|
|
|
 Re: البدور الدواس ما بيابا الطعن !! (Re: salah almaleeh)
|
انتو يا صلاح الزول البقول النصيحة طوالى تشبكو ان منطلق من فهم السلطة فى البوست دا انا بتكلم عن دارفور وعشان اعرف دارفور دى زاتها حقت منو وراسها وين واخرها وين
بعدين سلطة شنو يا صلاح ما يانى محمد حامد شايفنى عندى حراسة ولا ساكن حى المطار ولا برفد وبعين ما كنت معاكم فى السودانى بسك قروشى زى الشحاد انعل ابو السلطة كان كدا
| |
 
|
|
|
|
|
|
|
|
Re: البدور الدواس ما بيابا الطعن !! (Re: محمد حامد جمعه)
|
شابكين الناس جراقسة وجلابة ، ومطلعين كل البشر مرتزقة وعملاء وجبناء وانتو بس الصح ، كل العالم والاعراق الفى البلد دى فى نظركم هوام والزغاوة بس اهل الجلد والراس ، انا سكت وسكت كتار هنا لانو الطريق دا اعوج ، والمنطق فيهو بيكون كتير مفقود لكن الظاهر حقو نتكلم بصراحة شديدة معاكم عشان اى زول يعرف حجمو
| |
|
|
|
|
|
|
|
|
|
Re: البدور الدواس ما بيابا الطعن !! (Re: Elsanosi Badr)
|
يا السنوسى يا اخوى قلنا مليون مرة وعشرة انو لدارفور قضية واشكالات زيها زى باقى السودان ويمكن فى دارفور لظروف طبعية الحال احسن شوية ، وقلنا مليون مرة انو طريقة الخطاب والفعل المعارض الملازم للقضية ما صاح وضرروا اكتر من نفعو وقلنا مليون مرة انو قضية دارفور بالوجهه الماشية عليها حتخليها قضية قبيلة وعنصرية وقضية احقاد وثارات
| |
|
|
|
|
|
|
|
|
|
Re: البدور الدواس ما بيابا الطعن !! (Re: محمد حامد جمعه)
|
| Quote: و لدارفور قضية واشكالات زيها زى باقى السودان ويمكن فى دارفور لظروف طبعية الحال احسن شوية |
والله يا سعادتو على الدوام فيك بروده في تلاجة ست النفر مافي يأخي انت الناس في معسكرات نزوح بالملايين وبره السودان وتقول الظروف احسن شوية ..
الميزان أحسن تعدلوا ...ده لو عندك طريقة تعدلوا...
| |
|
|
|
|
|
|
|
|
|
Re: البدور الدواس ما بيابا الطعن !! (Re: مجاهد عبدالله)
|
والوداهم المعسكرات شنو ، ما عبط الناس الجات عملت المشاكل ، خليل ومنو ومنو ، قاعدين حكام ومسئولين ، خليل دا برفد وبعين فى الولاة وعشر اخوهو مسئول امنى ومنو ومنو ومنو ، صحو يوم كدا لقو نفسهم فى الطرف البره السلطة طوالى مشو دارفور وجاطو الحكاية ، وكلو لا عشان تنمية ولا مواطنين كلو عشان كرسى السلطة ، السلطة ، وحتى الطريق للغاية دى بقى لونو وشكلو عنصرى
لو ما عارفين اعرفو ، الحركات المسلحة دى فى دارفور منبوذة ومكروهه من المواطن البسيط دا لانو المناضلين فى بعض المناطق بيمشو يخفطو عيالك من الزراعة ويجندوهم ويسرقو مالك ويقطعو الطريق عليك ياخى ديل يدفرو الناس على معسكرات اللاجئين والنازحين ويقعدو يقطعو الطريق على عمال الاغاثة
| |
|
|
|
|
|
|
|
|
|
Re: البدور الدواس ما بيابا الطعن !! (Re: محمد حامد جمعه)
|
اخوانا الزغاوة ناس سبقت منهم الحسنى فى البلد دى ، وفيهم اصدقاء اعزاء واخوة كرام ولكن للاسف القبيلة بتسمح بحرقها فى الوجدان السودانى بافعال خطيرة ومخططات تتم باسمها عبر قضية دارفور ، طبعا الكلام دا الناس قاعدة تملس فيهو وتلف منو شمال ويمين لكنو الحقيقة
فى انطباع بقى يتجذر لدى غالب السودانيين واهل دارفور بالتحديد انو الزغاوة سيقودون الجميع الى نهاية فظيعة
| |
|
|
|
|
|
|
|
|
|
Re: البدور الدواس ما بيابا الطعن !! (Re: محمد حامد جمعه)
|
| Quote: كرسى السلطة ، السلطة |
أسه ده كلام كويس وبنصل معاك لحدي الباب بس مقدمين النشوف أخرتا ..
ياخي طيب انت في السلطة وقاعدين في الكراسي دي ممكن تخليهم يقعدوا في الفاضي من الكراسي دي ولا الكراسي كلها مليانه ولو كانت مليانه شوف عيني في ناس بقوا مالينه تاريخ ساكت يعني كرسي على عثمان ما ممكن يدوهوا لدارفور ولا ما بتستاهلوا ولا فيه خوفه لو قلتوا لهامان زح من الكرسي ده وما أظن ماهو كان قاعد في كرسي أكبر من ده وخلاهوا للجنوب المانع شنو يخلي ده كمان لدارفور ..طبعاً بالطريقة دي ماممكن نتقدم نمشي لحدي الباب لأنو أنتوا عارفين أنو ما ممكن تتنازلوا عن الكرسي ده لأنوا الساعة ديك الضقيل ببدأ بين النواب مع الرئيس ولأنوا الكرسي عندو توابع في كراسي تانية قد تصل المالية والطاقة وهنا الجماعة حايقيفوا ألف أحمر ( وطبعاً عارف الجماعة) والدواس المن غير طعن بيدور .. وتروح الشغلانية بتاعت السلطة المكنكشين فوقا دي شمار في مرقة ويحصل الحساب بتاع حكومة المماليك الطالت رقاب السلطويين ..
فيا أخونا حكاية دارفور احسن من غيره دي روجه في محافل آخرى( وقول كلامك ده لزول ما عندو حديدة ) ... 
| |
|
|
|
|
|
|
|
|
|
Re: البدور الدواس ما بيابا الطعن !! (Re: مجاهد عبدالله)
|
اى السلطة ، ومنو القال لخليل ولا عبدالواحد ولا غيرو ان انسان دارفور عاوز ليهو حرب عشان كرسى ولا كنبة يقعدو فيها عشرة ولا عشرين وباقى الناس تقعد تعاين ، دا منطق شنو
وتعال هنا منو الفوض خليل وبالتحديد منو فوض الزغاوة دون العالمين ، لو اصلو القضية ولا التفويض محل اتفاق كان لقينا دارفور كلها فى الحركات دى مش قبيلة واحدة
يا مجاهد ما تقعد تطعن لينا فى الضل دى قضية قبيلة وغرض ناس فى القبيلة دى - ما نشمل الزغاوة كلهم - وهسة فى المنبر دا شوف الامثلة ما تتخيل محمد سليمان بيكره محمد حامد عشان بساند الحكومة صدقنى لو كنت زغاوى كان خطابو معاى اختلف وشوف هسة خطابو مع محمدين لانو فوراروى وشوف خطابو من ابنوس ولا الود المهذب صلاح شعيب ناهيك من العبط البعمل فيهو ضد باقى القبائل واصلو ما تتخيل انو خطابو دا قطاعو من راسو واجتهاد منو ، دا خط منهجى ، وخط منهجى عند السيئين فى تلك القبيلة ، واصلو ما تتخيل انو دا كلام طق حنك دا منهج بيكون عملى لو جماعتو وصلو السلطة ياها مظاهر الاستبداد والعنف واقصاء الاخر والحتكون شاملة للجميع وما حتفرز عمر البشير ونافع من حميدان راعى البقر ولا البلولة بائع اللبن ، كلهم جلابة وجراقسة لازم ينضربو ويتذلو لاشباع مرض التشفى
| |
|
|
|
|
|
|
|
|
|
Re: البدور الدواس ما بيابا الطعن !! (Re: NGABY AJOOZ)
|
الحقيقة التى يجب ان تعرف وتقال ان تلك الفئة من ابناء دارفور والزغاوة اضروا بقضيتهم وعزلوها حتى قبل الوصول الى ام درمان ، المواطن العادى والبسيط فى دارفور ليس غبيا حتى تفوت عليه ملاحظات غريبة مثل ان حركة العدل والمساواة لا تحارب فى دار زغاوة ، الطينة التى هى مسقط راس غالب القيادات ومركز دارهم تاريخيا هى الان اكبر معسكر للقوات الحكومية وهى وكل جوارها لا تشهد اضطرابات امنية ولا يتضرر الاهالى من اى نشاط للحركة وكلو تمام لكن وفى ذات الوقت تقوم الحركة بنشر العذابات فى مناطق صليعة وابوسروج وكلبس وما حلوها ، القمر والمساليت واطراف من الفور عليهم دفع فاتورة حماقات امجاد الدكتور خليل ابراهيم الذى يترك الطينة (بلده ) ويبحث عن تحرير ابوسروج والجنينيه وشارع العرضة والاربعين
انه ليس خطل فى التقديرات انه تجنيب اهله ويلات الحرب وصب نيرانها على الاخرين
وحتى الاطفال المجندين بالحركة قسرا والذين اسروا فى معارك ام درمان من جملة كم وسعبين طفل وجد فقط اقل من سبعة زغاوة !
| |
|
|
|
|
|
|
|
|
 Re: البدور الدواس ما بيابا الطعن !! (Re: محمد حامد جمعه)
|
Quote:
الحقيقة التى يجب ان تعرف وتقال ان تلك الفئة من ابناء دارفور والزغاوة اضروا بقضيتهم وعزلوها حتى قبل الوصول الى ام درمان ، المواطن العادى والبسيط فى دارفور ليس غبيا حتى تفوت عليه ملاحظات غريبة مثل ان حركة العدل والمساواة لا تحارب فى دار زغاوة ، الطينة التى هى مسقط راس غالب القيادات ومركز دارهم تاريخيا هى الان اكبر معسكر للقوات الحكومية وهى وكل جوارها لا تشهد اضطرابات امنية ولا يتضرر الاهالى من اى نشاط للحركة وكلو تمام لكن وفى ذات الوقت تقوم الحركة بنشر العذابات فى مناطق صليعة وابوسروج وكلبس وما حلوها ، القمر والمساليت واطراف من الفور عليهم دفع فاتورة حماقات امجاد الدكتور خليل ابراهيم الذى يترك الطينة (بلده ) ويبحث عن تحرير ابوسروج والجنينيه وشارع العرضة والاربعين
انه ليس خطل فى التقديرات انه تجنيب اهله ويلات الحرب وصب نيرانها على الاخرين
وحتى الاطفال المجندين بالحركة قسرا والذين اسروا فى معارك ام درمان من جملة كم وسعبين طفل وجد فقط اقل من سبعة زغاوة ! |
يا ود جمعة صبح الخير
إنت متأكد من الكلام دا.
| |
|
|
|
|
|
|
|
|
|
Re: البدور الدواس ما بيابا الطعن !! (Re: محمد حامد جمعه)
|
| Quote: قلنا مليون مرة وعشرة انو لدارفور قضية واشكالات |
قلت لى منو؟
هنا في البورد والانترنت؟ انت بقيت مناضل كيبورد زينا كده و لا شنو؟
اسمع انت زول جزء من سلطة حاكمة، تمشي تقول لصناع القرار عندك هناك ، موش كلما تتزنق في حاجة تبدا تتخرت: انا ادين وانا اشجب وانا قلت دشلمية مره ....
امشي قول الكلام ده للبرسلو الانتينوف و بجندو المليشيات وبيدوها السلاح والمال عشان تطحن المدنييين
هنا ده كلام فطيس و مجانى ... للطير
| |
|
|
|
|
|
|
|
|
|
Re: البدور الدواس ما بيابا الطعن !! (Re: محمد حامد جمعه)
|
Quote: اخوانا الزغاوة
انو الزغاوة سيقودون الجميع
منو فوض الزغاوة
لو كنت زغاوى
من ابناء دارفور والزغاوة
لا تحارب فى دار زغاوة
اقل من سبعة زغاوة |
الزغاوة الزغاوة الزغاوة الزغاوة الزغاوة الزغاوة
دى الخطة الجديده/القديمة؟ دولة الزغاوة و ما شابه ، مزيد من ضرب الحركات والقبائل ببعضها؟
بعدين خليل و من معه كانو زغاوة لما كانو في الجبهة الاسلامية و لا بقو زغاوة بعد ما انسلخو منها؟ و لا قامت ليهم فجاة كده حالة زغاوية؟
و شنو الخلا كل ناس اطراف السودان ترجع لقبائلها تبحث عندها عن الحماية والامان، موش الزغاوة براهم؟ امسك كل الاطراف غرب شمال و شرق، لما الدولة العنصرية/المتحيزة تصبح هى العدو الرئيسي والوحيد طبيعي ان يبحث الناس عما يحميهم
تتاجر باعراض المرض يا م.ح.ج. وتترك مصدره
| |
|
|
|
|
|
|
|
|
|
Re: البدور الدواس ما بيابا الطعن !! (Re: esam gabralla)
|
| Quote: و شنو الخلا كل ناس اطراف السودان ترجع لقبائلها تبحث عندها عن الحماية والامان، |
الشيء شنو يا ناس..
طبعاً اليسمعو بتكلم عن أطراف السودان يحلف يقول ده سنتر الخرطوم ذاتو..
أسمع؛
محمد ابراهيم نقد... في حكاوي المخابئ وأحاديث العلن ولا شنو..؟
وبتلقى إجابتكـ..
عند [ود مليم] نقد موش جمعة..
هو قالوا ليكـ الضلال والتضليل والتغبيش بقروش..
| |
|
|
|
|
|
|
|
|
|
Re: البدور الدواس ما بيابا الطعن !! (Re: esam gabralla)
|
Quote: الزغاوة الزغاوة الزغاوة الزغاوة الزغاوة الزغاوة
دى الخطة الجديده/القديمة؟ دولة الزغاوة و ما شابه ، مزيد من ضرب الحركات والقبائل ببعضها؟
|
سبحان الله ولمن الزغاوة يتحدثوا عن الاوضاع السياسية من منظور عدد الشوايقة كم والدناقلة كم ولمن قبلنة المواقف والاراء والشعارات يجى منهم ليه الكلام دا ما وجعك وما خلاك نزيه وعندك كلمة
تابع براك القضية وشوف منو البدا فى تصنيف الناس على اسس عرقية من العرب فى دارفور كجنجويد واهل الشمال كجلابة منو ولو امين جاوب
| |
|
|
|
|
|
|
|
|
|
Re: البدور الدواس ما بيابا الطعن !! (Re: محمد حامد جمعه)
|
| Quote: وتعال هنا منو الفوض خليل وبالتحديد منو فوض الزغاوة دون العالمين |
يا محمد حامد جمعه قبل ان تسأل عن من الذي فوض خلبل اسأل معنا من الذي فوض عمر البشير تحديدا و المؤتمر الوطني / الجبهه الاسلاميه القوميه دون العالمين لتحكم السودان
فحكم عمر البشير سابق لتمرد خليل اذن المنطق يقول ان نعرف من فوض الاول اولا ثم نبحث عن اجابه من فوض الثاني لاحقا
_____________________________
بالله يا جمعه ما تكتب كلام يورطك وتفكوا في الهوا ساكت
| |
|
|
|
|
|
|
|
|
|
Re: البدور الدواس ما بيابا الطعن !! (Re: محمد حامد جمعه)
|
| Quote: ومنو القال لخليل ولا عبدالواحد ولا غيرو ان انسان دارفور عاوز ليهو حرب عشان كرسى |
شوف الزول ده والحرباوية البيعمل فيها دي .. بالفوراوي كده (تره قولنا كلامن زي ده)..
منو القال ليك الكرسي ده لخليل ولا عبدالواحد وبعدين شنو الإنطباعية الماخد بيها الكلام ده تطعنوا في الضل وتطعنوا في الحيطة ومالك أبيت الطعن أسه ما قلته البيدور الدواس ما بيابا الطعن وأقول ليك طعنا أصلوا ما شاف ضل وياهو كلامك ببين .. يأخونا لمن قلنا الكرسي قاصدين أنوا دارفور تأخذ حقها في قسمة السلطة والثروة وأنت يا محمد حامد عارف ثروة دارفور كويس وعارف البدخلوا النظام منها (وكان مكضبنا أمشي ديك وزارة الطاقة قريبة) بعدين حقهم ده ياخدوا كراسي ولاياخدوا ولايات ده حقهم في النهاية يجيبوا خليل ولا يجيبوا عبدالواحد ولايجيبوا بولاد من تربتوا ده حقهم الدايرين يختوه ويمسكوا مالهم وحالهم هم حرين فيهو وده أنا عارف وانت عارف حايخدوهوا يوماً ما وحتى ذلك اليوم المطلوب منكم وانتوا في السلطة أن تتوقفوا بقصف أي منطقة في دارفور وتخلوا المنطقة دي ترجع لإستقراره المعهود وخلوا القوات الأممية والجات عشان تكفي شركم من الآمنيين التشوف شغلها وخلوا الناس تأخد ليها فرصة عشان يرجعوا الكمية بتاعت اليشر القاعدة في تشاد وبعدين خلوا ناس الحركات زاته تتفاوض فيما بينه وأنتوا أمشوا أجهزوا وطلعوا للناس حقوقهم زي ما في ناس أخدت حقوقا في نيفاشا ولا برضوا دايرين الناس تتحزم أكتر من الزراع الطويلة دي عشان تفاوضوهم ويأخدوا حقوقهم ..البلد دي عارفين أنكم مكنكشين فيها بيدينكم وسنونكم وما بتفكوها بأخوي وأخوك لكن غضب الشعب بجي مارق يوم زي حريق القطن شرارة في شرارة (شوفت حريق القطن)والله لابدرة تحلك لاقوش يحلك واليوم داكـــ إلأ تقول للمواطنين أنا كنت مؤتمر وطني بالإنتساب والمواطنين ديل حايكونوا أهلك زاتهم .. يأخي قضية دارفور الفيها مكفيها فما تزيدوا نار القبلية فيها والكلام ده بضر اهلك قبل ما يضر الحركات المسلحة لأنوا دي النعرة الدايره النظام وأهلك ديل يا محمد حياتك والنظام دنيتك الزائلة فما تبيع أهلك أكثر من كد ه . وما تنفذ أجندة النظام بحذافيرها وخليك فنان ..
| |
|
|
|
|
|
|
|
|
|
Re: البدور الدواس ما بيابا الطعن !! (Re: محمد حامد جمعه)
|
أبورزقة تحياتي يامحترم ..
في بلدكم ناجالا تذكر النسون البعملن الأكل تحت الجزارة وعندهم حلة الجقاجق المخصوصة البسوها للمساكين مع باقي الحلل ويجي المسكين طابق رغيفتو وقرعتوا ويملؤ ليهو وياكل لامن يشبع لاقرش لاطرادة ..
أه حلة الجقاجق دي أكتر حلة بتاخد زمن من ست الأكل وطبعاً عارف نظافة الكمونية كيف متعبة عند النسون في ديار أهلك الفور . أه شوفته ديل أصغر تجار ممكن تقول عليهم في السوق جارين برضو وراء الأجر أه أتخن تخين وأصغر زول في دارفور هم واحد عشان كده حرام البحصل في بلد زي ده ولمن قولنا منو القال الكرسي ده لخليل ولا عبدالواحد عارف تمام قولته الكلام ده ليي لأنو متأكد من أهل دارفور ديل كويس بس الحكومة دي تديهم حقهم وهم بيديروا بالهم بمعرفتهم وانت عارف يا أبرزقة البلد دي ما دارفور السودان كلوا في يوم من الأيام كان حاكموه واحد من دارفور فكتيرة حكاية أنو يكون في نائب رئيس من دارفور ولو خالفت الراي ده بيكون عندك منظارين وده ما كويس عشان كده البطرشوه محمد حامد جمعة هنا ده بيوري أنو ما قارئ تاريخ كويس للبلد دي وعيب أنك تجاريهو ,,,
خالص الود ...
| |
|
|
|
|
|
|
|
|
 Re: البدور الدواس ما بيابا الطعن !! (Re: مجاهد عبدالله)
|
| Quote: حكاية أنو يكون في نائب رئيس من دارفور ولو خالفت الراي ده بيكون عندك منظارين |
نائب بس..
ده منظار ضاربو فيروس قصير النظر العنصري..
ومحاصر جهوياً بالتضليل..
يا مجاهد..
إذا رجعت شوية كمان للتاريخ بتلقى ناس ود تور شين..
وثلة من الكرام الميامين تحت رايات مختلف بقاع السودان..
أكيد حتشوف..
حقبة كرري الحدثت عن رجالاً كالأسود الضارية..
| |
|
|
|
|
|
|
|
|
|
Re: البدور الدواس ما بيابا الطعن !! (Re: NGABY AJOOZ)
|
| Quote: والكلام ده بضر اهلك قبل ما يضر الحركات المسلحة لأنوا دي النعرة الدايره النظام وأهلك ديل يا محمد حياتك والنظام دنيتك الزائلة فما تبيع أهلك أكثر من كد ه . وما تنفذ أجندة النظام بحذافيرها وخليك فنان .. |
طيب بعض الجماعات التابعه للحركات دي تترك إنتقادها للنظام ..
وتوجه نقدها للكيان الإجتماعي في الوسط والشمال تحديدا وتصورهم وكأنهم أس كل البلاء ..
ديل برضوا مش بنفذوا أجندة النظام واللا كيف ؟
المنطق الأعوج يولد نتيجة عرجاء ..
أنا شمالي متضرر من النظام ومعارض له واعرف أن لدارفور مظالم مثل ما لي ..
واعلم أن تضحيات أبناء دارفور ومعانات إنسانها تجاوز سقفه ولفت أنظار العالم ..
ولكن أرفض وصفها وربط جذرها بتكوينات السودان السيسلوجية ..
يجب أن نفهم أن انظمة الحكم المركزي هي التي أفرزت هذه المظالم..
وعلينا السعي لتصحيحها بوعي .
| |
|
|
|
|
|
|
|
|
|
Re: البدور الدواس ما بيابا الطعن !! (Re: محمد حامد جمعه)
|
| Quote: يجب أن نفهم أن انظمة الحكم المركزي هي التي أفرزت هذه المظالم.. |
المحترم محمد الملك سلامات وأحوالك ..
أولاً أعتذر لعدم مشاهدتي لتعقيبك سوي اللحظة ..
صفة الوجوب هنا ليس لها أي داع طالما الأزمات لم تلج بوابة التاريخ والوضع الراهن ليس به حلول تلوح في الأفق وحتى مفهوم النظام المركزي لم يصل الى معناها الحقيقي فغياب القانون يعني غياب النظام والذي بدوره يعني فوضوية الحكم الذي يرزح تحته السودان منذ خروج المستعمر ..
وبنفس المبدأ الذي يجعل المسئولية لكل الكوارث ملقاه على عاتق النظام المركزي فهذا النظام هو وليد الوسط والشمال وليس وليد الغرب والجنوب ولكن تقريباً لذلك دعنا نقول أن النخبة السياسية هي التي أفرزت هذه المظالم وهذه النخبة لن نستثني منها كافة قطاعات الشعب فبدل أن تكون هذه النخب مهمومة بتوعية الشعب وإنزال المفاهيم التي تدعو الى التعايش الإجتماعي وتجسيد معاني الوحدة بين أبناء الوطن الواحد وإنفاذ مسيرة القانون ومبدأ سيادته إتجهت الى الصراع حول كراسي السلطة في كل العهود ( ديمقراطية وعسكرية) لذلك فإن لؤم بعض القطاعات من الشعب لغالبية قطاعات النخب الحاكمة حق مكنه غياب الوعي والمسئول عنه نفس النخب فلذلك ليس هنالك أي داع أن نغضب من شكل هذا الرفض والنقد بل ليكن محفزاً لتقويم الكثير من الأخطاء التاريخية التي وقعت فيها هذه النخب .. أن الإنقاذ عندما أتت للسُلطة كانت تحلم بمشروع دولتها الكبرى وغاب عنها تفاصيل الواقع الذي فاض بكثرة الأخطاء وبعد فشل مشروعها لجئت الى الإسلوب الإستعماري ففرقت وسادت ( وهي سيادة لحين) وإستخدمت كل شيئ لزيادة النعرات القبلية والتي هي أصلاً موجودة كجرح داخل وجدان الشعب الذي ما زال يرزح تحت الطور القبلي لذلك أصبح هذا الشق هو أحد أجندة نظام الإنقاذ للمحافظة على كرسي الحكم ( وهم واهمون) .. واليوم إذا نظرت للواقع جيداً فستجد أن أفضل الحلول للمحافظة على ما تبقى من وحدة هذا الشعب حتى يستعيد نسيجة المتهتك بفعل غياب مسئولية النخب المثقفة هو الفيدرالية في الحكم فليأخذ كل إقليم نصيبه من الثروة والسلطة ولتكن نهضة الأقاليم ذاتية ومن أبنائها حتي نصل مرة آخرى الى الطور الذي ضللنا عنه .. وأهم إفراز لمثل هذه الحلول هو تفكيك هذا النظام البغيض وشل حركته وسلطته بخفض نسبته في السلطة والثروة فتأكل هذا الجبروت لن يتم دون الإصطفاف نحو الموقف الواحد ...
خالضص الود أخي محمد ..
| |
|
|
|
|
|
|
|
|
|
Re: البدور الدواس ما بيابا الطعن !! (Re: مجاهد عبدالله)
|
يا مجاهد
إنت عارف لما الناظر هلال قال:
ترعى الناقة على فوهة البندقية .. شنو الحصل؟
وقولك:
(والكلام ده بضر اهلك قبل ما يضر الحركات المسلحة ......).
رسالتك وصلت متأخرة، الضرر حصل ولكن....... لكل الأطراف.
ومن ثم ....
إلا التهديد.
والمهم:
مع تحفظي التام على تجريم قبائل بعينها سواء أن كانت من دارفور
او غيرها، فالصراع بإختصار وحسب ماأرى هو صراع سياسي، بحثا عن
المناصب وأكل عيش بالحرام وبس.
يا محمد أخوي:
بشيش بشيش، هي ما بدور ليها عويش، والعايرة ما تديها سوط.
اقرعوا الجفلن، الوقفات خلوهن. لو حوت الجفلن بتلقى المجفلهن.
لدارفور قضية، يجب توفر الأمن والتنمية والعدالة، ووقف الحرب
مع أهمية بسط هيبة الدولة والتعويض عن القتلى بدفع الديات و
التعويض عن الأموال المتلفة عمدا ونهبا وغيلة وغدرا غيرها من
مصائب وويلات الحرب.
| |
|
|
|
|
|
|
|
|
|
Re: البدور الدواس ما بيابا الطعن !! (Re: حماد الطاهر عبدالله)
|
Quote: حكاية أنو يكون في نائب رئيس من دارفور ولو خالفت الراي ده بيكون عندك منظارين
أمك الطمع بدأ ... |
الطمع في الحق شيمة الرجال يا مجاهد..
والإستثناء الخوف على عدم إشاعة العدل والمساواة..
على قول المثل الشائع:
أعرف الحق تعرف رجاله..
| |
|
|
|
|
|
|
| |
محمد حامد جمعه
salah almaleeh
Elsanosi Badr
NGABY AJOOZ
Balla Musa
A.Razek Althalib
كمال مبارك
ود محجوب
Omar Bob
محمد على طه الملك
عبدالكريم الامين احمد
فيس بوك
تويتر
انستقرام
يوتيوب
بنتيريست