|
|
 المسكوت عنه ((سامي الحاج) بعد حمد الله بالسلامة الزول مزهلل – وقلش ليه قلشات صعبة شوية)
|
اولا حمد الله على سلامته وجعل الله ايام سجنه كفارة ليه وعذب كل من ساهم في تعذيبه
لكن الزول ده مرق من هناك مزهلل حبه ودي حاجة منطقية لي زول انسجن ظلم قريب 7 سنوات في اقبح سجن تابع لاقبح دولة ، اكيد الشافو هناك بزهلل بالزول
لكن كمان قلش ليه قلشات شويه كده ما بتنبلع
يعني حكاية الروئية الصالحة عن والد الطيب صالح
وحكاية انو نزل من الطايراة شايلنو وتاني يوم حرق تيكه
وحكاية الحكم الرشيد لدولة السودان
والبوس الكتير في الكتوف وفي الجباه
غايو حمد الله بسلامته
وربنا لا اعدها عليه تلك الايام
لكن الزول ده مزهلل
وقلش ليه قلشات صعبة شوية
الكلام ده صحيح
ولا انا شايف وشايت غلط
|
|
 
|
|
|
|
|
|
|
|
Re: المسكوت عنه ((سامي الحاج) بعد حمد الله بالسلامة الزول مزهلل – وقلش ليه قلشات صعبة شوية) (Re: amir jabir)
|
| Quote: انته يا وليد امير ود حلتنا الحــــــــاج يــــوسف قبضوا شايل بنقوا ولا مهرب مخدرات مش قبضوا فى شان الارهاب بس والسبب الجماعة ,,,, |
قر قر قر قر قر قر قر
والله انتو يا غرباوة ما تلقو ليكم فرقة في الجلابة الزينا كده الا تدخلوا بيها
هاهاهاهاهاهاهاهاهاهاهاهاهاهاهاهاها
اها يا امير اعمل ليك حركة مسلحة سميها حركة "تجاهل" امير الحاج يوسف
واعمل منها فصيل منشق سميه الفصيل المنشق من حركة تجاهل فصيل "المساواة" بين امير وسامي
هاهاهاهاهاهاهاهاهاهاهاهاها
غايتو نحن الا نقلب ليكم النيل ده غرب حتين تقولوا مافي تهميش
لكن لو جينا للجد لو عاوزين امير يعاملوه زي سامي
خليهم يرجعوه يقعد نفس المده القعدها سامي بعد داك بنشوف
هاهاهاهاهاهاهاهاهاهاهاهاهاهاهاهاها
تخريمة جادة
لماذا لم يعامل بقيت الاسري العائدين معاملة سامي الحاج ؟
| |
|
|
|
|
|
|
|
|
|
Re: المسكوت عنه ((سامي الحاج) بعد حمد الله بالسلامة الزول مزهلل – وقلش ليه قلشات صعبة شوية) (Re: محمد أبوالعزائم أبوالريش)
|
| Quote: والله انتو يا غرباوة ما تلقو ليكم فرقة في الجلابة الزينا كده الا تدخلوا بيها |
فرق بس ده سهله عديل
Quote: اها يا امير اعمل ليك حركة مسلحة سميها حركة "تجاهل" امير الحاج يوسف
واعمل منها فصيل منشق سميه الفصيل المنشق من حركة تجاهل فصيل "المساواة" بين امير وسامي |
ممكن لكن عمق استرتيجى مافى ناس بحرى ديل ما مضمونين
Quote: غايتو نحن الا نقلب ليكم النيل ده غرب حتين تقولوا مافي تهميش
|
انتوا منوا هم حاسبينك والا انته حاسب نفسك براك 
Quote: لكن لو جينا للجد لو عاوزين امير يعاملوه زي سامي
خليهم يرجعوه يقعد نفس المده القعدها سامي بعد داك بنشوف |
انته الزول ده قعد كم سنه ولا شهر بس ولاكيف هو قبضو قريب ولا شنو؟؟
Quote: تخريمة جادة
لماذا لم يعامل بقيت الاسري العائدين معاملة سامي الحاج ؟ |
انا غايتوا عارف امير مالوا لكن
تخريمة جادة
اسمع انته امير دفعتك ولا دفعة وده الصائم علشان نعمل حسابنا 
| |
|
|
|
|
|
|
|
|
|
Re: المسكوت عنه ((سامي الحاج) بعد حمد الله بالسلامة الزول مزهلل – وقلش ليه قلشات صعبة شوية) (Re: amir jabir)
|
امير يا حلو
| Quote: ممكن لكن عمق استرتيجى مافى ناس بحرى ديل ما مضمونين |
ريحتني في ميتيني
هاهاهاهاهاهاهاهاهاهاهاهاهاهاهاه
الحمد لله على ثلاث
الدنقلة
والرجولة
والنسبة الى امدرمان
اها اللية اخليك تجقلب وتضرب نار هنا في برود بكري ده
| Quote: انتوا منوا هم حاسبينك والا انته حاسب نفسك براك |
نحن اولاد البحر
هاهاهاهاهاهاهاهاهاهاهاهاهاهاهاهاهاها
هاهاهاهاهاهاهاهاها
| Quote: انته الزول ده قعد كم سنه ولا شهر بس ولاكيف هو قبضو قريب ولا شنو؟؟ |
غايتو الشي العارفو فكوه قبل سامي
ليه يفكوه قبل سامي ؟
Quote: انا غايتوا عارف امير مالوا لكن
تخريمة جادة
اسمع انته امير دفعتك ولا دفعة وده الصائم علشان نعمل حسابنا |
طيب ما تورينا معاك ياخ
لالا يا ابوي دفعت ود الصايم
_______________
انا احب الزول الواسع وفهيم زيك كده
الواحد يلعب معاه مرتاح
| |
|
|
|
|
|
|
|
|
|
Re: المسكوت عنه ((سامي الحاج) بعد حمد الله بالسلامة الزول مزهلل – وقلش ليه قلشات صعبة شوية) (Re: وليد محمد المبارك)
|
| Quote: وحكاية انو نزل من الطايراة شايلنو وتاني يوم حرق تيكه |
كان متصنّع يا وليد!
Quote: اتهم مسئولون أمريكيون بوزارة الدفاع الأمريكية "البنتاجون" سامي الحاج بادِّعاء المرض، وذلك بعد الصور التي أظهرت الحاج محمولاً وهو في طريقه للعلاج في إحدى المستشفيات السودانية.
ويأتي اتهام سامي الحاج دون توجيه اتهام له؛ في محاولةٍ للردِّ على لقطات الفيديو التي أظهرت الحاج متألمًا لدى نزوله من طائرة عسكرية أمريكية في السودان.
وأكدت وزارة الدفاع الأمريكية "البنتاجون" أنها سوف تقوم ببثِّ لقطات فيديو تُظهر سامي الحاج بصحة جيدة لدى ركوبه الطائرة الأمريكية؛ التي غادرت قاعدة جونتانامو بكوبا، متهمةً الحاج بالتلاعب ومحاولة إظهار الضعف بغرض التأثير في الرأي العام.
وقال مسئول بالبنتاجون في حوار مع شبكة (إيه بي سي نيوز الأمريكية): "إنه متلاعب ويقوم ببروباجاندا"، فيما اتهم مسئول آخر بالبنتاجون الحاج بأنه كان دائم الادِّعاء بشأن المعاملة التي يتعرَّض لها معتقلو جونتانامو.
وأكد متحدث باسم معتقل جونتانامو أن ممثِّلين عن البنتاجون قد عقدوا لقاءً ختاميًّا مع الحاج قبيل الإفراج عنه، قالوا عنه إنه كان ودودًا للغاية خلاله، وتحدث خلال اللقاء عن نيته تأليف كتاب عن تجربته داخل المعتقل الأمريكي.
وقال المتحدث إن مصور (الجزيرة) كان قادرًا على المشي بشكل كامل، كما قال مسئول آخر بالبنتاجون: إن وصول الحاج إلى السودان "كان منسِّقًا للغاية؛ فقد كان يعرف أن وسائل الإعلام ستكون هناك من أجل وصوله، ومن الواضح أنه كان يستغل هذا لصالحه".
وقال مسئول آخر: "أتوقَّع أنه سيظلُّ في الأخبار لمدة من أجل مواصلة الادِّعاء بجميع هذه الأشياء الغريبة.. إنها الفائدة التي لديهم في هذه الحرب.. إنها حرب أفكار، ويمكنهم الادِّعاء بأي عدد غريب من الأشياء التي حدثت لهم، وسوف يستغلون هذا، وهذا يمثل ضغطًا علينا كي ندحضهم". |
| |
|
|
|
|
|
|
|
|
|
Re: المسكوت عنه ((سامي الحاج) بعد حمد الله بالسلامة الزول مزهلل – وقلش ليه قلشات صعبة شوية) (Re: محمد عبد الماجد الصايم)
|
هل تجيدالسباحة عايزين نعمل سد فى الحاج يوسف
Quote: الدنقلة
والرجولة
والنسبة الى امدرمان |
خيانه عظمة تعرس من امدرمان ((تطهير عرقى لناس الحاج يوسف .. استلاب فكرى
| Quote: اها اللية اخليك تجقلب وتضرب نار هنا في برود بكري ده |
وين يا حبة اخوك من الردمية شارع يبدا بمنزل الشهيد على الماحى السخى وبنتهى بمنزل النقابى اسماعيل ابوه علم ياعمك
وليد كتب
| Quote: لالا يا ابوي دفعت ود الصايم |
ودالصائم Quote: يا عمك
خلاص دفعتى انا مافى عوجة
_______________
يا وليد تخريمة جادة تعرف حمد ابراهيم مربع 15 بلدياتك ؟؟
ولييييييد
ولييييييييييد |
| |
|
|
|
|
|
|
|
|
|
Re: المسكوت عنه ((سامي الحاج) بعد حمد الله بالسلامة الزول مزهلل – وقلش ليه قلشات صعبة شوية) (Re: امير عوض الجمري)
|
سلامات ياسر
| Quote: كان متصنّع يا وليد! |
ليه بس كده؟!
ما كان في داعي لي كده
الناس كلها عارفة الشي الاتعرض ليه
التصنع ما بنفي الاتعرض ليه ... لكن بخفف تجاوب الناس معاه
شخصيا مع اني بكره الامريكان موت
لكن اعتقد انه كان مديها كوز موية شوية
خصوصا انو كان مصر على انو يظهر بي مظهر جيد امام الكامرا وحاول انو يخفي صلعته خلف طاقيته
التعبان لا يهتم لشكله العام خصوصا المناطق غير المحرجة
برضو بنقول حمد الله بالسلامة
وحتى لو تصنع سامي المرض لحظة نزولة من الطائرة هذا لا ينفي ان ما تعرض له ظلم باين
وانه صمد صمود الابطال في ذلك السجن البغيض
لكن ده برش حبة مرارة في حلاقيمنا
ليه التصنع والناس فاهمة وعارفة ومقدرة ؟!
| |
|
|
|
|
|
|
|
|
|
Re: المسكوت عنه ((سامي الحاج) بعد حمد الله بالسلامة الزول مزهلل – وقلش ليه قلشات صعبة شوية) (Re: Maawya Hussein)
|
سلام يا وليد .. كيفك حمداً لله على السلامة ..
يا وليد يتصنع شنو ... الزول دا كان عندو هبوط حاد في الدورة الدموية
والطبيب كان بيقول انو جسموا كان بارد وعنده هبوط .
وأنا بعرف الهبوط دا تماماً لانه مرات بيحصل لي ... والزل بيقع زي الخيط ولكن كيس درب واحد أو سندوتش جبنة وزيتون وفنجان قهوة بتقوم زي الفل ..
الشئ التاني يا وليد أخوي الزول دا مش كان مضرب من الطعام .. لازم يكون ضعيف ..
الشئ التاني كمان هل هو الذي وضع القيود على يديه؟ ليكون المنظر كالذي رأينا...
الوجع البنتاجون إنهم كانو مجهزين شريط تاني يقولوا فيهو نحن نخرج الناس كويسين .. لكن خروج سامي على بعد آلاف الاميال منهم وهو مقيد اليدين وعندو هبوط حاد في الدورة الدموية حسب قول طبيبه.. بوظ ليهم الخطة .. ديل الزول لومات بيقولوا إدعى الموت ..
ليه صدقتوهم ووما يكونو هم الادوها جردل ..
تحياتي ليك وعوداً حميداً ..
| |
|
|
|
|
|
|
|
|
|
Re: المسكوت عنه ((سامي الحاج) بعد حمد الله بالسلامة الزول مزهلل – وقلش ليه قلشات صعبة شوية) (Re: القلب النابض)
|
الاخت القلب النابض
سلامات
يا قلب هي استفسارات مشروعة
لماذا سامي تحديدا بدون المعاه نزل شايلنو
هبوط مفاجئ جاه
احتمال وارد
طيب الزول العنده هبوط هامي لي طاقيتو قدر ده ليه ومصر على تغطية صلعته
ما مشكلة
| Quote: الشئ التاني يا وليد أخوي الزول دا مش كان مضرب من الطعام .. لازم يكون ضعيف .. |
ما هي دي المشكلة يا قلب
اذا كان الضعف الحاصل ليه ده نتيجة اضراب طويل عن الطعام ما اظن تاني يوم بكون نصيح زي ما شفناه في التلفزيون
لكن برضو احتمال وارد
| Quote: ليه صدقتوهم ووما يكونو هم الادوها جردل .. |
الامريكان بتاعين جرادل دي ما فيها اتنين تلاته
المشكلة بتكون لو كان سامي برضو بتاع جرادل زيهم
خلينا من حالته الصحية
الدرامة الباقية دي شنو
السودان دولة حكم رشيد ؟
وقصة والد الطيب صالح وحكاية مستقبل السودان ؟
والبوس الكتير في الجباه والكتوف ؟!
نحن في الخليج مافضل الا يقول طال عمرك
ده كله مع اعترافنا بصمود سامي في الحته القبيحة ديك
لكن في حاجات في تصرفات سامي بعد ما طلع ما عجبتنا
استفسرنا منها
كيف انت وكيف اخبارك
| |
|
|
|
|
|
|
|
|
|
Re: المسكوت عنه ((سامي الحاج) بعد حمد الله بالسلامة الزول مزهلل – وقلش ليه قلشات صعبة شوية) (Re: Ro3ah)
|
مرحب روعة
شخصيا اي شي ما بعجبني بقولو توشك
وما عندي اله غير الله
وسامي كاين بشري زيو وزي غيره معرض لاي شي ممكن يتعرض ليه بشري
حكاية انو سامي عشان كان في قوانتنامو خلاص نعمل ليه ضريح ونعتبره منطقة مقدسة دي في شريعتي مافي
ما عندي كلام ببلعه
كان في سامي ولا كان في تنقا
انا عندي قلب وازن واعية اوعه من ناس كتار انطباعيين
انا زاتي فخور بسامي في حاجات كتيره
| Quote: رغم الضعف الجسمانى الذى يعتريه فالرجل وجهه كالقمر ليلة اكتماله. وعقله يوزن امة |
دي ونسة حقت منتديات وكلام بتاع انشاء من عينة -صادفني ورايت النور يشع منه وهالني مارايت -
كلامي واضح
وجهه كالقمر ،كالشمس ، كعطارد ،كلمبة قلوز
ما اختلفنا
بشع منو نور نازلة منو مطرة قايمه فيه كتاحة
ده ما موضوعي
سامي الحاج كان مديها كوز موية ولا لا ؟
انا بستفسر بس !
وده ياهو موضوعي
اسعدنا مرورك
| |
|
|
|
|
|
|
|
|
|
Re: المسكوت عنه ((سامي الحاج) بعد حمد الله بالسلامة الزول مزهلل – وقلش ليه قلشات صعبة شوية) (Re: الرفاعي عبدالعاطي حجر)
|
ليه سامي ده المهدي المنتظر وانا ما عارف ؟
ياوليد
هو فى مهدى منتظر وانا ماعارف?
المؤتمر الوطنى ضمن دائرة فى الإنتخابات القادمة..
الشعارات حتكون:
أصلب العناصر لأصلب المواقف..
خير من اسنأجرت القوى الأمين..
تعرف ياوليد; (بمناسبة المهدى المنتظر)
فى بعض المناطق بسمو الغراب أبوالعلاء..
أبوالعلاء دا عمل إجتماع مع النسوان وطلبوا منو فى رحلة الطيران القادمة يشوف لبهن حل لحكاية الزواج بأكثر من رجل أسوة بالرجال..
أبوالعلا مفهم النسوان أنو بطير وبقابل الله..
ووعد بأن ينقل له مظلمة النسوان ويأتى بالرد..
ومن الزمن داك والنسوان راجيات أبو العلاء كما ينتظر الشيعة المهدى المنتظر..
والغراب كلما يكون عايز بهرجة يطلع من بورتسودان وسواكن حيث كشفت النساء كذبه ويمشى أنحاء السودان الأخرى و يكورك (كاك.. كاك) والنسوان يطلعن ويقولن خير يا ابوالعلا..
| |
|
|
|
|
|
|
|
|
|
Re: المسكوت عنه ((سامي الحاج) بعد حمد الله بالسلامة الزول مزهلل – وقلش ليه قلشات صعبة شوية) (Re: وليد محمد المبارك)
|
وليد محمد المبارك،،
المحن تفوتك وين؟
قت لي الحقنة ما بتفرز؟
ـــــــــــ
فعلاً منظر سامي الحاج شايلنو في اليدين من الطيارة
اقرب إلي الجثة،، و عذبنا هذا المنظر،،
و ربنا يعوضه خير عن كل العذاب و ايام السجن،،
و بما إننا ناس اليوتيوب البنشوف جزء من كل ،،
ما فارزين الحصل شنو بعداك،،
يعني ما شفت لقاءه في التلفزيون السوداني تاني يوم و كيف كان حاله،،
لكن لو كان هذا صحيح و كما افترض البعض إنو عايز عطف الناس عليهو بالتصنع،،
عطف اكتر من كدة؟
ــــــــــ
اتفق جداً مع معاوية حسين،،
فربما هكذا كان سامي قبل دخوله المعتقل فعلاً،،
ـــــــــــ
تعرف يا وليد،،،
ما عرفت إنو كانو في معتقلين سودانيين مع سامي الحاج إلا بعد خروج سامي الحاج؟!!
تفتكر لي؟
| |
|
|
|
|
|
|
|
|
|
Re: المسكوت عنه ((سامي الحاج) بعد حمد الله بالسلامة الزول مزهلل – وقلش ليه قلشات صعبة شوية) (Re: Soumeta)
|
Quote: ذى ما قلتها دى وشايات وذى ما بقول فى ناس لا يعجبن العجب لا الصيام فى رجب
....
والله سامى الحاج لمن له قلب واذن واعية رجل رشيد قل ان يجود الزمان بمثله
نحن فخورون جدابه وبقدومه وما يعجبنا اكثر راينا فيه رجلا اكثر حكمة وعقلا مما كنا نتوقع
رغم الضعف الجسمانى الذى يعتريه فالرجل وجهه كالقمر ليلة اكتماله. وعقله يوزن امة
سامى الحج بحق وحقيقة سامى فوق كل ما ذكرت
سامى الحاج دخل التاريخ من اوسع ابوابه
سامى الحاج رجل والرجال قليل.... |
| |
|
|
|
|
|
|
|
|
|
Re: المسكوت عنه ((سامي الحاج) بعد حمد الله بالسلامة الزول مزهلل – وقلش ليه قلشات صعبة شوية) (Re: وليد محمد المبارك)
|
ما ياهو دا عندك إنسان ما مقلوب:
قضية حرب أمريكا على الصحفيين الأجانب، وخصوصاً "الجزيرة" معقدة أكثر من حرب أمريكا على الإرهاب رغم تكامل الحربين!
فمن ناحية فشل مشروع صياغة قانون دولى ضد "الإرهاب" و"الإرهابيين" بسبب فشل التعريف القانونى لهاتين اللفظتين. ومن ناحية أخرى حرية الصحافة الأمريكية لا تمنع الإدارة من اللف حول القوانين لضمان دعم الصحافة لمشاريعها، لذا تنحدر "حرية الصحافة" من قيمة عليا إلى صياغة قانونية. وبما إنو القانون الأمريكى لا يحمى الصحافة الأجنبية؛ فقد ترددت الكثير من الروايات للتغطية على تلك الحرب الشعواء على الصحفيين الأجانب. الرئيس بوش اعتذر مرة نيابةً عن أحد الجنود بأنه اعتقد أن الكاميرا المطلة من فندق الرشيد والذى يحتله الصحفيين أنها أر بى جى، مبرراً قتله لمصور إحدى المحطات الأجنبية! رامسفيلد قال أن تفجير مقر الجزيرة فى بغداد وكابول تم عن طريق الخطأ (رغم تقديم "الجزيرة" إحداثيات الموقعين مراراً قبل الهجوم).
لذا فقضية "سامى الحاج" تختلف عن قضية اعتقال المشتبه فيهم باللإرهاب!
وعدم توجيه تهمة إليه وعدم محاكمته مختلف عنهم (إذ تم توجيه بعض التهم، وفشل الإدعاء مما اضطر الإدارة للإفراج عنهم)!
لهذه الأسباب وجد "سامى الحاج" اهتماماً مختلفاً منذ اعتقاله. وحالة "سامى الحاج" تفضح هشاشة الموقف الأمريكى ممن تنعتهم بـ "الإرهابيين" ربما لأن ذلك من طبيعة عمله (استخدام حرية الصحافة لفضح هشاشة الموقف الأمريكى ممن تنعتهم بـ "الإرهابيين")!
__________________________________
وكلنا دناقلة ومن أمدرمان (الأجانب بكتبوها: أم درمان)
المهم ...
| |
|
|
|
|
|
|
| |
وليد محمد المبارك
amir jabir
Nasruddin Al Basheer
محمد أبوالعزائم أبوالريش
محمد عبد الماجد الصايم
عبدالكريم الامين احمد
ياسر احمد محمود
امير عوض الجمري
Osama Mohammed
ahmed haneen
haroon diyab
فيصل محمد خليل
كمال سالم
حيدر حسن ميرغني
Maawya Hussein
القلب النابض
Ro3ah
Hafiz Bashir
البحيراوي
abuguta
الرفاعي عبدالعاطي حجر
بلدى يا حبوب
Soumeta
Yasir Elsharif
تبارك شيخ الدين جبريل
Sayed Bekab
فيس بوك
تويتر
انستقرام
يوتيوب
بنتيريست