رأى الخليجـيين فى الســــــــــوداني . . .

Quote: لكن السودانين بشتروا من سوق واقف واى شى بعدى وخاصة النسوان والله ريحتن ودك وكركار

Quote: الاخ شيخ العرب وزواره الكرام.. الاخوان الخليجيين ليهم معزه خاصه... طبعا الشخص مابتعرفه الا فى الغربه..فهؤلاء الاكارم انا عشت معهم إبان ايام الدراسه لما قبل الجامعه وبعدالجامعه هنا فى المملكه المتحده .. فيهم أشخاص مثل الملائكه.. يعشقون السودانين ويجلونهم..

Quote: مرحب حباب شيخ العرب وعمامتك دي عاجباني تب وباكر تشوف شيتًاً عجب حيرة عقول قبال رجب انت من الجماعة إياهم اللّي بتنّوا ويتلتوا ياخوي اهلنا قالوا من ثنّى فله الجنّة ومن ثلّث فقد فلّت وإياك أخوي من الطلاق دة والله ما هو شيتن بشبهك ولا بشبه العمّة اللّي انت معتجره دي Quote: والله ماشفت البوست الا عبر رابط لتثنية أخرى وجدت ود الصايم رافعه بها أوّل ما جيت والله فتّشت ليك زي كدي تقول عملت لي مداخلة وين واللا وين والله ما عارف شمال واللا يمين أصلي يا عمدة دقة قديمة والملتميديا دي؛ والتقانات الجديدة دي مربوكين فيها ربكة ما تتخيلا وصاياك على العين والرأس بس المتاهة حقتكم دي مدروخانة انا جدّ شاكر على هذه الإطلالة البهية وإن شاء الله الجنّة القلناها فوق دي؛ تكون من نصيبك؛ بس بي حتة الورع الشفناها ديك إن شاء الله يااااااارب

Quote: السوداني كونه ما بيرضى الحقارة؛ وما بتاع كسّير دي من الحاجات الإيجابية؛ لكن الصورة للسوداني في دول الخليج كانت أزهى من كدة خصوصاً الرعيل الأول أي من عاشوا في ديار المهجر في الأربعينيات والخمسينيات والستينيات إلى السبعينيات؛ فقد اشتهروا بصفات أخرى جميلة؛ من القيم الخلقية النبيلة؛ التي كانت تجعل أهل تلك البلاد يستأمنونهم على المال والولد والبنت أيضاً.

Quote: لكن مسئول من الخير وين أخونا ود الصايم ، يعنى الجمعة عندة إجازة حقيقية من كل شىء ولا شنو ؟

Quote: اري ان محبة السوداني من اهل الخليج تاتي لاننا كثيرا ما نكون اقرب لهم في ثوابتهم البدوية الشجاعة ،وحب مساعدة المحتاجيين، عدم القبول بالاهانة والاذلال مهما كان السبب، هذه الصفات متاصلة في الانسان البدوي ..وان تحضر.. كذلك انعدام التامر واحاكة الدسائس ضد زملاء العمل ...اي انعدام التأمر ..وهذه تقريبا نتفرد يها نحن السودانيون..

Quote: لة قطر ،،، دولة حبيبة الى نفسي رجالها قمة فى الإنسانية والكرم والإلفة إلا فيما ندر ،،، بحكم عملى فى التلفزيون أخالط الكثير من المواطنين ما وجدت منهم إلا طيب التعامل والعلاقات الإنسانية ،،، الكثير من الحكايات والمآسي نسمعها من إخوة لنا فى بلاد الخليج الأخرى إلا أن قطر ومواطنيها يحترمون السوداني بالذات ،،، فلا يصطفون إلا منهم ولا يصادقون إلا أغلبهم ولا يثقون إلا بهم ،،، هى إريحية نختص بها دون غيرنا من الجنسيات الأخرى وإن كان ما كثيرا مما قيل صحيح ،،،

Quote: It so shamful to pay attention to the opinion of the (gulfans) to evalute our behavior ? because we know ourselves better than them.the gulfans are not qualified to grades us. Mr Adil, My advise to you is to be proud as a sudanese becuse, we have unlimited values that many nations lacks.

Quote: اولا وضاحة دى بت ممسوخة ومسنوحة اى بوست تعلق فيهو بتغير مسارو بالطريقة البتعجبها

Quote: من هم الخليجـيين

Quote: عزيـــزي عادل أذكر في أيام الدراسة كنا مجموعة من الزملاء عائدين الى المنزل , وبعد ركوبنا المواصلات قاصدين وجهتنا التي كانت الكلاكلة , وفي أثناء سير العربة كانت هناك رايحة دخان سجاير تفوح بالداخل , وظن العديد من الركاب بأن هذا الدخان صادر مننا , نتيجة لجلوسنا في المقاعد الخلفية " مقاعد شكرا" وهذا المكان دائما يكون مصدر لمثل تلك الأفعال , على العموم هذا الأمر حدى بأحد الأصدقاء الى التسأول بصوت مسموع لكل من بالحافلة حتى يبعد عننا الشبهة " ده منو البدخن سيجارة هنا " وبعد ترديده للسؤال عدة مرات , أجاب السايق "أنا" , ومضي صديقنا المشهور في مثل هذه المواقف قائلا " الكلام ده ماصاح منك عشان عربيتك ولاشنو , مانحنا دافعين قروش ماراكبين بلاش , ماعندك ذوق في ناس عندها أزمة مابستحملوا الدخان وهلمجرا ......" تعرف ياعادل الحصل شنو؟ مابتتخيل!!! السايق وبدون أي مقدمات إنفعل وأوقف الحافلة وإترجل منها وجلس أمامها وأخذ يواصل في تدخينه للسيجارة !!!!.

Quote: 1 - السودانيون في قطر يقولون ناس قطر اروع شـعب، 2 - السودانيون في مصر يحـبون الـمصرين وهـم ( اجـدع ناس )، 3 - السوداني الـمقيـم في الكويت يعتبـر الكوايتة اطـيب خـلق اللـه، 4 - والـمقيمون فـي دولة الامارات يـعتبـرون اهـلها احـسن العرب، 5 - اللاجـئون السودانيون في اسرائيل يقولون عاشـت تل ابيـب، 6 - السودانيون العاملون في ليبيـا يـهتفون للقذافـي والكتاب الاخـضـر، 7 - السوداني في السعوديـة يـحـب الـملك ويكره الكـفيل، 8 - الـموظفون والعمال في سلطنة عـمان يفضلون السلطنة عن اي مكان اخـر، 9 - وفـي البـحرين السوداني لايـعرف مـكان اخـر،

Quote: وبالمناسبة الدخان بعمل امراض كتيرة فى الصدر ومنها الكانسر ودا مثبت علمياً ذكرتنى قصة بت خالى كانت فى المانيا وهى جاية جديدة راجلها حزرها من الدخان لانوا الألمان مابعرفوا حاجة اسمها دخان وحياتك ما اشتغلت بيه خلتوا مشى المستشفى هو طبيب ولعت ليك الدخان الجهاز بتاع الانزار قعد يكورك بس الجيران شافوا ليك الدخان من الشباك اتصلوا ليك بالشرطة بتاعت المطافى وحياتك جوء كسروا ليك الباب وخموها ببطانيتها وجروا بيها وهى تسكلب ومافهمين هى بتقول فى شنو لما وصلوا المستشفى فاكرنها حرقت فى المدخل شافت راجلها قعدت تكورك ليه بس المهم فهم ليك الجماعة طبعا بعد اتاكدوا انوا جسمها سليم اتفرجوا فيها تمام راجلها لما جات البيت اداها ليك كفين طيرا من الدخان تانى ما ولعت ليها حفرة لما رجعت السودان

Quote: هنا أريد أن نناقش مثل هذه الإنفعالات ونماذج لها لما قد شاهده بعضنا أو سمع عنه .

Quote: من ناحية العنصرية فهي موجودة ومتاصلة ولن تتزحزح والغريب إنها ما مرتبطة بي لون السودانيين

Quote: هل صفة الإنفعال لدى السوداني هى أكثر ما يميزه لدى الشعوب الأخرى؟ وهل حقاً أن السوداني ، عندما ينفعل تتساوى لديه كل الأشياء ؟ ؟ ؟