|
أحمد عادل.. { روني } .الصاروخ الهلالي القادم بقوة
|
أجبرني هذا الفتي الذهبي علي فتح هذا البوست
فهو يبشر بنجم من جيل الافذاذ
جيل العمالقة
منذ تسجيله للهلال شق طريقه بثقة ...وأجلس عتاة المحترفين في كنبة الاحتياطي
ومن مباراة لاخري ...كانت بصمته تظهر بوضوح
أهداف قاتلة
وجميلة
وملعوبة
|
|
|
|
|
|
|
|
Re: أحمد عادل.. { روني } .الصاروخ الهلالي القادم بقوة (Re: yasir Abdelgadir)
|
ياسر تحياتى ..
الود شكلو من عينة ناس والى الدين والريح وطايشين القون الاحرزو فى جزيرة الفيل يؤكد انو الود يلعب بدماغو ويمتلك ذكاء كروى كبير ..جارى بالطرف والحارس اعتقد انو احمد عادل حايعكس الكورة قام طلع من المرمى لملاقاة الكورة قبل ان تصل لرؤوس المهاجمين وحين لمح خروج الحارس غير فكرته ولعبها فى المرمى مباشرة فى المكان الذى تحرك منه الحارس ..الحارس لاعرف يرجع لاعرف يواصل خروجو ..قوون ولااروع ..
شكلنا موعدين هذا الموسم بالمتعة ...وربنايحفظو ويكفيهو شر العين ..
| |
|
|
|
|
|
|
Re: أحمد عادل.. { روني } .الصاروخ الهلالي القادم بقوة (Re: محمد عبدالرحمن)
|
مبروووووووووووك فتوحلي وكل الاهلة الخلصاء
مبروك محمد عبد الرحمن
Quote: القون الاحرزو فى جزيرة الفيل يؤكد انو الود يلعب بدماغو ويمتلك ذكاء كروى كبير ..جارى بالطرف والحارس اعتقد انو احمد عادل حايعكس الكورة قام طلع من المرمى لملاقاة الكورة قبل ان تصل لرؤوس المهاجمين وحين لمح خروج الحارس غير فكرته ولعبها فى المرمى مباشرة فى المكان الذى تحرك منه الحارس ..الحارس لاعرف يرجع لاعرف يواصل خروجو ..قوون ولااروع .. |
كنت سأتحدث عن هذا الهدف ...فهو ليس فقط من شاكلة والي الدين او طاشين
انه نسخة من الرمح الملتهب علي قاقرين
وما اسعدنا ان نعيش و نشاهد رديف لعلي قاقرين
| |
|
|
|
|
|
|
Re: أحمد عادل.. { روني } .الصاروخ الهلالي القادم بقوة (Re: عبد العظيم احمد)
|
الولد لعيب دا وعاوز توجيهات
وصاعد بسرعة الصاروخ
لكن في الهلال دا مافي صواريخ
صاروخ هو ولا صالح نيالا البقى لاعب (الأتحادات) كل سنة في اتحاد جديد.
صاروخ هو الصادق تبري الضاع مابين المناقل ومدني
صاروخ هو ولا بخيت التاج
صاروخ هو ولا عبدالمنعم يوسف
بكره بنشوفوا في الخرطوم ثلاثة ويادار مادخلك حي
ابومصطفى
| |
|
|
|
|
|
|
Re: أحمد عادل.. { روني } .الصاروخ الهلالي القادم بقوة (Re: ALGARADABI)
|
Quote: دكتورنا الحبيب ياسر لاعب بقامة الهلال نحمد الله علي استقالة ماذدا عدو النجاح والهلالاب وقول للبالي بالك شوف ليك طمبجة غادي غادي الخانة خانتنا منذ الأزل لو عايزا تعال راجع |
حبيبنا القرضابي
ياخوي ناس المريخ ذاتهم معترفين انو طمبل الملياري دا اكبر مقلب شربوهو في حياتهم
طمبل ناقص هيثم مصطفي = زيرو
واحمد عادل + هيثم مصطفي= التوالي السادس
واستقيل يا......
| |
|
|
|
|
|
|
Re: أحمد عادل.. { روني } .الصاروخ الهلالي القادم بقوة (Re: yasir Abdelgadir)
|
مسألة احراز هدف في المريخ او العكس كانت مسألة همة جدا للقائمين بالامر في الناديين
يقال والعهدة لي الراوي...انه حينما حضر نفر من اهل المريخ بالسباح كيجاب ليسجلوه في نادي االمريخ ايام عهد شاخور رحمه الله...فسألهم الزول دا خانتو شنو؟ قالوا ليهو دا سباح ماهر ...فرد عليهم...والله لو قطع البحر الاحمر ماعندي معاهو شغلة...لكن لو بيجيب لي قون في الهلال هسي دا بسجلو
| |
|
|
|
|
|
|
|