|
[B]حبيبي رئيس الجمهورية...... كل سنة وانت طيب[/B]
|
حبيبي رئيس الجمهورية...... كل سنة وانت طيب ربنا يديك الصحة والعافية
يا جماعة ما تفهموني غلط
امبارح كان عيد ميلاد ابني الصغير بابا جليل وهو كل مناه ان يصير رئيس جمهورية بس يا ربي حيكون منتخب ولا بانقلاب ما معروف الغريبة انه نواياه ما سليمة يعني مثلا امبارح قال لاخته الاكبر منه انا لما ابقى رئيس جمهورية بدخلك السجن قالت ليه ليي قال ليها عشان انتي بتشيلي حاجاتي شفتو الصورة النمطية حتى عند الاطفال السلطة تعني البطش وفي سياق اخر قال لسائق الامجاد حا ادخلك السجن لما ابقى رئيس جمهورية قال ليه ليي قال لي لانك لما جينا مارين بالمقابر ما قريت الفاتحة على الميتين حكمته بالغة السواق كان مسيحي جنس هيمنة والغاء الآخر وعدم الاعتراف بثقافته حتى عند الاطفال يا ربي متين نن حنتخلص من الحاجات دي اذا كان اجيالنا القايمة يا دوب هو دي فهمها لكن هم ما عندهم ذنب الذنب على من هيمن على عقولهم ورسخ لثقافة الالغاء هذه
عموما كل سنة وانت طيب حبيبي ومبروك التخرج من
KG2 وانمى ليك عام دراسي سعيد وانت تستعد لبدء دراستك النظامية العام المقبل ماما صفية
|
|
|
|
|
|
|
|
Re: [B]حبيبي رئيس الجمهورية...... كل سنة وانت طيب[/B] (Re: Safia Mohamed)
|
كل سنة و حبيبك بخير و عافية
Quote: قال لسائق الامجاد حا ادخلك السجن لما ابقى رئيس جمهورية قال ليه ليي قال لي لانك لما جينا مارين بالمقابر ما قريت الفاتحة على الميتين حكمته بالغة السواق كان مسيحي |
مليون وجه ضاحك
Quote: جنس هيمنة والغاء الآخر وعدم الاعتراف بثقافته حتى عند الاطفال يا ربي متين نن حنتخلص من الحاجات دي |
| |
|
|
|
|
|
|
Re: [B]حبيبي رئيس الجمهورية...... كل سنة وانت طيب[/B] (Re: Sabah Hussein)
|
الأخت (ماما صفية) ، تحياتي ،
حبيبي رئيس الجمهورية...... كل سنة وانت طيب ربنا يديك الصحة والعافية
بصراحة .. عنوانك رهيب ويمخول؟!
ويخلي الزول يضرب أخماس في أسداس قبل الدخول والقراءة !!
سنة حلوة يا جميل ، وربنا يدي ولدك الصحة والعافية وطولةالعمر والتوفيق في الحياة العملية بأن يصير رئيساً للجمهورية (ما مهم كيف ، عبر انقلاب أو انتخاب .. المهم يبقى رئيس .. مش ؟!)
وامكن لو ربنا مدَّ في الآجال نبارك ليهو وقتها عيد ميلادو ونحتفل معه بذلك مثلما كان يفعل الراحل صدام حسين !
وكل سنة وإنتي وهو والأسرة طيبين .
مودتي ،
( ليمو )
| |
|
|
|
|
|
|
Re: [B]حبيبي رئيس الجمهورية...... كل سنة وانت طيب[/B] (Re: نوسة)
|
نوسة ناس القروش ازيك يعني ابيتي تاجري لينا الله كريم انشاء الله بعد الحالة دي نسكن في بيت ملك دعواتك
Quote: كل سنة و ولدك حبيبك بخير و عقبال يطفي الشمعة ال 150 ...
غايتو رئيس جمهورية دي ....!! و مالو لكن ،، ربنا يديهو خير الأمنية دي و يبعد عنو شرها...
الله يحفظهم ليكي |
الله يبارك فيك ودعوات مستجابة انشاء الله
شكرا على المرور والتحية بس كان وافقتي على ال 500 دولار تكون لذييذة خلاص
| |
|
|
|
|
|
|
Re: [B]حبيبي رئيس الجمهورية...... كل سنة وانت طيب[/B] (Re: abdulhalim altilib)
|
Dear mr Limo
Quote: بصراحة .. عنوانك رهيب ويمخول؟!
ويخلي الزول يضرب أخماس في أسداس قبل الدخول والقراءة !!
سنة حلوة يا جميل ، وربنا يدي ولدك الصحة والعافية وطولةالعمر والتوفيق في الحياة العملية بأن يصير رئيساً للجمهورية (ما مهم كيف ، عبر انقلاب أو انتخاب .. المهم يبقى رئيس .. مش ؟!)
وامكن لو ربنا مدَّ في الآجال نبارك ليهو وقتها عيد ميلادو ونحتفل معه بذلك مثلما كان يفعل الراحل صدام حسين !
وكل سنة وإنتي وهو والأسرة طيبين .
مودتي ، |
( ليمو ) sorry i couldnt type in Arabic Thanks I will be back to comment
| |
|
|
|
|
|
|
Re: [B]حبيبي رئيس الجمهورية...... كل سنة وانت طيب[/B] (Re: Safia Mohamed)
|
Quote: بصراحة .. عنوانك رهيب ويمخول؟!
ويخلي الزول يضرب أخماس في أسداس قبل الدخول والقراءة !!
سنة حلوة يا جميل ، وربنا يدي ولدك الصحة والعافية وطولةالعمر والتوفيق في الحياة العملية بأن يصير رئيساً للجمهورية (ما مهم كيف ، عبر انقلاب أو انتخاب .. المهم يبقى رئيس .. مش ؟!) |
العنوان ليه علاق بالتسويق طبعا اهم حاجة تجر الزبون
ربنا يحقق امنياته لكن لو بقى منتخب بكون احلى
شوكرا على الدعوات الطيبات لك مثلها صفية
| |
|
|
|
|
|
|
Re: [B]حبيبي رئيس الجمهورية...... كل سنة وانت طيب[/B] (Re: Sabah Hussein)
|
أستاذة صباح ازيك وين انتي يا ختي لسع انا في انتظار صرفتي
Quote: ياخى قطعتى قلب وداد
كل سنه ورئيسنا بخير وعقبال الشمعه ال100 |
ما وداد براها الناس كلها قلبها اتقطع انا ذاتي لما جيت قريت العنوان قلبي انقطع اجي يا اخواني هو في زول في السودان ولا في اي حتة في العالم بحب رئيس الجمهوية؟؟؟
زكل سمة وانتي بخير
| |
|
|
|
|
|
|
Re: [B]حبيبي رئيس الجمهورية...... كل سنة وانت طيب[/B] (Re: Tabaldina)
|
استاذ تبلدينا ازيك
Quote: هو بالله دا هو رئيس الجمهورية .. |
هو نحن النسوان عندنا رؤساء غير اولادنا ديل يخلو تمشي على العجين ما تلخبطوش اولاد الزمن ديل غايتو حالتهم صعبة خلاص
Quote: عقبال 100 شمعة والدكتاتورية ,,قصدى الرئاسة |
يا ريت تكون عقبال خمسة سنوات رئاسية بالانتخاب امين يا رب بالكتير عشرة نظام دورتين وكدة
| |
|
|
|
|
|
|
Re: [B]حبيبي رئيس الجمهورية...... كل سنة وانت طيب[/B] (Re: almogira alemam)
|
أهلين استاذ المغيرة
بالمناسبة عارف انه عندي اخوي اسمه مغيرة اها اول مرة القى لي زول اسمو زيو شرفت ونورت قلت لي:
Quote: سنة وسياتو بخير وعقبال شــــــــــــــــــــــــــــ1000مـــــــــــــــــــــــعــــــــــــــه
انا هجمنى العنوان (((قلت صفية قريبت الرئيس ولاشنو لاكن الصبرنى شوية قبل ماافتح البوست كلمة حبيبى دى)))
مبروك مرة تانية |
اتهجمت مش لكن زي ما قلت قبيل هو في مواطن في العالم بحب اي رئيس جمهورية ما اظن
الله يبارك فيك
| |
|
|
|
|
|
|
حبيبي رئيس الجمهورية...... كل سنة وانت طيب (Re: dardiri satti)
|
كل سنة وانت طيب يا ريس وعقبال مية شمعة
معليش نحن اتأخرنا شوية في اداء فروض الولاء والطاعة لأنو الست الوالدة دي جهجهتنا بي عنوانها وخلتنا نزازي لينا يومين بي جنب الحوش.
لا تثريب علينامش؟ لأنو لمن انت تبقى رئيس ، اعمامك ديل يا اتلحسوا يا باقي ليهم شوية. بس في كل الأحوال خلي بالك من العقاب.
| |
|
|
|
|
|
|
Re: حبيبي رئيس الجمهورية...... كل سنة وانت طيب (Re: Ahmed Yousif Abu Harira)
|
استاذ يوسف سلام
Quote: كل سنة وانت طيب يا ريس وعقبال مية شمعة
معليش نحن اتأخرنا شوية في اداء فروض الولاء والطاعة لأنو الست الوالدة دي جهجهتنا بي عنوانها وخلتنا نزازي لينا يومين بي جنب الحوش.
لا تثريب علينامش؟ لأنو لمن انت تبقى رئيس ، اعمامك ديل يا اتلحسوا يا باقي ليهم شوية. بس في كل الأحوال خلي بالك من العقاب. |
شكرا على التهنئة لا والله ما جيت متاخر ولا حاجة
| |
|
|
|
|
|
|
Re: [B]حبيبي رئيس الجمهورية...... كل سنة وانت طيب[/B] (Re: زهير الزناتي)
|
Quote: يا صفية رغم إنه ما عمزمونا الحفلة لكن برضو بنقول للريس عقبال الشمعة الألف وعقبال ما يكون رئيس ديمقراطي بحق وحقيقة ويقول ليك أم الشعب بس ما تفكري في استغلال النفوذ |
استاذ زهير سلامات
وشكرا على التهنئة
والله كون اننا نصل لمرحلة عدم استغلال النفوذ بيحتاج مننا لمجهودات عالية على جميع الاصعدة نامل ان تكون قد ترسخت مبادئ ان الحكام يعملون على رعاية مصالح المواطينين ليس استغلال نفوذهم لاذلال المواطنين
شكرا على المرور في انتظار الهدية
| |
|
|
|
|
|
|
Re: [B]حبيبي رئيس الجمهورية...... كل سنة وانت طيب[/B] (Re: Safia Mohamed)
|
الاخـت الـحـبيبة الـحـبوبة، Safia Mohamed
تـحـية طـيبـة، واجـمـل التـهانـي لابنـك وكل سـنة وهـو وجـميـعكم بعافية.
واحـد ابن عـمنا (حـلفاوي زي) كان قاعـد بتفرج فـي التلفزيون مـع ابنه عـمره اربعة سـنوات وجات لقـطة لـعمر البشـيـر... قام الـطفل قال عايز اكون زي ده. ومن اليوم داك ولـحـد الان ..والولـدبقي عـمره 15 سـنه .....والبيـت بلا تلفـزيون!!
لك مـودتي.
| |
|
|
|
|
|
|
Re: [B]حبيبي رئيس الجمهورية...... كل سنة وانت طيب[/B] (Re: بكري الصايغ)
|
أهلين أستاذ بكري
Quote: واحـد ابن عـمنا (حـلفاوي زي) كان قاعـد بتفرج فـي التلفزيون مـع ابنه عـمره اربعة سـنوات وجات لقـطة لـعمر البشـيـر... قام الـطفل قال عايز اكون زي ده. ومن اليوم داك ولـحـد الان ..والولـدبقي عـمره 15 سـنه .....والبيـت بلا تلفـزيون!! |
عاد لكن الجماعة ديل بالغو ما كان يقول ليه كون زي دة في المنصب بس ما في السلوك هاهاهاه
شكرا على التهنئة وما تنسى ترسل الهدية
| |
|
|
|
|
|
|
Re: [B]حبيبي رئيس الجمهورية...... كل سنة وانت طيب[/B] (Re: Safia Mohamed)
|
دكتوره صفيه سلام
Quote: يا جماعة ما تفهموني غلط |
لو فهمناك غلط كنتي مشيتي التوج
Quote: امبارح كان عيد ميلاد ابني الصغير بابا جليل |
نقول للسيد الريئس كل سنه وانت بالف خير وعيد ميلاد سعيد
Quote: الغريبة انه نواياه ما سليمة يعني مثلا امبارح قال لاخته الاكبر منه انا لما ابقى رئيس جمهورية بدخلك السجن قالت ليه ليي قال ليها عشان انتي بتشيلي حاجاتي شفتو الصورة النمطية حتى عند الاطفال السلطة تعني البطش |
ومش ريئس خليه علي كيفه يقدر حدي يمنعه كمان؟
بس نحن خلاص خطبنا الولد اااااقصد الريئس للبنت اريتو يرضي ؟
| |
|
|
|
|
|
|
Re: [B]حبيبي رئيس الجمهورية...... كل سنة وانت طيب[/B] (Re: Safia Mohamed)
|
Quote: ايوا احجز واحدة من اخوات العريس لاولادك ولا اوقل ليك احجز الرئيس لبتك المستقبلية |
د.صفية واحدة منوا من أخوات الرئيس يحجزها وهو زي ما قلتي مودي أُختو السجن ............يعني يعرس (مناضلة) لي ولده ؟؟؟؟؟ والله كلام غريب !!!! بس قول ليه أعمل حسابك من هباني هشام هباني تاني ما بتجيه عوجة !11 وكل عام وهو أجمل
| |
|
|
|
|
|
|
Re: [B]حبيبي رئيس الجمهورية...... كل سنة وانت طيب[/B] (Re: Safia Mohamed)
|
ام ابوي وعمي
اللوم بجي بالغفلات
كل سنة وانت طيب يا عبدالجليل الغريبة جدو ما كان قمعي ولا ديكتاتور راحبتن فيه حقت انبياء بس ولا بتشبه حقت الناس ياربي يحق الاسم ولا بنجي عاد نقلع اسمنا لووووووووووووول
مية بوسة ليك يا حنون ياالوراث الحنان بالجهتين
يا صفوية الحقينا بالصور ولا انا انزل انا العندي ؟
| |
|
|
|
|
|
|
|