|
|
 احرمونى ولا تحرمونى محجوب شريف
|
احرمونى ولا تحرمونى سنه الاسلام السلام
المجد لله فى الاعالى وعلى الارض السلام
قدلة ا مولاى حافى حالق فى الطرق الشاقى الكلام
فى الفؤاد ترعاه العنايه ملأ روحى وعز المنام
لو هزمت بلملم غناي ما بخون وابيع الكلام
مابسلم شرف الدوّايه للهواجس وليل الخصام
غير ذلك ماعندي غاية غير ذلك بئس الختام
منى شايف شابت مفارق مانى خاين ولا انهزام
العزايم قط لم تفارق ولامانى تماما التمام
ولو علىّ انا بس مابفارق الدوام لله الدوام
توهنا بين هواة الفوارق ياخى ديلك ناساً هوام
كم وكم هم فى القلب عالق وكم جرح تحت المسام
المسالك صبحت مهالك والحلال فى يد الحرام
والبخونك لا شك هالك البيجيبك فى جنح الظلام
نحن منك ما من هنالك ايها الشعب الهمام
نحن منك ما من هنالك مستحيل نقبل تضام
يا حفيف انفاس البيارق فى الشوارع ودفء الزحام
مشتهينك مالك مفارق لفتة منك تشفي السقام
كنت ساهل يا أبويّ ماهل وكل دربا بى ناسو آهل
يا حنونا دافئ المناهل مالو زولك ممكون وناحل
وانت عندك يابا السواحل والسهول غاباتك مراحل
الشمس والنيل والغمام
ياجلوسا تحت الارائك والمسدس تحت الحزام
كل مايك ولا سلك شايك بين جموع الناس والكلام
حصلوهم حتى الاجنّه وصلوهم عتبة سجّنا
كنتو انساً
ام كنتو جناً
الكلام المافيهو انة بوضوح النبرة المرنه سوف نصمد مهما حزنّا
والليالى لكى تمتحنا علمتنا مسكن الاعنه
لو نلاقى الموت سنه . . سنه
كل قطرة دم تبقى حنه
والببايع قط ليس منّا والبخون الشهدا الكرام
احرمونى ولا تحرمونى
|
|
 
|
|
|
|
|
|
|
|
Re: احرمونى ولا تحرمونى محجوب شريف (Re: Amjed)
|
يا سلام عليك محجوب ... يا سلام
صباح بديع يا امجد
تصحى مشوش و عيونك مغيمات و راسك فيهو كتاحة
تلقي كلام زى ده ... افتكر كاتبو النبي محجوب
براحة ... زى راحة الكلام زاتو
يهب دعاش خفيف
يروق الراس
يكشف غيومو
كتاحتو تقيف
و تخت سفة محترمة
تكيفك و تتكيف معاك شمسك
تقوم على الدنيا تواجها
قلبك مطمئن ... بذكر المحجوب
و تدندن:
لو هزمت بلملم غناي ما بخون وابيع الكلام
مابسلم شرف الدوّايه للهواجس وليل الخصام
غير ذلك ماعندي غاية غير ذلك بئس الختام
يا حفيف انفاس البيارق فى الشوارع ودفء الزحام
الكلام المافيهو انة بوضوح النبرة المرنه سوف نصمد مهما حزنّا
والليالى لكى تمتحنا علمتنا مسكن الاعنه
و يا سلام عليك محجوب ... يا سلام
| |
|
|
|
|
|
|
|
|
 Re: احرمونى ولا تحرمونى محجوب شريف (Re: Amjed)
|
محجوب شريف..فى حضرة جلالك يطيب المقام
يا نهر الوعى الدفاق تقدم.. يا جبل إحترام
قف ..تأمل فى هموم الناس وناسى همك يا همام
أبدا ما هنت يا محجوبنا يوما ولا بعت الكلام
خلينى أشهد بى نشيديك وأدى ليك تعظيم سلام
مانى الوليد العاق...
لاخنت لا سراق..
والعسكرى الفراق..
والعسكرى الفراق..اللفكرهدام ولابس الفساد هندام
وتلمع دبابيرو فى نص الظلام ..
سارح بى خواطرو..
فى زفة مواطرو..
يخطط بى مساطروا..
كيف الناس الناس تموت يفضلوا ناسو لى قدام
وكيف كان يملا كرشو ..
كبف كان ينعم فرشو..
وناس محمد أحمد همتك فى السجن الكبير ربطوا الحزام
لكن وبرغم ذلك..
ياشباب واسع المدارك..
ديل أنحنا القالوا متنا..
وفالوا فتنا...
وقالوا للناس
إنتهينا..
ونحن جينا..
وغنى يا محجوب غنى ..شد أوتار المغنى
| |
|
|
|
|
|
|
| |
Amjed
Nasr
خدر
محمد مكى محمد
فيس بوك
تويتر
انستقرام
يوتيوب
بنتيريست