|
|
 عبد الوهاب محمد وردي هرانا هري في قناة هارموني ...
|
لم اصدق حتى الان ان الذي استضافته قناة هارموني قبل قليل هـــو ابن الموسيقار الفنان الكبير محمد وردي صحيح ان هناك ملامح شبه من والده بالذات في الجزء العلوي من الوجه . لكن كفنان لا يحمــــل من والده مثقال ذرة من فنه . بل من الفن عموما لا يحمل الا اسم كلمة فنان .
كمان المشكلة الكبيرة هو انه من بداية الاغنية الى نهايتها ظل ( مغمضا عينيه) حتى ظننت انه ربما لا يفتحها مرة اخرى ...
ود الباوقة
|
|
 
|
|
|
|
|
|
|
|
Re: عبد الوهاب محمد وردي هرانا هري في قناة هارموني ... (Re: ود الباوقة)
|
انت يا ود الباوقة سودانيزاونلاين دي فتحوها عشان تشتموا فيها الناس ؟
كل زول عندو باسوورد بفتكر انو من حقو انو يشهر بي اي زول تحت بند حرية الرأئ
بتعرف شنو انت عن عبدالوهاب وردي ؟
بتعرف شنو عن اعمالو الموسيقية ؟
بتعرف شنو عن دراستو الموسيقية ؟
بتعرف شنو عنو كـ مُبدع ؟
اقول ليكـ كلام .. بتعرف شنو اصلا عن الموسيقا ؟
هل دي القضية اسه انو كان مغمض ؟
غني شنو ياخي و عزف كيف و الغنوة كانت في ياتو سلم و ليه ؟
هل اللحن كان منسجم مع الليركـ ولا كان حق الحكومة ساي ؟
لا حول ولا قوة إلا بالله من سودانيزاونلاين.
| |
|
|
|
|
|
|
|
|
|
Re: عبد الوهاب محمد وردي هرانا هري في قناة هارموني ... (Re: خدر)
|
انت يا ود الباوقة سودانيزاونلاين دي فتحوها عشان تشتموا فيها الناس ؟
خضر يا اخوي هدي اعصابك اولا انا لم اشتم الرجل ..
بتعرف شنو انت عن عبدالوهاب وردي ؟
بتعرف شنو عن اعمالو الموسيقية ؟
بتعرف شنو عن دراستو الموسيقية ؟
بتعرف شنو عنو كـ مُبدع ؟
اقول ليكـ كلام .. بتعرف شنو اصلا عن الموسيقا ؟
لست مطالبا ان اعرف كل هذا .. ما عرفته فقط ان صوته لا يؤهله ان يكون مغنيا ....
غني شنو ياخي و عزف كيف و الغنوة كانت في ياتو سلم و ليه ؟
هل اللحن كان منسجم مع الليركـ ولا كان حق الحكومة ساي ؟
غني يا طيارة طيري .. يا اخوي قلنا ليك غني وبس وصوتوا تعبان .. يا ربي يكون تعبان عشان قارنتو
بي صوت المطرب الكبير محمد وردي ..
كدي خليني انا يا خدر الناس السمعتوا رايهم شنو ...
قول يا حلال الشبك ..
ود الباوقة
| |
|
|
|
|
|
|
|
|
|
Re: عبد الوهاب محمد وردي هرانا هري في قناة هارموني ... (Re: ود الباوقة)
|
ودالباوقه
كيف حالك
عليك الله عنوانك دا ما تشهير عديل بالمسكين دا..!!
يعني هسع كان ما بقى ود وردي كنت حتجيب خبرو..؟؟
مرة زي حكايتك دي ...
زمان في برنامج الإذاعة والمستمع..المذيع قال جاتني رسائل
كتيرة تطلب عدم إذاعة أغنية محددة...وأنا حا اسمعكم ليها
الأغنية طلعت..؟؟
وحياة إبتسامتك ... والفنان طبعا محمد الأمين..؟؟
تقييم الأعمال الموسيقية من أول إستماع ليها خطأ كبير
(دا ياخي إنت حتى ما صبرت الراجل يتم أغنيتو جريت فتحت بيها بوست..؟؟)
عندك راي في صوت الراجل ولا طريقة غناهو...مافي مشكلة تقول رأيك لمحيطك القريب منك..
اماتقوم تفتح ليك بوست في الراجل ..
فعلى أقل تقدير توفر, ولو اليسير , من أدوات التحليل الفنية للموسيقى
للصدق ... أنا ما سمعت عبدالوهاب بيغني..
بس والله الراجل كموسيقي ليس عليه غبار
فهو من أبرع عازفي البيز جيتار على الإطلاق
وفرقة ساورا تشهد بإسهاماتو الرائعة..
لك التحية....
| |
|
|
|
|
|
|
| |
خدر
ahmed khidir
فيس بوك
تويتر
انستقرام
يوتيوب
بنتيريست