|
كتب الكاتب الفاتح جبرا المتوفرة بمعرض الدوحة
|
|
 Re: لهذا يعشق الجنوبيون الموسيقي الافريقية ؛؛؛؛؛؛ (Re: اندرو كوات)
|
..
.
| Quote: يسالني بعض الاصدقاء دومآ لماذا يميل الجنوبيون اكثر الي الموسيقي الافريقية؟؟؟ |
لانهم افارقة ..
ودى ما ليها اى علاقة بالدولة السودانية او محاولا ت استهداف الثقافات الافريقية
او الاستلاب الثقافي .. عمر هذه الايقاعات والثقافة الاف القرون والدولة السودانية - المقصودة -
لم تتجاوز العشرون عاماً ..
________
يعنى ما دايره ليها درس عصر ..
بس شكراً لاختيار هذا الايقاع الجميل ..
بس عندى سؤال : ما وجه الشبه او علاقة الايقاع اللاتينى بالايقاع الافريقي .
( اللامبادا .. الريغي .. الجالوه .. السامبا .. الخ
| |
 
|
|
|
|
|
|
|
|
Re: لهذا يعشق الجنوبيون الموسيقي الافريقية ؛؛؛؛؛؛ (Re: Tabaldina)
|
تبلدينا
سلامات....
اولآ شكرآ علي المرور....
Quote: لانهم افارقة ..
ودى ما ليها اى علاقة بالدولة السودانية او محاولا ت استهداف الثقافات الافريقية
او الاستلاب الثقافي .. عمر هذه الايقاعات والثقافة الاف القرون والدولة السودانية - المقصودة -
لم تتجاوز العشرون عاماً .. |
ثانيآ موضوع ان الدولة المقصودة عمرها لا يتجاوز عشرون عامآ ليست دقيقة فحسب علمي سياسات
الاسلمة و التعريب و اقصاء الاخر ولدت مع الدولة السودانية منذ الاستقلال_اذا جاز استخدام المصطلح_
فاي نعم هذه الممارسات تفاقمت في عهد الانقاذ و لكنها كانت موجودة منذ البداية....
ثالثآ اعتقد ان الاجابة لها عدة جوانب و لا يمكن اختزالها في كونهم افارقة
فما كنت اتمني ايصاله هو ان طبيعة الانسان تكره (الارغام)...
| |
|
|
|
|
|
|
|
|
|
Re: لهذا يعشق الجنوبيون الموسيقي الافريقية ؛؛؛؛؛؛ (Re: اندرو كوات)
|
Quote: بس عندى سؤال : ما وجه الشبه او علاقة الايقاع اللاتينى بالايقاع الافريقي .
( اللامبادا .. الريغي .. الجالوه .. السامبا .. الخ |
و الله سؤال مهم و حسب ظني ان الموسيقي كانت لغة للتواصل الانساني
منذ القدم لذلك سهل تنقله بين الناس و لكني ارجح ان الحراك الانساني
الذي تسببت فيه ظاهرة الاسترقاق كان لها القدح المعلي في تشابه
الثقافات بين افريقيا و امريكا اللاتينية specially central america
التي تشمل كوبا؛ جمايكا؛ بورتريكو؛ هاييتي؛ دومينكان روبابليك ...الخ
بالطبع السؤال محتاج الي بحث في تاريخ الموسيقي او الانثروبولوجيا
لكي نستطيع تغطية كل الجوانب....
| |
|
|
|
|
|
|
|
|
|
Re: لهذا يعشق الجنوبيون الموسيقي الافريقية ؛؛؛؛؛؛ (Re: اندرو كوات)
|
صباح الخير يا كوات
إنشالله الأهل طيبين؟
Quote: الانسان الجنوبي في فنه يميل الي ايقاع الطبول و هي سمة تتميز بها
الموسيقي الافريقية بصورة عامة لهذا كان من السهل تبني الموسيقي الزائيرية |
الفوق ده هو أصل الموضوع حسب إعتقادى أما البقية فهى مجرد فروع يمكن الإتفاق أو الإختلاف عليه.
خالص الود
شول اشوانق دينق
| |
|
|
|
|
|
|
|
|
|
Re: لهذا يعشق الجنوبيون الموسيقي الافريقية ؛؛؛؛؛؛ (Re: شول اشوانق دينق)
|
Quote: صباح الخير يا كوات
إنشالله الأهل طيبين؟
Quote: الانسان الجنوبي في فنه يميل الي ايقاع الطبول و هي سمة تتميز بها
الموسيقي الافريقية بصورة عامة لهذا كان من السهل تبني الموسيقي الزائيرية
الفوق ده هو أصل الموضوع حسب إعتقادى أما البقية فهى مجرد فروع يمكن الإتفاق أو الإختلاف عليه.
خالص الود
شول اشوانق دينق |
شيباك يا بنج
تشكر و كل الاهل بخير...
اتفق معك فيما ذهبت اليه
و لكن كيف نفسر ميول الكثير من ابناء الجنوب
للموسيقي المصرية ( محمد فؤاد مثالآ)
مع تقديري
كوات
| |
|
|
|
|
|
|
|
|
|
Re: لهذا يعشق الجنوبيون الموسيقي الافريقية ؛؛؛؛؛؛ (Re: اندرو كوات)
|
Quote: شيباك يا بنج
تشكر و كل الاهل بخير...
اتفق معك فيما ذهبت اليه
و لكن كيف نفسر ميول الكثير من ابناء الجنوب
للموسيقي المصرية ( محمد فؤاد مثالآ) |
بنج عديل كده يا كوات؟!
شكراً ليك يا اكوماديت
ميول بعض وليس الكثير من أبناءنا للموسيقى المصرية يمكن يكون ليه سببين حسب إعتقادى:
1- زى ما ذكرت فى ردك على أستاذ تبلدينا بخصوص سؤال تشابه الموسيقى الإفريقية واللاتين أمريكان إنو الموسيقى لغة تواصل.
2- فروعك الكتبتهم قبيل بخصوص إستهداف الثقافة الإفريقية (المسلسل العربى المصرى اليومى ... تلفزيون السودان... القنوات العالمية العربية) ده ممكن تكون ساهمت فى حب البعض للفن المصرى وناس نانسى عجرم.
شول اشوانق
_____________________________________
رايك شنو بخصوص الحب الجارف للـــ Hip Hop Music وعشق كثير من الشباب الناشئ للقدير 2pac
| |
|
|
|
|
|
|
|
|
|
Re: لهذا يعشق الجنوبيون الموسيقي الافريقية ؛؛؛؛؛؛ (Re: شول اشوانق دينق)
|
| Quote: رايك شنو بخصوص الحب الجارف للـــ Hip Hop Music وعشق كثير من الشباب الناشئ للقدير 2pac |
في راي حب الكثيرين لتوباك شاكور نابع من تناوله لقضايا
محورية للشباب السود في امريكا و العالم بصفة عامة
و يمكن تشابه المعاناة شكل قاسمآ مشتركآ وجعل الكثير يلتمس في فنه انعكاسآ
لهمومهم و تطلعاتهم المشتركة و التي تتلخص في التحرر من
قيود الاضطهاد.....
اندرو
| |
|
|
|
|
|
|
|
|
|
Re: لهذا يعشق الجنوبيون الموسيقي الافريقية ؛؛؛؛؛؛ (Re: اندرو كوات)
|
عزيزي ،
أعتقد أن المسألة تحتاج لبعض الموضوعية،
أولاً ، الفئة الحاكمة في الشمال لم تمتلك في يوم من الأيام اي افق للتعامل مع الفنون،
سواء أكان ذلك لسيادة هوية أو لتغيير هوية .
لا تعطها أكثر مما تستحق،
هي لم تكن ترغب في بث أغاني الوسط السوداني نفسه ،
لو لم تجد أن ذلك كان إرثاً موجوداً في مناسبات الشعب الإجتماعية ،
ومنذ ايام الاستعمار المصري البريطاني في الإذاعة ،
إن ثقافتهم ، في جوهرها ، ودعك عن حديثهم المنافق ،
ضد الفن الصادر عن وجدان سليم ،
تكفيك ظاهرة النمو السرطاني لأعداد المداحين،
كلنا ، شمالييون وجنوبيون ، مسلمون ومسيحيون ،
نعشق الموسيقى الأفريقية ،
قد لا نبحث عنها لأننا لم نتعرف عليها ،
ولكن عندما نسمعها ، نطقطق أصابعنا ، ونتمايل ، ونرقص ، ونعرض بحسبما يمليه الإيقاع.
حبيبي ،
كلنا في السودان ، كلنا ، شمالييون وجنوبيون ، مسلمون ومسيحيون ،
كلنا أفارقة ،
شاء بعضنا أم أبى ،
وجداننا أفريقي أكثر من أي شبئ آخر،
فمهما ادعى بعضنا غير ذلك ،
فإن الموسيقى الأفريقية تفضحه ،
وتكشف عن هويته الحقيقية .
تحياتي
| |
|
|
|
|
|
|
|
|
|
Re: لهذا يعشق الجنوبيون الموسيقي الافريقية ؛؛؛؛؛؛ (Re: معاذ حسن)
|
يا صديق....
نحن نميل عادة لما هو افريقي او من جذور افريقية.... قال لي صديق ان الاستاذ البزعي في لقاء معه قال انه يستغرب هرولة السودانيين تجاه العرب ومحاولتهم ان تكون اغانيهم وثقافتهم مسموعه من قبل العرب علي الرغم انه زار عددا من المدن الافريقية ووجد اغانينا تردد هناك ودرامتنا محبوبة وهو يري اننا نبحث عم فرص تسويق جيدة وهي متوفرة ونحن لا نعبأ....
لا اعرف لم يتحدث كثير من المثقفين عن عن الحكومات التي حكمت السودان بصيغة الشمال والجنوب والعرب والزنوج؟... لم يتحدثون عن فرض ثقافه؟؟؟
اري انه يجب اولا ان نفرق بين ثقافة وحضارة ...ثم ان الثقافات والحضارات تسود ولا تفرض هذا ان عرفنا الثقافة بـ"الطريقة التي يعيش ويفكر بها الناس.".. كلنا كنا ضحايا كل الحكومات المتعاقبة فلنتوقف عن لوم الشخص الخطأ وتحميل اخطاء الاخرين لاجيال وثقافات واديان واعراق...
احب الافارقة بوب مارلي... وكنت اقطع شرائط الكاسيت واضعها علي راسي وانا صغير لكي تصير مثل شعر بوب مارلي واصرخ: ايوي يوي يوي يوي.. عشقنا مريم ماكبا حتي النخاع.... وحين سمعت اغاني الامريكان احببت ري شارلس وستيف ووندر... احب والدي جاز السجانه ... وكثيرا ما تكلم عن الله جابو واكثر ما تحدث عندما اتحدث عن جاستن عن موسيقيين جنوبيين لا اعلمهم هو يعلمهم!!!
ها كلنا ندفع ضريبة الجهل الذي خلق ثم فاقم مشاكلنا فلا تلق اللوم علي الشخص الخطأ...
مختاراتك راقيه..
وانا صغير سالت والدي: "انت يا ابوي لي النوج رقاصين؟"
قال لي بالاضافة لثقافة الافارقة المرتبطة بالغناء والرقص في الحرب والسلك.. طبعا يا ولدي الاضطهاد الطويل العانوه الزنوج خلا في فتره الرقص والغناء يكون جزو من التنفيس...
علي كل انا مثلا لست عربي ولست زنجي ولا اعرف ان قسم السودان لعرب وزنوج اين اذهب او مع من اقف!!!
دعنا نتحدث عن حب الجنوبيين لموسيقى النوج وفق تحليل علمي وليس اتهامات...
| |
|
|
|
|
|
|
|
|
|
Re: لهذا يعشق الجنوبيون الموسيقي الافريقية ؛؛؛؛؛؛ (Re: مدثر محمد عمر)
|
| Quote: لا اعرف لم يتحدث كثير من المثقفين عن عن الحكومات التي حكمت السودان بصيغة الشمال والجنوب والعرب والزنوج؟... لم يتحدثون عن فرض ثقافه؟؟؟ |
العزيز مدثر
في حديثي عن الدولة السودانية قصدت المؤسسة الحاكمة و الصفوة الشمالية و لم اشر
للشمال الجغرافي بتاتآ اما بخصوص التهميش و الاقصاء فهي حقائق تاريخية
لا يمكن تجاوزها بحلول انصرافية بل يجب تشخيصها بدقة حتي نتمكن من معالجتها...
معآ نحو مجتمع معافي يحترم التعددية...
اندرو
| |
|
|
|
|
|
|
|
|
|
Re: لهذا يعشق الجنوبيون الموسيقي الافريقية ؛؛؛؛؛؛ (Re: اندرو كوات)
|
Quote: في راي حب الكثيرين لتوباك شاكور نابع من تناوله لقضايا
محورية للشباب السود في امريكا و العالم بصفة عامة
و يمكن تشابه المعاناة شكل قاسمآ مشتركآ وجعل الكثير يلتمس في فنه انعكاسآ
لهمومهم و تطلعاتهم المشتركة و التي تتلخص في التحرر من
قيود الاضطهاد..... |
Exactly
شول اشوانق
خارج النص:
ما شايف إنو الشفع ديل زودهو شوية!
___________________________________
Keep Ya Head Up
| |
|
|
|
|
|
|
|
|
|
Re: لهذا يعشق الجنوبيون الموسيقي الافريقية ؛؛؛؛؛؛ (Re: بابكر التوم)
|
سلام بتاعك يا اكوومديد اندرو كوات
واكبو سلام كتير كتير لناس الجوا لزياره فى بوست بتاع اته.
ياخى شنو طلعته تاريخنا بى بالمزيكه الجالوه-دم بلوو-دى وزكرتنى ايام المزازيك حقت الكلاكله ومايو والحاج يوسف ومره عندى واحد صحبى فردتنا من حلب بحرى من اولاد حله حمد قال عاوز يحضر ليهو حفله حقت جنوبين،سوقتو يوم لحفله كان عامله المونج الديجى واندو فى اركويت المهم خشينا الحفله وبعد ضربنا ليك العضه والببسسى -المريسه الحلال- سكرتير الحفله قام يلقى كلمتو وكدا فقام قال لناس المعزومين اسمو كلكم هنا الحفله دا حقنا وكلنا هنا ناس اخوان وكلكم عشيناكم واديناكم ببسى كمان وافتكر ماقصرنا معاكم وعشان نكون واضحين الليله يوم بتاع مزازيك وبهجه بس واى زول يحترم نفسو ويستمتع بالمزيكه زى ماداير لكن الزول البعمل حركات وعنكبه وامور تلاته بقرشين فى حفلتنا دا حيشوف دك وجر بالواطه وحاجات تانيه،المهم صحبى اشرف الحلبى قال لى يازول عرفنا الدك والجر بالواطه الحاجات التانيه دى شنو كمان قلت ليه انا ماعارفه لكن انته كان داير تعرفه قوم بعد ماتشرب الببسى حق الضيافه اعمل حركات عشان تعرف هى شنو، والمزيكه دورت ليك زى العجب والفطور فى رمضان وكل الناس اتنين اتنين وكوستى وربك والحب شبك وصحبى الحلبى خشه فى صدمه حضاريه فى زمن المشروع الحضارى حق مافى اختلاط بين مره وراجل والرقص الفاضح والخليع يازول رقصنا ليك رقيص فاضح وواضح لحدى الصباح وكت المكرفونات حقت ناس الحضاره الكان بقولو فيها(و لا نامت اعين الجبانا) والجهاد نادنا المهم مزازيقهم العجيبه ديك، وفى النهايه صبحى الحلبى من اليوم داك مسكو ليك ظار اسمو الجنوب والجنوبين ووكتو زمنو كلو مقضيهو فى الكمبونى مع المجنبه-الجنوبين- وكمان يوم الاحد اول زول بكون مجكك فى كنيسه شارع النيل وهسه مسبت-معرس-ليهو بت مورو وعندو بتين وكان لقيتو بتكلم ليك زى الترتيب لغه الجنوب المنعوته ب-عربى جوبا- وكان داير يحلف ويقسم ليك فى حاجه بقول وحيات كراع جداده فى كجرون ووحيات صاقعه والحليفه بالصاقعه فى جوبا مهمه يعنى لو بتحب ليك بت من بنات جوبا وقالت ليك بكره اشوفك جمبه الدكان الفى حى اطلع بره وحلفت قال ليك واحات ربنا انا بجى تاكد انو دا زمن فشنك وبتكون قاعد زى الجماعه البشروهم الجكس فى سعد قشره وانا كنت منهم البقولو-اغالط نفسى باصرار اقول يمكن انا الما جيت- شفته كيف ولكن كان حلفت ليك وقالت واحيات صاقعه انا بى جا-انا بجى-يازول امشى شوفليك طوالى بنطلون وقميص شده والجزمه اعمل ليها ارنيش لمعى اكتر من بوت الجيش فى طابور الصباح تقول لى شنو.
يا دسنا ياقولو يانقو،دمبو لوو دمبلو،ياخى مالو انتى جيبو لا انا مشاكل وخلى انا زكرو ايامات بتاع زمان ياجيك انت.
وتشكرا يامونج اندرو ياخ.
وبعدين الافركانو ناس مالى والسنغال ديل عندهم جنس مزازيك اسكت ساى بس والمزيكه حقت المالين والسنغالين ديل اول مره اسمع بيها لمن جيت هنا بلاد التلج وكلو صيف عندنا فى منتريال جاز فستفال-محرجانات مزازيك- من انحاء الدنيا كلها والخواجات ديل بحبو ليك ناس مالى والسنغال جنس حب وقبل اربعه شهور فنان الراب النويراوى امانول جال كان هنا فى منتريال يامونج الجن-الزول-اسمو امانول دا خطير مره واحد فى مزيكه الراب بلغه النوبر وهنا فى كميه من اذاعات الف ام ممكن تكون قاعد فى قهوه ولا اندايه-بار-تسمع غنيه لى عبد القادر سالم ياخى امباره سمعته فى الرادى ف م غنيه قديمه من السودان بتقول-ماشاء الله ماشاءالله،حاجه كولنق كولنق،انا عندى بنيه ماشاء الله)،غايتو النشوف اخرته مع الناس البعد مرات البجيهم الجن الكلكى ويمشوا يكسروا ليك الاعمال الفنيه فى كليه الفنون بعتباره اصنام ولا شنو ماعارف وهم ياريت كان يكونوا عندهم صبر الفنان العمل اللوحه والنحت بكون شالت منو كم وكت وكم سجاره وكم باقه عرقى وكم سفه تمباك وكم وكم من جهد وتفكير وخيال عشان ينجز عملو الابداعى والفنى،وفى النهايه يجى زول من خلاوى جامعه امدرمان الاسلاميه وافريقيا العالميه والقران الكريم ويكسر ليك شغل الفنان فى دقائق بس،معقوله ناس بالتفكير دا يمكن يوم من الايام يبسو لينا مزازيك افريقيه فى الرادى والتلفزيون القاطع الجمار حقهم دا-المفروض نقول حقنا- ولسه ناس قطع الخور قاعدين شغالين تش وزى العجب بفكروا يستلموا صحن السلطه-ما السلطه وحيستلموها زى الترتيب ،لو لسه ناس الديمقراطيه شغالين لى ابو حكه وابو فكيك وابو تحليه عن خطاب الهويه والشطه والدكوه والعلاقه بين الجرجير والفجل فى زمن العولمه وشنو وشنو داك من منظور الاسكافى والسماكى فى واقع بنفتكر انو متنوع، والله تانى حيقعدو ليوم القيامه والحاجات السمحه والفنيه يشموها ولا فى قدحه ملاح عدس طالما قاعدين لدس من مرافعين القرون الوسطى يااسطوات الجاهزين لحمايت الدكاكين والافران والمغالق وعشان تستلم وتاكل السلطه محتاج كنجالات والكنجالات عند ناس الدين وناس الدين ماسكين سكين بتاكل اى كادوك عملو فكى ديمقراطى وعلمانى.
وكترو من المزازيك والنقاره الافريكانو.
محسن طه
| |
|
|
|
|
|
|
|
|
|
Re: لهذا يعشق الجنوبيون الموسيقي الافريقية ؛؛؛؛؛؛ (Re: اندرو كوات)
|
البوست دا هديه للفرده المنقرضه
عثمان عجبين
اتمنى حضورك ياعجين هنا فى النقاره الافركانو دى
ودق نقاره نقديه هنا وبعدين ياعجبين شافك مع ناس اجراس الحريه-اشاء الله الجرس مايكون جرس الطابور و لا جرس الفسحه؟و ندعو الرب نيكانق انو تكون(جرس البيوت) للحكومه المصنقر لينا فى بنبر السلطه. والكلام دا وصلو لجالدونق الحاج وراق لو ليقتو.
| |
|
|
|
|
|
|
|
|
|
Re: لهذا يعشق الجنوبيون الموسيقي الافريقية ؛؛؛؛؛؛ (Re: محسن طه)
|
اندرو كوات
يقول
Quote:
يسألني بعض الأصدقاء دومآ لماذا يميل الجنوبيون اكثر الي الموسيقي الافريقية؟؟؟
من تجربتي الخاصة؛ اعتقد ان حب الجنوبي للموسيقي الافريقية جاء كرد فعل عكسي
لمحاولات الدولة السودانية التي استهدفت ثقافات المجموعات الأفريقية بنية إعادة إنتاجها
في القالب العربي الإسلامي و تهميشها و العمل علي تفريغها من اي معاني جمالية او ثقافية...
من جانب آخر؛ الإنسان الجنوبي في فنه يميل إلي إيقاع الطبول و هي سمة تتميز بها
الموسيقي الافريقية بصورة عامة لهذا كان من السهل تبني الموسيقي الزائيرية كبديل مرحلي
و كاداة تحافظ علي ثقافة الافريقي السوداني (الجنوبي)
و عندما نما ادراك ان الذوق الموسيقي للفرد أضحى جزءا من معادلة الاستلاب الثقافي
كان من الطبيعي ان اختار(كوفي اولوميدي) بدلآ عن النور الجيلاني.
|
اندرو ... تحية طيبة
اعجبني موضوع البوست
وللحق لم اطل علي سودانييز منذ فترة
ولولا تنبيه صديقي محسن طه (لاكو)... لفاتني الامر
عموما ساعلق علي بعض النقاط التي وضعت تحتها خط في الاقتباس اعلاه
اتعلم نحن جميعا كسودانيين ونسبة لاننا لم نزل (بدو) نتعامل مع الموسيقا والغناء على وجه الخصوص على انه يلعب دورا وظيفيا صرف ، اي ان الموسيقا والغناء تلتصق بالواقع ولا تخلق بديلا خياليا له ، ماميز الفنون -كل الفنون-انها يجب عليها ان تخلق واقعا بديلا ، وتنقل المستمع من عالم الي عالم آخر ، لكن موسيقا البدوي يريد منها ان تصف حياته كما هي ، اي يريد من اغنيته ان تكون" تقريرا"عن واقعه ، وعندما تقول يا"كوات"ان حب الجنوبي للموسيقا الافريقية جا كرد فعل عكسي لواقع ثقافي بعينه ، انت بذلك تظلم نفسك اولا وتحرمها من الموسيقا كأجمل نشاط بشري، وتظلم الموسيقابانك تنظر اليها باعتبارها يجب ان تعبر عن واقع معيش ، وكلنا نرتكب هذا الخطأ باننا نفترض في الاغنية انها تقول كلمات مفهومة_اي ان تكون خطابا سياسيا او اجتماعيا-ويفوت علينا ان هذا ليس دور الموسيقا اصلا.
اذا كان النص الغنائي يعبر عن شيئا يمكن التعبير عنه في العادة .... يصبح شعرا ميتاً
اذا كانت الموسيقا التي تنسج الكلمات لا تقدر علي اخذك بعيدا ....تصبح موسيقا عاجزة
لقد قلت في بوست سابق هنا في سودانييز ان اغلب او معظم اغنيات وسط السودان ليس جميلة لانها ميتة ، وشبهتها بالاسماك في البحر، فالاسماك الميتة وحدها هي التي تسبح مع التيار ، اذا جلست قرب النهر يمكنك ان تري بوضوح هذه الظاهرة ، فموات الاغنية يكون عندما تلتصق الاغنيات بتيار الواقع .
اغنيات المركز الاسلاموي عروبي ، هي بالاساس اعدت لتخدم خطابا ما ، هي اعدت لتخدم الشعر وتعمل علي ايصاله فقط ، اي انها ترتل الشعر ترتيلا ، فهي ضعيفة موسيقيا لهذا السبب ، الاغنية الافريقية تمتاز عليهابانها موسيقية بالاساس وتفكر في الالحان تفكير صانعي الالات الموسيقية.
ولا ن وسط السودان هو افريقي اثنياو عروبي ايدلوجيا ، صار يفكر في الموسيقا بما يمليه عليه وعيه العروبي المنتج للشعر فقط في احسن حالاته الابداعية.
انت تعلم ...الموسيقا في المركز مازالت ترزح تحت كونها (سلوك لا يليق بالرجال)، فماذا تنتظر منها؟؟!!!
وحتى لانظلمها ففيها لحظات بارقة وجميلة ومبدعة.
اما بخصوص ان (الإنسان الجنوبي في فنه يميل إلي إيقاع الطبول)... هذا بدوره يحلينا الي ان الايديولوجية الاسلاموعروبية تبغض الرقص وتجده مرادف للخفة وعدم الاتزان ...لذا جاءت موسيقاها خالية من هذا الايقاع القوي ...وهي لاتريد ان ترقص ..وان رقصت ترقص بهدوء...والجنوبي بعكس ذلك تمام فهو لايتخذ موقفا اخلاقيا وقيميا من الرقص .
وتاتي لتقول (تبني الموسيقي الزائيرية كبديل مرحلي)... لا ياصديقي لاتتبني اي موسيقا جميلة تبنيا مرحليا ...تبناها استراتيجيا ...حتي لو كانت موسيقا المركز...فالموسيقا الجميلة خيار مفتوح الي مالانهاية.
ثم ياتي تبلدينامتسائلا:
Quote: بس عندى سؤال : ما وجه الشبه او علاقة الايقاع اللاتينى بالايقاع الافريقي .
( اللامبادا .. الريغي .. الجالوه .. السامبا .. الخ
|
التاريخ يقول ان امريكا اللاتينية منذ القرن السادس عشر شهدت -ابان حملات الاسترقاق-جموع غفيرة من الرقيق الافريقي ، تزاوجت أعداد كبيرة من البيض والسود والهنود في أمريكا اللاتينية ...هذا يصلح برأيئ كاجابة علي سؤالك ، والموسيقا الافريقة اينما حلت تخلق فرقا وتغير مجري تاريخ الموسيقا ، وامامك الجاز والهيب هوب .....الخ
ثم ياتي شول اشوانق دينق
ليقول:
Quote:
Quote: الانسان الجنوبي في فنه يميل الي ايقاع الطبول و هي سمة تتميز بها
الموسيقي الافريقية بصورة عامة لهذا كان من السهل تبني الموسيقي الزائيرية
الفوق ده هو أصل الموضوع حسب إعتقادى أما البقية فهى مجرد فروع يمكن الإتفاق أو الإختلاف عليه.
|
واصاب شول لانه اهتم بالفكرة الاساسية في الموضوع
-----------
آسف لطول المداخلة
وشكرا علي اثارة الموضوع يا اندرو
وشكرا علي الدعوة والتنبيه يامحسن
ونواصل نقاش
----
عثمان عجبين
| |
|
|
|
|
|
|
| |
اندرو كوات
فيصل محمد خليل
شول اشوانق دينق
معاذ حسن
مدثر محمد عمر
Raja
بابكر التوم
Omer Abdalla
JOK BIONG
فيس بوك
تويتر
انستقرام
يوتيوب
بنتيريست