|
|
|
 Re: يا هو دا سامي الحاج الفرحــانيــن بــيهــــو ؟؟؟؟ (Re: ahmed haneen)
|
سامي الحاج أضحى رمز للصمود يا أحمد ..
و سامي الحاج لم يذهب لأفغانستان مقاتلاً ..
و حينما أعتقل لم يكن يحمل سوى كاميرا الجزيرة التي أزقلقت مضاجع أمريكا ..
و أمريكا نفسها لم تقل أن سامي كان محارباً أو إرهاباً ..
أمريكا قد تبين لها خطأها و لم تقوى على صموده ..
أما أنت فيبدو أن خروجه و صموده المشرف قد أزعجك و لم يفرحك ..
فرحون نحن لسامي الذي علم الناس الصمود ..
وفرحانين لثباته الذي علم الجبل الثبات ..
ياخي أمريكا ـ ست الوجعة ـ ذاتها فرحانة أنت المزعلك شنو ؟؟
| |
 
|
|
|
|
|
|
|
 Re: يا هو دا سامي الحاج الفرحــانيــن بــيهــــو ؟؟؟؟ (Re: ahmed haneen)
|
يا عصام ..
ما جاوبت علي الأسئلة ..
هاك الرابط دا
سامي الحاج .. الحرية مقابل الحاويات !!
ومنه اقرأ
Quote: وحتى مساء الخميس صرحت الحكومة الامريكية بان سامي الحاج ( عدو مقاتل) وان قرار احتجازه يستند الي استخبارات سرية، وان سامي كان يمكن ان يبقي في السجن حتي انتهاء اعمال العنف !! ونقف عند قول كومندان جيفري غوردون ان نقل سامي الحاج الى السودان تم اعتقادا على ان الحكومة السودانية قادرة على تقليص الخطر الذي يشكله سامي الحاج!!
اذا سامي الحاج يشكل خطرا فى نظر امريكا ولكنها اطلقت سراحه ربما لاتفاق سرى بين الحكومة السودانية وامريكا، وتزامن اطلاق سراحه اطلاق حكومة البشير لشحنة حاويات امريكية كانت حكومة الخرطوم تحتجزها فى ميناء بورتسودان، وافرجت عنها قبل ايام قلائل، مما يؤكد فرضية الصفقة !!
|
الغريبة انو ما شبه الصور
| |
|
|
|
|
|
|
|
|
|
Re: يا هو دا سامي الحاج الفرحــانيــن بــيهــــو ؟؟؟؟ (Re: ahmed haneen)
|
الأخ أحمـد حنين،
أنا ضـد ما يسمى أدلـة سـريـة.. هـذه الأدلـة السريـة لو ترتب عليهـا إحتجاز شخص
دون محاكمـة أو حتى دون تحرى، فيجب على كل من هو حادب على حقوق الإنسـان
والعدالـة معارضتهـا.. الأدلـة السريـة يمكن جمعهـا والتحرى حولهـا بدون إعتقال
الشخص.. أما الإعتقال فيجب أن يكون وفق أدلـة بينـة وواضحـة، يواجه بهـا المتهم
أمام قضاء مستقل ويعطى الفرصـة للدفاع عن نفسـه. الحكومة الأمريكيـة كانت تحتجز سامى
كعدو محارب Enemy Combatant ولا نستطيـع إثبات أو نفى هـذه التهمـة لأننا لسنـا قضاة،
ولكن الواجب الأخلاقى يحتم علينا أن نرفض عدم الشفافيـة حين يتعلق الأمر بحقوق
الإنسـان وحريتـه وكرامتـه.
| |
|
|
|
|
|
|
|
|
 Re: يا هو دا سامي الحاج الفرحــانيــن بــيهــــو ؟؟؟؟ (Re: ahmed haneen)
|
شكرا
ابو الريش ..
انا اتفق معك تماما..
لكن ..السؤال ..
ما مغذي احتفاء الأنقاذ بسامي الحاج ..
كتب
ياسر الشريف
Quote: حملة علاقات عامة من أجل المزايدة..
أليس النظام هو الذي تعاون مع السي آي إيه وسلم مطلوبين وسلم معلومات عن كثير من الإسلامويين؟؟
السودانيون ركبوا موجة قناة الجزيرة وعلى رأسها وضاح خنفر، بينما تقبع رئاسة القوات الأمريكية في قاعدة في قطر!!
كل هذا نوع من التضليل وذر الرماد في العيون..
|
| |
|
|
|
|
|
|
|
|
|
Re: يا هو دا سامي الحاج الفرحــانيــن بــيهــــو ؟؟؟؟ (Re: ahmed haneen)
|
Quote: لكن ..السؤال ..
ما مغذي احتفاء الأنقاذ بسامي الحاج .. |
الأخ أحمد حنين..
عليك الله هسي خلينا من (مغزى) احتفاء الإنقاذ بعودة سامي..
إنت في رقبتك دي ما فرحان بعودة سامي الحاج حراً طليقاً؟؟
إذا لم تكن كذلك أنصحك نصيحة لوجه الله... عليك بمراجعة
إنسانيتك وعاطفتك ووطنيتك ..
عودة سامي ولحظة لقاء إبنه (محمد) تبكي حتى اليهود..
يا جماعة دي (تعاسة) شنو الوقعنا فيها دي؟؟؟
شكراً على أي حال..
| |
|
|
|
|
|
|
|
|
|
Re: يا هو دا سامي الحاج الفرحــانيــن بــيهــــو ؟؟؟؟ (Re: Mahmoud Mustafa Mahmoud)
|
Dear Ahmed
This is so weird!
What in the world are you after?
Aren’t you happy that he is free now after years in prison without a trial?
Or you would rather want him to stay in prison for the rest of his life?
And you point to irrelevant issues; who met him, how does he look like now, and so on. As far as am concern justice DOES NOT discriminate based on what you have said, so if you are calling for law governess you should call it for all people even for “criminals”.
This is pathetic and irresponsible.
(Sorry I don’t have Arabic key board right now, hopefully will do later)
| |
|
|
|
|
|
|
|
|
|
Re: يا هو دا سامي الحاج الفرحــانيــن بــيهــــو ؟؟؟؟ (Re: Abubaker Ahmed)
|
| Quote: وان قرار احتجازه يستند الي استخبارات سرية |
دحين دي مو ياها زاتا الإستخبارات السرية الخلت الرئيس الأمريكي يلعلع في القنوات بأن العراق يمتلك أسلحة الدمار الشامل ؟؟
مو ياها زاتا الإستخبارات الدخلت العراق في حيص بيص ؟؟؟؟
حنين عليك بالجزيرة الوثائقية وبالذات برنامج "حرب رامسفيلد" عشان تعرف كيف الناس ديل (بعملوا) -أقصد- بجمعوا معلوماتهم الإستخباراتية السرية ..
الحاجة التانية يا حنين خلي نضالك فيهو شوية برفيشناليزم .. عشان ما تعمل وجع قلب لمن يناصرونك .. لأنو بصراحة كدة طريقتك السازجة دي بتخلي ناس المعسكر التاني يضحكوا عليك... كدة يعني 
أبو فتحية
| |
|
|
|
|
|
|
|
|
|
Re: يا هو دا سامي الحاج الفرحــانيــن بــيهــــو ؟؟؟؟ (Re: ahmed haneen)
|
العزيز أحمد حنين...
لك التحية والتقدير..
قلت:
| Quote: اي فرحان .. بأنه واحد سوداني معتقل اصبح حرا.. |
ويا ريت لو تقرط لينا هنا بس...
الحرية للجميع يا حبيب..
موضوع حرية سامي بعد سنوات في غياهب غوانتانامو لا يصلح للمزايدة
بأي حال من الأحوال..
وعلى قلة معرفتي بالسياسة.. أقول:
إن سامي الحاج شأنه شأن كل المعتقلين ، عندما يفرج عن أي واحد منهم
يعاد إلى بلاده..بعد ترتيبات مع (حكومة) تلك البلاد أو سلطتها ذات السيادة..
واحتفاء قيادات تلك الحكومة وعلى رأسهم رئيس الجمهورية بعودة هذا المواطن
الذي أصبح اعتقاله قضية رأي عام عالمي .. تبدو لي أمراً طبيعياً ..
أرجو ألا تحمل الأشياء فوق طاقتها..
ومرحباً بالمواطن سامي الحاج حراً طليقاً .. له ما لنا وعليه ما علينا..
والمجد للوطن..
| |
|
|
|
|
|
|
|
|
|
Re: يا هو دا سامي الحاج الفرحــانيــن بــيهــــو ؟؟؟؟ (Re: ahmed haneen)
|
أخونا احمد حنين
سامي تم تعيينه مصورا في الجزيرة من يوم اشتغل فيها ..خلاص التاريخ بقي واضح ليك ..ياخي مالك عاوز تقتل الفرح في نفوس الناس ياخي ..عليك الله اكتب وقول اي حاجة عن دارفور وسب النظام والسلطة والبشير زاتو وطلع روح اي زول لكن الحاجة الحلوة علينا نعيشها زي ماتجي ..هو كوز هو افغاني ..
زي ماقال ليك اخونا محمود مصطفي بالله لقاءه مع ولد مش يقطع القلب ..ملعيش انا فهمي للساسية زي فهم الترابي للاسلام تصدقا لكن اتفق معاك في شئ واحد الحرية هي هواء حق لك الناس ولا يملك اناس قطع هذا الهواء الا الخالق بس ...
وبعدين انت ماعاوز تكمل نحن في انتظارك ياخي عامل عمتك السمحة دي
سلامي وحبي وتقديري ليك وللاسرة الكريمة
اخوك ود الزين
| |
|
|
|
|
|
|
|
|
|
Re: يا هو دا سامي الحاج الفرحــانيــن بــيهــــو ؟؟؟؟ (Re: ABUHUSSEIN)
|
| Quote: كيف ومتي تم تعيين سامي الحاج مصورا في قناه الجزيرة؟؟؟ |
مناضلنا الجسور ..
غايتو كلمة (متى) الجبتها دي فضحتك فضيحة ..
ياخوي إنت خليت النضال وبقيت حسود وللا شنو؟؟
أول مرة أشوف لي مناضل بيحسد الناس ..
في حين إنو المفروض هم اليحسدوك على مكانتك السامية التي تبؤاتها بفضل النضال..
يقوموا يلقوك متابع ليك شغلة تعبانة زي دي ؟؟؟ فلان متين إشتغل وعلان كيف إشتغل ؟؟ خجلة غايتو ؟؟
بالمناسبة متى دي ما شغالين بيها كتير... لكن كيف دي تقوم تورينا ليها إنتا..
أها كيف؟؟
| |
|
|
|
|
|
|
|
|
|
Re: يا هو دا سامي الحاج الفرحــانيــن بــيهــــو ؟؟؟؟ (Re: ahmed haneen)
|
اسالك بالله ايه الفرق بينك و خضر عطا المنان ... اما تكتب بمبداء خالف تذكر او لشئ في نفسك (اجندة خفية) ... ياخي افرح ده اخوك في المواطنة (ده الكلام الفالقينا بيه).
و لا داعي للعنوانين المثيرة (مثل عنواين الصحافة الصفراء) اكتب العندك من غير لف ة دوران, يعني جيب من الاخر.
افتكرت تحت القبة فكي عند مواجهتك لخصر ... لكن يكا خصر او اسوء (ربما خضر محترف الشغلانة لكن انت تحاول تحترف شغلانة السواطة ...
في زول عند نصف عقل يستشهد او يشيد بالنكرة الملفقة المتوهمة سارة عيسى ...
سامي الحاج تاج في رؤوس كل الشرفاء.
| |
|
|
|
|
|
|
|
|
|
Re: يا هو دا سامي الحاج الفرحــانيــن بــيهــــو ؟؟؟؟ (Re: ahmed haneen)
|
العزيز أحمد حنين تحياتي
من حيث المبدأ تجدنا متفقين بشأن إطلاق سراح سامي الحاج ورفاقة حيث لم توجه لهم تهمة تستدعي محاكمتهم وبالتالي فإن إطلاق سراحهم يظل مبدأ قانوني يكتسب التقدير والإحترام من غير ما نتوقف علي حيثيات صاحبت ذلك الحدث وما قبلة من إطلاق سراح شمل مجموعة من السودانيين كانوا في المعتقل الأمريكي , ولكن ما حدث بعد إطلاق السراح يجعل مجموعة من الأسئلة تفرض نفسها علي المتابع للشأن بشكل لا مندوحة من محاولات هنا وهناك لتقصي أو سبر غور هذه التصرفات اللاحقة وبالعودة لما قبل الحدث فإن هناك مجموعة من السودانيين قد شملهم إطلاق السراح ما قبل سامي الحاج فهل وجدوا من الإهتمام ما وجدة إطلاق سراح سامي الحاج مثلاً ؟؟؟؟؟؟؟؟؟ وليس القصد هنا الجانب الرسمي فقط المتمثل في المؤتمر الوطني بل يتمتد ذلك حتى للوجدان السودان العمومي؟؟؟؟؟؟؟؟؟ وكما هناك مجموعة من أربعة أفراد سودانيين لا زالوا بالحبس هل سيجدوا ذات الإهتمام الرسمي والشعبي حتى إطلاق سراحهم ؟؟؟؟؟؟؟؟؟؟
ولعل كبير الأسئلة سوف يأتي في السياق السياسي من حيث التوقيت والأطراف التي لعبت الور الأكبر في عملية إطلاق سراح سامي ورفاقة وجملة من الأسئلة سوف تتوالي في ظل العلاقة بين أمريكا والسودان والحراك الواضح والخفي في علاقة البلدين ؟؟؟؟؟؟؟؟
بحيراوي
| |
|
|
|
|
|
|
|
|
|
Re: يا هو دا سامي الحاج الفرحــانيــن بــيهــــو ؟؟؟؟ (Re: البحيراوي)
|
احمد حنين ....انت عاوز تقول شنو..
ما تجرجرنا بين البوستات والعناوين الكتيرة ..
ومن حيث المبدأ ... والحريات.. وحقوق الانسان ...الخ... - انا شخصيا لم اعد أومن كثيرا بكل تلك الشعارات المرفوعة -
اعتقد يحق لكل واحد بيتشدق بالحرية .. والديمقراطية وحقوق الانسان وكل الكلام الكتير الـ بنسمعه في كل اذاعات العالم ومن الساسة والقادة .. وغيرهم ... ان يفرحوا ويحتفلوا ويستقبلو واحد قضى فترة ليست بالقصيرة في معتقل.... ومعتقل ايه... معتقل اسياد العالم الامريكان ..
يازول بالله عليك وعشان نستفيد خش في الموضوع (على طول ) وريح العالم من النطيط في البوستات
| |
|
|
|
|
|
|
|
|
|
Re: يا هو دا سامي الحاج الفرحــانيــن بــيهــــو ؟؟؟؟ (Re: البحيراوي)
|
ما تريده الحكومة من سامي الحاج اكبر من تصورات احمد حنين والتي لاتتعدى محيط اسئلته السطحية !
ما سيلقاه سامي الحاج في الفترة القادمة من الحكومة سيكون من الصعب عليه تحملٌه وهو امر يضمن لها-اي الحكومة- تذكرة بقاء في ملعب الدول المكافحة للارهاب ويضمن لها حب امريكا.
وتاريخ هذه الحكومة الاسلامية في مكافحة الارهاب اكبر دليل على ذلك.
هذا هو مغزى الصور و الايام القادمة كفيلة بايضاح ذلك،
| |
|
|
|
|
|
|
|
|
|
Re: يا هو دا سامي الحاج الفرحــانيــن بــيهــــو ؟؟؟؟ (Re: Abubaker Ahmed)
|
مدير قناة الجزيرة وضاح خنفر كان من ضمن الحضور في ليلة استقبال سامي الحاج
ولكن الا ترون ان قناة الحزيرة لم تستطع نقل الحدث الا عبر قناة الطاؤووس؟؟؟
وكان المعتقل المفكوك سابقا قال ان الحكومة لم تعرهم انتباها عندما تم اعتقالهم في افغانستان
وما الجديد على تكالب ناس الحكومة في استقبال اشخاص عانوا الكثير في السجون الامريكية.
المهم طلعوا برا دون اعتقال مرة اخرى كبقية الدول وهذه محمدة سودانية نعتز بها.
بس يا رب اهل بقية المعتقلين شعورهم شنو لما يجيبوا سامي الحاج بس ضمن الاهتمام الحكومي؟؟.
فلندعوا الله لفك اسر بقية السودانيين الباقين
| |
|
|
|
|
|
|
|
|
 Re: يا هو دا سامي الحاج الفرحــانيــن بــيهــــو ؟؟؟؟ (Re: ahmed haneen)
|
ياي جوزيف من اجراس الحرية..
Quote: وبما نح موعودون بعد اطلاق سراح سامي الحاج ..وكم دفع المؤتمر الوطني سريا نظيير اطلاق سراح سامي الحاج ؟ وكم سيدفع الشعب السوداني بعدما هبطت طائرة سلاح الجو الامريكي بمطار الخرطوم ,ذات المطار الذي استلمت منه السلطات الامريكية مطلوبين بتهمة الارهاب في سنوات خلت ,وبرضا من المؤتمر الوطني او الانقاذ ...وهو ذات المطار الذي غادر منه الارهابي العالمي كارلوس وايضا اسامة بن لادن ...بصفقة كبيرة كانت عبارة تبادل معلومات استخباراتي عن مواقع الجيش الشعبي لتحرير السودان بواسطة المخابرات الفرنسية , وعلي ضوء ذلك بدات هجرات مايسمي بالجهاد انذاك مثل مسميات صيف العبور .وجند الوطن الواحد .....الخ
هل سيدفع الشعب السوداني للامريكان اكثر مما دفع للفرنسيين نظير اطلاق سراح معتقلي غوانتاموا؟؟
نتمني ان تكون هذه المرة الصفقة لتوطين الحريات الاساسية والتحول الديمقراطي الواضح وتشجيع جهود ومساعي المجتمع المدني السوداني العريض في اداء رسالته المرجوة والتي تكللت في احد اشكالها باطلاق سراح سامي الحاج .
|
هنا الرابط
سامي الحاج طليقا .....ولكن؟؟؟
| |
|
|
|
|
|
|
|
|
|
Re: يا هو دا سامي الحاج الفرحــانيــن بــيهــــو ؟؟؟؟ (Re: ahmed haneen)
|
التحية لكل الاخوة المتداخلين
اتعحب كثيرا حول مايكتبة بعض الاخوة حول البطل سامي الحاج الرمز السوداني الذي صمد اكثر من ستة سنوات في سجون غوانتنامو رغم التعذيب والممارسات الغير انسانية ظل سامي سامي الحاج متمسكا بمبادئة وغير مطيعا لامريكيا ورافضا لكل الاغراءات الامريكية وبعد كل هذا الا يستحق ان يستقبلة كل الشعب السوداني بالسرور والبهجة وحتي قيادة الدولة
فيجب علينا ان نقراء مانكتبة قبل ان ننشرة
فالتحية للاخ سامي الحاج ورفاقة والتحية لكل السودانيين قيادة وشعب
| |
|
|
|
|
|
|
|
|
 Re: يا هو دا سامي الحاج الفرحــانيــن بــيهــــو ؟؟؟؟ (Re: ahmed haneen)
|
..
.
فرحانيين ..
ويقبل راس البشير .. يقبل راس بوش وهيلارى وقوش .. انت الغايظك شنو ؟؟
كمان داير تستفسر اشتغل متين فى الجزيرة ؟؟
شغلو البشير ..؟؟ ياخ مالك ومالو من متين شغال فى الجزيرة ؟؟ انت قاعد تصرف عليهو ولا قريتو؟؟
بتعرف شنو عن معاناة 6 سنوات ؟؟
قاعد لى فى السعودية وقاشر لى بالجبب والملافح ؟؟ وكل يوم جاى ناطى للسودان الفيهو البشير وقوش دا ؟؟
قاعد ويديك واحدة فى الكيبورد والتانية فى الريموت
وجاى زعلان عشان الراجل طلع واستقبله البشير ؟؟
ياخى دى على الاقل محمده ؟؟
بعدين يا سبيش لس مافى عشرات تم اطلاقهم فى فترات متفاوتة بقت على مواطن سودانى؟؟
والمؤسف خامش لى كلام (محمد احمد السنهورى المتصوف ) ما بخاف الله دا
انت وكل المتجين والمعارضين زعلانين عشان قبل راس البشير؟؟
ولا عشان الجزيرة حركت حملة متأخرة ؟؟
انت عملت حمله ؟؟ حصلت جيتنا هنا قلت نصعد حملة اطلاق سامى الحاج ؟؟
ولا مبسوط واحد ارهابي امريكا بتربي وتادب فيهو ؟؟
ولا عشان اطلاق سراحه ؟؟
يطلق سراحه بصفقة بحاويات ؟؟
بتعين واحد تابع ليكم من الامم المتحدة ؟؟
بتسهيلات للحكومة ؟؟
اى حاجة ما عندنا مشكلة
مافى صورة فى اليومين اقبح من مواقفكم المخزية دى ؟؟
ومحاولة قتل الشخصية السودانية ؟؟
عدم حبكم لابناء وطنكم وكرهكم الدفين للاخرين؟
فضحتونا مع الشعوب ؟؟ شمت فينا الناس ؟؟ الله يفضحكم والسنهورى !!
اى واحد يقراء كلامكم دا يقول بالله شوف ديل زعلانين عشان اطلقوا ليهم 3 من اولاد بلدهم ؟؟
وصورتو مالها عشان ( سيماهم فى وجوههم من اثر السجود )
ياخى ست سنوات لا شغل لا مشغلة وفى كربه وضيق ما يتعبد ؟؟؟ ولا يصلى ..؟؟
حتى صلاتو عايزين تدخلو فيها ؟؟
حتى الخشوع والورع عندكم فيهو راى وخلاص عايزين تروجوا انو ارهابي ؟؟
انا متأكد لو ختيت صورتك انت الان الواحد حيشوف سواد وعلامات لا توصف
_______________
والله يا حنين لولا الخوة والمعرفة ..
الواحد كان خلاك جارى من غير جلابية
ما عندك موضوع .. امشى إنستر
| |
|
|
|
|
|
|
|
|
|
Re: يا هو دا سامي الحاج الفرحــانيــن بــيهــــو ؟؟؟؟ (Re: ahmed haneen)
|
تبلدينا
انت هائج مالك ..
Quote: فرحانيين ..
ويقبل راس البشير .. يقبل راس بوش وهيلارى وقوش .. انت الغايظك شنو ؟؟
كمان داير تستفسر اشتغل متين فى الجزيرة ؟؟
شغلو البشير ..؟؟ ياخ مالك ومالو من متين شغال فى الجزيرة ؟؟ انت قاعد تصرف عليهو ولا قريتو؟؟
بتعرف شنو عن معاناة 6 سنوات ؟؟
قاعد لى فى السعودية وقاشر لى بالجبب والملافح ؟؟ وكل يوم جاى ناطى للسودان الفيهو البشير وقوش دا ؟؟
قاعد ويديك واحدة فى الكيبورد والتانية فى الريموت
وجاى زعلان عشان الراجل طلع واستقبله البشير ؟؟
|
السعودية دي عملتك زول .. ولحست الكبسة والمرقوق..
تعال .. لي موضوعنا
منو القال سامي ما يطلقوا سراحو؟؟؟
لكن
قلنا ..
معتقلين السودان اولي باطلاق السراح .. اليس كذلك ؟؟؟
البشير والنظام يتاجرون بالقضية..
وليس التزاما بالحريات .. التي يمنعونها في حكمهم ..
وليس رحمة من انسانيتهم ..
اليس كان الأفضل .. ان يقوم البشير بزيارة سناء ...
| |
|
|
|
|
|
|
|
|
|
Re: يا هو دا سامي الحاج الفرحــانيــن بــيهــــو ؟؟؟؟ (Re: ahmed haneen)
|
..
.
Quote: تبلدينا
انت هائج مالك .. |
من كلامك الاشتر والفارغ دا ؟؟
| Quote: السعودية دي عملتك زول .. ولحست الكبسة والمرقوق.. |
السعودية دى لعلمك لمن جيتها ؟؟
ما جيتها راعى .. ولا ساكى كيس
جيت نازل فى مطار الملك خالد الدولى عام 98 كنت لابس فل سوت ..
وحقيبة سوداء فيها 2 شهادة بكالوريوس ودبلوم عالى وMBA وفتيل عطر لابيدوس..
الفيزا ما كانت عامل تربية مواشي ؟؟
ولا قعدت اساكك شغل .. واترمتل فى مطاعم غبيراء ؟؟
من المطار .. للشقة .. للمكتب ..
يعنى جيت زولا مؤسس وعارف بسوى شنو ؟؟
خمس سنوات .. ضياع .. اخدت منى اكتر من ما تدينى ( حفنة ريالات )
وبعد دا جيت باستراتيجة وطلعت باستراتيجية مش قعدت .. ما قادر افارق البطحاء
واكل الكبسة .. وجلوس الصحراء .. وامراض الضغط والسكرى .. واذلال واهانات البدو
ما علينا .. بس للعلم - سمح -
نرجع لموضوعنا ..
معتقلين السودان اولي باطلاق السراح .. اليس كذلك ؟؟؟
سامى احد هؤلاء المعتقلين ولا فاكرو من آل بن لادن ؟؟ ولا مغربي يكون؟؟
معه 3 سودانيون اخرون ؟؟
احضر لنا اسماء الاخرين حتى نعرف من هم وايضاً نسال الله ان يفك كربتهم
| Quote: البشير والنظام يتاجرون بالقضية.. |
يتاجر .. يشترى .. دا امر طبيعى ودور عادى لاى رئيس دولة ان يستقبل احد العائدين من ارض
المعاناة والموت والعذاب الذى فعلهاسيادكم ..
| Quote: وليس التزاما بالحريات .. التي يمنعونها في حكمهم .. |
هى فى حرية اكتر من الانتو بتعملو فيهو دا ؟؟
تتفاصحوا وتسئيوا للدولة ولابناء الوطن وترمون التهم بلا ادلة ؟؟
وحتى ان كان صحيح ؟؟ مادام المقابل حرية مواطن سودانى فلا بأس ؟؟
ياخى احتذوا باسيادكم فى مساعيهم لاحضار مواطنينهم من مواقع القتال
| Quote: اليس كان الأفضل .. ان يقوم البشير بزيارة سناء ... |
والله معاناة الاثنين سواء .. ومعاناة سامى ليست باقل من سناء
سناء قضية اسرية .. وخلافات شخصية وللاسف من اقرب الاقربين
دى موضوع تانى مافى وجه مقارنة ولا عايز نخوض فى تفاصيل ..
نسال الله لسناء العافية والعلاج والصحة
ونسال الله لسامى سلامة العودة لبلده واسرنه واخوته وابناءه
ونسال الله لك ان يكبرك بعقلكـ
_______________
ما عايز اجيك تانى عشان ما يتعمق الخلاف ..
| |
|
|
|
|
|
|
|
|
|
Re: يا هو دا سامي الحاج الفرحــانيــن بــيهــــو ؟؟؟؟ (Re: Tabaldina)
|
يا تبلدينا..
ما تشتت الكورة .. ساكت ..
وتقعد تكتب .. انا جيت وانا سويت
ومطار الملك خالد .. وحكايات جنصصة منك ..فارغة..
ولاحظ ..
اسيادك
اسيادكم
اسيادكم ..
دا شنو دا ...وكمان المعتقلين ... داخل الوطن بقيت تنكرهم ..
صراحة .. يا تبلدينا .. ما عندك موضوع ...
خلينا
في سؤالنا الكبير
اشمعنا سامي الحاج ؟؟؟؟
| |
|
|
|
|
|
|
|
|
|
Re: يا هو دا سامي الحاج الفرحــانيــن بــيهــــو ؟؟؟؟ (Re: ahmed haneen)
|
يا سلام عليك يا عثمان مرغني
السوداني .. اليوم
حديث المدينة
العفو .. عند المقدرة ..
عثمان ميرغني
بعد أن منَّ الله علينا بإطلاق سراح سامي الحاج.. وأخوته الكرام.. ومع بالغ الدعوات الى الله أن يمد نعمه علينا باطلاق سراح بقية السودانيين المعتقلين في (جوانتاناموا) والسودانيين الآخرين المعتقلين في سجون داخل أمريكا قبلهم.. هل آن ان تتمدد عافيتنا التسامحية الى رجال مسجونيين أيضاً .. لكن ليس في أمريكا أو خارجها..بل هنا قريبا جدا منا في الضفة اليمني للنيل الأزرق..
(28) من كوادر حزب المؤتمر الشعبي محكومون بالسجن لفترات تتراوح بين خمس إلى عشر سنوات.. بعضهم تبقى له أيام ليخرج الى النور بعد ان أكملوا خمس السنوات .. وبعضهم الآخر عليهم الانتظار خلف الأسوار لتنتهي الانتخابات ثم الفترة الانتقالية .. ثم الفترة ما بعد الانتقالية حتى تكتمل مدتهم ويخرجوا إلى نور الحرية الأبلج.. لماذا ؟؟
الله سمى نفسه (العفو) و(الغفور) .. وجعل أسمى مراقي العمل الصالح أن يكظم الانسان غيظه ويعفو (حتى عن من ظلمه) .. و أمر الرسول الكريم صلى الله عليه وسلم اشاعة العفو ونشر التسامح .. ألم يئن للذين احتملهم واحتملوا أسوار السجن كل هذه السنوات الطويلة أن يشملهم العفو والتسامح..
هؤلاء الشباب كانوا وقود النار التي اشتعلت بلهب الخصومة السياسية بين المؤتمرين الوطني والشعبي.. واتهموا بالتآمر وقدموا الى المحكمة وأدينوا مع مجموعة أخرى من العسكريين.. ثم بعد عدة سنوات أفرج عن جميع العسكريين الذين كانوا معهم في التهمة والادانة والحكم.. لكنهم تُركوا في السجن.. وخرج من المعتقل أيضا قياداتهم في حزب المؤتمر الشعبي ووصل يسر الحال وسعة الصدر الى حالة التحاور بين المؤتمرين ..لكنهم هناك في السجن ينتظرون رحمة الله .. قبل غفران البشر..
كيف نذهب الى أمريكا ونطلب منها ان تفرج عن السودانيين المعتقلين لديها .. ثم تفعل وتفرج عن بعضهم .. بينما يترفع التسامح والعفو عندنا عن احتمال النظر الى حال الشباب الذين تقبض على انفاسهم قضبان السجون لأكثر من خمس سنوات ولا أمل يلوح لهم في الأفق بعد ان سمعوا بآذانهم كلمة ( عندما يقدر الله ذلك..) التي ضُربت موعدا لإطلاق سراحهم ..
الضن على عباد الله بالعفو.. لا يرضي الله ولا يصلح الحال..ويحرم الوطن من نعمة التوادد الوطني.. ويجلب التنافر.. ونحن في وضع لا نحتاج فيه الى العفو عن المسجونين لأجلهم فحسب..بل لأجل النفوس المشحونة في دارفور التي يتمنى كل سوداني أن ترسو مراكب حريقها الى بر الأمن والسلام.. أن تجتمع كلمة الفصائل التي تحمل السلاح في دارفور وتقرر الرجوع الى طاولة المفاوضات وترتاح الكوارث والأحن منا ..
الله وحده من فرّج كربة سامي الحاج وأخوانه وكسر قيدهم.. والله وحده من يفرج كربة المسجونين ويكسر قيدهم ..بقراره الأكبر من كل قرار.
يا باشمهندس
امريكا تعفو
لكن الأنقاذيون لا يعفون ...
| |
|
|
|
|
|
|
|
|
|
Re: يا هو دا سامي الحاج الفرحــانيــن بــيهــــو ؟؟؟؟ (Re: ahmed haneen)
|
برنامج (ألو مرحباً)..على فضائية النيل الأزرق حلقة الأحد 4 مايو 2008..
كانت حلقة عجيبة خالص..
تناولت المذيعة موضوع عودة الأخ سامي الحاج..
زغاريد الأمهات والأخوات..
دمعاتهن الصادقة... (عارف يعني شنو صادقة يا حنين)؟؟
وقوم يا المخرج جيب أغنية بعد الغياب.. للفنان الأصيل صلاح مصطفى..
ومكساج رهييب مع مشاهد عودة سامي الحاج..
ولحظات العناق المبكية مع إبنه (محمد)..
حنين..
أراك عصي الدمع..
إنت متأكد إنك (حنين)؟؟
لك التحية والتقدير بعد دا كلو..
| |
|
|
|
|
|
|
|
|
|
Re: يا هو دا سامي الحاج الفرحــانيــن بــيهــــو ؟؟؟؟ (Re: ahmed haneen)
|
ازف التهاني القلبية الى كل سوداني حر بمناسبة عودة البطل والولد الطيب الكريم الاخ سامي الحاج الى بلده بعد سنوات العذاب في سجون الاصلاف .
سامي الحاج اعرفه معرفة شخصية هو ود بلد من الطراز الاول مؤدب الى ابعد الحدود مضياف كريم كل خصال الرجال يتحلى بها فهو زميل الدراسة بالهندفعودته افرحتني جداً ولو كان يهودي مش قاعدة .
بعض الشباب ما عندهم موضوع وعايزين يعملوا فيها عارفين حاجات الناس ما عرفينها خليكم موضوعيين والجيع فرح لعودة سامي الى احضان ابنه وشم ريحته يا احمد حنين . خليك اكبر من كدا . طول عمري بعرفك زول عاقل ولا تنصرف الى توافه الاشياء والانزلاق في اشياء لا تشبهك . انا بعرفك حقاني ولا دي ادعاءات يا عزيزي ولو نفسك تتعرف على سامي الحاج انا مستعد ننسق للاجازة مع بعض وبعدين تعال احكم على الاخ سامي الحاج .وللحديث بقية.
عادل المكي
| |
|
|
|
|
|
|
|
|
|
Re: يا هو دا سامي الحاج الفرحــانيــن بــيهــــو ؟؟؟؟ (Re: عادل محجوب المكي)
|
يا احمد حنين ..
خليك حنين ..
سامي الحاج ما أول سوداني ولا آخر سوداني يخرج من غوانتانامو ..
لكن سامي الحاج إعلامي ومصور .. وللجزيرة شخصياً ..
وهو بطل من بين ملايين الأبطال في السجون المكبلة للحريات في العالم ..
والإعلام ركز على سامي بالذات لأنو بيعتبر رمز للإعلامي المناضل
كل الصحف السودانية و وسائل إعلام عربية وغربية .. هتفت بحرية سامي
وإحتفت بحريته .. وعودته للسودان (( بشرووووط)) ..
وبالتأكيد الإفراج عن سامي الحاج نصر كبير ..
بقيادة (منظمة العون المدني العالمي) السودانية ..
وبالتأكيد الجميع يفخر بأن يشارك العالم الفرحة بالحرية ..
والأيام حا تثبت ليك .. إنو أي سياسي .. سوداني ..
حا يتصور مع سامي الحاج ..
وإنتظر صور (( عرس الحرية)) المقام اليوم فرحاً بحرية سامي ومن معه ..
و شوف كم واحد حا يهنئ سامي ويتصور معاهو ..
و بعد كده إبحث عن الرابط بين سامي وبين كل من يزوره أو يتصور معه ..
أو حتى يقول ليهو (حمد لله على السلامة)) ..
- حمد لله على سلامة سامي الحاج و وليد وأمير ..
نتمنى أن نحتفل بالبقية .. قريباً ..
| |
|
|
|
|
|
|
|
|
|
Re: يا هو دا سامي الحاج الفرحــانيــن بــيهــــو ؟؟؟؟ (Re: عادل محجوب المكي)
|
| Quote: سامي الحاج اعرفه معرفة شخصية هو ود بلد من الطراز الاول مؤدب الى ابعد الحدود مضياف كريم كل خصال الرجال يتحلى بها فهو زميل الدراسة بالهندفعودته افرحتني جداً ولو كان يهودي مش قاعدة |
ود المكي ..
معلوماتك دي الجاي فرحان بيها .. اي زول عارفا..
وعارفنو قرأ في الهند ..
واثناء دراسته ... جاهد في الشيشان .. وكشمير ..
ممكن تدينا اضافة .. لو فيك فائدة ..
هل تستطيع ان تذكر الي اي اتجاه سياسي كان ينتمي وقت الدراسة ؟؟
بعدين تعال فنجط ..
| |
|
|
|
|
|
|
|
|
|
Re: يا هو دا سامي الحاج الفرحــانيــن بــيهــــو ؟؟؟؟ (Re: ahmed haneen)
|
موضوع حرية سامي بعد سنوات في غياهب غوانتانامو لا يصلح للمزايدة
حقيقه سامى اصبح عباره عن رمز.. وهذا وراء سرورنا بطلاق سراحه
للاسف نحنه شعب بلا رموز .. عشان كده فرحانين عشان اخيرا ممكن نلقى رمز وسطنا
بس ...
عرس الصحافه ده زى عرس الشهيد ..
واذا دخل الكيزان قريه دمروها
فارجو ان يكون سامى لنا كلنا.. لكل السودانين
| |
|
|
|
|
|
|
|
|
|
Re: يا هو دا سامي الحاج الفرحــانيــن بــيهــــو ؟؟؟؟ (Re: ahmed haneen)
|
الإفراج عن سامى الحاج حق انسانى وقد طالبنا به.. وتحقق
وايقاف مذابح دارفور حق انسانى.. وقد طالبنا به.. ولم يتحقق
واطلاق سراح بقية المعتقلين فى جوانتانامو مطلب انسانى.. وقد طالبنا به ولم يتحقق
وايقاف اعتقال الصحفيين ومناضلى كجبار وبورتسودان ودارفور مطلب انسانى... وقد طالبنا به ولم يتحقق
واطلاق حريات الشعب السودانى مطلب انسانى... ونطالب به ولم يتحقق بعد
ومن يفرق بين هذه المطالب الانسانية مصاب بانفصام فكرى واخلاقى.. ويجب ان يراجع ضميره واخلاقه..
نورالدين منان
| |
|
|
|
|
|
|
|
|
|
Re: يا هو دا سامي الحاج الفرحــانيــن بــيهــــو ؟؟؟؟ (Re: Mannan)
|
مشكلتك يا خال دائما ما تستخف بالآخرين وتستخف بموضوع انت صاحبه . حتى ولو فرضنا انو كان بجاهد في كشمير او افغانستان او خلافه فضد من كان يجاهد . سامي الحاج لم يكن صاحب لون سياسي كان طالب ملتزم تجاه نفسه وكان من الطلبة الاذكياء جداً فلقد كان متفوقاً في دراسته (تخصص لغة انجليزية) .
لكل منا فكرة يؤمن بها مثلك تماماً فكونه يجاهد ضد الصلف والظلم والاستكبار فهذا شأنه ، وانت العامل فيها عارف بلاي اعتقلوه في اي حارة من حارات ام درمان .
سامي حراً طليقاً بعد سنوات من العذاب والظلم وهتك لحرية الانسان من قِبل دولة تتشدق بالحرية واحترام البنى آدم .
ما زلت اعرض عليك التعرف بسامي الحاج عشان تعرف اي نوع من الرجال سامي الحاج . اضراب سامي عن الطعام قرابة السنة لم يسبقه احد في ذلك مما يكشف بأن لديه قضية استعد ان يضحي بالروح من اجلها واخيراً انتصر وزيارة السيد الرئيس له اقل شئ يفعله تجاه رجل اصبح مفخرة لكل سوداني ود بلد . وان عدتم عدنا.
ود المكي .
| |
|
|
|
|
|
|
|
|
|
Re: يا هو دا سامي الحاج الفرحــانيــن بــيهــــو ؟؟؟؟ (Re: عادل محجوب المكي)
|
عادل .. يا حبيب
انا ما سألتك كان شاطر ولا شاذ ..
انا سؤالي .. هل جاهد في الشيشان .. وكشمير ..
| Quote: حتى ولو فرضنا انو كان بجاهد في كشمير او افغانستان او خلافه فضد من كان يجاهد . |
يعني من كلامك الفوق .. انت مؤيد للجهاد الكان بقوم بيهو سامي الحاج
ضد الكفار واليهود .. مش كدا
ثانيا .. | Quote: لكل منا فكرة يؤمن بها مثلك تماماً فكونه يجاهد ضد الصلف والظلم والاستكبار فهذا شأنه |
ليس شأنه ..
وهذة لسيت فكرة .. مثل فكرتك او افكار الأخرين ..
هذة دعوة لقتل الأبرياء ...
الجهاد .. ضد مركز التجارة العالمية
الجهاد ضد .. الكفرة والخنازير الذي تحول الي مذابح للجميع
وصور الزرقاوي ممسكا السكين بيده وهي تقطر دما .. بعد ذبح
الضحية _( امريكي _ وآخر مصري )
اهذة تسميها افكار ..؟؟
ارجو ان تعيد النظر كرتين ..
وبلاش تعاطف فارغ ...
انا شخصيا مع الحرية للجميع سامي وخلاف سامي ..
لكن
لا اكيل بمكيالين ...
الحرية لأبناء وطني داخل وطني اهم بكثير من شعارات
فارغة ومتاجرات بقضايا انسانية ..
نواصل
Quote: ومن يفرق بين هذه المطالب الانسانية مصاب بانفصام فكرى واخلاقى.. ويجب ان يراجع ضميره واخلاقه..
نورالدين منان |
يا سلام يا منان .. دا المقصود بالظبط ..
| |
|
|
|
|
|
|
|
|
 Re: يا هو دا سامي الحاج الفرحــانيــن بــيهــــو ؟؟؟؟ (Re: ahmed haneen)
|
سؤال اخر
ليس للأجابة ..
كم عدد المعتقلين العرب الذين تم الأفراج عنهم من غواتانامو
والذين تم تسليمهم لدولهم ..
سعوديين .. يمنيين.. سوريين.. كويتيين ..مصريين.. والخ ..
هل تم استقبالهم رسميا في المطار ..؟؟
هل ذهب رئيس الدولة شخصيا لزيارتهم ؟؟؟
هل فتحت القنوات الفضائية .. لهم .. كما فعلت الأنقاذ للمصور سامي الحاج ؟؟
| |
|
|
|
|
|
|
| |
ahmed haneen
ادم الهلباوى
عصام دهب
Abureesh
Mahmoud Mustafa Mahmoud
علاء الدين صلاح محمد
الصادق صديق سلمان
عبدالمنعم الزين
ABUHUSSEIN
Alfarwq
البحيراوي
welyab
صلاح أبودية
Zomrawi Alweli
محمد فرح
هجو الأقرع
khalid fahmi
nile1
يوسف الولى
Mannan
Ro3ah
haroon diyab
فيس بوك
تويتر
انستقرام
يوتيوب
بنتيريست