|
Yassir Tayfour .. اكثرهم تهميشا
|
والله يا مهمش يا حليلك .. حسع لو كنت مهمش مالي هدومك .. كان اتفتحت ليك خمسطاشر بوست .. تلاتة بوستات من حرامي النت خالد الطيب .. أبو عرق وعشرين بوست من بشاشا .. وسبعطاشر بوست من استيف.. لكن دا قدرك
بالمناسبة: البوست دا .. عامل زي الطلقة البسخنو بيها الماسورة يعني خت في بالك انو ممكن يتجازف طوالي يعني عليك الله كمان عايزنا نعمل ليك كيته هنا دا ونحتفل بيك ..
|
|
|
|
|
|
|
|
Re: Yassir Tayfour .. اكثرهم تهميشا (Re: tmbis)
|
اول تبادى : سمعتو و لا جابو ليك؟ شنو الفتح ده ... و لا خلاص عشان حتعرس تانى شي: رجعت حليمة لي قديمة، يا مرض سيب الوهم في وهمو تالت حاجة : ياسر ده من القلائل اللذاذ المفتقدهم هنا ... الايميل ما برد عليهو ...
اسمع : نشرك ليهو بي فتة من ماكدونالد ... باقي هو خليفة بي مكنة راستات .....
| |
|
|
|
|
|
|
Re: Yassir Tayfour .. اكثرهم تهميشا (Re: esam gabralla)
|
Quote: اول تبادى : سمعتو و لا جابو ليك؟ شنو الفتح ده ... و لا خلاص عشان حتعرس |
عامل كيف يا وهم .. اول حاجة حظك كعب ,.. في زول صاحبنا والله سافر سويسرا ما عرفتو إلا بعدما رجع ,.. ودي كانت فرصة كويسة الواحد يرسل ليك معاهو (صاعود).. (وليف) بتاع حمام اصلو نوعيتكم دي لو ما لقت ليها حاجة تسفها بتسف ناقة سيدنا صالح .. مشتاقين طبعا .. بعدين فكنا من الموضوع المعضي بتاع العرس دا .. وبلاش ترويج اشاعات معاك .. تعرف يا عصام الوهم ديل .. جايين هنا علشان يلقو نفسهم .. فقلنا نديهم نفسهم .. ودا في حد زاتو نوع من الخدمات المجانية .. يعني اي واحد تكتب ليه في ذمتو ... وتقعد تتفرج فيهم ..
Quote: اسمع :نشرك ليهو بي فتة من ماكدونالد ... باقي هو خليفة بي مكنة راستات |
يعني بقو يعملو رز
| |
|
|
|
|
|
|
Re: Yassir Tayfour .. اكثرهم تهميشا (Re: esam gabralla)
|
يا سلاااااااااام اخيرا لقيت زول يسال منكـ يا ياسر !!! شغال لي في عمل فني للفنان ياسر طيفور لي كم يوم كده.. و اذا الطلقة دي ما مرقت من الماسورة يا علاء و العمل الفني أُنجز .. ح يكون هنا بإذن الله ..
_ السماكي ياخ الزول ده ألذ من يناكف علي وجه الارض ..
| |
|
|
|
|
|
|
Re: Yassir Tayfour .. اكثرهم تهميشا (Re: فيصل نوبي)
|
Quote: يا سلاااااااااام اخيرا لقيت زول يسال منكـ يا ياسر !!! شغال لي في عمل فني للفنان ياسر طيفور لي كم يوم كده.. و اذا الطلقة دي ما مرقت من الماسورة يا علاء و العمل الفني أُنجز .. ح يكون هنا بإذن الله .. |
يا نوبي .. قبل كم يوم اتصلت عليك من رقمي التاني رقمي التاني دا طبعا ما مديهو للفارات يكون في علمك ما رديت لي كنت مقروض فيك شديد .. بعد كدا ترد واللا ما ترد بي طريقتك غايتو .. المهم .. الشفت دا طلقتو مرقت بلاي كتر لينا من الاعمال الفنية بس كمان ما تقوم ترسمو
| |
|
|
|
|
|
|
Re: Yassir Tayfour .. اكثرهم تهميشا (Re: tmbis)
|
والله فقدنا ياسر وناديناهو كتير
وصوتنا زاااااااتو بح من المناداة بس هو لا اشتغل بينا ولا عبرنا
ولأنو بطريقتو دي ما ح يجي
فيا تمبس نيابة عنو انا بقول لي
مشكور ياخ وما نفقدك في شينة
تخريمة لياسر:
هووووووي يا ياسر سويتا شينة خلاص تعال راجع بعد دا
| |
|
|
|
|
|
|
Re: Yassir Tayfour .. اكثرهم تهميشا (Re: ود محجوب)
|
Quote: انت عارف صاحبك دا أكتر مهمش (جلابى) اتكتبت فيه بوستات تطالبه بالرجوع. ومنذ أغسطس الماضى معاه الباسوورد. لكن نعمل شنو جاتو بتاعت اهلنا ديك وركب رأسو. وفعلا مكانه لا يزال شاغرا لا يستطيع احد ان يملأه |
.. يا دكتور سلامات .. والله المهمش دا من اكتر الذين يجعلون لهذه المساحة طعم ولون مختلف .. بس المشكلة انو نفسو ما طويل .. يعني بيحتل في اقرب ترعـة .. وزي ما عارف يا دكتور .. في مجموعات هنا اتخصصت تدوير .. وقصد واسقاط عمودي .. يعني الواحد لو ما قلبو محدثو ما بيصمد كتير .. على العموم: توقعاتي أنو الزول دا يعود بسرعة .. طالما لقى طريقة ويسجل دخـول .. فالقدم ليهو رافع..
| |
|
|
|
|
|
|
Re: Yassir Tayfour .. اكثرهم تهميشا (Re: انعام عبد الحفيظ)
|
Quote: والله فقدنا ياسر وناديناهو كتير |
والله يا انعام .. اصالة عن نفسي .. وشيرهان عن ياسر طيفور احب اوضح ليك انو الزول دا كان في موضوع قراية شديدة وظنيتو انتهى .. لانو شايفو حايم بي هنا من قبيل .. دخلت المتواجدين شايفو بتحاوم .. قلت اقوم اكمشو واعمل ليهو اثبات حالة .. قبال ما يلمو فيهو الشليقين ناس نوبي ويجهجهو لينا المهم الزول دا قريب جدا .. نشوف البجي منو شنو..؟
Quote: تخريمة لياسر:هووووووي يا ياسر سويتا شينة خلاص تعال راجع بعد دا |
بعدين انتو حكاية الشنا دي شنو الحايمه في البورد الايامات دي
| |
|
|
|
|
|
|
Re: Yassir Tayfour .. اكثرهم تهميشا (Re: tmbis)
|
Quote: دخلت المتواجدين شايفو بتحاوم .. قلت اقوم اكمشو واعمل ليهو اثبات حالة |
يا تمبس دا خبر السرور الليلة
Quote: Quote: تخريمة لياسر:هووووووي يا ياسر سويتا شينة خلاص تعال راجع بعد دا
بعدين انتو حكاية الشنا دي شنو الحايمه في البورد الايامات دي |
هووووووووي ياتمبس شناتنا القاصدنها دي ما زي شناتكم القاصدنها ديك
غايتو شناتنا وشناتكم نعمل ليهم إختبار ونشوف شناة منو أشنى
| |
|
|
|
|
|
|
Re: Yassir Tayfour .. اكثرهم تهميشا (Re: انعام عبد الحفيظ)
|
Quote: يا تمبس دا خبر السرور الليلة |
.. بس المهمش دا ما يخذلني .. كنت متوقعو يكون هنا حسع استلم البوست دا.. Quote: هووووووووي ياتمبس شناتنا القاصدنها دي ما زي شناتكم القاصدنها ديك غايتو شناتنا وشناتكم نعمل ليهم إختبار ونشوف شناة منو أشنى |
طيب كان شناتكم وشناتنا .. طلعوا اشنا من الشنا زاتـا.. انا اودي شناتي دي وين..؟
| |
|
|
|
|
|
|
Re: Yassir Tayfour .. اكثرهم تهميشا (Re: tmbis)
|
صديقي الجميل علاء الدين
مساءك سعيد وجميل ،،،،
ياسر ده بكل صدق وأمانة شهادتي فيه مجروحة لحد النزيف ، راجل أصل وفصل ونقاء وجمال ، وطبعاً الجميل ما بجيب و لا يذكر إلا الجميلين مثله ولانك جميل لا زال على بالك هذا الجمال ... ، بكل ما في القلب من مودة نسأل عزيزنا ياسر بالعودة اليوم قبل غداً والان قبل بعدين لان المساحة التي تركها هنا أصبحت يابسة ولم تخضر حتى الان فليس كل من يحمل الفأس فلاحاً .. فهمتها ياياسر ولا أجيك إيميل .
مودتي لك وله
عماد
| |
|
|
|
|
|
|
Re: Yassir Tayfour .. اكثرهم تهميشا (Re: عماد محمود علي)
|
Quote: فليس كل من يحمل الفأس فلاحاً .. فهمتها ياياسر ولا أجيك إيميل . |
يا عمده.. مليون سلام .. إنت كدا جبتها من الآخـر وقنطرتها لي ياسر .. ولي انا ذاتي القدامك دا .. الصراع المحموم لارتقاء سلم النجومية .. والمظهـر ابعد الكثير من الاقلام والشخصيات .. اللطيفة .. استعداء البعض ومحاولات قتل الشخصية المنظمة التي يمارسها البعض هنا بحرفية اذا لم يتم التعامل معها بموضوعية ربما تصبح سببا اساسيا في هجران هذه المساحة إلى الأبد .. متأكد لو رسالتك وصلت لي ياسر المهمش .. ح يفهمه وهي طايره .. تشكر يا عمده .. وفي انتظار سيدي ياسر .. المهمش
| |
|
|
|
|
|
|
Re: Yassir Tayfour .. اكثرهم تهميشا (Re: tmbis)
|
Quote: اول حاجة حظك كعب ,.. في زول صاحبنا والله سافر سويسرا ما عرفتو إلا بعدما رجع ,.. ودي كانت فرصة كويسة الواحد يرسل ليك معاهو (صاعود).. (وليف) بتاع حمام اصلو نوعيتكم دي لو ما لقت ليها حاجة تسفها بتسف ناقة سيدنا صالح ..
|
الجميل تمبس..
معليش المرة الجاية بشيل ليك الصعود...وحمالتك على كان يودونى غوانتنامو يقولو مهرب متفجرات ,,ماهم مابعرفوا جنس الحاجات دى...بس بعرفوا ألأبيض منو..
عمومآ مريت أعرف الحاصل شنو لقيت إسمى مكتوب..
تحياتى..
إسماعيل محمد احمد عباس....
| |
|
|
|
|
|
|
Re: Yassir Tayfour .. اكثرهم تهميشا (Re: ismeil abbas)
|
Quote: معليش المرة الجاية بشيل ليك الصعود...وحمالتك على كان يودونى غوانتنامو يقولو مهرب متفجرات ,,ماهم مابعرفوا جنس الحاجات دى...بس بعرفوا ألأبيض منو.. عمومآ مريت أعرف الحاصل شنو لقيت إسمى مكتوب.. |
يا سمعه .. والله بتسدها وبتقدها.. سمعت بي سفرك بعدما الحجز بتاعي لعبوني فيهو في المطار .. والجقلبه حصلت والطيارة قامت .. يعني لو عرفت ابدر من كدا شوية كان احتمال اقلع الحجز بتاعك بتاع سويسرا دا امشي بيهو مكة .. لانو حالتي كانت بتقبل اي مجازفات .. أما بالنسبة لي عصام جبر الله دا .. والله دا موضوعو طويل جدا .. وامنياتو بسيطة خالص ومتواضعة .. بس المشكلة نقنااااق .. وكلما يعمل ليك حاجة .. اهو زي ما شايف يندمك عليها .. ويشيل حسك لكن تجدني مجبور عليهو .. اصلو خاتنو لي عوزه .. والله لو كان خدمتني في الزول دا .. كان على الاقل الواحد اضانو بردت لو بتلقى لينا تاشيرة مطرفه .. قول عووك .. عندنا كلام سر مع عصم جبر الله دا .. نمشي نكملو معاهو هناك بي صاعودو القادينا بيهو دا .. . . بلاي شوف كيف يا عصام أنو الاخوان يتسابقون في خدمتك .. التقنية ذاته بتخدم فيك ..
| |
|
|
|
|
|
|
Re: Yassir Tayfour .. اكثرهم تهميشا (Re: محمد المرتضى حامد)
|
Quote: ياسر نفتقد ذكاء مداخلاته وأدائه الإحترافي المتميز المضاد للعادية والنعاس. سلام يا علاء ومودتي يا ياسر. |
سلامات يا مولانــا ... إن شاء الله الأمور تمام .. ومستقرة .. ياسر طيفور شخصية لطيفة .. لا تمل .. افتقد لقفشاته التي لاتخلو من الذكاء وحرفية الصنعه..
| |
|
|
|
|
|
|
Re: Yassir Tayfour .. اكثرهم تهميشا (Re: عبدالفتاح أبوشيمة)
|
Quote: يا أخي انت ذاتك وين عايزين نسلم عليك ما لامّين فيك |
.. يا عبد الفتــاح .. يا ابو شيمة والله اقول ليك حاجة ..؟ مرات اخوك بيكون دافر ساكت في دنية الله دي .. تتخيل لي فترة طويلة جدا بقرا في اسمك .. واقول ليا ربي الزول دا شفتو وين ..؟ يا ربي شفتو وين ..؟ بعدين بقراك عبد الفتاح أبو (شكيمة) تتخيل ..؟ بعدين صاحبك دا بياع .. جمع التوقيعات (وحتــل) بيك ..؟ نحن برضو عندنـا النص .. كيفنك يا ابو الشباب .. ومرحب بيك بعدما ما دخلوك الكتـاب .. اعذرني يا صديقي .. أخوك اتلحس .. بقىشغال بنص الطاقة التخزينية .. اكيد ح نتلاقى .. بس صاحبك دا اليوم الوحيد الوزنتو ليك ووقفت قدام الشركة .. واتصلت عليهو علشان اقتحمو ليك .. لقيتو عامل زغبير .. على العموم الكروكي معاهو .. والبيت جمب الجامع .. من ناحية أخرى .. اكيد .. اكيد ح نتقابل ..
| |
|
|
|
|
|
|
Re: Yassir Tayfour .. اكثرهم تهميشا (Re: tmbis)
|
سلام علاء
سبقتني و الله لأني كنت عايزة افتح بوست و أطالبه بالعودة
ياسر اتفتحت ليهو بوستات كتيرة لكن عامل طناش ,ايه رايك نحتل ليهو هنا في البوست
دى لحدي ما يرجع ؟؟
ياسر الجميع هنا يفتقدك حتى ناس تراجي و أمونة بت مختار
يلا ما تكسر خاطر الناس ديل
| |
|
|
|
|
|
|
Re: Yassir Tayfour .. اكثرهم تهميشا (Re: سناء عبد السيد)
|
Quote: سلام علاء سبقتني و الله لأني كنت عايزة افتح بوست و أطالبه بالعودة ياسر اتفتحت ليهو بوستات كتيرة لكن عامل طناش ,ايه رايك نحتل ليهو هنا في البوست دى لحدي ما يرجع ؟؟ |
يا سناء السيد .. سلامات معليش تعيشي وتاخدي غيره .. تعبناك معانا في البوست دا .. وكلما اغيب شويتين اقول يمكن ياسر طيفور يكون جا واستلم البوست دا على حسابو كالعادة .. لكن الظاهر لي لسه عندو باقي تشطيبات .. ياسر حبيب الكل والله .. ويستاهل اكتر من بوست .. يستاهل كل ما الواحد يفتح المنبر يعمل ليهو بوست يستاهل بوست من ناس الهامش وبوست من ناس المركز ..
| |
|
|
|
|
|
|
Re: Yassir Tayfour .. اكثرهم تهميشا (Re: خدر)
|
تعرف يا تمبا الولد المشاغب ياسر دا بذكرنى بالمثل الانجليزى البقول اذا اردت ان تعرف قدر نفسك فقم باغضاب جارك! عشان يوريك المكشن بلا بصل! اها فى ناس من شتيت ياسر اتمددوا زى اللبلاب! جنى
| |
|
|
|
|
|
|
Re: Yassir Tayfour .. اكثرهم تهميشا (Re: Osman Musa)
|
يا تامبا
عليك الله اكسب زمنك ياسر طيفور شنو البتفتح ليهو بوست وتعمل ليهو شنه ورنه والله ياهو ظاطو المثل البقول البتريدوهو بتولعوا ليهو اللمبه والبتابوهو بتحرشوا ليهو الكلبه
اها اسع شايفك ولعت ليهو اللمبه .. انشاء الله بس يجيك وما يخليك تقعد تلاهى فى الفاضى
واذا كان هو راجل ود رجال خليهو اليجى يرد لى فى بوستك دا
اها انا منتظر ...
| |
|
|
|
|
|
|
Re: Yassir Tayfour .. اكثرهم تهميشا (Re: على محمد على بشير)
|
غيب وتعااال تلقانا نحن يانا نحن يانا نحن .....
أهداء للغائب الحاضر :أساسك بالدريب الجاي بحداك أقول يمكن يصادف مرة ألقاك أسالمك وينشرح قلبي الأصله حباك .... ___________________________________________________ لو صعبت اللقيا يكفيني ذكراك انا ما أظن البي يسمحلي أنساك ___________________________________________________ مودتي لياسر وصاحب البوست وللمتداخلين كمان . عماد
| |
|
|
|
|
|
|
Re: Yassir Tayfour .. اكثرهم تهميشا (Re: Faisal Al Zubeir)
|
تمبس ..
ازيك....
بتذكر اول ما ختيت كراعى فى البورد دا ..لقيت زول فاتح بوست لياسر طيفور
تووووشك دخلت وكتبت وحاسة ليك انى بعرف الزول دا كويس..
غايتو اى بوست اتفتح للزول انا ختيت طوبة فيهو ....
ياسر تعال ياخ اناطالباك .
_____________________________________ تمبس لسة مغلوب 6/صفر??
| |
|
|
|
|
|
|
Re: Yassir Tayfour .. اكثرهم تهميشا (Re: tmbis)
|
Quote: : هووووووووي ياتمبس شناتنا القاصدنها دي ما زي شناتكم القاصدنها ديك غايتو شناتنا وشناتكم نعمل ليهم إختبار ونشوف شناة منو أشنى طيب كان شناتكم وشناتنا .. طلعوا اشنا من الشنا زاتـا.. انا اودي شناتي دي وين..؟ |
شناتكم اتلمت مع شناتنا وبقت شناة قوية
طيب ما تخلي شناتكم تبعد من شناتنا عشان شناتنا ما تتأذي من شناتكم
ولا شناتكم تتأذي من شناتنا
هووووووووي يا تمبس شناة شنو دي الكل شوية تقولها لي
انا لا شينة ولا حاجة
ياسر طيفور عليك الشناة دي كلها بطّّل حركات تعال راجع
| |
|
|
|
|
|
|
|