|
*** بعد غياب 4 سنين الاربعاء القادم سنعبر المالح الى الوطن ***
|
الاصدقاء الاعزاء تحايـا وود بعد اربعه سنين من الغربه ... اخيرا سنعبر بحر المالح الى سواكن يوم الاربعاء القادم ولكل اهل الشرق الوطن سنكون ببورسودان ليوم كسلا يوم الشواك مرتع صباي يوم ومن هناك الى الخرطوم ... كما يسرني ان ادعو بورداب الخرطوم لحضور حفل زفاف شقيقتي لاحقا اعلمكم بالتاريخ والمكان .
وجينا ليك والشوق دفرنا يا نشوق روحنا ودمرنا ياالمحطات الحنينه القصرت مشوار سفرنا ...
|
|
|
|
|
|
|
|
Re: *** بعد غياب 4 سنين الاربعاء القادم سنعبر المالح الى الوطن *** (Re: معتصم ود الجمام)
|
ود الجمام تصحبك السلامه , وانشاء الله تلقى السودان والاهل فيهو كلهم بخير .
ويابختك والله , أنا نفسى من زمن أتمطى فى شارع بورسودان الخرطوم ده وأتنسم هواء السودان ده من بورسودان مرورا بسنكات ودرديب وهداليا وأروما وكسلا والقربه والقضارف وأرض البطانه ومدنى وهساهيسا والخرطوم ثم أم دررررررررررررررمان ,, يالها من رحله ,,,,,,,,
بختك , سعيد والله ,, تحياتى ,,
| |
|
|
|
|
|
|
Re: *** بعد غياب 4 سنين الاربعاء القادم سنعبر المالح الى الوطن *** (Re: معتصم ود الجمام)
|
أهو نرحب إمكن نطلع لينا بهدية...
المصاحف هنا علي قفا من يشيل يامعتصم.. خلي بالك..
......................
ومراحب بيك في بلد الخليل.. ومهيرة.. والخاتم عدلان... وقرنق.. ومحمود عبد العزيز، وكل الجميلين..
معزوم من دلوقت علي حسابي علي قراصة بالدمعة، وكسرة بملاح تقلية..
ولفة في العصرية في جناين البلدية..
وطنا .. البإسمك كتبنا ورطنا..
حبابك ،، وحرم حبابك..
وتستحق الضبيحة تب..
غلامابي..
بس
| |
|
|
|
|
|
|
Re: *** بعد غياب 4 سنين الاربعاء القادم سنعبر المالح الى الوطن *** (Re: معتصم ود الجمام)
|
Quote: الخال مامان تحايا وود يصلك سلامك لجميع الخيلان سنحاول ندردق الخال عثمان لو يدندن لينا شويه بالعود ونسجل ذلك ... تسلم |
ياريت تقدر تدردق خالك عثمان وتسجل منو حتى لو أغنية واحدة... بعد رجوع محمد كرم الله بدينا نتشجع لرجوع قدامى المبدعين... وحاول خليهو يغني ليك (بريدن لي شقاي زادن)... بالمناسبة أنا احتفظ بشريط سجلناه عام 74م في ديوان جدك المرحوم سليمان ، غني فيهو عثمان ومحمد ود المساعيد والفنان الكبير ادريس ابراهيم ومحي الدين اليمني
| |
|
|
|
|
|
|
Re: *** بعد غياب 4 سنين الاربعاء القادم سنعبر المالح الى الوطن *** (Re: saif massad ali)
|
انت لسه قاعد تتكلوج؟ ماوصلت؟ اقطع بحر المالح ده وتوووووش طوالى على الشواك وحى الرى وسلم لى على رمضان قربه والاطرش بتاع الطاحونه وال سلطان كلهم وال فرح الملك وحلة بشاره وفج النور ولا لمبا ومرقوبه ووووووووووووووووو...
تحياتنا لكم ولاريج ولمرهف ومبرووك مقدما لاختنا العزيزه منال وربنا يتم ليها على خير وتحيه خاصه جدا لامنا كلنا (امنه على)امنه سليمان ومصعب ومرتضى والحاج على سيدا احمد.. وتحيه خاصه لكم جميعا من صديقك صالح ابراهيم.
| |
|
|
|
|
|
|
Re: *** بعد غياب 4 سنين الاربعاء القادم سنعبر المالح الى الوطن *** (Re: ضحيه ابراهيم)
|
العزيزة انتصار اشكرك شكر ماليه حدود وتسلمي ويسلموا اهلك لو احتجنا حقيقي ليك سنرسل لك رساله على المسنجر ولك الود الاخ سيف تحايا وود تشكر كثيرا على امنياتك الطيبات دي ونشاركك افراحك انشاء الله
ضحيه ود حلتنا كيفك يا رجل .... توصل تحياتك لكل اهل الشواك وتلك البلاد الجميله واهلها الطيبين ... تحياتنا لصالح حريكه ولاسركم لكم الود ...
| |
|
|
|
|
|
|
Re: *** بعد غياب 4 سنين الاربعاء القادم سنعبر المالح الى الوطن *** (Re: معتصم ود الجمام)
|
العزيز أدروب
التحيات ليك وللأسرة بدون فرز مبروك السودان .. وعقبال امريكيا ذاتها.
كنا طمعانين نودعكم لكن وحات الخوة قفانا أعوج، ومنتظرين الولد الجديد، وحزمة من التفاصيل المابتغباك، عليك الله لو إستقر بيك المقام في الخرطوم أدينا خبر عشان الوالدة نفسها تشوفكم.
آخر مرة لقيتك في بوست عن أنس العاقب قلت أكتب معاك وإن شاء الله محدش حوش، لكن فجأة لقيتك في سواكن!! فقلت: عقبالنا
سيف اليزل
| |
|
|
|
|
|
|
Re: *** بعد غياب 4 سنين الاربعاء القادم سنعبر المالح الى الوطن *** (Re: معتصم ود الجمام)
|
الأخ/ العزيز معتصم ود الجمام،،، لك و للجميع خالص التحايا ...
منتظرين أخبار الأهل و الزواج .... (بالرفاه ..والمال و البنين)
هنا فى قطر : كثيرين من غير الأعضاء يتابعون البوست بإهتمام إهتمامهم نابع من الوقوف على تجربتكم و الإستفادة من المعلومات عن الطريق و المنصرفات و العقبات - و أنا منهم فيهم من خاض التجربة - تجربة السفر بالبر بالسيارة من الدوحة الى الخرطوم بعد الإستمتاع بالعمرة و زيارة المصطفى ومنهم من هو جديد يخشى الكثير و سمع الأكثر
حملونى بعض من الأسئلة لكم و لمداخليك حسب الإختصاص: - الإستثناء للسيارات اللاندكروزر ما زال مطلوب من المغتربين/الجمارك؟ - السيارة التى دخلت/خرجت من ميناء سواكن قبل سنتين عليها اى مآخذ؟ - الرسوم المطلوبة من جدة/العبارة/ميناء سواكن/ رسوم مرور؟؟ - أسماء و تلفونات فنادق سواكن التى مأهلة للعوائل؟ - الطريق الجديد ، مطروق سهل أم قصير مزدحم خطر؟؟ محطات مأهولة تناسب العوائل؟
أبوبكر منطقة سواكن حقتكم و ممكن تفتوا كفتوة مالك 0فى المدينة)...
نتابع و نعود
ش
| |
|
|
|
|
|
|
|