|
مرحب بالجميلة سلوي غالب .... اضافة نوعية للمنبر
|
نعلن انضمام الاستاذة سلوي غالب لمنبرنا بقلمها الرشيق وقدرتها العجيبة علي الحكي .... فهي صحفية ذات خبرات متنوعة فقد بدات عملها بالصحيفة الرصينة الايام وعملت مراسلة لصحيفة الخليج الاماراتية ومتعاونةبمجلة بلادي وعملت كذلك بمركز الخرطوم لحقوق الانسان وهي بصدد العمل بجريدة اجراس الحرية حديثة الصدور والاهم من كل ده ان البنت عمة ..... فهي ابنة اخ الشاعرة الاستاذة رقية وراق ...... مرحب بالجميلة سلوي غالب
|
|
|
|
|
|
|
|
Re: مرحب بالجميلة سلوي غالب .... اضافة نوعية للمنبر (Re: كمال علي الزين)
|
(*)
معلومات إضافية:
(سلوى غالب) ياسادتي , (جميلة) , فارعة القوام ذات (لدغة ) مميزة حين تتحدث , ..
كانت تكبرنا عام دراسي واحد , لكنا كنا نتشابى لرؤيتها حين تغادر بعد إنتهاء يومنا الدراسي ..
فهي أجمل من رأينا , بل هي أول ما وقعت أعيننا عليه من (جمال) ..
أذكرها , ..
وضفائرها التي تنسدل خلف ظهرها , وهي تغادر , وتتبعها أعيننا , وهي تودع زميلاتها وتعلو ضحكتها تلك , ..
تلك الضحكة التي تجعلنا نركض ونرمى بأقلامنا وكراساتنا ونهتف (يا الله) ..
كانت شقيقة (دفعتنا زياد) , و(زياد) , كنا نصحبه إلى بيتهم بحياة والده (غالب) رحمه الله ..
كنا أصدقاء زياد , لكنا كنا نحسده على (سلوى) ..
لن أواصل ...
(لأني زعلان منها) ..
________________________________________________
ملاحظة هامة : مضى على هذا الحديث نيف وطاشر عام (عشان ماتتكسروا) ساي ..فربما كان هذا الجمال (في الباي باي الآن ) ...
(عدل بواسطة كمال علي الزين on 04-09-2008, 07:39 AM)
| |
|
|
|
|
|
|
Re: مرحب بالجميلة سلوي غالب .... اضافة نوعية للمنبر (Re: كمال علي الزين)
|
الزين/ كمال على الزين تحياتى واشواقى شكرا على الحضور الجميل وعلى سرد تفاصيل الطفولة والصباوالتى كشفت لى عن اشياء لم اكن اعرفوها فى ذلك الزمان كمال يا اعزائى اخ عزيز وصديق صدوق نشأنا فى حي واحد لا ادرى سبب زعلك منى ، لكن تأكد من انى ابد مابزعل زول وانا مابزعل منك بحكم انك اخى (الاكبر) (لاننى اشكك فى هذا العام الدراسى الواحد ومن يسبق من)
| |
|
|
|
|
|
|
Re: مرحب بالجميلة سلوي غالب .... اضافة نوعية للمنبر (Re: بهاء بكري)
|
بهاء يعنى بالطريقه دى حقو بكرى ابوبكر يشيل المنبر دى يكتب حلوانى ،فكهانى،مرطبات،حديقه،اى شى يتناسب رقة ولطافةومعرفة الناس البتقدموا فيهم ديل.. وبلا شك مادام بنت اخ الاستاذه رقيه وراق اذن هى ماخده الصنعه من كفلين.. شق حلال بلال اى ورثه شرعيه والبت كما يقولون عمه، والشق الاخر باطلاعها ومثابرتهاودربتها انتزعته عنوة واقتدارآ.. فهنئيا لنا بالتى جمعت المجد من اطرافه.. سلوى مشرفه سنى على النضال قلمك سوكى بالتسامح فمك فهنا ستجديننا اما شاكرا واما كفورا،وفى ذلك تكمن حلاوة منبرنا.. ننتظر مشاركتك وخلف سلوى استواااا يرحمكم الله،،،
| |
|
|
|
|
|
|
Re: مرحب بالجميلة سلوي غالب .... اضافة نوعية للمنبر (Re: بله محمد الفاضل)
|
Quote: لتضيف إلينا عمقاً جديدا |
(بلة) عن أي عمق تتحدث يااااااا(بلة)
وهل ستضيفه الآن ..
ياخي والله لو مازعلان منها ...
غايتو .. سكتنا ..
______________________________________
ياسيدي وأجرى على الله .. لقد رسمت على وجداننا وشمها منذ سنوات الطفولة الأولى
لكن (برضو) كعبة و(مزعلاني) ..
ياخي أحسن أمشي أنوم ...
| |
|
|
|
|
|
|
Re: مرحب بالجميلة سلوي غالب .... اضافة نوعية للمنبر (Re: كمال علي الزين)
|
إنّا لله يا كمال .. البنية مرقتها من الملة مره واحدة ؟ Quote: (سلوى غالب) ياسادتي , (جميلة) , فارعة القوام ذات لدغة مميزة حين تتحدث , .. كانت تكبرنا عام دراسي واحد |
ياخي رفقاً بالقوارير يا كيمو ياخ .. ما " يلدغ " هو العقرب و صويحباتها من أجناس العناكب .. أما " اللثغ " فهو محبب محبب .. قال المغني : حنّانا .. كاتلانا .. ( اللجَنَه ) الفي لسانها . و المعمر هو الدبيب ( و انت حجيري معمر يا طويل العمر .. بشهادة خضر حسين ) .. فلا يظنن امرؤ بأنك قد تصغر بنية كأختكم سلوى .. ( إنت ممكن تكون أصغر من أبوساندرا يا كيمو .. و بس ) .
مرحباً بسلوى الصحفية و الكاتبة .. أبقى لي جوه يا بنية .. حبابك ألِف .
يا بهاء بقيت تجيب الدرر ( لا تسعد بها صفة , فهي لصيقة بعزرائيل .. يُقال : الموت نقّاد ) .. و قد أفرحتنا بأول اصطفاءاتك : صاحبنا البديع عبدالله فلوت .. و ها تأتي بختامها المسك سلوى .
| |
|
|
|
|
|
|
Re: مرحب بالجميلة سلوي غالب .... اضافة نوعية للمنبر (Re: بهاء بكري)
|
Quote: والله تاني يابهاء المحكمة ماترجع ليك ملكية البوست ده |
معليش يا كمال اخوى قبيل انا عنونت مداخلتى لى سلوى وبهاء لكن يظهر انا غلطت واكرر اعتذارى،لانو بالطريقه دى مفروض تعنون المداخله كالتالى : الاخ كمال ثم كمال ثم كمال ثم كمال ثم كمال ثم كمال ثم كمال ثم كمال ثم كمال ثم كمال ثم كمال ثم كمال ثم كمال قال ثم من صدق لم يقل امك ولا سلوى قال كمال ايضا الرجاء قبول تاسفاتى.... بعد اذنك ممكن ارد على الثقيل اللى ما يسماش ابو شنب الوغد المدعى عماد..اذا بتريد... على راى اللبنانيين،،،
| |
|
|
|
|
|
|
Re: مرحب بالجميلة سلوي غالب .... اضافة نوعية للمنبر (Re: صديق الموج)
|
Quote: ارد على الثقيل اللى ما يسماش ابو شنب الوغد المدعى عماد |
قال ود الرضي : ( تَلّى اليُمنى .. و مشى مُتتاقِل ) .. هذا إن كنت أنا صاحب المقلات التي : ما رآهن عاقل عَقَل .. او بعضٌ من معاصمي جدلة و الكفيفات غوف .. أو لو أن بي ميلة العرجون يا زنديق .. أو لو أنني أموح و أرفل فوق هيبة .. يا
يا سغيل .. إني لحالقٌ شنب التابا ده .. أنّشوف تاني قولك كيف يا ود الموج ؟
.... معليش يا بهاء .. قريبك أشهر الحسام في وجهي .. و انا دنقلاوي عكليتة .
| |
|
|
|
|
|
|
Re: مرحب بالجميلة سلوي غالب .... اضافة نوعية للمنبر (Re: بهاء بكري)
|
حبيبنا بهاء بكرى ,, مرحب بسلوى غالب ,, ولا لاحتلال كمال على الزين لهذا البوست ,, يكفيه أن أشكره على السيره الذاتيه الباذخه التى أوردها عن سلوى ,, وعليه أن ( يتخارج سريع ) . أنا شايف اليومين دى فى موضة الارتباط بين بوردابى وبوردابيه , عشان كده أنا عائز سـلوتكم دى قبل ماتسمى , يكون فى اعلان فى الصفحه الاولى بعنوان ( الافراح تتوالى فى سودانيز أون لاين ,, خطوبة بوردابى وبوردابيه ) . خاصة وكل الاوصاف التى ذكرها كمال مطابقه تماما بلدغتها ,, يلا اتحرك يابهاء وشوف العمه ,, بس كمال ده بره الموضوع لانى بديت أغير من هسه ,,
بهاء حاول صلح لى سيرتى الذاتيه المهببه دى كان سلوى توافق ,,
| |
|
|
|
|
|
|
Re: مرحب بالجميلة سلوي غالب .... اضافة نوعية للمنبر (Re: بهاء بكري)
|
Quote: حبيبنا بهاء بكرى ,, مرحب بسلوى غالب ,, ولا لاحتلال كمال على الزين لهذا البوست ,, يكفيه أن أشكره على السيره الذاتيه الباذخه التى أوردها عن سلوى ,, وعليه أن ( يتخارج سريع ) . أنا شايف اليومين دى فى موضة الارتباط بين بوردابى وبوردابيه , عشان كده أنا عائز سـلوتكم دى قبل ماتسمى , يكون فى اعلان فى الصفحه الاولى بعنوان ( الافراح تتوالى فى سودانيز أون لاين ,, خطوبة بوردابى وبوردابيه ) . خاصة وكل الاوصاف التى ذكرها كمال مطابقه تماما بلدغتها ,, يلا اتحرك يابهاء وشوف العمه ,, بس كمال ده بره الموضوع لانى بديت أغير من هسه ,,
بهاء حاول صلح لى سيرتى الذاتيه المهببه دى كان سلوى توافق ,, |
كمال ثالم كده النرد عليك قبال الزول الثقيل الاثمو كمال الزين داك يجى.. اولا حكاية رضعنا من مزيره واحده فى مدرثة واحده قبلناها وحكاية انا قدرك بلعناها.. وحكاية عامل صاحبى وقاشر بى مشيناها.. لكن حكاية تقرأ افكارى دى محيرانى وجنى جن المداقره فى الجكث اولا انا خالكم الاغلى.... ثانيا ما ملاحظ انو حروف امنه اربعه وثلوى كذلك وايضا انا.. اذا هنالك وجه شبه كبير وكبير جدا بيننا عليه باثم بها الدين طلبك مرفوض وحكاية ثيرتك الذاتيه تتصلح مافى طريقه لانك بالطريقه دى حا تتطرانى اكب ثيرتك من زمن الدراثه وكنت حا احكى ليهم لما جيت المدرثه ضارب وطرشت فى الزير لكن ثترتك..وحكاية تقلع مننا قروش الفطور وقلت ياولد ابقى احثن منو وما تقوله..وحكاية الحاجه ثت الفول الاتدينت منها وزغت لكن برضو مافى داعى.. وحكاية رفدوك خمثين مرة وضربت الاثتاذ كف برضو قلت لا بفضحك.. دحين يا كمال ثالم رحبت وانتهيت؟؟عرض اكتافك قدمك لى ابو ابراهيم وثوق معاك الثقيل العامل زعلان منها واحتل البوثت داك....والله كان الزعل بدى مثاحة قدر كده انا امد قدومى من هنا لى مكان ثيرفر بكرى زاتو.. ثلوى انا برد ليهم ثمح... انعل ابو ما لثغة زاتو تانى ثمح.. يا اخواتى لثانى اتعوج،،،،
| |
|
|
|
|
|
|
Re: مرحب بالجميلة سلوي غالب .... اضافة نوعية للمنبر (Re: صديق الموج)
|
طبعا هي رسلت لي ايميل قبل كم شهر عشان اتوسط ليها عند بكري ابوبكر ... وانا طنشت بل مسحت الرسالة - موش على كيفي - وعندما رايت الترحيب للصديقة العزيزة سلوى ، قلت اكيد صديق - المكسراتي - او المسحراتي بيجي عاضي جلابيتو وجاري يتحكر ، غايتو الخال دة يا عماد الا نشوف ليهو شيتن نربطو يقعد بعيد ، ولمن طنشت ايميل العزيزة سلوى غالب فتح الرحمن وراق (طبقاً لشهادتي الميلاد والجنسية وجواز السفر ) كنت متاكد انو اذا جات سلوى هنا فان صديق موجنا هذا سينقلب على الجميع والان اراه يتلاصق بخفة وزنه مع كمال علي الزين - الذي رجع الى صباه ليؤكد تلاحم قوى الشعب العاملة تلاتة - ومع ذلك نصدقه ، ولانه سيكون خصيما على صديق الموج هذا - اكبر متسلبط في دنيا الله اكبر - والشابة الشايقية دي لسانها طويل وما بتخاف ، وقوية - والله يا صديق الموج تطقق هوك يلملموك فقرة فقرة - طبعا ياسلوى لازم نهرش صديق دة من الان ...وما شغلتي بالاخرين لانو ختري ختري ...
بمعنى انه كثير الكلام والعويل والصراخ ... مرحب بيك العزيزة سلوى ... ومرحب ببكاء صيوانو جاهز ... يا عماد عبدالله اجهزوا للفراش من اسعي ، واقيفوا في بوست منفصل قادم من الموج
وصية : كمال الزين معليش دة ترحيب بحذر ...
| |
|
|
|
|
|
|
Re: مرحب بالجميلة سلوي غالب .... اضافة نوعية للمنبر (Re: صديق الموج)
|
Quote: كمال ثالم كده النرد عليك قبال الزول الثقيل الاثمو كمال الزين داك يجى..
|
هو أنا بمشي عشان أجي ..
أنا يمين غير الزارعنا من هنا مايقلعنا ..
Quote: كمال ثالم كده النرد عليك قبال الزول الثقيل الاثمو كمال الزين داك يجى.. اولا حكاية رضعنا من مزيره واحده فى مدرثة واحده قبلناها وحكاية انا قدرك بلعناها.. وحكاية عامل صاحبى وقاشر بى مشيناها.. لكن حكاية تقرأ افكارى دى محيرانى وجنى جن المداقره فى الجكث اولا انا خالكم الاغلى.... ثانيا ما ملاحظ انو حروف امنه اربعه وثلوى كذلك وايضا انا.. اذا هنالك وجه شبه كبير وكبير جدا بيننا عليه باثم بها الدين طلبك مرفوض وحكاية ثيرتك الذاتيه تتصلح مافى طريقه لانك بالطريقه دى حا تتطرانى اكب ثيرتك من زمن الدراثه وكنت حا احكى ليهم لما جيت المدرثه ضارب وطرشت فى الزير لكن ثترتك..وحكاية تقلع مننا قروش الفطور وقلت ياولد ابقى احثن منو وما تقوله..وحكاية الحاجه ثت الفول الاتدينت منها وزغت لكن برضو مافى داعى.. وحكاية رفدوك خمثين مرة وضربت الاثتاذ كف برضو قلت لا بفضحك.. دحين يا كمال ثالم رحبت وانتهيت؟؟عرض اكتافك قدمك لى ابو ابراهيم وثوق معاك الثقيل العامل زعلان منها واحتل البوثت داك....والله كان الزعل بدى مثاحة قدر كده انا امد قدومى من هنا لى مكان ثيرفر بكرى زاتو..
|
نحنا قرينا مع (سلوى غالب)
وده يجي بدون خجلة يقول قرينا مع (كمال سالم)
على الحرام نحنا ماكنا بنغيب زاتو , يوم الجمعة بعد مانوصل المدرسة نلقاها فاضية حتى نعرف إنو اليوم جمعة ..
وإنتو قريتو مع (ناس جمعة) ..
عليك الله يا(الموج) ماتخرب سيرتك الذاتية بالشكل ده ..
أنكروا حطب ..
كما (أنكرنا من قبلكم أخانا خضر) ..
Quote: ثلوى انا برد ليهم ثمح... انعل ابو ما لثغة زاتو تانى ثمح.. يا اخواتى لثانى اتعوج،،،،
|
حيينا ..و بث
| |
|
|
|
|
|
|
Re: مرحب بالجميلة سلوي غالب .... اضافة نوعية للمنبر (Re: بهاء بكري)
|
Quote: هي شن جاب لي جاب وحاتك ده (دفعة) , (هاشم البربري) راجل خالتي وبناتو قدري ..
(طبعاً هو حايجي يقول لا دفعة عبده الصغير أخو هاشم البربري الصغير ماتصدقوه) |
كمال الحبيب كيف اصبحت؟؟ بسم الله سؤال بايخ .. ما انا عارفك اصبحت فى بوست سلوى ده زاتو..
راجل خالتك؟قال راجل خالتى!! يا اخوى ده اقدم من الشنقيطى سيد الشارع بالله بلغهم التحايا... لازلت اذكر طعمية عربيدة فوق الجبنه... وحاتك انا عبده زاتو مادفعتى انا دفعتى الفاتح بعدين بالله الديامه ديل لمهم من هنا سرى وعماد وابوساندرا... اخيرا يا اخوى سلوى بتسلم عليك وقالت ليك شويه من البوست ده وبترجعوا ليك ثمح....احى يا كلوى انت عارف اللثغة دى عند البنات بطلع د...الزول.. شكلها ادغام بغنه وكده..حولا مافى طريقه بكرى يحول الردود دى مثموعة.. كان حا يكون بختنا يا ثاحبى ووووووووووووب،،،،
| |
|
|
|
|
|
|
Re: مرحب بالجميلة سلوي غالب .... اضافة نوعية للمنبر (Re: أبو ساندرا)
|
Quote: شفت الاسم افتكرت المنبر فتح للصومال وشفت الصفة فتوجست خيفة لمعرفتي بتقيمات بهاء فيما يتعلق بالجمال ثم دخلت فاذا بي متحرشا بي
هسع بس عايز ارحب بالوهيطة دي ولو ماجات وردت على تحيات المتقاطرين اعلاه سوف نردم رقية و وليد وكل الوراريق |
إنتا صحيت يا(أبوالبنيات)
إنشاء الله صحتك كويسة , طبعاً (سلوى ) ماغريبة ياقريبي
وريناها كل عيوب (المكنة والشاسي) و(اللمبات والمراوح)
أنا برد بالنيابة عنها ..
والبوست زاتو حايمشي (مكتبتي) , ..
(سلوى): ماتجي للجماعة (الوحشين ديل) , أنا بنوب عنك ..
| |
|
|
|
|
|
|
Re: مرحب بالجميلة سلوي غالب .... اضافة نوعية للمنبر (Re: كمال علي الزين)
|
يا كمال على الزين : على بالطلاق ما لاقانى أوضح واجمل " مما كان العدو يتخيل" وعليك الله البوست ده ما تخلى لا لى حبيب لا عدو.
مرحب بيك يا سلوى، وكفاك جبتى لى عماد عبدالله ده هنا، الزول ده كتاب عديل بى خشم الباب، وأنا أقول بيجيب الكلام من وين ابن الكلب طلع تشكيلى، وحاتك كتابتو ياها بس جديع الألوان فى الموية، يا عمدة لك حبى وتحيتى. وما تقولو انا خرمت فمن الصعب القبض على عماد اليومين ديل. وياكمال أخوى ألحق حبشيتك ديك وتعال صادى. أهلا بسلوى التى عملت هذه اللمة العجيبة
| |
|
|
|
|
|
|
Re: مرحب بالجميلة سلوي غالب .... اضافة نوعية للمنبر (Re: عز الدين عثمان)
|
Quote: يا كمال على الزين : على بالطلاق ما لاقانى أوضح واجمل " مما كان العدو يتخيل" وعليك الله البوست ده ما تخلى لا لى حبيب لا عدو.
مرحب بيك يا سلوى، وكفاك جبتى لى عماد عبدالله ده هنا، الزول ده كتاب عديل بى خشم الباب، وأنا أقول بيجيب الكلام من وين ابن الكلب طلع تشكيلى، وحاتك كتابتو ياها بس جديع الألوان فى الموية، يا عمدة لك حبى وتحيتى. وما تقولو انا خرمت فمن الصعب القبض على عماد اليومين ديل. وياكمال أخوى ألحق حبشيتك ديك وتعال صادى. أهلا بسلوى التى عملت هذه اللمة العجيبة |
عزالدين عثمان
سلامات يا(شاعر ياحقيقي) ..
أوضح وأجمل .. (من سلوى يعني) .؟؟
البوست حق (خالنا بهاء)
والبت (بتنا ) ..
بس البخارج لينا صديق وكمال سالم من هنا شنو ؟؟
| |
|
|
|
|
|
|
Re: مرحب بالجميلة سلوي غالب .... اضافة نوعية للمنبر (Re: بهاء بكري)
|
ود الموج بالله بطل المقابضه ,, هى سلوى عويره ماقاعده تقرأ هنا طوالى ومتابعه عمايلك وزيجاتك المسياريه والاسفيريه ,, أنت كرت محروق ,, أمشى تابع التحرى بتاعك عن أمنه شوفها ولد ولا بت .
صديق : أنا خايفك تبقى ( عجلاتى ) كان أمنه طلعت ولد ,,,,
| |
|
|
|
|
|
|
Re: مرحب بالجميلة سلوي غالب .... اضافة نوعية للمنبر (Re: بهاء بكري)
|
اتيت يا أحبتى وفى يدى لكم هدية الحرف والاشواق والهوى ونسمة من ارضنا شذية اتيت احمل الوداد باقة ورودها السلام والتحية (سيف الدين الدسوقى) فى البدء شكرا جزيلا للمهندس بكرى ابوبكر على منحى عضوية المنبر وشكرا جزيلا للاخ وائل طه الذى توسط لى لدى بكرى والشكر اجزله للخلوق صاحب العقل الراجح والقلب الكبير الذى اكن له كل الحب والتقدير بهاء بكرى قال لى الكثيرون بأن اتحزم لدخولى هذا المنبر الا أننى لا اعتزم دخول معركة واتمنى ان اكون عند حسن ظن الجميع بى وان استفيد منهم قدر الامكان وبطبعى دائما متفائلة وليست كل المعارك شرسة وشريرة فى تقدبرى مرة ثانية اشكركل من رحب بى وجميع اعضاء البورد الاعزاء
| |
|
|
|
|
|
|
Re: مرحب بالجميلة سلوي غالب .... اضافة نوعية للمنبر (Re: Alsa7afa_30)
|
عزالدين عثمان ، الى جانب عماد عبدالله ، ابقوا عافية كلوو اما الذين حاولوا ان يتمترسوا خلف كلمات لا اول لها ولا اخر انهم اضاعوا علينا وقتاً ... اولهم صديق الموج .. ومن هنا اطالب السيد / بكري ابوبكر فصل المدعو صديق الموج اليوم قبل الصبح ، وندعو المشتركين - تعال هنا يا خدر - الى شجب المدعو صديق الموج وبكل كلمات الشجب والادانة والتنديد لصديق الموج ، هو عمل شنو يارب ... سلوى غالب دخلتك تعبانة جداً حقو تمشي المسرح تعرفي دخلة الفنان عندما يكون بطل المسرحية ... او اسألي سلمى الشيخ سلامة هي في البلد دي وكم قلنا وعزالدين لا يزال يسأل من هو الذي قال كلمة اخيرة لان الاستاذ عزو يحب الخواتيم وبرضو علي الطلاق .
| |
|
|
|
|
|
|
Re: مرحب بالجميلة سلوي غالب .... اضافة نوعية للمنبر (Re: بهاء بكري)
|
Quote: ود الموج بالله بطل المقابضه ,, هى سلوى عويره ماقاعده تقرأ هنا طوالى ومتابعه عمايلك وزيجاتك المسياريه والاسفيريه ,, أنت كرت محروق ,, أمشى تابع التحرى بتاعك عن أمنه شوفها ولد ولا بت .[/QUO
كمال سالم ان شاء الله ديمه سالم
دعاء الدخول:
يا حنان يا منان ياقدوس يا رحمن يامالك الملك ذو الجلال والاكرام اللهم نسالك بكل دعاء دعى به عبدك صلاح ادريس ان تنصر هذا البوست.. وان تذهب عنه الكمالين كمال سالم وكمال الزين ونسالك يا الله ان تعمى عنه الديامه كلهم وبالاخص مصطفى سرى وعماد عبد الله وابو ساندرا اللهم نسالك ان تشرح لاختنا سلوى صدرها وتيسر لها مقدمها وان لا تحلل (اللثغة)من لسانها كى ترد علينا.. بعدين ياكمال سالم هنالك قصة نحكيها كى لاتحاكيها.. عندنا جماعة جيراننا ..امهم مصريه ويظهر ان اهل الزواج كانوا معارضين زواج الولد من مصريه وصلت حد ان قاطعوه.. وبحكم ان امهم مصريه بالطبع لا يوجد لهم خيلان او خالات بالسودان وانجب ذلك الرجل خمسه بنات.. البنات طلعوا من النوع الفرجين الفاخر.. وحاتك البيت بس علبة ماكنتوش.. البنات سمحات جدا ومهذبات وغاية فى الادب.. وتوفى والدهم بعد ذلك..امهم مرة مكافحه تعبت لتربيتهم.. المهم فى زواج احداهن..كان فى واحد مشنط كده عمرة اواخر عشرينات.. مستلم ليك العرس ده مقاوله ..اى شى هو قايم فيه وتسمعوا ياخالتى عايده الطباخ قال يجيبو ليه زبادى اسمعى يا طنطه البنات ديل المشى معاهم الكوفير منو ومع البنات زاتن هاك اتصلى من جوالى ده.. والنوع البتكلم مع البنات وتلقى مشبك ايديه فى ايديهن.. والكلام بالغتى وها وها وها وها ومعاها رصعه برفق على كتف الواحده.. وزولك يتنقل بين البنات زى الفراشه..من ورده لى زهرة.. اولاد الحله عارفين الناس ديل ما عندهم اهل فى السودان وشامين الزول ده شمه مع حساده مبالغه.. وفى الحفله يرقص مع دى ويفك ديك، يقوم ديك ويجر ديك من يدها.. قمت سالت اخوى الصغير عن الزول ده منو وعلاقته بالناس ديل شنو؟ قال لى ما بتعرف الزول ده ؟قلت ليه ابدا... قال لى بالغت ياخ.. قلت ليه والله اول يوم اشوفه.. قال لى وبغضب خرافى ده ما ودخالة ايمان ابوصليب الخلف عمة بت حبوبة خالة العروس... اخر شى الزول ده طلع اخو زوجة خاله متزوج واحده قريبة الجماعة ديل.. دحين النسالكم..انتو عروسنا المحتفلين بيها دى بتبقى ليكم شنو؟؟ انى امنت باللصيق،،،
| |
|
|
|
|
|
|
Re: مرحب بالجميلة سلوي غالب .... اضافة نوعية للمنبر (Re: بهاء بكري)
|
و زي ما قال دكتور راشد الحاج:
Quote: ألف مرحب بالجميلة سلوي غالب ....بس لكن يا جماعة البوست دا حق منو ?أنا مخي متلخبط شوية.... تحياتي
|
يا دكتور دي إسمها البوست محروس و ستو تكوس .... و البركة في كمال الزين و ود الموج....
ألـــف مرحب بيك كتيييير يا ســـلوى و منورة المنبر بإذن الله ....
و مشكووور يا بهــاء و كيف عامل عسى أن تكون عال العال...
| |
|
|
|
|
|
|
Re: مرحب بالجميلة سلوي غالب .... اضافة نوعية للمنبر (Re: Raja)
|
طبعا ما عارف اشكر بهاء ولا كمال الزين علي الاضافة النوعية "انفاس الرياحين" عموما مرحبا بالجميلة سلوى غالب او كما قال
تخريمة اهداء للاخ كمال الزين
إذا عادت بنا الأيام للماضي كتبت على ثوانى العمر شعرا لا يدانيه .. غناء الطير وهمس الماء .. ووشوشة الضياء فيه إذا عادت بى الأيام يوما أيها الأحباب ولو فى زورق يمضى على الصحراء عبر سراب أنا ملاحه الفرحان .. يطرق مغلق الأبواب أدق .. ليس يعنيني لأنى قادم من حاضر اللحظات للماضي وبى شوق سيشعل صمت هذا الزورق الهادئ فيدفعه إلى الوادى .. إلى أفق أنيق النجم صداح البساتين وأشدو حين تأتيني .. فتاة لدغة العصفور أنفاس الرياحين بكفيها ولى فى عمق هدبيها .. حكايات وأشعار ولى فى شعرها المعطار .. أخبار أذا سالت على وديانها الخضراء أمطار إذا عادت بنا الأيام للماضي كتبت على ثوانى العمر شعرا لا يدانيه .. غناء الطير و همس الماء .. ووشوشة الضياء في ركبت زوارقي فيه أبحرت في شعر لها مجدول جعلت مشاعري جندول
الشعر المعطار :عثمان مالك
| |
|
|
|
|
|
|
Re: مرحب بالجميلة سلوي غالب .... اضافة نوعية للمنبر (Re: shaheed gadora)
|
صديقتى اللدودة هنا !! يا مرحبا يا مرحبا ..
عودنا بهاء بكرى على جلب الدرر الى هذا المكان , قبل ايام قلائل بشرنا بالانسان بمعنى الكلمة استاذ عبدالله فلوت واليوم يتحفنا بزهرة من نوع له ما له من خصوصية,, مرحب بسلوى بت غالب صاحبة القلم الانيق والاخلاق الرفيعه ,, مرحب بسلوى الناشطة فى كل ما هو معنى بخصوص حقوق المرأة وحقوق الانسان بشكل عام ,, ولمن لا يعرف استاذة سلوى فهى لها مشاركات متعددة داخل وخارج ارض الوطن بورش عمل من الحجم الثقيل متعلقة بأمر المرأة وهى مدافعة شرسة عن كلما يتعلق بقناعاتها .. مرحب بيك سلوى هنا بين اهلك وناسك وكم هى سعادتى وفخرى بوجودك هنا ,, انتظر منك الكثير
وحبابك الف وشكرا لصديقي بهاء
| |
|
|
|
|
|
|
Re: مرحب بالجميلة سلوي غالب .... اضافة نوعية للمنبر (Re: بهاء بكري)
|
( من صبر ظفر )
صديق الموج بالله بعد ماتقرأ مداخلات سلوى لى وليك تخلى عندك شوية دم وتستحى وتبعد بعيد من البوست ده لحدى مايجيك كرت الدعوه فى محلك ,, أصلو الموضوع بقى جد , وموية رمضان بسووا فيها . وسيرتى العايز تلطخها دى شفت قالوا عليها شنو ,, سيرة السرور ,, وحذروك قالو ليك أبعد من كمال ده وبراحه عليهو. شكرا ياسلوى لانك من أنصار ( راجل المره ) , وأنا من دربى ده وعلى بهاء , قشه ماتعتر لى ,
كمال على الزين ممكن تكون وزير عريس ؟
| |
|
|
|
|
|
|
Re: مرحب بالجميلة سلوي غالب .... اضافة نوعية للمنبر (Re: بهاء بكري)
|
وانا لم اراه الا ان اخبرتني العزيزة نهلة عمر
وبعدين تعالوا هنا نرحب شنو ياخ دي لي قندهار مشت معانا .. معناها خلاص بوردابية من زمااااان
سلوى مشتاقين ياخ ويتك انتي ... منووووورة شديد
ويا بهاء برضو مشتاقين ليك شديد تاني ما جاي ؟؟؟؟ !!!!!
ويا عوض حمزة تعال ليك يومين كدة في ربة تقيلة حا تحصل .. محتاجة لي كبشنق كبشنق !!
| |
|
|
|
|
|
|
| |