|
|
 نوال الزغبي وقرصة النبق
|
يا جماعة الخير كيفنكم
كنت بشوف في قناة الجزيرة لا بي لا علي
زازتني بتي قالت عايزة تشوف روتانا ونانسي عجرم
قلنا خير كدي خلينا ما نغمض عيونا
وحاتكم جات في الاول نوال الزغبي تتعوج من هني لا هني
علي مروحة الطربيزة
والكلام يطلع من خشمها منخنخ
والشلاليف ألاتها علي قراصة النبق
يمين زي الرابطالا طباقة ألات كسري في شلاليفها
شويتين جابولم حوار مع بوسي
بالله المرة ماها قادري تتكلم ووشها مشدود
متل الواحد لامن يكون لاصق وشو في قزاز العربيي ويخوف في ولدو
برضو قلنا خير
شويتين جات هيفاء وهبي
تسويلا في شيتا ولوليوا زي النسوان وكتين يمطمطن في الحلاوة
انتظرناها لامن كملت وجاويجها
جاتنا بت عجرم
لا بسالا خيطين ملصقاهن في صدرها علي ضهر الكوريق
وبرضها غنتلها غناء مسيخ كدي وكله شخابيط
شويتين طلعتلنا اصالة نصري وانا كنت لي زمن ما شفتها
لقيتها عملتلها عمايل في وشها
والنخرين بقن مصنقعات زي الواحد لامن يكون شاميلو شيتا عفن
قلت لي بتي رجعيني لي قناة الجزيري
وروتانتك دي (موش حا تخلينا نصلي الصبح)
وفجأة يطل علينا جميل عازر:
السيد ولد اباه.. لا ماء لا كهرباء في نواكشوط
بما تفسرون فشل حكومتكم في تدبير الشأن الاجتماعي
....
دة الكلام
|
|
 
|
|
|
|
|
|
|
|
Re: نوال الزغبي وقرصة النبق (Re: طارق جبريل)
|
انت البوديك لجنس دا شنو ؟
يا خلق ما تلموا اهاليكم
اولا من خلقنى المولى ما مكجنة شى غير غنا العرب
قول عنصرية
قول اى حاجة
لكن وحات الخلقنى وخلقك
ان لقيت صومالية بتغنى بفتح خشمى لامن تغيب
والعجب كان جات الحاجة (استر ) الاثيوبية
ما كملت
سماحة وصوت جميل
وما بكضب عليك ما بكون فاهمة حرف
لكن بنطرب كدى لمن الطرب يقول كفى
وما مكجنة شى غير غناهن ناس نانسى عقرب وما اليها
الملتوت المعجون
والدربكة تشيل الكيف من الراس
يا خوى خليك مع اهلنا السمر الماعندهم عقدة لون ديل
| |
|
|
|
|
|
|
|
|
|
Re: نوال الزغبي وقرصة النبق (Re: سلمى الشيخ سلامة)
|
إنت في اللوال الموديك بي هناك شنو ؟؟
مشيت بي إيدك و شديدك .. و نامن بقت لك شيني سويتا فوق البنيي المسكيني دي ..
قالولك عندنا قنيبير فوق دقنوسنا ده ؟؟
و مالن ؟ .. يعلم الله سماحة الدني عليهن ( صلاتي على النبي ) ..
يفرحِن ياخ ..
يتفدعن لي الله سيدن ده .. و يكاوننا .
( وكتين العندني ديل ما بيكاون .. نقول لي النعمي أبينا ؟؟؟ ) .
بعدين تعاللي هني ..
إنت صوت الجن ده تسويبو شنو ؟ ما تقفلوا و تريح أضانك ؟
بلا يلاوزلك و يطرطش العين .. يخربو ما عاد يسوي شي .
.......
إنا لله
| |
|
|
|
|
|
|
|
|
|
Re: نوال الزغبي وقرصة النبق (Re: Emad Abdulla)
|
حبيبنا عماد
يا زول ها سماحة شنو العليهن
يمين ان بقين فرزت لحمن تلقالك
ورك ملصق في الجضوم
والشلاليف زايدنهن بي لحماي من وراء
والصدر نافخنو هواء بي دبوس تفرقعوا
ةالخصر هاجرنوا بي حزاما غليد علي سير الطاحونة
فشان ما ينبهل
آآآآآآزووول ها خلنا مع ّألاتنا ديل حنينات
كبة كبتين ّألأت طلح والقصة تتجيه
لكن كان لقنالنا منهن شوية دلع وجلع
آآآآبناباهو
| |
|
|
|
|
|
|
|
|
|
Re: نوال الزغبي وقرصة النبق (Re: سلمى الشيخ سلامة)
|
يمين يا سلمي لاني فاضي فيهن لا شيتين
الشافعي المفعوصي دي ودتني عندهن
انا شفتي طنبور ود كرم الله ما بدلو
وحبايبنا الافارقة يا سلام عليهم
العجب المالي سالف كيتا
يمين ما قاعد افهم منه اليكتحني
علي وكتين اشغله يمين يفضلي النقزي معاهو بس
| |
|
|
|
|
|
|
|
|
|
Re: نوال الزغبي وقرصة النبق (Re: طارق جبريل)
|
سلامات يادكتور طارق ..
بتك قالت ليك دايرة تشوف روتانا انت .. انت البوديك شنو ؟
شوف يا حبا خليك مع سلمي بت الشيخ................... وكفي
يعني (زول TV ) وخليك مع ...( زكي لماح )
ـــــــــــــــــــــــــــــ
| Quote: بما تفسرون فشل حكومتكم في تدبير الشأن الاجتماعي |
الاجابه : بما كتبه الدكتور طارق جبريل في بوست (نوال الزغبي وقراصة النبق )
| |
|
|
|
|
|
|
|
|
|
Re: نوال الزغبي وقرصة النبق (Re: طارق جبريل)
|
د. طارق حمدلله علي السلامة
بنيتك دي لمها من القنوات البشوهن الوشيش ديل
الشفيع لما قريت ليه كلامك ده ومعاينة خطيبته لي
روتانا وحاتك اهو صاري وشيشه ومادي قدومو شبرين
وحردان الفطور
Quote: بما تفسرون فشل حكومتكم في تدبير الشأن الاجتماعي
|
حكومتنا الرشيدي ...حكومتنا الرشيدي ...حكومتنا الرشيدي ...
| |
|
|
|
|
|
|
|
|
|
Re: نوال الزغبي وقرصة النبق (Re: طارق جبريل)
|
ود جبريل.. يا أخي مشتاقين شديد وكده..
لكن يا طارق يا أخي جميل عازر ده ما آبهة...
والعجيبة المصائب البتدحدف من كلامو.. وخاصة لمن ينجعص بالجنبة...
تعرف أنا طوالي لما أشوفو بقرأ آية الكرسي... خوفة إنو يجيب ضقلها يتلولح..
لكن يا طارق يا أخوي النسألك...
الكضوم هناك يجيبوا ليهم فخذة تزيدهم..وأنتو ونحن تقطعوا الموجود.. شيء لا وراء
وشيء مطارق.. وشي معارض.. وشيء نقرابي... ما أختلاف ثقافات..موش؟؟؟؟
بس قابلني في حصاد اليوم... وعد كلمات الإنفجار... وخت جنبك كروسة بندول..
| |
|
|
|
|
|
|
|
|
|
Re: نوال الزغبي وقرصة النبق (Re: Kamal Karrar)
|
كمال كرار
يا زول ما تهبش جميل عازر دا وحدو
دا الحسنة الوحيدة فى تلفزيون الجزيرة
عارف بتابعه من كان بقدم برنامج كيف تتعلم اللغة الانجلزية فى البى بى سى
صوته فيهو تحدى غريب
واداؤه مغاير
امكن ما فى زول قريب منه فى السودان الا احمد قبانى عليه الرحمة
معليش يا طارق دخلت شمال
لكن بالجد هذا المذيع مدرسة اعتد جدا انى من تلاميذها
بعد داك بديت اقرا عنه فى المجلات التابعة للبى بى سى
زمان كان فى حاجات زى دى
وكنا بنقرا
بعدين الفنانات العربيات ديل امكن تطلع منهن واحدة واحدة
لكن الباقى كلو قشرة ساكت
متل مغنياتنا الله يسامحن وحات الله مسكينات لمن غلط
قشرتين ما واحدة
وقاعدة اقول لاصحابى البنات ديل يغنو بس ما يتكلمو
لانهن بلبخو لبيخ عجب
ابسط القواعد فى المخاطبة مافى
اسوة بالعربيات من المغنيات
ورغم انى ما بدور غنا العرب لكن بحترم ام كلثوم لمن تتكلم
وحكمة الله احفظ غناها عن ظهر قلب
لكن شعرا بس
وقصة طويلة كانت بينى وبين سليم سحاب اللبنانى المصرى لاحقا
قدر ما حاول يخلينى اسمع غنا العرب ما اديتو فرقه
عارف ليه ؟
اختلاف السلم
اموت فى الخماسى
ودا ما بعنى انه مافيهم فنانين كويسين
لكن الله غالب القلب وما يريد
| |
|
|
|
|
|
|
| |
طارق جبريل
سلمى الشيخ سلامة
Emad Abdulla
عبدالله كع
NGABY AJOOZ
حيدر حسن ميرغني
Kamal Karrar
فيس بوك
تويتر
انستقرام
يوتيوب
بنتيريست