|
Re: مادام نسى العشرة واختار سوانا حبيب !! (Re: adil amin)
|
Quote: قلنا ندخل البوست نستكين مع علي ابراهيم اللحو والاغنية الرائعة |
والله دا الغرض
لكن شاكوش دي بس انا مارقة كدة لاقتني جبتها معاي
كيفك انت واليمن السعيد
_____________________________
سمكرة:شعار 2008 الباب يفوت طائرة بوينج767
| |
|
|
|
|
|
|
Re: مادام نسى العشرة واختار سوانا حبيب !! (Re: Safia Mohamed)
|
Quote: انتو صدقتو يا جماعة دة اصلا رابع المستحيلات |
يا سلام يا دكتورة .. ايوة شفتي انتي من ناسي ديل كلهم شمات ساي
شكرا على حسن الظن دا ..
والله ولا جس نبض ولا حاجة ..
عارفة الفكرة الحقيقية انو حسيت بانو همي برد شوية قلت كدي النغير حبة ..
لانو منتظراني جولة اخرى بل جولات !!
محبتي
| |
|
|
|
|
|
|
Re: مادام نسى العشرة واختار سوانا حبيب !! (Re: انعام حيمورة)
|
في زول أداني الرابط حق البوست ده و فاتح في مكان أضف رد !! عايزيني أكتب مغمض مُش كده دي حسادة من الزول الاداني الرابط ده .. صاح ؟؟!!
انعام .. ياخ ما كلمناكـ قلنا ليكـ نوم الظالم عبادة ياخ !! في داعي تساهري انتي !! اها أخير الظُلم ولا الشاكوش ؟؟
نصيحة مني ليكـ أعملي ليكـ مغارب و بحر .. و أعملي في البحر ده قلعة بالرمال .. و هيمي هناكـ عند المغيب .. و إنتظري الشمس تفوت .. و الطيور تعود الي أوكارها .. جابت نتيجة جابت .. ما جابت .. شوتي القلعة بكراعكـ الشمال .. أهم شيء الشمال .. عشان تستعدلي سريع .. ( الشاف نص البورد ده كرعينو الشمال معوقة ما يسألني ) .. كان ما إستعدلتي بأجيب ليكـ صوت زول بيغني يستعدل بيكـ !!
_ أوعي يكون ده له علاقة بالراهب (خلي بالكـ الراهب ما حاجة تاني) ما تجيبي لينا المشاكل
| |
|
|
|
|
|
|
Re: مادام نسى العشرة واختار سوانا حبيب !! (Re: انعام حيمورة)
|
غايتو يانعومة انا كلمتك قلت ليك لمة فرقة ال أ م (الضروس ) نهايتا مامضمونه ياتودى الدانتيس يا ذى على ابراهيم ده ابيتو تسمعو الكلام الرسل يقول بنحظر الموبايلات وهسة جا اول المعزيين ولا ماعارفه قال شنوو شنو وجابت ليها حردان راى عديل تقول احنا بيهمنا كمان وكان القصد اولا واخير مننا التحسب لليوم هذا وقلت ليكى كده بيجيب ليكم الهوا
| |
|
|
|
|
|
|
Re: مادام نسى العشرة واختار سوانا حبيب !! (Re: علاء الدين حيموره)
|
Quote: انعام والله انا ما برضى تجيبي الكلام لنفسك براك ... |
اهة يا نوبي جبتا لينا الكلام ساكت ..
علاء الدين يا اخوي .. ازيك و كيفك وين ما ظاهر (طولت ما بنتا) ..
والله دي كلها ونسة بس جات مقطعة كان عرفت التمامة بتفهم الحاصل شنو ؟؟
نوبي دا الذ زول ياخ !!
| |
|
|
|
|
|
|
Re: مادام نسى العشرة واختار سوانا حبيب !! (Re: osman righeem)
|
سلام ياختنا انعام اشاء الله يكون اخر شاكوش واسمعى غنيه زيدان ابراهيم (ياخائن) والخائن الله بخونو بدلا من ابراهيم اللحو الجمره ياناسيها حقيقة بتحرق الناطيها والله العظيم انا ما بحب الشواكيش ،مرة كدا ادوني شاكوش قربت امشي الآخرة ماشي من امتداد الدرجة التالتة شوفوا الحالة دي الواحد قال امد كدارينو قدر لحافوا، ورضينا بالهم والهم ابا يرضي بينا- لحدي بحري كداااااااااااري لمن زيتي طلع مع انو كنت والله بكتب ليها جوابات احسن من قصايد عنترة بتاعت الحب واي جواب بختمو بي (يامسمار قلبي ويا زردية حياتي) بعد الربيط والسمكرة فكتني ليك بالشاكوش ابو قدوم الكنت بثبت بيو مساميرها ظاااتو لمن قربت احوم في شوارع الخرطوم بدون هدوم، لكن زعلت مني نفسي مرة واحد لي سببين ، الاول علي مشيتي الكداري ، والتاني قلت لي روحي انا البوديني العب في الدرجة التالتة شنو (الليق) الواحد مفروض يكون عندو طموح طالما هو اصلا جاي من مناطق مهمشة مفروض طوالي يفكر في الدرجة الاولي حتي كانو ختوهو كنبة احتياطي ويلقط في الكور ويصرخ مع الجماهير (هو والقون ، هو والقون، هو والقون ، آآآآآآآخ طلعت اوت ،اها شوفتو انحنا مرات بنهمش (روحنا) بي (نفسن)ا ونجي نكورك ونقول العرب همشونا وبرانا بنختار الدرجة التالتة غايتو جنس تلتلة، ولا شنو يا ابوشاكوش...؟ تضامنا معاك انا بسمع مصطفي سيد احمد (جوني الصحاب وقالوا الزولة لابسة الزفاف وقاعدة في الكوشة، وغدار دموعك ما بتفيد في زول خلاص شتت، ونسي العشرة والدرب الطويل،والشاي تحت النيمة،وكل المظللات وكل اعمدة الكهربة، وياما استلفنا قاش من منو وقميص من منو وشدينا الجزمة برضوا كلوا عشان الحلوين، ولي هسي قلبي في يدي جواباتي تقع يد ناس المصنفات الأمر بالمعروف والنهي عن الحب، والله جوابات دي كان كانوا رجعوها لي كان طبعتها في كتاب وبدار عزة للطباعة والنشر كمان، وتقول لي بلقيس ونزار قباني، نزار لو شاف المسامير الكتبتها كان شهد لينا ظاااااااتو... لكن عندي صاحبي كدا لذيذ جاب لي شريط فيهو غنية بتقول بكرة يا قلبي الحزين تلقي السعادة اها بسمع فيهو ستة شهور طول فترة النقاهة. المهم اتصبري ما تشيلي هم، اخوانك متحسسين في مساعدة الناس علي عبور كبري الشاكوش، ابشري ساااااااااااااااي وكتري الفول المدمس والتسالي...وصبارات الشاي بالنعناع، ومافي عوجة بنصنقر ليك امن تتخارجي ...
| |
|
|
|
|
|
|
Re: مادام نسى العشرة واختار سوانا حبيب !! (Re: haroon diyab)
|
أستاذه إنعام....ممكن أشارك؟؟
أذكر إن أحد الأخوان عندما تلقى شاكوشه الأول، أصيب بصدمه عظيمة، فبدأ كل من فى الشلة يستحضر معلوماته فى الإسعافات الأولية التى تلقاها قبل عشرات السنين لإخراج المعتدى عليه من تلك الصدمة (المشاكوسيه) آسف....الشاكوشيه. أحد الواقفين وضع سفه فى زاويه قصيه من فمه وبدأ يهبب للمشوكش. صاح أحدهم ....ينعل أبو العرس!! رد أحدهم....دى حالته المناظر....الفلم كيف؟؟؟؟ تقدم أحد ذوى الخبرات المتنوعه..فجّ الجماعه..إقترب من(المضروب)..بسمل وحوقل وأعقبها بتمتمه غير مفهومه..أطلق قذيفة فم ـ جو معها بقايا سعوط فى وجه صلاح شاكوش الذى حمل ذلك اللقب مرادفا لإسمه منذ ذلك اليوم..حتى أن والده قال له بزعل شديد(قالو عملت ليك أبو تانى). إنتفض صلاح شاكوش من هول تلك القذيفه الصاروخيه....فتح عينيه وتجول ببصره فى الجماعه....تشهد ثلاثا وقرأ سورة الناس . إستقبلته الشلة بالأحضان(حمدالله على السلامه آ زول) أكتسب صلاح شاكوش مناعه مستفيدا من التجربه من يومها وهو يتلقى الشاكوش تلو الشاكوش وما زال صامدا خرج من التجربه برأس كونكريتيه
عندما يكون فى مزاج رايق كثيرا ما يدندن برائعة على ابراهيم(ما دام نسى الشاكوش)
معزتى
| |
|
|
|
|
|
|
| |