|
Re: الوطن في رحاب جمعية أسرة عزة السودان بالرياض ... (Re: ود الباوقة)
|
ود الباوقة سلام
بدعوة كريمة من الأخ الأستاذ حسن أحمد حسن لبينا الدعوة ليلة أمس. و بالفعل في أن التنوع كان سمة واضحة في هذه الإحتفالية التي ضمت أجنحة متنوعة لكل السودان. الجهد المبذول كان واضحاً ... وجدنأ أن بعض البراعم تحفظ الأمن بكفاءة عالية إبتداءاً من بوابة الدخول .. هناك صحفيات شابات يتدربن على عمل اللقاءات الصحفية بين الجمهور .. أسئلة و تسجيل و تصوير ... شاعرات ... إحداهن أعطتني ديوانها لإبداء الرأي توطئة لنشره ..
الأسر في مجملها تبدو مترابطة بمختلف قبائلها و سحناتها و لهجاتها ( بيني و بينكم وقفت طويلا عند طمبور الشمالية ، أجْتر الذكرى ) ..
وحدة وطنية قادمة يمكن أن تبدو بشائرها من هذه اللمة العفوية ... بلا مكرفونات أو خطب أو مجاملات ... تماماً كبيت عرس كبير
الصور يا أبو حميد
| |
|
|
|
|
|
|
Re: الوطن في رحاب جمعية أسرة عزة السودان بالرياض ... (Re: mahmed alhassan)
|
جناح رفاعة كان جناحاً يختلط فيه عبق التاريخ مع زخم ريادة الرجال و النساء للتعليم في هذا البلد . رفاعة إحدى البلدات التي لها اليد الطولى في التعليم ... الصور كانت تحكي سِفراً من العرق المبذول من نساء و رجال ... ساروا على درب بذل الغالي و النفيس من أجل إنارة العقول و دفع عجلة التطور في المليون ميل مربع .. صور رجالات في الجيش و الشرطة تحكي الصمود ... فالتحية لكل من وقف خلف هذا الجناح و أخص بها الأخ مصطفى سليمان و زوجته سامية
| |
|
|
|
|
|
|
Re: الوطن في رحاب جمعية أسرة عزة السودان بالرياض ... (Re: mahmed alhassan)
|
محمد الحسن
هذا الجناح بالذات إستوقفني كثيراً. فالغرب بما يضم من مختلف قبائل السودان كان قبلة و دار إستقرار. فاتتني ندوة مهمة بجمعية التراث النوبي كان عنوانها : العلاقة بين نوبة الشمال و نوبة الجبال بالغرب .. و هذا موضوع طويل و ذي شجون سنتظرق إليه ذات بوست آخر بالتعاون مع جمعية أبناء الأبيض و الجمعيات النوبية بالرياض لعمل ندوة بذات المضمون و عمل مقارنة فعلية لمتحدثين باللغتين
دمتم
| |
|
|
|
|
|
|
Re: الوطن في رحاب جمعية أسرة عزة السودان بالرياض ... (Re: ود الباوقة)
|
اخي ودالباوفة شكرا لاهتمامكم بعكس النشاط الثقافي السوداني ولكن الملفت للنظر ان بعض الجمعيات والروابط اصبحت تركز على التراث اكثر من اي جانب اخر مع ان جمعية التراث والثقافة موجودة في الساحة وهذا من صميم اهتماماتهاواذا كان همنا جميعا نشر الثقافة السودانية بدول المهجر فلماذا لانتطرق الى جوانب ثقافية اخرى؟؟؟؟؟؟؟؟ وهل اقتصرت ثقافتنا على التراث فقط. اتمنى ان يكون لكل جمعية عمل يميزها عن الاخرى اذا كانت عزة السودان.. اوعزة السودان او........
| |
|
|
|
|
|
|
Re: الوطن في رحاب جمعية أسرة عزة السودان بالرياض ... (Re: mahmed alhassan)
|
التغيير و الابتكار سمات واضحة في التظاهرة التي استمرت لمدة ثلاث أيام في استراحة (كان) و على سبيل المثال قسم الجوازات و ركن الخطوط الجوية السودانية .. و غيره من الجديد الذي شاهدناه يعبر بصدق عن مجهود كبير بذل و يستحق الثناء و الإشادة.
الريس أبو جهينة .. يعني لم تأتي على ذكر جناح الولاية الشمالية ! و المجهود الرائع الذي بذله الأخ محمد عثمان و الذي جسد فيه الساقية في ذلك المجسم الدقيق و كذلك الصور الجميلة لبعض مناطق الولاية خاصة عبري.
| |
|
|
|
|
|
|
Re: الوطن في رحاب جمعية أسرة عزة السودان بالرياض ... (Re: hamam)
|
و غيره من الجديد الذي شاهدناه يعبر بصدق عن مجهود كبير بذل و يستحق الثناء و الإشادة.
اخي همام وعبركـــم نهني ونبارك للريس المجاهد حسن احمد حسن ومعاونيه الابطال لما قاموا به من جهد مقدر نال استحسان كل من حضر هذا التظاهرة السودانية الاصيلة . كم دهشت لعدد الحضور الكثيف الذي امتلأ به مقر الجمعية وقد كان الجميع في نشوة وحبور وسط هـــــذه الكوكبة الرائعة من مبدعي اسرة عزة السودان ..
ود الباوقة
| |
|
|
|
|
|
|
Re: الوطن في رحاب جمعية أسرة عزة السودان بالرياض ... (Re: hamam)
|
إبن العم همام
سلام و تحية
Quote: الريس أبو جهينة .. يعني لم تأتي على ذكر جناح الولاية الشمالية ! و المجهود الرائع الذي بذله الأخ محمد عثمان و الذي جسد فيه الساقية في ذلك المجسم الدقيق و كذلك الصور الجميلة لبعض مناطق الولاية خاصة عبري. |
أكتر حتة وقفت فيها هي مع محمود عثمان و هو يداعب ( الطمبور ) صُنْع يديه. و سألته عن هذا المجسم الذي يعكس موهبة لا بد أن تنال الرعاية و الإهتمام.
كما قال لك الأخ محمد الحسن فإن التعليق سيأتي تباعاً حتى لا ندلقه إنشائياً كخبر في جريدة ..
في الصور لفت نظري منزل ( آل صابونة ) قرايبي .. و المناظر عموماً تثير الأشجان و لواعج الذكرى ...
الجناح كان يحتاج إلى إبراز أدوات الزراعة و بعض صور الآثارات المنتشرة في الشمال كما كان الجناح يحتاج إلى إبراز مساهمة الشمال في التعليم و المعلمين من الرعيل الأول و السياسيين المحنكين الذين أتوا من الشمال. كما كنت أتمنى أن أرى شيئاً لخليل فرح و صالح ولولي و صور وادي حلفا الحبيبة.
الجايات أكتر من الرايحات
دمتم
| |
|
|
|
|
|
|
Re: الوطن في رحاب جمعية أسرة عزة السودان بالرياض ... (Re: صالح عبده)
|
اهتماماتهاواذا كان همنا جميعا نشر الثقافة السودانية بدول المهجر فلماذا لانتطرق الى جوانب ثقافية اخرى؟؟؟؟؟؟؟؟ وهل اقتصرت ثقافتنا على التراث فقط.
اخي صالح عبده ..
الا تتفق معي بان الاخوة الاجلاء في جمعية اسرة عزة السودان قاموا بعمل متفرد ورائع كسروا به الروتين الممل في معظم فعاليات الرياض التي تبدأ غالبا بالغناء وتنتهي به . دا غير الكلمة الان لفلان وما اكثرهم ..
نتمنى ان تتحد جميع الجهود لدفع العمل الثقافي والتراثي لما يخدم وطننا العزيز وان يكون التنافس شريفا يخدم الحركة الثقافية بمنطقة الرياض ولا يعيق انطلاقها ..
ود الباوقة
| |
|
|
|
|
|
|
Re: الوطن في رحاب جمعية أسرة عزة السودان بالرياض ... (Re: ود الباوقة)
|
Quote: يعني لم تأتي على ذكر جناح الولاية الشمالية ! و المجهود الرائع الذي بذله الأخ محمد عثمان و الذي جسد فيه الساقية في ذلك المجسم الدقيق و كذلك الصور الجميلة لبعض مناطق الولاية خاصة عبري. |
الاخ/ هاشـــم العمــل دا كان بحجم الســودان وماشين بالدور تابع معنـــا الجاي الولايـة الشمالية 0
| |
|
|
|
|
|
|
Re: الوطن في رحاب جمعية أسرة عزة السودان بالرياض ... (Re: mahmed alhassan)
|
حبيبنا الريس ود الباوقـــة وجميع الأخوة الأحباب .. سعدت أيما سعادة بما قامت به جمعية أسر عزة السودان ( إستراحة كان) حقاً كان تميز وتفرد .. التنوع الثقافي .. الإتقان والإنضباط .. الجمال الذي يشع من كل الأقسام .. أكثر ماإستوقفني العيادة الطبية التي قدمت خدمات جليلة في ذلك اليوم .. حيث أن أكثر من 20 شخص كانوا يسيروا دون أن يدروا أنهم يعانون من ضغط الدم .. وقد تم تثيفهم صحياً وأعطائهم الدواء والنصائح لتغيير نمط الغذاء ونبذ العادات الغذائية السيئة .. كما أن الأطباء قدموا خدمات جليلة تجاه إدارة المرض وكيفية السيطرة عليه والوقاية منه .. حقاً معرض متفرد .. وبه الكثير من الإبتكار .. خدمة جليلة فالعلاج مشكلة في زماننا هذا .. شكراً لملائكة الرحمة التي إستقبلت المرضي من كل أبناء السودان وقدمت لهم الكشف والعلاج المجاني .. ليت الرسالة تتواصل .. ونتوجه بكل قدراتنا لخدمة إنسان السودان .. وننبذ الخلاف والعصبية .. ونتفرغ لزرع الجمال في أبنائنا ليكونوا نواة لسودان متسامح .. كونوا بخير، أخوكم/الأرباب
| |
|
|
|
|
|
|
Re: الوطن في رحاب جمعية أسرة عزة السودان بالرياض ... (Re: Khalid Saeed)
|
أكثر ماإستوقفني العيادة الطبية التي قدمت خدمات جليلة في ذلك اليوم .. حيث أن أكثر من 20 شخص كانوا يسيروا دون أن يدروا أنهم يعانون من ضغط الدم .. وقد تم تثيفهم صحياً وأعطائهم الدواء والنصائح لتغيير نمط الغذاء ونبذ العادات الغذائية السيئة ..
ارباب دار جعل ...
فعلا اول ما دلفنا مقر الجمعية كان عبر العيادة الطبية وقـــد شاهدنا الاختصاصيين ومسانديهم يعملون بهمة ونشاط ويبذلون جهدا مقدر في سبيل انجاح هذا اليوم الرائع .. المستشار تاج السر محمد عثمان قام بقياس ضغط دمــــه ولكن حتى اللحظة لم نعرف نتجة القياس الا ان المؤشرات تبين انه اكثر من الطبيعي حيث ان ابتسامة الرجل المعهودة لم تفارقه طيلة تجواله في اروقة المعرض ..
ود الباوقة
| |
|
|
|
|
|
|
Re: الوطن في رحاب جمعية أسرة عزة السودان بالرياض ... (Re: ود الباوقة)
|
Quote: التغيير و الابتكار سمات واضحة في التظاهرة التي استمرت لمدة ثلاث أيام في استراحة (كان) و على سبيل المثال قسم الجوازات و ركن الخطوط الجوية السودانية .. و غيره من الجديد الذي شاهدناه يعبر بصدق عن مجهود كبير بذل و يستحق الثناء و الإشادة. |
يعنى يا هاشم ناس المؤتمر الوطنى كانوا عاملين اوكازيون والا قسم الجوازات دى ما فهمتها؟ يعنى تدفع ضريبه ما تدفع تستخرج جواز؟والا الحكاية شنو؟ متين الجوازات بحولوها من حرم السفارة عشان يستخرجوها فى الاستراحات؟ ما بعيد بعد يومين نسمع بى جوازات خدمة توصيل المنازل.. وقسم للزكاة (TAKE AWAY).. هذا زمانك يا مهازل فامرحى،،،
| |
|
|
|
|
|
|
Re: الوطن في رحاب جمعية أسرة عزة السودان بالرياض ... (Re: ahmed haneen)
|
اما ود الباوقة .. دا .. الراجل معذور سلموهو قطعة ارض في الوادي الأخضر .. المكاتل ..
لقد ضيعت من عمرك فرصة العمر مشاهدة العمل الراقي الجميل لاسرة عزة السودان وصدقني لو قدر لك مشاهدته لتبدلت قناعتك .. لكن يظهر ان الحرمان قد كتب عليك لمشاهدة كل ماهو رائع ونبيل .
ود الباوقة
| |
|
|
|
|
|
|
Re: الوطن في رحاب جمعية أسرة عزة السودان بالرياض ... (Re: ايهاب نميري)
|
صديق الموج: كيف حالك
Quote: يعنى يا هاشم ناس المؤتمر الوطنى كانوا عاملين اوكازيون والا قسم الجوازات دى ما فهمتها؟ |
يا صديق.. الفهم قسم و كل ينظر بعين طبعه
Quote: يعنى تدفع ضريبه ما تدفع تستخرج جواز؟والا الحكاية شنو؟ |
إنت لسه من زمن الضريبة؟ ذكرتني بنكتة زيدان ابراهيم لما نميري قفل البارات! فهمتها يا صديق؟
Quote: متين الجوازات بحولوها من حرم السفارة عشان يستخرجوها فى الاستراحات؟ |
في زمن التيسير على المغترب! ما الجوازات قبل 30 سنة كان بيطلعوها في البقالات برضه كانت خدمة مشكورة .. و سنعيدها سيرتها الأولى.
Quote: ما بعيد بعد يومين نسمع بى جوازات خدمة توصيل المنازل.. |
و الله ما بعيد على الحكومة و ما كتير علينا! في أوربا و الدول المتقدمة بترسل طلبك بالبريد و يجيك جواز السفر في صندوق البريد أمام باب البيت و كذلك رخصة القيادة و بوليصة التأمين و خلافه.. و الآن جوازات الرياض شغالة في بنده يا صديق! و الآن في السودان و الدول المتقدمة هذه الخدمة حتكون عادية.
Quote: هذا زمانك يا مهازل فامرحى،،، |
عين السخط و القهر (بفتح القاف و الهاء) التي ترى كل جميلاً عيب .. معلوم يا صديق .. تشوف العمى و لا تشوف ليك خير بتعملوا الحكومة للمواطن و لكنها إنشاء الله تشفي صدور آخرين.
لو جيت يا صديق على الأقل كنت كشفت الضغط عندك واصل كم؟ برضه بنشفق عليك و الله.
| |
|
|
|
|
|
|
Re: الوطن في رحاب جمعية أسرة عزة السودان بالرياض ... (Re: ود الباوقة)
|
الاخ هاشم همام تحياتى مبسوط انا من ردودك الجميله دى لكن انت ذكرت محاسن الجمعية وعددت عملها ومناقبها.. ونحن لما قلنا هذا زمانك يا مهازل فامرحى..قصدنا ذلك.. لانك انت وكل طاقم السفارة الكان موجود والذين لم يحضروا ايضا يعلمون ان الشخص الذى يقوم على رئاسة الجمعية استلم من بعض الاعضاء مبلغ خمسمائة ريال من كل عضو مقابل ان يسلمهم قطع اراضى فى السودان واشتكى الناس للسفارة ولتاج الدين ولم ياتيهم رد الى الان..ولا استردوا حقوقهم كان على الاقل تذكر هذه من ضمن الشفافيه التى تتحدث عنها.. طبعا حا تقول لا اعلم عن ذلك شىْ.. طيب الان علمت الرجاء ان تسال الاستاذ احمد يوسف عن ذلك؟ وبتكون كده قدمت خدمخ احسن من خدمة جوازات تيك اوى الفرحان بيها دى... بعدين اللنك ده افتحه يا هاشم ولم نراك من المتداخلين وقتها!!!
الى سفارة السودان بالرياض اين ذهبت اموال اسر عزة السود...)التى دفعوها للاراضى
عنوان البوست كان:
الى سفارة السودان بالرياض اين ذهبت اموال اسر عزة السودان (فرع السفارة)التى دفعوها للاراضى ودعتك الله ان شاء الله تجى تراجع ترد يا هاشم؟؟
| |
|
|
|
|
|
|
Re: الوطن في رحاب جمعية أسرة عزة السودان بالرياض ... (Re: صديق الموج)
|
يا صديق .. أها قريت كلامك :
Quote: والسفارة وجهاز المغتربين والمؤتمر الوطنى يرعون كل انشطتها كان لزاما عليهم ان يراقبوا مواردها ومنصرفاتها وهم الذين يدفعون لها ويسخرون لها من الامكانيات ما لم يتثنى لباقى المؤسسات التى تشبهها سعادة القنصل ارجوا ان تتحرى فى الامر ..ولنا عودة طويلة بقائمة للذين دفعوا مقدم ولم يستلموا شىء لا المقدم ولا الارض،،، |
و يا ريتك لو ما رجعتني ليهو عشان اقراهو: يا أخي (يتثنى) دي بيكتبوها (يتسنى) بالسين و ليس بالثاء ... و تاني أوعك تقول لي جعلي و جدي العباس .. نعلمك لي متين يا أخي؟ و بعدين إبن عمك داك مدرس لغة عربية .. ما تكابر ساكت و خليهو يحسن ليك العربي بتاعك شوية .. ما تخاف ! عربي بس والله ...عشان بالك ما يمشي بعيد!!
الشيء الثاني .. يا أخي البوست خاص بنشاط ثقافي و الناس علقت على النشاط الثقافي .. يعني لازم تحول البوست لوجهة تانية؟
طيب تتكلم عن الأراضي! يا صديق حكاية الأراضي تتوزع من خلال جمعيات و كيانات ما ظهرت في الرياض من أسر عزة السودان! و أنت تعلم علم اليقين كيف بدأت و من الذي سن هذه السنة! و من هم الذين احتشدوا في فندق القصر الأبيض بالرياض و وزعوا الأراضي و بمقابل رسوم لصالح الجهة المبادرة! والله إن كانت سنة حسنة فلهم الأجر و اجر من تبعهم و إن كانت غير ذلك..أسألك لماذا سكت عن تلك و انتقدت هذه؟ خيار و فقوس؟
أما حكاية السفارة ترعى و ما ترعى دي ما خلاص فتناها زمان! و ريني ياتو كيان بتغيب عنه السفارة الليلة؟
أما السؤال الغريب حكاية التحري دي! هل السفارة أصدرت تصريح مكتوب لأي جمعية و لا كيان تخوله باستلام مبالغ من عضويتها تحت أي مسمى؟
و حقيقة أنا غير ملم بمسألة من دفع و لم يستلم و لماذا لم يستلم.. لأنني لم أتقدم بطلب لذلك .. و لكن من المؤكد إدارة الجمعية عندها الخبر اليقين و أنا شخصياً أعرف العشرات من أعضاء هذه الجمعية لم أسمع من أحدهم شكوى و لا حتى مجرد ونسة بهذا الخصوص ! الكلام ده انت جبتو من وين؟ و حتى اشعار آخر نقول برافو عزة السودان بقيادة الشاب حسن أحمد حسن ابو (عمر أحمد حسن).
تحياتي يا صديق
| |
|
|
|
|
|
|
Re: الوطن في رحاب جمعية أسرة عزة السودان بالرياض ... (Re: hamam)
|
يشتكى بعض المنتسبين الى جمعية اسر عزة السودان من انهم دفعوا مبلغ 500 ريال مقدم لاعطائهم قطع اراضى بالسودان وعندما سالوا عن حقوقهم مازال رئيس الجمعية يتهرب من الاجابة...ولان سيدنا عمر قال لو ان بقلة عثرت بشط العراق وفى ذكاءكم بقية الاسطر نسال سعادة الاستاذ احمد يوسف القنصل العام بالسفارة عن تلك الاموال باعتبار تلك الجمعية مسجلة بالسفارة والسفارة وجهاز المغتربين والمؤتمر الوطنى يرعون كل انشطتها كان لزاما عليهم ان يراقبوا مواردها ومنصرفاتها وهم الذين يدفعون لها ويسخرون لها من الامكانيات ما لم يتثنى لباقى المؤسسات التى تشبهها سعادة القنصل ارجوا ان تتحرى فى الامر ..ولنا عودة طويلة بقائمة للذين دفعوا مقدم ولم يستلموا شىء لا المقدم ولا الارض،،،
عشان خاطر هاشم نورد كل ما جاء بالرابط
Quote: و يا ريتك لو ما رجعتني ليهو عشان اقراهو: يا أخي (يتثنى) دي بيكتبوها (يتسنى) بالسين و ليس بالثاء ... و تاني أوعك تقول لي جعلي و جدي العباس .. نعلمك لي متين يا أخي؟ و بعدين إبن عمك داك مدرس لغة عربية .. ما تكابر ساكت و خليهو يحسن ليك العربي بتاعك شوية .. ما تخاف ! عربي بس والله ...عشان بالك ما يمشي بعيد!! |
هاشم فى دى انت صاح وادينى صفر من عشرة فى العربى لكن ما تبقى زول انصرافى قدر ده.
Quote: طيب تتكلم عن الأراضي! يا صديق حكاية الأراضي تتوزع من خلال جمعيات و كيانات ما ظهرت في الرياض من أسر عزة السودان! و أنت تعلم علم اليقين كيف بدأت و من الذي سن هذه السنة! و من هم الذين احتشدوا في فندق القصر الأبيض بالرياض و وزعوا الأراضي و بمقابل رسوم لصالح الجهة المبادرة! والله إن كانت سنة حسنة فلهم الأجر و اجر من تبعهم و إن كانت غير ذلك..أسألك لماذا سكت عن تلك و انتقدت هذه؟ خيار و فقوس؟ |
الاخوان الصحفيين قصدك؟لكن هل انا سالت عن من استلم قطعة ارض؟.انا سؤالى واضح انا عارف من ردك الفوق تريد ات تزوغ لان هذه هى عزة السودان فرع المؤتمر الوطنى ولان رئيسها هو الذى استلم اموال الناس بالباطل ولم يسلمهم اراضى ولا الفلوس.
Quote: و حقيقة أنا غير ملم بمسألة من دفع و لم يستلم و لماذا لم يستلم.. لأنني لم أتقدم بطلب لذلك .. و لكن من المؤكد إدارة الجمعية عندها الخبر اليقين و أنا شخصياً أعرف العشرات من أعضاء هذه الجمعية لم أسمع من أحدهم شكوى و لا حتى مجرد ونسة بهذا الخصوص ! الكلام ده انت جبتو من وين؟ و حتى اشعار آخر نقول برافو عزة السودان بقيادة الشاب حسن أحمد حسن ابو (عمر أحمد حسن). |
انا متاكد خبر زى ده انت ما بتدور تسمعه مش ما سمعته ولكنه حاصل وبما انها جمعية المؤتمر الوطنى اسال وسوى فينا اجر ورى الناس دى فلوسها وين؟تراك سمعت..
Quote: الكلام ده انت جبتو من وين؟ |
وده سؤال تساله يا هاشم ما كضبت ساكت وقطعتوا من راسى!!! ياخى عيب معقول موضوع زى ده ما اتناقش فى اروقة المؤتمر الوطنى ياهاشم ياخى طريق الانقاذ الغربى وفساد عمارة عبد الرحيم احمد حسين(انا متاكد ما سمعت بيها برضو) دى عمارة يا هاشم بنتها نفس الشركة البنت بيت الوزير وانهارت.. دحين فساد زى ده يا هاشم مفروض تعمل واحد فى حاجتين. اما تحقق مع رئيس الجمعية الشال الفلوس وتفصلو والا تقطع يده،او ترفع دعوى على صديق الموج بالقذف.. الاختشوا ماتوا زماااااااااااااااااااااااااااااااااااااااااااااااان،،،،
| |
|
|
|
|
|
|
عزة السودان (Re: ود الباوقة)
|
ود الباوقه شكرا علي الطرح والتوثيق والإعلام أن تقول للمحسن أحسنت فهذه ماركة اسلامية تؤجر عليها الاخ حسن وعبد الحي وجماعتهم ظلوا يعملون بصورة مستمرة وظلوا يبدعون علي الدوام رغم أن هناك من يشاركهم في المجال لكن يذهب الذبد جفاء نحن في انتظار الابداع التالي وقطعا سوف نراه كما تعودنا عند هذه الأسر التي لا تعرف المحال تحية لهم ولك وللريس ابو جهينه
| |
|
|
|
|
|
|
Re: عزة السودان (Re: علي الكرار هاشم)
|
تعتبر جمعية أسر عزة السودان علامة مضئية في منظومةالفعاليات الموجبة لأبناء الجالية السودانية بالرياض وظلت تقدم مبادرات جادة ونوعية وما ان تنتهي من فعالية ,إلا و تبدأ بكل ثقة في فعالية أخرى وتترك للمادحين والقادحين الاستمتاع برجع صدى أعمالها. وتعد الجمعية الآن لمفاجأة أخرى أكثر إبهارا ستحتل أجندة التناول اليومي بكل تأكيد . التحية لرئيسها الأخ الصديق حسن أحمد حسن ولكل العاملين في هذه الجمعية العملاقة
| |
|
|
|
|
|
|
Re: عزة السودان (Re: عوض أحمد عمر)
|
الطفل مقدام خالد عبد القيوم ومحاولة تجاوز الخوف علي ظهر (دحش ) موديل 2008
العنقريـــــب دا جبتــو مــن وين ياناس عزة السودان 0
كونوا معنا الصورة الجاية رهيبة !!
| |
|
|
|
|
|
|
Re: عزة السودان (Re: علي الكرار هاشم)
|
رغم أن هناك من يشاركهم في المجال لكن يذهب الذبد جفاء
اخونا على الكرار ..
تعرف المشكلة هي الذين لا يعجبهم العجب ولا الصيام في رحب . يعني بالله لو تكاتف الجميع كل بما يملك من مهارات وامكانيات ومواهب تصور كيف يكون الحال . لكن نحن شعب الله ( المشاتر ) في الارض كل يسحب في الاتجاه العكسي للاخرين ويحاول النيل منهم وتشتيت جهودهم وفي نهاية المطاف تتساقط الاوراق اليابسة وتزداد المخضرة اخضرارا . ما شهدناه في جمعية اسرة عزة السودان لا ينكره الا جاحد او مكابر او ( متبوبر ) وما اكثرهم هنا بالرياض .. وفقكم الله رئيس واعضاء الجمعية الموقرة وكلل جهودكم لما فيه الخير للجميع ...
ود الباوقة
| |
|
|
|
|
|
|
Re: عزة السودان (Re: mahmed alhassan)
|
العيادة الطبيــــــــة حاضــــرة سعادة المستشار تاج السر عثمان سليمان وفحص الضغط الحمـــد لله بخير 0
فعلا اول ما دلفنا مقر الجمعية كان عبر بوابة العيادة الطبية وقـــد شاهدنا الاختصاصيين ومسانديهم يعملون بهمة ونشاط ويبذلون جهدا مقدر في سبيل انجاح هذا اليوم الرائع .. المستشار تاج السر محمد عثمان قام بقياس ضغط دمــــه ولكن حتى اللحظة لم نعرف نتجة القياس الا ان المؤشرات تبين انه اكثر من الطبيعي حيث ان ابتسامة الرجل المعهودة لم تفارقه طيلة تجواله في اروقة المعرض ..
والله يا محمد الحسن يا اخوي ما قصرت تب ...
واصل ونحن لك متابعون ...
ود الباوقة
| |
|
|
|
|
|
|
Re: الوطن في رحاب جمعية أسرة عزة السودان بالرياض ... (Re: ود الباوقة)
|
يشتكى بعض المنتسبين الى جمعية اسر عزة السودان من انهم دفعوا مبلغ 500 ريال مقدم لاعطائهم قطع اراضى بالسودان وعندما سالوا عن حقوقهم مازال رئيس الجمعية يتهرب من الاجابة...ولان سيدنا عمر قال لو ان بقلة عثرت بشط العراق وفى ذكاءكم بقية الاسطر نسال سعادة الاستاذ احمد يوسف القنصل العام بالسفارة عن تلك الاموال باعتبار تلك الجمعية مسجلة بالسفارة والسفارة وجهاز المغتربين والمؤتمر الوطنى يرعون كل انشطتها كان لزاما عليهم ان يراقبوا مواردها ومنصرفاتها وهم الذين يدفعون لها ويسخرون لها من الامكانيات ما لم يتثنى لباقى المؤسسات التى تشبهها سعادة القنصل ارجوا ان تتحرى فى الامر ..ولنا عودة طويلة بقائمة للذين دفعوا مقدم ولم يستلموا شىء لا المقدم ولا الارض،،،
عشان خاطر هاشم نورد كل ما جاء بالرابط
Quote: و يا ريتك لو ما رجعتني ليهو عشان اقراهو: يا أخي (يتثنى) دي بيكتبوها (يتسنى) بالسين و ليس بالثاء ... و تاني أوعك تقول لي جعلي و جدي العباس .. نعلمك لي متين يا أخي؟ و بعدين إبن عمك داك مدرس لغة عربية .. ما تكابر ساكت و خليهو يحسن ليك العربي بتاعك شوية .. ما تخاف ! عربي بس والله ...عشان بالك ما يمشي بعيد!!
هاشم فى دى انت صاح وادينى صفر من عشرة فى العربى لكن ما تبقى زول انصرافى قدر ده.
Quote: طيب تتكلم عن الأراضي! يا صديق حكاية الأراضي تتوزع من خلال جمعيات و كيانات ما ظهرت في الرياض من أسر عزة السودان! و أنت تعلم علم اليقين كيف بدأت و من الذي سن هذه السنة! و من هم الذين احتشدوا في فندق القصر الأبيض بالرياض و وزعوا الأراضي و بمقابل رسوم لصالح الجهة المبادرة! والله إن كانت سنة حسنة فلهم الأجر و اجر من تبعهم و إن كانت غير ذلك..أسألك لماذا سكت عن تلك و انتقدت هذه؟ خيار و فقوس؟
الاخوان الصحفيين قصدك؟لكن هل انا سالت عن من استلم قطعة ارض؟.انا سؤالى واضح انا عارف من ردك الفوق تريد ات تزوغ لان هذه هى عزة السودان فرع المؤتمر الوطنى ولان رئيسها هو الذى استلم اموال الناس بالباطل ولم يسلمهم اراضى ولا الفلوس.
Quote: و حقيقة أنا غير ملم بمسألة من دفع و لم يستلم و لماذا لم يستلم.. لأنني لم أتقدم بطلب لذلك .. و لكن من المؤكد إدارة الجمعية عندها الخبر اليقين و أنا شخصياً أعرف العشرات من أعضاء هذه الجمعية لم أسمع من أحدهم شكوى و لا حتى مجرد ونسة بهذا الخصوص ! الكلام ده انت جبتو من وين؟ و حتى اشعار آخر نقول برافو عزة السودان بقيادة الشاب حسن أحمد حسن ابو (عمر أحمد حسن).
انا متاكد خبر زى ده انت ما بتدور تسمعه مش ما سمعته ولكنه حاصل وبما انها جمعية المؤتمر الوطنى اسال وسوى فينا اجر ورى الناس دى فلوسها وين؟تراك سمعت..
Quote: الكلام ده انت جبتو من وين؟
وده سؤال تساله يا هاشم ما كضبت ساكت وقطعتوا من راسى!!! ياخى عيب معقول موضوع زى ده ما اتناقش فى اروقة المؤتمر الوطنى ياهاشم ياخى طريق الانقاذ الغربى وفساد عمارة عبد الرحيم احمد حسين(انا متاكد ما سمعت بيها برضو) دى عمارة يا هاشم بنتها نفس الشركة البنت بيت الوزير وانهارت.. دحين فساد زى ده يا هاشم مفروض تعمل واحد فى حاجتين. اما تحقق مع رئيس الجمعية الشال الفلوس وتفصلو والا تقطع يده،او ترفع دعوى على صديق الموج بالقذف.. الاختشوا ماتوا زماااااااااااااااااااااااااااااااااااااااااااااااان،،،،
فوق حتى يسمع من باذآنه وقر،،،
| |
|
|
|
|
|
|
Re: الوطن في رحاب جمعية أسرة عزة السودان بالرياض ... (Re: ود الباوقة)
|
Quote: أما فيما يخص الأراضى لأعضاء الجمعية ؛ فالجمعية ليست الأولى أو الأخير لتمنح قطع أراضى ، كما أن أى من سدد قطعة أرض إما تسلمها أو ينتظر ... ومن يغلبه الإنتظار ، عليه التوجه للجهة التى سلمها فلوسه ليستردها فوراً . كما أود أن أؤكد بأن الأخ حسن أحمد حسن ليس له أى صلة بالمبالغ المدفوعة البتة ... ولم يأت لنا أحد لأسترداد مبلغه ورددناه ... ويكفى أن أعضاء عزة السودان منحوا عدد (296) قطعة أرض من أولى لثالثة !؟
وأود أن أهمس لمن يتهمون الناس أن تكون لديهم بينّة قبل رمى الطوب ... وختاماً ... نكرر شكرنا لكل من ساهم معنا فى إنجاح يوم التراث الوحدوى السودانى ... والى الأمام . |
الاخ العزيز ابن عمر تحياتى حقيقة انا لااعرف موقعك فى الجمعية ولكن اشكر لك ان كتبت هنا ومع تقديرنا لما اوردت الا انك الى الان لم تجاوب على السؤال المطروح؟ ماهو مصير المبالغ التى تم استلامها من بعض الاعضاء والى الان لايعرف لها مصير..فقط صرحت ان من دفع عليه ان ينتظر ولكن لم تحدد وقت. الى متى هذا الانتظار؟؟ وكيف يكون حسن ليس له صلة بالموضوع وهو الرئيس..اذن من نسال؟؟ او حدد لنا شخص لنساله عن الاموال والتى اثبت ان الاعضاء دفعوها.. نرجوا ان نجد الرد الشافى عندكم ودمتم،،،
| |
|
|
|
|
|
|
Re: الوطن في رحاب جمعية أسرة عزة السودان بالرياض ... (Re: ود الباوقة)
|
Quote: لكن انا مقتنع انه فعلا كان يوم يستحق انو الواحد يحضره وليك التحيه والتقدير |
إيهاب نميري يارائع إنت إنسان وليك كيانك المستقل ولهذا أبديت رأيك بكل إستقلالية ووضوح وشجاعة ورجولة وما يمليه عليك ضميرك حتى أنا رغم واجعاني كلمة تراث الدخلوها ناس عزة السودان وكل جمعية تكون عايزة تعمل ليها حاجة تقوم تدخل التراث في شغلها - لكن ما باليد حيلة - لقد كان عملهم مميز وفعلوا ما لم يفعلوه أهل التراث - واجتهدوا - ونالوا التقدير مننا ومن غيرنا - وفقنا الله وإياهم لما فيه مصلحة السودان والسودانيين - وأمثال ناس عزة السودان نقف معهم وبكل قوة حتى يواصلوا التميز ويقدموا افضل مما قدموا
| |
|
|
|
|
|
|
Re: الوطن في رحاب جمعية أسرة عزة السودان بالرياض ... (Re: ود الباوقة)
|
الاخ ودالباوقة سلام
امانة الكلمة تقتضي ان نقول جمعية اسر المؤتمر الوطني بالرياض .
Quote: الملفت للنظر ان معظم جمعيات العمـل المدني بالرياض تتبع اسلوبا واحـــــــدا في اقامة احتفالاتها ومعارضها . ولكن ما رأيناه بالأمس شيء مختلف تماما . دقــــــة في التنظيم وتنوع في اجنحة المعرض |
فعلا مختلف لانك تري بعين اهل المؤتمر هل دقة التنظيم ان يمرالمشاهد بواسطة بودي قارد يفتح لة الطريق للمرور .
Quote: فلذات اكبادنا انضباطهم كان عاليا وعطاءهم كان ثرا ومميزا. السودان بكل اقاليمه كان حاضرا وممثلا في هذه الأجنحة ليؤطر لوحدة وطنية شاملـــــة بعون الله تعالى شمال السودان . شرقه وجنوبه ووسطه تجسد بكافة فعالياته . رواد ورائدات التعليم في ( سفر ) بكسر السين في معرض ضخم اقامه ابناء وبنات رفاعة الاجلاء .. التحية والاجلال لكل من وقف خلف هذا العمل القوي الرائع .. |
سودان المؤتمر الوطني اما السودان بكل مكوناتة الثقافية والسياسية التي نعرفها ان كنت صادقا فاذكر لي منظمات غير سودانيز اون لاين ومكونات المؤنمر الوطني كانت حاضرة تلك الليلة .
هل انقرض الاطباء السودانيين حتي تستعينوا بالممرضات الفلبينيات ومن اين تدفع اجورهم ؟؟؟؟؟
كيف يكون تنظيم الاطفال دقيقا ولهم ابداع اذا كان رئيس الجمعية شخص انتهازي نغعي تتحدث عنة كل الالسن وصحفيتة سوداء ؟؟؟؟؟؟
وهنالك كثير من التفاصيل ساحتفظ بها لحين
| |
|
|
|
|
|
|
Re: الوطن في رحاب جمعية أسرة عزة السودان بالرياض ... (Re: mahmed alhassan)
|
الأخ الكريم الريس / ود الباوقة .. تحياتى واحترامي
مشهد تشويقى زى ده مش ممكن يكون فاتنا إذاي !!
بس المحيرنى قالوا شوهد الأخ / يوسف السمانى يتحاوم بهناك صحيح ؟
يعنى نقدر نقول الأمر حقيقة من الصالحية إلى كان !! والله إنتو يا ناس التمكين
تعملوا أكثر من كدة !! ده واجب وبرضك من الشريعة الواحد لازم يكون محضر خير
وأصلحوا بين أخويكم .. بعدين بالنسبة للضور هنالك مراقبين اكيد قريب ده تسمع
مع الانتخابات العلى الأبواب حسن احمد حسن وزير ولائى !!
| |
|
|
|
|
|
|
Re: الوطن في رحاب جمعية أسرة عزة السودان بالرياض ... (Re: ادم الهلباوى)
|
الاخ الهلباوي سلام
Quote: بس المحيرنى قالوا شوهد الأخ / يوسف السمانى يتحاوم بهناك صحيح ؟ |
الهلباوي لماذا تحتار فانا نائب السكرتير العام للجنة التفيذية لبورداب الرياض واشارك في اي دعوة توجة للبورداب اما التلميح فارفضة موقف من المؤتمر الوطني لن يتغير ولا اسعي لمكسب شخصي ولا اقف في المنطقة الرمادية .
Quote: بعدين بالنسبة للضور هنالك مراقبين اكيد قريب ده تسمع
مع الانتخابات العلى الأبواب حسن احمد حسن وزير ولائى |
لا نستبعد ان يكون وزير في عهد الفساد المالي والاداري للانقاذ لان الوزير مؤهلاتة النصب والاحتيال وسرقة اموال البسطاء وبيع اراضي في الاسواق بايصالات وهمي دبل كيت مع ارنيك عضوية ومعي كثير من الشواهد وتسلم المبالغ للرئيس وليس للبنك لتورد في حساب الاراضي ولقد ناقشت ذلك مع الاخ عبدالحي ابوزيد الذي قال ان مدير الاراضي في السودان كلف حسن احمد حسن باستلام مقدم قطعة الارض . التي تباع في الحواري وكان النقاش عقب صلاة الجمعة بحضور نجيب عبدالرحيم وصلاح .
| |
|
|
|
|
|
|
Re: الوطن في رحاب جمعية أسرة عزة السودان بالرياض ... (Re: ود الباوقة)
|
Quote: لا نستبعد ان يكون وزير في عهد الفساد المالي والاداري للانقاذ لان الوزير مؤهلاتة النصب والاحتيال وسرقة اموال البسطاء وبيع اراضي في الاسواق بايصالات وهمي دبل كيت مع ارنيك عضوية ومعي كثير من الشواهد وتسلم المبالغ للرئيس وليس للبنك لتورد في حساب الاراضي ولقد ناقشت ذلك مع الاخ عبدالحي ابوزيد الذي قال ان مدير الاراضي في السودان كلف حسن احمد حسن باستلام مقدم قطعة الارض . التي تباع في الحواري وكان النقاش عقب صلاة الجمعة بحضور نجيب عبدالرحيم وصلاح . |
ود الباوقه ما عامل فيها رداد عارية ماترد على نوع الفساد حق رئيس الجمعيه الشايل ليك ليه طار وقربت تطلعوا بطل ده.. ود الباوقه ان تكون مؤتمر وطنى ،بعثى،ختمى هذا شانك ولك مطلق الحريه ان تعتنق ما تشاء من مذاهب.. ولكن ان تطبل للص فهذه لا تشبهك ابدا،،،
| |
|
|
|
|
|
|
Re: الوطن في رحاب جمعية أسرة عزة السودان بالرياض ... (Re: صديق الموج)
|
ود الباوقه ما عامل فيها رداد عارية ماترد على نوع الفساد حق رئيس الجمعيه الشايل ليك ليه طار وقربت تطلعوا بطل ده..
الرجل لا يحتاج الى طار مني او من غيري فطالما انه يراس جمعية بحجم عزة السودان
معني ذلك ان هناك اجماع عليه وانه يستحق ذلك ..
ولكن ان تطبل للص فهذه لا تشبهك ابدا،،،
اخي ود الموج ..
من السهل الصاق التهم جزافا ولكن من الصعب اثبات ذلك ...
بعدين ازيدك من الشعر بيتين جمعية اسر عزة السودان لم اتشرف بدخولها غير هذه المرة وقد عكست بصدق حجم الانجاز الذي شاهدته .. هل في ذلك تطبيل ؟؟ صديق ما تزعل نفسك .. خذ الامور بالساهل ..
ود الباوقة
| |
|
|
|
|
|
|
Re: الوطن في رحاب جمعية أسرة عزة السودان بالرياض ... (Re: ود الباوقة)
|
الاخوة الكرام / ود الباوقة وود السمانى وود الموج وحتى حسن احد حسن
رغم إختلافات توجهاتكم وانتماءاتكم بالنسبة لى إخوان ومحترمين جدا كمان
سؤالى كان برئيا بس كنت داير اضيف لمعلوماتى المتواضعة إنو فعلا ما يقال
حقيقة إنها دنيا المتغيرات بحيث ان كل يوم جديد مع موضوع جديد وبإندهاش
بعدين المدهشنى حقا بعد المسافة ما بين الصالحية وكان وفى انصاص الليالى
ويشاهد أخى المحترم / يوسف السمانى وياليتكم لو تعلمون ساهرت تلك الليلة
أقلب فى المور ولم أستهدى غلى مبرر موضى ولما وجدت البوست وتصويره لذلك
المشهد قلت كده اتأكدعشان ما اكون ضحية قوالات .. وطوالى جيت توش متداخلا
خاصة بعد ملاحظتى للصورة التى تجمع ما بين الريس أبو جهينة والريس ود الباوقة
والأستاذ/ محمد الحسن ولم أشاهد اخونا ود السمانى عرفت إنها إشاعة وقلت برضك
يا ود أحسن تتأكد ارجوان لا تفهمونى خطأ لا تلميح ولا... مع تحياتى وفائق إحترامي
بس حكاية نشال وقطاع محافض دى أنا بره منها .. لكن يمكن أن أواجه وأحاور
بملئ ( قدومى ) من دون حساسية يا جماعة وعلى قول مثل أولاد بمبة برضك نحن إخوات !!
| |
|
|
|
|
|
|
Re: الوطن في رحاب جمعية أسرة عزة السودان بالرياض ... (Re: ود الباوقة)
|
Quote: اخي ود الموج ..
من السهل الصاق التهم جزافا ولكن من الصعب اثبات ذلك ... |
ود الباوقه انت تعرفنى .. وهل تعتقد مجرد اعتقاد يمكن ان ارمى شخص بمثل هذه التهمة جزافا... هو يعلم ان عندى من الاثباتات ما يدهشك.. انا ليس بالجهل ان اتهم اى انسان.. والا لاتهمتك انت وهمام ومحمد الحسن وكل من ينتمى للمؤتمر الوطنى ولكن لا افعل ذلك قطعا مهما اختلفت مع اى شخص,, عليه الساكت على الحق شيطان اخرس.. انا فتحت بوست بهذا الامر ونقلته الى هنا.. والان مرة اخرى اطالبك ان تحقق معى ومعه وقتها سوف ترى مدى صدقى او كذبى ولكن لو اثبت لك غير ذلك..يجب ان تكون صادقا مع نفسك وتاتى الى هنا وتكتب ما سمعت..
ازيدك من الشعر بيت هذه الوصله:Quote: لا نستبعد ان يكون وزير في عهد الفساد المالي والاداري للانقاذ لان الوزير مؤهلاتة النصب والاحتيال وسرقة اموال البسطاء وبيع اراضي في الاسواق بايصالات وهمي دبل كيت مع ارنيك عضوية ومعي كثير من الشواهد وتسلم المبالغ للرئيس وليس للبنك لتورد في حساب الاراضي ولقد ناقشت ذلك مع الاخ عبدالحي ابوزيد الذي قال ان مدير الاراضي في السودان كلف حسن احمد حسن باستلام مقدم قطعة الارض . التي تباع في الحواري وكان النقاش عقب صلاة الجمعة بحضور نجيب عبدالرحيم وصلاح . |
.
اتمنى ان تستصحب ان اراضى السودان بتتباع باورنيك 15 هذا للعلم... ود الباوقه نحن لانتهم انسان بالباطل مهما كانت المفاوز،،،
| |
|
|
|
|
|
|
Re: الوطن في رحاب جمعية أسرة عزة السودان بالرياض ... (Re: ود الباوقة)
|
يا جماعة المثل بقول ( المابتلحقوا ... جدّعوا)
عموماً لابد من الإشارة الى أن جمعية أسر عزة السودان (الأصل) دى جمعية خيرية تطوعية ثقافية إجتماعية قصدت خدمة أعضاءها ممن ظلوا بالغربة ولم يمنحوا قطع أراضى ... فكان أن سعت الجمعية لذلك وتنادى الأعضاء طوعاً لنيل القطع ... ودفعوا القسط الأول للأرض وتم سداده لهم ومنحوا أراضيهم التى يتمتعون بها ... ومنهم من لم يوفق لضيق الفرصة وتمت مشاورتهم إما لأخذ مبالغهم أو الإنتظار لفرصة أخرى وللدهشة معظمهم فضل الإنتظار ... فى حين أن الجمعية طلبت منهم مراراً وتكراراً أخذ فلوسهم ... وهذا يبين لكم مدى الثقة التى لديهم تجاه الجمعية ... ومازلنا نقول ... ومن خلال هذا المنبر لكل من سدد مبلغاً ويريد إستعادته أن يأتى للجهة التى سلمها مبلغه ويسترده اليوم قبل الغد ... علماً بأن الجمعية تخطر كل متقدم بأن الأمانة تقتضى أن يستلم الفرد إيصالاً مقابل المبلغ الذى يدفعه ويعتبر هذا الإيصال مؤقتاً لحين منحه الأرض وصدور (أرنيك 15) الخاص بالأراضى ... وللأخوة الذين يدعون بأن لديهم إثباتات أن يتقدموا بها للجمعية لصرف المبالغ و أن يبرزوها لأستلام مبالغهم ... ونرجو من الأخوة بدلاً من تلطيش الكلام أن لايجعلوا الأمر مثار ضحك وتريقة لأنو دى أمور مواطنين مغتربين وليست لعباً ... ويحاولوا من خلالها تشخيص مثاقبهم على الجمعية ... مثلها ومثل ( ليه جابوا ممرضات فلبينيات !؟ أما لو كان الخلاف شخصى ... فهذا ليس مكانه لأن هذا العمل الذى تم تقديمه جهد للكثير من أبنائنا وزملائنا الذين لايهمهم خلافات أولئك الشخصية مع أى فرد ؛ بقدر مايهمهم أن يكون عملهم أرضى الجمهور ووجد صدىً طيباً لدى مشاهديه ... نأسف لدفعنا لقول ذلك
| |
|
|
|
|
|
|
Re: الوطن في رحاب جمعية أسرة عزة السودان بالرياض ... (Re: mahmed alhassan)
|
إلحاقاً لمداخلتنا الأخيرة ... نرجو من الإخوة الكرام ... أعضاء جمعية أسر عزة السودان الذين تقدموا للأراضى ولم يساعدهم الحظ لنيل قطع أراضى أن يتقدموا للجهة المختصة بالجمعية ومعهم إيصالاتهم المؤقتة حتى يتسنى للجهات المختصةمراجعتها وتقييم الأمر ، ومن ثم العمل على : إما رد أموالهم المدفوعة ، أو تحديد موعد نهائى لهم للرد على طلباتهم المقدمة مع الجهات المختصة . وذلك لقفل الباب حول هذا الأمر حتى لايصبح مطية يركبها كل من يود النيل من جمعيتكم.
وإشارة خاصة ... مازلنا نتلقى إتصالات التهنئة بنجاح مهرجان التراث الوحدوى السودان الشامل من الكثير من الجهات والأفراد وجمعيات المجتمع المدنى ... والى مزيد من البذل والعطاء لعكس وجه السودان المشرق .
| |
|
|
|
|
|
|
|