|
Re: مصر لا تبداء من مصر الجديدة , انها تبداء من احجار طيبة (صور من نضال شعب مصر) . (Re: shaheen shaheen)
|
كل عين تعشق حليوة
و إنتي حلوة في كل عين
يا حبيبتي قلبي عاشق
و اسمحيلي بكلمتين
كلمتين يا مصر يمكن
هما أخر كلمتين
حد ضامن يمشي آمن ?
أو مِـآمن يمشي فين ?
..........................
شابة يا أم الشعر ليلي
و الجبين شق النهار
و العيون بحرين أماني
و الخدود عسل و نار
و اللوالي بابتسامتك
يحكوا أسرار المحار
يللي ساكنة القصر عالي
إيمتى يهناء لي المزار
كلميني يا صبية
طال علي َّ الانتظار
كلمتين يا مصر يمكن
هما أخر كلمتين
حد ضامن يمشي آمن
أو مِـآمن يمشي فين
.....................
قصرك المسحور غيلانو
أغبى من دود الغيطان
بعد مص الغصن الاخضر
ينحتوا عضم العيدان
و اللي خلى الارض خضرا
و اللي خلى الدار آمان
عاش بجوره ملو جوفه
مات بخوفه من الغيلان
طوّع الغلبان
ما قالش عن شقا العمر اللي كان
كلمتين بمصر يبقوا
هما أخر كلمتين
حد ضامن يمشي آمن ?
| |
|
|
|
|
|
|
Re: مصر لا تبداء من مصر الجديدة , انها تبداء من احجار طيبة (صور من نضال شعب مصر) . (Re: shaheen shaheen)
|
عن موضوع الفول واللحمة صرح مصدر قال مسئول
ان الطب اتقدم جدا والدكتور محسن بيقول
ان الشعب المصري خصوصا من مصلحته يقرقش فول !!
حيث الفول المصري عموما يجعل من بني ادم غول
تأكل فخده في ربع زكيبه والدكتور محسن مسئول
يديك طاقة وقوة عجيبة تسمن جدا تبقى مهول
ثم اضاف الدكتور محسن ان اللحمه دي سم أكيد
بتزود أوجاع المعدة وتعود على طولة الايد
وتنيم بني ادم خالص وتفرقع منه المواعيد
واللي بياكلوا اللحمة عموما حيخشوا جهنم تأبيد
يادكتور محسن يامزقلط يامصدر ياغير مسئول
حيث ان انتوا عقول العالم والعالم محتاج لعقول
مارأى جنابك وجنابهم فيه واحد مجنون بيقول
احنا سيبونا نموت باللحمة وانتو تعيشوا وتاكلوا الفول
مارأيك ياكابتن محسن .. مش بالذمة كلام معقول ?
| |
|
|
|
|
|
|
Re: مصر لا تبداء من مصر الجديدة , انها تبداء من احجار طيبة (صور من نضال شعب مصر) . (Re: shaheen shaheen)
|
الخواجة الأمريكاني
و السماسرة اللي وراه
تخنوا بالكذب ودنه
و عرضوله مقاس قفاه
فهموه من غير ما يفهم
ان سوق الشرق مغنم
و الخواجة بطبعه مغشم
و المصاري معفرتاه
حب يعمل فيها تاجر
و يطلق يسلب و ينهب
ف الزباين بالنهار
يحدف الدولار يلمه
تلتميت مليون دولار
بالقزايز و البنات
باللبان
و البومبونات
بالمدافع و الدانات
أو بأفلام الرعات
قول بقى تاجر و فاجر
و انفلت لص المواشي
رعب ماشي ف البلاد
يشفط البترول و يطرش
كل ألوان الفساد
عزرائيل من غير فرامل
يقلب العرسان أرامل
حتى ف بطون الحوامل
كان بيدبح فى الحياة
بالسناكي و الخناجر
و النهاية يا خواجة
من ف يوم كانت بداية ؟
البداية برضه لازم
بيجي يوم توصل نهاية
مهما زاد الرأسمال
الهلاك هو المأل
و التاريخ هو اللي قال
| |
|
|
|
|
|
|
|