|
Re: صديق الموج لا يرحب باعضاء المنبر من الرجال ... الفيك اتعرفت بعد الماسنجر (Re: مصطفي سري)
|
الابن مصطفى مسكاقمي صديق الموج هذا الشاب الظريف لسع صغير يادوب قاعد يبلغ الحلم عندو بدلة يا الله يا الله بيشبه ظهرة الغسيل شعرو أسود وسبيبي ... في بت قالت ليه يا صديق ما تحلق لي شعرك دا اعملو باروكة حلاتو الولد دا شرط ... يتحب من اول نظرة تقول مولود في المناقل آخر اغنية لبنات الرياض ودالموج تعال تعال نتلم مادام الريد اختلط بالانترنت ماسنجر وSMS وبالتوك اموووووووووووت أنا في الحصاحيصا
صديق الموج اخوي كدي اديني سفه صعوط
| |
|
|
|
|
|
|
Re: صديق الموج لا يرحب باعضاء المنبر من الرجال ... الفيك اتعرفت بعد الماسنجر (Re: حمزاوي)
|
أخي العزيز وإبن منطقتي مصطفى سري ،،،
صباحك بنكهة التوت وطعم الفراولة ، ، ،
يا أخوي مالك شائل حس الراجل ده ( صديق ) الموج ده لسه شباب ، بس الخال حمزاوي والجماعة ديل شاهرين سيوفهم فيهو ساااااكت ، الراجل بتحب فعلاً من أول نظرة ودمه خفيف والجكس هو المكسر فيهو ، ما هو البكسر الثلج ، الثلج بجيهو جااااهز مكسر . ، وبعدين الراجل يقشرهم وين ، يعني هو ناقص ما ياهم ديل الشايلين حسه ديل أها كمان يزيد الطينة بله .
مودتي لك وللخال حمزاوي وللشاب ود الموج .
عماد
| |
|
|
|
|
|
|
Re: صديق الموج لا يرحب باعضاء المنبر من الرجال ... الفيك اتعرفت بعد الماسنجر (Re: صديق الموج)
|
استاذي الكريم حمزاوي ، سلامات ود حلتنا عماد محمود ، مراحيب الواد الشقي صديق الموج ... ازيك اها شيرين اللي هاتفتك دي ما داخلة التعداد من الصباح تضرب تلفون ... الضريبة والله يا استاذ حمزاوي قدر محاولتكم في المملكة العربية السعودية في اثناء عمك صديق من الشلاقة والخفافة لكنه ما داير يقعد ، عندو قريبو هنا في لندن قال لي بنهاية السنة الاسرة الكبيرة ستجتمع وتصدر بيانها التاريخي ولن يكون في صالحه ... ونسال ... غايتو انا البوست دة دايرو يكون فوق ...
| |
|
|
|
|
|
|
Re: صديق الموج لا يرحب باعضاء المنبر من الرجال ... الفيك اتعرفت بعد الماسنجر (Re: خالد عويس)
|
الاعزاء هاشم احمد خلف الله دينق حيدر حسن ميرغني خالد عويس والموجي شكرا على المرور تعرف يا دينق حجاب الموجي الا يتعمل بي لحام حديد لانو بتتفكا سريع لكن نحييه على المثابرة ... فقط سؤال البوست لماذا لا يرحب الموجي بالاعضاء الجدد من الرجال ويتحاشى البوستات ولكنه يجي جاري جري للبوستات من الشابات ...مين العندو اجابة على هذا السؤال يرفدها هنا.
خالد عويس والله برضو مشتاقين ، انت ما تتصل علينا وانت في بلد البترودولار والايميل ما تقطعوا ... غايتو في لمة قريبة ... خليك قريب .
| |
|
|
|
|
|
|
Re: صديق الموج لا يرحب باعضاء المنبر من الرجال ... الفيك اتعرفت بعد الماسنجر (Re: مصطفي سري)
|
مصطفى حبيبتى ازيك بصراحة يا مصطفى انا من صغير بخجل من الرجال يعنى لو فى مكان فيه مليون مرة ممكن اقعد وانا مرتاح ،لكن عشرة رجال اتجهجه.. بعدين الواحد شنبو زى الارتشى،يقول ليك انا بقيت عضو ياخى عضاك كلب ما تبقى عضو والا نائب رئيس ،لكن تعال شوف البنيات الواحده تجى شايله ليك وردة.... دقيقه يا هيفاء ارد على الثقلاء ديل واجيك ماقلنا دقيقه وا لا اقول ليك:جيتك ان شاء الله دينق ومصطفى سرى يطيرو.. راجع يا اوغاد،،،
| |
|
|
|
|
|
|
Re: صديق الموج لا يرحب باعضاء المنبر من الرجال ... الفيك اتعرفت بعد الماسنجر (Re: مصطفي سري)
|
Quote: مصطفي سري ودينق لكن بالغتو مع ود الموج
الراجل دا انا اول ماجيت رحب بي ترحيب حار جدا جدا
اي نعم هو كبكابة لكن برضو مرات بيكون جدع شديد
وسير يا صديق الموج وانا من خلفك (ومالو الترحيب بالبنيات؟؟) |
بكرى الخير العامل صاحبى ازيك ياشين.. والله لكن انا غلطت غلط فى الدنيا دى.. وندمان وسافى التراب عشان رحبت بيك.. احى انا من شلاقتى!!!! انا ماقايلك بتجى تقيف لى فى حلقى.. عامل راسك الزى مكنة التلاجه ده.. رجع لى ترحيبى يرجعك بلا..
| |
|
|
|
|
|
|
Re: صديق الموج لا يرحب باعضاء المنبر من الرجال ... الفيك اتعرفت بعد الماسنجر (Re: صديق الموج)
|
يالموجي ، اولا شايفك خاطبتني بالمؤنث السالم ، وتاني داير تعمل فيها جديد عهد وقلت (بصراحة يا مصطفى انا من صغير بخجل من الرجال يعنى لو فى مكان فيه مليون مرة ممكن اقعد وانا مرتاح ،لكن عشرة رجال اتجهجه..)... عليك الله انت في يوم من الايام كنت صغير ، يا راجل راجع كلامك عشان نرعى عامل السن غايتو ما ظنيت انك في يوم ما كنت صغير ... وبعدين قولة انا بخجل من الرجال بتجيب ليها هواء تقييييييل ...
| |
|
|
|
|
|
|
Re: صديق الموج لا يرحب باعضاء المنبر من الرجال ... الفيك اتعرفت بعد الماسنجر (Re: صديق الموج)
|
الموجي ... انت بقيت تنسى ، تتذكر يوم جيتني في جريدة (السوداني ) في العام 2006 وقعدنا جبنا الشاي وبديت تحكي ذكرياتك في ام درمان وسان جيمس ونسيت لمن كنت بتحكي عن سينما برمبل - طبعا انا ما عارفها وين وكنت مفتكرها في لندن - وحكيت والدموع تزرفها عيونك (المعمشة ) وقلت انك بصدد كتابة مذكرات كما فعلها الان (سعد الدالي في المسلسل) وكأنك شاركت في المسلسل ... الا تتذكر انك طلبت ان نأتي وزميلتي بجهاز التسجيل لانك قلت الدنيا ما معروفة وانا راجع المملكة العربية السعودية ... والبقية تاتي...
| |
|
|
|
|
|
|
Re: صديق الموج لا يرحب باعضاء المنبر من الرجال ... الفيك اتعرفت بعد الماسنجر (Re: مصطفي سري)
|
Quote: عشان كده!!!! انا اقول الزول شابكنى الأخت ... الرفيقة... وبتاع ليه؟ اتاريك......!!!!
ده كلام ده؟!
مصطفى ودينق ما اوصيكم عليو ... نجمو بالله. _________________________________ رايك شنو فى صورة البروفايل الجديد يا موج؟! |
شول اشوانق يارفيقه ..ليك الاشوانق زاتو يا منقة جنوب ..وانا احبو بنات باريا.. يارفيقه خليك فى صفى ضد المغرضين والخونه دينق ومصطفى سرى.. وكما تقول ادبيات الحركه انشروا السلام بينكم.. كل الود،،،
| |
|
|
|
|
|
|
Re: صديق الموج لا يرحب باعضاء المنبر من الرجال ... الفيك اتعرفت بعد الماسنجر (Re: مصطفي سري)
|
Quote: العزيز سرى كيفنك وكلمة حق اود قولها فى حق استاذى صديق الموج ورغم قصر دخولى الى هذا المنبر العامر بوجود صديق الموج وكل الاعضاء الاكارم الا اننى اقول بان الاستاذ صديق يرحب بالعضوات والاعضاء على حد سواء واذا اهتم شوية بالعضوات فهذه محمدة انا شخصيا اشكره عليها وتسلم يا ابو ربيكا |
مصطفى سرى الدم اليدمك انت ودينق سلوى اديلوا بالله.. اسمعى شمار ناس خالده بديك ليه بالماسنجر،،،
| |
|
|
|
|
|
|
Re: صديق الموج لا يرحب باعضاء المنبر من الرجال ... الفيك اتعرفت بعد الماسنجر (Re: مصطفي سري)
|
العزيز شول ، تشكر يا سيدي على المرور اللذيذ
قلت لي (مصطفى ودينق ما اوصيكم عليو ... نجمو بالله. _________________________________ رايك شنو فى صورة البروفايل الجديد يا موج؟! )
نحن نجمناه وانتهينا من امرو وشابفو حشد الكتيرات من الطابور الخامس بتاعو ناس نادية عثمان ورجاء العباسي والجديدة لنج سلوى غالب ... والله غالب ...
اسع صورة الربوفايل بتاعتك دي يكون حاسدك فيها حسادة وبعد شوية بتسلبط يقول بتاعتو
| |
|
|
|
|
|
|
Re: صديق الموج لا يرحب باعضاء المنبر من الرجال ... الفيك اتعرفت بعد الماسنجر (Re: مصطفي سري)
|
Quote: العزيز شول ، تشكر يا سيدي على المرور اللذيذ
قلت لي (مصطفى ودينق ما اوصيكم عليو ... نجمو بالله. _________________________________ رايك شنو فى صورة البروفايل الجديد يا موج؟! )
نحن نجمناه وانتهينا من امرو وشابفو حشد الكتيرات من الطابور الخامس بتاعو ناس نادية عثمان ورجاء العباسي والجديدة لنج سلوى غالب ... والله غالب ...
اسع صورة الربوفايل بتاعتك دي يكون حاسدك فيها حسادة وبعد شوية بتسلبط يقول بتاعتو |
مصطفى سرى شول ده ولد حركتى،انت بطل الحركات المسلحه بتاعتك دى شول ما يحرشك ياكوماندو الجلابى ابو شنب ده،،،
| |
|
|
|
|
|
|
Re: صديق الموج لا يرحب باعضاء المنبر من الرجال ... الفيك اتعرفت بعد الماسنجر (Re: jini)
|
عزيزنا جني ... سلامات يا راجل كنا نتشاكس واعتذرنا باحترام والان نجتمع من جديد ... وتشكر على المرور لم افهم التداخل الثاني وآتي بها مرة اخرى
حق الكبار كعب! ما بمرق من الجسم زى الرطوبة فى العضم! دى فرفرة مذبوح! او قل: العاصفة التى تسبق الهدوء! جنى
أنا اب زرد! دى ترحيبات مودع! على طريقة صلوا صلاة مودع! جنى
لكن القلتو صاح حق الكبار الكلو بوبار في بيت الايجار خليك معانا عشان الموجي بعد الشعر الدخل فيها دي يطلع لينا ملحن زي شخصيات تعرفها انت !
| |
|
|
|
|
|
|
Re: صديق الموج لا يرحب باعضاء المنبر من الرجال ... الفيك اتعرفت بعد الماسنجر (Re: مصطفي سري)
|
Quote: لم افهم التداخل الثاني وآتي بها مرة اخرى |
يا سرى المقصود ود الموج الذى عمل فيه حريفا وليس معنى بكبكبة الكبار وهى مرحلة التقاعد وهى كبكبة مودع وفرفرة مذيوح وعاصفة قبل الهدوء حين يهبط ترمومتر رختر التسترونى الى الزيرو! يا سرى انا فى ذهنى واحد اسمه سرى لعب فى فريق الدينمو فى امتداد التالتة يعنى مربع 13 و14 يا هو ولا واحدن تانى! باقى انا ناس 13 و 14 ديل بعرهم كلهم طبعا الناس القدرنا اصحابى وعشرة عمر ومعزة وانت ما بتقل منهم ليك معزة والوطن هم واحد فى الغاية وان اختلفت السبل! تحياتى للامتداداب اصدقاء الصبا الباكر! جنى
| |
|
|
|
|
|
|
Re: صديق الموج لا يرحب باعضاء المنبر من الرجال ... الفيك اتعرفت بعد الماسنجر (Re: صديق الموج)
|
شكرا استاذ جني على المساهمة
(انا فى ذهنى واحد اسمه سرى لعب فى فريق الدينمو فى امتداد التالتة يعنى مربع 13 و14 يا هو ولا واحدن تانى!) انا سكنت في مربعي 13 و 14 وغادرنا الامتداد الى الصحافة في منتصف التسعينات ، اعرف سكان الامتداد من هم في دورنا او اكبر شوية - طبعا اعفيني دورنا ياتوا - لم العب في فريق الدينمو لاني مارست كرة القدم في الدافوري ولقيت متسوى الرورابط اقل ثم مستوى كرة القدم في السودان عامة افضل منها لعب السيجة ... نعم هناك اسم سري اخر واظنه في اخر مربع 13 ، وحصلت لينا حاجة لا تعرف تضحك او تبكي ذات يوم اذاعت ام درمان في نشرة الثالثة بعد الظهيرة نباء وفاة سري سليمان - وهو نفس اسم الوالد ربنا يديهو الصحة والعافية والعمر المديد - وانا واخوي الاصغر بهاء كنا نتفرج في مباراة في رابطة الامتداد ، وما بين الشوطين تردد احد الاصدقاء من التقرب مننا وتشاور ان كنا نعرف - خاصة ان المباريات ايامها كانت في الرابعة والنصف تقريباً يعني نكون دفنا وجينا- المهم بعد نهاية الكورة سالنااحدهم سؤال احترنا في الاجابة لكن ارتبنا من السؤال وقال لي انتو جيتو من البيت الساعة كم قلنا كذا طيب ما كان في حاجة في نفينا ، قال طيب اسم سري دة في الامتداد تاني في زول قلنا لا نعرف ، بهاء سال الراجل في شنو سيحت ركبنا .. رد قائلا لا ما في حاجة ... وللا اقول ليكم ارحكم البيت .. وارفها بقوله موت موت حياة .. وصلنا البيت وجدنا اقارب لنا ايضا سمعوا خطأ لكن لم يكن هناك صيوان ولا زحمة ... ووجدنا الوالد يضحك ويقول اعرفنا اللي بيجينا واللا ما بجينا ... معليش لطول القصة ... وتشكر تاني
| |
|
|
|
|
|
|
Re: صديق الموج لا يرحب باعضاء المنبر من الرجال ... الفيك اتعرفت بعد الماسنجر (Re: مصطفي سري)
|
Quote: بكرى الخير العامل صاحبى ازيك ياشين.. والله لكن انا غلطت غلط فى الدنيا دى.. وندمان وسافى التراب عشان رحبت بيك.. احى انا من شلاقتى!!!! انا ماقايلك بتجى تقيف لى فى حلقى.. عامل راسك الزى مكنة التلاجه ده.. رجع لى ترحيبى يرجعك بلا.. |
طيب ياود الموج بما إنك إتوسط لي عند بكري أبو بكر لغاية ما أدوني الباسوورد جاي عشان أقيف معاك وأرد لك الجميل يا جميل إنت .. ( أوعك تقول كمان دي الغلطة التانية .. !!! )
| |
|
|
|
|
|
|
Re: صديق الموج لا يرحب باعضاء المنبر من الرجال ... الفيك اتعرفت بعد الماسنجر (Re: مصطفي سري)
|
Quote: شول اشوانق يارفيقه ..ليك الاشوانق زاتو يا منقة جنوب ..وانا احبو بنات باريا.. يارفيقه خليك فى صفى ضد المغرضين والخونه دينق ومصطفى سرى.. وكما تقول ادبيات الحركه انشروا السلام بينكم.. كل الود،،، |
يا موج!!! خفف البنزين شوية!
يا زول هوى رفيقة شنو ومنقة شنو وبنات شنو؟؟؟ يا زول إنت بى صحك؟ مافى ... مافى بت فى الجنوب إسمها شول البت بتكون إسمها أشول يعنى لا رفيقة لا منقة لا بت!!!!! وقع ليك وللا أعيده تانى؟
_________________________________________________________ شفتو السقوط فى الإمتحان سااااااااااااااااهل كيف؟ لحقتا صحبك محسن تاااااااااااهااااا
| |
|
|
|
|
|
|
Re: صديق الموج لا يرحب باعضاء المنبر من الرجال ... الفيك اتعرفت بعد الماسنجر (Re: مصطفي سري)
|
Quote: مصطفى يا سري..
دي حسادة منك ساااكت.
صديق الموج ده بيرحب بكل الوافدين.. إلا بيزيد شويتين مع الجكس النقاوة ..
وريني منو الما بيعمل كده؟ جاتنا نيلة في حظنا الهباب
سلام ليكم جميعا |
شكرا يارجاء على ابانة حسادة هذا الحاسد الراصد.. لكن بينى بينك كلامو صاح الثقيل.. انت عارفه برحب بالرجال لكن مكره اخاك لابطل.. يعنى بكون مرحب وزهجان كده.. انابريد ارحب بالناس البشبهوك يارجوية.. ما شفتينى رحبت بيك.. صراحة بريد ارحب بالجكس.. وبقول ياريت لو ان كان فمى فى قلمى،،،
| |
|
|
|
|
|
|
Re: صديق الموج لا يرحب باعضاء المنبر من الرجال ... الفيك اتعرفت بعد الماسنجر (Re: مصطفي سري)
|
مصطفى سري ومن معه مسكاقمي
مستثنياً العم صديق ... وهو من لأجله كُتب الخيط.... وتكاثر عليه الحساد والبُقّار أو أو البُبغّار... بسبب صديقي سري ( أبو ربيكا)
فيا سري يا صديقي ...
كلامك ليس صحيحا .... ورغم أن العم صديق له الحق إذا فعل ذلك - إستناداً على الوجاهة الظاهرة في محيّاه - فلقد رحب بي في خيط نذرته لأحد طلابي النجباء مامون التلب .....
أنا متأكد أني لو فتحت خيطاً للترحيب بي أوكما يفعل البعض - شكراً بكري ، عضو جديد- لحضر العم صديق وكان من أول المرحبين ....
المهم أنه رحب بأحد - الضكور - وهو أنا وإستناداً على ذلك كلامك ليس صحيحاً
أخوكم اسامة
| |
|
|
|
|
|
|
Re: صديق الموج لا يرحب باعضاء المنبر من الرجال ... الفيك اتعرفت بعد الماسنجر (Re: مصطفي سري)
|
Quote: يا عادل جبارة ... سلامات الزول اللي اتوسط ليك عند بكري ما صديق الموج ... دة لو كرادو يسرق باص ويرد الرجال ويقعد هو يتحكر مع الجميلات ويقفل سودانيز اون لاين عليهن وعليه .. عشان كدة فتحنا البوست دة ... وهو بيكتب لي في الماسنجر عشان اغلق البوست ... ورفضت ... وسمعت تحت تحت رسل لبكري لكن لو قفلوا دة انا بفتح بوست جديد للزول المكجنا وبقى جرندلي |
مصطفى سري .. إزيك ياخ مالك عايز تبوظ القصة .. أنا رميت ليهو طعم عشان يبلعوا وبعد داك أجيب ليك خبروا .. بس الحقيقة الخال صديق طلع حريف ولحدي الآن بيتزاوغ من الطعم بي هناك وشابكني ماسينجرات وكده .. أنا كنت دايروا بس يقول ( دي الغلطة التانية )
| |
|
|
|
|
|
|
Re: صديق الموج لا يرحب باعضاء المنبر من الرجال ... الفيك اتعرفت بعد الماسنجر (Re: عادل جبارة)
|
الصديق / اسامة الباز تحياتي قلت لي (كلامك ليس صحيحا .... ورغم أن العم صديق له الحق إذا فعل ذلك - إستناداً على الوجاهة الظاهرة في محيّاه - فلقد رحب بي في خيط نذرته لأحد طلابي النجباء مامون التلب .....) تعرف رحب بيك لانو اسمك بينتهي بحرف( تاء التانيث ). في بوست ترحيب بتاع الاخ احمد العمار لشقيقه ادم العمار ، دخل الموجي نوش عشان يرحب بس لقى ترحيب راجل قال يمسخها عليهم سال (الاكبر وللا الاصغر عشان نرحب كويس ) عشان قلت ليك الزول دة في قاموسو لا ترحيب بالرجال وتلقاه فرحان لو تم ايقاف احد الاعضاء الضكور ويقول اها نقصوا واحد
| |
|
|
|
|
|
|
|