غناية الحبة دي ..؟ البوست دا ترويجي شديد .. ح نجمع اكبر عدد من الاصوات .. لو اضطر الأمر نعمل حملة توقيعات لانو المسالة خطيرة جدا .. في زولة اسمها عبير دي ممكن تضيعنا لو ما انتبهنا ليها .. مسالة التصويت عبر الرسائل القصيرة لسه ما انتبهت ليها.. اصحى معانا .. لحدي ما نكمل باقي الشغل ..
معاي منـو؟؟ والله يا عمك من ما مشيت أخوك بطل روعـة .. بقينا نعتمد على الروعات الخارجية.. بقيت معتمد على شفافية معتصم دفع الله .. وتهويمات شتــات تقول لي يا رايع ؟؟ بعدين مافيش زول قاعد يمرر لي الاجندة حقتي .. أخوك كان ما لحقتو .. ممكن يبقى اروع من كدا بالمناسبة الشباب في الشرقية قالو عاملين ليهم جمعية معجبي افراح عصام .. انا غايتو ح ادخل بي الاسهم القديمة بتاعتك .. يعني ممكن تعتمد علي شديد .. اروع من كدا مافي
04-26-2008, 07:54 AM
jini
jini
تاريخ التسجيل: 02-05-2002
مجموع المشاركات: 30720
السلام عليكم ده شنو يا عمك ؟ رابطة جلاكين المنبر والا شنو ؟ يا كافي البلا كل المتداخلين معاك يا تامبا أقل واحد فيهم ليهو 5 سنة ؟ بعد كده حا نسميكم المنبر القديم على وزن السودان القديم وكده ..................... افراح دي يا تمبس قالت مواليد 1991 م تصور برجع لك بعدين لموضوع غناها ده تحياتي لكل جلاكين البورد أعلاه
............................. وما الناس إلا هالك وأبن هالك *** وذو نسب في الهالكين عريق
Quote: رابطة جلاكين المنبر والا شنو ؟ يا كافي البلا كل المتداخلين معاك يا تامبا أقل واحد فيهم ليهو 5 سنة ؟ بعد كده حا نسميكم المنبر القديم على وزن السودان القديم وكده ..................... افراح دي يا تمبس قالت مواليد 1991 م تصور برجع لك بعدين لموضوع غناها ده تحياتي لكل جلاكين البورد أعلاه
الزول سلام جاك .. ياخي البوديك تعاين لي شهادات ميلادنا شنو دا حالتو الواحد داخل في درو عثمان الشفيع .. وبحاول يقلل الفرق مع مواليد 91 ديل .. قال 91 قال .. ستة سلندر ولا 4 سلندر ياربي ؟
ليك الود
04-26-2008, 10:21 AM
tmbis
tmbis
تاريخ التسجيل: 10-19-2002
مجموع المشاركات: 24862
Quote: تمبس خلي الفتنة ياخي عشان البت (جلابية ) مأصلة يمينة سودانية عامل ليها الكيتة دي ؟
والله يا اساسي بنشجع اللعبة الحلوة شديد .. كمان لحدي الآن عندنا مساحة .. وهـامش حريات كويسة عندنا صاحبنا محرمين ليك عليهو قناة الشروق .. والتاني محرمين ليك عليهو قناة زول يللا بلاي يدك معانا عشان نحرم عليك النيل الأزرق إنت والجنريتر دا .. عاين قال شنـو ازول دا خليك شاهد:
Quote: حاتم سلامات وينك مختفى! تعرف انا البنات الأوديو فيجوال ديل (صورة و صوت)! ببهدلونى وبلخبتونى وبخربوا على!
لا حولا يا عبير صالح! ود الفحيل منو يا يــابا..؟ يا اساسي نجوم الغد دي من ما قامت الجندريات ضاربننا تلاتة صفر طوالي .. من سـارة النور ..(تضحك)..؟ لحدي عافية حسن .. وحرم الضقاله.. انا شخصيا قاعد استمع للاصوات النسائية بس، مالي ومال الجهجهة
Quote: اول مرة اشوف جني مدشدش كدا في غير الدُنب العاجية
هي كان دشدشة براهـا كويس .. بقى كمان يعمل طلعات جوية .. للفرق الأخرى..
04-26-2008, 09:40 AM
tmbis
tmbis
تاريخ التسجيل: 10-19-2002
مجموع المشاركات: 24862
Quote: يا تمبس حرام عليك ما تضلل الناس! عبير صلاح دى حاجة تانية! جنى
Quote: تعرف انا البنات الأوديو فيجوال ديل (صورة و صوت)! ببهدلونى وبلخبتونى وبخربوا على!
يــــا جني .. انا شايفك ليك يومين عامل كيته بي هناك .. قلته انساهو الموج بجيبو .. انا حضرت الحلقة بتاعت عبير دي .. فتحت القناة جاتني وش ... (خلعه) ساكت ما قدرت اظبط ليك الوصلات بتاعت الجهاز مع الرسيفر مع التلفزيون مع الحاجات دي .. بعد نهاية الحلقة اكتشفت ليك انو الحلقة الجاية اللي هي بتاعت الخميس الفات اول امس دا .. فيها افراح عصام .. عملت فيها رايح .. قلت جني دا نجيهو ليك بالعالي .. يعني بي صراحة كدا .. حسع دي كان تلقاني معاك في سرج واحد .. أنا اللقط ليك في الأكياس وإنت تربط فيها هههههههاي شوف يا جني .. المسالة (توتو كورة) عشان اكون واضح معاك .. إنت لقط اكياسك بي جهة وأنا بلقط بي جهة .. جيت عملت هجوم في البوست دا رجفه منك ساكت .. وخلعه لكن نحن ناس افراح عصام تكسب لينا كلام.. إنت لسه شفت حاجة..؟ دقيقه بس انزل ليك الملف التاني دا .. والله بمبــان عديل يا جني ..
حضر بصلتك .. ومنديل مبلول كان لقوك غمران هنا دا انا ما علي
04-26-2008, 08:08 AM
SILVER MOON
SILVER MOON
تاريخ التسجيل: 02-24-2002
مجموع المشاركات: 300
.. يا قرضابي ، لحدي الان طبعا انا مصنفك عنصر محايد .. يعني بتشجع في اللعبة الحريفة .. ما زي جني طبعا .. دعوة لتغيير لجنة تحكيم نجوم الغد البوست دا مؤشر كويس .. للمتابعة وفاتح شهية ..
Quote: الحاجة المهمة يا قرضابي: عبير دي حاجة تانية .. قبلما نيران عافية حسن .. وأفراح عصام تنطفي .. جات طالعة لينا دي من وين ما عارف الحلقة الجاية .. فيها أفراح عصام .. يعني: عبير وافراح .. حديد يلاقي حديد ,. وانا مبدئيا بشجع اللعبة الحلوة .. كان ما يطلع لينا بعاتي يخمهن الاتنين
وقلت لي ..
Quote: عبير و أفراح .. حرير يلاقي حرير
.. ودا الكلام المظبوط .. لكن عايزين الفرز ..
Quote: أنا كده حا أتفرغ لي ناس سيف وحوا لحدي ما أجيب ليك خبرهم
اطلق عليها من الوهلةالأولى فنانة المستقبل موهوبة وصغيرة في السن مواليد 1991م لو سمعتها يا عزيزي تمبس وهي تغني: في هواك يا جميل العذاب سراني ستقتنع أن المستقبل أمام فنانة اسمها أفراح عصام
Quote: يــــا جني .. انا شايفك ليك يومين عامل كيته بي هناك .. قلته انساهو الموج بجيبو .. انا حضرت الحلقة بتاعت عبير دي .. فتحت القناة جاتني وش ... (خلعه) ساكت ما قدرت اظبط ليك الوصلات بتاعت الجهاز مع الرسيفر مع التلفزيون مع الحاجات دي .. بعد نهاية الحلقة اكتشفت ليك انو الحلقة الجاية اللي هي بتاعت الخميس الفات اول امس دا .. فيها افراح عصام .. عملت فيها رايح .. قلت جني دا نجيهو ليك بالعالي .. يعني بي صراحة كدا .. حسع دي كان تلقاني معاك في سرج واحد .. أنا اللقط ليك في الأكياس وإنت تربط فيها هههههههاي شوف يا جني ..
فيفتى فيفتى بالفلبينى الاتنين مكسب للبلد! جنى
04-26-2008, 12:00 PM
tmbis
tmbis
تاريخ التسجيل: 10-19-2002
مجموع المشاركات: 24862
مكسب والله يا جني .. لكن كان عايز تطلعه ففتي ففتي .. كان اديت اساسي فرصة يرصدك .. ؟ والله انا محتار في الاتنين .. لكن كمان لازم واحده في الاتنين .. انا غايتو تبع (ففتي) أفـراح .. خليكم في ففتيكم واكلو اخوان واتحاسبو بورداب .. والحساب ولد. بعد كدا ح نشكل ليكم يا جنــي من القديم .. هـــاك القمــــر دا..
04-26-2008, 11:44 AM
tmbis
tmbis
تاريخ التسجيل: 10-19-2002
مجموع المشاركات: 24862
Quote: سمعتها يا عزيزي تمبس وهي تغني: في هواك يا جميل العذاب سراني ستقتنع أن المستقبل أمام فنانة اسمها أفراح عصام
استاذنا الشيخ صاح .. سلامات .. بالفعل استمعت لي افراح عصام اكتر من مرة .. وفي الاغنية المحددة .. (في هواك يا جميل) وكانت عشرة على عشرة .. وتنبي بمستقبل واعد لو توفرت لها الرعاية بالشكل السليم .. اهديك نفس الاغنية .. في هواك يا جميل .. من بوست سابق .. افـــراح عصــام .. من نجوم الغــد أضغط للتشغيل و(الاستمتاع)..
Quote: ازيكم يا جلاكين قاعدة منعجصة في كمبيوتر المدير الاطرش دا
كيفك يا حاجة..؟ الانجعاصة ما فوكه مشكلة .. بس المشكلة تكون جابت ليها نضارات .. الحاجة المهمة: بعد ما ترجعي البيت وتديها شوية ترطيبة .. بلاي اسمعي لي البنية دي ,. بي سمع جلاكين ... وشوفيها لي بي شوف عيون غزال واهم حاجة .. بعد دا كلووو.. تجي تصوتي لينا هنا دا بي اعلى ما في صوتك .. لانو ح ننتظر الحلقة الذهبية .. جماعة جني ديل لازم يعرفو حاجة ..
04-26-2008, 10:18 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18041
قلت لي كيف يا بركــة .. ما بطالــه ؟ إنت الله دا ما بتخافو ..؟ والله يا مسكين .. علشان مسكنتك الشديدة خلينا ليك ريمـاز مرغني .. لانو لقيناها ما عندها اي حاجات جديدة عامله كدا زي الوردة بتاعت صباح الخير ديك .. تفتح الصباح ولما ترجع من المدرسة تلقاها انطفت .. عندك جديد ليها يا مسكين .. واللا نسجلك معانا تحت (بنــد): معجــب مسكين..
والله حاجة روعة ، أداء وإحساس راقي من بدور في عمر الزهور بس كيف القى سيد روحي دي ضواقة يعني ولا شنو لكن كمان جني أبو الجنون دا أنا بعرف ذوقو وكلامو ما بقع واطة عشان كدا وعشان نحكم بي عدل ، ونولي من يصلح أتكرم علينا بضواقة من عبير ومخصم بالنبي ما تنسى كود الحفظ للقديم والجديد
04-26-2008, 01:02 PM
tmbis
tmbis
تاريخ التسجيل: 10-19-2002
مجموع المشاركات: 24862
ازيك يا سنجاوي ,.. ووين الحي بيك .. زمن طوووويل يا صديقنا.
Quote: بس كيف القى سيد روحي دي ضواقة يعني ولا شنو
ياخي والله عملية تزعل عديل كدا .. الحلقة كلها فاتت علي .. أخونا وزميلنا الأمين لحق الضواقة دي .. بالاضافة للاغنية التانية العايزين نخلع بيها جني دي .. لكن ح تكون من نصيبك برضو .. والحضر القسمة يقسم .. والله جني ذوقو عالي جدا .. لكن شايفو جر واطي .. وقال .. ففتي ففتي .. نحن كنا عايزين نطلع بالنمره الكاملة .. عشان تدخل معانا السستم .. اجيب ليك الملف بتاع عبير من (الصيوان) الداقيهو جني بي هناك .. بعدين يا سنجاوي عمك بكري صعبة المسألة حقت لنكات الحفظ دي .. بقت الشغله قاسية وما زي أول .. لكن لو عندك الريل بلير الجديد .. بتجيك رسالة ناطه بتسهل ليك عملية الحفظ دي .. هاك دي عبير صــلاح ..
غايتو يا عبير الله يثبت القلـوب بس .. وتطلع الشغلانه دي درون .. ففتي ففتي
04-26-2008, 12:47 PM
jini
jini
تاريخ التسجيل: 02-05-2002
مجموع المشاركات: 30720
Quote: أها يا سنجاوى امشى البيت أحرد الغدا! والعجب أم بى ثرى فى اضنيك عشان يلحقوك أمات طه! جنى
.. والله يا جني .. خبرتك في الحياة تحير .. امات طه بي ياتو سستم .. ؟ دق واللا سهـر وغسيل مواعين لينه قبال ما تنشف ..؟ غايتو أخير صاحبي المحرمين عليهو يشوف قناة زول
04-26-2008, 12:54 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18041
Quote: شايف (ما بطالة)دي خلتك تتجلي يا تامبا خلاص بطالة .. فتت ( يعني إتخارجت بسرعة البرق )
اتجلى شنو يا طلحـة ياخ .. هو في واحد عليك الله قاعد يجلي فيها ثابتة غيرك هنا دا .. ؟ .. شكلك عايز تدردقني علشان انزل ليك ريمـاز ..؟ تشمها قدحــة هاك النــوار دا يا مسكين .. بس عملا في الله .. وعلشان البوست دا عايزين نشتغل فيهو نظام 2×1
يا سنجاوي .. جني دا ما تركز معاهو شديد .. عايز يجرجرك .. خليك معاي انا ركز معاي في افراح دي .. نديك ليها بي روايتين ليــلاتنـا ليلية: سيد عبد العزيز + زنقــار شوف البت دي اتجلت كيف .. في الحقيبة دي ؟؟
يازول البنية دي خطيرة بالحيل الله يحفظها من عين ناس هناي وعبير دي ابت تسمعني صوتها بالمرة لا في الجبتو انت ولا لنك جني عشان كدا يازول الفاتك فوتو وبديكم صوتي أنا والمعاي ( بس بدور لي قطعة أرض ناصية كان فزتو ) تعرف يا تمبس ادمنت نانسي عجاج لأنها على قول بنيةً لينا بتطلع الغناء من مصارينا.. بتغني بكل أحاسيسا وبتعبر بي كلها .. أها البنية دي فيها ريحة نانسي بس خلطوها بي حنان النيل ولكن في النهاية بتشبه روحها .
مشكووور يا صاحبي وعارفك شفت الفاتك دا بتعرف تعوضو من وين ويانا الراجنك بي جاي .
04-27-2008, 09:10 AM
tmbis
tmbis
تاريخ التسجيل: 10-19-2002
مجموع المشاركات: 24862
Quote: وعبير دي ابت تسمعني صوتها بالمرة لا في الجبتو انت ولا لنك جني عشان كدا يازول الفاتك فوتو وبديكم صوتي أنا والمعاي ( بس بدور لي قطعة أرض ناصية كان فزتو )
يا سنجاوي .. سلاحك صوتك يحمي بلادك يحمي جنيهك ما ينهار دا شعار مرحلة قديمة .. المرحلة الحالية .. قطعة ارض ناصية ومصنع اثاثات .. ادنا صوتك .. وما عندك مشكلة .. والله عبير دي يا سنجاوي بتستاهل .. كدي حاول لكلك بي هنا بي هنا .. واسمعه ، قلت ليك دي الوحيده حسع دي المخوفاني لانو اصلو نجوم الغد دي كل مرة بيفوز بيها البنات الغنايات ديل .. زي التقول مافي صوت رجالي مميز .. ماشاء الله عليهن وربنا يحفظن كلهن .. نانسي عجاج يا سنجاوي برضو فيها ريقا طاعم .. بس بي صراحة ما قاعد اسمع ليها كتير وفي اغاني عديل كدا ما قاعد اسمعه ليها .. لكن وينه حنـان النيل .. يحليله ويا حليلنا نحن معاها ..
04-26-2008, 01:57 PM
الجندرية
الجندرية
تاريخ التسجيل: 10-02-2002
مجموع المشاركات: 9450
Quote: يــــا جني .. انا شايفك ليك يومين عامل كيته بي هناك .. قلته انساهو الموج بجيبو .. انا حضرت الحلقة بتاعت عبير دي .. فتحت القناة جاتني وش ... (خلعه) ساكت ما قدرت اظبط ليك الوصلات بتاعت الجهاز مع الرسيفر مع التلفزيون مع الحاجات دي .. بعد نهاية الحلقة اكتشفت ليك انو الحلقة الجاية اللي هي بتاعت الخميس الفات اول امس دا .. فيها افراح عصام .. عملت فيها رايح .. قلت جني دا نجيهو ليك بالعالي .. يعني بي صراحة كدا .. حسع دي كان تلقاني معاك في سرج واحد .. أنا اللقط ليك في الأكياس وإنت تربط فيها هههههههاي شوف يا جني ..
يا تمبا فيفتى فيتى لسان حالك حسب بشتنتك الفوق دى! اما رقاد الواطة حقى 100% ضاع صبرى اين يا وصلى قلبى بى نار الغرام مصلى! ود الموج! كمان ما تبالغ 91 ما كابستها! يادوبك 71 ! جنى
Quote: ما تزعل.. عبير .. قطعا.. تتفوّق على لجنة التحكيم.. بس أفراح أحسن..
.. والله يا جني موقفك بقى خطير حبتين .. كمان مع رقم (8) الختاهو سلفر مون دا .. حقك راح عديل كدا .. اظهر نوع من الروح الرياضية .. وانسحب وتعال اتكسر بي هنا .. . . يا نجوان .. أشكرك على الدعم العيني دا ياخ .. لكن برضو لسه ما مضممونة انت .. دا نظام رشوة كان لقيتي ليك حاجة فيهو شغاله .. ..نجمــات .. نجــوم الغــد
04-27-2008, 02:32 PM
tmbis
tmbis
تاريخ التسجيل: 10-19-2002
مجموع المشاركات: 24862
نجــوان ..؟ طبعا ارشيف الدرر كان مليان درر .. وقاعد طبعا ارجع ليهو مرات مرات علشان اعمل نقد ذاتي لكن لحدي الآن طبعا ما عافي ليك مسالة سندريلا .. بنردها ليك في رمضــان الجاي .. امسكي اتفضلي يا ستي شان تشوفي بنفسك
Quote: ذكية ومثقفة.. وسندريللا النيل الأزرق بالمنطق ده يبقى أكيد سعد الدين مش بس سوبرمان .. بل رّب البث التلفزيوني ظاااتو.. ____ يا تمبس.. سندريللا دي عندها جناح كامل.. بملحقاته.. في بوست دراب الفضائيات..
Quote: كلامي ده قلتو ليكم في عافية ومشيتوا وجيتوا ليهو تاني..
يا زولة استخفري .. بلاي ركزي لينا على ناس شكر الله .. وحمزة عوض الله .. معانا ناس هنا دا ما بتتحمل ..
Quote: وأهي عافية دلوقت تبربش بعيونها.. مع تغيير العدسات.. تزيد كل يوم وقية مكياج.. وغناها ما زال في نفس المكان..
ــ
Quote: عموما الوليدات والبنيات هم نجوم الغّد ولجنة التحكيم نجوم القّد.. صحيح ..أمر الله غالب..
الله غالب يا نجوان .. لكن حقيقي كنت بتمنى يتقدموا صوتين تلاتة رجاليات .. لانو اصلو ما ممكن من بداية نجوم الغد لحدي الان .. مجهجهننا .. سمع وشوف نجوم الغد .. الحلقة الذهبية ! ــــ ركزي معانا في أفراح دي حبتين ..
04-27-2008, 01:05 PM
tmbis
tmbis
تاريخ التسجيل: 10-19-2002
مجموع المشاركات: 24862
Quote: يا تمبا فيفتى فيتى لسان حالك حسب بشتنتك الفوق دى! اما رقاد الواطة حقى 100% ضاع صبرى اين يا وصلى قلبى بى نار الغرام مصلى!
يا جني .. فيفتي فيفتي ... (نهيي).. بشتنه معانا .. وبنمشيها لكن كمان رقاد الواطه والفراش في ضاع صبري ..ما بيضمن ليك الففتيين .. بنديك فرصة تعبر عن شعورك في ليلاتنـا دي .. تعال خم وصر احسن ليك الفرصة دي محدودة جدا ..
04-27-2008, 06:23 AM
SILVER MOON
SILVER MOON
تاريخ التسجيل: 02-24-2002
مجموع المشاركات: 300
تشكر يا سيلفــر .. على رقم الفرح (8).. وياريت لو في طريقة لي باقي ارقام التصويت .. غايتو مبدئيا كدا رقم (8) دا بموت ليك معاهو موت .. احتمال اربط لي ستلايت عديل كدا تحت السرير..
تعرف البنية دي كان سمعتها من غير ما أشوفها كان كسرتني وخلت عرقي يتفتف . صوت يخربش في العصب الحي ، لكن يا صاحبي الغناء دا إحساس وترجمة مشاعر . كدي ركز معاي على قول تامبا وشوف كلمات لو تعرف الشوق دي واتخيل شاعرها وهو بيكتبها مخاطبا المحبوب وتعال شوف عبير بتوصل الرسالة دي وهي تقرب تضحك من انبساطها من نفسها واعجابها بأدائها الرائع فعلاً لولا هذه الجزئية . قلبي معها وصوتي مع أفراح .
تمبس الله يعوضنا في قطعة الأرض .. أفراح تكسب لكن كان لقيت لي ركشة ما بطال نعمنو معاي نص الألف صوت . وففتي ففتي ما بتخارج ، افراح عصام مية المية .. والفانوس حرق القطية ، وعاش أبو برعي ، عاش أبو برعي
04-28-2008, 09:23 AM
tmbis
tmbis
تاريخ التسجيل: 10-19-2002
مجموع المشاركات: 24862
Quote: وتعال شوف عبير بتوصل الرسالة دي وهي تقرب تضحك من انبساطها من نفسها واعجابها بأدائها الرائع فعلاً لولا هذه الجزئية . قلبي معها وصوتي مع أفراح .
... والله يا سنجاوي .. دا الكلام الصاح .. عبير دي فنانه برضو .. فنانه شديد وصوته دا حاجة ما بتخلص .. مليان .. مليان احاسيس كتيرة جدا .. ومعبر ـ وقدرت فعلا توصل رسالة الشاعر على الاقل خلتنا مبسوطين .. التقول الرسالة دي كاتباها ومرسلاهـا لي (جني) عبير فنانه .. ومحتاجين نشوفه في الدورة الجاية .. الدورة دي افراح عصام تكسب ..
يا سنجاوي .. القندول مية المية .. لا شجرة ولا قطية .. عــاش الشعب والردة مستحيلة .. إذا استمريت معانا كويس في الحملة دي في امكانية (امجــاد).. ومعا لاسقاط جني
ياسلللللللاام ياافراح ياتمبس شكرا للابداع الجميل الجبتو هنا افراح بعد فى هواك ياجميل تاتى بالروايع وحبى بيك من هسى وبى ضمان الوكالة افراح نجمة نجوم المستقبل افراح افراح اختيار الاغانى براهو داير ليهو جائزة تسلم ياتامبا
04-28-2008, 01:50 PM
tmbis
tmbis
تاريخ التسجيل: 10-19-2002
مجموع المشاركات: 24862
Quote: من هسى وبى ضمان الوكالة افراح نجمة نجوم المستقبل افراح افراح اختيار الاغانى براهو داير ليهو جائزة
سلامات يا تيتاوي .. وحمد الله الف على السلامة احيي السمع العالي .. والناس البتتحسس الغناء الجميل .. افراح في هواك يا جميل قدمتها لنـا في قالب احساس جميل جدا .. كل من استمع لها .. توجها بالدرجة الكاملة .. نستمع لأفراح ولا نكل الاستماع .. نستمع لها الآن وغدا وبعده .. افراح نجمة لكل المواسم .. وبدون شك..
04-28-2008, 09:45 AM
tmbis
tmbis
تاريخ التسجيل: 10-19-2002
مجموع المشاركات: 24862
Quote: ريل نايمة وامورها كلها تمام..اليوم شكلو ماشي عادي ومريح..
..
Quote: عافية منك يا تمبس ..لكن يومي باظ!
والله انا برضو عافي منك يا رشــا .. جكسايتي عامله كيف بلاي ..؟ بعدين يا دكتورة انتي زبونة قديمة جدا عندنا بالنسبة لي النجوم وكدا .. علشان كدا بلاي كلما تسمعي ليك ملف يعجبك .. إن شاء الله ملف علاقي .. ادينا دعوة كاربه كدا من النوع البمشي طوالي زي البنج بس على شرط : تدينا خبر بالصيغة بتاعت الدعوة قبال ما تعملي ليها (اتاشمنت) .. من معتصم عمل عملتو ديك شايف الأيامات دي في دعوات كدا مدوره .. والله مشروع السندوتشات دا كويس .. خاصة الواحد تعب من سغالة ناس (كـــودو) .. ومن سلطة الأسود بالدونــات بلاي خلي بالك معانا لي افراح دي .. وكتري لينا من الدعوات تحياتي للحاجة .. وريل وابوهـا ..
04-27-2008, 11:21 AM
Mirghani Ali AlAmin
Mirghani Ali AlAmin
تاريخ التسجيل: 05-02-2002
مجموع المشاركات: 246
أفراح عصام تكسب وعبير صالح تكسب وفوق كل هذا وذاك نحن نكسب
وولد العازف خالد الفحيل يكسب وقبلهم عافية حسن ، ورماز ميرغني، وحرم النور ، والشاب سعد الحاج ، وكثير لم تزعفني الذاكرة لتذّكر أسماءهم الشكر كل الشكر للفنان المطبوع بابكر صديق وثمرة ما قام به الاستاذ الفنان بابكر صديق أن أخرج لنا ثلة من الشباب الموهبين من طلبة وخريجي الجامعات ، من ذوي العلم والمعرفة والثقافة بعد أن كانت ساحات الفن وخاصة في مجال الفن النسائي حكراً على الفاقد التربوي وقليلات الثقافة والعلم والمعرفة أرشح عبير صالح ، وأفراح عصام ، وإبن العازف الخلوق خالد الفحيل للصعود للأدوار القادمة
Quote: أفراح عصام تكسب وعبير صالح تكسب وفوق كل هذا وذاك نحن نكسب
فعلا يا مرغني .. والله كلنا كسبانين .. وكسبان البرنامج الناجح دا .. لكن طبعاالمناكفه لارتفاع وتيرة المنافسة .. وعلشان كمان النجوم تضئ بشكل اوضح .. التحية لاستاذ بابكر وهو يقدم كل هؤلاء النجوم الذين سردتهم هنا .. واتمنى ان اتمكن في مقبل الايام من خلق بوست توثيقي يحوي كل هذه المجموعات .. عرفانا وردا لجميل الأستاذ بابكر الصديق ..
Quote: أرشح عبير صالح ، وأفراح عصام ، وإبن العازف الخلوق خالد الفحيل للصعود للأدوار القادمة
اعتقد ان المنافسة انحصرت على هؤلاء الثلاثي .. وعلى ذلك يكون ترشيحي الدائم لأفراح عصام .. مع حبي واستمتاعي ببقية المجموعة ..
04-27-2008, 11:45 AM
Rihab Khalifa
Rihab Khalifa
تاريخ التسجيل: 07-07-2006
مجموع المشاركات: 3738
شوف يا تمبس يا اخوي انا والله ناس البيت هردو مصاريني بي التلفونات يازول ...ياعمك ... ظهرت بت غناية اسمها عبير يازول تعال وشوف ...اسمع فتش اليوتوب ناس تمبس بكونو نزلوها والله اخوك متكبكب 3 يوم ما قادر افهم حاجة ولا انزل شي في النهاية لحقوني سي.دي مع عرسان جايين علين بي جاي في ماليزيا اخوك قاعد متقنطر في المطار 4 ساعات لحدي ما استلمتا
اها وبعد داك حصل شنو؟ جات البت دي اسمها افراح والله موش افراح دي دستة افراح غناااااااية وانا والله عديل كدا خرخرتا وشايت طوالي مع بتنا افراااااح وضي القمر دا علي كفاية
عليك الله ياتمبس وفي زمتك كدي شوف لينا ليها كم غنية كدي ونزلن تكسب فينا ثواب
محمود عوض ماليزيا
04-27-2008, 10:43 PM
jini
jini
تاريخ التسجيل: 02-05-2002
مجموع المشاركات: 30720
Quote: شوف يا تمبس يا اخوي انا والله ناس البيت هردو مصاريني بي التلفونات يازول ...ياعمك ... ظهرت بت غناية اسمها عبير يازول تعال وشوف ...اسمع فتش اليوتوب ناس تمبس بكونو نزلوها والله اخوك متكبكب 3 يوم ما قادر افهم حاجة ولا انزل شي في النهاية لحقوني سي.دي مع عرسان جايين علين بي جاي في ماليزيا اخوك قاعد متقنطر في المطار 4 ساعات لحدي ما استلمتا
.. يا بوحميد .. والله (هاردلك) تعرف انا الكبكبه دي حصلت لي برضو .. كنت قاعد في الكرسي جمب الكمبيوتر وناسي انو الخميس في حلقة لي نجوم الغد.. فجاة فتحت التلفزيون .. لقيت الزول البقلد اللحـو .. عاينت للحلقة كدا قلت ياخ دي مجليه .. انساها اصلو نجوم الغد ليهم فترة بقو تقليد في تقليد .. يا اصوات تقليدية خالص .. مع قناعتي التامة انو بعد كل فترة والتانية الحلقات بتاخد ليها فجـة كدا وتجيب حاجة جديدة على وزن محمد موسى ونبوية الملاك .. وعافية وحرم .. إلخ.. المهم ما شاتغلت بالموضوع كتير وفتحت ملف سلوتير بلعب كوتشينة لانو البورد زاتو ماكان عندي ليهو اخلاق .. بعد شوية كان جابو ليك عبير صلاح .. قلت اشوف مويته شنو ..؟ تخيل .. تميت باقي الاغنية في كورسيني دا .. بعدما انتهت الاغنية الاولى اكتشفت انو مفروض اكون سجلتها كابست البرنامج بتاع التسجيل في الكمبيوتر لحدي ما اوصل الوصلات للاغنية التانية .. كان نصها راح .. قلت اخير اتم الباقي شوف .. وبلاها عند الاخوان .. لكن تخيل .. صوت البنيه .. الليل كلو منوسر بي عملت اتصالاتي مافي حد هببو لي .. قلت صباحاتو بيض .. اليوتيوب جاك زول .. حفرت اليوتيوب سما واطا ما لقيته .. وطبعا في سودانيزاونلاين غالبا بتكون في طفره في الحاجات .. يعني اي حاجة بتظهر جديدة بتكون بالحجم العائلي .. وأهو زي ما شايف .. عبير فاحت وقتها على الصفحة الأولى .. وما ادري هل تم رصدها من ود البشرى في الاسابيع اياها واللا .. لا الغريبة ناس بيتنا كانو زي ناس بيتكم .. ما بيدوني فرصة ادقس من نجوم الغد أو عامر الجوهري .. بيردموني ليك بي رسائل كتيرة جدا .. المرة دي فتحو لي .. يكونوا زهجانين مني .. تخيل ..؟ معليش يا محمد عوض .. والله كنت ناوي اخدمك اسوة بالكتير من الاصدقاء الوصلتهم حلقات كتيرة جدا من نجوم الغد وهم بعيد مني قاريا ,. لكن للاسف امكانية توصيل المواد دي بالسيديهات أو اشرطة الفيديو اصبحت فيها شوية خطورة وبتمر بي مراحل كتيرة جدا من الفحص والتدقيق .. نسبة للتغيرات العالمية دي .. لكن ليك على ووعد اخوان .. لو في اي زول ناقز جاييكم .. اي كمية هنا دا عندي توصلك ..
المشكلة يا محمد عوض انو فرمالاتي كلها بتاعت أفراح زي ما شايف جلدت ليك بيها .. جني .. حسع اخوك ما عندو اي مساكه قاعد ساكت في الصقيعة .. ما لم تجود أيامي بالأفــراح وتفرحني تاني من جديد
04-29-2008, 09:18 AM
tmbis
tmbis
تاريخ التسجيل: 10-19-2002
مجموع المشاركات: 24862
Quote: الحق لله البنيه افراح غناااايه ما شاء الله وتغني بكل احساس لديها، فعلا زي ما قال زول فوق، خلطه بين حنان النيل و كم نفر تاني
سلام يا رحــاب .. طبعا الغنا اساسو الاحساس دا .. لو مافي احساس ما عايزين غنا مع اي زول .. بالواضح كدا.. اي حاجة في الكون دا الواحد لو ما حس بيها ما بيقدر يعمل فيها (التكتح).. لذلك .. افراح وبرغم من المشكلة البتواجهه في مسالة انها (بتتمتم) .. وانا مبسوط من الحركة دي خالص لانها برضو حاجة مميزة وما موجوده عند اي زول.. إلا انهـا ماشاء الله ربنا وهبه صوت جميل جدا محرض لكل طبول السمع في اي متلقي ..
Quote: عبير صوتها حلو، لكن في حاجه ناقصه
.. فعلا صوته حلو احساسه برضو جميل خالص .. واهم حاجة انها ثابته وواثقة من نفسها ومن امكانياته الصوتية .. بالرغم من اختلاف درجات عبير .. وافراح الصوتية .. وتكنيك كل واحده .. اوصلو لينا الفكرة تمام التمام وبالكامل .. الناقص شنو يارحــاب كدي فتشي معانا..؟ المسابقة فيها اولاد طبعا .. لكن يحليلم .. مهمشين تهميش السنين .. على العليهم .. محمد سليمان ( دربوكـه دبنقا ) منجضم .. جابو واحد بيقول شعر المره الفاتت .. والله ما خلى ليهو جمبه يتقلب عليها .. قال ليهو إنت مفترض تكون من أقمار الغد .. غايتو انا كان كنت منافس معاهم .. كان جيت الحلقة .. ومعاي فتيل بمبان في جيبي .. عــذاب ياخ.. الحلقة الحضرتها .. المتنافس الجا غنا .. كان داخل في زمن علي إبراهيم اللحــو .. وبي صراحة ما هضمت الفكرة من اساسه .. والحاجة الوحيده الاتفقت فيها مع .. عضو لجنة التحكيم .. أنو بصمة الصوت واحده لا تكرر .. ودا طبعا السبب الاساسي في انو معظم المتسابقات على مدار دورات نجوم الغد .. متفوقات .. نسبة لتفرد بصمة الصوت .. لو استبعدنا ريماز مرغني لميولة بعض الشئ لمدرسة سميرة دنيا .. وحرم النور (حرم الدقاله) .. لتكرارها دور ندى القلعة .. لو لجنة التحكيم في نيته انها تقدم خدمة .. حقو يحاولو يطلعو الشباب ديل من الادوار البتلبسوها دي .. طالما انهم مشروع مستقبلي .. يحاولو بقدر الامكان توظيف الامكانيات العندهم .. لبصمة خاصة بيهم ..
04-27-2008, 10:59 PM
Alsa7afa_30
Alsa7afa_30
تاريخ التسجيل: 02-06-2003
مجموع المشاركات: 6618
Quote: الله يفرح قلبها افراح الشرحت قلبك وان شاء الله تكسب ونكسب نحن الاستماع لكل الاصوات الحلوة براعم اليوم نجوم الغد
العزيزه انتصار .. سلامات يا خيه .. إن شاء الله تكوني بالف خير .. افراح يا انتصار هدية الموسم دا .. والله فرحتني .. وانتشلتني من احباطات كتيرة جدا عارفه لما اطلع من البيت بكون حريض جحدا انو يكون عندي اي حاجة اكون مشتاق علشان اسمعه .. تحت اي ظرف .. من يوم حلقة العيد اياها واستمعت لي افراح .. كل الملفات الخاصة بيها ما فارقت سطح المكتب في اي جهاز كمبيوتر لي بيهو علاقة .. اكيد افراح تكسب .. بالمناسبة .. في حلقة لي نجوم الغد كانت في بورسودان قبل فترة ـ زي التقول سجلت منها كم عمل .. ياريتني اللقاها ليك في زحمة الملفات دي .. لفت نظري واحد من اولاد بورسودان .. غنى لي محمد البدري بي طريقة جميلة جدا ..
04-29-2008, 05:18 AM
SILVER MOON
SILVER MOON
تاريخ التسجيل: 02-24-2002
مجموع المشاركات: 300
Quote: للتصويت عبر الـ SMS لفنانة المستقبل إرسل رسالة عليها رقم بنتنا أفراح(8)
يا سلفــر .. والله ما قصرت معانا خالص .. إن شاء الله ربنا يحضرنا حلقة الكاس .. اكيد ح تكون مميزة جدا .. وليك علي مع كاس افراح انا زاتي عندي ليك كاس .. ومن حسع دي .. رقم تمنية ح يكون قاعد في رسالة محفوظة .. ورش شديد جدا.. افــراح تكسب ونص وخمسة ..
04-29-2008, 09:33 AM
الفاتح يوسف العبيد
الفاتح يوسف العبيد
تاريخ التسجيل: 03-24-2008
مجموع المشاركات: 132
الاخ تمبس --تحية عطرة -- اشهد لك بذوقك الرفيع--بس المنافسة بين افراح وعبير ستكون قوية جدا-- لاحظ معنى اسم افراح واسم عبير -- واحد يزرع الافراح والآخر يوزع العبير-- صوت افراح به بحه جميلة وعبير لديها لدغة في حرف الر تزيدها حلاوة -- ربنا يفحظ بناتنا الاثينين من العين -- اعتقد القرعة هي الحل الامثل او المرتبة الاولي مشترك
05-04-2008, 10:24 AM
tmbis
tmbis
تاريخ التسجيل: 10-19-2002
مجموع المشاركات: 24862
العزيز الفاتح يوسف اولا تشكر على الأطــراء .. وما يسرني انو اجيد حسن الاختيار .. المتوافق مع ذوق رفيع زي المعاك.. والتوليفه المكونه من عبير وافــراح دي لو كان في امكانيات .. كان اتعملت منها تركيبات عطرية من أرقى بيوتات العطـور في العالم .. بس تقول شنو .. العين بصيرة والايد قصيرة.. مع اني ضد فكرة الأول مشترك دي .. وما بحب الركلات الترجيحية .. والقرعو ما شابه ذلك إلا أنو شكلي ح اعيد النظر في المسالة دي .. لانو فعلا كل من افراح وعبير ـ ليهم ميزة امتاع مختلفة لكن متساوية في الدهشة.. غايتو لحدي الآن أفراح تكسب لكن برضو عبيــر بتنـا..
04-29-2008, 10:11 AM
احمد التجانى احمد
احمد التجانى احمد
تاريخ التسجيل: 11-11-2006
مجموع المشاركات: 3155
Quote: قدمت ابو ريل لغاية باب الشقة مصحوب بالدعوات والتمنيات..والسندوتشات..
يادكتورة رشا ازيك معاك لحدى الدعوات والتمنيات لكن الباقى اظنه كلام نت وجرائد ساى لانه فى واحد باثق جدا فى كلامه بيقول انه الطبيبات لابفطرن ولابيفطرن ولا كمان ابو ريل يكون من المحظوظين القلائل الذين ناسبوا ال ابن سيناء
تمبس: افراح غناية لكن انت فنان عديل
04-29-2008, 03:57 PM
tmbis
tmbis
تاريخ التسجيل: 10-19-2002
مجموع المشاركات: 24862
Quote: يا محمد عوض .. لتدعيم الموقف .. ومزيد من الضغط علي ( جني) حتى يلين قلبه .. لقينا سيد روحي كاملة في موقع اليوتيوب شكرا للاستاذ من موقع اليوتيوب..
ممكونـة العزيزة ازيــك .. غايتو انا اتوكلت على الله .. ونزلت البوست دا .. مع انو فكرة القلبين وعقل واحد دي مسيطرة علي .. خليكم شجعان زي جني كدا يا ممكونة .. القلب واحد بس ياخ ما تعلمي قلبك المهابا .. وصوتي للرقم تمنية
Quote: تامبا يا جميل ياخي انت الشغل النضيف بتجيبو من وين ما تقول لي اليوتيوب اليوتيوب مافيهو شي زي دا
يا الأمين .. عامل قميصك السمح دا ..
Quote: زولك ابو سن مترومة ما طلع تروجان كبير لكن اخد ليك حقي منو ودقيتو دق السواد
.. ااي انا عارفو ليك ود لذينا .. لكن وقف ليهو الحاجات .. وشغله ليهو تاني اديهو صنة .. خليهو يعمل العايزو .. بعداك اشتغله معاهو .. (بتتااا).. شوفو يجر واطي كيف .. بلاي اعمل لينا حساب يوم الخميس الجاي دا .. احتمال لابت افراح دي يقومو يجيبوها تاني وشوف لي معاك استاذ محمد سليمان عامل كيف ..؟
05-03-2008, 04:15 PM
Hatim Yousif
Hatim Yousif
تاريخ التسجيل: 06-17-2007
مجموع المشاركات: 697
تمبس ..... بعد حلقة الخميس 8 مايو ... برضه أفراح عصام ...تكسب
Quote: الجماعة في الجمعية بي هناك .. مويتهم شنو..؟
أعضاء الجمعية يبلغوك أحر السلام .... كل حلقة قاعدين ... مش عشان يتابعوا البرنامج ... وأنما للفرجة عليها وبس ... آملين في نفس الوقت في لمحة عابرة ... لإبتسامة... لحظة طرب وتمايل ...(ياخي ديل مكسرين عديييـل) .....
05-21-2008, 08:45 AM
tmbis
tmbis
تاريخ التسجيل: 10-19-2002
مجموع المشاركات: 24862
Quote: تمبس ..... بعد حلقة الخميس 8 مايو ... برضه أفراح عصام ...تكسب
..حاتم سلامات الشباب في الجمعية عاملين كيف .. الصوتو كم لحدي الآن .. والعملين خيانات كم ؟ تحياتنا ليهم فردا فردا .. وقول ليهم معاكم في خندق واحــد علشان خاطر الأفراح.. طبعا الأيامات دي الخطاب بقى (ثــوري) شوية.. الليلة يوم واحد وعشرين يا حاتم وتحديدا يوم الأربعاء وعلى ما اعتقد انو بكره في حلقة من نجوم الغد.. كل الآربعات الفاتت من يوم تمنية كنت بقعد احضر علشان اشوف الحلقة بتاعت الخميس فيها (افــراح) واللا مجففـه لمــا تكون مجففه بمشي اشوف لي اي برنامج تاني .. ل يوم الخميس مرات بكون متضامن مع (جنــي) وأقول يارب يجيبو (عبيــر) علشان خاطر (جنــي)..
Quote: آملين في نفس الوقت في لمحة عابرة ... لإبتسامة... لحظة طرب وتمايل ...(ياخي ديل مكسرين عديييـل)
كامل تضامني والله .. مع كل المجموعة
05-03-2008, 04:45 PM
jini
jini
تاريخ التسجيل: 02-05-2002
مجموع المشاركات: 30720
Quote: انا غايتو وشوشنى الـ (عبير) ! فانتشيت وساقنى الهوى فما أبيت انتوا على كيفكم!
.. إنت لسه مصر يعني وعامل راسك قوي ..؟ بنجضمك في الحلقة الأخيرة .. بعدين تكون مطالب ب ياعتذار شديد اللهجـة .. نسبة لترويعك لي رابطة المعجبين بي (افــراح) وعلى راسهم شباب الجمعية الفي المنطقة الشرقية .. وبعض السابلة المعجبين (بالريحة) بس.. من بعيد.. ويحلمون بي الخبز الحافي..
حـن .. حن يا قاسي حــن ..
05-07-2008, 01:16 PM
بكري الخير
بكري الخير
تاريخ التسجيل: 02-12-2008
مجموع المشاركات: 1779
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة