|
|
|
 Re: و أخيـراً ....... وردي و نادية على هـارموني .. (Re: لؤى)
|
لؤؤؤؤؤؤؤؤؤؤؤؤؤي
مرحب بيك مليون تاني وتالت
عاين
انت شنو شابك الصحافة عذرا عذرا الراجل فرحان بكل ضيوفه وفي ناس بيخشوا عشرين مرة ماتبقي حساس محمد حساس ياخ      
Quote: أنا بحبّو أكتر
ياما هوايَ بيكبر
وياما مشاعري بتسكر
حُبُّو النّامي الأخضر
راعيناهو وأزهر
وفي قلبينّا ونوّر |
بختوووووووو بي حبك وقلبك الكبير .. وردي يستحق المحبة والتقدير بحق ياصديقي العزيز أبو اللول ياخ !!
| |
 
|
|
|
|
|
|
|
|
Re: و أخيـراً ....... وردي و نادية على هـارموني .. (Re: نادية عثمان)
|
| Quote: نت شنو شابك الصحافة عذرا عذرا |
أنا طبعاً عامل ما شايف الكلام ده
ذكرني تمبس ،، يوم قلت ليهو عن إذنك شنو كده ما عارف ،،
قام قال لي :
Quote: ما تعملو لينا خلل في سودانيتنا .. ( واتوكيتاتنا) الإجتماعية
ياخي أعملو الحاجات من غير أوتوكيت
عشان تدوني احساس بي إني عايش .. |
| |
|
|
|
|
|
|
|
|
|
Re: و أخيـراً ....... وردي و نادية على هـارموني .. (Re: Alsa7afa_30)
|
,,,,,,فلا
,,,,,,,,فلا
انا ماعندي هارموني
ابت تنزل لي
شارب علبة سيجاير من الزهج
سجلة لينا في سي دي نضيف
ما تنفغكم
ـــــ
حسادة
| |
|
|
|
|
|
|
|
|
|
Re: و أخيـراً ....... وردي و نادية على هـارموني .. (Re: Alsa7afa_30)
|
| Quote: يارب تكون السهرة حلوة وتعجبكم يااارب |
مساك طيب يانادية
وللجميع
عارفة جملتك الفوق دى مهمة جدا
انو الزول يعرف التقييم من جمهوره
جملة ممكن تقود الى أهمية مايعرف بدراسات قياس الرأى!!
عجبنى فى الجزء اللى شاهدتو تلقائتك واريحيتك
-----
فى برامج كنت بشاهدها لمن كان عندى ستليت موجه صحنه للسودان- واحدة من الاسباب انى اقلعت عن المتابعة رغم الاهمية مرات هو انى بحس بعسم
والله جد- يعنى يكون فى غناء فى الاستديو وتلقى الزول/الزولة لو ماصاره معسمة- يعنى الزول لو جاتو رغبة يرقص يتزكر العسم دع يتعسم فى كنبته.... استمرى فى اريحيتك الحلوة
شكرا ياصحافة 30 لاشراكنا
| |
|
|
|
|
|
|
|
|
 Re: و أخيـراً ....... وردي و نادية على هـارموني .. (Re: Alsa7afa_30)
|
أخي الجميل الصحافة 30
أيقي سليميرى ياالله .
إنشاء الله ما تنفعكم السهرة يا الصحافة 30 إنت والبت الغيااااظه دي . أها هسه السهرة فاتتني ساااااكت وأنا طول الأيام الفاتت دي قاعد أسألها تقول والله ما عارفه اسالوا معتصم الجعيلي ، والله ما عارفه أسالوا معتصم الجعيلي ، نحن عارفين رقمه علشان نتصل ونساله يسألك ...... ، أها يعني هسه أعمل إضراب ولا شنو !!! غايتو يا الصحافة 30 بطل تنزل صور وأطلب من بكري يسحب البوست ده وإلاّ ح أعمل هكر وأحطمه ليك هسه .  ( جنس حساده ) . غياتو ما عافي عنك لا دنيا ولا أخرة يا الصحافة30 إن كان ما سجلت لي السهرة في سي دي . ولو عارف عنوان علاء الدين حيمورة رسله عليه أو أديك عنواني ترسل لي عليه غايتو يا نادية الفيك إتعرفت فوتيني السهرة ، خلاص خوة فرتق ( خوه دامو ) وبس .
مودتي
عماد
| |
|
|
|
|
|
|
|
|
 Re: و أخيـراً ....... وردي و نادية على هـارموني .. (Re: نادية عثمان)
|
| Quote: كنت وين ماحضرت السهرة وهسي مفروض ازعل انا لينا تلاتة يوم انا ونوبي واخوي الكاشف ده بنقول ليك السهرة الجمعة ياخ |
أنا كل مرة بسألكم فيها يا أخ أنتو الثلاثة تقولوا ما عارفين .. ما عارفين .. أها أنا زهجت زاااااطو وحلفت ما أخش النت تاني ، أها لما غبت عن البورد أنتو بعداك صرحتوا بمواعيدها يعني عملية كده مقصودة . علشان ما نشوفها وكده ... أها ما شفناها ولا حتى كمان أكلنا البوش ولا صحن فوووول . غايتو جنس غايتو . بس بيني وبينكم الايام ( دي ما غنية وردي ده كلام جاااادي )  ح أعمل ليكم هكر وأحطم ليكم الايميلات بتاعتكم وبوستاتكم وح تشوفوا .... إن غداً لناظره لقريب . 
ولا موده ولا صفاء .
عماد
| |
|
|
|
|
|
|
|
|
|
Re: و أخيـراً ....... وردي و نادية على هـارموني .. (Re: Alsa7afa_30)
|
صحافة 30
تحية ...قصة "هارموني" دي معاي غريبة ..منذ فترة عندما اتيت للقاهرة وجدت في منزل شقيقي هناك هذه القناة ..وقد استحسنتها لأنني شاهدت فيها "سيف الجامعة " ومدحة "كاربة "كده ..
ولم ارها منذ ذلك الوقت لأنها ليس لدي في باقة "ريسرفيري" في الجزائر حيث اقيم ..
والان بعد عودتي الى القاهرة شاهدتها مرة اخرى ..والمفاجأة ان هذه المرة كانت اجمل من السابقة حيث وجدت فيها "نادية عثمان" ...في برنامج حواري حول "الصحافة الشعبية" التي تعنمد على الإثارة والقضايا الفضائحية ..!
وقد كانت "هذه الندية الشفافة" قمر ينور الشاشة ويدير ضفاف الحوار بإقتدار فريد ..
--
وهاهي الهارموني ذاتها تعود بي هذه المرة لحضرة من اعشق ..محمد وردي
للاسف لم اتابع حوار وردي .. والبركة فيك انك نقلته الينا (ولو على فقرات- ومن غير ميعاد )
--
ساحرص فور عودتي الى جلب هذه القناة ..ويا نادية ان شاء الله المهندس اتوفق يزبط القناة وياريت تبعتيه لي على بساط الريح ...( ديلفري ) .. حتى نسعد بما تبقى من برامج وحوارات لا يغيب عنها الإبداع ابدا ..
ونحو نجاحات مقبلة ياعزيزة ..
بعدين يانادية ما في طريقة تغششينا بطريقة حوار مع وردي ولا حتعملي فيها غتاتات الزمالة والتنافس وكده
انت عارفة ان "ودري" هو معشوق "الاحباش " وفنانهم الأول ..ولن تصدقي ان قلت لك ان زياراته الاولى نحو ارتريا قد بدأت منذ نهايات الخمسينات حيث تغنى في مدينة كرن ( اللي هي مسقط راس والدي بالمناسبة) بأغنية شهيرة ( ولت كرن طعدا تا) بلغة التجري او(من يعرفون بـ البني عامر في السودان) !!
وعلى الكلام ماتت حروف اللقيا ..
| |
|
|
|
|
|
|
|
|
|
Re: و أخيـراً ....... وردي و نادية على هـارموني .. (Re: محمود ابوبكر)
|
محمود ابو بكر ياصديقي الجميل
| Quote: انت عارفة ان "ودري" هو معشوق "الاحباش " وفنانهم الأول ..ولن تصدقي ان قلت لك ان زياراته الاولى نحو ارتريا قد بدأت منذ نهايات الخمسينات حيث تغنى في مدينة كرن ( اللي هي مسقط راس والدي بالمناسبة) بأغنية شهيرة ( ولت كرن طعدا تا) بلغة التجري او(من يعرفون بـ البني عامر في السودان) !! |
وردي زاااااااتو بحب الحبش شديد ومنتمي لافريقيا ومنحاز ليها دون سواه وحفلاتو عندكم مسجلة اشرطة فيديو حاجة مدهشة والله !!
الله يديهو ويديك العافية يامحمود ياسمح يازين ..
| |
|
|
|
|
|
|
|
|
 Re: و أخيـراً ....... وردي و نادية على هـارموني .. (Re: Alsa7afa_30)
|
شهادتي مجروحة في نادية عثمان..
عجبتني..
عجبتني..
عجبتني بشكل لا يُصدٌق.
ما شاء الله..تبارك الله..
إطلالة حلوة و أنيقة...
إعداد مسبق للأسئلة و إلمام بكافة نواحي الموضوع..
قفز بسلاسة فوق الأسئلة..
مقدرة رهيبة على مجاراة وردي و تحريك سكونه..
ثقافة و وعي و ثقة في النفس..
أعيب عليك يا نادية..اللقطة النهائية و التي قفزتِ فيها قائلة..
وردي يا سمح يا زين..
ثم قمتي بالتصفيق بحركة لا تتناسب و وقارك خلال السهرة.
أهنئك على السهرة الجميلة و الممتعة..
مُحاورة وردي من الصعوبة بحيث أنها قد تهزم أقوى الإعلاميين..
لكنكِ إستطعتي أن تجعلي منها مادة سهلة و قريبة من القلب و العين..
هنيئاً لهارموني بكِ.
| |
|
|
|
|
|
|
|
|
|
Re: و أخيـراً ....... وردي و نادية على هـارموني .. (Re: mamkouna)
|
ممكونة شقيقة قلبي والصديقة والزميلة و( المحللة الخطيرة)
والله أنا برغم اني ماحضرت السهرة دي الا انو كنت خاتة يدي في قلبي وشايلة هم وبقول ياااارب تعجب المشاهدين كلهم وعلى رأسهم أهلي وأصدقائي في سودانيز اون لاين وانتي بالذااااات ياممكونة
وحمدت ربنا لما لقيت الناس هنا عجبتهم السهرة بفضل الله وحمدو
وكلامك الطيب ده ياشقيقة:
Quote: شهادتي مجروحة في نادية عثمان..
عجبتني..
عجبتني..
عجبتني بشكل لا يُصدٌق.
ما شاء الله..تبارك الله..
إطلالة حلوة و أنيقة...
إعداد مسبق للأسئلة و إلمام بكافة نواحي الموضوع..
قفز بسلاسة فوق الأسئلة..
مقدرة رهيبة على مجاراة وردي و تحريك سكونه..
ثقافة و وعي و ثقة في النفس.. |
اها لكن ياممكونة الحتة دي
Quote: أعيب عليك يا نادية..اللقطة النهائية و التي قفزتِ فيها قائلة..
وردي يا سمح يا زين..
ثم قمتي بالتصفيق بحركة لا تتناسب و وقارك خلال السهرة. |
اها أنا ماشفت اللقطة دي لسة لكن بصراااحة دي أصلا ماكانت في السهرة يعني اتاخدت والكاميرا شغالة بعد ما المخرج قال استوب قمت انا صفقت لي وردي وحتي صوت الجعيلي ظاااهر وهو بقول حاجة تماااااام !!
لكن الظاهر لدواعي رأها المخرج قام دخلها في السهرة وماقصاها في المونتاج لأنو دي رؤيته الاخراجية طبعا وانا مابقدر اتدخل فيها ياحبيبة !!
Quote: أهنئك على السهرة الجميلة و الممتعة..
مُحاورة وردي من الصعوبة بحيث أنها قد تهزم أقوى الإعلاميين..
لكنكِ إستطعتي أن تجعلي منها مادة سهلة و قريبة من القلب و العين..
هنيئاً لهارموني بكِ. |
والله العظيم دي شهادة أعتز بيها من انسانة واعية ومثقفة وناقدة ومحللة قديرة زيك ودوما ملاحظاتك وملاحظات كل أحبائي في سودانيز اون لاين حاتكون محل اهتمامي لانو بالجد النقد الهادف والبناّء بيعلّم مقدم البرامج ويطوّر قدراتو ..
شكرا نبيلا ممكونة ويارب ماأعدمك ياحبيبة كلو كلو ..
| |
|
|
|
|
|
|
|
|
 Re: و أخيـراً ....... وردي و نادية على هـارموني .. (Re: الحبر عبدالوهاب الكباشي)
|
ندويه االفنانه
الصحافه 30 شكرا تييير
لوئ أخوي فرحانه إني لاقيتك هنا
ولا عندنا هارموني ولا حاجه...لكن كتر خير
الصحافه 30 و لؤي العزيز علي التسجيلات وواحد بس شغال عندي
المهم إني قدرت أشوف بداية اللقاء
أولا يا ندويه وفقت في إختيار ألوانك التركواز رائع معاك
المظهر في منتهي الروعه و الحلاوه ما شاء الله
الافتتاح للبرنامج فيه عفويه و تلقائيه حلوه شديد و ليك يا ناديه
حضور راقي وذكي وكنتي طبيعيه و في منتهي الجمال
اللقاء مع وردي جميل وكنت أتمني إني ااقدر أسمعه و أشوفه كله
اتمني ليك النجاح الكبيييير
طبعا إنت وإنعام حيموره "جبناء" أكيد عرفتي لأي مش
جبناء دي بتستعملها ياسمين بتي أحيانا لما العربي يغلبها
وتقوم بالترجمه بتطلع بكلمه زي جبناء دي
مودتي..
| |
|
|
|
|
|
|
|
|
|
Re: و أخيـراً ....... وردي و نادية على هـارموني .. (Re: نادية عثمان)
|
| Quote: كنت وين ماحضرت السهرة وهسي مفروض ازعل انا لينا تلاتة يوم انا ونوبي واخوي الكاشف ده بنقول ليك السهرة الجمعة ياخ |
أنا كل مرة بسألكم فيها يا أخ أنتو الثلاثة تقولوا ما عارفين .. ما عارفين .. أها أنا زهجت زاااااطو وحلفت ما أخش النت تاني ، أها لما غبت عن البورد أنتو بعداك صرحتوا بمواعيدها يعني عملية كده مقصودة . علشان ما نشوفها وكده ... أها ما شفناها ولا حتى كمان أكلنا البوش ولا صحن فوووول . غايتو جنس غايتو . بس بيني وبينكم الايام ( دي ما غنية وردي ده كلام جاااادي ) ح أعمل ليكم هكر وأحطم ليكم الايميلات بتاعتكم وبوستاتكم وح تشوفوا .... إن غداً لناظره لقريب .
ولا موده ولا صفاء .
عماد
| |
|
|
|
|
|
|
|
|
|
Re: و أخيـراً ....... وردي و نادية على هـارموني .. (Re: osman abdala)
|
Quote: فى برامج كنت بشاهدها لمن كان عندى ستليت موجه صحنه للسودان- واحدة من الاسباب انى اقلعت عن المتابعة رغم الاهمية مرات هو انى بحس بعسم
والله جد- يعنى يكون فى غناء فى الاستديو وتلقى الزول/الزولة لو ماصاره معسمة- يعنى الزول لو جاتو رغبة يرقص يتزكر العسم دع يتعسم فى كنبته.... استمرى فى اريحيتك الحلوة |
شووووووووووووشو ياصحبتي وصديقتي الغالية والله عن نفسي ماااااااابقدر مااتفاعل مع الموسيقي واهز رأسي ياخ الموسيقي ده سحر عجيب جداااااااااا
بالمناسبة دي انت اغنية يا(بلدي ياحبوب) وينها يا الصحافة كنت بغني فيها مع وردي اوعا يكون استاذ الجعيلي منتجها في منتجة المونتاااااااج ؟!!
| |
|
|
|
|
|
|
| |
Alsa7afa_30
محمد خليل ساني
لؤى
emad altaib
محمد سنى دفع الله
عبدالله الشقليني
غباشي
Ishraga Mustafa
محمود ابوبكر
mamkouna
عبدالله كع
Abomihyar
الجندرية
الزوول
haroon diyab
baha eassa
osman abdala
فيس بوك
تويتر
انستقرام
يوتيوب
بنتيريست