|
|
|
 Re: الفنان النوبي (( بكــري مكـــاوي)) عريــساً مبروووووك ( ومعانا صور) (Re: عاطف عبدون)
|
بكري مكاوي العريس ... اخيرا الف مبروك والله وعقبال العازف الجميل هيثم صندلوبة رفيق بكري في معظم حفلاتهم..
بكري وهيثم ثنائي جميل قدمو لنا الجميل والممتع ايام الروابط النوبية وفي الغالب بسعر رمزي او مجانا ..
انهم وبقية الفنانين المتعاونين مع الروابط الطلابية النوبية يستحقون تكريما يلق بما قدمه للفن النوبي وللروابط النوبية ..
الف مبروك بكري والف مبروك للعروسة الحسناء
وتحايا موصولة للمبدع امير خلا والصادق خلا اشقاء بكري وكل الاهل في الكلاكلات وجزيرة صاي وكل قري السكوت والمحس وحلفا ودنقلا ..
عاطف شكرا للاخبار السارة
محمد
| |
 
|
|
|
|
|
|
|
|
Re: الفنان النوبي (( بكــري مكـــاوي)) عريــساً مبروووووك ( ومعانا صور) (Re: Ammir Mohamed)
|
جييييييييييييت با بوبه عليك تقيل
Quote: الغنية دي دايما بكري ببتدر بيها حفلات الحنة...بتبكي الامهات
|
الغنيه دي ملانه حنين وجرسه وشوق لي حبيبه ما حتلقاها
الغنيه دي بتحكي عن اي عاشق غدر بيهو الزمن وشال منو حبيبتو
الغنيه دي بتحكي عن حبيبه بتنسيك مكانك وانت لسه فيهو يعني بتفقدك احساسك بالمكان
شامه دي البت النزلت النجوم والقمره وخلتهم يمشو زينا كدا في الواطه
وياها ذاتها شامه الخلت ( جبل ميمي) يحبو زيو وزي اي شافع
غنيه ملانه طرب بتديك حماس ترقصها لو اتغنت في الاسكيمو
لانو كميه الدفئ الفيها بتدفي بلد
وكمان لمن هيثم بنغمس في موسيقي ترقص الكراسي البتفضي
يا سلام لمن يقول الـــــــــــــــــــــــــــــله
ويخلي هيثم يتمها
الغبار دا قدامنا كان بكون زي ضباب لندن
لمن بجي العرق يبلبل الارض ويريحنا
ذكرتني بي منديلي البشكير
كنت بين كل غنيه والتانيه ( بمصرو)
غايتو لو في جهه كانت بتدفع للناس قروش حسب العرق السكبوهو
انا بي حفلات بكري وامير بس كنت كنت اشتريت برج الفاتح
حليل الكلاكله وحفلاتها
Quote: خاصة لو العريس جاي من برة زيك يا عاطف
ومع دقة اروغ من هيثم تتدفق العواطف....والوالده قالداك وبتبشر بيك..
والخالات ببكن لوصولك |
غايتو وصفك دا عمل فيني ما لم تعملو سوره القيامه في ابو لهب
مـــــــــــــــالك علي ياخي
الفينا مكفينا برد وصقيع وجليد شهر خمسه
وغربه في بلاد تقتل حيتانها من البرد
وكمان داير تعرس لي؟
| |
|
|
|
|
|
|
|
|
|
Re: الفنان النوبي (( بكــري مكـــاوي)) عريــساً مبروووووك ( ومعانا صور) (Re: GamarBoBa)
|
الف مليون مبروك للاخ الفنان بكرى مكاوى وعروسته وانشاء الله بيت مال وعيال
شكرا ليك اخى عاطف على الاخبار السارة
يااخوانا يا من اندنا , الفنان جمال شريف لديه اغنية جميلة للعريس , ما عارف مافى فنان من الفنانين النوبيين الشباب امثال بكرى مكاوى غنى بيها , وهى بالمناسبة اغنية قابلة بتبديل او تعويض كلمات من كلماتها حسب مسقط راس العريس.
ومطلع الاغنية
تود عريس انقرونا
وبكرى مكاوى انقرونا
| |
|
|
|
|
|
|
|
|
|
Re: الفنان النوبي (( بكــري مكـــاوي)) عريــساً مبروووووك ( ومعانا صور) (Re: عاطف عبدون)
|
| Quote: حليل الكلاكله وحفلاتها |
وحليل المايقوما ( الحاج يوسف) حلة المحس وحفلاتها بالرائعين جدا
بكري
وامير
والصادق
الف الف مبروك لحبيبنا بكري وان شاء الله بيت مال وعيال ..
شكرا كتيرررر ياعاطف على الخبر الجميل ..
قمر بووووبا يلا منتظرنك بفارق الصبر ..
مسكاقجلو وو نوبانقو
ويفيجلوو يويونقوا ..
الظاهر البوست دهـ حيجيب ناس كتاااار ولازم يكون فووووووووق
التحية لجيمع المتداخلين ..
| |
|
|
|
|
|
|
| |
عاطف عبدون
Medhat Osman
GamarBoBa
hanouf56
سناء عبد السيد
ترهاقا
Ashraf yassin
ALazhary2
nabielo
فيس بوك
تويتر
انستقرام
يوتيوب
بنتيريست