|
|
 تبت من الغرام
|
تبت من الغرام
ومن عين الحبيبة
لامن فينى تجفل
تهدينى السلام
ايام جاية رايحة
مابين ود ونايحة
والفة وابتسام
صوت فى قلبى خش
لى استارو هش
غنى وليهو بش
بى كل احترام
..........................
زاد فى قلبى سرو
الجرح الببرو
بى حلوو ومرو
سبب الاهتمام
محبوب مالى خاطرى
مشغول بى حنينو
بى رفقة سنينو
مادينى الوئام
رغما عن غيابو
مرنوع فى شبابو
راتع فى خطابو
من غير الملام
فاتح قلبى جوهر
مسك وروح وعنبر
سر فى البال مسطر
مكتوب احتدام
السبت 24\05\08
|
|
 
|
|
|
|
|
|
|
|
Re: تبت من الغرام (Re: zumrawi)
|
غناكى الحى
بريدك ريد
مسافة النار على تقيد
وابدا واعيد
غناكى الحى
واواعد طلتك زى عيد
سؤالك لى يصحينى
كلامك لى يغنينى
راجيك يوم تحيينى
وسط الناس اتجهجه
واتململ من الفرقة
تغيبى قمر هواكى يطل
يتوهج على يزيد
عيونك سر قبايل الصحراء والنيلين
هواكى دفين
احلو وتانى يعصى على
اشيلو يتم مقامو الحى
موشح زى رقيص طفلين
وفرحةام فى يوم العديل والزين
صباحك وين
بريدك ريد
عليك الله الخلق عينيك
وخت جوام بحار بتغرق السباح
اساهر فيها ليل وصباح
وارحل فى هواى حزين
لمتين بتسافرى من شوقى
زى هجة ولد للقرية والحبان
عشان يزدان
ويقدل للحبيبة صراح
جامعة العلوم والتقانة
الساعة 10:30 صباحا
السبت 20\04\08
| |
|
|
|
|
|
|
|
|
|
Re: تبت من الغرام (Re: zumrawi)
|
حلمى من البداية اتفقد عيونك اطمن عليهن بعديها ابتسم ليك اسالك السماح
اجلس يى قصادك اتامل ملامحك بالليل والصباح
اهديكى الاغانى واجمل ماكتبت فى دنيا الفصاح
اديكى المعانى باقات الامانى تحتل بى حداك وتطيب جراح
يافن ياسلامة ياالفة وعلامة للشجن المصاحب والدنيا البراح
...................................................................................
فيك سيرة المودة واشواق مستمدة من شوقى المطالع لى كل الفصائد
وابقالك ملازم فى دربك مقاوم اتهجى المواجع للحب اللى عائد
ياصوت المحبة فى دنيانا شب كفكف للمدامع واتسطر مواجد
......................................................................
يوم شبت فى روحى الامى وجروحى سالمت المؤانى ختيت التهانى للعيد السعيد
واجمل مارسمت فى دربك بسمت سويت المعانى بتمر الثوانى فى الزمن العنيد
| |
|
|
|
|
|
|
|
|
|
Re: تبت من الغرام (Re: zumrawi)
|
انا والنجوم اصحاب
نتناجى طول الليل
نحكى الكلام الغاب
والهم طمح زى سيل
عن سيرة الاحباب
تتدس جوة النيل
وانا فى هواك ياحبيب
والعشق ليك نبيل
....................................
اصلو الفراق بيصعب
على ناس قلوبا رهاف
وكل الغرام اتعب
فلبى العليكا ضفاف
سكن الحقيقة صعب
على بالى ديما اوصاف
لى سكة مابتكمل
والقلب صار نزاف
.............................
فاكر حنانك كيف
يفتح طرق للشوق
وانت اللى صرت بعيد
زى سكة مابتروق
ارحم عليك الله
خليك سمح الذوق
لو شلت همى على
يكفيك يامعشوق
........................................ز
راجيكا تتكلم
وتحكى الفراق الطال
ده الهم كبر ماتم
والشوق صبح بطال
سالمنى شان اسلم
لايبقى حبى محال
انا صح حلفت قسم
بس الغرام كتال
2007
| |
|
|
|
|
|
|
|
|
|
Re: تبت من الغرام (Re: zumrawi)
|
اجمل مافيك عدم الملام
وبسمتك للبعرفوك
هن فى صفاتك التزام
ولروعتك جد شرفوك
ثاير كماالنيل الهدر
وهادى اذا الناس آنسوك
طبعك سمح خصلة تواريخ من غنا
سيرتك هنا
عش فى محبة يضمنا
يمسح الم من عاكسوك
..........................
شفتك شرق فينى السؤال
قلت احتمال
انك تجى
تفتح منافذ للخيال
تكتب غرامى المرتجى
انت البشوش وكت الحلوك
من غبت تهت مع الرمال
ودخلت غابة الشوق
مساهر بالغنا
انت وانا من عالم البوح
نبتدى
نبنى الحنين نسكب منى
نبعد الظن والشكوك
جد مابتلوم لايوم يلوموك البعرفوك
بى حقيقتك ومطلعك
حزنك انيق مااروعك
جل الاله الفدعك
سامى ومقام معناك سموك
........................
يوم بس لقيتك فى الهجير
كان الرصيف ساهى وشقى
كنت بتزغردى للعبير
بالالفة جد تتالقى
واضحة ومميزه كالاسير
للصح تعرفى تفرقى
شبهك يضن يبقالو زى
روقة وامان عزة ملوك
الاربعاء 4\6\08
10:40 صباحا
جامعة العلوم والتقانة
| |
|
|
|
|
|
|
| |
فيس بوك
تويتر
انستقرام
يوتيوب
بنتيريست