|
عاصم أبو بكر حامد و التهديد الرخيص - أتمني أن ألتقيك يوماً في النزال
|
فقدتم البوصلة جميعكم و أنت أصلاً لم تكن تمتلكها ، حار دليلكم و أنت لم يكن لك يوماً منه نصيب ، و انهزمتم شرّ هزيمة في الميدان و تشابه عليكم البقر فاعلم الآتي يا وقِح
أنا لست بالرجل الذي يهدد و أنت أحقر من أن تفعل بي ذلك أحترمك في حدود و أديك بالقديمة لما تقِل أدبك
تعال فوق دابة أو دبابة فوق راس خليل فوق ضهر دِبِّي
لا يهمني
تعفّن حيث أنت في أنجمينا و أكتب وهماً و أحلاماً زلوطية :
من الأراضي المحررة
لا يهمني
فقط إحترم نفسك و إتلمّ جوة عِلبك عشان ما أقبِّل عليك
فاهِم
قال :
أهرب منكم؟ و إنتو منو ؟ ياخي إنت وهم قوموا لِفوّا
بالنسبة لعنواني الفوق دة لا أظن أنك يمكن أن تنازل نملة بنفسك إنت زي خليل بتاعك دة تعتمد علي مرتزقة ليححقوا لك أحلامك
أهة حترسل لي واحد شعرو بوب في عمارتنا يجي يغتالني
ولا يختفوني زي محمد طه محمد أحمد و يضبحوني و يرموني في حوش الخليفة راسي فوق ضهري
والله إني أشفق عليك من نفسك
قال محررة قال
|
|
|
|
|
|
|
|
Re: عاصم أبو بكر حامد و التهديد الرخيص - أتمني أن ألتقيك يوماً في النزال (Re: علاء الدين يوسف علي محمد)
|
عاصِم
و أنت بن أحد قيادات الجبهة في يومٍ ما
يعني كوز
و أنت تتبع لأحد المجاهدين يوماً ما
يعني كوز
أنا أشرف منك كثيراً لأنني لم أرتزق من حكومة الكيزان أو الرجرجة الدهماء بتاعنكم الهسي ديل
لم تطأ قدمي ساحات جهادٍ أبلي فيها خليلكم ويهو يربط الدُبارة الحمراء حول جمجمته الفارغة ولم ألتحِق بمعسكرات الدفاع الشعبي و لم أُسلِّم رأسي لجهة ما من قبل
أنا حُر يا عاصم
عارف يعني شنو حر
لكن يوم تكونوا جايين الخرتوم تاني عليك الله و إنت عارف تلفوني أضرب لي قول لي أنا في الكتيبة الشاردة حفاة رقم كِدة
عشان أمش و أسجِّل اليوم داك دفاع شعبي و أشيل لي كلاش و أجي أوريك أصول الدواس بيكون كيف
قال من الأراضي المحررة
ياخي لِف كِدة
| |
|
|
|
|
|
|
Re: عاصم أبو بكر حامد و التهديد الرخيص - أتمني أن ألتقيك يوماً في النزال (Re: علاء الدين يوسف علي محمد)
|
رضعت من ثدي الحكومة دي يا عاصم لما أصابتك التُخمة
لكن جملة و فِطامه في عامين دي حاااااااااااااارة عليكم
ما بتقدروا تفِكو الضرِع دة و لازم ترضعوا لبن صاااااااااااااااافي
ما أكلت الكِسرة بالموية و السكر
ما ضربت العدس
ما عملت البليلة يوم فول مصلّح يوم تعزز الفول ذاتو
ما استحميت بالطشت أو بالجردل
موية الدُش و شوفة الدِش و عيشة الغِش علي حساب الغُبش
راكب مكندش نايم مكندش ساكن مكندش لذلك أحلامك ذاااااااااااتة بقت مكندشة
مااااااااااا بتستحملوا عيشة النكدة في غياب الثدي ترضعوا بالبزة من دِبي لحدي ما تمسكوا الثدي تاااااااااااااني
و ترضعوا
| |
|
|
|
|
|
|
Re: عاصم أبو بكر حامد و التهديد الرخيص - أتمني أن ألتقيك يوماً في النزال (Re: علاء الدين يوسف علي محمد)
|
و تجي تقول لي أهل الهامش و أنا أتحدث لأجل إنسان دارفور
والله حديثك دة حدو زِر رفع قزاز باب عربيتك المكندشة و حريقة بعد داك في أي فوراوي غرّابي جنوبي جلابي
المهم تظبط موجهات الهواء البارد في طبلون العربية تجاه الخدود النايرات و ترفع صوت المسُسجِل و تمشي تعضي في لذيذ
ما كنتو قاعديييييييييين في سُدة الحكم و بتدخلوا بأبواب نحن ما بنحلم نجي ماشي جنبها
عملت شنو لأبناء درافور يا عاصم
ولا عشان قفلوا الباب قلتو أحسن طريقة نفتحو نتحدث باسم أهل الهامش
| |
|
|
|
|
|
|
Re: عاصم أبو بكر حامد و التهديد الرخيص - أتمني أن ألتقيك يوماً في النزال (Re: علاء الدين يوسف علي محمد)
|
بمناسبة الأحداث في امدرمان قالو أبكر مشي الحرب ..و
شايل الجهاز بتاع اللاسلكي وبتصل بالقاعدة من فترة لفترة لفترة بوريهم أخبار العدو ..و أبكر : ألو القائدة الأدو على بعد 6 كيلو القاعدة : علم وبعد فتره أبكر : ألو القائدة الأدو على بعد 3 كيلو القاعدة : علم وبعد فتره أبكر : ألو القائدة وهيات الله الأدو على بعد 2 كيلو القاعدة : علم أبكر : بردو أولم!!!م وبعد فترة أبكر : ألو القائدة الجماءه ديل على بعد كلو واحد بس وهيات الله بعد كده بجو بجازفونا ويتقتقونا زاتو القاعدة : علم أبكر : يا جماءة كيف الكلام ده؟؟؟ وبعد فترة
_ أبكر : ألو القائدة .. هاك كلم العدو ....
| |
|
|
|
|
|
|
Re: عاصم أبو بكر حامد و التهديد الرخيص - أتمني أن ألتقيك يوماً في النزال (Re: علاء الدين يوسف علي محمد)
|
Quote: عاصِم
و أنت بن أحد قيادات الجبهة في يومٍ ما
يعني كوز
و أنت تتبع لأحد المجاهدين يوماً ما
يعني كوز
|
كلام عقل
Quote: أنا أشرف منك كثيراً لأنني لم أرتزق من حكومة الكيزان أو الرجرجة الدهماء بتاعنكم الهسي ديل لم تطأ قدمي ساحات جهادٍ أبلي فيها خليلكم ويهو يربط الدُبارة الحمراء حول جمجمته الفارغة ولم ألتحِق بمعسكرات الدفاع الشعبي و لم أُسلِّم رأسي لجهة ما من قبل
|
رجلاُ والرجال قليل
Quote: أنا حُر يا عاصم
عارف يعني شنو حر
|
حر وود رجال طالما ما اتلميت مع الكرور ده
خارج الموضوع يا عبدالرازق الطالب بعد ماشفت صورتك دي عايز اذكر اتلاقينا وين ممكن تساعدني
| |
|
|
|
|
|
|
Re: عاصم أبو بكر حامد و التهديد الرخيص - أتمني أن ألتقيك يوماً في النزال (Re: علاء الدين يوسف علي محمد)
|
Quote: رجلاُ والرجال قليل |
إذا جليت درب السكة العجيبة دي يا علاء عوجة ما بتجيكـ..
تخيل: نفس الموال ده كان بتقال للدباب خليل.. قبل ما يدخل بقواتو لقلعة أم درمان بثواني.. ومن من..!!
سبحانه مغير أحوال عهد جيرون..
وعضانهم فايتها أدب محمد سعيد العباسي لعهد جيرون
"ولست أرضى من الدنيا وإن عظمت إلا الذى بجميل الذكر يرضينى وكيف أقبل أسباب الهوان ولى آباء صدق من الغر الميامين النازلين على حكم العلا أبداً من زينوا الكون منهم أى تزيين"
إنتبه يا علاء الدين..
| |
|
|
|
|
|
|
Re: عاصم أبو بكر حامد و التهديد الرخيص - أتمني أن ألتقيك يوماً في النزال (Re: عمر الفاروق)
|
Quote: راجع السفارة السعودية ..رسلت ليك فيزا بمهنة راعي ..في واحدة بتاعت طباخ خجلت أرسلا ليك والله .. |
الحبيب ود الفاروق صحبي المغترِب
تلحقني و تنجدني من شر الولد المبغبغ الجاي يغتالني دة
لو ما بعرفك كان قلت يا خدرة يا حبوب
Quote: لازم تتخارج يا حبة من البلد ديك سريع خليل ورجاله حالياً إحتلّوا قناة ساهور وهارموني وبيفتشوا لي إذاعة الرياضية FM 104 .. |
الخوف يطِشو و بدل المرة الفاتت سوق العناقريب المرة دي يمشوا القوات المسلحة FM 97
Quote: ما وريتني الصابون يا عمك الواحد حنّتو بقت تطلع مع كل غسيل عدّة .. |
يا فردة الحِكمة ما في الصابون الحِكمة في كيفية الأكل علي الصحانة قبل الغسيل لو بقت بطريقة الحنكوش بشاشا يبقي إنت محتاج موية بس و هِنا مافي ختورة علي الحِنا
لكن لو دعفسة شديدة الصابون السائل أومو و تكون لابس قفاز طِبي
إنت ياخ علّموك في ياتو متبخ ..
| |
|
|
|
|
|
|
Re: عاصم أبو بكر حامد و التهديد الرخيص - أتمني أن ألتقيك يوماً في النزال (Re: علاء الدين يوسف علي محمد)
|
يا علاء انت فقدت البوصلة يا سيدئ ...
انت ذاك الرجل العنصرئ الذى اعرفه ويعرفه كل اهل السودان
اذا كنت رجلا كالرجال قتلنا ...
ودعك من الاشياء الرخيصة ....
نحن نعرف طريق واحد وهو ارض المعركة او الميدان ...
لسنا مثلك نجلس على المكاتب وندوس على الكيبورد ...
خرطومك التى تراه محمية بقواتكم التى رايناها مثل الحريم ...
علاء انت ومن معك من الطباليين جبناء فى ساحات القتال ...
وتهديد لك خذه محل جد ....
واقولها لك مرة اخرى
وسوف ادعك مع هذا قليلا ...
Quote: تهنيء قيادة حركة العدل و المساواة السودانية جماهير الشعب السوداني الأبيّ عامة وجمهور المهمشين على وجه الخصوص بالنصر المؤزّر على نظام الإبادة الجماعية في الخرطوم بعملية "الذراع الطويل" التي قامت بها الحركة في يوم السبت الأغر العاشر من مايو 2008 ، وإزاء التضليل الإعلامي الكثيف الذي تمارسه عصابة المؤتمر الوطني المجرمة تودّ الحركة توضيح الحقائق التالية:- 1- لم تستهدف حركة العدل والمساواة السودانية مطلقاً المدنيين أو مؤسساتهم أو مصالحهم في عملية "الذراع الطويل"؛ وعلى العكس مما تدعيه العصابة تماماً فقد استقبلت جماهير أمدرمان قواتنا الفاتحة بكل الترحاب وأهازيج الفرح وقدموا لها الطعام والماء والمعلومة، وتنتهز الحركة هذه السانحة للتعبير عن خالص شكرها لهم جميعاً فقد كانوا عند حسن الظن وأكثر.
2- تعتبر الحركة مليشيات أمن قوش التي عاثت في الوطن فساداً وقهراً وقوات الإحتياطي المركزي التي حادت عن مهمتها وصارت أداة للبطش بالمواطن والحيلولة بينه وحقوقه بالإضافة إلى عصابات المؤتمر الوطني الذين يحملون السلاح دفاعاً عنه وعن نهبه لأقوات الشعب ، تعتبرها الحركة جميعاً أهدافاً مشروعة لها دون سواها.
3- افترت عصابة المؤتمر الوطني علينا وعلى الشعب السوداني فرية عظيمة عندما ادعت أن الحركة تجنّد الشباب القاصرين وتدفع بهم إلى أتون الحرب، فأتت العصابة بالشباب الهائمين على وجوههم في العاصمة - بعد إختيارهم وفق سحناتهم وإنتماءاتهم الإقليمية - وعرضتهم على الشاشة البلورية لتدلل بهم على فريتها، والحركة بريئة مما يقولون براءة الذئب من دم إبن يعقوب عليهما السلام. فدارفور وكل مناطق الهامش غنية برجالها الأشاوس الذين تدفعم غبينة الظلم وما لحق بأسرهم من تقتيل وهتك للأعراض وتهجير قسري لمنازلة عصابة النظام طوعاً ورغبة مما ينفي حاجة الحركة إلى القصّر من الأطفال؛ والمنظمات الإقليمية والدولية المعنية بمسألة تجنيد الأطفال مدعوة لزيارة الحركة في الأراضي المحررة – وقد فعلت من قبل - للوقوف على حقيقة خلو جيش الحركة من القصّر.
4- في إطار حملة التضليل الإعلامي الكثيف التي أرادت بها عصابة المؤتمر الوطني ذرّ الرماد في عيون الشعب البصيرة والتعمية على حقيقة هزيمتها النكراء في السبت الأغر، أعدت العصابة معرضاً لما أسمتها غنائمها من الحركة بعد أن أتت بكل ما تريد من مخازن سلاح النظام - والمعلوم أن عتاد الحركة كله من غنائمها من النظام - ولا أدري إن كان مثل هذا المعرض الذي يؤكد للمواطن أن الحركة قوية و قادرة على العودة إلى العاصمة تارة أخرى في صالح العصابة.
5- الحقيقة الهامّة التي لا يخفيها تدليس النظام أن الحركة انتصرت انتصاراً باهراً وساحقاً في المعارك التي خاضتها يوم السبت عدا عندما عبرت كبري النيل الأبيض إلى الخرطوم فووجهت بسور منيع من الدبابات حال دون تقدمها إلى الخرطوم؛ عدا ذلك فقد هزمنا قوات النظام شرّ هزيمة في القاعدة الجوية في وادي سيدنا وأحرقنا لها ست (6) طائرات وانتصرنا على المليشيا الأمنية و الاحتياطي المركزي في كرري وفتّاشة وخور شمبات (وما أدراك ما خورشمبات) وسلاح المهندسين والسلاح الطبي وكل المواقع التي حاولت قوات النظام أن تقاوم فيها قوات الحركة؛ وقد تكبّد النظام في هذه المعارك خسائر فادحة في الأرواح ( تتحدث مصادر النظام الداخلية عن ما يربو على الألف (1000) قتيل في صفوف قواتهم) والممتلكات حيث دمرت له أعداداً كبيرة من المركبات والآليات بما في ذلك تدمير (12) دبابة. وغنمت الحركة في معارك السبت أكثر من ثمانين (80) مركبة عليها الكثير من الأسلحة والذخائر، ولم تبدأ الحركة الانسحاب من نقطعة تجمّعها في أمدرمان وفي رفقتها عدد لا يستهان به من الأسرى إلا بعد التاسعة من صباح الأحد ومع ذلك لم يجرؤ النظام على ملاحقتها أو إعتراض طريقها ولم تطفو عنترياتها على السطح إلا بعد مغادرة قواتنا وأهل أمدرمان خير شهود على ذلك.
6- تؤكّد الحركة للمواطنين الكرام تمسكها بخيار الحل السلمي إلا إذا أبت العصابة الحاكمة وحينها لن يبق إلا خيار العودة واقتلاع النظام من جذوره بإذن الله، فقد آن الأوان بأن يرتاح الشعب والوطن من هذا النظام الذي لا يعرف سوى الدم والقهر والنهب، والرائد لا يكذب أهله و إن غداً لناظره قريب.
اللواء/ على الوافي ركن التوجيه الناطق باسم قوات الحركة الأراضي المحررة 17 مايو 2008 |
| |
|
|
|
|
|
|
Re: عاصم أبو بكر حامد و التهديد الرخيص - أتمني أن ألتقيك يوماً في النزال (Re: عاصم ابوبكر حامد)
|
الولد المبغبغ أب خدود نايرات تربية لذيذ إنت لو بتفهم أنا قلت ليك حُر عارف يعني شنو حُر
يبقي أنا ما بطبّلأ
لكن إنت مش طبلة إنت دلوكة يا بتاع الأراضي المحررة إنت
Quote: وتهديد لك خذه محل جد ....
واقولها لك مرة اخرى
خليك قاعد ما تهرب |
أخذناه مأخذ جِد يا ود لذيذ بس قول لي جايين بي وين عشان ألاقيك عنقالي ساااااااي
سلاح ما بجيك شايلو و نشوف آخرتة معك شنو
لكن إنت لو جيت بالطريقة الجو بيها الجماعة ديلك إلا يرسلوا عشانك طاقم طبي و عربة إسعاف و غرفة عناية مركّزة عشان خاطر عيونك
يكون الميج السرقوها دي عشان يجيبوك بيها
يا ود قوم لِف
و دة توثيق جيد ليك جيت ثبتوا بكل غباء ليشهد العالم من تكون و من تكونون و ماذا يدور في صدوركم
| |
|
|
|
|
|
|
Re: عاصم أبو بكر حامد و التهديد الرخيص - أتمني أن ألتقيك يوماً في النزال (Re: علاء الدين يوسف علي محمد)
|
ما قلت لي يا حنكوش الثورة إنت يا بتاع الأراضي المحررة
بعدين في طريقة لي خيارات في طريقة الموت ولا كلو عندكم وااااااااااااحد
و بيانك دة فتشت فيهو عن إسم واحد لقيتكم ما جايبين ليه خبر نهائي والله ما قريتو بس بعاين وسط الكلام و الجمل عايز إشارة واحدة عن أبو الخِل لكن لقيتو ببح
مسعول من الخير لكن هو ماااااااااااااااااااالو ما ظهر لحدي هسي و مافي سيرة عن قايد المسيرة
اللواء بتاعكم دة قايد ياتو فصيل ؟
النطّ البحر ولا الدقس أمبدات ولا الشتت الحاج يوسف ؟
| |
|
|
|
|
|
|
Re: عاصم أبو بكر حامد و التهديد الرخيص - أتمني أن ألتقيك يوماً في النزال (Re: علاء الدين يوسف علي محمد)
|
السيد علاء اراك للمرة الثانية على التوالى تتهمنئ باننى كوز .. اتحداك ان تثبت ذلك ...
لا تكن غبيا فلكل شخص اطرحاته وافكاره
لا انكر ان والدئ كان ينتمئ الى الحركة الاسلامية ولكن هذا لا يعنى اننى اسلامئ ...
وانتمائ للعدل والمساواة بقناعات تامة لاننئ اراه سوف تحل مشكلة السودان ...
فحاول ان تكون موضوعيا ولا تتهم الاخرين بالاسلاميين ...
فاذا كنت تريد نزالا حقيقا فارض المعركة هئ الفاصل ...
دعك من اسلوب اللعب بالاحرف هذا ...
| |
|
|
|
|
|
|
Re: عاصم أبو بكر حامد و التهديد الرخيص - أتمني أن ألتقيك يوماً في النزال (Re: عاصم ابوبكر حامد)
|
المبغبغ الببغاء المُنعّم ود لذيذ
هو بالله في غباء أكتر من البتعمل فيهو دة
قلت ليك يا فردة بس بعدين وريني جايين بي وين و تلفوني عندك و عشان ما تفشي أسرار عسكرية لقواتكم المشلّحة دق لي جرس بعد تخشوا (طخوم) الخرتوم وقول لي محل عايز تتداوس بس أوعي تقول لي أطلع لي قِدام لذيذ
بالمناسبة إنتة كنتة الأراضي المحررة دي شنو و إنت قاعد في أنجمينا تكونوا قلبتو دِبي
أصلو ديك كان فكّو فيها ديك عِدة يجيب عاليها واطيها
| |
|
|
|
|
|
|
Re: عاصم أبو بكر حامد و التهديد الرخيص - أتمني أن ألتقيك يوماً في النزال (Re: علاء الدين يوسف علي محمد)
|
Quote: ولايهمك عشان تكون مبسوط سوف لن أخلعك من رجلى ...... |
كلام غير مرتب وافكار جايطة
الظاهر حبوب الهلوسة التي ملأتم بها امعاء هولاء الصغار
اخذتم منها نصيبكم ايضا
زمان في ممثل مشهر بلع حبوب الهلوسة فقال للصحفيين
(تخيلت نفسي الحذاء الذي تلبسه مارلين مونرو)،،،،
في علاقة بين الهلوسة والهزيمة وقلة الادب والاحزية والحبوب المنشطة التى يطعم بها الصغار عشان يحاربو
بينما الكبار منتظرين في اسوار العاصمةعشان الحكومة تنقلب
والله والله والله انتو وجورج بوش والجمالي والتلميذ خليل وجيش تشاد
وناس عصومي ومصنع كامل ب بتاع حبوب ماتقلبو مدرسة ابتدائية
فيى امدرمان خلي تقلبوا الحكومة خليكم في احلامكم ياعصافير
والله نوعك ده مايقلب لحافو
| |
|
|
|
|
|
|
Re: عاصم أبو بكر حامد و التهديد الرخيص - أتمني أن ألتقيك يوماً في النزال (Re: علاء الدين يوسف علي محمد)
|
الاخ /علاء الدين تحياتى ارى انك تهدر وقتك عندما ترد على امثال عاصم الذى كان يوما من الايام ذيلا للسلطه ومن اجل ان يفهمها هو يعنى (ضنب) ومثل هذا العاصم عاشرته وعرفت خبثه وثعبانيته وانتهازيته والتى كبرت فى عقول قادتهم مماجعلهم يقدمون على الانتحار ومن ثم الفرار والاختباء فى الاغوار ..فعاصم لايعرف ان الحقوق يجلبها الثوار الحقيقيون وليس المرتزقه...ولو كانوا درسوا التاريخ جيدا لما تجرؤ واقتحموا ام درمان مقبرة الغذاة عفوا استاذ علاء اذا كنت قد حدت عن اطار موضوعك فاحيانا تستفز النفس البشريه امثال هذا المدعو عاصم
| |
|
|
|
|
|
|
Re: عاصم أبو بكر حامد و التهديد الرخيص - أتمني أن ألتقيك يوماً في النزال (Re: علاء الدين يوسف علي محمد)
|
علاء.. الكوز عاصم زنقكـ لكن.. وعتالي البوست يشيل وينزل..
Quote: السيد علاء اراك للمرة الثانية على التوالى تتهمنئ باننى كوز .. اتحداك ان تثبت ذلك ... |
هاكـ يا علاء.. حامد حجر.. لو كره جبرائيل برهام..!!
Quote: الإعتقال الذي تم عبر تلفون من ( عاصم أبوبكر حامد نور ) إبن نجل عمة بشارة سليمان وإتصاله بصلاح قوش !! |
وبعدين؛
Quote: ـ لقاءات ( جبريل إبراهيم محمد وأبوبكر حامد نور ) مع ( على كرتي والسماني الوسيلة ) في جنوب إفريقيا بغرض إقصاء ( عبدالواحد ) حتى يخلو لهم وجه دارفور وإغرائهم بوزيري دولة بالخارجية والإعلام ، مدى نجاحهم عقب تشكيلهم لما يعرف بـ ( تخالف القوى الثورية لغرب السودان ) الذي أقصوا فيه ( عبدالواحد ) ؟؟ ـ لقاءات ( بشارة سليمان )بـ ( مدير الأمن الإيجابي السوداني ) بواسطة ( إبن عم البشير ) الذي هو شريك بشارة سليمان في إستثماراته ، مدى علاقة ذلك بالقبض على ( محمد أحمد مصطفي أونور أدروب ) عضو المجلس التشريعي للحركة عقب إنسلاخه من الحركة ، الإعتقال الذي تم عبر تلفون من ( عاصم أبوبكر حامد نور ) إبن نجل عمة بشارة سليمان وإتصاله بصلاح قوش !!
|
كل شيء يتم على خير ما يرام بالنسبة لمن يستطيع الصبر..
| |
|
|
|
|
|
|
|