|
يا حبيب .. عملتها ظاهرة .. نفترض ما عايز اشــاركـ !!
|
.. . أنتو يا حبايب اللينك الختاها الحبيب بكرى دى .. شايفنها !!؟ ( شارك فى اختيار بوست الشهر ) حركة جديدة بس شكلها اجبارية نفترض ما عايز اشارك .. ولا فى بوست يستاهل .. لازم نصوت ويفوز .. وفى داعى ما يختها لينا فى المانشيت وخلاص ..
عارف يا حبيب .. اللينك دى قاعده تشوه منظر البوست لمن الواحد يفتحو - وجهة نظر - بعدين بالجد الدعايات البقت تظهر جوه البوستات .. زى بتاعت قوقل وشركات الحجز وتحويل الاموال .. فى وسط البوستات برضو شوف ليها حل ..
اى دعاية خليها فوق .. ما تشوه الداخل دا .. انت توجيهات نوبي دى ما كنت شغال بيها الحصل شنو ؟؟
اجمل شئ فى المنبر دا يا بكرى صدقنى الكلاسيكية فى التصميم اى حركة جديدة مش لانها ما مفيدة لكن بتظهر غير حضارية ..
ولا انت شايف شنو؟؟
________________
كيكى ممكن تتفق معاى فى الحته دى !!؟
|
|
|
|
|
|
|
|
Re: يا حبيب .. عملتها ظاهرة .. نفترض ما عايز اشــاركـ !! (Re: Tabaldina)
|
.. .
Quote: يعني المنبر ناقص مشاكل .. انت يا بكري ما عارف انه اغلب الناس هنا عندهم كاروشة نفسية وبضايقوا من أقل حاجة .. تجيب ليك موضوع تقول دا موضوع الشهر ينط مليوم واحد في حلقك يقول ليك اخترت الموضوع دا ليه .. والزول الكاتب الموضوع دا كوز .. وسرق قروشي .. وحرق لينا حواشتنا .. وطردني من السودان ما لقيت حتة امشيها غير امريكا .. وهسع من شدة الحزن ضارب لي كم عبار كدا .. وبغالب دمعي واتصبر .. |
والله كلام حميدة دا انا قريتو قبال شوية ونعم العقل ..
فى داعى لموضوع الشهر دا انحنا ناقصين نقة
_____________
شكراً يا حميدة للاتفاق
| |
|
|
|
|
|
|
Re: يا حبيب .. عملتها ظاهرة .. نفترض ما عايز اشــاركـ !! (Re: Tabaldina)
|
تبلديكم صباحاتكـ بنكهة قهوة تركية مظبوطة .. الريس شغال ياخ .. بعدين القصة ما بتظبط من اول يوم .. في حاجات بتاخد وقت شوية !! قصة الاعلان دي افضل انها تكون بين المداخلات بدلا عن داخلها .. و الريس بياخد قروش عليها .. يعني ممكن اي زول يعمل كلك حتي لو بالغلط يوم في الشهر !!
بتتعود عليها يا عمكـ .. بس انت روق المنقة يا كلاسيكي
اما قصة المشاركة و بوست الشهر ده .. معاكـ في انها ما مجدية لانه في بوستات بنفس الفكرة .. بتنطرح ما بين الحين و الحين .. يمكن عزاءها الوحيد انها لما تكون من الادارة بيكون شكلها غير ..
_ بكري يا حبيب .. في المداخلة التالته و الرابعة المسافة بتاعت الاعلان موجودة .. بس خارجها بعد داك شكلها بيكون ظابط ..
| |
|
|
|
|
|
|
Re: يا حبيب .. عملتها ظاهرة .. نفترض ما عايز اشــاركـ !! (Re: Tabaldina)
|
.. . اصبحت صحيفتك الالكترونية هذه - كما قال استاذنا فضيلى - من اشهر الصحف الالكترونية ومصدر اساسي للاخبار فى صحف السودان وقنواته لذا .. عندما تضع خبر كعنوان اساسي ( مانشيت ) الرجاء التاكد من مراجعته وتصحيه لغوياً واملائيا .. لا اود ان احراج بعض الزملاء ولكن اعتقد انك تحتاج لمصحح لغوى ..
__________________
بوست كمال عوض ( اطلاق سراح سامى الحاج ) يعتبر سبق صحفي ويستحق ان يوضع كمانشيت ..
| |
|
|
|
|
|
|
Re: يا حبيب .. عملتها ظاهرة .. نفترض ما عايز اشــاركـ !! (Re: Tabaldina)
|
.. . المشاترة ووين ؟ يا ود العمارات البوست دا قديم ذو هدف ونقد بناء - وجهة نظر فى النهاية - بس لمن تجى مناسبة وتكتب بعض العناوين الرئيسية خطأ ولم يتم تعديلها من قبل سكرتير التحرير والمراجع اللغوى لازم نلفت نظر الريس ولا شنو رأيك ..
_____________________
شوف بس ( لن نرضى باطلاق صراحك يا سامى ) فى ذمتك عاجباك ولا ها .. انت عربيك برضو عربي جوبا
نو هارت فيلنغ بليززززززز .. ( دا انجليزى ابيي )
| |
|
|
|
|
|
|
|