|
Re: اتمني فوز الهلال بالثلاثة وأتوقع العكس تماما .. (Re: طلحة عبدالله)
|
بصراحة التمني والتوقع معكوسين تماما في عنوان البوست أعلاه وذلك من باب مناكفة اخواننا الهلالاب هنا والذين نكن لهم التقدير ونرجو أن يحققوا الأمنيات التى ظلت عصية عليهم طوال أكثر من سبعين عاما من الجفاف والكفاف للدرجة التى جعلت قائد الفريق (المحلي جدا ) هيثم مصطفي يحدد سقف امانيه الكروية (قبل أن يجبره العمر علي الإعتزال) بالحصول مع الفريق علي بطولة خارجية وهو الامر الذي يبدو بعيد المنال كون أن الفريق الهلالي لا يملك ثقافة البطولات الخارجية كما شقيقه الأكبر المريخ . للحق حتى ولو تمني الناس خسارة الهلال علي ملعبه أمام فريق ( الشمس الغاربة) فأن الهلال قادر علي إحالة هذه الامنيات إلى سراب كما فعل من قبل خلال مشاركته في ذات المسابقة بنسختها السابقة حيث ظل الهلاليون يحققون إنتصارات عريضة علي كل الأندية الزائرة ما جعل محبي الفريق يصفون ملعب استاد الهلال ب(المقبرة) وهو وصف يبدو دقيقا ولائقا بالنظر للحالة المزرية للإستاد الذي أصبح خرابة ينقصها نعيق البوم نتيجة الإهمال الذي عاناه طوال عهد (المتعنتر الموهياب) الذي وعد بكل شىء ولم يف باي شىء حتى الآن . ان فوز الهلال علي الفريق الجنوب أفريقي علي ملعب الهلال الأسبوع المقبل هو مسألة وقت ليس إلا ولكن سيبقي السؤال المهم .. هل سيواصل الفريق مشواره بالبطولة أم يفعل كما ظل يفعل منذ سبعين عاما أو يزيد .. ملاحظة : قلت أتمني فوز الهلال بالثلاثة واتوقع العكس والحقيقة أنني اتوقع فوز الهلال بالثلاثة وأتمني العكس ( التمني هنا من باب المناكفة فقط ) يتبع ..
| |
|
|
|
|
|
|
Re: اتمني فوز الهلال بالثلاثة وأتوقع العكس تماما .. (Re: طلحة عبدالله)
|
لكن ومع كل هذا التفاؤل تظل خسارة الهلال أمام ضيفه واردة طالما إن كرة القدم لا تعترف إلا بالأجدر والأقدر والأكثر عزيمة والأوفر عطاءا علي أرضية الملعب . صحيح أن كل العوامل مهيأة لفوز الهلال في المواجهة المقبلة إلا أن هذه العوامل الأرض ,والجمهور, والثقة ,والخبرة ,وما إلى ذلك قد تتحول إلى نقمة علي أصحابها في حال لم تقابلها تهيئة نفسية تبعد الضغوط ومؤثراتها وتجلب العطاء للاعبين لأن مجرد المعسكرات الكلاسيكية التى تبدأ بالتمارين وتنتهي بتناول المرطبات والنوم علي وسائد التفاؤل الأحلام لم تعد ذات جدوي مالم تتبعها التهئية النفسية المكملة للإعداد البدني . أخشي أن يكون المستوي المتواضع الذي ظهر عليه الفريق الهلالي في مباراته الأخيرة أمام ضيفه الإتحاد بالدوري الممتاز هو نتيجة تداعيات ما ظلت تتناقله المجلس بخصوص تصاعد الخلافات والإضطرابات الإدارية داخل أروقة النادي والتى راح ضحيتها أولا مدير الكرة (صاحب السر الباتع في إنتصارات الهلال) فوزي المرضي قبل أن يلحق به مساعد المدرب بكري عبد الجليل والذي كانت له أفضاله في تصاعد المستوي الفني للفريق برفقة الممرن ريكاردو علاوة علي خلافات أدارية أخري مازالت نذرها تتجمع في سماء النادي. وإذا ما كان الأمر هو بالفعل كذلك فأرجو ان ينجح الهلاليون الخلص في إبعاد اللاعبين من مثل هذه المؤثرات قبل المباراة المقبلة وإلا فأن العواقب ستكون وخيمة علي نحو يمكن ان يتبخر معها الحلم الأزرق بفعل حرارة الشمس وإن كانت غاربة .
| |
|
|
|
|
|
|
Re: اتمني فوز الهلال بالثلاثة وأتوقع العكس تماما .. (Re: طلحة عبدالله)
|
Quote: لأن مجرد المعسكرات الكلاسيكية التى تبدأ بالتمارين وتنتهي بتناول المرطبات والنوم علي وسائد التفاؤل الأحلام لم تعد ذات جدوي مالم تتبعها التهئية النفسية المكملة للإعداد البدني . |
.. والله يا مسكين البسمع كلامك تقول بتعسكرو عند ناس مانشستر يونايتد خلاص مسكتك .. ( أم هله هله ) .. وقمت تاني للهضريب ..؟
خلي يرسلو ليك بسكويت من السودان
بريحك
اضرب اللــون
| |
|
|
|
|
|
|
Re: اتمني فوز الهلال بالثلاثة وأتوقع العكس تماما .. (Re: طلحة عبدالله)
|
Quote: والله يا مسكين البسمع كلامك تقول بتعسكرو عند ناس مانشستر يونايتد خلاص مسكتك .. ( أم هله هله ) .. وقمت تاني للهضريب ..؟
|
غايتو يا تامبا مسكنة أنا ما بعرف لكن صدقني ما ح تستفيدوا من خبرتنا كزعماء ورواد للبطولات الخارجية المحمول منها وغير المحمول طالما ظل راسكم كبير وما بتسمعوا الكلام الببكيكم .. نحن دايرين مصلحتكم كان الله يصلح حالكم ويقيل عثرتكم دي .. تقولوا هضربة . غايتو صحي محلي الله ما في زول بعولمو .. (وش اخدر ناطي مترين ونازل برآآآآآآحة) حاشية: غايتو هنا ما عندها اية علاقة بغايتو بتاع الكماين .. إنتهي .
| |
|
|
|
|
|
|
Re: اتمني فوز الهلال بالثلاثة وأتوقع العكس تماما .. (Re: طلحة عبدالله)
|
لك التحية طلحة انت عارف الناس ديل ما بعرف ليهم الا مزمل ابو القاسم ياخى ده بسكت حنانم (زى ماقلت جيعانين بطولات خارجية) ربنا ارزقم با الجنا البركة ده اصلو اى زول اجيب قون فى المريخ اقومو اسجلوهو اها سجلوهو بركة ده انشاء الله ينور ليكم
وقالو الكباتن بتاعين الفرق كلها فى البطولة الافريقية (الافقيرية) جمع فقيرة جابو اهداف معداااا؟؟؟؟؟؟؟؟؟؟؟؟؟ صاحبنا ربنا يعينو ....... انت عارف لوكان الكبتن الملك فيصل العجب كان جاب اهداف ...... ولاشنووووووووووو احسن من الصيام ده
| |
|
|
|
|
|
|
Re: اتمني فوز الهلال بالثلاثة وأتوقع العكس تماما .. (Re: almogira alemam)
|
Quote: قلت أتمني فوز الهلال بالثلاثة واتوقع العكس والحقيقة أنني اتوقع فوز الهلال بالثلاثة وأتمني العكس |
صرح احد الصفوة من كبار مشجعي المريخ اسمو{ ابو ليمونة او برتكانة مابتذكر المهم احد الخضروات } للصحف بأنه يزعل جدا اذا فاز الهلال ولا ينام
يبقي الحال من بعضه يا طلحة يا خوي
علي العموم كتر لينا من الاولي
ولك التحية
| |
|
|
|
|
|
|
Re: اتمني فوز الهلال بالثلاثة وأتوقع العكس تماما .. (Re: almogira alemam)
|
Quote: للحق حتى ولو تمني الناس خسارة الهلال علي ملعبه أمام فريق ( الشمس الغاربة) فأن الهلال قادر علي إحالة هذه الامنيات إلى سراب كما فعل من قبل خلال مشاركته في ذات المسابقة بنسختها السابقة حيث ظل الهلاليون يحققون إنتصارات عريضة علي كل الأندية الزائرة ما جعل محبي الفريق يصفون ملعب استاد الهلال ب(المقبرة |
طلحة ياصحبى فوبيا الهلال تعمل اكتر من كده بنسمع بالدفع المقدم لكن عمرنا ماشفنا مقدم جرسة حالتكم تحنن كلو من بركة
| |
|
|
|
|
|
|
Re: اتمني فوز الهلال بالثلاثة وأتوقع العكس تماما .. (Re: عامر تيتاوى)
|
Quote: طلحة ياصحبى فوبيا الهلال تعمل اكتر من كده بنسمع بالدفع المقدم لكن عمرنا ماشفنا مقدم جرسة حالتكم تحنن كلو من بركة
|
يا تيتا ياخ انتو اصلو ما قادرين تنسوا محليتكم دي .. خلاص لسانكم اتعوج علي المحلية وعيونكم بقت ما بتشوف إلا بركة وحي العرب وقوز الناقة الا يكون في عونكم ياخ .. (وش مشفق عليكم)
| |
|
|
|
|
|
|
Re: اتمني فوز الهلال بالثلاثة وأتوقع العكس تماما .. (Re: طلحة عبدالله)
|
Quote: المرجع: نوفمبر الأسود...
|
تامبا المسكين طوالي لا وانت الصادق فعلا نوفمبر أسود عند المريخاب .. لكن أمسك الشهور الهلالية العرجونية دي : يناير الكارثة فبراير الكابوس مارس الكحلي ابريل اللبني مايو الكج يونيو الغول يوليو ال.... الخ ... أها طلع لينا شهر واحد للهلال من سنة كم تلاتين ما أسود ورابط قرون .. قال أسود قال .
| |
|
|
|
|
|
|
Re: اتمني فوز الهلال بالثلاثة وأتوقع العكس تماما .. (Re: محمد عبد القادر)
|
Quote: للدرجة التى جعلت قائد الفريق (المحلي جدا ) هيثم مصطفي يحدد سقف امانيه الكروية (قبل أن يجبره العمر علي الإعتزال) بالحصول مع الفريق علي بطولة خارجية وهو الامر الذي يبدو بعيد المنال كون أن الفريق الهلالي لا يملك ثقافة البطولات الخارجية كما شقيقه الأكبر المريخ . |
وتأكيدا لكلامك يا طلوح .. الزول دا من سنة 2004 وهم مشاركين في الكونفدرالية ظل يردد في هذه الأمنية المستحيلة حتى أول أمس ..
بس عليك الله أمير دامر دا مش حقار ؟؟ هسع في داعي يسألو السؤال دا ؟؟
الرغيبة يا طلحة السودان حقق بطولة خارجية .. الباقي أهل الصفر الدولي الدائم يا ود الصائم ..
| |
|
|
|
|
|
|
Re: اتمني فوز الهلال بالثلاثة وأتوقع العكس تماما .. (Re: طلحة عبدالله)
|
طلحة تنظير Quote: أها طلع لينا شهر واحد للهلال من سنة كم تلاتين ما أسود ورابط قرون .. قال أسود قال . |
امسك عندك نوفمبر دا ذاتو بقدر ما كان اسود عليكم كان سويت نوفمبر عندنا
بالمناسبة تعال لي بي هناك خاشي على الليلة الأخيرة مذكرها ليلة 29 يا راجل هاك المناظر لا يفوتك الفلم
اخد ساتر يا زول لا تتعوق كرنقو حيشوت
| |
|
|
|
|
|
|
Re: اتمني فوز الهلال بالثلاثة وأتوقع العكس تماما .. (Re: طلحة عبدالله)
|
ممكن الهلال ينهزم ثلاثه ,,
في حاله واحده ,,
عرفتهاشنو؟
يكون المدرب مازدا ,,,,
لانو متعود علي التلاتات,,,
خارج الموضوع,,,
قالوا واحد عاوز يتصل بالمطافي 999,
بدل التسعات ضرب 333,
رد عليه مازدا,,,,
| |
|
|
|
|
|
|
Re: اتمني فوز الهلال بالثلاثة وأتوقع العكس تماما .. (Re: طلحة عبدالله)
|
Quote: بيني و بينك أنا لو محل المشجع دا كان لميت معاي الناس الفي المدرج وفلَّقت ناس المريخ ... |
غباشي يا أخوي ده ماركة مسجلة باسم الرشاشات نحن ما بنعملها ... هسه بقولوا البشير ناوي يعلن الجهاد في فلسطين والخطه أنه ح تطلع إشاعة يعمل مباراة للهلال أمام ليفربول ولما جماهير الهلال تدخل الاستاد لمشاهدة المباراة يقوم الجيش يغلق الاستاد ويقبضوا على الجماهير الهلالية ويسفروهم فلسطين أصلهم معروفين برمي الحجار وح يقدروا يساعدوا ويعلموا كمان شعب فلسطين فن رمي الحجار . ، وكمان قالوا البشير ح يسفر وراهم كم طياره كده محملة بالقصب ذي الجدعوا بيهو إبراهومه .
مودتي أيها المريخي الأصيل
عماد
| |
|
|
|
|
|
|
Re: اتمني فوز الهلال بالثلاثة وأتوقع العكس تماما .. (Re: طلحة عبدالله)
|
Quote: لك التحية طلحة انت عارف الناس ديل ما بعرف ليهم الا مزمل ابو القاسم ياخى ده بسكت حنانم (زى ماقلت جيعانين بطولات خارجية) ربنا ارزقم با الجنا البركة ده اصلو اى زول اجيب قون فى المريخ اقومو اسجلوهو اها سجلوهو بركة ده انشاء الله ينور ليكم وقالو الكباتن بتاعين الفرق كلها فى البطولة الافريقية (الافقيرية) جمع فقيرة جابو اهداف معداااا؟؟؟؟؟؟؟؟؟؟؟؟؟ صاحبنا ربنا يعينو ....... انت عارف لوكان الكبتن الملك فيصل العجب كان جاب اهداف ...... ولاشنووووووووووو احسن من الصيام ده
|
ولك التحية يا المغيرة وعبرك للأخ مزمل أبو القاسم وكل المريخاب الخلصاء.. كل الشكر للمرور والإضافة الضاحكة.
| |
|
|
|
|
|
|
Re: اتمني فوز الهلال بالثلاثة وأتوقع العكس تماما .. (Re: طلحة عبدالله)
|
Quote: صرح احد الصفوة من كبار مشجعي المريخ اسمو{ ابو ليمونة او برتكانة مابتذكر المهم احد الخضروات } للصحف بأنه يزعل جدا اذا فاز الهلال ولا ينام يبقي الحال من بعضه يا طلحة يا خوي
|
يعني نفهم من كلامك دا يا ياسر انك بتفرح لو فاز المريخ .. ؟ كدا بلاي عيني في عينك .. ( وش مستحيل يصدقكم )
| |
|
|
|
|
|
|
Re: اتمني فوز الهلال بالثلاثة وأتوقع العكس تماما .. (Re: طلحة عبدالله)
|
Quote: قد يسأل رشاشة لماذا لا يتكلم المريخاب عن فريقهم المواجهة بمباراة مهمة في الكونفدرالية ويتحدثون عن الهلال .. الإجابة بكل بساطة هي ان المريخ ما منو خوف ومعروف في البطولات الخارجية التى خبر دروبها وإعتلي عروشها وحصد ذهبها وترصع باوسمتها. الكلام ناس قريعتي راحت ديل .. |
والله لكن ياطلحة غايتو قاعد تقول ليك جنس كلامات !!
غيّاظ خلاص .......................................... ثقيل ده . يارب تحققي لي مناي ....................................!!
| |
|
|
|
|
|
|
Re: اتمني فوز الهلال بالثلاثة وأتوقع العكس تماما .. (Re: طلحة عبدالله)
|
Quote: كلامك يعني الصفر الدولي خالد مخلد في الزريبة ...........
يا اخي ده بزيد الحقد علي الزعيم واهله
|
حكاية الحقد دي حكاية عمرها 24 سنة يا waw ومستمرة منذ أيام أول كأس جوي يدخل الخرطوم بامر المريخ .. والمشكلة الأكبر أنو هم ما زعلانين لانهم ما جابوا كاس خارجي بقدر زعلم لانو المريخ جابن يطاقشن . شفت كيف بلاي .. (وش حزين لحالم )
| |
|
|
|
|
|
|
Re: اتمني فوز الهلال بالثلاثة وأتوقع العكس تماما .. (Re: طلحة عبدالله)
|
Quote: طلحة تحياتي و أن شاء الله المرة دي نعمل حاجة و حقو نركز على الممتاز عشان نديهم فرصة الظهور خارجياً
|
إتا عارف يا غباشي .. لو أصلا في تقديم مصلحة عامة علي الخاصة ولو كان الناس بتتكلم بمنطق حقو طوالي المريخ دا يكون أول واحد يمثل خارجيا وبعد كدا ممكن يختوا بعدو موردة واللا هلال الخرطوم واللا هلال كادقلي . طبعا ما أظنك محتاج لشرح ..
| |
|
|
|
|
|
|
|