|
Re: جوبا - نيوسايد - واو - التونج (صور فقط) (Re: دوت مجاك)
|
دوت ماجاك تحياتي وسلامي جميل أن تتلاقى الأفئدة وجميل أن تتعانق المشاعر والأجمل أن تجد الجو الشاعري الملائم الهادئ للحوار والتفاكر وطرح الجميل المفيد فاذا وظف كل شخص بعض وقته في هذا المنبر للتعريف بمكانه ومحله وقريته ومدينته ومنطقته سنجد انفسنا في سياحة دافئة نلتقي فيها تفرح عيوننا ويتغذى القلب من فرحتها فيتولد التلاحم والتلاقي شكرا لك دوت
| |
|
|
|
|
|
|
Re: جوبا - نيوسايد - واو - التونج (صور فقط) (Re: منزول محمد توفيق)
|
دوت العزيز .. سلام شديد في الأول ، لأنو دي اول مره أكتب ليك فيها ؛
عارف ، الجنوب ده أنا أول ما تجي سيرتو بتجي في ذهني خريطة ! .. مجرد خظوظ ونقاط ، وما عندي أي معرفة بصرية بيهو تخليني أكون رؤية تجاهه لمن أسمع خبر أو أقرا حاجه عنو .. يعني زي ما تقول بالعربي كده خيالي قاصر دونه ..
كل الجنوب الشفتو ، كان جنوب ساحات الفداء ، أو جنوب إنجازات حكومة الجنوب ، وده جنوب رسمي ما قادر أحسو .
واحد زيي محتاج لصور زي دي وأكتر .. صور عادية وعفوية وبنت اللحظة ؛ فيها الشوارع والعيون والناس العابرين على سهوة أمام الكاميرا ؛ محتاج ألقط تفاصيل وروح أكتر .. لأني لم أزر الجنوب ، زي ما لم أزر بلاد كثيرة في سوداني المحبوب ..
الإلفة البصرية مهمة لأنها بتدعم الرؤى ، ولأنها بتساعد على تكوين الأفكار ، ومرات كتير بتساعدنا الذاكرة البصرية على التحليل والفهم ..
أنا شاكر طبعاً ، ليك ، وكمان طمعان بطبيعة الحال في مجموعة أكبر للحياة اليومية في حياة الجنوب وإنسان الجنوب ( العيال والكبار ، الجلابه وأولاد القبايل ) ، الإحساس هيكون أوضح و أنصع من كلام كتير بيتكتب ..
بشكرك تاني (وتالت) ، ورابع وخامس (لو الله اداني طولة العمر ) ، بس خليك ورا الكاميرا ، أمام الناس ..
وانا في الإنتظار لغاية ما الدنيا تفتح علينا ونصل هناك .
| |
|
|
|
|
|
|
Re: جوبا - نيوسايد - واو - التونج (صور فقط) (Re: دوت مجاك)
|
الاخوة الاعزاء هذه جزء بسيط من الصور فقط وذلك لانى اعمل ترتيب وتنسيق لها ساكملها خلال اليوم
الاخ طلال عفيفى اراك فى اجراس الحرية تعرف متى تلتقط صورتك
وعشان عيونك اوعدك بانى سوف اضع فى يدك مجموعة كبيرة من الصور عند عودتى للخرطوم لانى ساعود غدا باذن الله
| |
|
|
|
|
|
|
|