Quote: الاخوات و الاخوة سلام و تحية استدعى جهاز الامن مؤخرا احد الزملاء بالمنبر العام لانه يقوم بنشر كل المقالات و الاخبار المحذوفة بواسطه ضباطه على المنبر و علاقته ببكرى و من هى سارة عيسى ......و..... و.... و .....الخ لهذا قررت ادارة سودانيزاونلاين دوت كم اعطاء كل الصحف التى تتعرض الى حذف موادها عضوية كاملة بسودانيزاونلاين دوت كم.....
طيب ما ترصدوها..و تنصبوا ليها كمين ..و تستدرجوها! ولا اقول ليكم.. ارصدوا جائزة مالية مقدارها خمسين مليون جنيه ..يمكن واحد يطمع و يجيبها ليكم طرد..!
نعم نفهم أن تنزعج اجهزة الأمن السودانية..و من انفراط عقد الرقابة الصحفية الماقادرة تضبطوا..و تستجوب الناس..و تسائلهم في حدود الرقابة الصحفية (حكم ام تكو الشغالين بيهو ناس الأمن).. لكن تصل المسألة لمساءلة الصحفيين من عضوية سودانيز اونلاين عن اعضاء و عضوات اخرين.. ده و الله محنة..و عوجة كبيرة خلاص..!
انا ذاتي..خلي بالك راس السوط لحقني..مرة صديقة عزيزة اتصلت على نص الليل من اوربا..و قالت لي جاني شمار قالوا كبر ..هو سارة عيسى..!.. ده غير شمار انو سارة عيسى دي صنعوها المحايدين..!!
ياخي جنس مبالغات اسكت ساكت خليها..
نشوفك تاني يا صديق..
كبر
05-27-2008, 05:15 PM
الرفاعي عبدالعاطي حجر الرفاعي عبدالعاطي حجر
تاريخ التسجيل: 04-27-2005
مجموع المشاركات: 14684
Quote: ولا عارفين كيف دخلت قوات خليل ابراهيم الى العرضة .
ولا عارفين كيف يمكن ان يكمموا الشبكة العالمية .
والله هم ما عارفين شئ خلاص اتجهوا للغنائم .
والزواجات وشواهق المباني .
الله يستر على الشعب السوداني المكلوم .
سلام يا صاحبي .
الرفاعي..حبابك يا صديق
الناس ديل..شكلك كده كن لقيت ليك فيهم ضحوة..بتعديهم بحر المالح..!!
اتفق معاك.. انهم مخلوعين..و جاتهم حالة هضربة..و بيحاولو ينسوا التفريط الجاب الضراط.. لكن كمان ما يبالغوا لينا قدر ده..
و اذا كان دافع الضرائب السوداني.. بيقلعوا منو الفي جيبوا.. عشان مشاريع زي دي..بعد شوية ح يقوم هو ذاتو.. يشوف ليهو صرفة (انشاء الله غزوة ضاربة في العراضة ساكت..)..
كتر خيرك على المرور من هنا.. و ربنا يلزمنا الصبر في محن السيد الوطن..
الأخ كبر سلامات أنه الخوف ، يخافون حتى من الكلمات التي تنساب في الفضاء الإسفيري ، فإن عجزوا عن حماية أمدرمان فلماذا لا يحققون نصراً في الفضاء الإسفيري ، معظم أفراد جهاز الأمن يتحلقون حول أجهزة الكمبيوتر ، يرصدون المنتديات ، يرابطون بالقرب من مقرات الصحف ، يصادرون الكلمة الحرة ، هذا هو الجهاز الذي طلب الرئيس البشير بفتح يديه من غير حدود ، أنه الخوف ، يخافون حتى من الكلمات ، بالفعل أنا أستغربت أن يسأل جهاز الأمني ، توقعتهم في هذه الأيام بين قريضة ، كبكباية ، مستريحة ، في جبل مرة ، في الأنقسنا ، وهم مشغولين بالبحث عن د. خليل إبراهيم وليس عن سارة عيسي وعبد المنعم سليمان ؟؟
05-27-2008, 05:47 PM
Kabar Kabar
تاريخ التسجيل: 11-26-2002
مجموع المشاركات: 18537
عارف الناس ديل ذكروني عمي واحد كده.. المرة كل ما تلدي تجيب ليهو بنية.. لمن وصل ستة.. اها مرة زوجتو الله اداها و حملت..عمك قال خالص الولد جاي..و يشيل يجهز في حالوا..لمن كفر عديل كده بربنا..و القصة طلعت بنية برضك..قال خلاص البنية دي اعاملها معاملة ولد (زي فكرة رواية الطاهر وطار..ولا بنجلون ما متذكر كويس)..اها بقى من الميزات الممنوحة لأختنا دي.. لو ابوها زعل منها بيقوم يتفش في واحدة تانية من البنات..بس الكويس عمي كان عارف البيزعلو منو..و قاعد وين.. لكن برضو بيزوغ منو.. اما الجماعة ديل.. شايفين الفيل..و يقعدوا يطعنوا في الضللة ساكت..
كبر
05-27-2008, 05:54 PM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
يا كبر يا اخوي جهاز السجم هذا لا يعرف شيئا. وكمان سمعته بيضربوا في الناس المعتقله ويقولوا لهم ماذا تعرفوا عن تراجي مصطفى؟؟؟ تخيل ناسنا الغبش الشفتهم ديل الماعندهم انترنت؟؟طيب ماقلتوا علنا مناضلي كي بورد يبقى كيف المساكين ديل يعرفونا؟؟؟؟
غايتو الله يعين شعبنا على الفيلم الهندي الاسمه جهاز الآمن هذا!!
05-27-2008, 06:02 PM
Kabar Kabar
تاريخ التسجيل: 11-26-2002
مجموع المشاركات: 18537
Quote: الأخ كبر سلامات أنه الخوف ، يخافون حتى من الكلمات التي تنساب في الفضاء الإسفيري ، فإن عجزوا عن حماية أمدرمان فلماذا لا يحققون نصراً في الفضاء الإسفيري ، معظم أفراد جهاز الأمن يتحلقون حول أجهزة الكمبيوتر ، يرصدون المنتديات ، يرابطون بالقرب من مقرات الصحف ، يصادرون الكلمة الحرة ، هذا هو الجهاز الذي طلب الرئيس البشير بفتح يديه من غير حدود ، أنه الخوف ، يخافون حتى من الكلمات ، بالفعل أنا أستغربت أن يسأل جهاز الأمني ، توقعتهم في هذه الأيام بين قريضة ، كبكباية ، مستريحة ، في جبل مرة ، في الأنقسنا ، وهم مشغولين بالبحث عن د. خليل إبراهيم وليس عن سارة عيسي وعبد المنعم سليمان ؟؟
سارة عيسى..حبابك يا صديقة..
كتر خيرك على الحضور هنا..و منورة..
زمان عندنا هداي من بلدنا.. عندو قصيدة بيقول فيها (نحن للخلا ..و الخلا لينا)..و كان اصدق في مواقفوا.. اها قريضة و كبكابية..و مستريحة..و جبل مرة..و الأنقسنا..و لقاوة.. ديل خلا..و جماعتي ديل شكلهم كلهم بقوا ناس عاصمة ساكت.. خلا شنو البتلقيهم فيهو؟..
الخوف حالة انسانية.. بتصيب الأفراد.. لكن لمن تلحق الدولة و اجهزتها و تدخل بحر الخوف.. تبقى دي مشكلة..
اها.. طالبنك بيان.. يجبر بخاطر صديقنا عبد المنعم سليمان..ممكن؟..
اما بعد داك..
زي ما قلت لأخونا ياسر الشريف.. في اشاعة انو كبر ذاتو سارة عيسى..و ده ما مهم.. لأنو انا عارف..و سارة عيسى عارفة..
لكن في وجه اخر للشمار..بيقول انو سارة عيسى دي كانت جكسية كبر (و الله جادي في الكلام ده)..و من هنا بنقول للجميع.. الأصدقاء و الصديقات..المحايدين و المحايدات..السياسيين و السياسيات..الأمنجية و الأمنجيات.. بأنو.. اخوكم كبر المسيكين ده.. الجكسي بتاعو في الجامعة كان من سنار..و كسلا.. و الدلنج..فما تعملوا اشانة سمعة ساكت في حق اختنا سارة عيسى..
نشوفك تاني..
كبر
05-27-2008, 06:05 PM
amir jabir amir jabir
تاريخ التسجيل: 01-12-2006
مجموع المشاركات: 5550
وصلتني معلومة أن السيد محمد عثمان الميرغني بيكتب في هذا المنتدى باسم مستعار .. بعد شوية صاحب المعلومة غير رايو قال لي لا هو مش بمسك كيبورد وبكتب حرف حرف زي ما قال المرحوم خوجلي عثمان بل مستأجر واحد وبديهو ألفين دولار في الشهر وحدد لم إسم .. ضحكت لما قال لي دا " كبر " .. طيب دا "كبر" بياخذ الفين دولار في الشهر طيب محمد حامد جمعة بياخذ كم ؟؟
نحن أبناء دفعة وجيران .. وممكن نكون اتلاقينا في نادي الفلاسفة بكلية الآداب ، أنا من الذين شاهدوا مسرحية سجن الباستيل وحضرت الحريق الذي أنتقل إلي المشاهدين وهي كانت بداية الأزمة بين الإتجاه الإسلامي وبقية القوى الوطنية، وبعدين أنا أخذت شوية فرنسي في الوحدة شرق كلية القانون بس بالجد البنات كان بقولو : الما بتجكس كبر ما جكست
05-27-2008, 06:08 PM
Kabar Kabar
تاريخ التسجيل: 11-26-2002
مجموع المشاركات: 18537
Quote: يا كبر يا اخوي جهاز السجم هذا لا يعرف شيئا. وكمان سمعته بيضربوا في الناس المعتقله ويقولوا لهم ماذا تعرفوا عن تراجي مصطفى؟؟؟ تخيل ناسنا الغبش الشفتهم ديل الماعندهم انترنت؟؟طيب ماقلتوا علنا مناضلي كي بورد يبقى كيف المساكين ديل يعرفونا؟؟؟؟
غايتو الله يعين شعبنا على الفيلم الهندي الاسمه جهاز الآمن هذا!!
تراجي..حبابك
الناس ديل شكلهم دايرين يميعوا الصراع ساكت..
الغريبة.. بكل كتيبتهم الجرارة القاعدة في البورد ده..ما قادرين يخوضوا معركة الكلمة..و يتموها ليك اعتقالات و سؤالات ما ليها حد..!
كتر خيرك على المرور من هنا..
كبر
05-27-2008, 06:31 PM
shahto shahto
تاريخ التسجيل: 02-17-2006
مجموع المشاركات: 4394
الجماعة ديل عندما اعتقلوا المناهضين لاقامة السدود في المنطقة النوبية سألوا بعضهم ... مين البيكتب رسالة كجبار في سودانيزاونلاين ؟ و الكل يعلم ان الاخ ولياب كاتب البوست كان يكتب اسمه بالكامل بعد كل مداخلة
تخلف شديد نبيل
05-27-2008, 09:45 PM
munswor almophtah munswor almophtah
تاريخ التسجيل: 12-02-2004
مجموع المشاركات: 19368
كبر يا خوى إنت حكايتك شنو يا ولد والجكس محنك ووممحن فيك كدى...و ساره جابت الحد فوق الطندبة وحكمة ربنا ما خايفه لأنو حصر من درسوا فرنساوى والجيره والإحتمالات ممكن تمرقها من الصف بدون كلب بوليس ويا ساره السر فى محل السر والجهر فى محل الجهر ولكبر إميل وهو حوازمى حازم وأمين....................................
منصور
05-27-2008, 11:03 PM
عبداللطيف حسن علي عبداللطيف حسن علي
تاريخ التسجيل: 04-21-2008
مجموع المشاركات: 5454
Quote: يا كبر يا اخوي جهاز السجم هذا لا يعرف شيئا. وكمان سمعته بيضربوا في الناس المعتقله ويقولوا لهم ماذا تعرفوا عن تراجي مصطفى؟؟؟ تخيل ناسنا الغبش الشفتهم ديل الماعندهم انترنت؟؟طيب ماقلتوا علنا مناضلي كي بورد يبقى كيف المساكين ديل يعرفونا؟؟؟؟
غايتو الله يعين شعبنا على الفيلم الهندي الاسمه جهاز الآمن هذا!!
تراجي..حبابك
عارفة بخصوص قصة مناضلين الكي بورد.. زمان في بداية التسعينات.. لمن الجبهة يادوبك ظهرت..اها بعض الناس ..خصوصا ناس السوق.. يا مؤمن يا مصدق.. قايلين الجماعة ديل رساليين.. و الما كان قاعد يمشى الجامع بقى يمشى بانتظام.. بعد شوية الشعب اكتشف المقلب.. فقام واحد مسلط كده قال ليهو حكمة سمحة خلاص..انو " الناس ديل داخلونا الجوامع..و هم دخلوا السوق"..
نفس الفكرة الليلة مطبقة في المنبر ده.. الجماعة شابكين ليك مناضلي كي بورد..و التكتح ما ح يسوهوها..بعد شوية القصة حرقتهم (قصدي ناس الجبهة الإسلامية القومية) و هاك يا منع في الخرطوم لسودانيز اونلاين..و تحرشات ..و اساءات..و برضو ما نفع..
اخر خطة لجأوا ليها.. انهم هم ذاتهم يخشوا نضال الكي بورد بالطول و العرض (زي ما غشوا جماعتنا ديلك بحكاية الجامع)..و القصة دي سلكت معاهم..يعني الليلة يا تراجي ناس المؤتمر الوطني ماليين البورد ده.. و المناضلين انسحبوا بوشهم..
لسع الشعب فيهو بقية خير..و الشعب السوداني اسمارت..
كبر
05-27-2008, 11:45 PM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: بس بالجد البنات كان بقولو : الما بتجكس كبر ما جكست
ولدا دا.. محايدون نعم.. والله ايام يا زمان..
كبر.. سارة لكما التحية.،
جهاز الأمن به عدد كبير من الأعضاء لا هم لهم ولا شغل فقط صرف رواتب على حساب الشعب المسكين.. أحد الضباط الكبار أيام سيئ الذكر نميري.. حكى قصه تتعلق بتكليفه بمتابعة أحد القادة السياسيين.. أها الزول دا قال أخدتو ليهو نومة.. وصاحبنا فلت منو.. طبعاً مفروض كل يوم يكتب تقرير ويرفعه لرئيسه.. وإذا ما خانتي الذاكرة إظن التقرير يرفع للنميري ذاتو..
المهم.. أخونا كتب تقريره.. وقال.. تابعنا المدعو فلان الفلاني في تحركاته السرية.. إذ أن المدعو سافر إلى مدينة ود مدني وإلتقى بعدد من الخلايا السرية هناك وتم رصدها.. وبعدها مباشرة سافر إلى سنار حيث عقد عدد من الإجتماعات، تم رصدها كذلك.. وبعد ثلاث أيام عاد الخرطوم وهو تحت المراقبة اللصيقة من طرفنا..
.. .. طبعاً رئيسو لما قرأ التقرير.. صار يضحك.. وقال للأمنجي الصغير.. برافو عليك... نحن نحتاج لأمثالك.. وسوف يصلك خطاب هام جداً بعد قليل.. المهم.. صاحبنا كان فرحان شديد.. وبعد شويه وصله خطاب بفصله.. ليه.. لأن السياسي المتابع كان طريح المستشفى طيلة المدة الوهمية التي أختلقها الأمنجي الصغير.. .. .. أخوانا الجالسين حول الأجهزة ويتابعون المنتديات.. حالتهم أشبه بحالة صاحبنا الفوق دا مع الفارق.. ويمكن الواحد يكتب ليه تقرير من بنات أفكاره وما على الرئيس إلا التصديق لأن الرئيس أمي تقنية ولا يعرف فتح الجهاز أو عالم إسمه النت..
وصلتني معلومة أن السيد محمد عثمان الميرغني بيكتب في هذا المنتدى باسم مستعار .. بعد شوية صاحب المعلومة غير رايو قال لي لا هو مش بمسك كيبورد وبكتب حرف حرف زي ما قال المرحوم خوجلي عثمان بل مستأجر واحد وبديهو ألفين دولار في الشهر وحدد لم إسم .. ضحكت لما قال لي دا " كبر " .. طيب دا "كبر" بياخذ الفين دولار في الشهر طيب محمد حامد جمعة بياخذ كم ؟؟
سارة عيسى..حبابك يا صديقة
اول حاجة التحية لناس الأمن (جادي و الله في تحيتي دي) لأنه خلقوا لي سبة تخلطيني بيها خلطة أساسية.. شكرا على الحضور تاني و تالت..
قصة منصور خالد دي فايتة اضاني.. و قصة الصادق المهدي ..و الميرغني بيتكبوا هنا.. دي برضو فايتة اضاني..
لكن الجديدة الماسمعت بيها..و ماظني في زول سمع بيها.. ان اخونا عمرحسن احمد البشير قاعد يكتب معانا في سودانيز اونلاين..و عامل فيها حنان بس..و لو داير تعرفيهو.. افتحي بوست ختي فيهو ست اغنيات من العبقري عثمان حسين.. ح تلقيهو في كل غنية عامل مداخلة..و لو دايرة تختبريهو.. قولي ليهو بازرعة كتب كم غنية لعثمان حسين.. و برضو سمعت اختنا وداد بابكر برضك قاعدة تكتب معانا هنا..
نكون في المهم.. غايتو القال ليك كبر ده ممكن يكون طابور خامس لسيدي الميرغني.. مسح بي الواطاة..و ختاني مع الليق عديل كده (مع الإعتذار لأشقائي و شقيقاتي في المنظومة الإتحادية من الألف للياء)..نعم سيدي الميرغني ربنا فاتحها عليهو..لكن ما عندو رغبة في كبر تب.. بالمناسبة.. ياريت تفتشي اليو توب.. و تتفرجي لي في فيلم عادل امام "مرجان احمد مرجان"..
Quote: نحن أبناء دفعة وجيران .. وممكن نكون اتلاقينا في نادي الفلاسفة بكلية الآداب ، أنا من الذين شاهدوا مسرحية سجن الباستيل وحضرت الحريق الذي أنتقل إلي المشاهدين وهي كانت بداية الأزمة بين الإتجاه الإسلامي وبقية القوى الوطنية، وبعدين أنا أخذت شوية فرنسي في الوحدة شرق كلية القانون بس بالجد البنات كان بقولو : الما بتجكس كبر ما جكست
اولاد جيران شنو يا سارة عيسى.. ياخي انتي ما قريت كلام بكري الفوق ده.. المجاورنك في سودانيز اونلاين ده دخلوا في حيص بيص..و برضو كمان تجي تكتبي كبر جارنا و كده..يازووووووولة..!!
(هوي يا ناس الأمن هوي.. سارة عيسى قاصدة جيرة كلية القانون مع كلية الآداب في جامعة الخرطوم..و لو القصة دي دايرين تشبكوا فيها.. ح اقوم اكسر كلية القانون..و ازحها غادي.. عشان ما ندخل في الشبك)..
مسرحية الباستيل حضرتها..و حضرت الكعة التي كان طرفها صديقنا المرحوم بشير الطيب بشير.. و اخير القصة دي نخليها مستورة (كده بتجيبي لي هوى اكتر يا سارة ياختي!!)
وحدة الفرنسي يا سارة ما ظنيتها شرق كلية القانون..غايتو لمن مرقت من الجامعة شرق الكلية كان سهلة ساكت.. و عملنا فيها حفلة اسبوع القانون السادس..صحيح الخلطة سمحة .ز لكن التركيز التركيز يا سارة..
Quote: بس بالجد البنات كان بقولو : الما بتجكس كبر ما جكست
بالله..!!
ربك يا يستر بنات المنبر ما يسمعنا بالإفادة دي..!
المهم يا صديقة.. نو اوفنس..
و كتر خيرك على الونسة دي..
كبر
05-28-2008, 00:15 AM
Kabar Kabar
تاريخ التسجيل: 11-26-2002
مجموع المشاركات: 18537
محمد اللمين..حبابك يا صديق كتر خيرك على الحضور هنا..
اسمك مكتوب وين؟
غايتو انا شفت لي قائمة فيها اسامي..واحدات مظللة بقلم بنفسجي..وواحدة بقلم احمر خفيف..وواحدات بقلم اصفر..و المجموعة الأخيرة دي فيها سارة عيسى..و كن ما اخاف الكضب.. اسمك بعدها بأربعة اسامي..
كبر
05-28-2008, 07:21 AM
عمر التاج عمر التاج
تاريخ التسجيل: 02-08-2008
مجموع المشاركات: 3428
Quote: الجماعة ديل عندما اعتقلوا المناهضين لاقامة السدود في المنطقة النوبية سألوا بعضهم ... مين البيكتب رسالة كجبار في سودانيزاونلاين ؟ و الكل يعلم ان الاخ ولياب كاتب البوست كان يكتب اسمه بالكامل بعد كل مداخلة
تخلف شديد نبيل
نبيل..حبابك يا صديق
من عبرك نرسل التحية لأهلنا في كجبار و عموم دار الشمال..و ربنا يقويهم في مساعهم..
و التحية لأخونا ولياب..
عندي قناعة دائمة.. أن اجهزة القمع مهما تذاكت و اجتهدت في ملاحقة الناس.. فان عبقرية الناس لا تعدم حيلة في ابتداع وسائل المقاومة..و الحاجة التي لا يدرك حقيقتها ناس اجهزة الأمن في الخرطوم.. أن العالم ما عاد جخانين مظلمة يمكن فيها اخفاء الحاجات..
قد يكون هناك تخلف.. لكن المعادلة أن صاحب الحق.. لا تثنيه عن نيله جحافل العراقيل و المطبات..
كتر خيرك يا نبيل على المناغمة..
كبر
05-28-2008, 03:04 PM
Kabar Kabar
تاريخ التسجيل: 11-26-2002
مجموع المشاركات: 18537
Quote: كبر يا خوى إنت حكايتك شنو يا ولد والجكس محنك ووممحن فيك كدى...و ساره جابت الحد فوق الطندبة وحكمة ربنا ما خايفه لأنو حصر من درسوا فرنساوى والجيره والإحتمالات ممكن تمرقها من الصف بدون كلب بوليس ويا ساره السر فى محل السر والجهر فى محل الجهر ولكبر إميل وهو حوازمى حازم وأمين....................................
منصور..حبابك يا صديقي
كتر خيرك على المرور من هنا.. الجكس براهو..؟..يازول ناس التنظيمات السياسية ذاتهم اسكت ساكت..
مرة في كلية القانون.. اقتربت مني زميلة دراسة في الكلية..اها طبعا هناك ما عندنا لازمة مداخل من شاكلة الجو بديع..و الطقس معتدل..الـ Flames .. و قهوة التيم هورتون ..حق الله بق الله.. توش دخلت فيني شمال..و كان الموضوع غريب جدا..و ثيمتو الرقص كوسيط روحي (اتخيل واحد زلنطحي بيناقش واحدة كوزة في الرقيص..!!).. بعد شوية زولتك نطت و قالت لي: طيب ماانت زول عادي و سمح .. ليه قاعدين يقولوا عليك كده؟..قلت ليها: هم منو البقولوا عني؟ قالت لي: تتخيل.. في كل اجتماع تنويري..يعملوه ناس الإتجاه الإسلامي.. ما قاعدين يبدوهو بقصة الإسلام في خطر..و الشيوعيين..و المعارضة.. لكن قاعدين يبدوهو بيك انت ده شخصيا.. وألأخ الأمير بيقول لينا..اعملوا حسابكم من الزول ده لأنو مسم..و الشيوعيون هينين..و البعثيين اسهل منهم..و ناس الطائفية في جيوبنا.. لأنهم معروفين..و نحن بنكون عارفنهم بيسوا في شنو (عبر فقه الغواصات طبعا)..لكن الزول ده ما عارفين ليهو صرفة تب..! ضحكت:و قلت ليها.. اها و انتي رأيك فيني شنو؟ قالت لي: مش رأي فيك.. لكن حقيقة الناس ديل عامليين ليك دعاية كاربة.. و الما خاطاك في رأسها بقت تفتش .. اهو الزول ده عامل كيف؟.. ياخي دي قالت لي حاجة عجيبة.. قالت لي: انت عارف يا كبر.. بنات الإتجاه الإسلامي في جميع الكليات.. بيجن معديات بكلية القانون..عشان يشوفن خلقة الزول المسم ده (ما عاد الممنوع دايما مرغوب)..
و الغريبة.. دايما نفس قصة هيثم الحكاها الكوميدان محمد موسى..(ده؟...ياخي انا جيت ماشي فيهو تمانية مرات..!!)..
و الصديقة ديك.. سبوع واحد..و سابت ليك الإتجاه الإسلامي في الصقيعة (شفت سم الدقر كيف خطر؟!)
المهم قلت ليها: و طيب ليه ما دايرين يجندوني معاهم؟..قالت لي خايفين منك..!
ياخي خايفين منك دي.. مرقتنا من المولد بدون حمص.. الكيزان زايغين.. الشيوعيين زايغين.. المؤتمرجية زايغين..الإتحاديين زايغين.. ناس حزب الأمة زايغين..البعثيين زايغين..ما خلوا لينا الإ الجكس و العمل الصالح ..اها باقي ليك نسوي شنو عاد؟..
و ناس المعارضة السودانية(من اليمين لليسار مرورا بالوسطين اليميني و اليساري )..طالبهم حق خلو رجل..لأني مرقت ليهم تسعة كوزات بلا رجعة..و هم وكت داك قاعدين لي في النظام فعل و النظام ترك..و ناسيين حتتة التفكيك من الداخل (طبعا وكت داك البنيوية طالعة لينا في رأسنا زي حمى أب فرار)..
يازول سر شنو..ياخوي ناس الأمن ديل انا عندي معاهم تار شخصي..ديل حاقرين بي حقارة في الدنيا دي اسكت ساكت خليها..ياخي سبأ (ملكة الملكات..سير و ناظرة عموم الجكس تبعنا)قام عرسها ضابط منهم..نحن نشيل ونجكس بهناك.. و نمرق الفيها النصيب من التنظيم..و يجوا يعرسوا جكسيتك.. عشان يخطوك في علبك.. شفت الرجالة دي كيف؟..
كتر خيرك يا منصور..و سمح الإندياح..
كبر
05-28-2008, 03:09 PM
Kabar Kabar
تاريخ التسجيل: 11-26-2002
مجموع المشاركات: 18537
Quote: عندما رجعنا مساء نفس اليوم للبحث في الغرفة وجدنا بيانات للحزب الشيوعي وكتاب يونيو الاسود
وعيييييييييك
لو صبرو شوية كان زولنا اعدموه
قال امن قال
عبد اللطيف..حبابك
كتر خيرك على الحضور هنا.. عارف انا مرت بي حكايات زي دي..و زمان كنت قايل الأمن ذاتو فيهو طابور خامس..بيقوم يجلي الحاجات..لكن مرة واحد من حلتنا و تبعهم قال لي حكمة: ياخي ناس السياسة ديل تفتيشهم جربان ساكت ..اخير التجار.. لأنو ممكن تمرق ليك بحاجة..!
بعد احداث العاشر من مايو..و قصة يسألوا الناس من سارة عيسى.. دوبك وقع لي أنو الناس ديل دايما الدرب رايح ليهم في الموية..
و نشوفك
كبر
05-28-2008, 03:22 PM
Kabar Kabar
تاريخ التسجيل: 11-26-2002
مجموع المشاركات: 18537
صاحبك جمعة البوست ده حرقو في حنانو ..عارف سوا شنو؟
قام مشى بوست كتبتو سارة عيسى..بعنوان "احداث العاشر من مايو..و شعار ايران..ايران في كل مكان"..و عمل لينا فيها ضبان ضكر و رفع عقيرتو صائحا: "
Quote: الان كتب الاخ سارة مرحبا
و كده زاد المحنة.. لأنو اكد لينا انو الجماعة ديل بسبب الخلعة من خليل ابراهيم..فقدوا القدرة على التنسيق بينهم..ناس السنة الناعمة يجوك في الأسافير و يقولوا ليك الأخ سارة عيسى..و ناس البطش بهناك.. لغاية الليلة بيسالوا المعتقلين " سارة عيسى دي منو؟"!!
بخصوص دافع الضرايب المسكين.. نطالب بكشف ميزانيات اجهزة الأمن ..و عرضها مع الأعمال التي تم الصرف فيها.. عشان نعرف البينا و علينا..و تاني ما ندفع قروشنا اوانطة ساكت..
غايتو انا كن من ناس العدل و المساواة.. اكلم ناسي الفي الجهاز يطلعوا قرار بخصم من راتب كل امنجي في الخرطوم..و سحب شوية مخصصات.. على بالطلاق باكر كل الأمن يبقى حركة عدل و مساواة ..!
كتر خيرك على المرور..
كبر
05-28-2008, 03:42 PM
Kabar Kabar
تاريخ التسجيل: 11-26-2002
مجموع المشاركات: 18537
Quote: ولدا دا.. محايدون نعم.. والله ايام يا زمان..
سماعين وراق..حبابك يا صديقي
ماك طيب يا اخوي؟..و لينا طولة..
غايتو ابو ام سلمة.. خطانا في طيز وزة..
ايام زمان سمحة بالحيل..و شفت خلط المحايدين ده جاب دورة وطنية وقفت للحكومة في حلقها.. ايام الوكت كان قاسي..التحية ليهم..و لكل اصدقائهم و صديقاتهم..و الزمن الجميل..
Quote: أخوانا الجالسين حول الأجهزة ويتابعون المنتديات.. حالتهم أشبه بحالة صاحبنا الفوق دا مع الفارق.. ويمكن الواحد يكتب ليه تقرير من بنات أفكاره وما على الرئيس إلا التصديق لأن الرئيس أمي تقنية ولا يعرف فتح الجهاز أو عالم إسمه النت..
بنات افكار شنو يا اخوي هوي..و هو قالوك بنات الأفكار ديل بيجن ساكت كده؟.. ديل ما عندهم التلاقح البيجيب بنات افكار.. طوالي طريق لإتجاه واحد زي شارع الجامعة..
مرة واحد اخونا في الدلنج..اها بقى مصاحب ليهو واحد منهم..و الجماعة (اصحابنا) دخلهم شك من سلوك الزول ده..و الشمارات دورت.. فلان مخبر.. فلان اتكلموا معاهو بحذر و بطيخ.. اها قمت فاتحتو في الموضوع.. قام قال لي: يا اخوي هوي الزول ده بجيب لي حق شربتي (عرقي عديل)..و انا بعمل الآتي.. الناس تكون مجتعة في شرق المدينة.. انا بقوم اوصف ليهم بيت في اقصى الغرب..و مرات كتيرة.. انا بكون قاعد في بيتنا و اشيل و اكتب..ياخي لمن سويت لي دفتر كبير..و صاحبنا ده بيشيل التقرير ده و بيمشى بيهو لناس على اساس انو هو الكتب الكلام ده..ياخي مرة قلت ليهم الشريف حسين الهندي امبارح دي كان بايت في الدلنج..و ناسك صدقوا زي الماحاصل شي..
كل الدول يا سماعين عندها اجهزة استخبارات..و شايفة شغلها حسب الأصول..و الحكومات هي البتلقى الخبر اليقين عند اجهزة المخابرات.. الإ اجهزة امن السودان.. دايما اخبارهم من فتات الشمارات و ما تجود به الحكومات..و ما عدا ذلك.. فشخرة بالسلطة و انتهاك ليها.. عشان شوية حصانة تخليك تشيل البت الدايرها..ولا تقلع الدكان الناصية الدايرو..ولا تقبض الأتاوات الدايرها..و هكذا..
اخر الشمارات..سمعت قالوا الجماعة ديل مشوا الدويم..و قاموا فركشوا فريق الثوار (لأنو فيهو شبهة معارضة)..و خلوا فريق الجهاد (لأنو فيه شبهة تأصيل)..!!
كتر خيرك يا سماعين..
و نشوفك تاني..
كبر
05-28-2008, 03:47 PM
Kabar Kabar
تاريخ التسجيل: 11-26-2002
مجموع المشاركات: 18537
Quote: اخر الشمارات..سمعت قالوا الجماعة ديل مشوا الدويم..و قاموا فركشوا فريق الثوار (لأنو فيهو شبهة معارضة)..و خلوا فريق الجهاد (لأنو فيه شبهة تأصيل)..!!
والله دي ما سبقك عليها زول طبعاً أخوك دا جهادابي.. ما تمشي بعيد.. كنت لاعب بالجهاد.. وناس الجهاد ديل يمكن يكونوا لسه إتحاد إشتراكي من زمن الشعار محافظ الدويم أيام نميري بإعتباره الأب الروحي للفريق.. حلوة الأب الروحي دي مش كدا. .. .. بمناسبة ناس الأمن دي.. كان عندنا واحد في الدويم شغال مع نميري أمن.. الزول دا كاتب على باب بيته.. فلان الفلاني.. بوليس سري.. طبعاً ما عايز أقول الإسم.. .. ..
الأخ كبر...تحياتي قلت من قبل ان الأخت/سارة عسيى تملك كم هائل من المعلومات وهذا واضح من خلال كتاباتها وهذا وحده يكفى جهاز الأمن يسأل عنها ...ربنا يحفظها
اعرف أخ عزيز لديه كم هائل من المعلومات والتحليلات وتوقعات تثير الدهشه
تحياتي وتقديري واحترامي
05-28-2008, 08:22 PM
Kabar Kabar
تاريخ التسجيل: 11-26-2002
مجموع المشاركات: 18537
Quote: والله دي ما سبقك عليها زول طبعاً أخوك دا جهادابي.. ما تمشي بعيد.. كنت لاعب بالجهاد.. وناس الجهاد ديل يمكن يكونوا لسه إتحاد إشتراكي من زمن الشعار محافظ الدويم أيام نميري بإعتباره الأب الروحي للفريق.. حلوة الأب الروحي دي مش كدا. .. .. بمناسبة ناس الأمن دي.. كان عندنا واحد في الدويم شغال مع نميري أمن.. الزول دا كاتب على باب بيته.. فلان الفلاني.. بوليس سري.. طبعاً ما عايز أقول الإسم..
سماعين حبابك..يا صديق
جهادابي؟..يا اخوي نحن من الزمن داك كنا مستنيرين..و فارزين عشيتنا الوطنية ..عشان كده كنا وطناب عديييييييييييييييل..
العجيبة يا سماعين.. امبارح كنت بتونس مع الحيكومة ..و اتذكرت الدويم..و السيد محمد السيد الشعار..و ولدو عاصم (كان دفعتنا في الدويم النموذجية).. لمن كان بيحكي لينا عن نيروبي..يتخيل في شبه بينهم و بين ناس نديم..ولا انا ضهبان؟
صاحبك بتاع البوليس السري ..كان في حلتنا ياخي..!
كتر خيرك و التحية للدويم..و ناسها..
يازول ما توسع الخطوة ساكت.. سارة عيسى دي دفعتكم..و ما يغرك حكاية مسرحية سجن الباستيل..و ووحدة فرنسي الشرق كلية القانون.. غايتو انا شفتها في واحد من اركان زولك عبد النبي ود علوم(عبد النبي كرري ..متذكرو؟)..
كبر
05-28-2008, 08:38 PM
Kabar Kabar
تاريخ التسجيل: 11-26-2002
مجموع المشاركات: 18537
Quote: الأخ كبر...تحياتي قلت من قبل ان الأخت/سارة عسيى تملك كم هائل من المعلومات وهذا واضح من خلال كتاباتها وهذا وحده يكفى جهاز الأمن يسأل عنها ...ربنا يحفظها
اعرف أخ عزيز لديه كم هائل من المعلومات والتحليلات وتوقعات تثير الدهشه
تحياتي وتقديري واحترامي
هشام مدني..حبابك يا صديق..
زمان كنا قاعدين نشاغل اصحابنا ناس الجبهة الديموقراطية..و كل ما واحد فيهم ينداح شوية ..نلكزهم..و نقول ليهم ..الحقوا زولكم.. يقوموا يصهينوا و يقولوا لينا: خلوه.. اصلو الزميل منلفت..
اها بعد شوية يجونا الأشقاء و الشقيقات..و يقولوا لينا: الشقيق منفلت..just kidding
قبل شوية فوق.. صديقنا عمر التاج قال بيعرف تلاتة لحقوا عرفوا سارة عيسى..اوع انت تكون واحد منهم؟..
يازول ناس الأمن ديل..فاطمة ابراهيم البلتاجي ما عارفنها.. دايرهم يجوا يعرفو ليك سارة عيسى..؟
و هاك ده جزء من كلام صاحبك عنها..قصدي فاطنة ما سارة..
الأخ الأستاذ/ كبر خالص تحياتي لك ولزوار بوستك الممتع سؤال خارج سياق المداخلات عن الأخ الصديق أبكر آدم اسماعيل أين هذا الرجل وماذا فعلت به الأيام ... مختفي منذ فترة طويلة بالأحرى منذ أن التحق بالدراسة مؤخراً في إحدى الجامعات. لو على اتصال به أسألك أن تغريه مني السلام والتحايا والأشواق، ولو تلفونو عندك (مسنجرني) بيهو وأكون ممنون ممنون. خالص الود والتقدير
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Kabar
Yasir Elsharif
الرفاعي عبدالعاطي حجر
amir jabir
Tragie Mustafa
shahto
Elbagir Osman
Muhammad Elamin
nabielo
munswor almophtah
عبداللطيف حسن علي
Bashasha
إسماعيل وراق
Biraima M Adam
عمر التاج
فيس بوك
تويتر
انستقرام
يوتيوب
بنتيريست