|
الفرق شنو بين بوستات الصباح وبوستات الليل بتوقيت الـ CET؟
|
يا رجل حاجة عجيبة بين بوستات الصباح البتبدى الساعة 3 بتوقيت الـ CET ,وتنتهي الساعة 4 CET حقت الصباح مليانة مؤونات ود وطن (ألف كيلو يعني) محبة وغنا وود ورسومات وكليبات وصور وكت آند بيست حقت بالليل البتبدا الساعة 4 ودقيقة بتوقيت الـCET وليع نيران وعجاجة وضرب تحت الحزام وناس مصرين بوستهم يكون فوق (إنشاء الله لو نفرين بس بيكتبو فيهو) وناس يجيبو ليك بوست (أم بارونة) برغم المثل البقول لا تاكل البايتة ولا... وسياسة ودين ومنطق. لكن العامل المشترك هو: بدل اليد تمشي على واو الجماعة تمشي على تاء التأنيث في الكيبورد وبدل ما تمشي الإنتر (ميلانو) تمشي الشفت... يا (شيفت إنت) ومؤونة نقة وحنك وأقاشي
|
|
|
|
|
|
|
|
Re: الفرق شنو بين بوستات الصباح وبوستات الليل بتوقيت الـ CET؟ (Re: ASHRAF TAHA)
|
أشرف طه ، إزيّك ..
Quote: والعم صلاح عبد الله |
أكون بقيت صلاح طه ، أو يمكن صلاح العم ، وأنا ما عارف
رأفت ، كيف حالك
أشرف ده طبعاً أخونا وود حلتنا وزميلنا ، يعني ما محتاج تقبضو ، هو مقبوض خلقة .. وآخرتها مطلعني عمو كمان .. الزول ده يا رأفت أيام الجامعة والمذاكرة كرهنا عديل نكون قاعدين نذاكر في أمانة الله ، هادين وحلوين ومؤدبين ، بعد شوية الثعلب ده يجينا ، وفي أقل من نص ساعة ( الغنا يدوّر ) والقيامة تقوم .... ما قلت ليك ثعلب .. تشوفو شايل الكتب والمذكرات ، ما تشك في أي حاجة ، لكن ( التصبينة ) كلها جوه الكتب دي .. ثعلب مكار ..
أنا عمك أنا ؟؟ يا ضلالي ...
| |
|
|
|
|
|
|
Re: الفرق شنو بين بوستات الصباح وبوستات الليل بتوقيت الـ CET؟ (Re: Salah Abdulla)
|
Quote: يا رأفت ده منو القال الكلام الفوق ده ؟؟ ما تقول لي أشرف طه |
يا صلاح ما جانى بى غادى عمل لى إحباط .. قال لى داير لنك ولا شرح بالصور .. وجاب سيرتك .. كدى أمش شوفا ..
وعمل لى من أولاد مدنى .. مثل لا تاكل البايتة ولا تخاوى المرطبين .. يا معلم ده بعرفوا فى السودان تسعة .. 6 فى الديم والباقين موزعين بين بانت والعبلسية والموردة .. قال الدكاى ده شنو ..
وطلع ولد حلتكم؟؟؟
| |
|
|
|
|
|
|
Re: الفرق شنو بين بوستات الصباح وبوستات الليل بتوقيت الـ CET؟ (Re: ASHRAF TAHA)
|
Quote: الزول ده يا رأفت أيام الجامعة والمذاكرة كرهنا عديل نكون قاعدين نذاكر في أمانة الله |
أها .. شفت ؟؟ و يا ابن خالتي المواطنين ديل كانوا بيرسلونا نحنا الصغار .. نجيب ليهم باسطة من السلام في أبوحمامة .. ( نظام طاقات .. و كده ) . عشان ما نمشي نكلم ناس البيت بالتصابين .
..... كل سنة و نحنا طيبين .. بالليل .
| |
|
|
|
|
|
|
Re: الفرق شنو بين بوستات الصباح وبوستات الليل بتوقيت الـ CET؟ (Re: ASHRAF TAHA)
|
صلاح عبد الله يا يا صديقي الصاح زمن الزمن زمن الله يرحم ع. ح ويرحم زمنا يا لذيذ بس عليك ذمتك يا صلاح شغلت الـCET ما بتحس إنو فيها فرق ديموغرافي أرستقراطي خيالي ثوري ديماغوجي؟ لا مكسيم غوركي لا ديستويفسكي غابريل غارسيا ماركيز مي غادة نفيسة ولا حتى بتول ام ... يا رجل في ناس هنا بكتبو كيف بس الله قادر
وبعدينك لا إنت لا الخال تفلوناتكم (نهي محبتكي) عندي؟ إنشاءالله (ميستي كول) والله يصبرنا على فرق الـ CET
| |
|
|
|
|
|
|
|