كتب الكاتب الفاتح جبرا المتوفرة بمعرض الدوحة
|
Re: هى دى ما أغنيتى .. على قناة النيل الازرق !! (Re: bushra suleiman)
|
يامواسم ***** يا مواسم توّهينى وزيدى فى عينىّ أساهــا ما دروبى بدون عيونا ، ماشه فى سكة متاهة ** ** كنت قايلِك يا غيوم ، يوم تجيبِك لينا صُدفــه الشموس ترقص معانا ، والضباب البينا يٍصفا وكنت قايل بى وجودِك ، النجوم تخضرّ إلفـه إلاّ خوفى على عيونِك ، ألقى ريدنا الفيها جفَّ ** ** الغريب من قبلِك إنتى ، ما عرفتَ دروب مَحنّة لا عيون بكّت عيونى ، ولا خُطاى تاهت مظنّه إلا فيك أنا روحى تاهت، والقليب بى ريدو جَنَّ وما أظن من غير عيونك، ألقى فى دُنياى جنّـة ** ** ياعيون .. دوّبنى ريدا ، شوفى لى سكّة سلامه إنتى لى كل الامانى ، وإنتى مرسى وابتسامـه وإنتى رحلة عمرى كُلّو، وباقية فى دُنياى علامه أصلى عايش فى حِماكى وخطوى من دونك ملامه
تقديري استاذ بشرى في كل المواسم..
| |
|
|
|
|
|
|
Re: هى دى ما أغنيتى .. على قناة النيل الازرق !! (Re: bushra suleiman)
|
بشرى ...
Quote: يامواسم ***** يا مواسم توّهينى وزيدى فى عينىّ أساهــا ما دروبى بدون عيونا ، ماشه فى سكة متاهة ** ** كنت قايلِك يا غيوم ، يوم تجيبِك لينا صُدفــه الشموس ترقص معانا ، والضباب البينا يٍصفا وكنت قايل بى وجودِك ، النجوم تخضرّ إلفـه إلاّ خوفى على عيونِك ، ألقى ريدنا الفيها جفَّ ** ** الغريب من قبلِك إنتى ، ما عرفتَ دروب مَحنّة لا عيون بكّت عيونى ، ولا خُطاى تاهت مظنّه إلا فيك أنا روحى تاهت، والقليب بى ريدو جَنَّ وما أظن من غير عيونك، ألقى فى دُنياى جنّـة ** ** ياعيون .. دوّبنى ريدا ، شوفى لى سكّة سلامه إنتى لى كل الامانى ، وإنتى مرسى وابتسامـه وإنتى رحلة عمرى كُلّو، وباقية فى دُنياى علامه أصلى عايش فى حِماكى وخطوى من دونك ملامه
|
دا الشغل ولا بلاش ..
صنفرة :
أوعاك تفكر في (البت القاذفة) القلتها ديك
| |
|
|
|
|
|
|
Re: هى دى ما أغنيتى .. على قناة النيل الازرق !! (Re: bushra suleiman)
|
تعرف يا ود حاجة شفوقه الواحد مننا بقى سمو فاير بس متين يصل السودان ويدخل استوديوهات الإذاعة والتلفزيون ويطرح الجديد والقديم مره واحدة وبعدين زي ما قال الشاعر (البقت بقت) . أغنيتك الجديدة جاهزة ومعاها القديمة العيون الشايله شوقها وخايفه لي عينيك تحكي طاله حنك ولمحه منك لو ظروف جابتنا نشكي
وبعدين طالما صاحبك بقى يلحن إنت لحن أو (سمكر) ونحن في انتظار إنتاجكم بكل روعته
عادل التجاني
| |
|
|
|
|
|
|
Re: هى دى ما أغنيتى .. على قناة النيل الازرق !! (Re: عادل التجانى)
|
عادل التجاني نعمنك ما بترد على مداخلاتي ليك... و لكن إنت صديق عزيز و مكانك القلب.... المهم الماحي سليمان لحن أغنية بيقول مطلعها:
مرة عاين في المراية و شوف جمالك آية آية لو عيونك كذبنك..... أبقى أسألنا.... و كفاية.....
غنيناها في جمعية التراث مع المرحوم محمد الحسن خيري في سبعينات القرن الماضي مع (أصلو يا نيل)ثم غناها العميري ثم غنيته إنت....و على ما أظن من كلماتك يا بشرى....الحصل عليها شنو يا عادل اللحن ده جميل جدا..... مع ودي و إحترامي
| |
|
|
|
|
|
|
Re: هى دى ما أغنيتى .. على قناة النيل الازرق !! (Re: Azhari Nurelhuda)
|
العزيز ازهرى تحية ود وامتنان .. انا بتذكر اغنية المراية وكان عادل بيغنيها دايماً فى المنتدى وهى كما تفضلت من الحان العزيز د/الماحى .. وللاسف هى ليست من كلماتى ، واعتقد انها من كلمات هلالى ان لم تخنى الذاكرة .. وهى من الاغنيات الجميلة التى مازالت عالقة فى الذاكرة حتى الآن . تقديرى لك
| |
|
|
|
|
|
|
Re: هى دى ما أغنيتى .. على قناة النيل الازرق !! (Re: bushra suleiman)
|
Quote: قصيدة جميلة يا بشرى
أبدع و أبدع و أبدع في تلحينها و تقديمها عادل الصديق!
شكرا على الإضافة الجميلة لمكتبتنا الغنائية. |
تقدير يا معز على اهتمامك ومتابعتك الراقية .. ولكن اصحح المعلومة الخاصة بالتلحين فهى من الحان الاستاذ د/صلاح محمد الحسن وكان من المفترض ان يتغنى بها الفنان الراحل احمد ربشة ولكن ظروف سفر الفنان آنذاك الى الامارات ادى الى تعطيل المشروع فتغنى بها عديد من الفنانين منهم عبدو الصغير وثنائى الجيل وعادل الصديق واخيراً استقرت بيد هذه الفرقة التى كونها الاستاذ صلاح. لك محبتى الاكيدة وتقديرى
| |
|
|
|
|
|
|
Re: هى دى ما أغنيتى .. على قناة النيل الازرق !! (Re: bushra suleiman)
|
الأديبُ / بُشْرَى سُليمانْ ..
تَحايا .. وسَجَايا مِنْ
نُورْ ..
ذاتَ صباحٍ رأيْتُ أُستاذاً
( قَـريبَكْ .. أبا بكرٍ )
يَسْألُ عنْكَ هُنا فأجَبْتُهُ
بما أعْـلَمْ ،
ولإنْشغالِهِ لَمْ يُصَوِّبْني
فيكْ ..
فحَمْدَاً للهِ على عَودتِكَ مُشْرِقَاً
و سالِمَاً مِنْ وَجَعِ القَصيدْ ..
احترامي ...
أخوك / مُحَمَّد زين ...
| |
|
|
|
|
|
|
Re: هى دى ما أغنيتى .. على قناة النيل الازرق !! (Re: bushra suleiman)
|
كلمات جميلة . ولحن غاية في الروعة ... بس كنت أتوقع من د.صلاح أن يقوم بتوزيع اللحن على المؤديات في شكل خطوط هارمونية .. وهو الأستاذ بكلية الموسيقى والدراما ...
يعني ما ليها معنى أن تؤدى الأغنية بواسطة كم صوت لو لم يستخدم هذا العدد في خطوط الثالثة والخامسة وشغل الكونتر بوينت .. ولا شنو يا الموصلي .. فلا يفتى ومالك بالمدينة ...
| |
|
|
|
|
|
|
Re: هى دى ما أغنيتى .. على قناة النيل الازرق !! (Re: bushra suleiman)
|
عزيزى زمراوى التحية والود يا جميل .. رغم ان الفرقة على مااعتقد فى بداياتها .. الا اننى اعتقد انها محاولة جيدة من الدكتور صلاح فى تقديم شكل غير مألوف فى الاغنية السودانية ، واعتقد انو بيحتاج الى اعمال غنائية تختلف فى المضمون عن ما تعارفنا عليه فى مجال الاغنية السودانية .. وقد سبق للاستاذ يوسف الموصلى ان تحدث معى فى هذا الموضوع وهو صناعة الاغنية عن طريق ورشة عمل بين الشاعر أو مجموعة الشعراء والملحن والمؤدى أو المغنى بدلاً من الاعتماد على الاعمال الجاهزة .. واتمنى ان نستطيع تحقيق هذه المعادلة يوماً ما .
مودتى لك وخالص اعزازى .
| |
|
|
|
|
|
|
Re: هى دى ما أغنيتى .. على قناة النيل الازرق !! (Re: bushra suleiman)
|
Quote: بشري شفوقة بن خالتي .. انت كنت وين ؟؟؟ عملت ليك بوست خاص منذ مدة لما طال غيابك "اين بشري سليمان ؟ " ولم تظهر الا اليوم .... المهم تكونو كويسيين |
الحبيب ابن الخالة الباشمهندس ابوبكر مسكاقنا ويا فينا .. تسأل عنك العافية يا جميل الدواخل .. وانت عارف نتقلب هنا بتقلبات الطقس ، والاحوال المنيلة فى ستين نيلة بالبلاد .. ونعاود مرة اخرى لنبحث عن مكامن الجمال فى احرف تنثر هنا وهناك . ربنا يديك العافية والصحة ونتلاقى فى اوضاع احسن وايام اجمل ان شاءالله .
| |
|
|
|
|
|
|
Re: هى دى ما أغنيتى .. على قناة النيل الازرق !! (Re: bushra suleiman)
|
Quote: وإنتى رحلة عمرى كُلّو، وباقية فى دُنياى علامه أصلى عايش فى حِماكى وخطوى من دونك ملامه....
|
الملامة إنه يا بشرى هذه أغنية جميلة جدا بس ما محظوظة.... و أنا كلما أمسك عود بغنيها بحب وهي تسكن في العصب... و هي من جميلات إنتاجكم إنت وصلاح محمد الحسن الرجل اللحان... أعملوا حاجة يا أخوانا.....
| |
|
|
|
|
|
|
Re: هى دى ما أغنيتى .. على قناة النيل الازرق !! (Re: bushra suleiman)
|
يا سلالالالالالام يا أستاذ بشرى ياخي.. بالله الاغنية دي حقتك ؟؟؟ والله رجعتني لى زمن ، الله يعيدو .. سمعتها ( زمان ) بصوت عبدو الصغير ، وفعلت بي ما فعلت .. ياخي الله يريّحك ، إنت و ملحنها ومغنيها ومستمعها ..
رعى الله ذلك الزمن الجميل ، والغنا الجميل ، والناس الأجمل ..
| |
|
|
|
|
|
|
|