|
|
 إلى المتباكين عن صور الأطفال والجمالي وأسرى أحداث أم درمان
|
هذا المنبر أمره عجب
الكل يدعو فيه إلى الحرية
وإعلاء القيم الإنسانية
لكن الكل يفصل ذلك على مقاسه هو
فعندما أنزل بعضهم صور من قتلوا في أحداث كجبار
قام الأخ بكري بتثبيت البوست لأيام
وقام البعض بأخذ صور بعض هؤلاء ووضعهم في مكان صورهم
فهل هناك من دعى لحذف هذه الصور ؟؟
هل هناك من استنكر ذلك ؟؟
لا !!!
لماذا؟؟
لأن ذلك يدين نظام الإنقاذ
قلنا حسنا !!
========
لكن عندما قتل (الجمالي)
وقام بعضهم بوضع صورته في بوست
قام المنبر ولم يقعد
أحذفوا هذه الصورة
أين حقوق الموتى ؟؟؟
يا بكري.. أحذف هذه الصورة !!
ونجحت الحملة.. وحذفت الصورة !!!!
|
|
 
|
|
|
|
|
|
|
|
Re: إلى المتباكين عن صور الأطفال والجمالي وأسرى أحداث أم درمان (Re: عز الدين بيلو)
|
بعد الهجوم الغادر الذي قاده خليل على أم درمان
وأسر القوات الأمنية لبعض الأطفال الذين جاؤا عبر لاندكروزات خليل
وقامت السلطات بنشر صورهم لإعلام أهلهم بهم
وذلك للاتصال بهم .. وطمأنتهم على أبنائهم الذين سيحاكمون وفق قانون الأحداث
قامت العزيزة (فدوى شريف) بإنزال بوست فيه صور هؤلاء الأطفال
صور وأسماء الاطفال والقُصر الذين غرر بهم خليل
فهاج دعاة حقوق الطفل وماجو مطالبين بسحب هذه الصور
كما هاجو وماجو من قبل عندما قام التلفزيون القومي بنشر صور الأسرى الذين أسروا يوم المعركة
وأنزلوا البوستات عن حقوق الأسرى .... الخ
رغم أنهم هللوا من قبل لبوست عقب أحداث أنجامينا
والذي نشرت فيه صور لأسرى قال نظام ديبي أنهم أسروا في أنجامينا بعد فشل المعارضة بالإطاحة به
وفيه صور لأطفال .. وكبار وفي النهاية هم أسرى
=======
ما أريد أن أؤكد عليه.. أن الحق حق ... والحق لا يتجزأ
ولا يجرمنكم شنئان قوم على أن لا تعدلوا.. اعدلوا هو أقرب للتقوى
========
والسلام
| |
|
|
|
|
|
|
|
|
|
Re: إلى المتباكين عن صور الأطفال والجمالي وأسرى أحداث أم درمان (Re: عز الدين بيلو)
|
Quote: هذا المنبر أمره عجب
الكل يدعو فيه إلى الحرية
وإعلاء القيم الإنسانية
لكن الكل يفصل ذلك على مقاسه هو
فعندما أنزل بعضهم صور من قتلوا في أحداث كجبار
قام الأخ بكري بتثبيت البوست لأيام
وقام البعض بأخذ صور بعض هؤلاء ووضعهم في مكان صورهم
فهل هناك من دعى لحذف هذه الصور ؟؟
هل هناك من استنكر ذلك ؟؟
لا !!!
لماذا؟؟
لأن ذلك يدين نظام الإنقاذ
قلنا حسنا !!
========
لكن عندما قتل (الجمالي)
وقام بعضهم بوضع صورته في بوست
قام المنبر ولم يقعد
أحذفوا هذه الصورة
أين حقوق الموتى ؟؟؟
يا بكري.. أحذف هذه الصورة !!
ونجحت الحملة.. وحذفت الصورة !!!! |
عز الدين بيلو.. حبابك
مافي عجب في امر المنتدي يا عز الدين بيلو.. لكن هناك تستطيح مركب..و ممارسة استغباء و خنوع تجاه الوهم بصورة راسخة..و مسألة تفصيل القوانين و المواقف وفقا على المصالح الخاصة (لو اتقفنا جدلا ان هناك مصالح تحقق هنا) .. امشي شوف الناس البتسويهو..و ما تركب حمير الضيفان عري..
في بوست فدوى الشريف عن صور الأطفال المقبوضين بسبب احداث امدرمان.. انا من الذين تحدثوا هناك ..و طالبوا بحذف صور الأطفال الذين جلبتهم فدوى الشريف ..و وضحت أسباب الحذف.. و ذكرت أن بكري ابوبكر و موقعه سيتعرض لمساءلة قانونية..و ذلك لأن البلد التي سجل فيها الموقع..قوانينها لا تسمح بذلك..و تعتبره سبب للمساءلة القانونية..
حالة الأطفال في بوست فدوي الشريف وضعها القانوني يختلف عن أي حالة اخرى.. فهم أحياء..و هناك اجراءات قانونية ضدهم..وقع ليك الكلام ده..ولا داير تفسير اكتر؟..
انت الشخص الوحيد الذي داخل بعدي و قال لأ لحذف الصور..
المسألة ليست مسألة تباكي و بطيخ..ووهم من النوع ده.. المسألة مسألة قوانين..و اذا كان عندك اعتراض مسبب بصورة قانونية.. امشي قولوا هناك..و اذا عندك معانا مسألة شخصية.. فيا اخوي وفر على نفسك.. لأن عهد الممحاكات و البلطجة و الإسفاف الإسفيري.. قد تجاوزناه منذ فترة.. فبالله عيلك ما ترجعنا لخانة الردة..
و حتى الآن لو عندك تسبيب قانوني (مش منطقي) مستند على قانون البلد المسجل فيها موقع سودانيز اونلاين.. اكتب لينا هنا عشان نتعلم..ما هو برضك الكلام اخذ و عطا..و لا مو هيك؟
اخوك..
كبر
| |
|
|
|
|
|
|
|
|
|
Re: إلى المتباكين عن صور الأطفال والجمالي وأسرى أحداث أم درمان (Re: عز الدين بيلو)
|
| Quote: المسألة ليست مسألة تباكي و بطيخ..ووهم من النوع ده.. المسألة مسألة قوانين..و اذا كان عندك اعتراض مسبب بصورة قانونية.. امشي قولوا هناك..و اذا عندك معانا مسألة شخصية.. فيا اخوي وفر على نفسك.. لأن عهد الممحاكات و البلطجة و الإسفاف الإسفيري.. قد تجاوزناه منذ فترة.. فبالله عيلك ما ترجعنا لخانة الردة.. |
يا حبيبي يا كبر
أول بالتبادي
صدقني
أنا لا أعرفك
ولا أسعى لذلك
ده عشان ما تقول أنو في بيناتنا أي مسائل شخصية
=====
ثم ثانياً: عليك الله فكنا من حكاية قانون وخلافو
أمريكا إيه.. وقوانين إيه
أمريكا دي مش فيها قوانين تحترم أسرى الحرب
عليك الله الصور النشروها عن صدام حسين لحظة القبض عليه
دي حتقول عنها شنو
ولا حتقول لي التقط هذه الصور شخص ما وهو من نشرها
ثانياً: قوانين إيه في أمريكا والجميع يعرف وسمع بما حدث لمعتقلي غوانتنامو
ولا المعتقل ده قاعد في كوبر
أمريكا بتاعتك دي وقوانينها مفصلة على حسب مصلحتها هي
وهي أكبر دولة لا تعترف بأي قانون والشواهد على قفا من يشيل
======================
فلو شايف ليك حاجة غير القانون الأمريكي دي قولها
وفي النهاية.. المنبر ده حق بكري القاعد في أمريكا
له أن يحذف ما يشاء .. ويثبت ما يشاء
لكن لنا أن نقول رأينا
لا
لحذف
صور
أطفال
خليل
| |
|
|
|
|
|
|
|
|
|
Re: إلى المتباكين عن صور الأطفال والجمالي وأسرى أحداث أم درمان (Re: عز الدين بيلو)
|
عز الدين بيلو..حبابك
اول حاجة يا اخوي فكنا من قصة "حبيبي كبر" دي.. لأنو في واحدة هنا فكت ليها كلمة حب في شان واحدة تانية..و القصة لحقت ام طرقا عراض..فما تدخلنا في شبهات ساكت..
تاني حاجة..ما ظني المشكلة انك تعرفني و تسعى.. او اعرفك و اسعى.. القصة قصة سياق .. انت رديت هناك في بوست فدوى الشريف..و الكلام ما نفع معاك..و جيت طوالي طاير و فاكي الزراير و فاتح ليك بوست تاني..و تالت..و رابع..و سويتها هضربة..و ما عندك مشكلة .. حقك في الهضربة محفوظ..هو الجوطة قالوك بيشتروها بي قروش..؟..السويتو ده رد فعل عاطفي.. مش عقلي.. عشان كده دي الشخصنة..و كن ماك عارفها .. اعرفها..
تالت حاجة.. فكرة فكنا من قانون و خلافو.. دي وضحت لي حاجات كتيرة.. انك لا عندك فكرة عن القانون..ولا عندك استعداد تحترموا..و لو بتفهم كويس يا عز الدين بيلو.. المؤتمر الوطني و الإنقاذ البتدافع عنها دي.. اليومين دي طالعة بي جاكة شحدة الأنتربول عشان يساعدهم في قبض اعضاء حركة العدل و المساواة..اها الأنتربول ده شغال بالقانون.. انشاء الله قانون حمورابي.. مش مهم ..برضك قانون..و انت القاعد قدامنا ده ولدوك بالقانون (يعني نتيجة زواج شرعي بموجب قانون احوال شخصية)..و مشيت قريت بالقانون (لأن في قانون بيحفظ ليك حقك في التعليم)..و طلعت جنسية بالقانون (يعني في قانون بيديك هويتك و بيثبت ليك حقوقك كمواطن)..و طريقة تدينك برضك بالقانون (لأن في قانون بيحفظ ليك حقك في الإعتقاد)..و بتاكل و بتشرب بالقانون (لأن في قوانين بتحدد ليك الحلال و الحرام..و حمايتك كمستهلك)..و بتصفق و تطمبر للإنقاذ بالقانون ( لأن في قانون بيحفظ ليك حقك في التوالي..و التنظيم السياسي)..و ما بتقدر تكتل ليك زول ( لأنو في قانون بيمنع سل الروح..و في نفس الوكت بيحميك من انو الناس تكتلك)..و ما بتقدر تسرق ليك حق زول (لأنو في قانون بيمنعك تسرق حق الناس..و في نفس الوكت يحميك انو الناس ما تسرق حقك)..و لو قاعد تسوق عربية .. برضك بتسوق بالقانون (لأنو في قانون بيحدد ليك متين تبلغ سن السواق..و كيف تسوق..و كيف تلف يمين ولا شمال)..و لو داير تعرس بتعرس بالقانون..و لا داير تجيب عيال بتجيبهم بالقانون..و لا داير تطلق بتطلق بالقانون..و لو داير تمارس تجارة برضك بتاجر بالقانون (يعني قوانين تنظيم التجارة)..و لا داير تشتري ليك دولار ولا استرليني برضك بتشتريهو بالقانون..ولو داير تاكل بتاكل بالقانون (قانون اداب الأكل)..و لو داير تتغوط.. برضك بتتغوط بالقانون (قانون الطهارة الجسمانية)..
ده اثر القانون في حياتك يا صديقي..و لو ماك عارفو اعرفو للدنيا و الزمان..
رابع حاجة.. امريكا.. يا عز الدين بيلو.. هي اس البلاوي في الدنيا..و هي اكتر من ينتهك القوانين الدولية.. لكن في داخلها القانون ما لعب فيها..ولا محل مزايدة..يعني قوانينها الداخلية بتمشى على الناس الجواها راسهم في كرعينهم..
خامس حاجة..في فرق بين صغار السن و كبار السن.. زي صور صدام حسين البتتباكى على نشرها.. مليون مجرم في امريكا بيتم نشر صورهم ..و اخبارهم..لأنهم في سن الرشد أو بعدها..لكن الأطفال ما بيتم نشر صورهم..و ده الفرق..
سادسا..بالنسبة لقصة معتقلي غونتانمو بيه..الجمل ما بيعرف رقبتو عوجة يا عز الدين بيلو..و الإنقاذ البتدافع عنها دي.. برضك العالم عارف البيحصل في سجونها و بيوت اشباحها..و قتل المساكين في الشوارع..و لا انت عندك حق الإنقاذ شرعي و حلال..و حق التانيين حرام..؟
سابع حاجة.. فكرة امريكا بتاعتك دي..ياعمك هنا انت فقدت المنطق..و غلبك الكلام..و ممكن نديك سوط عشان تعير زيادة..و برضك ما فارقة معانا..
تامن حاجة..اتكلم ساكت..و ابشر بالخير..و ما عندك مشكلة تب.. انا بتكلم وفقا للقانون..و دي حاجة انت ما عندك فيها فكرة..انت عندك فكرة في التطبيل و الدهنسة للإنقاذ.. حصل يوم جينا قطعنا ليك الدرب و قلنا ليك سيك ولا ميك؟..ما بيحصل.. لأنو ده حقك.. تشكر البيعجبك..و تتطبل للبعجبك.. لكن كمان ما يبقى ليك بمبي لمن نمارس حقنا في الإعتراض..
الله يعدلها علينا و عليك..و ابقى طيب..
كبر
| |
|
|
|
|
|
|
|
|
|
Re: إلى المتباكين عن صور الأطفال والجمالي وأسرى أحداث أم درمان (Re: Kabar)
|
الأخوان عز الدين بيلو ومحمد النور كبر:
نقرأ عاطفية وقانونية في كلامكما.. نقرأ و يعتصرنا الألم وأنتما تشاهدان معنا هذة الصور التي نناقش أمرها في هذا البوست الذي قام العزيز بيلو بفتحة مؤيدا للنشر الذي رفضناه
شكرا لإتاحتك لنا الفرصة للحوار بعيدا عن صور إقشعرت أبداننا لها وفعلت بنا الكثير...لما تمثله من إنتهاك فاضح, علني وصريح لحقوق وقوانيين تعلمناها
فبيلو يتحدث بعاطفة إنقاذية بحتة.. دونما ينظر لأي عواقب قانونية وإجتماعية قد تؤدي بنا إلا ما لا نحمد عقباه
لمنبرنا الموقر هذا لوائح تحكمه.. جاء بها الباشمهندس بكري من نصوص قانونية تحكم وتسير هذا البلد الذي نقيم فيه ملتزمين بقوانينه الصارمة تجاه معاملة الأطفال القصر
نلت شرف دراسة قانونية متخصصة - بكلية القانون بجامعة كولومبيا بنيويورك - تعلمت منها دواعي وجود القانون وسبل إحترامه.. كما سبق لي دراسة القانون الدولي العام - بجامعة مالطا - تعرفت فية على النظم التي تحكم علاقات الدول بعضها البعضم والقواعد اللتي تحكم طرق التعاون الدولي... ومن هذا المنطلق وبعلم رغبنا في التبليغ, كما طلب منا الحبيب المصطفى صلى الله عليه وسلم, كان تداخلنا
وأخي كبر يشاركني في الرأي القانوني والداعي لسحب هذة الصور فورا.. ومنع أي إنتهاك للقوانين المحلية والدولية - فقط تعامل في أعلاة مع الموضوع بقانونية بحتة وإبتعد عن الجانب الإجتماعي والإنساني له
نعم للمزيد من الحوار - فقط دعونا نسبقه بالحزف الفوري لهذا المسخ
--------------------------
| Quote: انتا بتاذن فى مالطا !!! ؟ |
بيلو.. لقد سبقتك ونلت شرف الأذان في مالطة!!!!!!
وأعني هنا بشرف وأجر الأذان في محراب جامع مالطة الكبير بضاحية آورمي الجميلة - ولا غضاضة في ذلك يا سيدي.. فقط قم بسماع هذا الأذآن أنت نفسك وأنت تردده بصوت عالي ليسمعه الجميع في هذا المنبر
أخوكما محمد يسين
| |
|
|
|
|
|
|
| |
عز الدين بيلو
على محمد على بشير
Kabar
Mohamed Yassin Khalifa
فيس بوك
تويتر
انستقرام
يوتيوب
بنتيريست