|
هل أنت سوداني؟؟؟
|
وآســــــــــــودآنآآآآآآآآآآآآآه لو إنت فى بلد فيهو سنه سابعة وسنة تامنه ابتدائى… تبقى أنت أكيد فى السودان لو طالعتك إعلانات شركات (مسئول) كبير وهو لا زال فى الخدمة تبقى أنت أكيد فى السودان
لو لقيت ليك شرطى (مرور) فى نهاية شارع إتجاه واحد وخلاك لمن دخلت وجاك بى (دفتر إيصالاتو)… تبقى أنت أكيد فى السودان
لو لقيت فى بلد ما فيهو (معينات البحث العلمى) وكل يوم الجامعات تناقش(خمسين) رسالة دكتوراة و(ميتين) رسالة (ماجستير) … تبقى أنت أكيد فى السودان
لو إنت فى بلد وزارة الصحة فيهو قالت (الدواء) ده (فاسد) أحظروهو .. وبعد شويه قالت (ما فاسد) خلوهو .. وبعد شويتين (فاسد) أمنعوهو …. تبقى أنت أكيد فى السودان
لو لقيت فى بلد (الصحف) بتتقفل بى (ماده) فى القانون معموله للمطاعم … تبقى أنت أكيد فى السودان
لما تلاقى الترزى كاتب على باب المحل بتاعو آيه بتقول ( وفصلنا كل شئ تفصيلا) صدق الله العظيم … تبقى أنت أكيد فى السودان لو قرأت الصحف فى 1987 و فى 2016 عن إنتهاء قطوعات الكهرباء ولقيت نفس الكلام فى صيف 2030 … تبقى أنت أكيد فى السودان
لو بهدلوك في اي مكان واشتكيت للشرطة قالوا دا مش اختصاصنا امشي اشتكي في الثروة الحيوانية تبقى انت أكيد في السودان لو لقيت إنو وزارة الداخلية عندها مؤسسات (تعليمية) ووزارة التعليم عندها مؤسسات صحي ووزارة الصحة عندها (شركات إنشائية)… تبقى أنت أكيد فى السودان لو دخلت (الوزارة) وإنت مؤجر فى (زقلونا) وطلعت وعندك عمارتين فى (قاردن سيتى تبقى أنت أكيد فى السودان
لو تقدم إبنك (المهندس) لشغل وظيفة وكان (الإنترفيو) عن (صلاة الجنازة) تبقى أنت أكيد فى السودان لو (فجأة) إكتشف (المسئولون) أن (الخريف) على الأبواب …. تبقى أنت أكيد فى السودان لو عندك (الكلية) اليمين متعطله وعاوزين يشيلوها ليك قامو إستأصوا الشمال السليمة لأنو (الدكتور) كان ماسك الأشعة (بالمقلوب) …. تبقى أنت أكيد فى السودان لو مكث (مرتبك) معك (تلاته ساعات وإطناشر دقيقه) هى الفترة من لحظة إستلامه من الصراف إلى حين عودتك للمنزل …. تبقى أنت أكيد فى السودان لو وجدت أن رؤساء الأحزاب هم (رؤساء) مدى الحياة …. تبقى أنت أكيد فى السودان
لو وجدت أن نسبة الفقر تزداد بإزدياد (معدل النمو) …. تبقى أنت أكيد فى السودان لو قريت الكلام دا وما علقت وكنت بارد شديد ومستسلم أكيد أنت من السودان التوقيع:: الطافش طفش من السودان
|
|
|
|
|
|
|
|
Re: هل أنت سوداني؟؟؟ (Re: Shamael Elnoor)
|
ولو صحيت الصباح لقيت الموية قاطعة وبيتكم جنب النيل تبقى أنت أكيد فى السودان ولو ساكن في بلد الخواجة لمن فتر وما قدر يحدد مساحته قال مليون ميل مربع وما عندك فيها ربع متر تبقى أنت أكيد فى السودان
| |
|
|
|
|
|
|
Re: هل أنت سوداني؟؟؟ (Re: محمد البشرى الخضر)
|
Quote: أيقونة صغيرة تمنع بلاوي كتيرة
|
محمد البشري اصلا انا ما نسبتو لى ثم انو فى حاجات كتيرة ظاهر ة اذا الفتها انت او جاتك فى ايميل يهمنا المضمون
وانا ماوصلتني بـ "تبقي انت اكيد سوداني" وصلتني بونفس صيغتها النزلتها بيها
على اى شكرا
| |
|
|
|
|
|
|
Re: هل أنت سوداني؟؟؟ (Re: محمد البشرى الخضر)
|
ود البشري
Quote: أيقونة صغيرة تمنع بلاوي كتيرة ()
تبقى أنت أكيد سووووداني
وكدا |
ولما تلاقي بوليس المنبر ناطي ليك في رقيبتك وسايط ليك قراصتك..... تبقي اكيييييييييييييد سوداني وغايتو جنس غايتو....ياود الصايم
| |
|
|
|
|
|
|
Re: هل أنت سوداني؟؟؟ (Re: حسين محي الدين)
|
ولو العالم كلو بيفكر في بعد عشره سنين وإنت بتقول ياحليل الستينات والسبعينات والتمانينات برضو بالتأكيد تبقى سوداني ولو كنت دايما بتقول الناس مابيعرفو يلعبو كوره وانت بتتهزم دايما بالتلاتات أكيد تبقى سوداني ولو شفت التلفزيون بينقل حديث المسؤولين عن الصحة والمستشفيات والأجهزة الحديثة ولاقتك قصة سناء وقصة الطفل عبدالله أكيد إنت سوداني ولو شفت ليك عاصمه بتطلع منها في اليوم مليون جريدة وبتتصادر منها مليون وواحد جريده أكيد تبقى سوداني ولو إمتحنوك براك وجيت التاني أكيد تبقى سوداني ولو ماعندك إحترام للمواعيد وماعندك قيمه للزمن أكيد تبقى سوداني ولو بتفكر بعقل لحظتك وبس أكيد تبقى سوداني ولو لقيت نفسك في وادي ومسؤوليك في وادي تاني أكيد تبقى سوداني ولو لقيت نفسك في بلد تقول البيموت في الحرب شهيد وبعد شويه تقول فطيس ماشهيد أكيد تبقى سوداني ولو لقيت حكومتين في بلد واحد متحالفتين ومختلفتين أكيد تبقى سوداني ولو لقيت وزير بيطارد الروسيات والهنديات من بنات الليل في مدينة خليجية وبصورة فاضحة وما عارف الغرض من زيارتو شنو أكيد برضو تبقى سوداني ولو ولو ولو ياشمايل .... نقول شنو ونخلي شنو ؟؟؟ بس ربنا يصلح الحال
| |
|
|
|
|
|
|
Re: هل أنت سوداني؟؟؟ (Re: Mahjob Abdalla)
|
الأخ ـ عبدالكريم . لوقلت لا أكيد إنت سوداني ولو كتبت ذي الكلام الأنا كتبتو أكيد إنت سوداني ولو ما استغربت من البكتبو أكيد ما حأبقى سوداني والشكر لشمائل ولك
| |
|
|
|
|
|
|
Re: هل أنت سوداني؟؟؟ (Re: Shamael Elnoor)
|
لو ظهر ليك مسؤول في وسائل الإعلام وعلق على موضوع وقال احسب انه طيب - تبقي انت اكيد في السودان
لو رئيس الدولة الإنت فيها بتشوفو في اليوم الواحد عشرة ملاات في التلفزيون يبق انت وطاتك اصبحت
ولو قالوا ليك الحكومة باعت الأراضي الفلانية للدولة الفلانية او المستثمر الفلاني
يبقي بلدك لحقت امات طه
التحية لشمايل وضيوفها
نورالدين
| |
|
|
|
|
|
|
Re: هل أنت سوداني؟؟؟ (Re: ABDELDIN SALAMA)
|
Quote: أيقونة صغيرة تمنع بلاوي كتيرة ()
تبقى أنت أكيد سووووداني
|
الأخ: ود البشرى ..سلامات حتى الأخت ..ميادة لم تشير للموضوع بأنه منقول وعلق في صدر المنبر بإعتبارها هي كاتبه.. لا أدري من هو كاتب الموضوع ..لكن وصلني على إيميل قبل فترة .. لأنك أتيت برابط بوست ميادة معتقداً بأنها كاتبة الموضوع رغم أنه منقول وهي لم تشر لذلك ..
مع حزيل شكري وتقديري
بشير
| |
|
|
|
|
|
|
Re: هل أنت سوداني؟؟؟ (Re: Shamael Elnoor)
|
الاستاذة الفاضلة بنت النور
كلامك منطقى و سليمQuote: لو قريت الكلام دا وما علقت وكنت بارد شديد ومستسلم أكيد أنت من السودان
|
و لما تجبرى الناس على التعليق يبقى انت اكيد من السودان
| |
|
|
|
|
|
|
Re: هل أنت سوداني؟؟؟ (Re: Shamael Elnoor)
|
بنتنا شمايل و ابننا بشير ما تضايقوا خلاص بدل منقول ساي ختي منقول من الإيميل بعدين الأصل لما زول ينزل بوست بإسمه ما لازم يوقع تحته عشان ينسبو لنفسه تلقائيا اي كلام مكتوب تحت حسابك بيفترض انو كلامك مالم تشيري لغير ذلك ودا هو الإستثناء
| |
|
|
|
|
|
|
Re: هل أنت سوداني؟؟؟ (Re: محمد البشرى الخضر)
|
Quote: بنتنا شمايل و ابننا بشير ما تضايقوا خلاص بدل منقول ساي ختي منقول من الإيميل بعدين الأصل لما زول ينزل بوست بإسمه ما لازم يوقع تحته عشان ينسبو لنفسه تلقائيا اي كلام مكتوب تحت حسابك بيفترض انو كلامك مالم تشيري لغير ذلك ودا هو الإستثناء
|
الأخ: محمد البشرى ..تحياتي ومنو القال ليك أنا إضايقت ..فقط وضحت أن الأخت ..ميادة ..أيضاً إرتكبت نفس خطأ شمايل ..وهو عدم الإشارة بأن الموضوع منقول ..
ولك إحترامي ..
بشير
| |
|
|
|
|
|
|
Re: هل أنت سوداني؟؟؟ (Re: بشير جبريل علي)
|
بشير يابني ... طيب منو القاليك انا Quote: أتيت برابط بوست ميادة معتقداً بأنها كاتبة الموضوع رغم أنه منقول وهي لم تشر لذلك .. |
الرابط قريتو كامل قبل ما اجيبو بس مافي داعي اعيد الحكاية من الأول... ما تضايق دي لازمة اعتدت عليها فقط لا اكثر لك العتبى ابوي كان اتضايقت منها
| |
|
|
|
|
|
|
Re: هل أنت سوداني؟؟؟ (Re: Shamael Elnoor)
|
ود الصايم مساء الخير
Quote: يا عــمــك
أيامك والله
لاقي ليك قراصة وصايت فيها بي عود
لو ما لقيت قراصة في بوست .. تكون أكييييد ما في (سودانيز أون لاين)
(وشي الاخدر أب سجارة داك) |
ههههههههههههههههههههههههههههههههههههاي
اااي ...ده الشغل ....ده الشغل.....! وبرضو غايتو جنس غايتو ( وعشان خاطر قراصتي ....حقوق الملكية لود الصايم ) وعييييييييييييييييك النكب الزوغة قبل الكترابة .
| |
|
|
|
|
|
|
Re: هل أنت سوداني؟؟؟ (Re: haroon diyab)
|
Quote: بعدين الأصل لما زول ينزل بوست بإسمه ما لازم يوقع تحته عشان ينسبو لنفسه تلقائيا اي كلام مكتوب تحت حسابك بيفترض انو كلامك مالم تشيري لغير ذلك ودا هو الإستثناء |
تسلم يا عمك وده الكلام المظبوط والناس هنا ياجماعة مفروض لمن يقولوا ليهم كلام بحافظ علي المنبر وبمنع اختراقات ممكن تخرب الكورة فيهو حقوا يتعاملوا مع الموضوع بشجاعة ونكران ذات وبدون لوي عنق الحقيقة والمكابرة عشان القصة ما تكبر وتجيب كلامات ولولوة.... الموضوع شكلوا وحجموا بسيط ولكن التعامل معه بوعي الرقابة المنبرية بوري انو الناس متابعة ومرسية قوانين رقابة تاتي عفوية ولكن بتكون ملانة بالمنطق والوعي العالي (فحقوا نتعامل معاها بكل رحابة صدر ونكران ذات)...!!
| |
|
|
|
|
|
|
Re: هل أنت سوداني؟؟؟ (Re: haroon diyab)
|
Quote: وبرضو غايتو جنس غايتو ( وعشان خاطر قراصتي ....حقوق الملكية لود الصايم ) |
يا عمك هارون أبو حديدة جديدة شديدة
إنت خد راحتك يا حبيب .. حقوق قراصتك محفوظة وكدا
| |
|
|
|
|
|
|
Re: هل أنت سوداني؟؟؟ (Re: Shamael Elnoor)
|
نعيب زماننا والعيب فينا وما لزماننا عيب سوانا مع التحية لك؛ ومع الاعتذار
لأصحاب المدحة الأصليين:
ويا لطيف البشر ميّل للودار شوفو كيف كيّل والغشيم فيه اتحمّل بس عليك كيف بتتخيّل كل شيء فيه اتحوّل البريش اتلفّ واتحوّل والكريش اتلوى واتكوّر والوليد يوم تاه واتغفل الدِّيابة تشغّل المشغل والعمر باقيلو استعجل الشباب ما تاهو لا مشتل لا قمح يذروه لا مخمل في عناد استمرأ المحمل في دوام تلقاه متغفل يا حليلو في أمرو استعجل والنقاص في عمرو ما أمّل18/2/2008 للغنى طَلاّب ومستعجل الطريق ما عارفو كان أليل السهاد والصبر ما خيّل الرقاد والعجز كيف خمّل للوصول ما حاول يتمهّل كان حرام او غيرو فليحصل26/2/2008 الشيوخ الحالهم اتبهدل الشعور كيفن بتتهدل والطواقي الـ للشباب محمل والسيور المنها تتبسمل والختم بالله كيف يحصل في زمنّا الباقيلو اتبدل للزغب كيفنو كيف همل للسفر حلاتو اتأهل
وإيّاك أعني واسمعي يا جارة
برضو ديلا لو كدة؟ أكيد هم سودانيون.
وكيّة كيّة للمابينا
فوق فوق فوق سودانّا فوق
مع احترامنا إلى شمائل والكوكبة الرائعة.
| |
|
|
|
|
|
|
Re: هل أنت سوداني؟؟؟ (Re: عبدالفتاح أبوشيمة)
|
Quote: وكيّة كيّة للمابينا |
ابوشيمة ياخ إنت معلم عديل كدة
Quote: والنقاص في عمرو ما أمّل18/2/2008 |
Quote: كان حرام او غيرو فليحصل26/2/2008 |
دي تواريخ الصلاحية ولا شنو يا عمك
| |
|
|
|
|
|
|
Re: هل أنت سوداني؟؟؟ (Re: محمد البشرى الخضر)
|
Quote: بعدين الأصل لما زول ينزل بوست بإسمه ما لازم يوقع تحته عشان ينسبو لنفسه تلقائيا اي كلام مكتوب تحت حسابك بيفترض انو كلامك مالم تشيري لغير ذلك ودا هو الإستثناء |
كلام سليم..
أنصح بتعاطي الأيقونة..
| |
|
|
|
|
|
|
Re: هل أنت سوداني؟؟؟ (Re: Shamael Elnoor)
|
شمايل... العفو يا بنتي القصد ما كان إحراجك ابدا الموضوع بسيط نسيتي فقط تشيري لأن الموضوع من الإيميل لكن يبدو ان التنبيه لم يكن بطريقة مناسبة لك العتبى حتى ترضي
| |
|
|
|
|
|
|
|