|
Re: وين القون (Re: محمد عادل)
|
محمد عادل
اولآ يا اخى مبروك تأهل الهلال للمرحلة التالية من البطولة .. و لا شك ذلك انتصار طيب للكرة السودانية
ثانيآ بنعرف عظمة المريخ و عظمة الصفوة عندما يتحدث الهلالاب ( و بدون معترك ) عن الزعيم المريخ حتى و ان كان الامر لا يخص المريخ
ثالثآ لا ادرى ما علاقة نصر الهلال و قون احمد عادل ( لما كان فى الخرطوم 3 ) و الوضع الراهن لنفس اللاعب ؟؟؟
غايتو !!!!
تخريمة :
يا كجم .... الاهداء مقبول ، الا الفيك اتعرفت !!
| |
|
|
|
|
|
|
Re: وين القون (Re: KOSTA)
|
الاخ محمد عادل تحياتي بس بهدوء كدة ورينا الهلال عمل شنو للبلد عشان يكون سيدها ؟ كاس واحد ماجابوا من برة كيف يكون سيد بلد فيها فريق جاب اكثر من اربعة كؤوس من برة
مع تحياتي مجدداً لك
| |
|
|
|
|
|
|
Re: وين القون (Re: جمال السنوسي)
|
ياعزيزي جمال فرح بدون كاس فرح ناقص وماعندو طعم يعني شنو افرح فى التصفيات وفى النهاية ما أشيل الكاس والشرميطي ينومني زعلان ؟ ولو ثلاثين مليون دى حقيقي أستغلوهم لبناء استاد زي استاد المريخ على الأقل ,وسعيد جداً بمرفتك ياجيمي
| |
|
|
|
|
|
|
Re: وين القون (Re: معاوية محمد الحسن)
|
الحبيب معاويه الهلال لما يجيب كاس بجيب كاس ريادى كاس تاريخى ماكاسات المجاعه والدورات الرمضانيه وهو فريق الحركه الوطنيه وهو فريق الملايين ياحبيب
| |
|
|
|
|
|
|
Re: وين القون (Re: KOSTA)
|
كوستاوى مبرووووك ايضا ليكم التاهل والله الوصيف عارفين عظمة دائما بجى التانى قووووووون احمد عادل لما كان فى نادى الخرطوم هى بداية اهداف احمد التاريخيه ياحبيب وماتزعل احمد فى شهر 5 حجيب قووووووون بشعار الهلال
| |
|
|
|
|
|
|
Re: وين القون (Re: محمد عادل)
|
محمد عادل
اولآ انا كوستا و لست كوستاوى والذى نكن له كل الحب و المودة ( لكن لزوم نفك الاشتباك فى تشابه الاسماء )
اها ثانيآ يا اخى انا ما زعلان بالعكس مبسوط عشان الهلال و المريخ تأهلوا للدور الثانى من البطولتين الافريقيتين و عقبال ما يصلوا النهائى و يتوشحوا بالكأسات و هى ليست بالبعيدة علينا ان شاء الله ...
بس انا كنت بأطرح تساؤل : هل يمكن للهلالاب ان يفرحوا بعيدآ عن تناول سيرة المريخ ؟؟؟ و هذا ما لم اجد اجابة عليه ..
تحياتى
| |
|
|
|
|
|
|
Re: وين القون (Re: KOSTA)
|
الحبيب كوستا لك الود والاحترام سوالك حول الهلالاب يمكن يفرحو بدون سيرة المريخاب كده اسال مزمل ابوالقاسم وبتكون عندو الاجابه لانو لو سالو قالو ليهو الشمس تشرق وين يقول الهلال
| |
|
|
|
|
|
|
Re: وين القون (Re: محمد عادل)
|
عزيزي أبو حميد قلت الهلال لما يجيب كاس بجيب كاس تاريخي لكن متين الكلام ده يحصل ياخي الهلال عمرو قرب من الثمانين سنة ولسة ماشفنا الكاس الريادي والتاريخي ده وما أظن تاني الدنيا دي فضل فيها ثمانين سنة تاني عشان تجيبوا الكاس الريادي والتاريخي الرائح ليكم ده ،وكاس ماجبتوه زمن الأفارقة ماكانوا بعرفوا الكورة ماأظن تاني بعد ده تجيبوه ومع ناس الشرميطي ديل تاني تشموفوا وماتشيلوا زي ماالفكي قال ليكم . وبعدين يابو حميد كاسات المجاعة دي ماكسرتوا رقبتكم عشان تجيبوها وماقدرتوا عليها وأحسن مركز ليكم كان فيها الثالث يعني وصافة ماعندكم فيها وحتي لمن جابوالدورة ليكم فى الخرطوم دحدوح طفشكم منها وبالمنطق كده يامحمد ياخوي كاس ماجابوه ليكم ناس الدحيش وقاقارين والنقر عاوزنوا من ناس مهند ومرق وايفانوا. ودمت وعشت يامحمد وكم انا سعيد لمعرفتك ومحاورتك ياعزيزي محمد عادل
| |
|
|
|
|
|
|
Re: وين القون (Re: معاوية محمد الحسن)
|
الحبيب معاويه الهلال جاب سمعه افضل له من الكاسات ويذكر اكثر من الذين جابو كاسات الهلال وصل النهائى مرتين فى بطولات الكبار مابطولات الصغار ناس مهندس ومرق وايفانو بجيبو السنه دا كاس لكن الكلام فى ناس علاء الزهره وحبوبه العجب
| |
|
|
|
|
|
|
Re: وين القون (Re: محمد عادل)
|
أخي الفاضل محمد عادل.. ما زال باب التوبة مفتوح! اغتنم الفرصة وانضم للأحمر قبل أن يصبح الانتماء للمريخ كالانتماء للمنبر العام بسودانيز أونلاين يحتاج إلى تزكية وأحيانا فتح بوست! وما تنسانا من حق الحلاوة!
| |
|
|
|
|
|
|
|