|
Re: كله بيلعب علي كله في الرياض (Re: محمد نجيب عبدا لرحيم)
|
Quote: هذه هي الرياض عجايب المجتمع السوداني كله بيلعب على كله. |
لا حول ولا قوّة إلا بالله؛ وإنا لله وإنا إليه راجعون.
كل دا حاصل يا كابتن؛
عمّة شنو؟ وغبيرا منو واللا شنو؟
وإن كان كل اللّي عندكم دا؛ مهم أنا لسع ما قريت كويس
أنا طوالي برسّل لي برقية؛ للريس؛ أبوجهينة أشوف الحاصل شنو؟
لو بورداب الرياض برضو داخلين في الموضوع دا؛ تبقى مصيبة
والله دي وافضيحتاه اللّي قالوها زاتو
| |
|
|
|
|
|
|
Re: كله بيلعب علي كله في الرياض (Re: عبدالفتاح أبوشيمة)
|
Quote: لو بورداب الرياض برضو داخلين في الموضوع دا؛ تبقى مصيبة
والله دي وافضيحتاه اللّي قالوها زاتو |
الأستاذ / أبو شيمة .. تحياتى وفائق إحترامى
الرجل ما قال لك : مجتمع الرياض كله بيلعب كله وما فرز
جمعيات نسائية ورجالية ونوادى حنة وجرتك وزار كلها فلاشات وتصوير دعاية واعلان !!
| |
|
|
|
|
|
|
Re: كله بيلعب علي كله في الرياض (Re: ادم الهلباوى)
|
Quote: الأستاذ / أبو شيمة .. تحياتى وفائق إحترامى
|
الأستاذ آدم الهلباوي
لك أفضل تحيّة
وكل الاحترام الزائد
عزيزي هلباوي
وجدت مؤازرة من الأخ محمد نجيب في بوست؛ اسمو نفسي ألبس عمة؛
وجبنا سيرة ناس الرياض؛ لكن الموضوع دا ما عندنا علاقة بيه؛ وارجو أن تسجل لنا زيارة في هذا البوست المذكور.
ولكني أراك تحولت من صاحب البوست وخاطبتني؛ وشايف شوية نفسك قايم الموضوع شنو؟
ولو داخل كمصحح ما بطال بس وريني؛ ما فاهم أي حاجة.
وكان عندكم صراعات في الرياض؛ ياهو دا حالكم من زمان؛ قبال كدي عشت فيها أكثر من عشر سنين؛
انا البهمني بس موضوع عمتي دي وكيف ألبسها،
وياريت لو عندك طريقة لي دعاية للعمّة شرفنا ياخي وبي لنكاتك وفلاشاتك وصورك ما بطال؛ سمح ياخوي
وشكراً على التحيّة
كابتن نجيب تاني سلام.
| |
|
|
|
|
|
|
Re: كله بيلعب علي كله في الرياض (Re: محمد نجيب عبدا لرحيم)
|
يا كابتن المصحيك لي هسة شنو اوع تكون خليت الكورة واشتغلت غفير
على فكرة موضوعك ده خطيييييييييييييييييررررررررررررررررررر جدا زمان في بداية التسعينات حصلت لينا حكاية كلو بيلعب على كلو نايمين قفا وفجأة خطفوا مننا جمعيتنا - وقتها قلنا تضررنا ولمن رجعناها قالوا هم تضرروا وهكذا الرياض هيصة ورقيص وشراب قهوة كتامي وجلسات زار وحاجات كتيرة عشان كده سودانيي الرياض عمرهم ما حينصلح حالهم صراع عجيب والمشكلة ما زول فيهم داير يسمع الكلام كلو واحد راكب راسو ( راكب راسو دي كيف ) وانا عندي اثباتات علي كلامي ودامغة وتودي الهيئة قصدي تودي في داهية ( داهية تخمهم البعدا )
ناس تاكل في فته الحولية وتشتم سيد القبة وسيد القبة قبل ما يموت كان بيسرح ويمرح عندهم وبعدين ؟؟؟؟؟؟؟؟؟؟؟؟؟؟؟؟؟ والله حكاية الفهمتو فهمتو والمافهمتو ما ضروري والله الغاز وبوتجاز وانبوبة غاز ومن القوقاز لي اب حراز مشي بدون عكاز
| |
|
|
|
|
|
|
Re: كله بيلعب علي كله في الرياض (Re: محمد نجيب عبدا لرحيم)
|
Quote: الأخ الكريم / أبو شيمة .. تحياتى واحترامى
الأستاذ آدم الهلباوي
لك أفضل تحيّة
وكل الاحترام الزائد
عزيزي هلباوي
وجدت مؤازرة من الأخ محمد نجيب في بوست؛ اسمو نفسي ألبس عمة؛
وجبنا سيرة ناس الرياض؛ لكن الموضوع دا ما عندنا علاقة بيه؛ وارجو أن تسجل لنا زيارة في هذا
البوست المذكور. |
أبشر يا غالى حازوركم إن شاء الله بس ماقلت لي لوحدى وله معاى الدقل وعدة الشغل ؟!
وبرضو ماوضحت لى ( عمتك ) دى توتال وله كرب وله ساكوبيس بعدين هى اربعة متر ونص
وله زى بتاعت ( ترباز ) ده مهم جدا عشان نعرق القاس وإنت براك سيد العارفين !!
الأستاذ / نجيب ده مفروض من زمان يكون بوردابى لأنو رجل موسوعة بالرياض والما بعرفو بيجيبهو
ليه !! تصور لو كان موجود من زمان هنا كان حل لينا مشكلة الرياض الفيها كلو بيلعب على كلو
أنا عارف تانى ثلاثة أربعة بوستات كده من العينة دى حال الرياض بنعدل على الأقل يدق لينا
القراف عشان الجمال تخاف ........
| |
|
|
|
|
|
|
Re: كله بيلعب علي كله في الرياض (Re: ادم الهلباوى)
|
معليش يا ابو شيمة نسيت فى موضوع نجيب ده :
الراجل ماشاء الله عليه مع كل المواهب دى لا بنطق ولا بنفلق !!
ديل شباب مدنى .. مدنى يا مدنى .. ياالله لمدنى ..........
ديل ناس حديد ماشاء الله عليهم ناس حيدر قطاما ويسين كبس !!
| |
|
|
|
|
|
|
Re: كله بيلعب علي كله في الرياض (Re: ادم الهلباوى)
|
الاخ محمد نجيب
تحية وتقدير
مقيم منذ 18 عاما بالرياض ومااوردتة كانة الغاز بالنسبة لى وبما أننى مقيم فى مدينة الرياض وماذكرتة يصيبنى ببعض الرشاش احب ان اقول لك ذكرت شئ وغابت عنك أشياء ابدا ماسمعت بالجمعيات العلمية للسودانيين بالرياض والدور الذى تقوم بة هذة الجمعيات من تاهيل واعطيك مثالين لا اكثر رابطة المحاسبين القانونين السودانيين ومايقومون بة من تاهيل للمحاسبين وتاهيلهم لاجتياز امتحانات الزمالات المحاسبية واسال عن زول اسمو عمر عثمان ومايقوم بة ومن معة من جنود مجهولون . واسال كمان عن جمعية المهندسين الزراعيين والاطباء وبعد داك عمم ذى ما انت عايز ولمن تهبش مجتمع الرياض امل ان لاتنظر الية من خلال عيونك فقط
| |
|
|
|
|
|
|
Re: كله بيلعب علي كله في الرياض (Re: Mohammed Ahmed Saeed)
|
Quote: لو بورداب الرياض برضو داخلين في الموضوع دا؛ تبقى مصيبة والله دي وافضيحتاه اللّي قالوها زاتو |
.. Quote: الأستاذ / أبو شيمة .. تحياتى وفائق إحترامى الرجل ما قال لك : مجتمع الرياض كله بيلعب كله وما فرز جمعيات نسائية ورجالية ونوادى حنة وجرتك وزار كلها فلاشات وتصوير دعاية واعلان !! |
يا عبد الفتاح .. سلامات اعتقد انك لا تعرف الكثير عن بورداب الرياض .. ولا تعرف ايضا ان ما كتب في هذا البوست وما فيه من اسقاطات لا تعنيهم بشي .. يا هلباوي .. مفترض بدل المزاح دا .. كان توري الاسمو نجيب دا وكمان توري معاك عبد الفتاح .. والناس القرت الكلام دا .. والموجه لي جهة محددة لا تستطيع ان ترد هنا وهو عبارة عن تصفية حسابات خارجية لتنتقل هنا وللاسف تعمم على الكل دون جريرة .. كان توضح ليهم انو بورداب الرياض ما من هذه الفئة المتناحرة بل هم ناس محترمين انفسهم في المقام الأول ويرون كل هذا القرف .. لكن يقفون في معزل من أجل ان يقدموا لانفسهم ولوطنهم ما عجز هؤلاء عن تقديمه .. وعادوا إلى مثل هذا التراشق بالكتابات .. والتصرفات الغير مسؤولة .. بورداب الرياض بما فيهم اسرهم .. لهم شرف انهم لا يعرفون عن هذه السلوكيات .. ولا هذه التصرفات الهمجية .. كلهم واسرهم بعيدين كل البعد عن ما اشار كاتب البوست من تلميحات غير كريمة .. ويعمد بها إلى تصفية حساب بالخارج .. اشفق على هذا البورد .. قام من أجل ابناء الوطن الواحد فإذا به .. تزحف له فئات غريبة لا ادري من أين اتوا .. وكيف يسمحون لأنفسهم بمثل هذه الكتابات .. من كانت له تصفية مع اي كان من مخلوقات الله .. فيجب ان يبعد بها بعيدا عن جسم بورداب الرياض واسرهم ..
شئ مقرف جدا ..
| |
|
|
|
|
|
|
Re: كله بيلعب علي كله في الرياض (Re: tmbis)
|
أخي تمبس بعد التحية والتقدير أولا هذه المرة الأولى التي تكون لي مداخلة مباشرة او غير مباشرة معك وأعجبني نأيك ببورداب الرياض عن ما يحدث في جمعيات وروابط ومنتديات وتجمعات الرياض السودانية فبورداب الرياض كجسم وكيان لم نسمع عنه حتى الآن عن إنقسام أو إنشقاق أو مهاترات وكان يجب أن توضح للأخ عبد الفتاح بشكل او بصورة غير تلك خاصة وأن نجيب لم يشر إلى بورداب الرياض لا من قريب او بعيد ولكن كان إستفسارا من مداخلة وكان يجب ان توجه مداخلتك بصورة مباشرة لصاحب المداخلة واتمنى من الله ان يحفظ جسم بورداب الرياض ويرجع الآخرين الى صوابهم فوالله لا نتمنى لأي أحد أو أي تجمع إلا كل خير لأن ذلك الخير عندما يخصهم فإنه يعمنا جميعا وكلنا إلى بعضنا محتاجون ونشد أزر بعضنا البعض وننام فريري الأعين في ظل تكاتف الجميع والكلمة الطيبة بتهد جبال فما بالك لا تهد هذا الجليد الهش الذي يقف حائلا بين سودانيي الرياض لك معزتي ومحبتي
| |
|
|
|
|
|
|
Re: كله بيلعب علي كله في الرياض (Re: منزول محمد توفيق)
|
Quote: وكان يجب أن توضح للأخ عبد الفتاح بشكل او بصورة غير تلك خاصة وأن نجيب لم يشر إلى بورداب الرياض لا من قريب او بعيد ولكن كان إستفسارا من مداخلة وكان يجب ان توجه مداخلتك بصورة مباشرة لصاحب المداخلة |
سلامات يا منزول ما دخلت هنا من أجل ان اوضح لعبد الفتاح لا من بعيد ولا من قريب .. لكن دخلت من أجل ان اثبت فكرة محددة لآدم الهلباوي .. واعتقد انها وصلته تماما أما بخصوص الأخ عبد الفتاح فاعتقد انني لو كنت في حال ان اشرح له عن بورداب الرياض .. كان لي طريقة اخرى غير هذا البوست .. واخيرا اعتقد ان الاخ عبد الفتاح يمكن ان يكن بيننا طريق للتواصل طالما هو هنا في هذه المساحة .. وأن يوصل يل الفكرة بشكل اوضح مما حاولت ان توصلها .. تحياتي لك ..
| |
|
|
|
|
|
|
Re: كله بيلعب علي كله في الرياض (Re: tmbis)
|
أخى المحترم جدا / تمبس .. تحياتى وفائق إحترامى
صدقت والله حاجة تقرف .. يا أخوى الحال يغنى عن السؤال ويبدو لي البوستات
الإنت ذكرتها دي بس الدخلت فيها لكن كده نقب ولسع تابع بقية البوستات
تتذكر يا تمبس لما دعى نائب السفير ( يسين ) بورداب الرياض على ما أظن
قبل سنتين وعلى ما أذكر كان هنالك إسماعيل وراق وحميدة وآخرين لماذا
كانت تلك الدعوة كانت للاستقطاب وكده عشان البورداب يكونوا لسان حال السفارة
وبث التوجهات لكن يبدو وقتها كان كل منايدرك دوره ويتفهم معانى وإنفضت السيرة
وذلك لا يعنى أن هدف السفارة إنتهى لابد من تسعى وتسعى ويبدو أخيرا وجدت ضالتها
فى بعض من بورداب الرياض أنا لم أتهم أحد لكن الصور الكتيرة المشتتة فى المنبر
تغنيك عن السؤال ولأنهم هم جزء من بورداب الرياض قطع شك بورداب الرياض حيصيبهم منو
رشاش هذاالذى أقصده دون تاويل وأيضا الأخ الريس ابو جهينة فتح بوست حولنا له وجهة
نظرنا بكل اريحية وموضوعية دون همز ولا لمز وأدخل فيه تفتكر أنا لما قلت الكلام ده
ما عارف ما هى ردود الأفعال !! والله عارف وكمان إلى أى مدى تصل لكن يا صحبى نحن نؤمن
بأن الذى يسكت عن الحق أو مجرد يدارى عليه شيطان اخرس .. وأنا طلبت من الريس أبو جهينة
أن ينعدل الحال لأننا كلنا أعضاء فى بورداب الرياض إن شاء الله يكون وضح ليك كلامى مع تحياتى
وفائق إحترامى وإنت برضك عزيز وغالى ...
| |
|
|
|
|
|
|
Re: كله بيلعب علي كله في الرياض (Re: ابو جهينة)
|
اخى العزيز / نجيب عبدالرحيم البحترى فتاح المغطغط .. تحياتى وإحترامى
إنت طبعا كل يوم بتتعشى هناك الجديد شنو يا أخوى !!
أنا عارفك بتاع المندى التحت الكبارى فى الشميسى قالوا كل المؤامرات تحاك هناك
مش ده برضك وله فى مكان جديد عاجلا نفاد !!
| |
|
|
|
|
|
|
Re: كله بيلعب علي كله في الرياض (Re: tmbis)
|
كلامي المكتوب لن يتكلم عن بورداب الموقع
ولا توجد جمعيات مشاركة في الموقع ونحن نقيم في هذه البلاد الطيبة قرابة خمسون عاماً ونتكلم عن ظاهرة وليس عن اشخاص ونحن لا نعرف تصفية الحسابات نعرف المواجهات ونعرف مكانها واذ اكملت السنة الثانية سوف تعرف الكثير ونحن نرى بعين وانت ترى بعين ولكل رايه واخيراً تكلم بأدب وكلمة قرف دى شوف ليها حل
| |
|
|
|
|
|
|
Re: كله بيلعب علي كله في الرياض (Re: Mohammed Ahmed Saeed)
|
الأخ محمد لك أجمل التحايا ليس كل مجتمع الرياض سئ ولكن السواد العظم أكثر من سئ والجمعيات والشخصيات التي ذكرتها كلها نظيفة ونسمع عنها لكن الجماعة حاجبين عنهم الأضواء في كل المناسبات ونتمني أن نتعرف الي هؤلاء الصفوة التي بلا شك ستكون إضافة لنا جميعاً بدلاً من الكوابيس التي نشاهد علي مدار الايام والسنين ناس كله بيلعب على كله
| |
|
|
|
|
|
|
Re: كله بيلعب علي كله في الرياض (Re: ادم الهلباوى)
|
Quote: وآخرون فوق الخمسين والستين والسبعين لازال يتشبثون بالرئاسة ولا يتذكرون قول الرسول صلي الله علي وسلم من دخل الأربعين فليتحزم للرحيل وهم في تيههم ودلالهم ونرجسيتهم ويعشقون الإعلام ويذوبون مع الفلاشات. ويشاركون الجمعيات النسائية مرورا بالحنة والمنكير وصياغة نظامها الأساسي وافتعال المناسبات للأحياء والأموات وليس للترحم عليهم ولكن للمتاجرة بذكراهم وهؤلاء كثر بل يطمحون إلي اعتلاء مناصب قيادية في ربوع الوطن ونسوا أنهم في خريف العمر ويحتاجون إلي فتح حساب مع الصيدليات بدل البقالات ولكن المطبلاتية يوهمونهم بذلك وكله يلعب على كله. هذه هي الرياض عجايب المجتمع السوداني كله يلعب على كله. |
محمد نجيب
على سبيل التحية
| |
|
|
|
|
|
|
Re: كله بيلعب علي كله في الرياض (Re: ابو جهينة)
|
أستاذى الجليل الحبيب أبو جهينة هذا هو الواقع في مجتمع الرياض كم من كهل لا زال يركض وراء نزواته كأنه في ربيع العمر وذلك من خلال ما يسمعه من المطبلاتية وكله بيلعب كله ولك أعطر التحايا
| |
|
|
|
|
|
|
Re: كله بيلعب علي كله في الرياض (Re: عمران حسن صالح)
|
Quote: والآن أقول مع الحبيب تمبس : يا للقــــــــــــرف ... |
قرف بس يا عمران وتفووو كمان .. ليهو حق تمبس يقول كده وأكتر .. الرياض دي ما جيناها الليلة .. والعايز يعرف يجينا بي ورقة وقلم .. والعايزين نقول ليهو أعور بنقوله ليهو عديل في وشه .. الكلام المغتغت ما بنعرفو ..
Quote: والآن أسأل الطالب : ما بكـ يا رجل .... تبتسم ؟؟؟؟؟؟؟؟؟؟؟؟؟؟ ... ولا عودة .... |
مسكين الطالب لقى ليهو غزوة .. خليهو يغزو يا عمران .. وما أظنه بغازي ..
| |
|
|
|
|
|
|
Re: كله بيلعب علي كله في الرياض (Re: محمد نجيب عبدا لرحيم)
|
كيفك أخي نجيب .. أنت تعلم جيداً عن الرياض وأحوالها بحكم حاجات كتيرة وبحكم عملك في بعض منظماتها .. وصدقني إثارة مثل هذه الأشياء لا تخدم أحد .. وإعادة الترتيب بقت أصعب والنأي عن ما يدور فيها هو الحل الأمثل .. لذلك لا نريد لبوردب الرياض أن يكونوا طرف في إحدى صراعاتها ..
تحياتي وتقديري ..
| |
|
|
|
|
|
|
Re: كله بيلعب علي كله في الرياض (Re: محمد نجيب عبدا لرحيم)
|
Quote: عمتك دى يا عبدالفتاح |
هوي يا كابتن
عمّتي دي ما تقربا
مش كفاية انتو الهلالاب والمريخاب بتحرقوها بالعوارة الماجستيرية ظاتا؟
ولّع بعيد غادي غادي؛ قَبُلْكُم وحدكم
ما علينا ما علينا؛
تولّع زي ما تولّع
ياأخي انت محمد نجيب ظاتو
والله ثورة يوليو ظاتو؟
بسم الله النبي نوح
Kutchup
والشطة ظاتو
| |
|
|
|
|
|
|
Re: كله بيلعب علي كله في الرياض (Re: محمد نجيب عبدا لرحيم)
|
Quote: وآخرون فوق الخمسين والستين والسبعين لازال يتشبثون بالرئاسة ولا يتذكرون قول الرسول صلي الله علي وسلم من دخل الأربعين فليتحزم للرحيل وهم في تيههم ودلالهم ونرجسيتهم ويعشقون الإعلام ويذوبون مع الفلاشات. |
اخوي نجيب مسكاقمي يا اخوي انت فوق الخمسين ومشارك ليه تعيب على الآخرين ولا حرام على بلال الدوح وحلال على الطير من كل جنس
| |
|
|
|
|
|
|
Re: كله بيلعب علي كله في الرياض (Re: محمد نجيب عبدا لرحيم)
|
الإخوة/ بورداب الرياض الأعزاء
السلام عليكم ورحمة الله وبركاته
أقول لكم وبكل احترام وتقدير؛
وبالحرف الواضح؛ أنني والله أعلم؛ لا أعلم شيئاً عن بورداب ألرياض؛ ودخلت عن طريق الخطأ غير المقصود.
حتى لا أعلم شيئاً عن الرياض؛ إلا في زمن بعيد أكثر من 15 سنة؛ والعبارة نفسها لم أقصدها لذاتها
كنت أقصد الكلام عن الإخوة السودانيين؛ بخصوص؛ موضوع لا علاقة له؛ لبوست عن العمة؛ أستفز مشاعر إخوتي
ولا علاقة لي مع الأخ نجيب؛ في تصفية حساباته؛ إنما خانني التعبير.
عليه فأرجو أن أؤكد ذلك؛ والمسامح كريم.
وشكراً
| |
|
|
|
|
|
|
Re: كله بيلعب علي كله في الرياض (Re: عبدالفتاح أبوشيمة)
|
الأخ عبد الفتاح سبق ان تكلمت معك عدة مرات ليس لدى تصفية حسابات مع أى شخص ولم أقل لك مثل هذا الكلام وأنا أتكلم عن ظاهرة وليس أشخاص وانت تعلم أنا أنسان شفافي وإذا كانت لى تصفية حسابات أنا قادر ومقتدر أن أجسدها على أرض الواقع فهذا المكان ليس مكانها
ولك تحياتي
| |
|
|
|
|
|
|
Re: كله بيلعب علي كله في الرياض (Re: محمد نجيب عبدا لرحيم)
|
في دي صدقت؛ خصوصاً؛إذا ختّينا شدّة فوق الفاء الأولى؛ يعني شغل تصحيح بس.
أما أنا؛ وأعوذ بالله من قولة أنا
تاني ما بصدّقك لو أكلت الجمر قدّامي.
وافتكر كفاية الحصل؛
ورجاء تاني ما تجيب سيرتي في بوستيك دا؛ واللا غيرو.
وافتكر باي باي الطويلة اللي كتبتها ليك واضح معناها.
مع فائق احترامي للجميع
| |
|
|
|
|
|
|
|