|
برامج جدودنا الطيبين وحبوباتنا الحنينات... هل يمكن تنصيبها فى جيل اليوم والغد ؟؟؟ وكيف؟
|
السؤال : كيف يمكننا توريث أجيالنا طيبة ومحنة وشهامة وبسالة جدودنا زمان الوصونا على الوطن ... على التراب الغالى الما بتمن...
الشافع يوم الليلة تقول ليهو يا ولد ناولنى موية يقوم يقول ليك بلغة تانية Please Serve your self تقول ليهو يا ولد ود خالتك منتظر أمشى أفتح ليهو الباب يقول ليك ... يأخى خليهو ياكل نارو .... تقول ليهو امشى الدكان ... يقوم يقول ليك كلب ناس عبد الستار بيعضنى ... وتلقاهو عمرو 15 سنة ويقولها بدون خجلة ... تقول ليهو يا زول اتدرب عشان حماية البلد .... يقول ليك بلد منو ؟؟؟؟
سبحان الله مغير الأحوال .... كيف كان الجدود ... والمحنة العندهم .... الحبوبة فى شهامتها وبسالتها بتعادل 15 من رجال اليوم ....
مشاركاتكم تفيدنا ...
سنواصل
|
|
|
|
|
|