|
|
|
 Re: الـصــابئــة والــكــرادة وشـــية تمبس ( بوست للتوثيق) (Re: ismeil abbas)
|
وقد أنبرى عمر بن أحمد الحلبي .. متحزما .. مبتسما بعدما جمع بأنصار السنة .. وقال :
ليت القوم كلهم مثل الارباب ..
حلاوة لسان .. وكرم ضيفان ..
ابت نفسه الا ان يقول :
انت يا بحر المسور قالبني فيك أجيد القول
محرم كـل الكحول وفاتـح قلبك لكـل زول
انت يا بحر الدميرة يا التامي كل النفيلة
انت ود عز القبيلة بتدنقر وتشيل التقيلة
صح لسانك أخي عمر ...
وسلمت اخي محمد وسلم القوم كلهم ..
| |
 
|
|
|
|
|
|
|
|
Re: الـصــابئــة والــكــرادة وشـــية تمبس ( بوست للتوثيق) (Re: علاء الدين حيموره)
|
حبيبنــا د. محمد الحسن ..
البورداب الحلويين طمنوني .. نسيم الليل زاد جنوني ...
والله مازال حضوركم ينشر الفرح في داري العامرة بكم ..
ولكن لابد من إيضاح أمر ..
يبدوا أن د. نجيب زيادة .. قد ترك مخلفات حرب ..
مما إضرنا إلا إستدعاء قوات خاصة بقيادة السلطان حمـورابي للتعامل معها بحزم ..
شكراً لكم كنتم جميلين كعادتكم ..
أما المبدع عبد الرحيم البركل .. فذلك ساحر أوتيه مزمار داؤؤد ..
شكراً لكل من حضر ولكل من زادناً فرحاً وفخراً ..
أولئك أصحابي .. نعم الصحاب .. أفاخر بهم دوماً ..
وأتوكأء عليهم .. عندما تتعبني غربتي .. وأهش بهم همومي .. وإستحضر معهم كل الفرح والحبور.
كونوا بخير،
الأرباب
| |
|
|
|
|
|
|
|
|
|
Re: الـصــابئــة والــكــرادة وشـــية تمبس ( بوست للتوثيق) (Re: عمر الفاروق)
|
| Quote: أديها ساااااااااااااااااااايفون .. |
حبينا ود فاروق
تعرف عندنا واحد من ظرفاء عطبرة .. أسمه عكاز .
كان جايي من بورتسودان وفي الطريق إشترى خروف الضحية من أحدى المحطات وختاهم في عربة السواقين في القطار ومعاهو قش .. لسوء حظه وحسن حظ الخروف القطر إتعطل لمدة يومين ..
قوم يالخروف كمل القش كله .. فعكاز مالقى طريقة غير يأكل الخروف من كرتونة الشعرية الكان شايله لي عياله .. المهم لمن إتصلح القطر الخروف كان أكل الشعيرية كلها ..
لمن وصل عطبرة .. الجماعة دخلو الخروف الزريبة .. وختوا ليه ربطة بتاعت قش ..
لكين ياعمك الخروف .. حلف بالتقطعوا ماياكل القش ..
نادو عكاز قالوا ليهو خروفك أبى ياكل القش ..
قال ليهم ده متعـــود على الشعيرية
الله يهدي د. نجيب زيادة ..
حيخرب ميزانيتنا مع السايفن
| |
|
|
|
|
|
|
|
|
|
Re: الـصــابئــة والــكــرادة وشـــية تمبس ( بوست للتوثيق) (Re: د.محمد حسن)
|
Quote:
سأل عمر بن أحمد الحلبي سأل مصطفي :
هل قماش هذا الجلباب من غبيرة ؟؟
فرد مصطفي : نعم يا أخ العرب ..
تبسم بسخرية عمر بن أحمد وقال له انه جميل جدا .. الا يوجد منه رجالي ؟؟؟
فضحك الجمع حتى بانت نواجزهم ..
|
قيل: ان الارض التي يكثر فيها الصابئة لا يصح الصلاة فيها
فتيمننا صعيدا زلقا
...
..
سلام ياقوم
| |
|
|
|
|
|
|
|
|
|
Re: الـصــابئــة والــكــرادة وشـــية تمبس ( بوست للتوثيق) (Re: د.محمد حسن)
|
طارق نقد:
| Quote: اجق جق جق جق جق جق جق جق جق جق جق جق جق جق جق جق جق جق جق جق جق جق جق جق جق جق جق |
عليك الله زولنا مش جقجااااااااااااااااااااااااااااااااااااق؟
Quote: خلاص تعبته
ياخي الصابئه ادونا فرقه |
ده كلللللللو كوم والشاي الطعموهو لينا بي الملح ده كوم تااااااااااااااااااااااااااني...
وعلى قول تمبس :
سكّر نباتي ..
والله العظيم القعدة دي وزي ما قال مصعب كانت ناقصة وأد البنات
ياخ دي كانت جلسة من الجاهلية..
| |
|
|
|
|
|
|
|
|
 Re: الـصــابئــة والــكــرادة وشـــية تمبس ( بوست للتوثيق) (Re: د.محمد حسن)
|
| Quote: والله العظيم القعدة دي وزي ما قال مصعب كانت ناقصة وأد البنات |
مبالغــه ..هـذا اروع وصــف .
شكــرا حيمــوره على العزومــه البروفه لكن دي حتكـون وين في بطحـــاء غبيره
حبــابكم ..
Quote: يلا الدعوة موجهة ليك عشان نحتفل بيك ..
بروفة الاحتفال على حسابي والاحتفال على كل الشباب .. |
______________________________________________ _
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور
| |
|
|
|
|
|
|
|
|
 Re: الـصــابئــة والــكــرادة وشـــية تمبس ( بوست للتوثيق) (Re: طارق عبد اللطيف نقد)
|
القعدة دي ..
كان فيها عدة جوانب تقنية وفنينة وسياسية .. وأخرى رياضية ..
استفاد الجمع الكريم كل حسب رغبته في المشاركة ..
هناك ملاحظات مهمة يجب تسجيلها:
- طمبور البركـل .. أظهر بعض القصص الغرامية القديمة .. فقد تم رصد بعض الآهات المعبره .. من بعض الحضور يمكن ان نوافيكم بها فيما بعد مكتوبة على النوتة الموسيقية ..
- الريس ود الباوقة اثبت ان له مقدرة عالية في التحديات .. فبعد مشروع صور الطائرة القصواء .. وبعض الطرق والكباري .. انتقل بتجربته إلى خارج المنبر بعد ان (حنك) البركل بتقديم تلك (الرمية) الخاصة بادبيات الحماسة الانقاذية الملهبة للمشاعر .. فما كان من الجميع إلا وأن كبروا من خلف الريس ابوجهينة .. وهللوا .. وهذا إن دل على شئ إنما يدل على الوعي الذي يتحلى به معظم الأخوة في المعارضة
- مع رصد ادبيات الريس ود الباوقة في توصيل الرسالة .. تم رصد بعض الخلايـا النائمة
عندما خرجنـا في الساعات الأولى من صباح الجمعة.. تركنـا خلفنـا بعض الخلايـا النائمة 
| |
|
|
|
|
|
|
|
|
|
Re: الـصــابئــة والــكــرادة وشـــية تمبس ( بوست للتوثيق) (Re: د.محمد حسن)
|
| Quote: عندما خرجنـا في الساعات الأولى من صباح الجمعة.. تركنـا خلفنـا بعض الخلايـا النائمة |
تأكيداً لي كلامك ده يا تمبس..
حميدة لحدي ما فارقناهو في تلك الساعات الاولى كان مصر وملح نضرب ليهو عشان يجي يودينا المطار ..
ضربنا ليهو بعد ساعات قليلة ردّ علينا ونكرنا حطب وقال لينا بي كل بساطة:
هووووووووي إتخارجوا يا وهم بلا مطار بلا كلام فارغ ..
تووووووت ..تووووووووووت ..تووووووووووت ..
الزول ده يكون بقا خلية نائمة ؟
| |
|
|
|
|
|
|
|
|
 Re: الـصــابئــة والــكــرادة وشـــية تمبس ( بوست للتوثيق) (Re: عمر الفاروق)
|
| Quote: الزول ده يكون بقا خلية نائمة ؟ |
الزول دا كان بقى خلية نائمة .. ما بنفع يشغلوهو في الاستخبارات .. لانو ( بفتوا ) بسرعة حــار .. حار .. لكن غالباً يشغلوهو (عميل مزدوج) .. وفي النهاية يسوقوهو اتنين يتشالبوهو ليك علشان يودوهو يعمل (فيتنام)
تعرف يا عمـر ..
عندنا جيرانا كدا عندهم قريبهم مهذب خالص .. مهذب لي درجة انو لو اتكلمت معاهو ممكن يبكي من التهذيب .. ياخي دا الكلب بتاع جيرانا الفي راس الشارع الشرس داك وقاطع لي الطريق ومحرمني الشارع.. تخيل بحترم ليك الزول دا احترام شديد ولما يجي ماري الكلب بدنقر راسو براحه ويدخل البيت
اهــا
بيجي لي جيرانا ديل وانا بصطادو ليك اتونس ليك معاهو .. يوم جيرانـا ديل عندهم عرس .. متلمين ليك الناس كلهم .. عندنا واحد في الحلة بتاع (مغارز) كدا شفتو حائم معاهو من المغربية وقلبي اكلني .. قام ساق ليك الزول المهذب دا .. وجندو باقي الليل داك وخلق ليك منـو .. (خلية نايمه) ..
ربك الكريم نجدو ليك بي ..
تخيـل ..
جيت لقيتو ( مقبقب ) ليك واحد عمك كبير كدا .. النوع الحواجبينو بتكون بيضااااء ديك النوع البكون قاعد في الصالون حارس البيت والشباب بهججو في الحفلة ..ياخي النوع الصلالالاي داك لقيتو مستفرد ليك بيهو في جوه الغرفة وبزرزر ليك فيهو شابكو ليك:
تعرف إنت ( اشنـا ) زول في تاريخ البشرية .. إنت بتثبت نظرية داروينج انو الانسان اصلو قرد .. (تــفف) على اي حاجة ما قاعده صاح في حتتة ..
يازول انا لما شفت الزول دا مقبقب ليك عمك .. وبصرف في الفارغه دي .. راسي بقى كبير من الخلعه اصلو ما ممكن الزول المهذب دا يعمل كدا .. قلت يا زول اللحقـو ليك اعمل ليهو .. اخـلاء ميداني لانو كان جاء زول شافو دي مشكلة كبيرة
يازول جازفتو ليك بسرعة .. ( صحي الخلية ).. (اللحق الشهيد) .. (خــم الشهيد) .. (اركب العربي)
| |
|
|
|
|
|
|
|
|
|
Re: الـصــابئــة والــكــرادة وشـــية تمبس ( بوست للتوثيق) (Re: tmbis)
|
| Quote: الصهاينة الا حلفنا عليهم حرام حتى خلو البركل يغني اغنية ( الدواس ) |
بسم الله حلال التجيك مقصودا
وشالت نصرة النفس التوفي عهوده
سخر للبلد تبقى الملايكة جنوده
والناس مابتضيع .. لو ماسكه في معبوده
ثلاثة جهات مولعه مابرد واقوده
محل تنقد بتلفوه وتسدو قدوده
والجات للعدو الفوقكم هطل باروده
بحكم الإله تنزل عمار وبروده
أبشر ياود الباوقـــه .. أرررررررروك ...
قال أحد الخلاية النايمة بعد أن طعم الشاي بالملح وأخذ رشفة عميقة ..
قعده في ميزان حسناتك يا أرباب
| |
|
|
|
|
|
|
|
|
|
Re: الـصــابئــة والــكــرادة وشـــية تمبس ( بوست للتوثيق) (Re: علاء الدين حيموره)
|
أما بعد
بهذا قررنا بأن يتنازل وزير الري و الموارد المائية عن منصبه إلى :
د. محمد حسن أبو التومات
و بالتالي تؤول الملكية التالية إلى د. محمد حسن تلقائياً :
1. العجلة
2. الخيل
3. الهجن
و أي متعلقات أخرى كانت بحوزة وزير الري المُقال ..
أي إعتراض يرسل على الإيميل التالي :
Karradoon .Sabiah @ ShayyatTimbs.net
صدر تحت توقيعي بأم الحمام الشرقية
| |
|
|
|
|
|
|
| |
د.محمد حسن
طارق عبد اللطيف نقد
ابو جهينة
عمر الفاروق
ismeil abbas
tmbis
علاء الدين حيموره
Khalid Saeed
شهاب الفاتح عثمان
لؤى
محمد المرتضى حامد
فيس بوك
تويتر
انستقرام
يوتيوب
بنتيريست