نشرت العدل والمساواة فيديو علي الانترنت قبل تسعه اشهر تحذر فيه الحكومة والسودانية وتتوعد بنقل حربهم الي قلب الخرطوم .. اين كانت الحكومة والشرطة والاستخبارات والدفاع ؟؟؟؟؟؟؟
05-20-2008, 04:19 PM
SAMIR IBRAHIM
SAMIR IBRAHIM
تاريخ التسجيل: 01-05-2007
مجموع المشاركات: 2628
والله قصة خليل ابراهيم مع الحكومة ذكرتني بقصة لوري مسروق من الكرين بتاع ميناء بورتسودان . بعد سرقة اللوري الحكومة جابت بوليس سري يراقب المنطقة والبوليس المسكين لقي ليهو ادروب مارق من الميناء وخاتي ليهو حاجه كبيره في الكفة بتاعت سروالو البوليس المسكين وقف صاحبنا ادروب وقال ليهو يا ادروب وريني الحاجه الموجوده في الكفه بتاعت سروالك والحاجه طلعت علبة تمباك كبيرة .. صاحبنا ادروب عاين للبوليس وقال ليهو (شنو يا جنابو الحقه تشوف واللوري ما تشوف))
تخريمه .. دي قصة الحكومة مع دكتور خليل ...اللاندي كروزر تشوف الزول السايقو ما تشوف !!!!!
05-20-2008, 07:19 PM
Yasir Elsharif
Yasir Elsharif
تاريخ التسجيل: 12-09-2002
مجموع المشاركات: 48933
د. خليل دخل إلى أمدرمان.. دي ليست هي الدليل على ضعف الحكومة وجيشها وأمنها.. ولكن كون خليل قد تمكن من الخروج فهذا هو الهزيمة الكبيرة للحكومة.. والمؤسف أن الرئيس يخطب بمثل هذه الطريقة التي تقلب الهزيمة إلى نصر..
05-20-2008, 11:04 PM
Adam Omer
Adam Omer
تاريخ التسجيل: 03-14-2007
مجموع المشاركات: 4478
يا خوي الناس ديل لو فتشوا في العربات القبضوها دي كان ممكن يلقوا ليهم شوال كركدي ويعرضوه مع الغنائم وبعد داك الريس يشيل شوال كركدي ويصرف لناس الحكومه كل واحد كيلو وبعد داك بيانات وكواريك للصباح ... وبعد داك مافي زول حلقوا بيتقرش لكن كواريك ساكت بدون كركدي دي ما بتجي !!!!
05-21-2008, 01:21 AM
SAMIR IBRAHIM
SAMIR IBRAHIM
تاريخ التسجيل: 01-05-2007
مجموع المشاركات: 2628
يا خوي الناس ديل لو فتشوا في العربات القبضوها دي كان ممكن يلقوا ليهم شوال كركدي ويعرضوه مع الغنائم وبعد داك الريس يشيل شوال كركدي ويصرف لناس الحكومه كل واحد كيلو وبعد داك بيانات وكواريك للصباح ... وبعد داك مافي زول حلقوا بيتقرش لكن كواريك ساكت بدون كركدي دي ما بتجي !!!!
05-21-2008, 01:14 AM
SAMIR IBRAHIM
SAMIR IBRAHIM
تاريخ التسجيل: 01-05-2007
مجموع المشاركات: 2628
رئيس الجمهورية: (خليل) يستاهل الكلام القالتو فيهو حواء الطقطاقة ..!
روى رئيس الجمهورية المشير عمر حسن احمد البشير لقوات الشرطة قصة وصول قوات حركة العدل والمساواة لأمدرمان ، وقال إنهم نجوا من ثلاثة مواقع نصبت لهم قبل دخول امدرمان ، ثم اضاف لكنهم بعد ان دخلوا امدرمان دحروا فيها مما أعطى الانتصار طعم خاص ، وحسبما حكي الرئيس لقوات الشرطة فإن القوات التشادية أفلتت من القوات النظامية في دارفور ، وفي كردفان ، وعند مدخل امدرمان لكنها لقيت مصيرها المحتوم داخل المدينة وشهد العالم على جريمتهم وسخر الرئيس من هروب قائد حركة العدل والمساواة وقال انه لو كان قتل في المعركة لكان اكرم له من قطع المسافة من امدرمان الي تشاد جرياً وقال ضاحكاً : يستاهل الكلام القالتو فيهو حواء الطقطاقة ، ولم يشأ الرئيس ذكر ما قالته حواء الطقطاقة في خليل ابراهيم ومعروف ان الطقطاقة مطربة شعبية اشتهرت باغتيات الحماسة والغناء لرجال الجيش السوداني ، جدير بالذكر انه عقب احداث امدرمان علقت الفنانة الشعبية حواء الطقطاقة على خليل ابراهيم قائلة له (تعال لي النعلمك رقيص العروس ) ..!
05-22-2008, 09:35 AM
SAMIR IBRAHIM
SAMIR IBRAHIM
تاريخ التسجيل: 01-05-2007
مجموع المشاركات: 2628
والله يا ريسنا دكتور خليل ده اعلنها علنا ونشرها قبل تسعه اشهر واستطاع ان يفلت ثلاث مرات ودخل قلب العاصمه
السؤال لماذا لم يستعمل الدكتور خليل وجماعته الاسلحه الحديثه والثقيله التي دخلوا بها الخرطوم؟؟؟؟ هل اختاروا الانسحاب حفاظا علي ارواح المواطنيين؟؟؟؟؟؟
روي لنا شهود العيان ان الاسلحه التي دخلوا بها من الممكن ان تنسف مدينة كامله وبما انك الريس نرجوا الاجابه لماذا لم يستعملوها واختاروا الانسحاب او الهزيمه ؟؟؟؟؟؟
لماذا لم يختار دكتور خليل سياسة القتال الانتحاري ؟؟؟؟؟
05-25-2008, 10:19 PM
SAMIR IBRAHIM
SAMIR IBRAHIM
تاريخ التسجيل: 01-05-2007
مجموع المشاركات: 2628
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة