|
|
 الشاعر عثمان بشري(الكائن الخلوي) اين هو؟؟
|
تعرفت عليه منتصف ثمانبنات القرن الماضي هو ومجموعة رائعة مشهورة بالقصائدالمعروفة للناس بقصائدهم المنتمية للمدرسة الواقعية في الشعر.عثمان بشري (الكائن الخلوي)او عثمان العودة (معاك عبداللطيف ياعاقل فالتقارير السرية في مهرجانك الخاص تتسرب الي الشارع الحكومي وانت تعلم حجم النزال)وعاطف خيري (الطيور بتوسوسو-الا الحمام كان بتوضأ مارق للصلاة)والصادق الرضي يعد في مربعات سراير الداخلية ويقول عن جزمتو انها احسن زول-غني مصطفي سيد احمد للصادق وعاطف في حين غنت ساورا الموسيقيةلعثمان البشري.اسسوا منتديات الشعر الجامعية التي كانت تلهب الناس في بداية الانقاذ- فكان عثمان بشري يردد:- ومضي يؤسلمنا الطعام,الاحتكام,الانتقام
الخبز,العسكريين,البنادق والنساء.نتديات- جلسات في بيوت الاصدقاء وكل الجامعات.وكان عثمان الاكثر حضورا.ومعه احيانا بهنس والصافي وامين صديق .مشكلة عثمان ان شعره لم يكن يوجد في دفتر واحد او حتي كتيب.كان اما محفوظا في الصدور او نادرا جدا في شرائط كاسيت .واعتقد لو وجد له شعر الان سيكون من الاوراق البعثرة هنا وهناك.لم اراه منذ غادر الي القاهرة فقط نسمع عنه الاخبار-الاشاعات.وسمعنا بحادثة سقوطه من عمارة بروايات متعددة.وزواجهبروايات متعددة.اقرب الناس اليه الشاعر ابراهيم الزين وهو كذلك لااعرف له اتجاه.(ان امراة السكون تثملتني وانا اقرا عنك للخمرة بعض ما تيسر من حصار)....(لم افهم الحاصل علي وجه الخصوص -فقط اعترغت باني ممكن افقدك وبكل زوق فاقد خطوط الذاكرة مضيت علي العقد الموشح بالهتافات الكضب ,مابصمت انك كان كدة قدام رجال لابسين علي وجه الخصوص لابسين كدة ديل ناس كدة)حوار تيارالفصحي والعامية سمة مميزة لعثمانيتكلم الرسمي بالفصحي والشعبي بالعامية.عندي شبه يقين بان احج في المنبريعرفه................. دلونا عليه او علي قصائده .
|
|
 
|
|
|
|
|
|
|
 Re: الشاعر عثمان بشري(الكائن الخلوي) اين هو؟؟ (Re: عبداللطيف حسن علي)
|
هو عبداللطيف الذى عرفنا
لايستطيع العيش بدون القراءة
بدون الكتابة
عبداللطيف الذى كان خبزه وهوائه ارضه وسمائه الكتب والكتابة
لكم اشتاق ان اقرأ لك
هيا انفض الذاكرة من اتربة الحزن واخرج دررك اياها
لاشىء يحزننى سوى تلك الكراسة التى اخذوها- الجماعة الطيبين- فى يوم كانت الدنيا مكفهرة - من يومها والحال مائل
ياخى سلااااااااااامات
| |
|
|
|
|
|
|
|
|
|
Re: الشاعر عثمان بشري(الكائن الخلوي) اين هو؟؟ (Re: ابو يسرا)
|
عنوان القصيدة لوح السراب
النص:
لوح السراب نقع محاية الشوق
لا تجينى يا نجالة الخاطر
سبيب من طيف
وقع الصقر او هان
كتر البتابت عيب
لا تجينى هان فى الغربة
مسدولا جيف
تعردى فى يمنى ويسرى
اسئلة تعبر السيف
دحن ودرنى
شن خدرنى
غير حيلا غشاهو الكيف
يا تركة حشاى
عنت المساسقة والهبر والجيف
وضم حساك كشنة بال
متنخشن ضراى تربال
جكاك المتنة رهيف
وشن تبقى الرهيفة المايلة
ضلمة بلاكى
شايلة هلاكى
والميتة الفطيس كيكيف
صوت من نجم مقهور ومتورط علاقة مع السما
او غابة فى وردة مريض بلدى
معصلج فى الحكيم والاستبالية
مجنونة من غبشت زقاقات البيوت اليابسة
ماكلة ولابسة احلام فى الحضر
ثمود او عاد وبياتن حجر انحل
غنوة بعيدة من ميقات الهبوب
والقرى المطرية
او طورية تفتق صرة فى شهوة بذور
والضل كديب ماجور على حقو
ومزنق فى سماية
شمس المخاليق البتجبد جوا ميزان الطحين
سب دين وزغرودات صبايا
عشم المسارقة والمجابيد الهوين
المفاتيح البلاش والكيف مستف احتشاد
كلاكى جيد
جيدن يجود حالكى
يا هبر القنيص الفضى
والخلا سم بهار
عفيض الشوق قميص ودران
من الصبر المحمد تار
اجيك مسك بدراوى
فى ساعة نفاس بكر
اجيك عكر
اجيك من حتة الوطن المعتب ضل
ومتريق على فى نعسة مبلولة
ومعطنة بالخلو الذهنى
من كدب الدهم والكشة المركشة
بالمرابيط واللحام البشرى
ابنوسة فى فد مرقة وقعدت للريح
والهتش عريان
من وين اختلف عنك
يطيب ظنك
ادخلى من المغارب ما ختاك النيل
محل قبلت اتمحن واشوفك
فى حداهو توسوسو
شن بتقولو يا كاشفات جرفنا عروض
شن بتقولو يا تمك الهجير والمستحى
ابنوسة طفر من براطيشى السؤال
عذبنى قصر الاجوبة
ساسقت بين امشى وتعال
عفرت هدومى الاتربة
وحل المقادير اختلال
فى تكنلوجيا الافئدة
تمشينى من اقصى التلال للروح
الى اشهى العذابات فى الحبال
ينشل صوت الاقربة
ابنوسة جيتك برة صوت الاجتماع واللجنة
والعرق الرهيف
طلقانة بنوت النميمة الهشة
سماك ما بتنفضح للليل
ولا بربح نجومك صوت
مبشر فى السهل عفريت
وكل ما اسقطك فى الدم عنت
اجلبط هلاويس وانشتر
مين يقدر بلاك فى العكرة
من شبق الطنين والفكرة
يبرد اضانى من قعدة ونسة
الموية والخمج المكركع
مين يقدر يحت احساسى بغربال
يفرز كومو
يسند نومو
بالارث البتصحى من الصباح
دكان وراكوبة ونعال
تنشال على كيفك
على كيفك
تتحدث عن الكوليرا
ونهاية السباق الاجنبى
ولا هماك مناكف فى الغلط والصاح
وتتقب براح
مين يطلع مع الضى من تحت فركة
وعصير نسمة هفيف الليل
ينقط فى المسام
والهم برش
الهم برش
تتمدد على كيفك
تتمدد قدر فرشك
وحت لو كان اذا نعشك
زنق احلامك البكرة
ومين يقدر يصنك فى حدث عابر
ولد فى ثرثرة بنوت من الدهشة
ويصنك فى حلوقن ريق
مدبرة فى الخفايا قدر
بلاك ما دافقت جواى روح نطفة
ولا بلغت جواى بلد
ولا ناطح عرق فى الروح
بكيمياء العلاقة ولد
يا شقنبة كل القوانين
وارتفاع صقر الممارسة
فى ازيز الايدلوجيا
احبك
احبك
احر من البدرة الملح
(انتى بايوتك) الكلامات المهترشة
حينما يصطدم المدى بالليل
الان لا تتفرعى من نار نسمتك السليقة
انا وين من العالم
اذا كل البراهين ركزت طايوقة فينى
ومركزت جواى كون
ولا هامش يكون فى الواطة غير اتنين
ونسمة من الدقش تمرق على التاريخ
سلام عودين
مشبكة فى هدب
وتترتب صفوف الديش
انا وين
وتقعدى فى الهبايب
ثرثرة ونتيش
محننة بالسليقة
ا مهبوشة قومى
قومى من الزلط
دهستنى فى اترك سموم اللهفة
احى عليك... قومى من العباية
الفار لعب فينى الضلمة
امرقى يا جاموسة من تحت الاكمة
اسكتى يا قرقير ضحاوى البال
ها ..يمة
سرق العمر مخلوقو
منك انسيك اسمى
واتنبر ضهارى الغربة
حتة بطاقات واشتباهات فى الهوية
ما بفوتك
حدثى الجايين والرقراق على سهلة بيوتك
ما بفوتك
بين زناد الفكرة والغلط المبيت
ما بفوتك
جف الدبر او شيد
ما بفوتك
اطلقى البيبان تفك ريقة من بنابرا
الواطة صبحت فى الفريق
واللحافات فى الشمس جريها
بكان خت الزول فتر
وامطاك فجر ضحوية
ما كلت حوافر القوت
تحاحى من الفقر
ما بفوتك
انا مين يفضل بابى
غير قفة غناك الفنجرى
انا منك ادليت على
وجيت عليك... وغشيت يمينى
ياشقنبة كل القوانين
وارتفاع صقر الممارسة
فى ازيز الابدلوجيا
احبك
الان لا ابكى ولكننى احدد قدرتى فى
الاتساع على مدى عينيك
رب طريقة اخرى تحملنى الامانة وفق ايمانى بها
وفظاعتى فى العشق ابان الهزيمة
فيما يخص البحر
للبحر الذى فيما يخص
انتهى..........
الزمن الهزيل
ايقاعى اختل يااختا بحجم
المحنة والزمن الهزيل
وجمرا باقى فى عمرى
الشرايين المداخل
المطبات المراحل
انمحى الوجه القبيل
تشوفى زى صدر الجزيرة
وانبهت لون السريرة
وحالف العمر الرحيل
معادلة الزمن صعبت تليت
سور الخلاص لاذت خطاى
النفس الخليل
لا فت لا جيت
لا لقيتك يا دروس العبرة
ضليت الطريق
والكون فى جدر الخواطر
والمخاطر اعتلت كل المنابر
شوهت اسمى وبديت اسقط
شمخ صوتك فى دورة الرعد
وانفتح باب السما
وجيتى نبض من جديد نبضى
سمق اسمك فى عباب الضلمة
لاحت فى الافق عينيك
برق ثغرك ولج عمقى
رتاج وصد الدروب انحل
بديت اجرى النفس كمل
ركضت قبالك اتلاشيت واتلاشيت
وبديت اسقط مع الزمن السقط منى
ونسيت اديك عنوانى
ونسيت ارسم خطاى تانى
وثابت زى عمود الهم
لا لميت ولا بتلم
ولا حصلتك
اه اوبى
الدروب انسدت والفرح انقتل جواى
شوك السكة فى الخف الجف
كفاك اوبى
وبين الدم وشريان الرحيل
شكلك كفاك اوبى
مشيت هرب الدرب منى
اقيف افتر
ازيد اعتر
امد الايد رقاب ضوك
تزج تنتر
يضاحكنى الشجن اسكر
عصب قصب اليقين ينكش
يجف النيل يموت القش
ورم قلب الرحيل منك
وما ممكن قريب ينقش
ترهلت المدن والضو
وامتد الزمن فى التو
واحتدت سيوف البرق
من عنق المهاجرية
كفاك اوبى
واتوب يا سكة ما توبى
واتوب يا ذاتى ما توبى
واتوب يا انتى ما توبى
واعلن يا صحف ضليت
خرجت ولم اعد للان
وقد ودرت محبوبى
مواصف ذاتى كالاتى
طويل الهم كثيف الغم
ولون البشرة نواتى
سرابيل الوجيع فينى
وما يكفيها يكفينى
وما تكفينى اهاتى
رمال الحزن ساست فى خلايا الذات
عوامل تعرية واسقاط
احلف بالذى سواك
بديت انساك
يا وجه الخلاص بالجد
بلغت مراحل الافلات
من واقع الى مجهول
وحد مرونة المعقول
وبين العسر والممكن
وبين الممكن المجهول
وقف عمرى وبديت ارتد انا وانهد
وايقاعى اختل يا اختا بحجم المحنة
والزمن الهزيل
انتهى.....
ومرقتى شارعين
رجعوك بهتاف سنابل وجردقة
كان البلد محموم
وشفع مدرستنا فى حصة الطين حاولوك
نطيتى فى التيبار حفيرة ومستكة
وانا ما اغتسلت معاك فى النيل
تاورتنى الحمى
لميتك حداى
يا دثرينى وزملى الغنا فى صقيع الناى
سالتك بالذى خلقك
سالتك بالذى دساك فى وردة
واظنك انتى مارستى اقتراح الطل
على الوعى الالهى
وكنتى سويتى العبير سبلة
ضحكتى اتفتح المدخل فراشة وسنبلة
ودخلتى بيتين فى الرغيف
اتعلموك المتعبين غنيت معاك
تسقط كلاب الحر
وناموس السوارى
ويا جلاليب الخلا الجوانى
شيلى الصبر
دقى بيبان العمارة الطافحة بين
ضلك وحوش الطين
وسويلنا الضحى القايلة
اتخمج فنجاك مساك
والقهوة يبست من غياب الطقس فينا
وما دفينا
الحزن مابى
وما نسيناك لما حت البال صفق
شجرالجلل فى الحلة
تاوقناك مكندكة بالغبار والليل
وريحة حنتك شايلة
ادخلينا بسلام امنة
يا امنة
بين بهارك وجتة السارع نهارك محتشد
لايوقة انتى ولا الحنين فى ذكرتك مرهق
دحن اتفكرى وختى الودع قايلة
وانا ما اكتملتك فى خلايا الذات
وبين دهاليز اليقين الصبر زلقتك ثرثرة
وانا ما مرقت عرقان قبالك
وانتبه جواى خرير الصرصرة
من وين جرحتك بالهنا الممحوق ولميت النزيف
قبال اكتمال وجعك خنقت الفرفرة
فكى اشتباهى
كل ما غنيت كضبت
وطول مالاقيتك نسيتك فى العناق
ومشيت
ومعتماك الخيل تعتر فى الثبات
ما جنحت منصلبات ذاتى كفاف الدين
وخوفى من النبى سطوة رياح الاعتقاد فى الغيب
وانتى العشيرة محمداك
طايوق وسبورة حساب بلدى
تفك ريق الصبايا الفى الفريق
قمحاية مرفوعة فى جين
لو انما فى الارض من شجرة قلم
وكان البحر من مدد المحابر
ما نفدت حديث
ولا فكيت حنينى اليك
برق بيطرح هواك فى الشارع المبثوث ضلام
****************************
| |
|
|
|
|
|
|
|
|
|
Re: الشاعر عثمان بشري(الكائن الخلوي) اين هو؟؟ (Re: ابو يسرا)
|
عثمان بشرى عثمان
ذلك الرائع فى الزمن الاغبر
كم احبه
جمعتنى به ليالى جميله
واوقات اجمل
ياريت لو قريت
( حواريه البت ست الشاى واشكاليه النص فى الخروج عن نفسه تحديدا للرغبه واستيعابا للفكره )
( لذا اراك مشروعا بالرى الدائم الواعى نحو انطباع سيىء الحظ فكفى عن معاكستى )
| |
|
|
|
|
|
|
|
|
|
Re: الشاعر عثمان بشري(الكائن الخلوي) اين هو؟؟ (Re: عبداللطيف حسن علي)
|
كان يعني إيه تكبر
وتلقى موظفين الروح على بعد إنتظار شهقة
محل نفسك يشل جسدك
وتتمسح بخيط النور
كان يعني إيه في النسوة نون النسوة
وفي مسدك رجل مبهور
ومتورط إلى أبدك
مجندل بالاغاني الضو
وبالشجر الحفي الممهور
تبق من تاني يا آسف ..
ومخنوق بالخلا العتمور
هذا المتسكع الهامشي رجل استثنائي
جمعتني به ليالي لن تبرح الذاكرة
فكان حينها في اعظم تجلياته بمعية نفر جميلين على شاكلته
وانجب آنذاك مابعد "توما".. (الهناك الذي أنا)
وهو في تمام تجرده
شكرا اخي عبداللطيف على هذه المساحة
والتحية للجميل عثمان البشرى
| |
|
|
|
|
|
|
|
|
|
Re: الشاعر عثمان بشري(الكائن الخلوي) اين هو؟؟ (Re: عبداللطيف حسن علي)
|
ياسلاااام
على الكلام السمح
ولأنك ( ســمِح )
زيك براك
ما بيشبهوك كل المخاليق فى الارض
جايينا من جواك
تفتش للمهترش داك
وياحليل المشاوير البتهبش
غرغرات الروح على الصحبه...
عبد اللطيف
ياااخ أول شئ مرحب بيك
فيما يخص الكائن ( هيمان ) ود عائشه
ذلكم الكائن المختلف ...
ورداً على تساؤلاتك عنه سبقنى العزيز أبويسرا فأوفى
دعنى أقول لك أن توما إمرإة الغيم ( كديوان )
تحايلت على الناشر وظفرت بثلاث أو أربع نسخ ،
كان ذلك بإتفاق مُسبق مع عثمان ...
فوزعها علينا بالتساوى
انا وعمر أحمد ومامون محمد حسين
وصديق آخر بالرياض لم تسعفنى به الذاكره الآن ..
وديوانه الكائن الخلوى وجدته يتيماً فى معرض كتاب مصرى
بمدينة الأبيض فى خريف 2006
( شُفت الصدف دى حلوه كيف )
وبعدها بيوم أو يومين يرن جرس الهاتف
( ألقاهو ليك هو زاتو الما بيغبانى صديقى هيمان بشرى )
تانى يوم كنا حايمين فى قلب الخرتوم
وهاك يا مشاوير غير ندم
وقضينا الإجازه سواااااا
خلينى ألقاك
بقسم ليك حاجات حلوه جد جد
تحياتى
| |
|
|
|
|
|
|
| |
عبداللطيف حسن علي
Ishraga Mustafa
معتصم مصطفي الجبلابي
جمال ادريس
ابو يسرا
معتز الامين
Abuobeida Ali Abdullah
حسين محي الدين
فيس بوك
تويتر
انستقرام
يوتيوب
بنتيريست