|
|
|
 Re: الشقيق مكي محمد الحسن رزق بشهد (Re: سلمى الشيخ سلامة)
|
المكى سلامات يا حبيب ويا شقيق عشان اهلك المراغنة ما يزعلو مننا,,,
الف مبروك وجعلها الله من بنات الوطن الصالحات رغم ميلادها فى المهجر,,
تتربى فى عزكم يا حبيب,,,,وسلامى لكل الأسرة وأدينا خبرك,,,
تخيل القلعة كانت عامرة فى عيد الأضحى,,,
بطة وإيهاب جعفر وأبوصلاح ومساح والله زمان ياخال,,,
تحياتى و10000 مبروك.
| |
 
|
|
|
|
|
|
|
 Re: الشقيق مكي محمد الحسن رزق بشهد (Re: بكرى الخليفة الكتيابى)
|
شكراً جزيلاً ( ابو أحمد ) بكري الخليفة الكتيابي
وعبرك شكراً موصول الي جميع الاخوة في سودانيز أون لاين
ونخص منهم الاخوة والاخوات
أمير عوض الجمري
وتحياتنا للمعاك يا أمير ..غايتو لو حبيت تزورنا وتشوف صاحبك بكري تعال أحضر السمايه..
أنعام عبد الحفيظ
تعرفي يا انعام الزمن بمر كيف ؟؟؟
لحدي قريب ده كلما أشاهد شريط الفيديو .. افتكر انو لسع لشباب
أها قام ربنا رزقنا بي ( شهد ) جاني شعور غريب كده .. فيهو احساس بي شباب
ومخلوط بي جدية ...شاكرين مرورك والتهنئة بس ما عارفين نرسل ليكم كيف للسمايه..
ماجده عوض خوجلي
الف الف مبروك ليك انتي أولاً الزواج وان شاء الله سعاده وصحة وعافية ..
وتحياتي للوالده الحاجة جاره عثمان والاخوات ..ما تجونا في شهر العسل هنا ؟؟
سلمي الشيخ سلامه
أستاذتي العزيزه ما عندي كلام لكنني أظن بأن ( نفحات الصباح في يوم الجمعة
الموافق 4 ابريل 2008 الساعة الثامنة والنصف كانت ....شهد
لك الشكر وعقبال عازه ان شاء الله ..
ايمن الطيب
يا الحبيب والشقيق والاخ وود الحلة لقد أضفنا ( لشلة القلعة عضوه ...مع زميلاتها
بنات ايهاب وبطه وخالي المساح وقريباً عثمان ان شاء الله ...بس دردق لينا صلاح بري ..)
تسلم يا غالي وتحياتي لاسرتك في الدوحة..
الحاج حمد الحاج
لك الشكر أخي الحاج حمد وان شاء الله لما نجي معمرين نزورك في بيتك ونصلي معاك في الحرم
...امكن نعقد ليها هناك؟
الزوول
يا رائع تعال لي وانا قلبي ضائع ..تعال لي ..
ما تصدق الاغنية دي ليك دي للعريس البتجيبوا ليها..
كرت المعايدة ده روعة فنية يا فنان ..
أيمن تابر
يا قريبي ..شهد بالميلاد كندية لكنها ( شايقية) علي ابوها ..دي في سرك كده ما تسمعنا امها..
واغني ليك ..مني قلبي عقبالك يا راسي يا زين..
مرتضي الكجم
ربنا يقدرنا نرد ليك سلامك وتحياتك يا ملك ..
يحي ابن عوف
ايها المرهف الشاعر الانسان ..بالله عليك ما تنقطع ومتابعين بوستاتك ..
تعرف يا قريبي كثيراً ما حدثت الاخوان هنا عنك وعن شعرك الجميل ..تسلم
وربنا يحقق ليك الفي مرادك
محمد الشيخ سليمان
انها ماكوك آخر .. ربنا يرزقك بي ما تتمناه ..لك وزوجتك وللاحبه والاخوان والاخوات في الرياض
الف تحية وشوق ..وان شاء الله (شهد) شهادة طلتك ..
الخليفة ود محجوب
والله يا دكتور ما عارفين نعمل في السمايه شنو ؟؟؟ بكري الخليفة والاخوان من الخلفاء هنا
قالوا نقرأ ليها المولد..
اها سألناكم الفاتحة في ليلة الاثنين أو الجمعة ..وادعوا ليها ولامها ( غاده ) ..
شكراً
اسمهان هاشم
كلمت ليك أم ( شهد ) بالحوار الجميل الذي كان بيننا في الما سنجر وبتسلم عليك ..
عقبال ما نفرح بي ( جنياتك )..
ايها الاحباب سوف ارسل لكم الصور عن طريق بكري الخليفة او عبر البريد ان شاء الله
لكم جزيل الشكر ..والسلام
ابا شهد
| |
|
|
|
|
|
|
| |
بكرى الخليفة الكتيابى
امير عوض الجمري
انعام عبد الحفيظ
ماجدة عوض خوجلى
سلمى الشيخ سلامة
أيمن الطيب
الحاج حمد الحاج
الزوول
Aymen Tabir
مرتضى الكجم
يحي ابن عوف
mohamed elshiekh
ود محجوب
Mekki M Alhassan
مجدي عبدالرحيم فضل
Muna Khugali
فيس بوك
تويتر
انستقرام
يوتيوب
بنتيريست