلاوي ودكين وعثفور الجنة وتمبس.. (Re: د.نجاة محمود)
|
الاخت الفاضلة الدكتور بيان
تقديري وإحترامي سيدتي ،،،،
بصراحة كده ، صاحبتك دي قلبت فيها الهوبا ،،، بالله خليها تجيب لينا كم وحده من النوعية دي علشان تعطر لينا أجواء المنبر المعكرة دي .
مودتي
عماد
عماد محمود في تضامنه مع الدكتورة بيان ضد الإساءة وإشانة السمعة والتشهير.
| |
|
|
|
|
|
|
Re: للحلاوي ودكين وعثفور الجنة وتمبس.. (Re: د.نجاة محمود)
|
العزيز نجاة.. اراكي قد حزنتي لما اصابني مؤخرا جراء حسن ظني في بنات السودانيين.. ما تشيلي همي وحسي بين المنابر فانا لو لم يخب ظني فيهن لخاب ظني..
كما واسعدني زيارة المدونة..والتعليق عليها فهي بجانب ما تحفل به من نصوص إبداعية لقيت انو صورتك ذاتا حلوة.. انتو قصتك شنو انتي ودومة.. حلاوة اخر العمر دي؟؟
| |
|
|
|
|
|
|
Re: للحلاوي ودكين وعثفور الجنة وتمبس.. (Re: DKEEN)
|
Quote: انتو قصتك شنو انتي ودومة.. حلاوة اخر العمر دي؟؟ |
آخر العمر شنو ياخي نحنا في البرايم تايم تعرف لما جينا نكتب قررنا نخش انا بشخصية الخالة وزينب عديل حبوبة قلنا الناس حتحترمنا وتوقرنا.. اللدي بالله طلع الرجل السوداني كجنتو العجوز القاعدة برة. اها اي زول يداوس فينا ويكفت فينا بلا مغصة..
Quote: انو صورتك ذاتا حلوة.. |
زرزورة بتي عندها قصة سمحة بعد امتحنت الجامعة قلنا نمشي السودان نقعد فترة كويسة عشان تعرف البلد اها يوم جات تشكر في السودان والسودانين وانهم بيشكروا الزول وبرفعوا معنوياته حتى لو ما بعرفوه.. سالنها من اس الحكاية قالت في شاب قاليها يا عسل انت اها سالتو انت قاصدني انا قاليها ايو يا عسل قالت ليه شوكراااااااااان شديد.. ياخي شوكران شديد..(وش فرحان)
| |
|
|
|
|
|
|
Re: للحلاوي ودكين وعثفور الجنة وتمبس.. (Re: لؤى)
|
Quote: الهندي قال : ((الله في صبر شويّة الحين بس بعدين لو إنت سوّي مشاكل بعدين الله في كلام تاني)) |
لووووووووووول يا لؤي دي مبالغة
كيف عامل والولدة والاهل؟
بالله عايزين اغنية الود... مع المودة..
| |
|
|
|
|
|
|
Re: للحلاوي ودكين وعثفور الجنة وتمبس.. (Re: فيصل نوبي)
|
دخلت للمدنة وللاسف لأول مرة حسسع دي .. عادت بي المدونة إلى عهد (الحداسة) البوردية .. وبعض من الشعراء الخنفشارية .. عليه سرني ما قرات من نقد ذاتي .. وايدلوجية عالية التكنينك .. وبعض الاهداءات المتفرقة للوغد دكين في ايام صبابته
القصيدة الافتتاحية للبوست من يـاتو بحــر يا دكتورة ..؟
| |
|
|
|
|
|
|
Re: للحلاوي ودكين وعثفور الجنة وتمبس.. (Re: tmbis)
|
Quote: سرني ما قرات من نقد ذاتي .. وايدلوجية عالية التكنينك |
غياتو مخير يا تمبس كان دقست وشالتك الهاشمية بتاعة الصدق الثوري الناس دي بقت شاماك شديد بكرة بنلقى كراسك معلق هنا.. تكتبو ساكت ناسين المرقة... قرقرقررررر ياخي مشتاقين عديل كدا... بقيت ملك الدواس في البورد
| |
|
|
|
|
|
|
Re: للحلاوي ودكين وعثفور الجنة وتمبس.. (Re: د.نجاة محمود)
|
الشيخ الحلاوي اظنو مشغول في الطقطقة العراقية التي لم تنتهي.. بس البعرفو انو الزول غندل .. وعايز يعرس بت سغيرة من الكواعب الاتراب.. نيابة عن الحلاوي..نتقدم بالشكر على الاهداء اللطيف من زولة لطيفة عند اللزوم ومفترسة عند لزومات اخرى..
طيفور الجنة الرسام اظنو جنة.. انا افتقد هذا الرجل بصح وصحيح.. لازلت احتفظ له برسمٍ خليع ماجن.. بس فيهو من دقة التصوير ما يُدهش.. وادهش الرسم ما كان ماجناً..
| |
|
|
|
|
|
|
Re: للحلاوي ودكين وعثفور الجنة وتمبس.. (Re: Elawad)
|
ــــــــــ د.نجاة محمود لكِ السلام والرحمة:
Quote: مرور للتحية و زي ما قال أخونا هارون عقبال 1000 سنة و مليون زائر. |
وكامل تضامني معك في حملتك يا الدكتورة نجاة ضد الإساءة وإشانة السمعة والتشهير.
تقديري وإحترامي
| |
|
|
|
|
|
|
Re: للحلاوي ودكين وعثفور الجنة وتمبس.. (Re: ABUHUSSEIN)
|
Quote: أياذا القلب لا تحزن فذاك الحب Infection فلن تجدي عقاقير ولن تشفيك Injection فكم من عاقل فطن مضى بالحب Direction ستنكره وتنساه ولن يبقى له Mention فلا تنظم له شعراً ولا تكتب له Section ولا يحزنك من باعك فقد أخطأت Selection ولا تبدي له أسفاً ولا تبدي له action فإن الحب منزلةٌ لبعض الناس exception فبعض الناس إن هجروا فلا حزنٌ ولا tension وبعض الناس إن هجروا يظل ويبقى connection فوصل الروح له فعل وما أحلاه reaction بدعوات بقلب دجى لها أثر و affection فان لم يبق لي شيئ فلا حب و لا Passion فلا أسف على دنيا لك وعليك conversion
|
والله شغل نضيف يا دكتورة ، وشوق شديد والتحية للاسرة
| |
|
|
|
|
|
|
Re: للحلاوي ودكين وعثفور الجنة وتمبس.. (Re: ترهاقا)
|
سلام كتير ومشتاغوووون يا بيان (لم نتعود بعد على الأسم الجديد)
حمد الله على سلامة الشوفة .. شايفك ظهرتى و مسخنة شوية .. بس ما تتعبى نفسك كتير فالكل هنا يدرك الغث من الثمين .. فكيبوردات كثر هنا محتاجة لصون و صيانة .. و لولا فوبيا الدواس التى أعانى منها .. لرأيتينى أحمل عكازى المضبب و لامّى فى بعض الكيبوردات كسر لى الليفة
ألف شكر على هذا الأهداء الجميل .. فمثل هذا الجمال يدخل ضمن مرحلة ما بعد الخنفشارية .. و مسرور جدا لشملى مع الجميلين ديل .. الوغد دكين .. هو وغد و السلام .. و أخونا تمبس الرافع ضغطو فى اللمايسواش .. أمّا صديقنا طيفور "عثفور الدنّـة" لا لنملك إلا أن نقول له أبشر بطول سلامة يا مربع مادمت تغرد خارج سرب طائرات المنبر المقاتلة .. فمثل هذا الجو لا يشبه جميلا مثله .. بالأضافة لذلك .. و هذة جملة لا تخلو منها خطاباتنا الرسمية .. لم تعد الأخت عالية تزيّن المنبر بأشعارها .. أمّـا هذا الوغد دكين فما عندو قشّة مرّة .. فمناسيبة قد ترتفع أو تنحفض تبعا لحركة الشط
القصيدة ذات القافية النونية .. فيها توليفة عجيبة .. و سألت نفسى بالعراقية "إيشلون رهّـمها ها الشاعر" .. رغم إدراكى الفقير بالشعر .. فنونيتها كاربة جدا جدّن .. حتّى أن وزن الأنجليزية بها مدوزن و لا يشكو من خلل موسيقى
و كمان بقيتى تدونى من ورانا ?! .. ألف مبروك المدونة .. لولا الوقت ليلا فى بغدادنا لقرضت إرشيفها و أدراجاتها .. لكننى لمحت هذا الوغد و خفت أن ترهقة مشاوير شراء الكبريت .. فقولى لهذا الوغد .. من لم يمت بالحب قتـله "الأسكناننق" .. فبطـّل الأسكاننق و أرمى بروحك لمن تسكن إليها.
| |
|
|
|
|
|
|
|