|
|
 هل تكفى اجازة المغترب للوقوف على متغيرات الحياة فى السودان
|
بعد شهر من الان تبدأ الاجازة الصيفية لدول الخليج بالتحديد.....
وتبدأ معها اجازات المغتربين والاستعداد للسفر للسودان ....
الاجازة ايامها محدودة ....هل تكفى تلك الايام التى يقضيها المغترب
مابين زيارة هذا... وعزاء ذلك.... ومعاودة هؤلاء...
فى الوقوف على متغيرات الحياة فى السودان ....
|
|
 
|
|
|
|
|
|
|
 Re: هل تكفى اجازة المغترب للوقوف على متغيرات الحياة فى السودان (Re: ناهد بشير الطيب)
|
الاستاذة / ناهد بشير
تحية وأحترام ...
__________________________________________________________
متغيرات الحياة في السودان ملاحظة فهي نوع من النمط الاستهلاكي من دون توفر دخل يغطي ....
زي حياة أغلب ناسنا هنا في الغربة البهتموا بنمط أستهلاكي من دون تفكير سليم بما يخبي لهم الغد
ملحوظة : أصرف 50% من دخلى ومع ذلك أجد أني بعيد كل البعد من توفير حياة مناسبة
في السودان أعتماد على مدخراتي
-------
تقديري
| |
|
|
|
|
|
|
|
|
|
Re: هل تكفى اجازة المغترب للوقوف على متغيرات الحياة فى السودان (Re: عبد الناصر الخطيب)
|
Quote: [رات الحياة في السودان ملاحظة فهي نوع من النمط الاستهلاكي من دون توفر دخل يغطي ....
زي حياة أغلب ناسنا هنا في الغربة البهتموا بنمط أستهلاكي من دون تفكير سليم بما يخبي لهم الغد
ملحوظة : أصرف 50% من دخلى ومع ذلك أجد أني بعيد كل البعد من توفير حياة مناسبة
في السودان أعتماد على مدخراتي
-------
|
الاخ عبدالناصر الخطيب
اغلب ناسنا فى الغربة ...ومع الظروف التى يمر بها الخليج الان ...من تدنى فى الرواتب وغلاء فى المعيشه والايجارات وكلفة العلاج الغالى ....لايستيطعون ان يوفروا شيئا ....ارى ان الاستهلاك فى المغتربات الان صار للضروريات ......وان هناك وعى كبيراجتاح المغترب نفسه واسرته .....
اعتقد انه لابد من قراءة المستقبل بعيون واسعه ووعى اكبر وادراك كبير
خالص التقدير لشخصك الكريم
شكرا
| |
|
|
|
|
|
|
|
|
|
Re: هل تكفى اجازة المغترب للوقوف على متغيرات الحياة فى السودان (Re: ناهد بشير الطيب)
|
الاجازة لاتكفي لمتغيرات الحياة على البيت
أما عن كل المتغيرات في السودان فهذا صعب جدا
تحتاج الى سنوات عديدة حتى تستطيع أن تحكم على هذه المتغيرات
خاصة اذا ماعرفنا ان هناك تخبط في الكثير من الأمور
انا طيلة فترة اجازتي لم يتم لي ارجاع الباقي بتاع القروش
حتى لدرجة انني استغربت وسألتهم { ياجماعة العملة الجديدة دي مافيها باقي وللا شنو ؟ }
لو عندك مشروع وتركته وراءك فلابد أن تعمل ليك صيوان وتفرش وتشيل عليهو الفاتحة !!!
لو حاولت تستثمر في الكثير من المجالات فهناك عوائق حكومية كثيرة تقف حائل دون ذلك
لو حاولت تقدم لدرجة ماجستير لحد اجازتك ما تنتهي يكون الملف في درج الموظف
هناك بيرقراطية في كل شيء
لهذا لابد من التريث في اتخاذ اي قرار
قريبي اشترى هايس بالتقسيط وارسلها السودان
طوالي ادوها لزوج أخته
الراجل ماشاء الله بدل مايشتغل هو سواق
قام أجر ليهو سواق وهو قعد في البيت
اصبح قريبهم ياخذ الثلثين
والعربية وصيانتها وبنزينها الثلث
وابوالقدح صاحب العربية ولا شيء ّّ
| |
|
|
|
|
|
|
|
|
|
Re: هل تكفى اجازة المغترب للوقوف على متغيرات الحياة فى السودان (Re: ابو جهينة)
|
انا شخصيا مشيت السودان بعد 9 سنوات
الشبكة ما رجعت عندى الا لما وصلت مطار الرياض
مع انو ما اشتريت اى حاجة لنفسى ولا لغيرى
لان اخوانى متابعنى بالورديات,,,
قعدت شهر بس..لكن وقفت على جميع مشاريعى الاستثمارية,,
زريبة المواشى ليقيتها فاضية,,قالو البقر دفر,,يعنى مشى مكان القش بجى بعد 3 شهور
محل الجولات فى سوق ابقوتة لقيتو كل اغطية
الامجاد خسرانة ليها 6 اشهر,,,الهايس دخلها بتشيلو اختى الفى الجامعة
مع انو برسلها شهريا من الرياض,,,,,,
المغترب ليه الله ياناهد
| |
|
|
|
|
|
|
|
|
|
Re: هل تكفى اجازة المغترب للوقوف على متغيرات الحياة فى السودان (Re: abuguta)
|
Quote: قعدت شهر بس..لكن وقفت على جميع مشاريعى الاستثمارية,,
زريبة المواشى ليقيتها فاضية,,قالو البقر دفر,,يعنى مشى مكان القش بجى بعد 3 شهور
محل الجولات فى سوق ابقوتة لقيتو كل اغطية
الامجاد خسرانة ليها 6 اشهر,,,الهايس دخلها بتشيلو اختى الفى الجامعة
مع انو برسلها شهريا من الرياض,,,,,,
المغترب ليه الله ياناهد |
الاخ ابوقوتة
غايتوا الله يعوضك وده حال كتير من المغتربين والله يخلف عليك
والبركه فى بت الجامعه وقرايتها دى
قتلى قروش الهايس...... وكمان بترسل شهرى 
شكرا يابو قوته
مع تقديرى
| |
|
|
|
|
|
|
|
|
|
Re: هل تكفى اجازة المغترب للوقوف على متغيرات الحياة فى السودان (Re: ابو جهينة)
|
Quote: في موضوع إتخاذ قرار العودة النهائي : لا أظن أن إجازة صيفية تكفي لإتخاذ هذا القرار المصيري ، لأن قرار العودة النهائي مرتبط بعدة عوامل منها رصيده المالي + مشروع مدروس + وضع أبنائه الدراسي و مراحلهم + تهيئة السكن + التهيئة النفسية لكل أفراد الأسرة ، لأن القرار العشوائي المفاجيء بالعودة يُحدث ربكة في كل ما ذكرته هنا.
|
الاستاذ الفاضل ابو جهينة
قرار العوده كما تفضلت وذكرت يتطلب الكثير من التفكير ....والاقتناع والبديل .....
هناك حالات كثيرة تأقلمت تماما مع الاوضاع داخل السودان اما الاشكاليه الكبرى فهى فى رب البيت
الذى قد لايجد فى كثير من الاحيان عملا يوافق طموحاته او حتى يسد به رمق اسرته ....
ولكن استاذى هل تكفى اجازة المغترب البسيطه فى ادراك هذا الوضع اى بمعنى اخر هل باستطاعته
ان يدرس كل تلك الامور من كافة الجوانب وبروية ويتخذ هذا القرار المصيرى...؟؟
شكرا ابو جهينه ولى رجعه لباقى نقاطك
| |
|
|
|
|
|
|
|
|
|
Re: هل تكفى اجازة المغترب للوقوف على متغيرات الحياة فى السودان (Re: ناهد بشير الطيب)
|
Quote: و الله زهجنا من الغربة و الواحد كل يوم يتمني يرجع السودان
نكون بين اهلنا و احبابنا
غير الوقوف علي متغيرات الحياة و الاستثمار في السودان
اذا الواحد قرر العودة النهائية للسودان
التأقلم علي الحياة ( المتغيرات دي ) في السودان صعبة جدا
يعني كل اجازة و الواحد بيحس اكتر أنو غريب في السودان
نسبة للتغيرات الاجتماعية الحصلت في السودان
الناس تعاين ليك كأنك من كوكب اخر
مرات كتيرة افضل ما امشي السودان اجازة
عشان الصورة اللي انا خاتيها في راسي للانسان السوداني ما تنمحي
الانسان السوداني الطيب الكريم الصادق الامين
اكتر حاجة صدمتني في السودان الان السهولة البيكذبوا بيها
يعني الكذب بقي ليهم شئ طبيعي و من غير خجل
زمان لمن يكون في واحد كذاب في الحلة
الناس دي كلها تكون عارفة و بتتكلم عنو و عن كذبو
عشان كدة الزول الداير يستثمر في السودان
دراسة جدوي المشروع ما بتكفيهو عشان يعمل ليهو مشروع
لازم في الاول يتعلم الكذب و الغش و الاحتيال
غير كدة مؤكد مشروعو فاشل مية في المية
حتي اذا دراسة الجدوي اثبتت نجاح المشروع مليون في المية
|
الاخ نبيل ....
شكرا على الادلاء برايك الشفيف ....
وسؤال اخر ابرزه لك هنا .....لماذا يتحلق الاهل والاقارب بالمغترب
حال عودته من بلاد الغربه ثم لايلبثون ينفضون من حوله ...
ماذا يتوقعون منه ....؟
| |
|
|
|
|
|
|
|
|
|
Re: هل تكفى اجازة المغترب للوقوف على متغيرات الحياة فى السودان (Re: ناهد بشير الطيب)
|
Quote: جملة أشياء تجعلك لا تقدمي علي الأجازة ناهيك عن دراسة المتغيرات والحياة في السودان بطيخه قرعه
وكل التجارب التي سبقتنا لا تبشر بالخير ولو علي نطا المصروفات اليومية والمغترب بقي عشان يوفر لجماعتوا
بتاعين السودان بدخل في ديون هنا تبقية باقي عمروا جالس في غربته الله يعينوا تقولي لي عودة نهائية وللبلد المافيها أستقرار سياسي دي ولا أمني
يفتح الله ياأختي من هنا ولي قادي ومع أني لم أذهب منذ 9 سنوات ولكن أحساسي من خلال من يذهبوا كأني معايش الحاصل أول بأول والعالم بقي قرية
صغيرة ومن الغوغل إرث بدور بي الأفكار سراعا .
يايوم إجازتي ماتسرع وتنفض لي مالي جيوبي هذا حال كل من ذهب أدراج مطار الخرطوم ،،،،!!!!
المهم الموضوع جدير بالنقاش وهام حتي تذهب السياسة من علي جسوم المغترب المتهالك المغلوب علي صرفه إلا بالعملة الصعبه الوقعت واطــــــــه |
الاخ مجدى ابو قصى
خالص التقدير
هل الاراء التى نسمعها من العائدين من السودان فى شتى المجالات تعتبر سطحبه
وعبارة عن تجارب شخصية وجدت الفشل ؟ ومامدى تأثيرها على الاخرين هنا ....
لماذا يلبس (بعض )الاخوة المغتربين رداءا زائفا لايشى بحقيقة امرهم وماهيتهم ...
ولماذا يتلفحون بملفحة الزيف والخداع ....
خالص التقدير لكل المغتربين ....واللهم رد غربتهم يااااااارب
خالص الود
| |
|
|
|
|
|
|
|
|
|
Re: هل تكفى اجازة المغترب للوقوف على متغيرات الحياة فى السودان (Re: ابوحراز)
|
Quote: الاجازة لاتكفي لمتغيرات الحياة على البيت
أما عن كل المتغيرات في السودان فهذا صعب جدا
تحتاج الى سنوات عديدة حتى تستطيع أن تحكم على هذه المتغيرات
خاصة اذا ماعرفنا ان هناك تخبط في الكثير من الأمورQuote:
الاخ ابو حراز....
بالظبط كده يحتاج المغترب لفترة طوبلة وطوبلة جدا حتى يدرك
ويوزن الامور من كافة الجوانب ّّ Quote:
انا طيلة فترة اجازتي لم يتم لي ارجاع الباقي بتاع القروش
حتى لدرجة انني استغربت وسألتهم { ياجماعة العملة الجديدة دي مافيها باقي وللا شنو ؟ }
D
Quote: لو عندك مشروع وتركته وراءك فلابد أن تعمل ليك صيوان وتفرش وتشيل عليهو الفاتحة !!!Quote:
وتحد عليه عشرة سنين ......وحتعرش على كده ...ووووووو حاجات كتيرة....Quote:
لو حاولت تستثمر في الكثير من المجالات فهناك عوائق حكومية كثيرة تقف حائل دون ذلك
لو حاولت تقدم لدرجة ماجستير لحد اجازتك ما تنتهي يكون الملف في درج الموظف
هناك بيرقراطية في كل شيء
لهذا لابد من التريث في اتخاذ اي قرار ّّ
كتير من المغتربين اتجهجهوا يابو حراز فى حكاية اكمال دراستهم سواء الجامعيه او الدراسات العليا
وخاصة حينما يبدأون فى التفكير الجاد لذلك تجدهم يصطدمون بالبيروقراطيه العقيمه التى تواجه الدولة فى دوائرها ....
المشكله ايضا اخوى ابو حراز فى اجازة المغترب نفسها التى لاتكاد تكفى ايامها المعدودات حتى للزيارات ناهيك عن انك تجرى وتكوس ليك درب تحضير ولا حتى تقديم ليه Quote:
قريبي اشترى هايس بالتقسيط وارسلها السودان
طوالي ادوها لزوج أخته
الراجل ماشاء الله بدل مايشتغل هو سواق
قام أجر ليهو سواق وهو قعد في البيت
اصبح قريبهم ياخذ الثلثين
والعربية وصيانتها وبنزينها الثلث
وابوالقدح صاحب العربية ولا شيء Quote:
خالص الشكر والتقدير اخ ابو حراز
| |
|
|
|
|
|
|
|
|
|
Re: هل تكفى اجازة المغترب للوقوف على متغيرات الحياة فى السودان (Re: ناهد بشير الطيب)
|
في العادة تتراوح اجازات المغاربين بين 4- 6 اسابيع الا القلة الذين يتمتعون ب 8 اسابيع
مقسمة كالاتي
1- الاسبوع الال فواتح
2- الاسبوع التاني زابارات للناس الكبار
3- الاسبوع التالت محاولة لفهم المصطلحات وفرق الاسعار
4- الاسبوع الرابع الجري ورا الاراضي او المقاول ,
5- الاسبوع الخامس جهاز شئون الغتربين
6- الاسبوع السادس الوداعات والتمليص
وكل سنة وانتو طيبين
| |
|
|
|
|
|
|
|
|
|
Re: هل تكفى اجازة المغترب للوقوف على متغيرات الحياة فى السودان (Re: د.محمد حسن)
|
Quote: 1- الاسبوع الال فواتح
2- الاسبوع التاني زابارات للناس الكبار
3- الاسبوع التالت محاولة لفهم المصطلحات وفرق الاسعار
4- الاسبوع الرابع الجري ورا الاراضي او المقاول ,
5- الاسبوع الخامس جهاز شئون الغتربين
6- الاسبوع السادس الوداعات والتمليص
|
الاخ د... محمد حسن
الاسبوع الاول اقنع منه نهائى .....وبالذات نحن الاسر
بنجوط جوطه ومع الضيوف والمرقات ....اولادنا بيستغربوا
هل دى امى الكانت طوالى معانا فى البيت ....والام نفسها
تلقاها ماعارفة اولادها اكلوا ولا شربوا ولا ناموا ...لانه
طوالى بيظهروا ليك متبنين ليهم من العيلة ...اسبوع
واحد بس ضيافه واول ماتتم اسبوعك ده ...تانى تفتش لليمسك ليك
اولادك ...ويحميهم ويغير ليهم ويأكلهم ليك .... تلقى القبل على الحيطة قبل
والبيحضر فى مسلسلاته وبجيتك للبلد فوته كم حلقه رجع يحضر وماداير صوت ...
والكان مأجز ليكم يومين تلاته نزل الشغل لانه بعد ده حيرفدوه....
وتبقى انت القاعد تشوف عيالك وضيوفك وضيوف الاهل وخدمتهم ....
الله يكون فى عون المغتربة برضو ....
لانه برضو بتخش المطبخ هناك وعلى مستوى (عائلى) كمان
الاسبوع التالت .....
لفهم المصطلحات وفرق الاسعار
ده اصعب اسبوع ......ده خلاص بتكون انت عالحديدة .......والاسعار بتشوفها
دبل دبل ....والناس تفر من حولك ......تبقى انت والسقف والحديدة
باقى اسابيعك بجيها ....
خالص التقدير والود اخ محمد
| |
|
|
|
|
|
|
|
|
|
Re: هل تكفى اجازة المغترب للوقوف على متغيرات الحياة فى السودان (Re: ناهد بشير الطيب)
|
الاخت ناهد
و الله زهجنا من الغربة و الواحد كل يوم يتمني يرجع السودان
نكون بين اهلنا و احبابنا
غير الوقوف علي متغيرات الحياة و الاستثمار في السودان
اذا الواحد قرر العودة النهائية للسودان
التأقلم علي الحياة ( المتغيرات دي ) في السودان صعبة جدا
يعني كل اجازة و الواحد بيحس اكتر أنو غريب في السودان
نسبة للتغيرات الاجتماعية الحصلت في السودان
الناس تعاين ليك كأنك من كوكب اخر
مرات كتيرة افضل ما امشي السودان اجازة
عشان الصورة اللي انا خاتيها في راسي للانسان السوداني ما تنمحي
الانسان السوداني الطيب الكريم الصادق الامين
اكتر حاجة صدمتني في السودان الان السهولة البيكذبوا بيها
يعني الكذب بقي ليهم شئ طبيعي و من غير خجل
زمان لمن يكون في واحد كذاب في الحلة
الناس دي كلها تكون عارفة و بتتكلم عنو و عن كذبو
عشان كدة الزول الداير يستثمر في السودان
دراسة جدوي المشروع ما بتكفيهو عشان يعمل ليهو مشروع
لازم في الاول يتعلم الكذب و الغش و الاحتيال
غير كدة مؤكد مشروعو فاشل مية في المية
حتي اذا دراسة الجدوي اثبتت نجاح المشروع مليون في المية
نبيل
| |
|
|
|
|
|
|
|
|
|
Re: هل تكفى اجازة المغترب للوقوف على متغيرات الحياة فى السودان (Re: nabielo)
|
أختي ناهد بشير
جملة أشياء تجعلك لا تقدمي علي الأجازة ناهيك عن دراسة المتغيرات والحياة في السودان بطيخه قرعه
وكل التجارب التي سبقتنا لا تبشر بالخير ولو علي نطا المصروفات اليومية والمغترب بقي عشان يوفر لجماعتوا
بتاعين السودان بدخل في ديون هنا تبقية باقي عمروا جالس في غربته الله يعينوا تقولي لي عودة نهائية وللبلد المافيها أستقرار سياسي دي ولا أمني
يفتح الله ياأختي من هنا ولي قادي ومع أني لم أذهب منذ 9 سنوات ولكن أحساسي من خلال من يذهبوا كأني معايش الحاصل أول بأول والعالم بقي قرية
صغيرة ومن الغوغل إرث بدور بي الأفكار سراعا .
يايوم إجازتي ماتسرع وتنفض لي مالي جيوبي هذا حال كل من ذهب أدراج مطار الخرطوم ،،،،!!!!
المهم الموضوع جدير بالنقاش وهام حتي تذهب السياسة من علي جسوم المغترب المتهالك المغلوب علي صرفه إلا بالعملة الصعبه الوقعت واطــــــــه.
،،،،أبوقصى،،،،
| |
|
|
|
|
|
|
|
|
|
Re: هل تكفى اجازة المغترب للوقوف على متغيرات الحياة فى السودان (Re: ناهد بشير الطيب)
|
كو كو كو .. السلام عليكم كيف حالكم حمدا لله على سلامة امير
اووووووووووه امير كيف حالك ان شاء الله تمام الله يسلمك الله يبارك فيك الله يديك العافية كيف الاخبار وكيف الجماعة بي هناك .. وتتوالى كوكوات الباب..
هوي يا امير انت مشيت لي ناس هناي .. امهم ماتت قبل سنة ونص والله امبارح ولدم لاقاني سالني منك قلت ليهو آآي جاء اخد ليهو نفس طويييييل وطلعو بي نخرينو .. يعني مالو ما بجينا !!! وكمان ناس فلتكان برضو عندهم حبوبتم اتوفت الشهر الفات .. وناس علان وملتكان وسلتكان وبرتكان و و و و و و ......... وتتوالى اخباريات الوفيات ..
الفاااااااااااااااااااااااااااااااااااااااااااااااااااااااااااااااااااااااااااااااااااااتحة.. البركة فيييييييييييكم كلللللللللكم .
هوي يا امير قوم اعمل اجراءاتك .. كلها الباقي ليك 5 ايام اخيرليك تجهز نفسك ..
امير شفت بالله برج بنك السودان ده جميل كيف ؟
لا والله ما مشيت بالجهات ديك
طيب برج القذافي والله اصلي ما لقيت طريقة ولا وقت ادخل فيهو على الخرطوم جوه
ياخي بالغت والله نص عمرك ضايع !! وكبري المك نمر وكبري توتي.
شفتهم من بعيد وانا في كبري بري ماشي الحاج يوسف اشيل الفاتحة في ترلتكان .
واجازتي ضاعت كلها .. هو انا فضيت من سلام حباب .. والفاتحة والبركة فيكم .. !!!!
ناهد اختي .. باقي ليك في طريقة وقوف على المتغيرات !!!
Quote: هل تكفى تلك الايام التى يقضيها المغترب
مابين زيارة هذا... وعزاء ذلك.... ومعاودة هؤلاء...
فى الوقوف على متغيرات الحياة فى السودان .... |
| |
|
|
|
|
|
|
|
|
|
|
|
| | |
| |
ناهد بشير الطيب
ابوحراز
ابو جهينة
abuguta
د.محمد حسن
خالد حامد الجزولي
nabielo
مجدي عبدالرحيم فضل
sourketti
khaleel
امير عوض الجمري
فيس بوك
تويتر
انستقرام
يوتيوب
بنتيريست