|
اين خليل ( مع التقدير لمصطفى سرى )
|
فى هذا الرابط http://www.asharqalawsat.com/details.asp?section=4&issu...le=470828&state=true
حديث منسوب للدكتور خليل بواسطة الزميل الاستاذ مصطفى سرى ،
سرى قال ان المقابلة اجريت بترتيب من السيد احمد حسين ادم - احمد الشوات - وان المكالمة الثلاثية استغرقت وقتا قصيرا
حسنا ، ومع وافر تقديرى للزميل سرى واحترامى الكبير لكن اليس غريبا ان تسنح فرصة لاجراء مكالمة مع خليل ثم يقدر مكتبه الاعلامى ان يحصرها على (رواية صحفية ) عبر تصريح (تكست ) فيما كان الاجدى ان وبذات الدوافع والاجراءات ان تتم المكالمة - ولو تسجيلا - مع قناة او ااذعة نصيحة لسرى يمررها لاحمد حسين ، على خليل الظهور فى اقرب فرصة صورة وصوت .. سمح
|
|
|
|
|
|
|
|
Re: اين خليل ( مع التقدير لمصطفى سرى ) (Re: SARA ISSA)
|
الكلام دا تقولو للناس الخجلانة وخايفة وجبانة انو تقدم نفسها انت والزيك ما عندكم تعريف ظاهر ومعلوم ، اشباح بس يا كافى البلا وبعد دا اللسان اطول من مسيرة خليل لامدرمان ، ما ملاحظ انو اولاد دارفور بالمنبر دا محل النضال والمناضلين اغلبهم مجهول ومتخفى وانا المع اولاد شندى معلوم الصورة والشكل والاسم وكل التفاصيل ومحل قعادى فى استاد المريخ معروف خليك من السكن ولا محل الشغل ويا حليل ربوع شندى فقد عشت بها سنوات ووجدت اهلها كراما من كرام
| |
|
|
|
|
|
|
Re: اين خليل ( مع التقدير لمصطفى سرى ) (Re: محمد حامد جمعه)
|
صدقني يا عم جمعة اسمك دا اليومين دي شبهة بس امشي محطة ود البشير وقول اسمي جمعة ولا سبت ولا خميس يرفعوك دقايق مافي والعيال البقتلو أهل دارفور في الشوارع ما بيقرو المنبر العام صاح انتا ليك مكانتك بس ساعة الجد ..الكم الطويل يفرق من نص الكم
| |
|
|
|
|
|
|
Re: اين خليل ( مع التقدير لمصطفى سرى ) (Re: SARA ISSA)
|
دى هلاويس مريضة فى دماغك (الذكورى ) يا اخ سارة ، طبعا كلامى معاك بيفرق من كلام الاخرين معاك لانى ناقش قصتك كلها بس متغابى فيك العرفة
المهم وانت اخ واصل كلم ناس العدل يطلعو مامورية خاصة لايصال خليل الى الاعلام صورة وصوت دى نصيحة لله اوع تجى تقول لينا وقال للشرق الاوسط
| |
|
|
|
|
|
|
Re: اين خليل ( مع التقدير لمصطفى سرى ) (Re: محمد حامد جمعه)
|
د.خليل محاصر في دار السلام لانو ما عرف يعوم ..ويقطع ترعة المليار دولار ..ميزانتكم بقت زي ميزانية البنتاغون في حرب العراق ..يا خي ما فيها شيء شركة بلاك وتر موجودة ..ولو مات منكم واحد عندو بوليصة على الحياة ..يعني مستقبل اولادك مضمون
| |
|
|
|
|
|
|
Re: اين خليل ( مع التقدير لمصطفى سرى ) (Re: SARA ISSA)
|
Quote: والله منظرك دا لو شافو أولاد شندي في اليومين دي ..تلقى نفسك في زنزانة واحدا مع المرتزقة |
المديدة حرقتني
بت عيسي انت كده افلست تماما وليست لديك حجة علي جمعة
وارجو منك الانسحاب من هذه المعركة غير المتكافئة
سمح
| |
|
|
|
|
|
|
Re: اين خليل ( مع التقدير لمصطفى سرى ) (Re: عبد اللطيف السيدح)
|
محمد حامد جمعة لك التحية والتجلة والتقدير
وظهورك عيان بيان لحما وشحما اكبر دليل علي ان المعركة ليست بين ناس البحر وناس الغرب
وليست بين حكومة البشير وشعب دارفور انما المعركة هي بين شعب السودان كله وبين العملاء والمرتزقين
والمتاجرين باسم مواطني دارفور
| |
|
|
|
|
|
|
Re: اين خليل ( مع التقدير لمصطفى سرى ) (Re: محمد حامد جمعه)
|
تتكاثر الاحاديث عن مكان خليل ووضعه ولكن الملاحظ ان الحركة تبدو مضطربة وتمارس قدرا من التهدئة - الى ان يحل الله الموقف - فيما تلزم الحكومة الصمت وتبدو وكانها ما شغالة بخليل الا من رواية مقتضبة بنطاردو بين كذا وكذا ، الاغرب من هذا تطابق روايات كثيرة بين الناس ان خليل قد اعتقل من قولة تيت كل جهود الحركة لاثبات ان خليل يتحدث تعانى من ثغرات وملاحظات قد تنسفها تم حكها ..بشدة
| |
|
|
|
|
|
|
Re: اين خليل ( مع التقدير لمصطفى سرى ) (Re: عبد المنعم سليمان)
|
Quote: بالمناسبة يا محمد لماذا لم تعلق على حملة الامن وايقافها لصحيفة اجراس الحرية ؟
|
انا موقفى واضح ومعروف اى زول بيكتب بقلمو وبيطرح فكر فى حدود السقوفات الاخلاقية والوطنية المجمع عليها ، يخلوه يكتب ، بعدين فى كتابات معارضة كتير مفيدة وفاهمة ولو درست بتروى فيها خير لكن تقول شنو ..
| |
|
|
|
|
|
|
Re: اين خليل ( مع التقدير لمصطفى سرى ) (Re: عاصم ابوبكر حامد)
|
Quote: Quote: غير شكلك ..اتصرف ..ساونا ..ديانا ..بعدين غير اسمك والله منظرك دا لو شافو أولاد شندي في اليومين دي ..تلقى نفسك في زنزانة واحدا مع المرتزقة |
لماذا هذا القلم ينضح عنصرية وتهكم أين السنوسي يكتب ليك بوست
التحية لمحمد حامد جمعة صاحب القلم المهذب العفيف ..
| |
|
|
|
|
|
|
Re: اين خليل ( مع التقدير لمصطفى سرى ) (Re: عاصم ابوبكر حامد)
|
Quote: خليل موجود الحمدلله ...
والان بين اهله وقوات .....
وتاكد بان الاحتفال القادم سوف يكون قريبا فى العاصمة |
ومالو ساكت وكلامو صغير ومقتضب (لظروف امنية ) اهلو عاوزين يحلقو ليهو صلعة ولا الحاصل شنو عاصم من الاراضى المحررة دى شوفو ليكم طريقة لزولكم دا جيبو لينا لايف اى كلام غير كدا ... طابور القلق دا ما بفكو منكم
| |
|
|
|
|
|
|
Re: اين خليل ( مع التقدير لمصطفى سرى ) (Re: محمد حامد جمعه)
|
بعد مرور اكثر من اسبوع لم تستطيع الحكومة القبض على المجرم خليل
وفى اعتقادي لو اعتقل من جهتها لن تنتظر الحكومة ثانية فى عرضة لاجهزة الاعلام هذة هى نشوة الانتصار
اما حركة العدل والمساواة لم تستطيع ان تبرهن حتى لجماهيرها نجاة د . خليل من عدمة
حتى ينجلي الموقف تصبح كل الاراء فى حكم الاجتهاد
| |
|
|
|
|
|
|
Re: اين خليل ( مع التقدير لمصطفى سرى ) (Re: الزنجي)
|
من بوابات الاجتهاد تلك فثمة موقفين الى ان يظهر طريق ثالث
الاول : ان على حركة العدل والمساواة اثبات ان زعيمها بخير وفى امان وهذه مسالة لم تعد صعبة فالوصول الى الرجل وتصويره وبث حديثه يعد بكل المقاييس انجاز وسبق صحفى لن تتردد قناة فى الحصول عليه مهما كلفها من اموال ومشقة وترتيبات مما يترك الامر برمته فى ملعب قيادات الحركة ولا اظن ان امر كهذا وحجم اهميته يفوت عليها وعدم حدوث هذا يعنى بكل بساطة ان الحركة لا تستطيع الوصول الى قائدها لانها ان كانت كذلك لما تمنعت لحظة لجهة حوجتها لجرعة معنوية وانتصار ولو رمزى يتمثل فى قائد العملية بخير وانه خرج مثل الشعرة من العجين الثانى : ان القوات الحكومية اسرت الرجل ولتقديرات ترتبط باشياء كثيرة تقول انها لم تقبض عليه وتعاظم النفى المغلظ بالجائزة والنداء عبر التلفزوين حتى تثبت للجميع انها تبحث عنه وهى فى هذه الحالة تكون فى حل من اى ضغوطات حقوقية واقليمية ان قالت انه اسير عندها كما ان الامر يمتد الى ترك الباب مواربا فى حال فقدان خليل الى الابد بمعنى انه يكون قد قتل اثناء المعارك وبالتالى فان الحكومة يمكن ان تقول وببساطة ونحنا مالنا نحنا اصلا ما شفناه جانا وشرد ويمكن ان تستعين فى هذا الموقف بافادات وما تسرب من احمد حسين ورواية مصطفى سرى واى احاديث اخرى مسجلة فى مواقيت عقب اندحار العملية !
| |
|
|
|
|
|
|
Re: اين خليل ( مع التقدير لمصطفى سرى ) (Re: محمد حامد جمعه)
|
Quote: وقول لوراق الجاتك فى عمودك سامحتك |
ود جمعة.. المتسبل بتبكيهو الريشة..
لا أظن يظل الباب على حاله متاكي وعينكـ على كلام وزير الدفاع لقناة العربية وهو بيؤكد إشتراكـ بعض الأقمار الصناعية في المعركة..
معرض مخلفات الغزوة بحوش الخليفة عبدالله التعايشي أسفين آخر.. من ناحية المغزي والدلالات..
حتى لا يشاع بأنو لفلان حضور متميز: أي وجود متميز..
من شعرة باب بيت قريض القطامي..
فمن تكن الحضارة أعجبته ** فأي رجال بادية ترانا
حاسبوا قبل أن تحاسبوا..
والحكمة ضالة سيدا..
| |
|
|
|
|
|
|
Re: اين خليل ( مع التقدير لمصطفى سرى ) (Re: Sabah Hussein)
|
Quote: فلنفترض انكم قبضتوه او كتلتوه.
هل القضيه انحلت. مشكله السودان خليل.
|
دا سؤال ليك يا صباح .. اكيد .. لا
Quote: بعدين ياسيدى انت مش بتاع امن كنتو وين لحدى ما خليل دخل وروع المواطنين ونهب البنوك |
ببساطة انا ما بتاع امن وما تبقى سميعة
Quote: معسكر اليومين ديل بهنا.البوست بى كم؟ |
هى البكم كان بقت على الكتابة العلة باردة ، المشكلة فى الاساءت البقت بالقروش للناس والاعراض والبلد دا غير الكتل والضرب والجرى
| |
|
|
|
|
|
|
Re: اين خليل ( مع التقدير لمصطفى سرى ) (Re: محمد حامد جمعه)
|
Quote: الثانى : ان القوات الحكومية اسرت الرجل ولتقديرات ترتبط باشياء كثيرة تقول انها لم تقبض عليه وتعاظم النفى المغلظ بالجائزة والنداء عبر التلفزوين حتى تثبت للجميع انها تبحث عنه |
محمد جمعه اذا سلمنا بهذه الفرضية .. فتكون الحكومه هاوية الكذب هذه تريد ان تجعل خليل شماعة لمطاردة المعارضين والاستمرار في قصف القرى في دارفور وكل مكان بحجة مطاردة خليل ابراهيم...
او يكون هذا السبب اذا صدقت هذه الفرضية :-
عبدالرحيم (ابو رياله) اعلن الجائزة لينوم بالجائزة بطريقة حلال , ولكن قوش كشف نومته فحدث الاختلاف بينهم , وربما هم ينتظرون زيادة المبلغ ليتم القسمة بصورة حلوة .. او تكون خباسة من قوش منتظر ابوريالة يقدم استقالة ويكون هو وراء كتابات الانتقاد الموجه لابوريالة ومطالبته بالاستقالة ,,, والله يستر ما يدخل طرف تالت ..
| |
|
|
|
|
|
|
Re: اين خليل ( مع التقدير لمصطفى سرى ) (Re: عمار عبدالله عبدالرحمن)
|
هنا كانت البدايه
Quote: والقوة الثانية التي يقودها خليل تجد اللواء »أبوتيه« في انتظارها وعربة خليل كانت واحدة من اثنتي عشرة عربة تحترق في اللطمة الأولى وخليل يقفز.. وحرسه ينتزعون عربة من المواطن »آدم بوش« دبل كابينة يلقون به على الرصيف وينطلقون بها.
والهروب يبدأ..
|
اما النهايه فعلمها عند الله
| |
|
|
|
|
|
|
Re: اين خليل ( مع التقدير لمصطفى سرى ) (Re: محمد حامد جمعه)
|
الأخ محمد حامد..احترامي.. فرضيات كما قلت قد تكون صحيحة أو عكسه .. وستظل حقائق في أعين الناس حتى يظهر خليل ابراهيم وينفي هذه الأقاويل.. فرضية اغتقاله ومن ثم اعدامه .. قد تكون أيضا حقيقة .. فكما تم اعتقال بولاد من قبل وقيل أنه هرب من السجن.. ثم طورد وقتل أثناء المعركة.. قد تتكرر مع خليل .. وأسألوا من كان مقرب من الطيب ابراهيم آنذاك.. أين بولاد..؟
| |
|
|
|
|
|
|
Re: اين خليل ( مع التقدير لمصطفى سرى ) (Re: صلاح الفكي)
|
Quote: بكل بساطة ان الحركة لا تستطيع الوصول الى قائدها لانها ان كانت كذلك لما تمنعت لحظة لجهة حوجتها لجرعة معنوية وانتصار ولو رمزى يتمثل فى قائد العملية بخير وانه خرج مثل الشعرة من العجين |
غايتو دى يا جنابووانت بارع فى العب دا
اقطع دراعى انت على علم اين يوجد الرجل
انت و كان ضبيتو ما تقولو ضبينا ضابينو ليكم اسبوع وما عاوزين تتكلمو
| |
|
|
|
|
|
|
Re: اين خليل ( مع التقدير لمصطفى سرى ) (Re: Adam Omer)
|
Quote: الثانى : ان القوات الحكومية اسرت الرجل ولتقديرات ترتبط باشياء كثيرة تقول انها لم تقبض عليه وتعاظم النفى المغلظ بالجائزة والنداء عبر التلفزوين حتى تثبت للجميع انها تبحث عنه وهى فى هذه الحالة تكون فى حل من اى ضغوطات حقوقية واقليمية ان قالت انه اسير عندها كما ان الامر يمتد الى ترك الباب مواربا فى حال فقدان خليل الى الابد بمعنى انه يكون قد قتل اثناء المعارك وبالتالى فان الحكومة يمكن ان تقول وببساطة ونحنا مالنا نحنا اصلا ما شفناه جانا وشرد ويمكن ان تستعين فى هذا الموقف بافادات وما تسرب من احمد حسين ورواية مصطفى سرى واى احاديث اخرى مسجلة فى مواقيت عقب اندحار العملية ! |
كدة انت جيت من الاخر وهذا الاحتمال الوارد بنسبة 99%
لكن يكونو ارتكبو غلطة عمورم اذا تصرفو بهذة الحماقة
| |
|
|
|
|
|
|
Re: اين خليل ( مع التقدير لمصطفى سرى ) (Re: shammashi)
|
Quote: يرفعوهو كيف يا سارة وهو البيرفع ذاتو. بي عيني ديل شفتو شايل كلاش جنب كلية التربية يوم الكماشة. |
والله يا شمس انا لو في مكانك كان مشيت سلمت عليهو .. أعمل السنة وخلي الباقي علي الله .. يعني كنت خايف يرشك بالبتاع الشايلو ده كان قلت ليهو انا شماشي فردتك الفي البورد ؟؟ غايتو ان كان لقيت أخونا خدر الطيب واختنا تراجي شايلين اربجيهات وواقفين بضحكوا في سوق العناقريب .. والله عادي جدا بسلم عليهم واحتمال كمان اشتري (صاعوط) من سورج واسف .. عادي جدا .. غايتو يا شماشي فوت ليك فرصة .. كان ممكن تتصور عادي بالكلاشنكوف دا والميري ..
| |
|
|
|
|
|
|
Re: اين خليل ( مع التقدير لمصطفى سرى ) (Re: صلاح الفكي)
|
Quote: فرضيات كما قلت قد تكون صحيحة أو عكسه .. وستظل حقائق في أعين الناس حتى يظهر خليل ابراهيم وينفي هذه الأقاويل..
|
استاذنا صلاح الفكى
والقول ما قلت ولكن المشكلة ان اولئك الاخوة ، لا يدركون اهمية ظهور خليل شخصيا وان كان امنا كما يدعى اغلبهم فلماذا يضطر لتمليك اسمه لاخرين للحديث باعتبارهم خليل
| |
|
|
|
|
|
|
Re: اين خليل ( مع التقدير لمصطفى سرى ) (Re: محمد حامد جمعه)
|
السلام عليكم
Quote: و الزول دا كان بقى ( معكوش ) و لً (ميت ) ناس أحمد حسين و سري ديل يودوا وشهم وين ؟؟ |
Quote: و أتمنى أن لا يكون تصريحهما مثل تصريح القائد / ياسر عرمان .. يوم مصرع القائد د. جون قرنق .. |
عادي مش شجرة الدر عملتها زمان ؟
.............................. وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
Re: اين خليل ( مع التقدير لمصطفى سرى ) (Re: محمد حامد جمعه)
|
أين خليل المجرم الباغي مجنّد الأطفال عندما رفض عدوانه وبغيه عن الصلح والسلام وجرمه وتهوره وغبائه الرجال من أهل دارفور وأهل السودان
من يظن أنّ غزو أم درمان بأطفال سيكون كإحتلال سفارة في دولة صديقة تدعمه
فهو حقاً أحمق وفاشل وساذج
كمال
| |
|
|
|
|
|
|
Re: اين خليل ( مع التقدير لمصطفى سرى ) (Re: Wasil Ali)
|
استاذنا جمعه شايف اخبارك طازجة ومصادرك (لايف) ... طيب قول لي بصراحة لماذا تأخرت الأخبار ثلث الساعة تقريبا في التلفزيون ؟؟؟ هل صحيح هناك من أجبر (الاستاف) العامل في تلك الاثناء علي أداء القسم؟؟؟ وما هو الشيء الذي رأوه أو عرض أمامهم وطلب منهم عدم الكشف عنه باداءهم للقسم؟؟؟؟ والله يا استاذ مجرد أسئلة بريئة وسمعتها من (زول ساكت) يمكن ناجره زاتو لكن قلته نتاكد يمكن عندك خبر.. احترامي
| |
|
|
|
|
|
|
Re: اين خليل ( مع التقدير لمصطفى سرى ) (Re: Marouf Sanad)
|
ود جمعه كيفنك يا اخوي قيلتوا تيبين!
وزي ما بقولوا اهلنا يا ود جمعه الواحد ما يزور الناس يده فاضيه قلت اجي شايله لك اللينك ده وبالله ركز على مداخلتي فيه اصلا مت بالضحك وانا اشاهد الفيديو واتذكر محنكم.
غايتو لحد حسه ناس العدل ما كذبوا دخول ودخلوا وزغاريد اتزغردت لهم حصلت وتكبير اتكبر لهم حصل....والرجال مالهم خشوا!! استقبال المواطنين لقوات حركة العدل و المساواة ( فيديو جديد لنج ) غياو يا ود جمعه اخوي المرأة القالت الرجال خشوا دي لهجبتها بقاريه يعني قريبتك لكنها ما جراقسه بالله زغدرت ودمعت كمان زي ما قالوا.
عرفتهم لانها يا اخوي عرفتهم رجالنا وليدات ارافور. قال تشادين قال!! ما بتخجلوا انتو يا ود جمعه يا اخوي.
| |
|
|
|
|
|
|
Re: اين خليل ( مع التقدير لمصطفى سرى ) (Re: Tragie Mustafa)
|
يعني الشغلانه قلبت
لمن قلتو قبضتوهو قلنا طيب
جيبهو في تلفزينكم دا
عشان تكونو صادقين لي مره واحده بس في حياتكم
ولمن طلعتو كضابين
ما لقيتو حل الا تقولو لينا
لا كان حي اتو جيبوهو
حالكم يحنن
التحيه لي الجسور مصطفي سري
وهو بيقتلكم بي طناشو
| |
|
|
|
|
|
|
Re: اين خليل ( مع التقدير لمصطفى سرى ) (Re: عاطف عبدون)
|
بالامس اوردت صحيفة الراى العام السودانية معلومات فى تقديرى بالغة الاهمية قالت عبرها ان قناة العربية بثت التسجيل الصوتى الاخير لخليل ابراهيم لمرة واحدة فقط وبعد مراجعات تقنية او شيئا من هذا القبيل ثبت لها او راودها شك بان المتحدث لم يكن خليل
| |
|
|
|
|
|
|
Re: اين خليل ( مع التقدير لمصطفى سرى ) (Re: عبدالله كع)
|
هذا هو التقرير الذي نشرته الرأي العام..
لكن في تقديري ان التقرير منحاز بصورة واضحة للجانب الحكومي ..
هل تعرض قائد العدل والمساواة لـ(انتحال شخصية)؟ تقرير: محمد عبد العزيز
Quote: أنا الآن وسط قواتي.. أشرب الشاي.. وعرفت أنهم في الخرطوم يتعقبونني.. واتحدى هذه المجموعة أن تأتي لمواجهتنا، لقد نفذنا عملية الذراع الطويل في العاصمة الخرطوم بنجاح وخضت المعارك بنفسي.. وعدت ولم يستطع احد منهم اللحاق بي) هكذا كان يتحدث د.خليل ابراهيم زعيم حركة العدل والمساواة بلهجة بدت واثقة عبر الهاتف الخميس قبل الماضي لمنفذ اعلامي خارجي.
خليل بدأ يخوض حرب نفسية اعلامية عبر هاتفه، وتصريحاته التى لم تعترف بالهزيمة حتى الان. ورغم ان حديثه شابه الكثير من المبالغة التى تجافى حقيقة الواقع. الا انه بدأ هادئا فى جميع مكالماته بشكل غير اعتيادي. فخليل الذي رصدت الحكومة مبلغ (500) الف جنيه لمن يقدم معلومات تقود للقبض عليه، يتحدث وكأنه لا يتوقع في تلك اللحظات أية مفاجأة تقطع عليه المكالمة. الامر الذى دفع مراقبين للاعتقاد بان خليل ليس فى ام درمان كما يدعى، بل هو فى مكان امن، غير ان قلة من المراقبين يشككون فى الشخص الذى يتحدث فى القنوات الخارجية بوصفه خليلاً، ويعتبرون ان مصير خليل الحقيقي مجهول. و يلمح البعض الى ان خليل اصبح خارج السودان الان، وفى طريقه لقطع الشك باليقين بالظهور علانية امام الفضائيات.
وتعيد معارك خليل الهاتفية، وتهديداته للحكومة بمعاودة القتال، الى الاذهان معارك القاعدة والولايات المتحدة. وتسجيلات بن لادن والظواهري في السنوات القليلة الماضية. غير انه من المهم جدا الالتفات الى ان الاجهزة الامنية وبطريقة ما كانت ترصد احاديث خليل عبر هاتفه (الثريا) الموصول بالاقمار الصناعية، والذي لا يعرف معني عبارة (خارج التغطية).
فوزير الدفاع عبد الرحيم محمد حسين كشف عن رصدهم لمكالمة هاتفية له الخميس الماضي مع شخصية يعتقد انها فرنسية. ورغم تأكيد وزير الدفاع عن حاجة الجيش الى قمر اصطناعي للأغراض العسكرية. الا ان من الواضح ان حديث خليل عبر هاتفه كان يصل لاذن الاجهزة الامنية. فقد كشف وزير الدفاع في وقت ماضى عن اتصال خليل بتشاد لارسال مروحية لتحلق به خارج الحدود.
ويؤكد خبراء امنيون ان تطورات هائلة قد طرأت على تقنيات التنصت على الاتصالات خاصة في العقدين الأخيرين، لتصبح بموجبها صناعة مستقلة تستعملها اجهزة الاستخبارات وبعض المؤسسات الخاصة في معظم دول العالم للتنصت على الاتصالات التي تحوي معلومات حساسة. وينبه خبير استراتيجي فى حديثه لـ(الرأي العام) الي انه كلما تطورت التقنية، تطور ترياقها التقني. غير أنه يؤكد ان بيع مثل هذه المعدات التقنية الحديثة يخضع لأجندة سياسية قبل اي شئ اخر.
ويري الخبير الأمني نفسه ان هذه التقنيات الحديثة للتنصت، وتحديد الموقع عبر الثريا، قد لا تكون متوفرة بالسودان، وهذا لا ينفي بطبيعة الحال ان تقوم بهذه العملية اجهزة امنية متطورة لديها تعاون امني وثيق بالسودان.
غير ان حوار خليل الاخير الذى نشر الخميس الماضي مع (الشرق الاوسط) كشف عن حيطة وحذر الرجل من استخدام الهاتف لدواعي امنية لمدة (ثلاثة ايام) من تاريخ دخوله بقواته للخرطوم. علاوة على شكه فى مراقبة اتصاله، لذلك فان خليل هو الذى اتصل بالمحرر، واستخدم اربعة هواتف، بفارق دقيقتين بين كل محادثة، خلال فترة لم تستغرق اكثر من(75) دقيقة.
وتبدو هنا ملاحظة جديرة بالتدقيق في الحوار. فإن كان خليل لم يستخدم الهاتف فى الثلاثة ايام الاولي من غزوه للخرطوم، بدافع الحيطة والحذر الامنى مما صعب على الكثير من وسائل الاعلام لقائه لكشف ملابسات الهجوم حسبما نسب لخليل فى الشرق الاوسط اللندنية-، فهناك علامة استفهام كبيرة عن الشخص الذى تحدث للـ(BBC)، والجزيرة، ورويترز. التى نقلت احاديث للرجل فى الايام الاولى للغزو، وهو يؤكد تواصل الهجمات على الخرطوم حتى تسقط الحكومة ، اضافة لاعلانه المستمر على إنه يتحدث من أم درمان.
ويذهب محمد محمد خير الملحق الاعلامي بسفارة السودان بالامارات فى حديثه لـ(الرأي العام) الى التشكيك فى هوية الشخص الذى يتحدث باسم خليل، مستندا فى ذلك على معرفته الوثيقة بخليل، فقد قضي معه قرابة الـ(9) اشهر فى ابوجا النيجيرية، وتحادث معه كثيرا، بشكل جعله يحفظ بصمته الصوتية، خاصة وهو شخص اذاعي يعرف الاصوات جيدا. محمد خير لم يكتف بهذا التشكيك فقط، بل اتصل بقناة العربية التى بثت لقاء هاتفياً مع خليل الاربعاء الماضى، حوي تقريبا معظم ما جاء فى لقاء صحيفة الشرق الاوسط. وعبر لهم عن شكوكه فى التسجيل، الذى كان من المفترض ان تبثه القناة على مدار اليوم عبر (12) نشرة اخبارية. فقامت القناة -والحديث لمحمد خير- بواسطة خبير للصوتيات بالقناة، باجراء اختبار بسيط بمقارنة ذبذبات صوت خليل عبر تسجيل سابق له، والتسجيل الاخير، فوجدت الفارق واضحا، فاوقفت قناة العربية البث.
ويقول محمد خير انه اكتشف ان قناة العربية اتصل بها جبريل ابراهيم شقيق د.خليل ، وقدم لها رقم هاتف ثريا، وادعى انه لخليل. غير ان محمد خير وعبر جهات لم يسمها توصل الى ان الشخص الذى تحدث باسم خليل للقناة العربية، وبقية القنوات الاعلامية هو (على الوافى) مسئول التوجيه المعنوي بالعدل والمساواة، وللوافي معرفة سياسية وعسكرية تمكنه من الحديث.
وبالنظر لفرضية محمد خير تتبدي ان تصريحات واحاديث خليل للوكالات والقنوات الفضائية، تقوم بها شخصية تتقمص دور خليل وتدلي باحاديث مفبركة.
فى الجانب الاخر يعترض مصطفى سري الصحافى المقيم بلندن، والذى اجرى حوار الشرق الاوسط مع خليل على فرضية محمد خير، ويؤكد على ان من تحدث معه كان خليل، ويستدل بمعرفته السابقة بالرجل الذى التقي به فى اسمرا، ويقول سري نبرة الصوت، وطريقة الطرح تؤكد انه خليل) ويضيف ايضا ان خليل فى اتصاله معه لم يظهر رقم للمتصل، ولم يظهر صدي للصوت.
واذا كان بن لادن هو اغلي رجل تطلبه واشنطون، فخليل هو اغلى رجل تطلبه الخرطوم فى التاريخ. وبين الرجلين تبقي اسئلة ليست للاجابة فى الوقت الحاضر على الاقل. |
| |
|
|
|
|
|
|
Re: اين خليل ( مع التقدير لمصطفى سرى ) (Re: محمد حامد جمعه)
|
Quote: ويذهب محمد محمد خير الملحق الاعلامي بسفارة السودان بالامارات فى حديثه لـ(الرأي العام) الى التشكيك فى هوية الشخص الذى يتحدث باسم خليل، مستندا فى ذلك على معرفته الوثيقة بخليل، فقد قضي معه قرابة الـ(9) اشهر فى ابوجا النيجيرية، وتحادث معه كثيرا، بشكل جعله يحفظ بصمته الصوتية، خاصة وهو شخص اذاعي يعرف الاصوات جيدا. محمد خير لم يكتف بهذا التشكيك فقط، بل اتصل بقناة العربية التى بثت لقاء هاتفياً مع خليل الاربعاء الماضى، حوي تقريبا معظم ما جاء فى لقاء صحيفة الشرق الاوسط. وعبر لهم عن شكوكه فى التسجيل، الذى كان من المفترض ان تبثه القناة على مدار اليوم عبر (12) نشرة اخبارية. فقامت القناة -والحديث لمحمد خير- بواسطة خبير للصوتيات بالقناة، باجراء اختبار بسيط بمقارنة ذبذبات صوت خليل عبر تسجيل سابق له، والتسجيل الاخير، فوجدت الفارق واضحا، فاوقفت قناة العربية البث.
ويقول محمد خير انه اكتشف ان قناة العربية اتصل بها جبريل ابراهيم شقيق د.خليل ، وقدم لها رقم هاتف ثريا، وادعى انه لخليل. غير ان محمد خير وعبر جهات لم يسمها توصل الى ان الشخص الذى تحدث باسم خليل للقناة العربية، وبقية القنوات الاعلامية هو (على الوافى) مسئول التوجيه المعنوي بالعدل والمساواة، وللوافي معرفة سياسية وعسكرية تمكنه من الحديث |
| |
|
|
|
|
|
|
Re: اين خليل ( مع التقدير لمصطفى سرى ) (Re: doma)
|
تحياتى ...
لناخذ رواية وصوله انجمينا على محمل الصحة والدقة وان الرجل هناك لكن اليس غريبا ان يتاخر كل هذا الوقت ستة او خمسة ايام ولا يبادر بمقابلة اعلامية مصورة ، ظرف الحركة ، حالة الاقاويل المنتشرة حولها تجعل اى شخص فى مكانه يبادر بعمل كهذا لاسيما ان قيود الاجراءات المتعلقة بسلامته تكون مرفوعة فهو فى دار كفيله
| |
|
|
|
|
|
|
Re: اين خليل ( مع التقدير لمصطفى سرى ) (Re: محمد حامد جمعه)
|
(على الوافى) مسئول التوجيه المعنوي بالعدل والمساواة، وللوافي معرفة سياسية وعسكرية تمكنه من الحديث
وش ضاحك جداً يعني يامصطفي سري فرحان لمن الضحك عايز يشرطكبحديث خليل وفي النهاية كل المقابلة طلعت فشوش وناس الشرق الأوسط بعد كدا إلا يشوفوا ليهم محرر سياسي خبير ومحنك في الصوتيات بالإضافة إلى عمله الأصلي يعني خلي طلع وافي عالم وهم تلفح وتصدق زي السلام عليكم
| |
|
|
|
|
|
|
Re: اين خليل ( مع التقدير لمصطفى سرى ) (Re: ود محجوب)
|
Quote:
بنقول فرضيات يا جماعة وفرضيات تكون جادة ومنطقية |
فرضيات معاك فيها..
جادة ومنطقية خليها لي ناس غيرنا.. ( قوماً إذا جد جدهم افتقدوا البدر وكدا...)
وهاك الفرضية دي...
إنه القائد الكبير لما دخل جزيرة العجائب
ونظر ناحية البقرة..
قرر إنه يبقى شجرة...
وبدأ يغني معها...
"""يعني حنفضل كدا على طول؟؟؟
قامت شجرة جنب البقرة...
ولكن البقرة عبرت عن رغبتها في أن تتحول جزيرة العجائب إلى ساحة من ساحات الفداء... ولما عرف الساحر هذه الرغبة قام بتحويل العصافير إلى لاندكروزرات .. فكلما طار عصفور من الشجرة هبط لاندوكروزرا مدججاً بالدوشكا ( رطن والكلاش يتغنى).. فأصبحت الشجرة بدون عصافير تندب حظها في جزيرة العجائب..
| |
|
|
|
|
|
|
Re: اين خليل ( مع التقدير لمصطفى سرى ) (Re: A.Razek Althalib)
|
ود جمعه جيت اصبح لقيت الحبان مسهرنك سامحنا يا اخي: خليل إبراهيم في أنجمينا اولا لعلمك كونه يعمل لقاء ولا ما يعمل ده بمزاجه بعدين مش يمكن اشطر منكم ومصر ما يدي فرصة يثبت ان تشاد اوته؟؟؟؟ يعني يحتمل اكاذيبكم ولا يقبل بتوريط تشاد رسميا.
ويا دوما الحرب كر وفر د.جون قرنق الدخل الخرطوم لاحقا نائب رئيس هل عندك فكرة كم خسر من رجال شجان ورفاق دربا له ليحقق ما حقق لشعب الجنوب؟؟؟
فخلينا من حكاية فر وورط عشر في الاسر وقتل جمالي بسس دخوله هؤلاء رجال عاقلين راشدين ذهبوا لايمانه بقضيتهم ولعلمك الاثنين يفدون خليل ابراهيم بعيونهم فاطلعي من الاسطوانة المشروخة دي.
| |
|
|
|
|
|
|
Re: اين خليل ( مع التقدير لمصطفى سرى ) (Re: Tragie Mustafa)
|
Quote: اولا لعلمك كونه يعمل لقاء ولا ما يعمل ده بمزاجه
|
لا ما بمزاجه ، لانو مزاجو دا ودى ناس كتار وقطعهم الكوبرى مش للقصر الجمهورى لكن للسجن والاعتقال فى كوبر ( قطع الكوبرى فى العامية الجديدة تعنى الانتقال الى سجن ام درمان )
Quote: بعدين مش يمكن اشطر منكم ومصر ما يدي فرصة يثبت ان تشاد اوته؟؟؟؟ |
وماشى تشاد ليه هسة ما قلتو فى انجمينا يعنى مختارنو فى المنتخب الوطنى باك شمال فى تشكيلة مازدا لمبارة تشاد
| |
|
|
|
|
|
|
Re: اين خليل ( مع التقدير لمصطفى سرى ) (Re: محمد حامد جمعه)
|
ندخل على اليوم العشرين من العملية والرجل مختفى ، الغريب ليس اختفاء خليل وحده بل يمكن ملاحظة غياب اى حديث عن المهندس ابوبكر حامد احد الكبار فى حركة العدل والمساواة واما الملاحظة الاهم فهى حالة الغياب والتوهان التى تسيطر على الحركة اعلاميا فاحمد الشوات لزم الجابرة والموقع الالكترونى للحركة بره الشبكة وبيكتب شعر
| |
|
|
|
|
|
|
Re: اين خليل ( مع التقدير لمصطفى سرى ) (Re: عمر التاج)
|
Quote: ندخل على اليوم العشرين من العملية والرجل مختفى ، الغريب ليس اختفاء خليل وحده بل يمكن ملاحظة غياب اى حديث عن المهندس ابوبكر حامد احد الكبار فى حركة العدل والمساواة واما الملاحظة الاهم فهى حالة الغياب والتوهان التى تسيطر على الحركة اعلاميا فاحمد الشوات لزم الجابرة والموقع الالكترونى للحركة بره الشبكة وبيكتب شعر |
الفاتحه على روح حركة العدل والمساواه امانه ماكانت طيبه وهديه ورضيه جات للموت بى رجليها شدة ماهى مسكينه وغبيانه
يا اخوانا الفراش وين ؟
| |
|
|
|
|
|
|
Re: اين خليل ( مع التقدير لمصطفى سرى ) (Re: محمد حامد جمعه)
|
Quote: ندخل على اليوم العشرين من العملية والرجل مختفى ، الغريب ليس اختفاء خليل وحده بل يمكن ملاحظة غياب اى حديث عن المهندس ابوبكر حامد احد الكبار فى حركة العدل والمساواة واما الملاحظة الاهم فهى حالة الغياب والتوهان التى تسيطر على الحركة اعلاميا فاحمد الشوات لزم الجابرة والموقع الالكترونى للحركة بره الشبكة وبيكتب شعر |
الكل منتظر .. والكل.. والكل يبحث و... خليل مختفى سرى
| |
|
|
|
|
|
|
Re: اين خليل ( مع التقدير لمصطفى سرى ) (Re: WadAker)
|
Quote: ان القوات الحكومية اسرت الرجل ولتقديرات ترتبط باشياء كثيرة تقول انها لم تقبض عليه وتعاظم النفى المغلظ بالجائزة والنداء عبر التلفزوين حتى تثبت للجميع انها تبحث عنه |
يا محمد سيب الغتاتة وهات من الآخر يعني ما عارف الحاصل شنو؟ خليل يا راااااجل!!!!!!!! خليل اللي اللي كان لما ينقبض ما يظهرشي إهيييييييييي؟ خليل اللي.. اللي كان لما يعتقل ما يتكلمشي إهيييي؟ خليل يا رااااجل!!!!!!!
| |
|
|
|
|
|
|
Re: اين خليل ( مع التقدير لمصطفى سرى ) (Re: محمد حامد جمعه)
|
الاحتمالات حتى الان كالاتي 1- لقي خليل حتفه اثناء مطاردته ولكن الحكومة لا تريد ان تعلن هذا حتى تترك امر قيادة الحركة معلق وتصبح بلا قائد اطول فترة ممكنة 2- ان يكون خليل مصاب اصابة بالغة ويتلق العلاج في مكان ما 3- ان يكون مختفي في مكان ما ولم يستطع التحرك خوفا من ان يقع في الاسر 4- ان يكون وصل تشاد سالما وهذا الاحتمال يؤول الى الصفر لان شخصية خليل لا تقوى على الصمت طيلة هذه الفترة ربنا يجيب العواقب سليمة
| |
|
|
|
|
|
|
Re: اين خليل ( مع التقدير لمصطفى سرى ) (Re: محمد حامد جمعه)
|
الاحتمالات حتى الان كالاتي 1- لقي خليل حتفه اثناء مطاردته ولكن الحكومة لا تريد ان تعلن هذا حتى تترك امر قيادة الحركة معلق وتصبح بلا قائد اطول فترة ممكنة 2- ان يكون خليل مصاب اصابة بالغة ويتلق العلاج في مكان ما 3- ان يكون مختفي في مكان ما ولم يستطع التحرك خوفا من ان يقع في الاسر 4- ان يكون وصل تشاد سالما وهذا الاحتمال يؤول الى الصفر لان شخصية خليل لا تقوى على الصمت طيلة هذه الفترة ربنا يجيب العواقب سليمة
ذكرى مرور 21 يوما على اختفاء خليل وحركته مطلوب من يثبت لنا نجاة خليل
| |
|
|
|
|
|
|
Re: اين خليل ( مع التقدير لمصطفى سرى ) (Re: عز الدين بيلو)
|
محمد
سلامات
بحسب كلام الرئيس البشير أثناء لقائه امس الجمعة بالجالية السودانية بطوكيو وكنت ضمن الحضور .. أشار الى ان خليل هرب الى تشاد مع مجموعة
من المقاتلين
وكان هذا الكلام فى سياق توضيحه للجالية للغزوة وتبعاتها التى ستقود الحكومة- بحسب تعبيره -الى عدم الاعتراف بالحركة التي تم تأسيسها ودعمها فى
تشاد
| |
|
|
|
|
|
|
Re: اين خليل ( مع التقدير لمصطفى سرى ) (Re: محمد حامد جمعه)
|
Quote: ندخل على اليوم العشرين من العملية والرجل مختفى ، الغريب ليس اختفاء خليل وحده بل يمكن ملاحظة غياب اى حديث عن المهندس ابوبكر حامد احد الكبار فى حركة العدل والمساواة واما الملاحظة الاهم فهى حالة الغياب والتوهان التى تسيطر على الحركة اعلاميا فاحمد الشوات لزم الجابرة والموقع الالكترونى للحركة بره الشبكة وبيكتب شعر |
ولد ابا محمد حامد..حبابك
ناس العدل و المساواة.. دخلوا في حيص بيص..السكات العميق ده. قطع شك بتمنو..و كنت اتوقع ان يخرج تقد او احمد حسين ..بعد ما مرقوا من مصر ام الدنيا..لكن برضو لسع النور و الموية قاطعات هناك..
و متل ما المؤتمر الوطني بيعرف كيف يتكتم على الحاجة.. فأتوقع ايضا أن حركة العدل و المساواة متكتمة على حاجات (الولد من ابوه يا ولد ابا)..
للمتابعين و المتابعات هنا.. هذا اخر سؤال و اجابته.ز في حوار امينة الفضل مع مندور المهدي رئيس القطاع السياسي في المؤتمر الوطني..و نشر اليوم في صحيفة السوداني..يعني اليوم الكم و عشرين بحسبة اخونا محمد حامد جمعة..
Quote: * بالرغم من هروب خليل وتصريحاته عبر القنوات إلا ان هناك من شكك في صوته وأن خليل الآن بقبضة السلطات التي تريد القضاء عليه بعد استجوابه والتخلص منه؟! - كان في البداية هناك تضارب في المعلومات حول مصير خليل، وكانت كثير من المعلومات ترجح ان خليل كان خارج العاصمة وكان لديه عدد من العربات وعندما علم بهزيمة قواته هرب. صحيح كانت هناك متابعات وملاحقات للقوات، لكنه اتبع عددا من وسائل التمويه، لكن المعلومات الأكيدة هي هروبه من خارج ساحة المعركة بأكثر من خمسين عربة لكن تم تدميرها والتخلص منها، لأن كثيرا من العربات لم تواصل مسيرتها لنفاد الوقود وما رجع معه من عربات لم يتجاوز الخمس عربات فقط. |
طبعا النقطة المهمة هي استدراك التمويه الذي فطن له مندور المهدي في نهاية كلامو.. لأن قال خمسين عربية تم تدميرها و التخلص منها (التخلص=missiion accomplished )..و لو وقف على كده كان ح يؤكد اكتر انو المؤتمر الوطني عمل في خليل حاجة شينة..لكن عشان تتخبأ اكتر.. عمنا و رجع و قال..ما رجع معه من عربات لا يتجاوز الخمس عربات فقط..دي طبعا لا قطعت جاز ولا تم تدميرها أو التخلص منها..
و ده كلو ما مهم..
المهم الحقيقة التي لن يستطيع محمد حامد جمعة ..نكرانها.. هي أنه كانت هناك اعتقالات عشوائية طالت الأبرياء من ناس كردفان و دارفور..و ده اسمو انتهاك صارخ لحقوق الإنسان يا ولد ابوك..
تقبضوا خليل.. تسوا ليهو طيارة قامت.. ترقصوهو بي جبون..تشلخوهو تي..وبعد داك تفسحوهو.. مش مهم.. لكن المهم بطلوا اعتقال الناس بالكضب..سمح..!
المهم..
كبر
| |
|
|
|
|
|
|
Re: اين خليل ( مع التقدير لمصطفى سرى ) (Re: محمد حامد جمعه)
|
Quote: الاحتمالات حتى الان كالاتي 1- لقي خليل حتفه اثناء مطاردته ولكن الحكومة لا تريد ان تعلن هذا حتى تترك امر قيادة الحركة معلق وتصبح بلا قائد اطول فترة ممكنة 2- ان يكون خليل مصاب اصابة بالغة ويتلق العلاج في مكان ما 3- ان يكون مختفي في مكان ما ولم يستطع التحرك خوفا من ان يقع في الاسر 4- ان يكون وصل تشاد سالما وهذا الاحتمال يؤول الى الصفر لان شخصية خليل لا تقوى على الصمت طيلة هذه الفترة ربنا يجيب العواقب سليمة
ذكرى مرور 21 يوما على اختفاء خليل وحركته مطلوب من يثبت لنا نجاة خليل |
أرجو اضافة احتمال (خامس) ... مالو ؟؟ .. برضو في اطار الفرضيات
| |
|
|
|
|
|
|
|