المهم الزول دا قال لي امشي حدق سنتر ووصف لي وانا امبارح اليوم كلو لافه وتعبانه لغاية ما حفيت وما لقيت المحل دا لكن طالما قلتو لي انو في نيالا خلاص إطمانيت شديد والليله بصلو ليكم وخلوه كدي ما يضبح لي
06-02-2008, 08:18 AM
A.Razek Althalib A.Razek Althalib
تاريخ التسجيل: 12-12-2004
مجموع المشاركات: 11818
Quote: ثانيا : أمسكى شارع الضعين وابتدى من بنك السودان متجه شرقا على الزلط
وعندما تصلى محل إسمه ( حدق سنتر ) ريحى شوية وقولى ليهم الهلباوى بسلم عليكم
وقال ليكم تدونى هدية والهدية هي الكنز .. صفارة تيت ياالله ابتدى ......
إلا إذا رحلوا وبرضو حقكـ في ذمة آدم الهلباوي .. وعد مني .. بجيبو ليكـ من الهلباوي كان من الرياض هنا.. ولا كان من نيالا..
عموماً إتصلت عليهو الآن لقيتو طالع مشوار خارج الرياض.. [في منطقة الخرج].. وبيقول ليكي أبشري يا الغالية حقكـ محفوظ.. ولامن يجي راجع بعد الساعة السادسة مساء حيرد ليكي..
Quote: نعم هذا اللاعب الفنان هو ابن اخونا المشاغب الهلباوي ... لقــــــد قدم عرضا رائعا يبشر بامكانية الاستفادة منه في الهلال او المريخ . او اي فريق هنا في السعودية ..
Quote: لا حولالآلآلآلآلآه.. ده ما الهلباوي ذاتو.. بشحمو ولحمو أيام كان بيلعب لفريق التاج..
مرة شات ليهو فاول برة خط تمنطاشر لحق القون الإسعاف..
هذا الشبل (فانتوماس الصغير) من ذاكـ الأسد (فانتوماس).. تشرف بإختياره مرتين للعب في منتخب السودان للشباب.. أمامه المستقبل واعد..
ربنا يحفظو..
تعرفي يا أخت هويدا بصفتي صديق أدم الهلباوي.. لقيت أم وليداتو حنبكت جنس حنبكة.. لو لا تدخلنا كأجاويد.. وجبنا ليها البينة دي: Re: أنا الآن في دارفور في نيالا
Quote: قلت ليها انا معرسة
قلت الناس الدواخلها نضيفة زي الأخت هويدا دي.. الله راضي عليهم.. وسوقهم قايم من قولة تيت.. وما بيحتاجوا لدعاية.. وفي الآخر بتقول ليكـ العفو والعافية على سوء الظن..
هسعي.. خليتهم ليكـ بيجهزوا حالهم وبيرتبو في بيتم عشان قال قناة الشروق جاياهم يعملوا لقاء مع الأسرة بخصوص فوز ولد آدم الهلباوي بجائزة أحسن لاعب كدعاية لرفع أسهم اللاعب في بورصة الأسواق العالمية وقامو عزموني.. قلت ليهم 10% كشاهد على العقد من سعر البيع من هسعي.. الواضح ما فاضح .. وعشان الحلوين ناس نيالا البحير (نقصر عمر غربتنا).. قاموا وافقوا بكل أريحية خليكـ شاهدة..
عشان بعدين ما يقولوا لي.. اليعملوها الصغار يقعوا فيها الكبار..
فوق..
لأجل إصلاح ذات البين..
06-03-2008, 11:49 AM
هويدا شرف الدين هويدا شرف الدين
تاريخ التسجيل: 04-16-2008
مجموع المشاركات: 2068
مشكور يا غالي وتحياتي لزوجة ادو واولاده وانا الليله مشيت وقابلت اختو الاستاذة جميلة والله سررت جدا بي معرفته ووعدناها بالزيارة وكمان طلعت بتعرف الزول المشي معاي وهو كان ضابط سابق بالجيش وإسمو الدومه إسحاق وهو زميلي في المكتب ومن اعز اصدقائنا والله سعدت جدا بالتعرف بإخت أدم وان شاء الله وعدتها بتسجيل زريارة لأسرتهم
06-03-2008, 12:51 PM
A.Razek Althalib A.Razek Althalib
تاريخ التسجيل: 12-12-2004
مجموع المشاركات: 11818
لا شكر على واجب يا الغالية.. وتحياتي عبركـ لسعادة الدومه إسحاق مع التقدير لكل أهلنا بنيالا البحير.... وللأخته (جميلة الروح) السيدة المدير الجليلة جميلة.. وللأسرة الكريمة..
تحياتكـ وصلت عبر صديقي آدم الهلباوي..
06-03-2008, 04:53 PM
ادم الهلباوى ادم الهلباوى
تاريخ التسجيل: 06-27-2004
مجموع المشاركات: 9291
كدا يا ولدي يا آدمو ؛ وأنا ختيتك فوق عشان عمّتك دي حتى لو صفراء؛ وعشان محمد اللي حيرفع راسنا فوق؛
تقوم انت داير تزعل لي أم محمد؛ وبعدين تعال شنو لغة التهديد الجديدة دي؛ كدا انت حتخلينا نهتفا بي جلالات؛
اليوم الحار ما بندار ضرب النار دير لو رجال؛
ما تقعد تحسّب حساباتك؛ أنا ما بتكلّم في السياسة الشينة حقّتكم دي؛ حكاية الجلالة دي كانت قبل كم وعشرين سنة في ملعب رعاية الشباب في الملز؛ وهي الكورة الوحيدة اللي دخلتها في ملعب في السعودية؛ وكان البطل الوحيد فيها الجمهور السوداني اللي ما خلّى الجلالة دي مدة التسعين دقيقة على الرغم من إنو كان مهزوو وووم تلاتة صفر؛ والأهداف التلاتة جايبها ولد واحد سوداني؛ الولد اسمو ماجد عبدالله؛ ذلك يوم لا ينسى البتّة. الجلالة دي بقولها لي محمد يشدّ حيلو وانت تشجعو لينا؛ عشان يسد لينا التار؛ أما انت وأحلام ظلّوط الخلّية دي؛ فدا عشم ابليس في الجنّة. عليك الله شجعنا لينا الولد دا؛ وكيّة ليك أها تاني مبروك. وتحياتي لي ست البوست الظريفة.
06-04-2008, 10:05 AM
حليمة محمد عبد الرحمن حليمة محمد عبد الرحمن
تاريخ التسجيل: 11-02-2006
مجموع المشاركات: 4052
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
هويدا شرف الدين
عادل سهل
A.Razek Althalib
ادم الهلباوى
عبدالفتاح أبوشيمة
حليمة محمد عبد الرحمن
فيس بوك
تويتر
انستقرام
يوتيوب
بنتيريست