يقول إعلام الإنقاذ أن المهاجمين روعوا المواطنين ومارسوا أعمال السلب والنهب الجواب كان من التلفزيون السوداني ، ظهرت سيدة سودانية ذكرت للتلفزيون السوداني أنها ضربت المهاجمين " بالشبشب " ، هذا يدل على آصالة المهاجمين وإحترامهم للمرأة ، فالشيء المعروف في هذه الحالة أن يضغط أحدهم على الزناد فقط فتفر هذه السيدة الشجاعة وهي لا تلوى على شيء ، هذا السيدة أثبتت أن جنود حركة العدل والمساواة لم يهاجموا المدنيين كما جاء في وصفها لإعتقال أحدهم . مواطن آخر، صاحب دكان ، ذكر للفضائية السودانية أن جنود العدل والمساواة دفعوا له مبلغ بالعملة الصعبة أكثر من المطلوب مما جعله يشك فيهم فبلغ السلطات والتي أتت فأعتقلتهم ، هذا يدل على أن المهاجمين لم يمارسوا السلب والنهب ، ففي كيغالي أو بونجمبورا لا يتقيد المحاربون بأصول البيع والشراء ، بل يهجمون على التاجر ويردونه قتيلاً ثم يأخذون ما يريدونه من أغراض . ضابط سوداني أعترف في الفضائية السودانية أعترف بأنهم قتلوا كل أسير قبضوا عليه ، ثم جاءت تقارير تفيد أن في حوزة السلطات بعض الأسرى يصل عددهم إلي 500 أسير . ذكرت الفضائية السودانية أن د.خليل قد أستخدم مرتزقة تشاديين جلهم من الأطفال ، لكن إعلام الإنقاذ يقول الآن أن كل هؤلاء الأطفال سودانيين ، فوفرت لهم الأستاذة/سامية أحمد محمد السكن والملبس النظيف ، t shirt ، كرة قدم ، علاج طبي ، مسجد نظيف ، مما جعل كل طفل في دارفور يتوق لدخول أمدرمان في الهجمة القادمة حتى يحظى بهذا الإهتمام .
06-02-2008, 10:37 AM
محمد عادل محمد عادل
تاريخ التسجيل: 07-19-2006
مجموع المشاركات: 14734
Quote: من جانب آخر كشف المصدر الامني المأذون تفاصيل جديدة ومثيرة ومذهلة حول تفاصيل فشل الهجوم على ام درمان وقال المصدر : المؤشرات الأساسية لفشل الهجوم بدأت (بأم جرسي) حيث ان المهاجمين قبل تحركهم عقدوا أول اجتماع تنويري حول التحرك، حيث قام د. خليل ابراهيم بتنوير القادة الذين وصل عددهم الى ثمانية. واضاف المصدر : ان نصف هذا العدد قد اعترض بشدة على الذهاب للخرطوم ووصفه بالانتحار. وقال المصدر ومن ابرز الذين عارضوا هذا الاتجاه كان احمد ادم بخيت الذي غالبا ما يكون قد قتل في معركة جسر الانقاذ وتفحمت جثته ضمن اخرين، والمعارض الثاني كان هو محمد بحر والذي وصف الخطوة بالانتحار، وكانت المفاجأة الثالثة هي اعتراض الجمالي حسن جلال الدين الذي تم قتله بغرب ام درمان. واضاف المصدر بأن اكثر المتشددين لتنفيذ الهجوم كانا خليل ابراهيم وسليمان صندل اما البقية فقد وقفوا بين مؤيد ومعارض بما يشبه المناصفة ودار هرج ومرج في الاجتماع وقام خليل ابراهيم برفع الاجتماع. واضاف المصدر : ثم بدأ تحرك المهاجمين لجبل عيسى حيث انضم اليهم بعض الناس وعقد الاجتماع الثاني بدون فتح باب للنقاش حيث استطاع خليل وسليمان صندل وبعض القادة الاخرين فرض قرار الهجوم على العاصمة ثم بدأوا التحرك. وقال المصدر الأمني : واذا عدنا لقبائل القيادات الثلاث الذين تحفظوا على الهجوم ثم شاركوا فيه من بعد نجد ان الجمالي من قبيلة الميما اي (ميمي) واحمد ادم بخيت من (البرتا) اي (برتاوي) ومحمد بحر مسيري. واضاف : ومن الملاحظ ان من ضمن اسباب فشل المخطط هو تمييز القيادات والقواعد من ابناء الزغاوة على الآخرين، حيث ان تسليح قادة وابناء الزغاوة والعربات ووسائل الحركة التي تم توفيرها لهم تختلف تماما عن تسليح وعربات واجهزة اتصالات المنتمين من المهاجمين لقبائل اخرى، وحتى الاتصالات بالاجهزة اللاسلكية والاخرى المربوطة بالاقمار الصناعية كانت محصورة على ابناء الزغاوة من المهاجمين، وحتى الاتصالات بينهم تتم بلغة الزغاوة، فيما كان الاخرون من غير ابناء الزغاوة يستخدمون الهواتف الثريا. وكشف المصدر الأمني المأذون : بأن خليل ابراهيم وسليمان صندل اختفيا بصورة مفاجئة ليوم واحد من 7 - 8 مايو الماضي مما احدث شكوكا عميقة وسط المهاجمين وقد تم ايهامهم بان خليل قد ضل الطريق بالرغم من وجود دليل معه وجهاز اتصال مربوط بالاقمار الصناعية. واضاف المصدر : بان هذه الشكوك تركت القوة بدون قيادة موحدة وعند دخولهم لام درمان تشتتوا وتاهوا داخل الاحياء وكان ذلك واحد من الاسباب الرئيسية لهزيمتهم حيث هزموا نفسيا منذ البداية وفقدوا القيادة.
هذا التحليل يتحدث عن إنتخابات تم إجراؤها قبل الهجوم على أمدرمان وعامل الوقت لا يساعد على ذلك ، ويتحدث عن نسب إثنية داخل المجموعة المهاجمة ، هذا يتضارب مع رواية الإعلام السوداني بأن المهاجمين كلهم ينحدرون من قبيلة الزغاوة ، والتضارب الثاني أن وهو الزعم أن المهاجمين تحركوا من مدينة أبشي في شرق تشاد ، وفي حوزتهم جهاز رصد فضائي ، زودتهم به دولة أجنبية ، مما ساعدهم على التحرك بسهولة ودخول أمدرمان ، والشيء الأخير هو خطاب د.خليل إبراهيم الذي عرضه تلفزيون بي.بي .سي حيث كان الشعار : كل القوة خرطوم جوة ..أي أن الجميع يعرفون أن الهدف هو الخرطوم
06-02-2008, 11:19 AM
عبود عبد الرحيم عبود عبد الرحيم
تاريخ التسجيل: 03-14-2008
مجموع المشاركات: 5434
الاخت سارة ... انت تنصبين نفسك محللة لقراءة حدث لذلك كنت اتمني أن تواصلي موضوعيتك ــ سواء أختلفنا أو اتفقنا علي التحليل الذي كتبيتيه ــ
Quote: هذا يدل على آصالة المهاجمين وإحترامهم للمرأة
موافقين ...
Quote: هذا يدل على أن المهاجمين لم يمارسوا السلب والنهب
نبصم بالعشرة ...
Quote: ذكرت الفضائية السودانية أن د.خليل قد أستخدم مرتزقة تشاديين جلهم من الأطفال ، لكن إعلام الإنقاذ يقول الآن أن كل هؤلاء الأطفال سودانيين ،
عداك العيب ...
Quote: فوفرت لهم الأستاذة/سامية أحمد محمد السكن والملبس النظيف ، t shirt ، كرة قدم ، علاج طبي ، مسجد نظيف
معلومة حلوة ...
Quote: مما جعل كل طفل في دارفور يتوق لدخول أمدرمان في الهجمة القادمة حتى يحظى بهذا الإهتمام .
بس هنا فارقت الموضوعية وانحرفت عن مجري التحليل الرائع ... لماذا لا يندرج ما قامت به الاستاذة الفاضلة الوزيرة سامية تحت باب الاصول الذي منحتيه لجنود الحركة؟؟؟ لماذا هنا فقط يكون ما قامت به الاستاذة سامية مدعاة للمزيد من العنف والقتال والهجوم الجديد؟؟ لماذا لا يكون ما قامت به الاستاذة سامية عمل اصيل يساعد هؤلاء الاطفال للاندماج في المجتمع ويكشف لهم ولعقلهم الطفولي البريء زيف ادعاءات خليل ومن شايعه بوجود تفرقة عنصرية وأن ابناء دارفور لا يجدون الاحترام والتقدير والرعايا من الدولة ممثلة في قمتها الاجتماعية الاستاذة الفاضلة سامية احمد محمد ؟؟ مالك يا سارة عيسي ؟؟ كيف تنظرين ثم تحكمين ؟؟
أخي عبود أنها قامت بهذا العمل من باب الدعاية السياسية وليس حرصاً على سلامة الأطفال ، وما قامت به هو تكتيك سياسي محلي حبذ أصحابه الإستثمار في المحنة .. فكيف نعرف أن هؤلاء المعنين هم بالفعل قد شاركوا في الهجوم على أمدرمان ؟؟ ،و تخيل لو أنها قامت بهذا العمل في معسكرات النازحين في دارفور ، عندها لن نكون في حاجة إلي دخولهم أمدرمان ، كنا في غنى عن هذه المعارك وفقد الأنفس والأرواح ، كنا سنقضي على الحرب وهي في المهد ، وحتى الآن لم تطرح لنا سعادة الوزيرة كيف ستطبق هذا البرنامج الطموح في دارفور ، كرة لكل طفل عوضاً عن البندقية ، وعراقي أبيض عوضاً عن الزي العسكري ..أم أن هذه الرعاية خاصة فقط بالذين يأتون على صهوة الكروزر إلي أمدرمان ؟؟أشك أن تكون وزيرة الشئون الإجتماعية تعرف حجم المعاناة في دارفور ، فهي لم ترى هذه المنطقة إلا من خلال الفضائية السودانية .
06-02-2008, 12:41 PM
عبود عبد الرحيم عبود عبد الرحيم
تاريخ التسجيل: 03-14-2008
مجموع المشاركات: 5434
Quote: أنها قامت بهذا العمل من باب الدعاية السياسية وليس حرصاً على سلامة الأطفال ، وما قامت به هو تكتيك سياسي محلي حبذ أصحابه الإستثمار في المحنة
الله وحده علام الغيوب ... لم يدخل احد في قلب الاستاذة سامية ليعرف ان ما قامت به من سبيل الدعاية السياسية ... اذا لنا بالظاهر من الاشياء ...
Quote: فكيف نعرف أن هؤلاء المعنين هم بالفعل قد شاركوا في الهجوم على أمدرمان ؟؟
عرفنا من حديثهم للتلفزيون والاذاعة .. هم انفسهم قالوا بذلك .. انتي اذا عندك دليل علي انهم لم يشاركوا ... فاظهريه لنا ...
Quote: ،و تخيل لو أنها قامت بهذا العمل في معسكرات النازحين في دارفور ،
كل محاولات الرعاية باطفال وتعمير دارفور كانت تصطدم بتخريب (المسلحين) الذين يروعون امن المواطن هناك ...
Quote: أم أن هذه الرعاية خاصة فقط بالذين يأتون على صهوة الكروزر إلي أمدرمان
ما هذا التناقض .. أختي سارة .. قبل قليل شككت في انهم مشاركين في الهجوم علي ام درمان ..
Quote: ؟؟أشك أن تكون وزيرة الشئون الإجتماعية تعرف حجم المعاناة في دارفور ، فهي لم ترى هذه المنطقة إلا من خلال الفضائية السودانية .
لا يا سارة ... انتي هنا برضوت انحرفت عن الموضوعية ... الاستاذة سامية وأجهزة وزارتها المساعدة سجلوا حضورا متواصلا في دارفور عبر البرامج التي تعثرت بسبب (المسلحين) أو في اطار زياراتها الرسمية من خلال موقعها القيادي في الجهاز التنفيذي والسياسي للحزب الاكبر .. أقعدي عافية
معظم مناطق السودان أصبحت مناطق شدة ، إما تعيش ظروف حرب أو تمر بأوبئة مميتة ، هذا هو قدر الناس في السودان ، وزارة الأستاذة/سامية تعمل في الخرطوم فقط ، وهذه هي المرة الأولى التي تتبنى فيها وزيرة الشئون الإجتماعية قضية بهذا الشكل ، فالعاصمة الخرطوم تعج بالمشردين وأبناء الشوارع واللقطاء الذين يهيمون في الأرض بلا رعاية ، نعم الآن عالجت السيدة/الوزير أمر 89 طفل ..فما هو مصير الأطفال الباقين وكم عددهم..في الخرطوم فقط ؟؟ لماذا الحظوة فقط لأطفال حركة العدل والمساواة ؟؟ الغرض من هذه الخطوة هو تشويه صورة الحركة أمام المنظمات الدولية ، والغرض من الإحتفاء بهؤلاء الأطفال هو فرض عقوبات على حركة العدل والمساواة من قبل المجتمع الدولي الذي يحظر إستخدام الأطفال في الأنشطة العسكرية ، وبالفعل تمت دعوة اليونسيف لهذا الإحتفال . أما إعترافات الأطفال أمام وسائل إعلام الحكومة فهي تمت تحت النعذيب وقد رأينا الدم يسيل من أنوفهم وفمهم ، تعرضوا للضرب الشديد ، تحت هذا الظرف لا يمكن أن نرتهن لإعترافاتهم ، فالمحاكمات العادلة هي التي تضعنا أمام الحقائق .
06-02-2008, 12:18 PM
A.Razek Althalib A.Razek Althalib
تاريخ التسجيل: 12-12-2004
مجموع المشاركات: 11818
فقد كان الإعلام إرتجالياً ، تُرك المجال للمذيعين لممارسة الإعلام الحربي من غير وضع حدود حمراء لا يمكن تجاوزها حتى في وقت الحرب ، لم تكن هناك رؤية إعلامية واضحة لإدارة الحرب ، فعندما تروج أن المهاجم هو تشادي فهذا يتطلب حسم المعركة وهي في الحدود وليس في أمدرمان ،كما ينبفي إعلان الحرب المفتوحة ضد تشاد ، فالقانون الدولي في هذه الحالة يكفل للسودان حق الرد ، إعتقال الدكتور الترابي نفى شبهة إرتباط المهاجمين بتشاد، حيث عُرف عن الترابي عدم إعتماده على قوى إقليمية للوصول إلي الحكم، بل القوى الإقليمية هي التي أزاحت الترابي ، الإرتباك بدأ في التعرف على هيئة خليل إبراهيم ، صورة د.خليل إبراهيم وهو مطلوب والتي بثها التلفزيون السوداني لا تشبه صورته وهو بالزي العسكري ، كما أن الإرتجال جعل المذيع يضع ثلاثة اصفار على قيمة الجائزة ، فإعلان الجائزة لرأس خليل جعل النظام يخسر الحرب المعنوية ضد د.خليل ، فقد دل أن السلطات عاجزة عن الوصول إليه ولا تملك غير المال لتحديد مكانه وهذا يُعتبر فشل أمني ، وثمن الجائزة جعل د.خليل يتقدم إعلامياً على الحكومة بحكم أنه هو الشخص المطلوب فتسابقت كل القنوات الفضائية لإجراء حوار معه بسبب ضيق الظرف الأمني المحيط به ، وبالفعل أستخدم د.خليل هذه الدعاية المجانية التي وفرتها له وسائل إعلام الإنقاذ لشرح وجهة نظره في هذه العملية . كما خسر إعلام الإنقاذ الشق المحايد من أهل دارفور ، فالفضائية السودانية صورت النزاع بأنه صراع هويات بحكم أن كل الضيوف الذين تم إستقصاء أرائهم كانوا من الشمال فأنساقوا لنظرية أن المهاجمين هم تشاديين ، هذه الهوة يحاول الحزب الحاكم تجاوزها الآن ، بالأمس وللمرة الأولى أحس أن خطاب الرئيس البشير يطرق نقطة حساسة وهي الإعتزاز بالهوية السودانية دون سواها ، بل دعوات الرئيس البشير أمس لبناء السودان الجديد جعلته عدل ومساواة من منطلق آخر حاول من خلاله رتق النسيج الإجتماعي المتبقى داخل الأمة السودانية ، في مؤتمره أمس جلب حزب المؤتمر الوطني نساء من دارفور وكردفان والجنوب لتسويق فكرة أنه حزب لكل السودانيين ، صحيح أنها محاولة يائسة وظهرت في الوقت بدل الضائع وكلنا رأينا كيف قام حزب المؤتمر بإبتداع بيعة القبائل للكسب السياسي مما جعل البلاد تقف على شفير الحرب الأهلية ،
06-02-2008, 11:55 AM
Siham Elmugammar Siham Elmugammar
تاريخ التسجيل: 06-18-2004
مجموع المشاركات: 3488
Quote: لماذا لا يكون ما قامت به الاستاذة سامية عمل اصيل يساعد هؤلاء الاطفال للاندماج في المجتمع ويكشف لهم ولعقلهم الطفولي البريء زيف ادعاءات خليل ومن شايعه بوجود تفرقة عنصرية وأن ابناء دارفور لا يجدون الاحترام والتقدير والرعايا من الدولة ممثلة في قمتها الاجتماعية الاستاذة الفاضلة سامية احمد محمد ؟؟ مالك يا سارة عيسي ؟؟ كيف تنظرين ثم تحكمين ؟؟
الاخ عبود سلام و تحيه..عداك العيب
لماذا اهتمام الاستاذه الفاضله ساميه بالاطفال الذين شاركو فى الهجوم؟؟؟؟ ما الفرق بينهم و بين الاطفال الذين اتو الخرطوم مقطعى الايدى.. مقطعى الارجل ...يتامى ... عرايا,,, من كل بقاع البلد الموجوع؟؟؟ لماذا لم يستحقو مثل هذا العمل الاصيل و الاحترام والتقدير والرعايا من الدولة ممثلة في قمتها الاجتماعية الاستاذة الفاضلة سامية احمد محمد ؟؟
06-02-2008, 07:48 PM
محمد فرح محمد فرح
تاريخ التسجيل: 09-14-2006
مجموع المشاركات: 9222
Quote: للكسب السياسي مما جعل البلاد تقف على شفير الحرب الأهلية ،
يا خال لا فرق بين مقالك والحرب الاهلية التي تتنمي من صميم قلبك ان تولع ،لان مقالك فيه كثير جدا من الفتن والنعرات القبلية فوصلت في النهاية الي قيام حرب اهلية هل هذه الحريات التي تنادون بها؟؟؟؟؟ اما هذا العدل والمساواة التي تنشدونها بقيام حرب اهلية؟؟؟؟؟ بئس ما ذكرت وبئس ما تتنمي يا خال!!!!! ولا يحيق المكر السئ الا باهله ..........وانت من اهله....
06-02-2008, 11:37 AM
عمر التاج عمر التاج
تاريخ التسجيل: 02-08-2008
مجموع المشاركات: 3422
السيدة ام شبشب دي حاولت تضرب المتمرد بعد ما جدع السلاح وجرى يدسة والتاجر ده بلغ عن المندسين بعد هروب الورل العشاري خليل يعني الأحداث المذكورة لا تعبر عن لحظات دخول الغزاة. أما المحاربين القصر ديك فقد أبدلهم الله ثياباً بيضاء داخل الخرطوم بدلاً عن الكاكي القذر الذي ألبسهم له خليل في معسكرات تشاد.
06-02-2008, 11:54 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: هذا يدل على آصالة المهاجمين وإحترامهم للمرأة ، فالشيء المعروف في هذه الحالة أن يضغط أحدهم على الزناد فقط فتفر هذه السيدة الشجاعة وهي لا تلوى على شيء ، هذا السيدة أثبتت أن جنود حركة العدل والمساواة لم يهاجموا المدنيين كما جاء في وصفها لإعتقال أحدهم.
.. ياخـال .. إنت مهاجمينك ديل عليك الله كانوا عارفين الراجـل من المرة ..؟ ياخي ديل قاليك بيسالو في الجماعة المتاار وين؟ .. وهم لافين في شارع العرضة .. بعدين فالفترض انو زولتك دي مستنيرة للدرجة البتخليها تثبت أنو ناس العدل والمساواة ديل ما مرتزقة .. اهـا رافعة ليهم الشبشب لييه ..؟ ما كان تقعدهم في الصالون .. وتفتح ليهم بيبسي وتسوقهم الشارع تهتف بيهم .. المرة الجاية لو عندكم فكرة تدخلو امدرمان دي انا بقترح انك تشيل شبشبك يا خال وتمشي مع الجماعة ديل .. الشبشب طبعا ما ليك .. إنت شبه شباشب .. يـا .. دا؟
06-02-2008, 02:17 PM
Siham Elmugammar Siham Elmugammar
تاريخ التسجيل: 06-18-2004
مجموع المشاركات: 3488
Quote: الاخ العزيز تمبس سلام و تحايا كتيييييرات عيلا مسؤل من الخير النميرى الفوقنا شنو؟؟ اوع تكون طلعت مايوى كمان؟؟؟ اتخيل لى بالطريقة دى تكون كترت المحلبيه بالحيل!!!! سلام مربع
الخت العزيز سهام المجمــر كيف اخبارك ..؟ تعرفي إنت من البسيطين جدا الفضلو هنا انو الواحد يعمل ليهم تقدير .. دا على الاقل بالنسبة لي وجهة نظري المتواضعة خالص.. لذلك .. وزي ما شايفه .. في ناس كتيرة هنا دا معجبة بي الرئيس القائد جعفر نميري ومعلقة صورو وانا واحد منهم في كتيرين جدا معجبين بي خليل منو كدا ما عارف ... وكل واحد شايل بندقيتو وحايم .. في كتيرين جدا ما معجبين بي اي زول .. وقاعدين ساكت..
Quote: إنت مهاجمينك ديل عليك الله كانوا عارفين الراجـل من المرة ..؟ ياخي ديل قاليك بيسالو في الجماعة المتاار وين؟ .. وهم لافين في شارع العرضة .. بعدين فالفترض انو زولتك دي مستنيرة للدرجة البتخليها تثبت أنو ناس العدل والمساواة ديل ما مرتزقة ..
اخوي تمبس ما عيب تختلف المواقف ولكن العيب السخرية من لهجة اهلنا
معظم اهل السودان عجم
** امس كتبت بوست قلت فيهو نعدل باجهزة طبية، السنة ناس الغرب لتكون مثل لسان ناس المركز الزملاء ما خلوني اتم كلامي وخلوني امسح البوست.
اها انتو ناس المركز ما عاجبكم لسانا الاعوج ... ودي بلدنا.. نعمل شنو ونمشي وين ؟ كدي قول لي يا اخوي؟
أخي زول واحد انتا عارف ليه تمبس خلع صورته الشخصية ووضع مكانها صورة المقبور النميري ؟؟ انا علقت على مظهره الأفريقي فخجل فدس صورته الأصلية ووضع مكانها صورة الرئيس النميري ، يعني الرجل متعقد من شكلوالأفريقي ومش بعيد يكون لسانو فصيح في الكتابة بس أما في النطق ممكن يكون لاحق جدي إسحاق عليه رحمة الله .. ، و الحمد لله أنه لم يضع صورة أميتاب باتشان ويقول هذا تمبس "البتل "..، يعني الرجل متفاعل ويطارد بوستاتي بس انا ما أعطيتو وش ..حسيت أنو واحد أنزلق بالخطأ للمنتدى ، بالأمس تسبب في سحب مشاركة للأخ إسماعيل وراق بعد أن أغرق بوسته بمفردات يندى لها الجبين مثل " بول " و " قصرية "،بالفعل الرجل شوارعي وتحس أنه قدم للمنتدي من مجاري حي الموردة وليس حي الموردة العريق بسكانه ، فسببه فقد المنتدى محاوراً لبقاً وشخصية لها الأثر الكبير في توسيع الحوار في هذا المنتدى ، بل الأخ إسماعيل وراق من المؤسسين لهذا الموقع إن جاز التعبير ، لكن كما يقول أهل الإقتصاد العملة الرديئة تطرد العملة الحسنة ..وزي ما قال المثل : التركي ولا المتورك ..سيف الجلابي ولا صياح كلبه " الجرقاس " صحيح أنه يهزأ من لغة أهل دارفور لكن الجمل ما بشوف عوجة رقبتو ..هذا تمبس لو أعطاه الله سحنة أهل الشمال النيلي لقال أنا بكم الأعلى عديل كدا
06-03-2008, 02:09 PM
tmbis tmbis
تاريخ التسجيل: 10-19-2002
مجموع المشاركات: 24862
Quote: أخي زول واحد انتا عارف ليه تمبس خلع صورته الشخصية ووضع مكانها صورة المقبور النميري ؟؟ انا علقت على مظهره الأفريقي فخجل فدس صورته الأصلية ووضع مكانها صورة الرئيس النميري ، يعني الرجل متعقد من شكلوالأفريقي ومش بعيد يكون لسانو فصيح في الكتابة بس أما في النطق ممكن يكون لاحق جدي إسحاق عليه رحمة الله .. ، و الحمد لله أنه لم يضع صورة أميتاب باتشان ويقول هذا تمبس "البتل "..، يعني الرجل متفاعل ويطارد بوستاتي بس انا ما أعطيتو وش ..حسيت أنو واحد أنزلق بالخطأ للمنتدى ، بالأمس تسبب في سحب مشاركة للأخ إسماعيل وراق بعد أن أغرق بوسته بمفردات يندى لها الجبين مثل " بول " و " قصرية "،بالفعل الرجل شوارعي وتحس أنه قدم للمنتدي من مجاري حي الموردة وليس حي الموردة العريق بسكانه ، فسببه فقد المنتدى محاوراً لبقاً وشخصية لها الأثر الكبير في توسيع الحوار في هذا المنتدى ، بل الأخ إسماعيل وراق من المؤسسين لهذا الموقع إن جاز التعبير ، لكن كما يقول أهل الإقتصاد العملة الرديئة تطرد العملة الحسنة ..وزي ما قال المثل : التركي ولا المتورك ..سيف الجلابي ولا صياح كلبه " الجرقاس " صحيح أنه يهزأ من لغة أهل دارفور لكن الجمل ما بشوف عوجة رقبتو ..هذا تمبس لو أعطاه الله سحنة أهل الشمال النيلي لقال أنا بكم الأعلى عديل كدا
.. يعني افهم من كدا أنك زعلت ياخـال .. علشان كدا تجي تكتب الكلام المجوبك دا ..؟ اها انا ما عايزك تزعل مني .. لو ياخال دي بتزعلك ما عندك مشكلة انا بقول ليك يا (شوشو) بس كمان الصلعة مع (شوشو) دي ما بتبقى مش كدا ..؟ تها هاااااي لذلك خلينا ولحين اشعار آخـر و(توجيهات) جديدة وتعليمات خلينا نقول ليك ياخــال .. بعدين تعال هنا عايزني ازعل منك يعني ..؟ اوووعك تجيب سيرة موية المطرة تاني .. والخـور .. اي نعم انا عارف انك شفت واي حاجة وعمري دا قضيتو (بوووول) في الخيران .. وعارفك كمان كنت قاعد تقلع اللقمة من خشم (ودبرك) لكن نحن برضو اولاد سوق .. ولو كترت وزدت بقول ليك دافننو سوا .. والله بالنسبة (للبووول) بتاع المرة الفاتت ديك .. حقو تضبح عديل كدا يا تشد ليك بليلة توزعه هنا دا .. تتذكر مش قلت ليك اديها صنة اخلص الفي يدي .. جيت لقيت بكري جازف البوست .. يعني بختك الل نجاك حسع كان جاء الأمير الكوشي وعمل فيك (بولندا) يا (بوخارست) وإنت اصلك كملان من لحم الدنيا .. والله إلا كان تشوف ليك اسطوانتين بتاعات اوكسجين زي بتاعت اسرار البحار ديك .. يربطوهم ليك الاتنين ويدوك البحــر .. لكن عارفك طبعا عوووام ... عوواااام يا وز إنت .. يا تمساح يا (تتي) إنت أما بالنسبة للبووول: فارجو ان اوصل لمسامعكم انو اليوم داك انا لقيت البوست بتاع اسماعيل وراق والايامات دي انا متعاطف مع حزب الأمة ومع سيدي الصادق .. ومع جعفر محمد نميري .. ومع تراجي مصطفى وخليل في محنتهم الراهنة .. لذلك لما جيت داخل البوست لقيت الأمير الكوشي بشاشا ... واقف على حيلو وماسك في الحيطة وقاعد (يبول ليهو في قزازة) بالواضح النص بتاعو بعدما كمل قال اخير اعبيهو بووول قلت ليهو دا شنو يا معفن إنت؟ .. اترزع تحت وإنت بتبول علشان ما تفقد سوائل .. قام قال لي: لما القزازة دي تتملي عايز اوديها لي الصادق المهدي أو بالطريقة دي نحن بنتش عين الضلام وبنعالج بالبول .. قمت قلت ليهو خلاص يا باشا طالما إنت عايز تبول في البوست دا ما عندك مشكلة انا بجيب ليك (قصرية) .. حسع انا ( قصرت) معاهو..؟ اهـا قمت جيت إنت والغريبة يا شوشو اخير بشاشا الببول واقف دا .. حسع انت يعني عايز تحاضر لينا في قلة الادب والمسخرة والعفانه والتنانة ..؟ ياخي إنت انتن منك في ..؟ الجاب الوقاحة في البورد دا منو غيرك يا خــال ..؟ الجاب العنصرية غيرك منو يا شوشــو سكسكة..؟ بعدين جابت ليها كضب ..؟ متين قلت لي ملامحك افريقية ..؟ ومتين اتكلمت في صورتي .. ياخي انا لاقيك واللا لامي فيك واللا قادر اتكلم معاك كلمتين .. بوست الورل بتاعك داك .. وقلت لي الخال في الخليج معناته عب .. وقلت لي الكفيل منجضك بيها .. خلينا نقيف في الحتة دي لانو كلامك الكتبتو دا انا بفتش ليهو من زمن .. بفتش ليك بالفتاشة انا خلينا نقيف علشان نسال الاخ زول واحد الجيت جاري ورديت ليهو دا .. يا اخونا زول واحد .. كدي خليك من مسالة المتااار دي لاني ح اجي ارد ليك عليها بشكل احتمال يعجبك واحتمال لا .. لكن مبدئيا .. رد للخال دا وقول ليهو في اي كفيل بقدر يتجرا ويقول يا عـــب ..؟ اولاد دارفور القاعدين في السعودية هنا دا .. من فور لي زغاوة لي مساليت لي خلافو .. هل في كفيل قال لي واحد فيهم يا عـب قبل كدا ..؟ عليك الله يازول يا واحد ياريتك تكون حقاني زي ما بعرفك وتجي تقول الكلام دا لي الخال سارة .. ياعب دي عادي ممكن نقوله نحن للحاسي بي نفسو عــب حتى لو كان مكسيكي شفت كيف..؟ حسع ياخال ماعندك اي مشكلة .. فضلة خيرك كدي تعال قول انو فيك عرق ,. شوف اقول ليك ياعـب كيف والله لمن تقفل نخرينك إنت قايل القانون الدولي بتاع ناس ابو ساندرا وصبري الشريف دا بمشي فيني ..؟ اهـا ياريت الأخ زول واحد يوضح الحتة دي للخال طالما هو موجه الكلام لي واكتفى بي رد الخال سارة والعليم الله في انو عجبو واللا وقع ليهو في جرح ..
ملحوظة: في اتصال هاتفي .. وعد الخال شوشو انو ينزل لينا صورة شمسية بحجم الباسبورت .. وذلك تمشياً مع ادبيات البوست دا ودعما له .. توقع عزيزي القاري .. صورة من الخال شوشو بي (كسكتة)
يللا ياخال اتلحلح معانا .. يا جومو كنياتا واللا برضو نجيب ليك قصرية زي الأمير الكوشي بشاشا..؟
اي سؤال انا جاهز ..
06-04-2008, 11:33 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: اخوي تمبس ما عيب تختلف المواقف ولكن العيب السخرية من لهجة اهلنا معظم اهل السودان عجم
الأخ الزول الواحد .. اراك تتفق معي فيما تالمت منه أو توصلت له دون اجتهاد .. ادانتك لهذا المسلك الذي تعتقد اني قصدت به الاستفزاز يعني لي الكثير .. لكن السؤال الذي يطرح نفسه قبل الرد على افتراضك للسخرية وقدومك لتجريمي .. اين موقعك مما يروج له البعض هنا من استهدافات عرقية .. هم الذين استنوها سنة يعتقدون انهم يستفزون بها البعض او يردون بها حقوقهم من كونهم مهمشين ..؟ عندما انزلت البوست المذكور ربما كنت من اول الذين راجعوه ولحظتها لم اقم بالرد لانشغالي فجأة .. لكن قمت بحفظ البوست في الحال لمعرفتي ان العديد سيدخلون لك يعنفونك .. وهذه الفئة من الفئة التي ترى بمنظار العقلانية .. وبالتالي فهي مسار استهداف العديد من ابناء دارفور .. ليس كلهم فهناك بعض من ابناء دارفور عرفتهم هنا في هذه المساحة يغنوني عن الكتابة عنهم لاحترامهم لنفسهم ولغيرهم .. بالمقابل عرفت هنا العديد من (المتأمركة والمتلندنة والمكندنة) وهمها المحافظة على وجودها واستمراريتها بخلق مثل هذه النعرات .. كنت اعتقد انك ليس من هذه النوعية التي تحتقر لونها .. حتى ولو بمبدأ السخرية الذي عبرت عنه في ذلك البوست .. وعدت هنا تحاكمني وتكتب (العيب السخرية) .. شايف كيف ..؟ يعني عادي جدا تسخر بي طريقتك الخاصة .. وتمنعني اسخر بي طريقتي الخاصة .. يا سيدي وللامانة .. ولا يضرني انك تصدق او لا .. أنه: ما عرفت يوما مكانا للعنصرية، والمفاهيم العرقية .. وتعاير البعض باشكالهم والوانهم وملامحهم كما عرفتها هنا .. من بعض اصحاب هذه الهوايات .. صدقت ام لم تصدق هذا يعود لك .. لكن تبقى حقيقة واحدة .. ما ولده البعض هنا من مفاهيم بذروا لها من فترة بمساعدة العديد من الأقلام العقلانية .. هاهم الآن يجنون ثمارهـا .. اللافتات المعلقة هنا لن تجدي في اصلاح ما افسده هؤلاء .. ويا للعجب .. لهم الحق فيما يكتبون ولغيرهم التجريم .. والعجب العجـاب .. أن معظمهم يتحركون الآن بحرية هنا .. وتحت حماية صاحب الموقع .. ويتباكون ويهرعون لفتح البوستات عند توجيه اي كلمة مضادة ..
كنت انتظر منك وجهة نظرك فيما كتبه الخال سارة عن انه تحدث عن ملامحي الأفريقية واتنا قمت نزلت الصورة .. كنت بتمنى تجي تقول ليهو ياخ على الاقل جيب لينا كوتيشن من الكلام الكتبتو لي تمبس وبعدين قام اتعقد ونزل صورتو .. على الاقل الواحد كان بقدر شوية كدا يطلع ليهو بي حرفين يحس فيهم انو غلط ويجب التراجع .. لكن اهو الحال .. لا الخال سارة جاب لينا صورة ليهو علشان نتغزل فوقو .. ولا انت جيت قلت لي معليش يا تمبس انا ادين كل انواع السخرية والعبث بمقدرات الأمة ..
ما حفزني للرد لك بهذه الطريقة الأخوية .. معرفتي لك عن قرب وتقديري لشخصك الذي وجدته في الكثير من المواقف الانسانية .. وليقيني التام أن ما يكتب هنا في هذا البورد هو فقط يعبر عن اقلية سرعان ما تنهزم افكارها بشتى الطرق ..
06-02-2008, 06:30 PM
Ashraf el-Halabi Ashraf el-Halabi
تاريخ التسجيل: 10-08-2006
مجموع المشاركات: 5508
سارة سلامات الحاجة الاستغربت ليها أكتر مذيع التلفزيون البضغط على الحروف زي طابعة التايبست داك، وقبل ما يتم اعتقال المشاركين في المحاولة زي الناس، تجرأ ووصف المهاجمين بالمرتزقة التشاديين!! أنا ما عارف بعد دا الفايدة من المحاكمات شنو!؟
06-02-2008, 07:17 PM
Nasr Nasr
تاريخ التسجيل: 08-18-2003
مجموع المشاركات: 10821
Quote: أنها قامت بهذا العمل من باب الدعاية السياسية وليس حرصاً على سلامة الأطفال ، وما قامت به هو تكتيك سياسي محلي حبذ أصحابه الإستثمار في المحنة
ورد عبود
"الله وحده علام الغيوب ... لم يدخل احد في قلب الاستاذة سامية ليعرف ان ما قامت به من سبيل الدعاية السياسية ... اذا لنا بالظاهر من الاشياء ..."
دي ما دايرة علم غيب، هذا ما تدركه بالفطرة السليمة. ثم أننا نتحدث هنا عن سياسة دولة، ولا نتحدث عن فضل أجادت به سيدة في السلطة: هذه أموال دافع الضرائب. لو أنها أهتمت قليل إهتمام بمعسكرات اللاجئين، لما حدث ما حدث..... نمشي بعيد ليه، لو أنها إهتمت بلقطاء وأيتام المايقوما والتي يشكو مديرها الجميعابي (الكوز سابقا) لخلق الله من الإهمال والعوز... المايقوما في صميم عملها، بل نستطيع أن نقول أن المايقوما هي الأصل في قيام وزارة الشؤون الإجتماعية.
خطاب السلطة الإعلامي ضعيف ومتهافت ولم يتعد سنة أولي سذاجة سياسية.
Quote: لماذا الحظوة فقط لأطفال حركة العدل والمساواة ؟؟ الغرض من هذه الخطوة هو تشويه صورة الحركة أمام المنظمات الدولية
يا خال اي تشويه تتحدث عنه فان ذلك حقائق بينة وواضحة لا تحتاج لمجهود كبير. والغرض من هذا البوست هو تقليل من شان العمل الكبير الذي قام التلفزيون والذي بث الطمانينة في نفوس الشعب السوداني فالتحية له والعار للمقلليين من هذا العمل الكبير.....!!!!!!!!!!!!!!
06-03-2008, 07:31 AM
Hussein Mallasi Hussein Mallasi
تاريخ التسجيل: 09-28-2003
مجموع المشاركات: 26230
Quote: شكراً يا خال تمبس صدقني ضحكت خالك شديد .. أنا بقرأ مشاركتك وبقول شر البلية ما يُضحك
.. كنت عايز اعمل ليك مسابقة في التحتو خط دا .. علشان اوري الناس دي امكانياتك العالية كيفنها .. بالمناسبة انا طبعا من القلال جدا البرتاح لي امكانياتك في حتات تانية .. شفت كيف ..؟ بس ما وريتني الضحكك شنـو .. (البوليستر) .. واللا عايز تجيب لينا صورة ..؟
06-04-2008, 12:09 PM
Siham Elmugammar Siham Elmugammar
تاريخ التسجيل: 06-18-2004
مجموع المشاركات: 3488
Quote: الخت العزيز سهام المجمــر كيف اخبارك ..؟ تعرفي إنت من البسيطين جدا الفضلو هنا انو الواحد يعمل ليهم تقدير .. دا على الاقل بالنسبة لي وجهة نظري المتواضعة خالص.. لذلك .. وزي ما شايفه .. في ناس كتيرة هنا دا معجبة بي الرئيس القائد جعفر نميري ومعلقة صورو وانا واحد منهم في كتيرين جدا معجبين بي خليل منو كدا ما عارف ... وكل واحد شايل بندقيتو وحايم .. في كتيرين جدا ما معجبين بي اي زول .. وقاعدين ساكت..
اهـا بقــت علي محلبيتي دي ياسهام ..؟
يا تمبس يااخوى كتر خيرك و ازيد فضلك.. تسأولى عن صورة نميرى سببه انى كونت انطباع من كتاباتك انو نميرى ده ما ممكن يكون زولك!!!!
06-04-2008, 12:35 PM
tmbis tmbis
تاريخ التسجيل: 10-19-2002
مجموع المشاركات: 24862
Quote: يا تمبس يااخوى كتر خيرك و ازيد فضلك.. تسأولى عن صورة نميرى سببه انى كونت انطباع من كتاباتك انو نميرى ده ما ممكن يكون زولك!!!!
.. العزيزة سهـام .. سانكيو ويسلم ينطباعك .. وياريت لو نميري كان زولي .. كان بتلقيني حسع دي بقني ليهو زولي هوووي .. زولي هووي .. زولي الأخـدر .. إلخ بعدين لا غضاضة في انو يكون نميري زولي دا طبعا بالنسبة لي .. خاصة وان المايوية عقيدة سياسية زيها وزي كل السياسات والحكومات الاتعاقبت على السودان .. ولو قلنا الرجل ردئ .. فقط التفتي حوالينك لتجديه بالنسبة لما نراه الآن ملاك رحمـة .. وهذا قدرنا.. احترم جعفر محمد نميري شخصية سودانية قيادية .. وخبرت عن شخصيته الكثير من خلال بعض القراءات المتفرقة .. حقبة جعفر نميري ما توفر لنا الوعي التام لمعرفة ما يدور حولنا .. وصدقيني لو توفر لي وقتها القليل من الوعي العمري .. لوجدتيني احد الرجال من حوله ..
بالمناسبة يا سهام .. طبعا لااحتاج من بعضهم ليحاضرني عن جعفر محمد نميري .. فما قرأته عن الرجـل كفيل بان يعرفني له .. والاهم من ذلك .. لا يجذبك تيار البورد الحار والبارد والجاف .. لا يجرفك المد الانطباعي .. فمعظم ما تريه هنا من سلوكيات ومن كتابات مضادة ومفاهيم اجبرنا لها بعضهم .. ولك ان تتبيني خريطة المكان .. فأصبحت هذا المكان بالنسبة لشخصي ليس هو المكان المناسب لكثير من الاشياء .. لكن بالمقابل المكان المناسب لكثير من بعض الاشياء .. على الاقل يحتاج بعضهم هنا لمزيد من الدروس واحيانا مع احترامي لشخصك العزيز .. يحتاجون للركل..
شنو يا ود الأخت دي مش الحدائق .. ولا كافتريا التايتنك .. أو حديقة الموردة ..ما تأكل راس البنية ساكت .مد إنطباعي ..تيار ..وكتابات مضادة ..ولغة فيصل القاسم دي ما بتغبانا عشان تثبت انك مثقف ....امشي المسنجر وكملوا الونسة هناك لأن البوست دا عندو صاحب .. انا سامحتك في اسامةالمترجم ..ود أمدرمان الحقيقي ..طلع معرفة ..الأخت سهام سؤالا محد دليك ..ليه واضع صورة النميري في بروفايلك ؟؟..الإجابة : يا أخي انا حر في تصرفاتي إيه الجاب الإنطباع وسياسات الخليفة عبد الله الداخلية ..
06-04-2008, 01:13 PM
tmbis tmbis
تاريخ التسجيل: 10-19-2002
مجموع المشاركات: 24862
كيف دي بلاي اشرحـه لي ..؟ ود الأخـت كيف ..؟ إنت طوالي بتصدق اي حاجـة ..؟ أقول ليك حاجة ياخـال .. خلال الشوك عديل كدا .. اهـا ط قصرت معاك ..؟ بعدين ياخي انا ما كملت كلامي معاك .. حركات الحرفنة بتاعتك دي ما عايز تخليها .. خلينا نخلص كلامنا معاك بعدين تعال ارفع يدك للسؤال .. إنت زول اوتوكيت مالك حسع عايز تتعلم الخمج في سودانيزاونلانين دي .. تهههااااههاي بعدين بحذرك يا خـال .. لما بتلقاني بتكلم لي مع زول ما تقاطعني .. اووووعك تقاطعني .. طبعا عارفني لما اقوم للعوارة بكون عامل كيف ..
قال ايه ..؟ يا ود الأخــت .. آهـ يا دجــال .. آهـ يا شوشوووووو
اقعد هناك لحدي ما نجيك وبطل فوضة عامل راسك المـــاكن دا
06-04-2008, 01:27 PM
tmbis tmbis
تاريخ التسجيل: 10-19-2002
مجموع المشاركات: 24862
Quote: اخوي تمبس ما عيب تختلف المواقف ولكن العيب السخرية من لهجة اهلنا معظم اهل السودان عجم ** امس كتبت بوست قلت فيهو نعدل باجهزة طبية، السنة ناس الغرب لتكون مثل لسان ناس المركز الزملاء ما خلوني اتم كلامي وخلوني امسح البوست. اها انتو ناس المركز ما عاجبكم لسانا الاعوج ... ودي بلدنا.. نعمل شنو ونمشي وين ؟ كدي قول لي يا اخوي؟
أخونـا زول واحد .. اختلف معك في مجمل ما تكتب وفي مجمل مواقفك هنا .. إلا أن ما يجمعني معك يف مساحات أخرى دائما محل تقديري واحترامي لشخصك .. اشد ما يجعلني استغرب الازدواجية في التصنيف .. ورؤية قبح الاخــر والتجريم دون ان ننظر لعيوبنـا .. المسالة هنا بتنطبق على من يدعون انفسهم ثوار ومهمشين فيحق لهم قول ما يريدون .. وقطع لسان من لا يريدون .. كتب استيف (Mohamed Suleiman) في مداخله غلب على طابعها الاحباط المفرط وهو يحاول ان يجرم الزميل محمد نور في البوست قوات التحالف الوطني المعارض تزحف نحو أنجمينا من جديد ....أهي الضربة القاضية؟؟ ..
Quote: محمد نور يا خي بوست هناك ديخليتي لبريمة دي و لا شنو ؟؟!! أنا جيت أسد خانة الأخ محمد نور أحمد لحين عودته ( خرج و لم يعد ) : تقول الأخبار أن الكماشة التي فشل أبوريالة تشغيلها ضد قوات العدل و المساواة قد تم تشغيلها بنجاح في شرق تشاد في القوات التي مولها و رعاها أبوريالة ... يقول المثل: السعيد يشوفو في أخوه .. و الشقي يشوفو في نفسه ..... أبوريالة شاف شغل كماشتو في نفسو . و من أكثر من 300 لانكروزر لم تفلت غير أقل من 30 و لم تصل بعد الي الحدود السودانية ... و قد وقعت أكثر من مائة لانكروزر في حالة جيدة جدا في يد الجيش التشادي .. و هناك أكثر من خمسة شاحنات كبيرة محملة بالمؤن و الزاد و الذخيرة وقعت سليمة في يد الجيش التشادي . أيضا هناك عربات جاري حصرها غاطسة في مختلف الوديان و الطين ... من ضمن من وقع في الأسر : ستة قادة كبار من قادة القوات المدعومة من حكومة الإنقاذ ... و الآن فرق التلفزيون و الوكالات في طريقها لمواقع المعارك التي دارت ليلا و حتي الصباح في نختلف المناطق. ( أسوأ مصير كان للقوات القادمة من السودان و دخلت مدينة بيلتين ... و تم حصارها .... و لا ندري بعد كم خرجوا منها ) .
.. اما ما يتعلق بالأخ بريمة فهناك الكثير من المداخلات من الثائر كوستاوي بامريكا والثائرة تراجي بكندا .. تعكس مناوشتهم للرجل .. في تحويله لحرف الحاء .. لينطق هـاء حسب لسانه .. طيب يا زول يا واحد .. اهـــا يعني حسع دي اعتبر كلام محمد سليمان دا نوع من الثورية .. وكلام كسوتاوي والثورية تراجي دا برضو نوع من الجوكن .. وكلامي انا الما عرفتوهو .. بعدين الحاجة المهمة جدا .. ليه لما المجموعات دي يا زول يا واحد تجي تقول الكلام دا .. بتسكتو .. ولما نجي نقولو نحن ببقى ليكم حـار ومسخن ..؟ كنت احترم طرحك خالص لو قلت لي كوستاوي يا تراجي يا استيف الكلام دا عيب .. لكــن .. تجي تحاضرني في الكلام الكتبتو دا .. صدقني بعتبر دي عقدة من ضمن العقد المستأصلة في نفسيات البعض .. وبينتهز اي فرصة علشان يطرشه في وجه الناس ..
ملحوظة: البوست دا محتفظ بيهو في المفضلة من بدري جدا .. وكنت منتظر اي تعليق منك .. لكن اهو زي ما شايف استيف ما خلى لينا مجال انو الواحد ما يرجع للبوست دا ..
كنت اعتقد انك ليس من هذه النوعية التي تحتقر لونها .. حتى ولو بمبدأ السخرية الذي عبرت عنه في ذلك البوست .. وعدت هنا تحاكمني وتكتب (العيب السخرية) .. شايف كيف ..؟ يعني عادي جدا تسخر بي طريقتك الخاصة .. وتمنعني اسخر بي طريقتي الخاصة .. يا سيدي وللامانة .. ولا يضرني انك تصدق او لا .. أنه:
Quote: كنت اعتقد انك ليس من هذه النوعية التي تحتقر لونها .. حتى ولو بمبدأ السخرية الذي عبرت عنه في ذلك البوست .. وعدت هنا تحاكمني وتكتب (العيب السخرية) .. شايف كيف ..؟ يعني عادي جدا تسخر بي طريقتك الخاصة .. وتمنعني اسخر بي طريقتي الخاصة .. يا سيدي وللامانة .. ولا يضرني انك تصدق او لا .. أنه:
اخي تمبس انا لا احتقر لوني او انتمائي للغرابة عموما ولدارفور خصوصا. غرباوي حتى (المشاش) مخ العظام.
البوست الذي تشير اليه يبدو ان البعض قد فهموه خطأ. ساضطر مرغما لاعادته لاحقا ان شاء الله. بشرى سارة للغرابة .... عيادة تجميل
ما طرحته يا اخي ليس سخرية من اهل دارفور. انما هو سخرية و تهكم من الدولة. الدولة التي تعاقب الناس على اشكالهم و السنتهم. سخرت من الذين يريدون شعب السودان شكلا واحدا ولونا واحدا بل ولسانا واحدا ( الحصاحيصا قبلا وغيرها الان). اذكر في هذه المناسبة ان الاخ محجوب حسين قد استضافته الجزيرة فاذا باثين من ابناء المركز يقيمان بالخليج يتصلان، ويقسم احدهما بالله ان محجوب حسين ليس سودانيا.الشيخ ابوقرون يطلق شعره ولانه من المركز لا احد يستطيع ان يقول ما يقال في حق محجوب.
لكي نوفر لاهل دارفور حياة كريمة مثلهم مثل اهل المركز فانني كتبت ذلك البوست. اؤكد لك ولمن لم يفهم قصدي ان السخرية مبطنة للمركز. انني لا اسخر من اهلي مهما كانت الاسباب. انا منهم واليهم ولو راجعت ارشيفي لن تجدني الا في موقف واحد لم يتغير وهو ضد الظلم الواقع عليهم عربهم وعجمهم. ولذلك تجدني مخالف لموقفك الرافض لادانة الظلم.
ارفض السخرية من الأشخاص الذين ينطقون العربية بلكنة، لأنهم ببساطة غير مخيرين في ذلك ولم ينكروا أصولهم غير العربية حتى نحاسبهم أو نسخر منهم لأنهم غير مجيدين للعربية. وبذات السياق ارفض السخرية من الأشخاص لملامحهم الزنجية . كردة فعل على مواقفهم السياسية ولطالما لم يدعوا بأنهم عرب خلص انقياء.
انت كتبت عبارة (متار) مستهزئا بهم. وانا قلت لك معظم اهل السودان عجم، ففي الشرق عجم وفي الشمال بعضهم ينطقون مهمد ويقصدون محمد وغالبية السودانيين لا يفرقون بين الغين والقاف. احسب ان قوتنا في تنوعنا ... قيل ان الرسول صلى الله عليه وسلم قال ( سين بلال عند الله صادا) .... العجم اهلي الذين تسخر منهم يتلون ايات الله بلسانهم الاعجمي .
Quote: ما عرفت يوما مكانا للعنصرية، والمفاهيم العرقية .. وتعاير البعض باشكالهم والوانهم وملامحهم كما عرفتها هنا
ابناء الهامش لمسوا وعاشوا وعانوا من العنصرية والمفاهيم العرقية والمعايرة بالشكل واللون واللسان والجهة. ... عرفوها في خط الدولة الرسمي وسمعوها في شوارع المركز .... وظائف و فرص الاستثمار في وزارة كالطاقة وجها قبيحا للدولة. ان تطلب منى الدولة اسم قبيلتي ويتم التوظيف على اساس الجهة والقبيلة أمر لن يحس به ابناء المركز ولكن يحس به ابناء الهامش .. الجمرة بتحرق الواطيها.
ان تعتقل لمجرد كونك من اقليم معين وتصبح متهما وفقا لذلك لا تمارسه الا دولتنا. اسرائيل كل صباح تسمح لمئات الفلسطينين بالدخول لارضيها للعمل ولا تتهمهم جميعا او تسجنهم لان حماس او غيرها اطلقوا صواريخا عليها. عقدة المركز هي كراهية الهامش.
Quote: .. ما ولده البعض هنا من مفاهيم بذروا لها من فترة بمساعدة العديد من الأقلام العقلانية .. هاهم الآن يجنون ثمارهـا .. .. اللافتات المعلقة هنا لن تجدي في اصلاح ما افسده هؤلاء .. ويا للعجب .. لهم الحق فيما يكتبون ولغيرهم التجريم ..
نخدع انفسنا ان قلنا ان ما يحدث في السودان هو نتاج لصراع الاقلام هنا. ما يحدث هو نتاج زراعة في العقول و النفوس منذ المهدية. وانتزاع ذلك لا يكون الا بان يعود اهل الهامش لحكم البلاد ليثبتوا ان قلوبهم اكثر نقاءا من الاتهامات الموجهة اليهم. ان العمل الدوؤب لايقاف الهامش من حكم المركز يتمثل في مثل ما نراه الان من اعتقال للاطفال وتعذيبهم واعتقال الابرياء. انها حالة من الجنون تنتاب المركز والخلاص منها يتم بالخلاص من العقلية التي تحكم البلاد.
Quote: كنت انتظر منك وجهة نظرك فيما كتبه الخال سارة عن انه تحدث عن ملامحي الأفريقية واتنا قمت نزلت الصورة ..
اولا: انا لم انزل اي صورة ولا ادرى عن اي صورة انت تتكلم؟؟ هاهو البوست قدامنا وما شايف اي صورة في مداخلتي. ثانيا: انا انقطعت من البورد لفترة طويلة . اليوم اتصل بي احد المتابعين للمنبر ولفت نظري الى ردك هذا. ثالثا: انا ضد السخرية بسبب اللون او الجنس او اللسان. رابعا: لظروف خاصة بي لا اطالع غالبية البوستات ولم اطالع بوستات بريمة ومحمد سليمان وتراجي المشار اليها .... انا تداخلت معاك في حدود مطالعتي للبوستات فمعذرة ان لم اتمكن من الرد على تساؤلاتك التي وردت في مداخلة اخرى.
Quote: وليقيني التام أن ما يكتب هنا في هذا البورد هو فقط يعبر عن اقلية سرعان ما تنهزم افكارها بشتى الطرق
نعم ليل الظلم قصير وان طال. وقد وعد الله وقوله الحق لانصرن المظلوم ولو بعد حين. وقال ايضا ان الله لا يحب الظالمين.
Quote: ما حفزني للرد لك بهذه الطريقة الأخوية .. معرفتي لك عن قرب وتقديري لشخصك الذي وجدته في الكثير من المواقف الانسانية ..
اشكر لك مودتك وانت تعرف تقديري لشخصك رغم اختلاف المواقف. ولن يفسد الخلاف الود بيننا ان شاء الله.
Quote: كنت انتظر منك وجهة نظرك فيما كتبه الخال سارة عن انه تحدث عن ملامحي الأفريقية واتنا قمت نزلت الصورة ..
بخصوص هذه النقطة .. هل قرات ما كتبه ساره عيسى في مداخله لك في هذا البوست حتى تستوعب ما كتبته لك هنا ..؟
Quote: أخي زول واحد انتا عارف ليه تمبس خلع صورته الشخصية ووضع مكانها صورة المقبور النميري ؟؟ انا علقت على مظهره الأفريقي فخجل فدس صورته الأصلية ووضع مكانها صورة الرئيس النميري ، يعني الرجل متعقد من شكلوالأفريقي ومش بعيد يكون لسانو فصيح في الكتابة بس أما في النطق ممكن يكون لاحق جدي إسحاق عليه رحمة الله .. ، و الحمد لله أنه لم يضع صورة أميتاب باتشان ويقول هذا تمبس "البتل "..، يعني الرجل متفاعل ويطارد بوستاتي بس انا ما أعطيتو وش ..حسيت أنو واحد أنزلق بالخطأ للمنتدى ، بالأمس تسبب في سحب مشاركة للأخ إسماعيل وراق بعد أن أغرق بوسته بمفردات يندى لها الجبين مثل " بول " و " قصرية "،بالفعل الرجل شوارعي وتحس أنه قدم للمنتدي من مجاري حي الموردة وليس حي الموردة العريق بسكانه ، فسببه فقد المنتدى محاوراً لبقاً وشخصية لها الأثر الكبير في توسيع الحوار في هذا المنتدى ، بل الأخ إسماعيل وراق من المؤسسين لهذا الموقع إن جاز التعبير ، لكن كما يقول أهل الإقتصاد العملة الرديئة تطرد العملة الحسنة ..وزي ما قال المثل : التركي ولا المتورك ..سيف الجلابي ولا صياح كلبه " الجرقاس " صحيح أنه يهزأ من لغة أهل دارفور لكن الجمل ما بشوف عوجة رقبتو ..هذا تمبس لو أعطاه الله سحنة أهل الشمال النيلي لقال أنا بكم الأعلى عديل كدا
.. لك ان تتجول في هذه المداخله طالما انك لا تتابع كل المداخلات فيما يتعلق بتراجي وكوستاوي .. وبالمناسبة هناك بوست يعلنون سخريتهم الواضحة فيه تجاه الأخ بريمة .. هل بمقدرتك ان تذهب لهم وتسمعهم من هذا النشيد ..؟ مع مودتي يا زول .. هناك الكثير ما يتسوجب الرد في مداخلتك اعـلاه إذا رغبت ساقوم بالرد كل سطر على حداه .. فمعظم ما كتبته هنا يستحق الرد وبجرأة فما تعودت ان احتفظ براي لي من خوف ا, وجل .. او عدم مقدره على التجاهر به ..
Quote: العجم اهلي الذين تسخر منهم يتلون ايات الله بلسانهم الاعجمي .
فكما ترى يا صديقي أن ملامحي ولوني ولساني اعز بهم ايما اعتزاز وبمقدروي ان (اعمل) لساني في اي ابن انثى مهما طال لسانه .. وطالت قامته بنفس المبدا التي تتحدث لي فيه عن المركز والهامش وعن ما حاق بكم من ظلم فقط لانكم من الهامش ولابد من غزو المركز لرد حقوقكم .. يجب أن نعلم هل هذا المركز يعني لكم شخوص .. أم منطقة جغرافية محددة لتستردون حقوقكم .. وهل استرداد الحقوق هذا على حسابي انا وأنا الذي اشطرك نفس الظلم الذي حاق بك فقط اختلفت الكيفية الجغرافية .. فإذا كان هذا المبدا يحل للجميع ... لماذا لا استعمل معك نفس المبدا على الاقل الدفاع عن ذاتي لطالما تعتقد انك صاحب حق مسلوب .. ولا تدري انني اقف معك في نفس المساحة ..
Quote: لكي نوفر لاهل دارفور حياة كريمة مثلهم مثل اهل المركز
ومن قال لك ان الحياة الكريمة في المركز .. لتوفرها لأهلك .؟ لماذا إذن تركت انا المركز بكل حياته الكريمة لاعيش في هذا البؤس .. انظر من حولك كم الذين هجروا عن عمد من هذا المركز احصي ما لديك واحصي لك ما لدي .. هذا المركز الذي تتحدث عنه وعن عيشه الكريم .. ورغد العيش فيه .. جعنا فيه ذات ايام عجاف .. مرضنا .. اضطرينا لقطع تعلينما لاجل محدود من اجل ان نحصل حتى على ما يسد رمقنا .. وللاسف .. وما يحزن ان في تلك الفترة .. بعض نفس ابناء الهامش الذين تتحدث عنهم كانوا على سدة السلطة بل كانوا اداة تمكين وذراع بطش طوله .. هل عملوا على اعانة اهلهم في الهامش .. وسندهم .. لا .. والف لا .. بل كانوا يعملون ضد اهلهم .. معظمهم كان يقول نفسي او الطوفان .. فأصبحنا داخل المركز نعاني التهميش .. ونعاني الضرب والتعذيب .. فإذا تحدثت انت أو يتحدث غيرك عن التعذيب وعن الحرمان وعند الظلم .. فقد حاق بنا الظلم من فترة طويلة في مرحلتي الثانوية بدايات عهد التمكين الكيزاني .. تجرعنا من هوان وويلات هذا النظام .. وخبرنا كيف انك داخل بيتك لا تنعم بالأمان .. ولك ان تعرف كيف كنا نحس عند الخروج بربما لا عودة يحدث هذا وأنت حيث يجب أن تكون في مأمن .. ولا زلت اكرر ان معظم من كانوا يقومون بهذا العمل .. ربما تجد مهم الكثيرين الآن يسرحون ويمرحون هنا في ها المكان ويتحدثون عن القضايا العادلة والمصيرية بل ويتوعدون برد الحقوق .. وينجرف لهم البعض في شعاراتهم ويركضون من خلفهم ..
Quote: ولذلك تجدني مخالف لموقفك الرافض لادانة الظلم.
وتجدني دائما في المكان المناسب .. لطالما رفض ان اقف بجانب الذين يعملون لدعم السلطة باطروحاتهم .. الذين يسعون لمصالحهم الخاصة .. ولمصالح الجهات التي ينتمون إليها .. ووجدت في هذا المكان ضالتها .. ستجدني متعقبا لبعضهم .. وإذا بحثت بعمق .. ستعرف مواقفي من ادانة هذا النظام .. واعجب ايما اعجاب .. كيف لك وانت من نفس الحقبة التي التحقت فيها بهذا المكان .. كيف لك ان تصف موقفي كما يحلو لك .. فقط لانني وقفت في وجه الكثير من المنافقين هنا .. ومن ضمنهم بعض الذين وجدتك معهم في نفس المكان تحاول ان تخلق مني اداة للانقاذ أو اداة هدم .. أو مسبط للمسيرة .. وارجو ان تعلم عني ما لم يصلك يا زول .. عند ايماني بأي فكرة تجدني اجاهر بها واوت دونها .. فغذا كنت داعما لهذا النظام .. فثق تماما انني لن اتواني لحظة في ان اعلنها هنا واقف ضد الكثير .. فهذه ي الخيارات السهلة التي اواجهها في حياتي .. فقط انظر من حولك واقرا بتمعن لتعرف امثال هذا الساره عيسى يقود إلى أين .. ولا تغرك المساحيق الخداعة والهتافات من الكثيرين .. فهم سينحرفون في اي زقاق حال ما وصلوا وجهتهم المطلوبة..
بالمناسبة يازول .. ما قاعد استعمل تقنية اني ابرر لي اي موقف من مواقفي .. أو اشرح لاحد ما عن وجهة نظري فيما اكتب او اقول .. لكن كحالة استثنائية لشخصك أرجو ان تتابع اعادة قراءة هذا الرابط إذا توفر لك من زمن كافي .. أو بالعدم اطبع ما يستحق المراجعة .. لتتعرف على بعض الحقائق المهمة فيما يتعلق بعقدة بعض الذين يشتمون باللون .. ويرمون اسقاطاتهم النفسية .. ستجد الرد الشافي لهم بقدر ما تيسر لي من معرفة .. وهي وجهة نظر ستجد الكثيرين خالفوني فيها الراي .. فقط لكراهيتهم المسبقة لهذا التمبس .. بالمناسبة .. البوست دا رد لي واحد زي ما شايف قال لي احسن ليك تسمع كلام بشاشا دا إنت ما ود عرب .. ولو عجبك كمان يا زول اجيب ليك من البريد حقي نماذج مشرفة جدا لنوعية مش ساخره بس .. دي بتطلع في الكورة وهي ماشة .. بالانقليزي والعربي وحيات الخوة .. يعني شتيمة من الشمال لليمين وبالعكس .. انا جاهز لو المسالة بتهمك شديد .. ولو بهمك اشد من كدا اديك ايميلات المجموعة دي ... ولو بهمك اشدد .. اديك عناوين كمبيوتراتم .. ولو بهمك اشددد من كدا دا .. اديك ملف ملفين من اجهزتم دي .. وخلي الراجل فيهم يجي ينكره يقول دا ما ملفي . وهم قاعدين هنا دا يسمعو في كلامي دا ويقرو فيهو .. اتفضل يا زول .. كن مع بشاشا .. فأنت لا تشبه العرب !! ولو بتطمع في ردود ضافية لما كتبت زي ما قلت ليك . اخوك جاهز ..
06-22-2008, 03:09 PM
khalid abuahmed khalid abuahmed
تاريخ التسجيل: 10-25-2005
مجموع المشاركات: 3123
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد عادل
عبود عبد الرحيم
A.Razek Althalib
Siham Elmugammar
محمد فرح
عمر التاج
tmbis
يا (تتي) إنت
Ashraf el-Halabi
Nasr
Hussein Mallasi
khalid abuahmed
فيس بوك
تويتر
انستقرام
يوتيوب
بنتيريست