غايتو يا جني أهلي ديل (الرباطاب) ما مريحنهم!! هاك دي: الرباطابي و ولدو ماشين و دار بينهم الحوار التالي: الولد : يابا شوف الفار دااك. الأب: يا ولد أنا كديسة. الولد: يابا أنا قلت ليك أكلو؟
تحياتي لأهلي الرباطاب أصحاب المساخة الحلوة..تحياتي لك
04-23-2008, 09:08 AM
المر
المر
تاريخ التسجيل: 11-08-2007
مجموع المشاركات: 2265
أيضا في محطة الشريك انا وصاحبي مهدي مجذوب قاعدين في المحطة على بنش اسمنتي . قطار حلفا واقف وهناك عربة بها شباب(صبيان و صبايا) طلبة جامعيين جايين من مصر. واحد عاوز يخفف دمو و يشاغلنا: كيف يا شباب الشريك الدكاي(العرقي) بتاعكم قالو رهيب؟ أجاب عليه صاحبي مهدي: " والله من ما روحتو انت وامك العرقي بقي مصماص"
أيضا وفي نفس المحطة انا مسافر وعايز اشوف لي طريقة في قطر بضاعة مع فرملة الكمساري ونعصر ليهو حاجة. كنا مجموعة كبيرة واقفين امام الفرملة منتظرين الكمساري يجي نحنسو عشان يدينا فرصة . واحد مار من جنبنا نادى على الكمساري: " يا عبد العاطي تعال شوف فرملتك دي تقول رافعين لها كورنر"
04-23-2008, 11:41 AM
Ammar Eldaw
Ammar Eldaw
تاريخ التسجيل: 04-17-2008
مجموع المشاركات: 119
قال ليك شافع مصيبة ومنحوس .. عمرو خمسة سنة ما إتكلم .. أها أول ما إتكلم قال خالي .. بعديها بيوم خالو إتلحس . تاني كلمة قال أخوي .. بعديها بيوم أخوه إتلحس .. أها الشافع قال أبوي .. الراجل كتب وصيتو .. بعديها بيوم .. جارهم إتلحس !!!
04-23-2008, 12:46 PM
هاشم أحمد خلف الله
هاشم أحمد خلف الله
تاريخ التسجيل: 01-16-2007
مجموع المشاركات: 6449
واحدة عندها دولاب خاتاهو في الاوضة الفاتحة علي الشارع .. بس كلما يمر بص الثورة جنب البيت باب الدولاب ينفتح كلمت نجار الحلة بالحاصل ... النجار عاين للدولاب تمام ... لكن البص جا الباب انفتح النجار قال ليها لازم اتقفل جوة الدولاب عشان اعرف البيحصل شنو لما يجي البص عمنا اتحكر جوه الدولاب راجل الولية جا البيت فجاة يشيل حاجة ناسيها في الدولاب راح فاتح الدولاب ... لقي النجار جوه النجار قال ليهو: لو قلت ليك راجي بص الثورة ...بتصدقني؟
04-23-2008, 06:20 PM
Elsamani A.Malik
Elsamani A.Malik
تاريخ التسجيل: 05-11-2005
مجموع المشاركات: 342
Quote: واحدة عندها دولاب خاتاهو في الاوضة الفاتحة علي الشارع .. بس كلما يمر بص الثورة جنب البيت باب الدولاب ينفتح كلمت نجار الحلة بالحاصل ... النجار عاين للدولاب تمام ... لكن البص جا الباب انفتح النجار قال ليها لازم اتقفل جوة الدولاب عشان اعرف البيحصل شنو لما يجي البص عمنا اتحكر جوه الدولاب راجل الولية جا البيت فجاة يشيل حاجة ناسيها في الدولاب راح فاتح الدولاب ... لقي النجار جوه النجار قال ليهو: لو قلت ليك راجي بص الثورة ...بتصدقني؟
والله بااااااااااااااااااااااااااااالغت .. هاهاهاهاهاهاهاهاهاهاهاهاهاهاهاهاهاهاهاها
04-24-2008, 11:05 AM
ismeil abbas
ismeil abbas
تاريخ التسجيل: 02-17-2007
مجموع المشاركات: 10789
رباطابي مشى وكالة سفر عشان يقطع تزكرة في رمضان .... الوكالة زحمة و الموظفة شغالة براحة ... عمك الرباطابي تِعِب و زِهِج و عِطِش ... اها لما دورو جاء الموظفة قالت ليهو بحنكشة : دايرا ذهاب و إياب ؟ رد عليها بمساخة شديدة : لا لا بخروج المهزوم
04-25-2008, 09:02 AM
jini
jini
تاريخ التسجيل: 02-05-2002
مجموع المشاركات: 30720
Quote: رباطابي مشى وكالة سفر عشان يقطع تزكرة في رمضان .... الوكالة زحمة و الموظفة شغالة براحة ... عمك الرباطابي تِعِب و زِهِج و عِطِش ... اها لما دورو جاء الموظفة قالت ليهو بحنكشة : دايرا ذهاب و إياب ؟ رد عليها بمساخة شديدة : لا لا بخروج المهزوم
حلوى ى ى باللهجة الصعيدية واحد براية فى بص سفرى نجض البص نجاض بالنقة وقبل على الرباطابى عاوز يبراهو : انت من الجزيرة! الرباطابى : لا من أم بى سي جنى
04-25-2008, 03:12 PM
خالد الجبل
خالد الجبل
تاريخ التسجيل: 08-16-2007
مجموع المشاركات: 412
رباطابي مشى لصاحب دكان سمعو تقيل خالص ، فقال ليهو : أديني معجون حلاقة وأمواس ، فظل صاحب الدكان يستفهم والرباطابي يصرخ إلى أن ظن صاحب الدكان انه سمع فأعطاه قلم رصاص وكراس ، أخذهم صاحبنا مضطراً حتى لا يدخل في دوامة أخرى معه وأعطاه ثمنها ... فسأله صاحب الدكان : أديك بالباقي شنو ؟ فقال له الرباطابي بدون تردد : أديني بيهو إملاء
04-25-2008, 06:28 PM
jini
jini
تاريخ التسجيل: 02-05-2002
مجموع المشاركات: 30720
رباطابى مستغربا ومندهشا من صاحب مطعم به حلة واحدة وهو يخرج للزبائن منها عدة طلبات عدس و لحمة وشوربة! الرباطابى مخاطبا صاحب المطعم : انت يا دا حلتك دى فيها أدراج!
توضيح االعدس دائما ما يكون فى قعر الحلة واللحمة فى النص فوق العدس والشوربة طافية والطباخ حريف! جنى
04-26-2008, 09:51 AM
ismeil abbas
ismeil abbas
تاريخ التسجيل: 02-17-2007
مجموع المشاركات: 10789
واحد بتونس مع صاحبو الرباطابي قال ليهو: إنت عارف إنو الثعبان لما يعضي ليهو زول بيخلي سنونو جوة جسم الزول. الرباطابي قال ليهو: أها وكان بعد دقيقتين لاقاهو زول تاني داير يعضيهو؟ قال ليهو: بيكون قاموا ليهو سنون جديدة. الرباطابي قال ليهو:ياخي دا دبيب ولا دباسة.
04-26-2008, 03:15 PM
معتصم مصطفي الجبلابي
معتصم مصطفي الجبلابي
تاريخ التسجيل: 08-28-2006
مجموع المشاركات: 6753
Quote: واحد بتونس مع صاحبو الرباطابي قال ليهو: إنت عارف إنو الثعبان لما يعضي ليهو زول بيخلي سنونو جوة جسم الزول. الرباطابي قال ليهو: أها وكان بعد دقيقتين لاقاهو زول تاني داير يعضيهو؟ قال ليهو: بيكون قاموا ليهو سنون جديدة. الرباطابي قال ليهو:ياخي دا دبيب ولا دباسة.
لووووووووووووووووووول واحد فارش ليهو عروق كتار ببيع فيهن اها رباطابى يقلب فى العروق ويسأل دا عرق شنو! والبايع يجاوب دا عرق منع العين ودا بتاع منع حسد ودا عرق سلاح ما يمشى فيك ودا عرق محبة ودا عرق بيع وهلمجرا اخونا الرباطابى سألو عرق بيع يعنى شنو! البائع : يعنى تختو فى الدكان البضاعة تتباع هوا. الرباطابى : طيب مالو ما باع اخيانو الجنبو ديل! جنى
04-26-2008, 06:46 PM
الزوول
الزوول
تاريخ التسجيل: 05-14-2003
مجموع المشاركات: 2463
السلام عليكم جني ازيك الرباطابي دخل بتو مدرسة خاصة ، امتحان الشهادة سقطت مشى يقابل المدير قاليهو: والله الفصل فيهو خمسين ، نجحت منهم واحدة بس الرباطابي قاليهو : يا خوي انت فاتح لك فصل والا كرتلة ............................. وما الناس إلا هالك وأبن هالك *** وذو نسب في الهالكين عريق
05-16-2008, 06:47 PM
نهي محسن أبوراس
نهي محسن أبوراس
تاريخ التسجيل: 04-02-2008
مجموع المشاركات: 488
Quote: واحد بتونس مع صاحبو الرباطابي قال ليهو: إنت عارف إنو الثعبان لما يعضي ليهو زول بيخلي سنونو جوة جسم الزول. الرباطابي قال ليهو: أها وكان بعد دقيقتين لاقاهو زول تاني داير يعضيهو؟ قال ليهو: بيكون قاموا ليهو سنون جديدة. الرباطابي قال ليهو:ياخي دا دبيب ولا دباسة.
لالالالالا دي قوية ... هاهاهاهاهاهاهاهاهاهاهاهاهاهاهاهاهاهاها
04-26-2008, 09:50 PM
أبوبكر أبوالقاسم
أبوبكر أبوالقاسم
تاريخ التسجيل: 11-27-2007
مجموع المشاركات: 2805
رباطابي باب بيتو مكسور ومابيقفل مرتو الصباح جابت ليهو الفطور في الحوش أها لما بدء ياكل جاهو جارو الشايقي ناطي و قبل مايقول ليهو اتفضل صاحبنا قعد ياكل معاهو، اها بعد مانضف الصحون قال لي الرباطابي: سبحان الله ولا مخطط اجيك بس جابني رزقي دا. الرباطابي رد ليهو: والله ولا رزقك ولا حاجة بس عدم باب.
05-16-2008, 07:31 PM
خالد سند
خالد سند
تاريخ التسجيل: 07-14-2006
مجموع المشاركات: 275
العم عابدين موسى من ناحية فتوار عليه رحمة الله. ابنه يوسف كان بيجي كل يوم من البابور يقول ليه الليلة البحر شارد شردة شديدة خلاص وحفرنا كتيرعشان نوصل الموية للطرمبة. و يتكرر السيناريو يوميا . في احد\ الأيام اجاب العم عابدين: " ياولدي نحن بابورنا هين ان شاء الله ينستر في حوتو(سمكو).
أما سايق القطر ود بركات فقد دهس مجموعة من الغنم بين الكربة وندي وعملو ليهو مجلس محاسبة في عطبرة . وكان السؤال الأول من رئيس اللجنة:"بس ممكن تورينا البهايم ديل كتلتهن كيف؟" أجاب ود بركات" والله جيت سايق الوابور نمرة 1917 ولمان قاصدت زريبتن كسرت عليهن كتلتهن وجيت راجع ركبت القضيب"
العمدة سلمان ابوحجل كان له أخ عندو عتبة في رجلو(معوق) وعندو شنب ما شاء الله فرامة. جات اختو يوم قالت ليه و بمسخرة: " دا الشنب اريتو اكان في سلمان أخوي" فرد عليها: "انشاء الله مع كراعو".
ابنة شقيقتناعلا (5 سنوات) تدرس بروضة اسمها "القلم". عمتها سألتها يابت بتقري وين؟ "بقرا في روضة القلم." وحبت مداعبتها "قلتى لي الغنم؟". "لا يا عمتي القلمممممممممممممممممم" وهكذا حتى زهجت و قالت لعمتها" ايوة الغنم" " اها بدوكم شنو يابتي؟" اجابت علا:" بدونا برسيم"
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة