|
|
|
 Re: بصراحة كدا...الحبشي أحلى من السوداني....!! (Re: قرشـــو)
|
الاثـيـوبية ســاحـرة...فـاتن...وأفضـل من الســـودانية !!!!!
(اذهبوا الى الحبشة فان بها ملك عادل لايظلم عنده احد)
.........
الفنان كمال ترباس بعمامته المهولة عند فندق (لالى بلا) يحدثنى عن الهجرة الاولى ويضيف من عنده بانهم= الاحباش= يستقبلوننا بالبشر والترحاب وبالصبا الغض...
ثم...
السيد صلاح ادريس يستقل طائرته ليحط عند قبر(المك) الذى ملأ الدنيا وشغل الناس لتضم رفاته ارض الحبشة وتحتويه وتوسده الباردة...تحفظ جزء عزيزا من تاريخنا والجدل مشتجر حول اتجاهاتنا صوب المتوسط وخليج العرب..
السودانيون.. خصوصا الذكور منهم تهفو قلوبهم تلقاء (اديس ابابا) وتحن.. وصديقى الفنان نادر خضر يحدثنى عن استقامة مزاجه واعتدال صحته وهو يغنى فى ارجاءها ومساءاتها و(النسيم الماش) ولاغرو..
فى جمعية الصداقة السودانية الاثيوبية شرفنى المحامى المخضرم عبدالمنعم عثمان بعضوية الجمعية ومسوولية امانة اعلامها والفنان عصام عبد الحفيظ فى الامانة الثقافية ليكون مشروعنا قبل سنوات ان نستنجز فلما وثائقيا (نبتة- آكسوم) نرصد عبر التاريخ والجداريات والفنون التشكيلية تلاقح حضاراتنا وتلامح الفنون بين بلدينا...
عصام عبدالحفيظ يعرف اديس ابابا جيدا وتعرفنا..
وهاانذا ألملم اطرافى ياعصام وطلال عفيفى واقول..
(اه منك يازمن النزوح) لاستكمل مشروع الفلم ...
اعود الى (ام در) والاثيوبية..رقيقة الحاشية ذات اعطاف نديانة وذات جيد بعيد مهوى القرط..ودودة...ساحرة..واشد فتنة واغراء..ناصعة المظهر نقية المخبر..تتلطف بى وبامثالى دون ان ترهقنى من امرنا عنتا ومشقة..قليلة الكلام سوى انها مبذولة فى العطاء..لاتتنكب الطريق ولاتخون..تحفظ مالك ونفسك والمواقيت..تمشى على مهل وتطيعك على عجل..
اما السودانية...حدث ولاحرج..!!
لكنى اعود الى الوطن فى صحبتها....الحبشية..
وتلك رفقة مأمونة..
بورداب الخرطوم...هل مايزال مكانى شاغرأ؟؟
مودتى وتقديرى
| |
 
|
|
|
|
|
|
|
|
Re: بصراحة كدا...الحبشي أحلى من السوداني....!! (Re: mamkouna)
|
تعرفي يا ممكونه بسبب (معَزَّتنا) لأهلنا الأثيوبيين أصبحنا نستعذب حتى أغانينا على ألسنتهم ال
(ظريفه) ، هناك عدة أمثلة يمكن إيرادها في هذا الإتجاه كأغنيات خوجلي عثمان ووردي وترباس إلخ..
وتاريخيا كانت هناك ألحانا ك (عزه في هواك) بصوت تلهون قسّسَا و( المانسونا) بصوت الراحله بوزينيش
بِكِيلا أصبحنا نطرب لها أكثر ولا أدري سر تلك (الريده) المتبادله، وأقول متبادلة لأني لحِظت أنه لايخلو
محل لبيع الأشرطة في أديس أبابا من الأغنيات السودانية وأما ال(ديسكو) وأماكن الغناء فالأعمال
السودانية دائما حاضره فيها، من الأشياء الجميلة أيضا أن أهلنا في موريتانيا يؤدون كثيرا من
الأغنيات السودانية لسيد خليفة ووردي وبلكنة محببة، و(محببة) هذه مصدرها حاجات تانيه غير الغناء
الله وحده أعلم بها. طبعا يا ممكونه انتي صغيرة السن والضرس لكن زمان كان بيزورو مسارحنا صوماليات
واحده اسمها حليمه والتانيه اسمها سعاد، كنا بنحب نسمع غنانا عندهم وكانوا بيعملوا في حرف العين
عمايل غريبه، لكن أحمد ربشه (رحمه الله) كانت الأغنيات السودانية تسكر وهي آتية من نواحيه ووالله كانت
تطربني (حان الزفاف) عنده أكثر من هاشم الذي أحبه حد التلاشي.
غايتو القرن الأفريقي دا ما عارف سِرُّو فينا شنو،
الرقيبه قزازة أسير، الأُويون مِتل الفناجيل والسنون برّاقن يشيل ....إنت ريهتك ريهت الفرير ولا بت
السودان أسيل ياقمر بوبا أليك تقيل.
بس تاني العناوين البتجيب المشاكل دي خليها ، وبرضو نحن الساس .. عاش الكابلي
| |
|
|
|
|
|
|
|
|
|
Re: بصراحة كدا...الحبشي أحلى من السوداني....!! (Re: mamkouna)
|
انا غايتو قت بس اقول كدة:
| Quote: تعرفي يا ممكونه بسبب (معَزَّتنا) لأهلنا الأثيوبيين أصبحنا نستعذب حتى أغانينا على ألسنتهم |
Quote: تصوري الفداحة التي كانت
ستنتج لو كان الكورس مصري! |
| Quote: غايتو القرن الأفريقي دا ما عارف سِرُّو فينا شنو، |
| Quote: مشكورة لكن دى ريدة حبش ساى يا زولة |
| |
|
|
|
|
|
|
|
|
 Re: بصراحة كدا...الحبشي أحلى من السوداني....!! (Re: نادية عثمان)
|
ملاحظات في الاغنية التانية ..
اللحن الاثيوبي طاغي جدا ..
فيكـ رايح بالي .. تفداكـ الروح
أظهر لا تبالي .. يا غزال الروض
حرف الحاء منطوق بصورة جميلة جدا لا يجيدها الامهارة ..و يجيدها التقّراي ..
مع عدم مقدرتهم لنطق حرف الغين في كلمة يا غزال و الضاد في الروض ..
نعمة النطق بلغة الضاد ما ساهلة نحمد الله عليها ..
و الزغرودة الاثيوبية الشبيهة بصيحة المقاتلين 
_
نادية
اخوكـ قاعد مرابط هنا ياخ منتظر يجيبوها ما جابوها لي هسي اعمل شنو !!
| |
|
|
|
|
|
|
|
|
|
Re: بصراحة كدا...الحبشي أحلى من السوداني....!! (Re: فيصل نوبي)
|
كيفِك يا ممكونة ..
بعد العودة مرة أخرى الي هذه البوست الظريف .. راودتني خاطِرةٍ ما .. فأردت التعبير عنها..
استغرب إنو اخوتنا الاثيوبيين ديل .. رغماً عن حضارتهم الضاربة في العراقة ..
والعديد مِن خصالهم الإنسانية السمحة .. وليس اقلها بالطبع الوضوح .. والمُباشرة ..
والصِدق في التعامل الإنساني عموماً ..
إلا إنو نظرتنا ليهم عموماً هي نظرة سالِبة .. وفي هذا بالطبع خطأ مِن جانبنا ..
ولا ادري السبب المؤسس عليه هذه النظرة! .. ربما هي القناعة البائنة لديهم ..
ولين الطبع الاصيل فيهم .. مما جعلهم دوماً يرتضون مِن مقامات المسائل الحياتية بالادوار الثانوية ..
خصوصاً في مهاجرهم .. فهم عموماً شعب راقي .. ولكنه غير محظوظ .. كما نحن تماماً
والا رايِك شنو؟
تقديري يا ممكونة
| |
|
|
|
|
|
|
|
|
 Re: بصراحة كدا...الحبشي أحلى من السوداني....!! (Re: mamkouna)
|
متمكنة ..
والله بقيتي شاطرة عديل كدة ..
عليك الله وريني استاذك دة دربو وين ... باقي اختك بليدة شديد ..
وكل ما اجي اعمل الحاجات دي الا استعين بصديق .. معذباهو معاي عذاب الهدهد...
الاغنية مع الكورس الاثيوبي .. طعم غير ...
يديك العافية ... وكتري لينا النغمات ..
| |
|
|
|
|
|
|
|
|
|
Re: بصراحة كدا...الحبشي أحلى من السوداني....!! (Re: mamkouna)
|
ممكونه ....
ماعليك إلا أن تعملى update لل realplayer عندك لل version 11.0.2, Helix poweredوتلقائياً ستجدى أعلى ال youtube لوحه صغيرة بيضاء مكتوب عليها download this video كل المطلوب النقر عليها وسينزل عندك ال clip إنشاء الله
مع تحياتى ...لكل المشاركين
| |
|
|
|
|
|
|
|
|
|
Re: بصراحة كدا...الحبشي أحلى من السوداني....!! (Re: mamkouna)
|
حبكم للاثيوبين دة ذكرنى حكاية صديقة وجارة لى ماشة السودان الطيارة من كندا مشت هولند ومنها اثيوبيا قالو ليهم فى مشكلة حتبيتو يوم هنا ,ومن كندا معاها سودانى فرحان ماشى السودان عشان زوجتة ولدت ليه ولد ودة الطفل البكر الزول عريس ليهو سنتين بس ومشغول على الام والطفل ومن جابو سيرة المبيت فى اثيوبيا صاحبتى قالت السودانى دة بجن لانه مستعجل وشفقان على مرتو ونفسو يشوف الطفل ,اها الراجل
جاها ينطط من الفرح لامن اتخلعت والبص ماشى بيهم من المطار للفندق والراجل يتلفت يمين وشمال وفى شوية شجيرات ما يجن حشيش قدام برارى كندا قعد يقول ليها الله الله الله شوفى الجمال دة يا الله ايه الروعة دى يا سلام بلد لكن جمال خلاب والبت تعاين يمين وشمال وقالت لى يخربة بلد التابة الا الراجل شايف شئى انا ما شايفاهو قالت لى رسلتو يجيب لى بسكويت للشفع مشى ما رجع لى تانى يوم ويشيل نفس ويخت نفس بلد لكن مبالغة لكن ,بس دة الحاصل لى كل السودانيين.
| |
|
|
|
|
|
|
|
|
 Re: بصراحة كدا...الحبشي أحلى من السوداني....!! (Re: mamkouna)
|
هادية..
شريط كابلي و هادية لا يُعلى عليه..
لكن دا كمان نكهته مختلفة...فيهو مَحنٌة و رقة شديدة...
عليك الله ما أطربتك (( الجيم )) في زينة و عاجباني..؟؟!!
----
قلتِ لي الراجل مشى يجيب البسكويت...ما جه إلا تاني يوم...؟؟!!!
ياجماعة ما تبقو سييء الظن...يمكن إنتظر لمن خبزوهو!
---
| |
|
|
|
|
|
|
|
|
|
Re: بصراحة كدا...الحبشي أحلى من السوداني....!! (Re: mamkouna)
|
او كما قال الامايو:
"قلبى يا هبيبى قلبى يا نسيبى"
وللحاء والصاد نصيب عند احبابنا الامهرنجة يا ود المرتضى
| Quote: بالله يا ممكونه الكابلي مش غنّاي؟ والعجب كان شهق... العنايه المركزّه |
هى شهقة تنسى الوقار ... وتتعب القلب المعنى..
نورالدين منان
| |
|
|
|
|
|
|
|
|
 Re: بصراحة كدا...الحبشي أحلى من السوداني....!! (Re: mamkouna)
|
Quote: استغرب إنو اخوتنا الاثيوبيين ديل .. رغماً عن حضارتهم الضاربة في العراقة ..
والعديد مِن خصالهم الإنسانية السمحة .. وليس اقلها بالطبع الوضوح .. والمُباشرة ..
والصِدق في التعامل الإنساني عموماً ..
إلا إنو نظرتنا ليهم عموماً هي نظرة سالِبة .. وفي هذا بالطبع خطأ مِن جانبنا ..
ولا ادري السبب المؤسس عليه هذه النظرة! .. ربما هي القناعة البائنة لديهم ..
ولين الطبع الاصيل فيهم .. مما جعلهم دوماً يرتضون مِن مقامات المسائل الحياتية بالادوار الثانوية ..
خصوصاً في مهاجرهم .. فهم عموماً شعب راقي .. ولكنه غير محظوظ .. كما نحن تماماً
والا رايِك شنو؟ |
الأخ العزيز..عبد الرحمن عبد الله..
الشعب الأثيوبي شعب مضياف..مرحاب...مُسالم..مبتسم..متحضر..
جميل الدواخل و جميل الملامح و القسمات...
و الأهم ..و دي معلومة معظمنا يجهلها..
هم شعب شامخ ...يمتاز بدرجة عالية من الأنفة و الكبرياء.
و تنطبق هذه الصفات على رجاله , نسائه و أطفاله.
لكن زي ما قلت إنت...نظرة السودانيين ليهم دايماً سالبة..
يا إما نظرة دونية..أو نظرة متشككة حذرة.
أقترح أن نضيف نظرتنا السالبة للأثيوبيين لعاداتنا الضارة..
و نعمل ندوات لمسح هذه الصورة الغير حقيقية من أذهان البعض.
أنا متطوعة من حسي!
| |
|
|
|
|
|
|
|
|
|
Re: بصراحة كدا...الحبشي أحلى من السوداني....!! (Re: mamkouna)
|
يا خوانا خلونا من الجاي والجاي ..
ما ملاحظين الكابلي زااااتو منشرح كيفن ... ومتداعي في التطريب ..
لكل مقام تطريب ...
يا خوانا ما أحسن تطبيعنا وتكاملنا يكون مع الأثيوبيين ديل بدل الفراعنة ..
يا إما يسودنوهم ..
أو يحبشونا أو يهبشونا ...!!!!!!!!!!!!!!
حسب الآكسنت ..
| |
|
|
|
|
|
|
|
|
|
Re: بصراحة كدا...الحبشي أحلى من السوداني....!! (Re: mamkouna)
|
ASHRAF TAHA
لـكن ما اهداءاتك عينة 
mamkouna
بوست جميل وابداع اجمل
--
وطيناس طلينج ( من غير شهقة)
--
نادية
راجين الانجيرا بالزقني ..ومتابعينك من خلال الشاشات المنيرة
الله يديك العافية ..حلقة الامس امتعتني ببذخ النقاش والطلة الحلوة والخفيفة ..والموضوع الشيق والمميز عن ( صحافة الإثارة ) ..والى الامام دوما ايتها الرائعة
محمود
| |
|
|
|
|
|
|
|
|
 Re: بصراحة كدا...الحبشي أحلى من السوداني....!! (Re: mamkouna)
|
.
..
كوي نار الأبلوووووود.. واضح يا ممكونة من حجم الملف 
بما انه الاغنية عجبتني ؛ أسمحو لي أكتبها هنا ..
فيك يا مروى شفت كل جديد
فيك شفتا عيون لعبو بى شديد
وانكويت بالنار من زهور فى خديد
مهما زاد وجدى ما بسي الريد
لانو قلبى حنين وبعشق التغريد
بى محاسن الكون بى جمال الغيد
يلا نمشى النيل فى اواخر الليل
بين رمال ونخيل يغنى لينا جميل
بوبا عليك تقيل القمر بوبا
يا مريسيل تعال بوصيكـ
فى الرمال الصيد بلاقيكـ
لو بعزمك ويعتلق بيكـ
قولو حالف ما بباريكـ
وما بدليها التهمة فيكـ
جيت مارى العصير
لقيتة تملا فوق بير
الرقيبة قزازة عصير
العيون متل الفناجين
الزراق فوقة تقول حرير
الضمير عاج التكارير
السنون براقن يشيل
وانتة ريحتك فرير
ولا بت السودان اصيل
شوف فلانة الواردة وحواء دخلت
سكنت قلبى من جوه
واتغابت فوقو الخوه
تحكى خطو الريمه العايرة
على نغم الساقية الدايرة
تغنى ليها تقول
والله ظلم لينا ظلم
يا ناس القوز علينا ظلم
الشال السيدة وخلا حرم
سفر التلات والله عدم
سعينا الريد جنينا حكم
وقلنا الحب والله قسم
متين يا الساقية نترك النوح
يجينى قميرى يقولى نروح
نزور الشوفتو ترد الروح
حبيبى السادة خفيف الدم
فيك يا مروى شفنا كل جديد
فيك شفنا جمال كل لحظة بذيد
يزبى وجدانى وبى حلاتو اشيد
وان نسيت ما نسيت يوم لقيت الصيد
ساهى فى حسنو وبى غناهو سعيد
كم اضاع صبرى
بالحلة تنورى يا الحلة تنورى
يا بنية تنورى حاااشاك تتغيرى
قسمى الشبال كترى لى قلوب الناس كبرى
ويا عيونى اتصبرى
فيك يا مروي..شُفتَ كل جديد
_
وده إهداء للمكونات الصغيرات
_
أعفي لي الاحتلال القسري ده يا ممكونة أختي ..
| |
|
|
|
|
|
|
|
|
 Re: بصراحة كدا...الحبشي أحلى من السوداني....!! (Re: mamkouna)
|
العزيزة ممكونة..
سلامات وتحايا
بوست جميل بجد.. وكل يوم أقتنع إنه الكابلي ده مالوش حل.
وشكرا كتير نوبي..
| Quote: بصراحة كدا...الحبشي أحلى من السوداني |
بلا شك..
ويسلملي خال فاتنة..
البيدرًج الآتـلـة..
* رجا في دور إنها من متمة الحبشة مش المتمة الهنا ..
| |
|
|
|
|
|
|
|
|
|
Re: بصراحة كدا...الحبشي أحلى من السوداني....!! (Re: Raja)
|
اي سوداني في جواهو اثيوبي او الاصح حبشي
ممكونة لك الجمال يمشى بكراع اثيوبية
والاغنيات السودانية اجمل ما فيها هذه الايقاعات
الحبشية - الساكسفون والطرمبيت والدنقا والدرامز-
واللغة الامهرية وفي اسمرا التقرينجا والتقراي
وفي السودان (الحفتي) لكن الطعم الحنين معجون
وياليت اخونا عماد عبدالله يجي هنا لانه هو ادعي انا
من سكان الديوم الشرقية التي تمردغت في الشوف الحبشي
والنوبي هذا اجمل كلمة التقطها مع الاغنيات المحندكة
وبلغة الامهرا (كونجو) وياريت الاستاذ ابوبكر الحلفاوي
يجي يعمل مقاربات لغوية في كلمات مثل كونجو الامهرية
والتي تعني الجميل ، اذ قال الزول الجميل - وانا احب
هذا الفيصل النوبي لوجه الله وانا صادق لانه ذواق ، بدون
سربعة يا نوبي يعني ما زواغ -
كلمتك (و الزغرودة الاثيوبية الشبيهة بصيحة المقاتلين )
لانك تعرف ان تلك الشعوب معرفة اكثر من دكتور جعفر ميرغني
صدقني ... وكلماتك عن انواع الاطعمة ... واثيوبيا استقبلت
كل ثورات الحركة السياسية السودانية ... انا قاعد هنا
| |
|
|
|
|
|
|
|
|
|
Re: بصراحة كدا...الحبشي أحلى من السوداني....!! (Re: mamkouna)
|
الأخوات العزيزات...
عواطف إدريس..
هادية بدر الدين..
نادية عثمان..
سناء جعفر..
الجندرية..
سلمى صبحي..
آمنة مختار..
رجاء العباسي...
----
الأخوة الإعزاء..
قرشو..
حسين ملاسي..
محمد المرتضى حامد..
محمد عكاشة..
عبد الرحمن عبد الله..
باشمهندس أبو بكر سيد أحمد..
معتصم الطاهر..
أشرف طه..
سوركتي..
أبو العزائم أبو الريش..
بشير أحمد..
شمس الدين السنوسي..
المكاشفي الخضر الطاهر..
منان..
عثمان دغيس..
خالد العبيد..
محمود أبو بكر..
ياسر عدوي..
زول ساكت..
متولي مالك..
مصطفى سري..
عبد العزيز عيسى.
و سيد شباب البوست..الأخ الكريم جداً جداً..
فيصل نوبي.
مشاركاتكم/ن مُقدٌرة ,,, و وجودكم/ن أضفى جو جميل على البوست.
أمنياتي أن تتمتعوا بالأغاني.
| |
|
|
|
|
|
|
| |
mamkouna
قرشـــو
Hussein Mallasi
عواطف ادريس اسماعيل
محمد المرتضى حامد
محمد عكاشة
عبدالرحمن عبدالله
abubakr
فيصل نوبي
معتصم الطاهر
ASHRAF TAHA
sourketti
محمد أبوالعزائم أبوالريش
بشير أحمد
الجندرية
Shams eldin Alsanosi
المكاشفي الخضر الطاهر
Mannan
salma subhi
AMNA MUKHTAR
خالد العبيد
محمود ابوبكر
ياسر عدوي
زول ساكت
Mutwali Malik
Raja
مصطفي سري
Abdlaziz Eisa
woroorrook
فيس بوك
تويتر
انستقرام
يوتيوب
بنتيريست