|
|
 سفير سودانيز في ميناء سواكن الشاب اللطيف ** ابو بكر علي **
|
عبرت الى سواكن في ابريل المنصرم
وجدت من ينتظرني هناك مرحبا بي ومبتسما في وجهي
عضو المنبر الشاب الكريم ابوبكر علي وصديقه الملازم حسن
فعرفت ان سودانيز اون لاين اسرة ممتده ....
اتقدم بجزيل الشكر لابوبكر وحسن لكم خالص الود ونلتقي في سودان يسع الجميع
التحايا
|
|
 
|
|
|
|
|
|
|
|
Re: سفير سودانيز في ميناء سواكن الشاب اللطيف ** ابو بكر علي ** (Re: معتصم ود الجمام)
|
الأخ العزيز معتصم ود الجمام ،،،
حمدالله على السلامه ،،،
والله ابوبكر على ده ،،، عشره على عشره ،،،
الواحد بيحبه من غير ما يشوفوا ،،،
تتصور نحن من مدينه واحده وولايه واحده ولحدي حسى ما إتقابلنا ،،،
بس سودانيز أون لاين دى جمعتنا كلنا عبر حبل من المودة والإلفه ،،،
فعلا ،،، ابوبكر على ده وجه مشرق من وجوه سودانيز أون لاين فى بلدنا السودان ،،،
شكرا معتصم ود الجمام ،،، شكرا أبوبكر على ،،، شكرا الملازم حسن ،،، شكرا مدينتي الساحره بورتسودان ،،، وشكرا لمدخلنا الرائع مدينة سواكن التاريخيه ،،،
| |
|
|
|
|
|
|
|
|
|
Re: سفير سودانيز في ميناء سواكن الشاب اللطيف ** ابو بكر علي ** (Re: معتصم ود الجمام)
|
فعلا والله كلنا اسرة واحده جمعتنا بيت ود الناظر بكري ابوبكر ..
فينا المشاغب/ه .. والمعتدل/ه .. والهلالابي والمريخابي والسوكرتا .. والاحمر والاخضر واللي ماعنده لون ..
لكن رغم كل هذا التباين ننتمي الي بيت واحد وعائلة واحده هي عائلة سودانيز اون لاين دوت كوم .
فالتحية عبرك اخي ودالجمام للاخ ابوبكر المرابط في ثغر السودان الباسم ,
ولا نستغرب ما قام به تجاهك فتلك الديار اهلها يتميزون باكرام الضيف ..
ومتشكر علي توثيق هذا العمل الجميل ونقله اليناعبر فضاء الشبكة العنكوبتية.. لعله يكون تحفيز لصنع الجميل ..
والتحية والاشواق لاهل اوسوك * بلد الذوق
__________________
*ترجمة
اوسوك : تعني بلغة البجا سواكن .
| |
|
|
|
|
|
|
|
|
|
Re: سفير سودانيز في ميناء سواكن الشاب اللطيف ** ابو بكر علي ** (Re: معتصم ود الجمام)
|
سلامات للجميع
حمدا لله على سلامة الوصول يامعتصم
و اعتزر عن وصولى المتاخر للبوست , فى بعض الاحيان اصاب برهاب المنبر فاهجره حينا.
لقد خجلت جدا من عدم وداعى لك فاعتزر منك بشدة
لقد حضرنا انا و اخى الملازم حسن لوداعك قبل يوم من سفرك
و لكن رضخنا لوصولك المتاخر لسواكن
ياخ فوت علينا مادبة سمك فخيمة
كدى النشوف سانى برضو زيك
و مرحب بكل اعضاء البورداب العابرين بسواكن
ياخ بس عليكم الله ماتستعجلو
تحياتى ياود الجمام
| |
|
|
|
|
|
|
|
|
|
Re: سفير سودانيز في ميناء سواكن الشاب اللطيف ** ابو بكر علي ** (Re: ابوبكر على)
|
الاخ ود الجمام الما بنضب
كيفك يا اخي والله افتقدناك في هذه المساحة الممتدة
| Quote: فعرفت ان سودانيز اون لاين اسرة ممتده .... |
صحيح يا عزيزي هذه نعمة لا سيما لسودانيي الشتات .
نحمد الله على نعمائه علينا فمن خلال هذه النافذة الاسفيرية تعرفنا على الكثيرين/ت من الاخوان/ت وصارت تربطنا بهم علاقات صداقة وامتدت لعلاقات اسرية .
ومن خلال هذه المساحة قدرنا توصيل ارثنا وثقافتنا لغيرنا
لكم ولجميع اعضاء المنبر العام قواسب مودتي
شيقوق
| |
|
|
|
|
|
|
|
|
|
Re: سفير سودانيز في ميناء سواكن الشاب اللطيف ** ابو بكر علي ** (Re: ابوبكر على)
|
العزيز أبوبكر على
سلامات يا طيب ،،، وينك يا زول مطول الغياب كده ،،،
الحاصل ليك شنو ،،، الجماعه قبضوك فى عش الزوجيه ،،،
ولآ مشيت تفتش على السمك الهربان ،،،
الحكايه شنو ،،، طولت الغياب كده ،،،
سألنا عليك فى كل البوستات وما حصلناك ،،،
قلنا الزول ده عمل شتات ،،،
الحمدلله العزيز ود الجمام الما بينضب زى ما قال شيقوق جابك لينا تاني ،،،
جايييك بى هناك عشان أوقع فى البوست ده كل اللحظات التى ستجمعنا بمشيئة الله فى أرض السودان ،،،
مع عظيم محبتي وإمتناني.
| |
|
|
|
|
|
|
|
|
|
Re: سفير سودانيز في ميناء سواكن الشاب اللطيف ** ابو بكر علي ** (Re: ناذر محمد الخليفة)
|
سلامات للجميع | Quote: فلك وللأخ/أبوبكر على التحية..والله يا اخوى ابوبكر ناس سودانيز أون لاين ديل يخلوك تبطل شغلك وتصاقرهم كدة تضيع وقتك شنو طولوا معانا شوية..الواحد بكون جاى من سفر ما بصدق يتخارج.لكن طبعآ ونستهم حلوة..ولا رايك شنو؟ |
نحن لاقينهم وين يااستاذ كمال
مرحب بكل البورداب عبر الثغر الباسم
من الرائع ان تلتقى بوردابى للوهلة الاولى, لكن تانى البيجى بى هنا بنحلف عليهو تب مابنفكو اكان ما اخدنا حقنا فى الونسة.
تعرف يامعتصم بس انا ماحبيت اقول ليك بعد ما عرفت انك اجلت وصولك لسواكن. لكن والله كنا متحضرين ليك انا و جنابو لكن قدرنا ظروفك و سكتنا ساكت بوجعتنا.
اخى ناذر
جاهزين لكل الخدمات التخليصية و الجمركية. و بقت عندنا خبرة فى هذه الامور.
تحياتى انا الان على عجل. بجى صادى برواقة
| |
|
|
|
|
|
|
|
|
|
Re: سفير سودانيز في ميناء سواكن الشاب اللطيف ** ابو بكر علي ** (Re: Abd Alla Elhabib)
|
كنت في السابق لا تستوقفني عبارات كثيرة لا اعتبرها سوي كلامات
مجاملة لا غير..الشعب السوداني شعب طيب...الشعب المصري والسوداني
اشقاء..ناس كسلا ناس طيبين ....
اما العبارة الاخيرة فقد وقفت علي صدقهاوبنفسي وبعدها صرت اضحك
علي من يفكر في استثمار فندقي في كسلا ...
باختصار عبرت كسلا راجعا وكان العبور ليلا وما ان تجاوزناها بحوالي
خمسون كيلو..فاذا باطارت السياره الاصلي والاسبير تلفا تماما وصرت محتارا
جاء صاحب دفار ووقف حتي اخذ معي الاطارات ..وعندما وصلت كسلا كانت كل المحلات
قد اغلقت ..فلم يتركني ...حتي ذهب وايقظ صاحب البنشر ...استخدم معه علاقاته
حتي اقنعة باصلاح الاطارات .ولما كنت قادما من اجازة تملكني هم كيف ان طلب
اكثر من طاقتي ...فاذا بالرجل يوصلني للشارع وحتي يطمئن من ركوبي ...ثم يودعني
رافضا تماما فكرة ان ياخذ اي شي وهو يقول هذا واجبنا ...ثم مكثنا كل منا يقسم
ياغلظ الايمان يان هذه الطريقة غير ممكنة .....المهم انتهي الشجار Quote: سلامات للجميع
حمدا لله على سلامة الوصول يامعتصم
و اعتزر عن وصولى المتاخر للبوست , فى بعض الاحيان اصاب برهاب المنبر فاهجره حينا.
لقد خجلت جدا من عدم وداعى لك فاعتزر منك بشدة
لقد حضرنا انا و اخى الملازم حسن لوداعك قبل يوم من سفرك
و لكن رضخنا لوصولك المتاخر لسواكن
ياخ فوت علينا مادبة سمك فخيمة
كدى النشوف سانى برضو زيك
و مرحب بكل اعضاء البورداب العابرين بسواكن
ياخ بس عليكم الله ماتستعجلو
تحياتى ياود الجمام |
بتعارف مازال
يخلو من الاغراض غير الاخوة....فيا معتصم اظنك انت من اهل الشرق كما احي عبرك الاصيل
ابوبكر ....
| |
|
|
|
|
|
|
|
|
|
Re: سفير سودانيز في ميناء سواكن الشاب اللطيف ** ابو بكر علي ** (Re: معتصم ود الجمام)
|
| Quote: ابو بكر ... عشان ماتكون براك انضم الى بورداب جدة ... طبعا بعد اذن العميد يوسف وبقية العقد الفريد... الشرط الوحيد (جيب معاك كوكيان وخليها في سرك). |
تحياتى استاذ كمال ادريس
الشرط دا صعب بالحيل و انت عارف
لكن جية الناس بجدة برضو ماساهلة.
الحق اقول , اننى وقت التقيت بمعتصم الجمام, غمرنى احساس رائع و مريح, و عرفت الى اى حد تربطنا العلاقات الانسانية حتى بدون ان نرى بعضنا البعض. فالساعة الوحيدة التى قضيتها مع معتصم , كانت كفيلة فى سبر اغوار بعض الاشياء التى تعتمل فى الدواخل. فشكرا لبكرى ابوبكر الذى منحنا كل هذا.
تحياتى
| |
|
|
|
|
|
|
|
|
|
Re: سفير سودانيز في ميناء سواكن الشاب اللطيف ** ابو بكر علي ** (Re: معتصم ود الجمام)
|
العزيز ود الجمام ،،،
الما قدرت تعملوا إنت بسبب الحرامي ،،،
إنشاء الله حأعملوا أنا ،،،
بس الله يبعد مننا اللى ضيعوا عليك توثيق الرحله ،،،
وزى ما بـ يقولوا مصائب قوم عند قوم فوائد ،،،
أنا حأتعظ من حكايتك دى وحأربط الكاميرا حول رقبتي زى جزلان حبوبتي ،،،
ونشوف بعدين يا أنا يا اللى جننوك ديك ،،،
أخي أبوبكر على
على الوعد ولآ نسيت الوعود
نلتقى قريبا بمشيئة الله على أرض سواكن ،،،
مع عظيم محبتي وتقديري .
| |
|
|
|
|
|
|
|
|
|
Re: سفير سودانيز في ميناء سواكن الشاب اللطيف ** ابو بكر علي ** (Re: ابوبكر على)
|
يا أبوبكر يا أخوي ،،،
بعد الكلام ده الحرص براهو ما بينفع ،،،
لازم تجهّز لينا كاميرا إحتياط كده ،،،
مع كم موبايل لزوم الإتصالات بس ،،،
يعني أنا حآخد حذري من الحاجات دي ،،،
وحأربط الموبايل والكاميرا بخيط وسط رقبتي زى ما قلت ليك ،،،
بس المقالب ما معانا ،،، إنت عارف بوست رحلة العمر ده ،،،
حـ يروح شمار فى مرقه سااااااى ،،،
يرضيك ده يا الهارب من نيران التعارف والعقد الطوالي ،،،
مع محبتي وتقديري.
| |
|
|
|
|
|
|
|
|
|
Re: سفير سودانيز في ميناء سواكن الشاب اللطيف ** ابو بكر علي ** (Re: haroon diyab)
|
العزيز ود دياب ود بورسودان واظنك من ديم كوريا
انا منذ زمن طويل جدا تملكني عشق خاص لبورسودان والشرق عموم
ولمحمد البدري مكانه خاصه في نفسي فنان عميق جدا ....
وبورسودان هي بلد الحكايات والقصص الجميلة ... والاساطير الساحره
اذكر هذه الحكاية ,,, في ذلك الحي الشعبي الذي يجاور بيوت البوسته
اي بس بنسى اسماء الاحياء جمعتنا ليلة انس جميلة جدا مع ابناء ذلك الحي
البسطاء وعندما دار الحكاوي والقصص والاشياء الاخرى بداء الشباب في الشكل
ولكن بلغات لم افهم منها شي ايطالي واسباني يوناني ,,,,
فسالت صديقي ابن تلك المنطقه بابكر عثمان الشهير بباكوم ( قال لي الشباب
ديل بشتغلوا عمال في بواخر عالميه فيتعلمون لغات غيرهم بكل بساطه
التحايا لشباب بورسودان جميعهم ,,,, عجبتني بورسودان كثيرا خلال زيارتي
الاخيرة ,,,,,,,,,,لها ولكم جميعا الحب
| |
|
|
|
|
|
|
| |
معتصم ود الجمام
محمد خليل ساني
ادم شحوتاي
hamid abdalah
أبوبكر أبوالقاسم
الطيب شيقوق
ismeil abbas
ناذر محمد الخليفة
حسين عوضاى
Abd Alla Elhabib
ibrahim alnimma
كمال ادريس
محمد الطيب حسن
احمد العربي
haroon diyab
فيس بوك
تويتر
انستقرام
يوتيوب
بنتيريست