|
بحمد الله قد استلمنا تأشيرات الطفل عبدالله ووالدته
|
بحمد الله لقد استلمت يوم امس الساعة 4 مساء تأشيرات الابن عبدالله ووالدته من السفارة الألمانية بالخرطوم . والآن فى اجراءات الخروج . اذا ربنا سهل الامور عبدالله ووالدته سيغادروا مطار الخرطوم باللوفتهانزا فجر الاحد 4 مايو ويدخل المستشفي في برلين يوم 5 مايو باذان الله. وسوف يقوم الاخ نصار والسفارة السودانية بتكملة الاجراءات فى برلين.
ربنا يشفى الطفل عبدالله شفاءا تاماً ويجزي كل من ساهم فى هذا العمل كل خير ويرحم والدة فاعل الخير الحاجة ام الحسن بنت عائشة ويسكنها فسيح جناته مع الصديقين والشهداء.
الهام لطيف
|
|
|
|
|
|
|
|
Re: بحمد الله قد استلمنا تأشيرات الطفل عبدالله ووالدته (Re: Elham Latif)
|
Quote: ستقوم اليوم الاستاذه تيسير عووضه بتحويل المبلغ الخاص بحملة علاج الطفل عبدالله (الامارات) عبر صرافة الامارات وهى تعتذر عن تاخير ذلك لظروف مرضيه وهى الان بخير |
عبد الخالق .. الناس لما تتلم في ظروف ذي دي حقيقة بتبقى العلاقة البينهم قوية وحلوة ..
احمد الله انو الزول عرفكم وانتو اضافة حقيقية لي ..
الف سلامة لي حبيبتنا تسير ..
وانا في الانتظار ما تاخد زمن اذا اتحولت .. وعفراء مول قريب لي شديد..
مجهوداتكم جباااااارة شديد ومقدرة ..
واسرة الطفل عبد الله بتشكركم شديد وفي ميزان حسناتكم يارب
| |
|
|
|
|
|
|
Re: بحمد الله قد استلمنا تأشيرات الطفل عبدالله ووالدته (Re: Elham Latif)
|
Quote: تعرفوا الاخت انعام حيمورة دى لها الفضل الكبير فى موضوع الطفل عبدالله وكل مواضيع الخير |
الاخت انتصار .. شكرا لكلماتك التي تشجعني وتقويني ..
ولكن كلامك دا كبير علي وما صاح عارفة ليه لانو انا مجرد منسق فقط .. وما شفتي الي ليهم الفضل صحي صحي لما اضرب ليهم واقول ليهم في
كدة والحاصل كدة وعايزين كدة ...
لثقتهم بهتز عقلي ولولائهم بهتز جسمي ولنخوتهم بتهتز دموعي ...
فشوفي لخبتة المشاعر دي كيف
يا سلام يا انتصار في الدرب دا شفت وتعلمت الكتير الكتير ...
| |
|
|
|
|
|
|
Re: بحمد الله قد استلمنا تأشيرات الطفل عبدالله ووالدته (Re: Elham Latif)
|
استلمت من مؤسسة الرأي العام الخيرية شيك بمبلغ 4,150 جنيه سوداني (4 مليون ومائة وخمسون الف جنيه بالقديم) لصالح علاج الطفل عبدالله.
ورجل الاعمال ابن ام الحسن بنت عائشة ايضاً قام باجراءات ودفع قيمة تأشيرات الخروج. ربنا يجزيهم جميعا كل الخير ويرحم الحاجة ام الحسن بنت عائشة رحمة واسعة وينزلها مع الصديقين والشهداء.
التحية لجريدة الرأي العام ولمؤسسة الرأي العام الخيرية وللأخوة الاعزاء ضياء الدين بلال و عمر صالح وعوض الكريم والاخت العزيزة منال.
لكم جميعا التحية والاحترام.
الهام لطيف
| |
|
|
|
|
|
|
Re: بحمد الله قد استلمنا تأشيرات الطفل عبدالله ووالدته (Re: Elham Latif)
|
Quote: هل استلمت المبلغ المحول من الامارات ارجو افادتنا باسرع ما يمكن |
كيفك يا عبد الخالق ..
استلمت رسالتكم برقم الحوالة متأخراً كنت قد غادرت المول ولكن غدا السبت ساستلم واحول المبلغ الى يورو.
علما باني قد استبدلت بالامس مبلغ 2.400 (اتنين مليون واربعمائة) جنيه بالقديم الى 750 يورو كدفعة اولى بهذا الايصال..
| |
|
|
|
|
|
|
Re: بحمد الله قد استلمنا تأشيرات الطفل عبدالله ووالدته (Re: Elham Latif)
|
الاحباء جدا بورداب وقراء الامارات
استلمت المبلغ المحول من الاخت تيسير عووضة وهو عبارة عن مبلغ 14900 اربعة عشر الف وتسعمائة جنيه سوداني بالجديد
واستبدلت مبلغ منه 1000 يورو واستبدلت منه مبلغ 3000 يورو
ادناه
ايصال الاستلام لمبلغ 14900
استبدال من صرافة الامارات مبلغ 1000 يورو بما يعادل 3190
استبدال من شركة الامان للصرافة مبلغ 3000 يورو 9600
وتبقى مبلغ 2110 سيتم ايداعه بالحساب جملة المبلغ 14900
صورة توضح ايصال المبلغ المستلم وتحويل الـ 1000 يورو
صورة توضح مبلغ ال 3000 يورو
| |
|
|
|
|
|
|
|