|
|
 اتنين أوعى تغالطهم!
|
الكمسارى عادة فى العشرينات أو ست الكسرة عادة فى الخمسينات!
خبرة فى تحديد العمر قومسيون طبى عديل!
ست الكسرة اوعى تقول ليها زيدى الكسرة!
يا اخوى كسرتك دى حقة خمسة وانت دافع حق تلاتة بس!
الكمسارى اذا قال ليك ادفع ليهو ما تغالطوا ادفع ليهو تانى!
والا
يا عم انت خرفت ولا شنو!
كلامى دا ما تيتموهو!
جنى
|
|
 
|
|
|
|
|
|
|
|
Re: اتنين أوعى تغالطهم! (Re: jini)
|
تعرف يا جني أول تنبيه لي بتوديع مرحلة الشباب كان لمن كمساري جا يرجع لي الباقي و قال اتفضل يا خال. أما التنبيه التاني و الأحر مرة بتكلم مع أختي الصغيرة و هي بتحاول توصف لي في زول قمت قلت ليها هو ما كبير كدا! تصور قالت لي شنو؟ قالت لي لا كبير يكون قدركم كدا.
طبعا في ناس حكاية خال و خالة دي بتزعلهم... مرة واحد صاحبنا في ز حمة مواصلات وسع الطريق لي واحدة قال ليها اتفضلي يا خالة و الولية ركبت و قعدت و صاحبنا طويل شوية لما جا يدخل ضرب راسه بالباب... المرة طوالي نطت ليهو قالت ليهو تستاهل... أتاريها محروقة من كلمة يا خالة.
| |
|
|
|
|
|
|
|
|
|
Re: اتنين أوعى تغالطهم! (Re: Elawad)
|
| Quote: أما التنبيه التاني و الأحر مرة بتكلم مع أختي الصغيرة و هي بتحاول توصف لي في زول قمت قلت ليها هو ما كبير كدا! تصور قالت لي شنو؟ قالت لي لا كبير يكون قدركم كدا. |
تستاهل!
عندنا قريبتنا اوعى تقول ليها يا حاجة!
طوال تدعو لك الله ان تحج فوق جمل اعور!
يعنى مع عقارب الساعة!
وكان جاملتك تقول ليك شايفنى فارشة مررو (فول حاجات)!
جنى
| |
|
|
|
|
|
|
|
|
|
Re: اتنين أوعى تغالطهم! (Re: رأفت ميلاد)
|
جني سلامات..
وحاتك (خالتو) و(طنط) زي الترتيب بتتقال لي من زمان.
الغريبة زمان وأنا صغيرة ما كنت بتحسس. لكن هسع بقيت أحس فعلا إني (طنط)
عندي زميلة في الشغل براحة اقول ليها يا خالة. عندها بنت عمرها 17 سنة (فتاة أطول مني ).
البت ما عندها غير تقول لي يا خالتو ..
* حبوبات الزمن ده برفضو أحفادهن يقولو ليهن حبوبة. كلهم بيقولو: أمي
| |
|
|
|
|
|
|
| |
jini
Elawad
رأفت ميلاد
محمد سنى دفع الله
Raja
ناهد بشير الطيب
فيس بوك
تويتر
انستقرام
يوتيوب
بنتيريست