كتب الكاتب الفاتح جبرا المتوفرة بمعرض الدوحة
|
ساعة صفـــــاء .......... نكـــــــــات ....
|
لكم من التحيــة أطيبــها.. وأقول لكم ، ... لنتفيأ قليلا من زخم المواضيع وتواتر التناول الذى يعج بالغث والثمين ... والمفيد وغير المفيد ، فالنجعلها هنا ساعة من أجل الترويح .... واليسعفنا كل مما لديه ، من جديد النكات وقديمها الممتع الذى ربما لم يسمع من البعض ... وإليكم بنكات المســـــــــاطيل ..
اثنين مســـــــاطيل الاول يقول للثاني تصدق انت تشبه الحمــــــار ؟ الثاني قاليهــو قول ماشــاء الله - ــــــــــــــــــــــــــــــــــ مسطــول لقي اثنين في المقـابر يفتشو علي قبر ابوهم وهم يتغالطوا .. ياهو ده .. لا ماياهو ..ياهو ده لا ما ياهو...... قاليهم المسطول انتو دايرين تدوهو الفاتحه ولا مصـــاريف !!! ــــــــــــــــــــــــــــــــــــ مسطـول إشتري سيــــــاره شبح جديدة لنج وهو ســــايقها فتح الراديو سمع هنا لندن .. قال إنعل ابو الســــــــرعه ذاتو - ــــــــــــــــــــــــــــــــــــــ
مسطـول سالوهو يوم القيامه داير تخش ياتو جنه ؟ قال جنة الاطفـــــال
|
|
|
|
|
|
|
|
Re: ساعة صفـــــاء .......... نكـــــــــات .... (Re: محمد مختار جعفر)
|
ســـــــواق أمجـاد راكب جنبو واحــــــد سميــــــــن لدرجة إنو ماقادر يســــــوق . في واحـد مسطـول راكب في الكنبه الخلفيـــه قال للسـواق.. ياإبن العـم شيل دركسونك وتعال معانا بي ورا ــــــــــــــــــــــــــــــــــــ
مســـــطول مشي الحـــج قالو ليه قوم طـــوف واسعي ؟ قاليهــــــم إنتو مش قلتو كل شئ علي البعثــــــــــه ــــــــــــــــــــــــــــــــــــ
- واحـد عندو أرنب عاوز يبيعــــو جاهو واحـد مسطـــــــــول قال ليه القرد ده بي كم ؟ رد الراجـل : دا ارنب ما قــــــرد المسطول قال ليه يا ابو الشباب انا سألت الارنب ما سألتك انت .. ــــــــــــــــــــــــــــــــــــ
- مسطول سألوهو ما هو اصعب موقف واجهته في حيـاتك ؟ قال : موقف الــــحاج يوسف.
ونتابع ، النكــــــــات .... محمد مختار ..
| |
|
|
|
|
|
|
Re: ساعة صفـــــاء .......... نكـــــــــات .... (Re: salma subhi)
|
Quote: يا أخونا بشوية علي المصاطيل...
والله من غيرهم ما تضحكو |
محمد ياسين ... لذلك نقول المساطيل فى نعيم !!!! ـــــــــــــــ ولكن هل المساطيل هم أناس خفيفى الروح والفكاهة ..؟؟ أم خفتهم وروحهم المرحه دى من جراء تأثير ( الهباب البتعاطوه ) ؟؟؟
شكرا على المرور
| |
|
|
|
|
|
|
Re: ساعة صفـــــاء .......... نكـــــــــات .... (Re: محمد مختار جعفر)
|
جعلي ركب الطيارة حلف على بناته بالطلاق يساعدن المضيفات....
***جعلى الدكتور جاء طالع من غرفة الولاده قال ليهو أبشر بالخير مرتك جابت تومتين الجعلى قال للدكتور على الطلاق تشيل واحده
***
***واحد عندو حب استطلاع قالو ليهو لو بطلتا حب الاستطلاع نديك نص مليون ..قال ليهم والنص التاني حتدوهو لمنو
***مسطول اشترى خروف ضعيف شديد ..ابوهو قال ليهو دشنو الخروف الضعيف ده قال ليهو ماتشوف الجسم شوف العيون كيف؟ .................... ***بخيل دخل مع ابنه سوبر ماركت الولد قال لأبوه : بأحب الشوكولاته أبوه قاله : حبها ورجعها مكانها
***
***ندل أبوه طرده من البيت كتب على البيت مقر تنظيم القاعدة
***
........................... ***سكير لاقي ست العرقي في الحج حلفها قدام الكعبة تاني ما تزيدو موية .
***مسطول متفلسف سألوة إنتربول يعني شنو؟ قال ليهم يعيني كفر جواني
***مسطول جا جنب يافطة طلمبة أجب طلع بالسلم وكتب بعدها بلا أو نعم
***مسطول بيضرب بوهية قالو ليهو خت جريدة تحتك قال: لا لا كدة محصل
***أنصار سنه مشو رحلة الأولاد مشو الجريف شرق والجكس مشو الجريف غرب
***مسطول سألوهو ماهو الحب؟ قال ليهم : أكوله في القلب ما بتقدر تحكها
***سواق حافله مسطول الكمساري قال ليه: اللستك نزل, قال ليهو: ما تشيل منو
***مسطول دقنو كبيره دخل الجامع لأول مرة واحد يسأله يا شيخنا فاتتني ركعتين أعمل شنو؟ قاليهو في زول شافك؟ قاليهو لا, قال ليهو: أعمل نايم .
**مسطول دخل عنبر في المستشفي لقى واحد مركبين ليه درب و التاني عنده شلل رعاش قال ليهم ده مستشفي شنو دي واحد خاتينو في الشاحن و التاني على الهزاز
**مسطول قامت ليه حبة فوق حاجبه .. وقف قدام المراية وعاين ليها وقال : هسة دي يقولوا عليها عين ولة غين !!؟؟
**مسطول مرتو ماتت قالوا ليه :نديك اختها قال:دي نسابة ولا شركة تأمين
واحد مسطول محكوم عليهو بالاعدام كل ما يجي يشنقوه ، الحبل ينقطع ....عاين للسجان وقال ليهو وهو متغاظ .. احنا جايين ننشنق ولا جايين نلعب!!
**مسطول عجبتو بت في الحافلة لما نزل شال رقم الحافله
حنكوشه بتحب زميلها في الجامعه من اهل العوض في عيد الحب اهدتو ببغاء تاني يوم سالتو : بالله رايك شنو في الببغاء ؟ قال ليها : طعمو جداد جداد.
| |
|
|
|
|
|
|
Re: ساعة صفـــــاء .......... نكـــــــــات .... (Re: محمد مختار جعفر)
|
ـ مسطول جنو مظاهرات مشا الحج لقا الناس برمو في الجمرات حرق لستك
- مسطول بصلى العصر واحد اتصل عليهو فى جوالو قال ليهو انت وين ؟ المسطول قال ليهو أنا فى التشهد
- مسطول إتصل بشاغل واحدة في تلفون بيتم قالت ليهو انت مسطول ولا شنو طوالى قفل الخط قال بالله شوف بت الكلب دي طلع عندهم كاشف
ونتابع ... لازال الليل طفلا ... ولكم تحيتى.. محمد مختار
| |
|
|
|
|
|
|
Re: ساعة صفـــــاء .......... نكـــــــــات .... (Re: محمد مختار جعفر)
|
مسطول صلي بالناس جماعه في الجمعه
بعد الصلاه قابل صحبو قال ليهم عليك الله الخطبه كيف ؟
صحبو قال ليهو الخطبه كويسه بس عندك غلطات ..
1/ ياخي المنبر ده عندو سلم التليب لزومو شنو 2/شنو موضوع السجاره بين الخطبيتين 3/متين في صحابي اسمو فتحي 4/ ابوجهل آي كافر وأي حاجه لكن كلمة ابن الكلب دي ماكان في داعي ليها 5/ وبعدين منو القال ليك انو الترابي شارك في غزوة احد ..وانو الخندق اتحفر بي تركتر..
ونتواصل
| |
|
|
|
|
|
|
Re: ساعة صفـــــاء .......... نكـــــــــات .... (Re: محمد مختار جعفر)
|
واحد بخيل جاب ثلال تفاحات، فتح اول واحده لاقاها معفنه رماها، فتح تانى واحده لاقاها معفنه رماها.. قام طفى الضو واكل الثالثة...
في بنت عمرها 21 سنه، بلشت تظهر عليها مظاهر الحمل , وعرفت أمها... الأم اتدايقت, وراحت للصيدليه واشترت جهاز اختبار للحمل, وبعد الفحص بالجهاز طلعت البنت حامل! جنت الأم، وبهدلت بنتا و قالتلا مين هو اللي عمل فيكي هيك؟ بدي اعرف بسرعه! قامت البنت اتصلت بواحد وبعد نص ساعه: وقفت على باب البيت سـيارة فيراري آخر موديل ونزل منها واحد حليوة لبسو مرتب و شكلو ولد نعمه'...الشب قعد بصالون البيت وحاط رجل على رجل، وقال: يا جماعة الخير... بنتكم قالتلي عالمشكله، بس بالحقيقة انا ما بقدر اتزوجها لظروفي العائلية الخاصة، بس انا ممكن عوضها... اذا جابت بنت، بكتب بإسم البنت مركز تجاري وفيلا على البحر ومبلغ مليون دولار واذا جابت ولد بكتب باسم الولد مصنعين ومليونين دولار .. اما اذا جابت توم بكتب بإسم كل واحد منهم مصنع ومليون دولار انفلجوا الأهل ........ وكمل كلامه وقال:بس اذا ما جابت شي ؟ (طلع الحمل كاذب) شو بدكون التعويض يكون ؟ اطلع الاب فيه وابتسم وقلو : بتحاول مرة تانية يا ابني
| |
|
|
|
|
|
|
Re: ساعة صفـــــاء .......... نكـــــــــات .... (Re: خالد الجبل)
|
محمد مختار جعفر
ياخي انا مت عديل من الضحك
الله يخليك لينا ويخلي لينا البسمة دي ي زمن بقت فيهو الابتسامة زي سعر كيلو الجداد ايام عيد الاضحى الماضي في الخرطوم
واحدة لايف على الهواء : كنا اربعة زوج وزوجته وابنة عمتها في مطار جدة في زحمة سفر في رمضان الزوجة سألت قريبتها وكانت معها شنطة واحدة وراجعة الخرطوم بعد أداء العمرة والمرأتين من الرباطاب
كان السؤال : إنتي شنطتك دي جر ردت الثانية بي سرعة في لمح البصر : لا... هو
الأولى تقصد (جر) يعني الشنطة عندها يد يجروها بيها وتتجاوز زحمة الناس
الثانية أجابت بالبديهة انه (جر) دي تقال للكلب وبالتالي عكسها صوت الكلب (هو)
يعني انا اتدردقت في المطار خاصة انها كانت لايف بث مباشر
| |
|
|
|
|
|
|
Re: ساعة صفـــــاء .......... نكـــــــــات .... (Re: محمد مختار جعفر)
|
* مسطول مشوكش سالوه عن اجمل بيت شعر؟؟ قال:كلما نربي كتكوت........يكبر ويفوت
* مسطول اخد حبوبتو ومشى بها مدرسة البنات قال ليهم ادوني لها فكة !!
* مسطول خش عنبر مرضى السكرى قال ليهم ازيكم ياحلوين
* واحد مسطول مشى لي بت الإتصالات قال ليها عندك مفتاح امريكا قالت ليهو آآي قال ليها طيب اعملو لي منو نسخة
* مسطول دخل بيت بكاء داير يشيل معاهم الفاتحه لقاهم مسيحيين قرا ليهم ( قل يا أيها الكافرون ). ( مع الإعتذار للأخوة المسيحيين ...)
* مسطول في المدرسة سمع الاستاذ بقول المثابرة تولّد النجاح قال لى زميلوا : مــــــــتين هى المثارة بقت داية ..!!!!
ونواصــــــــــل ... لازال الليل طفلا كما يقولون ناس الحفلات لمن يكون الفنان عاجبهم وعندهم ضهر من ناس الأمن الشامل ( وعاصرين ليهم ! ..)
| |
|
|
|
|
|
|
Re: ساعة صفـــــاء .......... نكـــــــــات .... (Re: عبد اللطيف السيدح)
|
Quote: بوست خفيف وجميل
ولا بد منه في زحمة البوستات المولعة دي |
أخى الكريم / البشير دفع الله .. لأنك رجل ظريف ، والظريف هو الذى يعيش اللحظات الحلوة فهموم العمل ومشاغله الجمة وما نلاقيه من عنت الحياة يجعلنا ، أن نروح على النفس قليلا لنحس بطعم الحياة فى جانبها المرح .. شكرا لك أخى البشير ..
محمد مختار جعفر
| |
|
|
|
|
|
|
Re: ساعة صفـــــاء .......... نكـــــــــات .... (Re: محمد مختار جعفر)
|
Quote: واحدة لايف:
زميلنا صحفي جديد في بلد خليجي، مدير التحرير بتاعهم جهو خبر وفاة والدو، زميلنا اتأثر شديد ودخل لمدير التحرير ومكتبو مليان بكل الجنسيات ، وقال بصوت عالي: الفاتحة ياخي. |
الأخ / كمال إدريس .. تحية وسلام .. .. رفع اليدين فى قراءة الفاتحة دى فى الخليج ما بعملوبيها ، كما تعلم ... لذلك أذكر فى وفاة الشيخ راشد حاكم دبى طيب الله ثراه كان يقف الأخ كمال حمزه مع الشيوخ ويهمس للسودانيين المتراصين للعزاء آنذاك ويقول لهم ( باليد .. باليد ) حتى لا ينسى أحدهم ويرفع يديه ويقول كما ذكرت ... لك الشكر فى المشاركة ... محمد مختار جعفر
| |
|
|
|
|
|
|
ساعة صفـــــاء .......... نكـــــــــات .... (Re: محمد مختار جعفر)
|
ادروب طالب الشايقي قروش نكرا ادروب مشى يشتكي لقا ليك العسكري شايقي مشلخ ساقوهو المحكمة لقى القاضي شلوخو تلخم ادروب عرف حقو راح القاضي سالو اسمك منو؟ ادروب محمد طاهر جنسك شنو؟؟ ادروب اتلفت وقال ليهو شايقي القاضي : آ زول استهدي بالله ادروب: والله شايقي القاضي : طيب شغال شنو؟؟ ادروب عاين كدا وبمغصة قال نحن الشايقية غير حق الناس عندنا شنو.. اكتب حرامي
| |
|
|
|
|
|
|
Re: ساعة صفـــــاء .......... نكـــــــــات .... (Re: محمد مختار جعفر)
|
** واحد مسطول ضرب تلفون لموظفة استعلامات جديدة في سودانير سألها كم المسافة بين السودان والسعودية عاوزة تسأل زميلتها قالت ليهو دقيقة. قال ليها شكراً وقفل السماعة.
** قرد شاف نفسه في المرايا قال: الله لا يبلانا..
** بت بلدياتنا خطيبها رسل ليها خطاب عاطفي وبين كل فقرة والثانية كتب ليها آه.. آه.. ردت ليهو: كلامك حلو لكن واحد وخمسين دي ماعرفتها؟ مصاريف ولا شنو؟ ** بلدياتنا شين راكب حمار شاف بت رباطابية حلوة شديد قال ليها: أول مرة اشوف رباطابية حلوة كده.. قالت ليهو: اول مرة اشوف حمار طابقين.. ** رباطابي دخل المستشفى سألوه: زيارة؟ رد: لا عمره.
ونواصــــل لدينا الكثير من النكات بس خليكم شبعانين والشاى سكره خفيف ..
وتحياتى ... محمد مختار جعفر
| |
|
|
|
|
|
|
Re: ساعة صفـــــاء .......... نكـــــــــات .... (Re: محمد مختار جعفر)
|
الاخ محمد والله كلك ذوق يا جميل متشكرة على الكلام الحلو حقيقي بوستك دا خفف على الواحد شوية
وعشان الكلمتين الحلوين القلتهم ديل
Quote: مياده كمال الدين .. سلام وتحية للحلوين ..
ولأنك عسل ، فلازم يفرحك ويضحكك كل ما هو جميل .. مياده ..ليس فى هذه الدنيا غير الضحكة والإحترام والكلمة الحلوة شكرا لك كثيرا على هذا الشعور ، وربنا يضحكك دائما .. |
هاكم النكتة دي
** مسطول سطل سطلة شديد سمع المعلق بيقول فاول لصالح رونالدوا قال : أول مرة أعرف أنو رونالدوا عندو ولد أسمه صالح
مودتي شكرا ليك مرة ثانية
| |
|
|
|
|
|
|
Re: ساعة صفـــــاء .......... نكـــــــــات .... (Re: خالد الجبل)
|
Quote: واحد مرتو شينة جدا جيرانهم عزابة , قالت ليهو لازم تعلى الحيطة دى من العزابة , قال ليها شافوووك قالت ليهو لالا قال ليها خلاص لما يشوفوك براهم بيعلوهااااااااااااااااااااااااااا |
الأخ / خالد الجبل .. لك تحيتى وسلامى لكن الأخيره دى بالغت فيها عديل .. تشكر ياسيدى ... محمد مختار جعفر
| |
|
|
|
|
|
|
Re: ساعة صفـــــاء .......... نكـــــــــات .... (Re: خالد حاكم)
|
الأخ/ خالد محمد آدم حاكم ..
تحيه مربعه وسلام كبير .. حلوه .. وذكرتنا الأيام الخوالى بأم درمان الحبيبه .. تصور ياخالد ، فى زمنا كان الواجد لمن يتأخر فى إرجاع العجلة وأظنها كانت ساعه واللا نصف ساعه لا أذكر !! كان العجلاتى يحبسه فى الدكان معاهو .. لكن كنا حريفين نقرب من الدكان بالعجله ونتلب منها ونطلق ساقينا للريح ، بس كنا جرايين أكثر منو ، لأنو لو لحقك بلحقك ( أمات طه ) تحيتى وتشكر على المشاركة ... محمد مختار جعفر
| |
|
|
|
|
|
|
Re: ساعة صفـــــاء .......... نكـــــــــات .... (Re: محمد مختار جعفر)
|
تلاته مساطيل راكبين في طيارة هلوكوبتر بسطلوا والطيارة في الجو قاموا قالوا لي واحد منهم يمشي يجيب ليهم سجارة حمرا من الدكان زولنا قام وعلي حسب السطلة الفيه مرق بي واحد من بيبان الطيارة لحسن حظو لاقتو ليك مروحة الطيارة وخمشتو من لياقة القميص صاحبنا بقى معلق والمروحة لافاهو الجماعة بي جوة انتبهو للموقف وزولنا لافي مع المروحة وهم برضو علي حسب سطلتهم شبكو ليك آآآآآآي أقعد لف لينا كدة لمن تلقى الدكاكين قفلت
| |
|
|
|
|
|
|
Re: ساعة صفـــــاء .......... نكـــــــــات .... (Re: محمد مختار جعفر)
|
الاستاذ محمد مختار امتعتنا امتع الله ايامك هاك الحبة دي
فيه واحد مسطول رجع البيت متأخر فتحت أخته الباب ضربها كف وقال ليها جايه من وين يا صعلوقه
واحد سال مسطول قال ليه هل البنك فاتح قال ليه المسطول لا غامق
في بنت صغيرة ازعجت صاحب دكان في الحي .. كل يوم تجيه وتقول ليه..عندك عنب ؟..يقول لا..و بكره نفس الطريقه لمن زهج منها آخر شي قال ليها لو.. جيتي مره ثانيه بربطك بحبل..جاته من جديد.. وقالت ليه.. فيه حبل قال لا ،قالت طيب فيه عنب
| |
|
|
|
|
|
|
Re: ساعة صفـــــاء .......... نكـــــــــات .... (Re: محمد مختار جعفر)
|
الناس الرايقين .. حيناكم راجعين
نخلي المساطيل شوية ونرجع ليهم تاني
الجماعة بيفطروا مع بعض في رمضان واحد دائما صينيتو مصلحة لحمة وكبد وكدة واحد كل يوم بس يجيب صحن فول ومرات مسيخ ملح ما فيهو صاحبنا بتاع الفول يوم علي التعتروا وقبل الاذان بشوية شال قطعة لحمة ورماها للكلب اها بتاع الصينية المصلحة قام ليك فيهو دا شنو يا اخينا كيف ترمي اللحمة للغزال ؟؟ قال ليهو يا اخي حرام عليك دا كلب موش غزال قال ليهو جابت ليها غلاط خلاص تاني كل زول يفطر في بيتو
| |
|
|
|
|
|
|
Re: ساعة صفـــــاء .......... نكـــــــــات .... (Re: محمد مختار جعفر)
|
يا خي أنتم حلوين ولذيذين جدا لقد اضحكتمونا حتى الثمالة والله لي فترة طويلة جداً لم أضحك بهذا العمق تصوروا لحدى ما جرت دموعي عموماً بوست جميل وخفيف وظريف وعندي واحدة عاجباني
هاكم أهلنا الشوايقة طبعاًعندهم اعتقاد كبير جداً في آل الميرغني فحاجة كبيرة كدة ما بتحلف إلا بيهم وحاة سيدي محمد عثمان ووحاة سيدى أحمد ، أها يوم رأسا ضرب لأنه سيدها محمد عثمان طبعاً مقيم خارج السودان وسيدها أحمد كان في زيارة لمصر لنسابته (طبعاً متزوج مصرية) قامت قالت لي أخوها يا هاشم يا أخوي سيدي محمد وسيدي أحمد مسافرين .. أحلف بي منو قال ليها أحلفي بي الله لمن واحد منهم يرجع ... مع تحياتي
| |
|
|
|
|
|
|
ساعة نكاء ... صفات (Re: محمد مختار جعفر)
|
بوست حلو ولذيذ ورايق ... هاكم دى:
أستاذ بسمع لتلاميذ سنة أولى جداول الضرب:
قوم إنت حداشر فى 2، يقول ليهو اتنين وعشرين .. أيوة شاطر ..
قوم إنت هناك .. حداشر فى 5 ، خمسة وخمسين .. تمام
وإنت النايم دا .. حداشر فى 8، التلميذ يقول بى تمانية وتمانين .. يا سلام شطار سأل ليهو تلميذ صغير وقال ليهو قوم إنت حداشر فى 1 التلميذ قال ليهو بى واحد و واحدين
| |
|
|
|
|
|
|
Re: ساعة صفـــــاء .......... نكـــــــــات .... (Re: محمد مختار جعفر)
|
يا محمد مختار لو قطعت أعمل درب لحدي ما تصل الطلمبة
واحدة قديمة لنج:
رجل قاعد في أمان الله يقرا الجريدة بعد شويه زوجته ضربتو بالطوه التيفال على راسه الزوج: مالك يا بنت الحلال؟ الزوجه: شنو الورقه دى الفى جيبك المكتوب عليها هنادي؟؟؟ الزوج: يا بنت الحلال، ده الحصان اللي رشحته الاسبوع اللي فات في سبق الخيل الزوجه صدقته وراحت لحالها مر اسبوع اخونا قاعد يقرا الجريده وتيجي مرته وتديهو بالطوه التيفال على راسه الزوج: يا ولية مالك جنيتى في شنو؟؟ الزوجه: حصانك على التليفون
| |
|
|
|
|
|
|
Re: ساعة صفـــــاء .......... نكـــــــــات .... (Re: محمد مختار جعفر)
|
نفس الشخص .. بعد أن عمل سنتين متواصله دون أى إجازه وكان يصرف بالنقاط ... ، وكل راتبه يذهب الى البنك ، بعدها قرر يذهب لأولاده وحضر نفسه للسفر ... وقف أمام الصراف بالبنك وبدأ الصراف يحسب ويمدليهو فى الربط ربطـة... ربطـة ، وصاحبنا يدخل فى كيسو وعينو على الصراف ، ويقول : بالغتى يا أبو ظـبى ..!! تبالغى يا أبو ظبى !!؟؟؟ .. وفى كل مره يديهو ربطـة ، يقول: لكن ما بالغتى يا أبوظبى !!؟؟.. تبالغى يا أبوظبى !!؟؟ هـي لكن ماااااا بالغتى يا أبو ظبى !!!؟؟ لمن فكت معاهو وتحول من المطار للمصحه العقليه بقروشو !!!!
ولسه مازال الليل بسنن بتشديد النون الأولى .. وفتكم بعافيه ..أرقدو عافيه كو .. محمد مختار جعفر
| |
|
|
|
|
|
|
Re: ساعة صفـــــاء .......... نكـــــــــات .... (Re: محمد مختار جعفر)
|
اهل يالحبان هاكم الحبة دي
احول عايز يهرب من المدرسه لقى نفسه في مكتب المدير
قالوا في مسطول ماشي مع حبيبته..البت شافت أبوها قالت..ليه ..ابوي .. أبوي.. قال ليها المسطول قولي ليه.. أني أخوك
فى صعيدي اشترى فديو . قالتله زوجته منوين جبت الفلوس ؟ قال ليها ..بعت التلفيزيون
| |
|
|
|
|
|
|
|