|
أحنُّ إلى خبزِ أمّي ....
|
أحنُّ إلى خبزِ أمّي
وقهوةِ أمّي ولمسةِ أمّي وتكبرُ فيَّ الطفولةُ يوماً على صدرِ يومِ وأعشقُ عمري لأنّي إذا متُّ أخجلُ من دمعِ أمّي
|
|
|
|
|
|
|
|
Re: أحنُّ إلى خبزِ أمّي .... (Re: محمد عبدالرحمن)
|
خذيني، إذا عدتُ يوماً وشاحاً لهُدبكْ وغطّي عظامي بعشبِ تعمّد من طُهرِ كعبكْ وشدّي وثاقي.. بخصلةِ شَعر.. بخيطٍ يلوّحُ في ذيلِ ثوبكْ عساني أصيرُ إلهاً إلهاً أصير.. إذا ما لمستُ قرارةَ قلبكْ!
| |
|
|
|
|
|
|
Re: أحنُّ إلى خبزِ أمّي .... (Re: محمد عبدالرحمن)
|
ضعيني، إذا ما رجعتُ وقوداً بتنّورِ ناركْ وحبلِ الغسيلِ على سطحِ دارِكْ لأني فقدتُ الوقوفَ بدونِ صلاةِ نهارِكْ هرِمتُ، فرُدّي نجومَ الطفولة حتّى أُشارِكْ صغارَ العصافيرِ دربَ الرجوع.. لعشِّ انتظاركْ..
| |
|
|
|
|
|
|
Re: أحنُّ إلى خبزِ أمّي .... (Re: محمد عبدالرحمن)
|
Quote: هذا البوست محتاج بشدة لتحميل رائعة محمد جبارة بحر المودة
وانا لا اجيد هذه التكنولوجيا |
ياخلى تحياتى ...
وماطالبنى حليفة من نزلت الابيات دى منتظر واحد اسمو(الهادى) عشان ينزل الاغنية بتاعت محمد جبارة ..
بالله شوف ..
لايفوت عليكم ان الكلمات للشاعر محمود درويش
| |
|
|
|
|
|
|
Re: أحنُّ إلى خبزِ أمّي .... (Re: محمد سنى دفع الله)
|
استاذنا السنى حبابك ..
وشكرا على الصورة التى عبرت عن الاحساس الذى اتى بكم جميعا الى هذا البوست ...راقبتك قبل ايام وان تتجول فى معرض الزهور وفى الحقيقة تروى حنينك الى مدنى بكلمات وصور ..فكرت فى الدخول عليكم وحال بينى وبينكم حائل ..وعقبال ماتتجول حقيقة وليس (اسفيريا) ..وحتما :
سنرجع يوماً إلى حينا ونغرق في دافئات المنى سنرجع مهما يمر الزمان وتنأى المسافات ما بيننا فيا قلب مهلاً ولا ترتمي على درب عودتنا يعز علينا غداً أن تعود رفوف الطيور ونحن هنا.
| |
|
|
|
|
|
|
Re: أحنُّ إلى خبزِ أمّي .... (Re: محمد عبدالرحمن)
|
Quote: لايفوت عليكم ان الكلمات للشاعر محمود درويش |
نحنا مافارقة معانا , لكن الحمدلله اللحقتها عشان كنا حا نشوف بوست (تشهيري)
مع فرق بسيط ..
ناس تسرق من سجيمان ..
وناس تسرق من (محمود درويش) ..
بعدين (نقطتي) دي معناها حاجز , ..
جاييك بي بضاعتي , و(عصيدة) أمي , ..
أنا غايتو لو زروك في الحقوق الأدبية ..
أصلو ماخسااااني ..
| |
|
|
|
|
|
|
Re: أحنُّ إلى خبزِ أمّي .... (Re: كمال علي الزين)
|
مع Quote: فرق بسيط ..
ناس تسرق من سجيمان ..
وناس تسرق من (محمود درويش) .. |
ياعزيزى ..
هو نعم فى تشابه فى النفس الشعرى لكن مابالمستوى اليخلى الناس ماتمير بينى وبينو
عموما حاول (اتملقنى) شوية بخصوص روايتك الرابطة على مكتبى ...
العصيدة جاييها برواقة ..
| |
|
|
|
|
|
|
Re: أحنُّ إلى خبزِ أمّي .... (Re: محمد عبدالرحمن)
|
يا أخوي إنت الخبز شوفتو ويييييين ؟؟ غرقان في الكسرة لي إضنينك .. والرغيف ده ما كنت بتشوفو إلا أيام السوق في البلد كل يوم إثنين وخميس.. وكمان قال خبز قال ؟؟ والله رجعتك بقت صعبة يا اخوي .. خلّيهو عيش كان بلعناها وقلنا ممكن لكن خبز مرة واحدة ؟ عافي منك والله .. تراكا انت من النوع البقا يقول خبز وإيش لون البذورا !!!!! هييييييييييييييييييييييييييييييييييييه دنيا ..
| |
|
|
|
|
|
|
Re: أحنُّ إلى خبزِ أمّي .... (Re: خضر حسين خليل)
|
Quote: أحنُّ إلى خبزِ أمّي |
يا سلام يا محمد عبدالرحمن! هذه القصيدة تعودت ان اهديها الى البورداب عند كل عيد طيلة سنين البورد! سعادتى لا توصف هذه الايام وامى فى زيارتى كما يقول اهلنا البسطاء: الجنب امو ما فى حاجة تهمو! وكما قيل (شكسبير) ان لم تخنى الذاكرة: ليس هنالك وسادة انعم من حضن الأم او وردة اجمل من ثغر الأم! جنى
| |
|
|
|
|
|
|
Re: أحنُّ إلى خبزِ أمّي .... (Re: خضر حسين خليل)
|
ياخضر ..
يا طير يا طاير على طراف الدني لو فيك تحكي للحبايب شو بني يا طير و اخد معك لون الشجر ما عاد في الا النطرة و الضجر بنطربعين للشمس عبرد الحجر و ملبكى و إيد الفراق تهدني يا طير و حياة ريشاتك و إيامي سوا و حياة زهر الشوك و هبوب الهوا ان كنك لعندن رايح و جن الهوا خدني و لنو شي دقيقة و ردني يا طير
طبعا مشتاق غصبا عنك ..وبعدين ياخوى تلفوناتك ماشه وجايه فينا ولامرة وقفت عندنا ..غير كدا يعنى ماخليت ليك صاحب ماكتبتو فى بوستك بتاع الاوسكار ا لعملتو دا ..يعنى فيها شنو لو كتبتنا ..لعلمك انا احسن زول برفع بوستات ..كان ترشحنى للقصة دى ...
شكرا ليك ياذوق ...
| |
|
|
|
|
|
|
Re: أحنُّ إلى خبزِ أمّي .... (Re: Anwar Ahmed)
|
(*)
(عصيدة وملاح روب )
كانتا طلبي الأخير
قبل أن أغادر آخر مرة , ..
لا أظنني أحب هذه (العصيدة )
أو هذا (الملاح )إلى هذا الحد,
لكنني أظن أنني أردت أن أختبر
هل أنا مازلت أبن هذه العائلة ؟؟
ولي حق أن أشتهى وأطلب ؟
هل مازالت ( حاجة بدرية ) أمي رغم غيابي ..؟
أم أنني صرت كمزن السماء
أمومتها كل موسم
وحين تمطر..؟
مطرُ وجوُ ربيعي نادر ..
لم يحلو لهذا الربيع أن يحل ,
إلا يوم فراقي ل(لأمي) ..
تذكرته ..
حين كان يأتي
غائماً ومشبعاً بالأنسام , ..
أغراني بالعودة , ..
لم أستطع العودة
فقد أشفقت على (أمي )
من مشقة وداعي مرتين ..
أكلت ملاح الروب وحزمت حقائبي
وغادرت ...!!
_________________________ الرابع من مارس 2007
| |
|
|
|
|
|
|
Re: أحنُّ إلى خبزِ أمّي .... (Re: Anwar Ahmed)
|
انور احمد ياصاحب ..
اخبارك وامورك فى تلك الديار البعيدة .. واعتقد ان بعد تطوارت ماحدث بطرفكم اصبح حضورك هنا لماما لماما ,,,عموما شكرا كتير على الطلة..
امورك ان شاء الله ماشه تمام ..تحياتنا للمعاك ..
| |
|
|
|
|
|
|
Re: أحنُّ إلى خبزِ أمّي .... (Re: محمد عبدالرحمن)
|
في حضرة الأم يطيب الجلوس وما عايزين نعرج بي البوست لكن النصييييحة دي ما قدرتا ابلعا :
Quote: ثانيا : مشروع النفرة بتاع زراعة الشعر بتاعك وصل وين (شخصيا) متبرع ليك (بخصلة) كاملة |
تعرف يا قريبك شي مأخر إنك تعرس غير شعرك ده ماف .. المعاينات الأولية دائماً البيعملوها أهل العروس بتكون بي النظر للشعر .. ويا ويييييلو البيكون شعرو شعر خُلال وليس شعر مشط يا محمد ياخ انت زمان لمن يسرحوا ليك كنت بتبكي وتلم الغاشي والماشي قال سبيبة قاااااااااال ... هيييييييييييييييييييي يكا
| |
|
|
|
|
|
|
Re: أحنُّ إلى خبزِ أمّي .... (Re: عمر الفاروق)
|
طبعا ياجماعة مرة اتكتب بوست زى دا بتكلم عن الام .. والدنيا كانت (عيد ضحية) ..يجى ليك عمر الفاروق يدخل ليك البوست ..وهاك يا(جوعار) ..ياامى يالكنت بتخلى لى صحن (الشية) لما اجى ..وياامى ياالماكنت بتاكلى الا نحن ناكل ..شكلو عمر الفاروق فى اليوم داك (الاندومى) كانت كابسه على نفسو بالاضافة لذكريات الخروف اللهو بعيد منو دا ..غايتو اليوم داك انتحب جنس نحيب كلو فى (العضة) ..ديك كانت حالة (سعر) راسا عديل .. غايتو عاينت للبوست من بعيد خفت من ادخل ويلم فينى (يعضينى) ..وانا عارف يومو داك كان لم فى مصعب البلال ولاتمبس ومشى معاهم لمطاعم غبيرة كان ماكتب مداخلتو دى ..
وضيع علينا عمر الفاروق يومها تحت تأثير الجوع فرصة ان نتعرف على بت شيخنا احمد العجب الله يديها طول العمر ويحفظها ويغطيها ..
| |
|
|
|
|
|
|
Re: أحنُّ إلى خبزِ أمّي .... (Re: محمد عبدالرحمن)
|
Quote: وضيع علينا عمر الفاروق يومها تحت تأثير الجوع فرصة ان نتعرف على بت شيخنا احمد العجب الله يديها طول العمر ويحفظها ويغطيها .. |
جيتني في الوتر الحساس يا معفن .. أقول ليك حاجة ؟ والله شعرك راغب علامة بس
| |
|
|
|
|
|
|
|